عبر الجات روم (بريشة شجـ الليل ـون )

[شجون الليل]

حبيت اكتب قصه من تاليفي
وهي بدايه :marsa118:
----------


عبر الجات روم



الفصل الأول

( وحش الغابة)





الليل قاتم.. وأصوات الذئاب تملئ أرجاء الغابة.. أكاد اسمع دقات قلبي.. أتلفت يمين ويسار لعل وجشنا سيخرج لي وينقض علي في أي لحظه.. او وشق يترصد بي قد يجهز علي من بني الأشجار.. أني أرى ضوء خافت يتجه نحوي..

دريم جير وبصوت مرتجف خافت:: منووووووو هنااااااااك..

الصمت ساد المكان والضوء يزداد ويتجه نحوها شيا فشيا

وتعالت صرخات دريم جير على صاحب الضوء: منووووووو انت.. منوووووووووو انت..

أرادت أن تهرب لم تستطع.. كان حمل اثقل كاهلها فتسمرت قدماها .. أجهشت بالبكاء والخوف.. جلست على الأرض الباردة.. فتكورت أغمضت عيناها وهيه تتمتم بعض الآيات القرآنية من المعوذات الثلاث وآيه الكرسي: ااعوذ بالله من الشيطان الرجيم بسم الله الرحمن الريحم.. يالله مايكون يني يظهر لي.. يالله يكون واحد من الاهل.. يالله طمن قلبي يالله طمن قلبي ..

تقدم هذا الشيء المضيء حتى وقف أمام دريم جير.. أحست بالخوف الشديد لم تستطع المكوث مغمضه العينين .. فتحت عينيها من الخوف إذ رأت مسخا شنيعا طحلبي اللون.. بشع المنظر كان براغيث تخرج من أسنانه القذرة الملطخة بالدماء..

لم تسطع المكوث أمام هذا المسخ المتحرك فهلعت للهروب لكن انقض عليها المسخ.. وغرس يده في صدرها.. كأنه يبحث عن شئ مخبأ له.. اخذ يعتصر قلبها وانتزعه من صدرها و أكله أمامها..

صرخاااااااااااااااااااااااااااااااااااااااااااااات تعالت في أرجاء الغابة المعتمة.. أحست بان جسدها يهتز وكان أحد خفي يمسك بها يريد ان يأكل من جسدها قسم آخر.. تحاول الهروب والقتال.. ضربات وركلات طائشة.. تتطاير منها .. تريد الهروب من هذا الكابوس.. وفجاه سقطت في بئر عميق.. مازالت مغمضه العينين... فسمعت صوت أنين فتاه صغيره يخرج من تحتها... لما فتحت عينيها..

الفاجعة!!!

إذ ترى أختها الصغيرة نوني تتألم تحتها.. فنهضت مسرعة وبصوت مبحوح: نوني حبيبي شو فيج بلاج شي صابج؟ وصلولج الوحوش؟ حبيبي تعورتي ها قولي لا تخوفيني قولي

نوني: آآآي آآي الله يغربل بليسج اشحقه تضربيني . هاي يزاتي وانا يايه انشش من سمعتج تونين.. قلت غربلاته ياثوم (بويعل) ركب على صدرج وغثج..

دريم جير: ها‍‍‍‍‍‍‍‍‍‍‍‍‍‍‍‍‍‍!! حلم!!

ولحظه صمت حل على المكان.. وتراجع شريط الفلم المرعب الذي رئته دريم جير في المنام وقفزت من مكانها



دريم جير: بسم الله بسم الله بسم الله

نوني: بلاج دريموه شو شفتي في المنام!

دريم جير: كابوس .. كوبس الله راس الي دعا علي اليوم قبل ليخمد خمدت عليه طوف

نوني: ها! خليني اذكر انا قبل لرقد دعيت على منوه..

دريم جير : هاااااا! ليكون انتي يا مسودة الويه انا براويج..



ومن ثم أن بزغت حرب الوسائد... وعمى الفرح بينهم حتى انفتح الباب فجاه وإذ بظل اسود اللون يقف متجهم أماهم ..

علت صرخاتهم الأرجاء.. حتى تراءت الصورة.. وظهر الظل هو زوجة الاب..

زوجه الاب(لطيفه): اسكتوا الله ياخذكم. فشلتونا وسط اليران.. نص الليل تصارخون.. حسكم وصل نهاية الشارجه.. اش عندكم حسبيه الله عليكم من بنات.. سحر سحر هب بنات الله ترجعكم..

دريم جير: لطفوه انتي السبب.. والله ظهرتي فجاه ويا صناقلج مثل وحش ايجا من الباب وظلام شو تتوقعين منا..

لطيفه (زوجه الاب): وحش كسر ظهرج.. الله ياخذ هاللسان ماعرف من وين متعلمه هالرغايه.. انتي ماعندج ذرابه عجب ماتستحين.. حد يرمس امه جي ها..

دريم جير: هي هي قلتي امه.. انتي هب اميه.. اميه الله يرحمها.. بعدين انتي تبين الفكه مني تدعين علي اعرف ماتحبيني تبين الفكه مني.

نوني: اميه بلاج على دريموه وحليلها كانت تحلم بقابوس.. اوه اقصد كابوس.. عسب جي كنا نصارخ..

لطيفه (زوجة الاب): هي لازم بتحلم بكوابيس من معاملتها الحسنه لي..

دريم ير: ودشينا في المواعض في انصاف الليالي.. لطفوه اشرايج انسير الكوفي ها.. ونشيش تحت ضوء القمر وتعطينا من هالمواعيض الغاويه بس عاد ها انتي يلسي ورانا وحنا نلعب بالنت؟

لطيفه: هالشيشه الي تتحلمين تذوقينا في يوم بتنشب في بلعومج. اعنبو دارج انتي لسانج مايعجز من الكلام.. ويه ويه ويه من وين اتيبين هالرمسه ماعرف

دريم جير: طال عمرج يقلوج المثل..من عاشر قوم 40 يوم صار شراتهم.

نوني: وعاشو السامعين والحاضرين

لطيفه: بس انتي شو يالسه فعرس.. ماشالله يادريموه والله وتعرفين تضربين امثال.. ويقولج المثل لو مانخمدتوا الحين العسوه بترقص على ظهوركم

دريم جير: افا والله يا مرت ابوي انا الي خابرتج انتي الي فيهم وماعندج هالسوالف وبتحنين على عيال ضرتج.. افا والله افا ماتوقعت هالقساوه تظهر منج.. وش تقولين يابنت العم نونانه بنت مطلع الصقر

نوني: ياعونج يامره.

لطيفه: ول ول ول اخاف بعد شوي تجلبون لي هندي.. والله الي يتم معاكم يتخبل.. يالله كل وحده تخمد على فراشها جدامي طيحوا..

دريم جير: لطفوه حبيبي انتي.. بيلس شوي على الانترنت والله اخاف ارقد وارد احلم بالكابوس..

نوني: وانا بعد .....

لطيفه مقاطعه نوني: انتي انجبي وانجلعي على فراشج..

والتفتت الى دريم جير: ياميه باجر دوام عليج وانتي سهرانه طول الليل اخاف يصيرلج شي اطيحين عليهم

دريم جير: لا والله بس طشونه بيلس اشوي ارفه عن نفسي بعدين من احس مره وصلت حدي بسير اخمد..

لطيفه: ماعليه امايه على قولتكم. اوجيه اوجيه

دريم جير: مشكله الي يبا يطور.. يقلون اوكي اوكيه

لطيفه: تراني بخليج ترقدين!!

دريم جير:: لالا دخيلج. افا عليج الرمسه تظهر منج عسل.

لطيفه: ااه منج ياللوتيه انتي ماروم لج.. يالله اميه بسير ارقد منهد حيلي

دريم جير: اوجيه اوجيه



وبانصراف لطيفه، اتجهت دريم جير الى "الابتوب" ودخلت الانترنت وفتحت "المسنجر" على امل ان تجد ناعس الطرف (الصديق المقرب الى دريم جير)

دريم جير: اوه نعوس انت هني ! شو موعنك هالحزه. عشقان ولا مواعد.. اخ عليك يالخاين.. من ورانا عاد!! هب هب هب

نعاس الطرف: اصبحنا واصبح الملك لله.. وصلت الحشريه العوده.. بتخبرج انتي ماتعرفين تسلمين يوم ادشين؟

دريم جير: السلام عليكم ورحمة الله وبركاته

ناعس الطرف: عليكم السلام والرحمه.. هي جي اباج

دريم جير: ما قلت لي شو منششك.

ناعس الطرف: والله ماعرف يادريموه حسيت قلبي مقبوض ومب قادر ارقد:

دريم خير: خير شو صاير؟!

ناعس الطرف: والله يادريموه حال عتابوه مايطمني.. البنت مراهقه الحين.. وماعندها حد يداريها ويهتم فيها.. انا ريال مااروم احشر نفسي دوم .. صح اساعدها بقدر المستطاع لكن تعرفين هي محتايه ام ترمسها.. وانتي ادرى اميه حرمه جبيره مال اول.. وشعرفها بهالسوالف..

دريم جير: همممممممممم زين .. شو رايك انا اتعرف عليها؟ وايلس ارمسها بالنت وجي

ناعس الطرف: والله انا خطري هالشي بس استحيت منج

دريم جير: لالا ولا يهمك بس عرفني عليها وانا بتولا امرها بعدين..



ودام الحديث بين الاثنان كالعاده الى الصباح حيث تبزغ الشمس وترسل نورها الى قلوب الناس وتحي زنابق الأمل في صدورهم..



تكمله في المرة القادمة مع الفصل الثاني

(في الكلية)

[عويد الموز]

السلالام عليكم والرحمه
البدايه حلوه بس خوفتينا الله يهداج الحينه اشو يرقدني انا خخخخ :marsa117:
تسلمين عالبدايه الحلوه الغاليه
ونتريا الباجي بفارغ الصبر
^_^
واسمووحه

[سلوم]

:marsa171: عاشت عاشت عاشت خاتووووووووون
ايوا ايوا...

:marsa82: يسلمو عالجزء المهضوم....

و ننتظر البقيه ...

[الأنامل الفضية]

:marsa34:


:marsa15: اووووووووب اووووووووووب خاتون كاتبه قصه :marsa15:


يالله نتريا التكمله ابي اعرف مصير ........ :marsa160:

[شجون الليل]

بنت المزروعي وصلامه و نوله
تسلمون على الردود والتشجيع
وان شاءالله اعرض الجزء الثاني قريب

[بنت البلاد]

تم تثبيت القصه ..

تسلمين على هالإبداع.. وين هالمواااااااااهب المخشوشه..


زين يوم طلعتيها.. بالتوفيق ولج منا كل الدعم..

كنت اتمنى لو اشتركتي في مسابقه القصص.. بس ماعليه في الدوره الثانيه اباج اتكونين اول المشتركين..

فديتج خاتوتني.. بالتوفيق

[شجون الليل]

تسلمين الغاليه

وقصتي مب لين وين

واليوم بنزل الجزء الثاني

[زعيم المرسـى]

تسلمين على هالإبداع.. وين هالموااهب المخشوشه.. ما شاء الله عليج


زين يوم طلعتيها.. بالتوفيق ولج منا كل الدعم.. ونتريا التكمله

أخوج .. زعيمووو

[شجون الليل]

تكمله في المرة القادمة مع الفصل الثاني

(في الكلية)

في الصف وبين الزملاء.. دريم جير من قبة على كتابه الأبحاث والمشاريع الدراسية التي ستسلمها هذا الأسبوع.. تتلفت يمينا ويسار بحثا عن صديقتها الحميمة والتي تشاركها في بعض الأبحاث.. لكن بلى جدوه.. لم تجدها في الصف طوال النهار.. تشم دريم جير رائحة كريه تنبعث من قصه غياب صديقتها الحميمة منى.. فهذا الغياب المتكرر ومكوثها خارج الصف بالساعات ليس بطبعها.. فقد عرفت منى بمكوثها على الإنترنت طوال الوقت من سماع الأغاني وإرسال البطاقات الإلكترونية وغيرها من التسالي التي تجدها عند المكوث على شبكة الإنترنت..

قررت دريم جير البحث عنها لان البحث يجب أن تسلم غدا .. أنهت دريم معظم البحث وحدها.. أرادت بان تتأكد من الشكوك التي راودتها وان تكشف ما بي جعبتها لعلها تجد الفأر في مكان ما..

وقد وجدتها تتحدث "باموبايل" مع أحد الرفيقات.. فجلست بالقرب منها.. نظرت إليها دريم جير حتى رأت وجه منى قد تلون فأيقنت بان شكوكها قد باتت حقيقة..

وعندما أنهت مكالمتها مسكت دريم جير بصديقتها منى

دريم جير: مونايه عندا بروجكتات مشتركة وأنتي مستغله بان كلاساتنا كلها فاضيه ومايونا مدرسين. وأنتي تعرفين ان مايونا المدرسين عسب ما يزعجونا ونخلص البروجكتات ونقدمه بصوره فنانه وممتازة فنحصل آ.. لكن أنتي مختفيه طول اليوم تبربرين بالموبايل ومنخشه عن الكل.. مونوه الكل قاعد يسال عنج وشاك فيج.. لان هالتصرفات مب تصرفاتج حنا نعرف انتي منو واخلاقج مافي احسن منها.. عسب جي مستغربين من التصرفات اليديده الي ظهرت عليج.. انتي راقده على الإنترنت من تصبحين لين ما تروحين البيت.. الحين ولا كان موجود في حياتج.. وهالتصرف ما صار بالتدريج، صار فجاه.. وبدلتي الإنترنت بالموبايل.. فأنا أبى اعرف سر التغير الي صابج.

منى والدموع حبيسة أجفانها: دريم انا تعبانه نفسيا..

وانفجرت تلك القطرات من عينيها وكونت سيولا تجتاح وجنتيها وتتناثر على يديها.. لم تتمالك نفسها .. فرمت جسدها على أحضان دريم جير .. أعترشت دموعها صدر دريم جير.. كأنها براكين تفجرت وسالت كالسيل العارم.. لفت دريم جسد منى بذراعيها..

منى وبحرقه: هذا واحد ما عرف من وين ياب رقمي.. هددني إذا ما سويت علاقه بالفون معاه بيوزع صوري على الإنترنت.. ماعرف من وين ياب صوري الله يلعنه... ما صدقت ان عنده صوري.. بس يوم طرشها لي بالوسائط انصعقت ماعرفت شو اسوي.. دريموه تعرفين هلي بيجتلوني دون مايسمعوني.. ماعرف شو اسوي يادريموه ماعرف ماعرف..

دريم جير: هدي حبيبي هدي.. ان شاءالله القالج حل بس انتي هدي ومسحي هالدموع تراها غاليه علينا.. الود ودي ايب قرشه ويمع فيها دموعج قطره قطره ..

منى: فديتج والله دريموه محد يسواج..

دريم : ماعليه حبيبي يالله قومي تغسلي ونشتري واحد كبتشونو يعدل المزاج

قالت مبتسمة: هالراس ويا هالكبتشونو مالج.. انتي لو رحتي ايطاليا بيشوتونج فضحتينا اسمه كبتشينو..

دريم: احب ادلعه حرام!!

منى: انتي!!



ذهب كل من دريم و منى ليحتسيا الكبتشينو في الاستراحة.. وعندما هدأ الوضع عاودت دريم على فتح الموضوع..



دريم: مونوه قولي لي متى هاك هددج وعرف رقمج ودق لج؟

منى: همممممممممم تقريبا من أسبوعين. جي مره دق لي الفليل وتم يحشرني وانا مسويه طاف لين ماطرش رساله وقالي ان مارديتي صورج بتتوزع بالإنترنت يامون.. جان ارمسه من الخوف.. قلت بسايره باعرف منو عطاه ماطاع يخبرني..

دريم: هممممممممممم قلتي من أسبوعين تقريبا ودق لج المسا... الصوره كانت مال كليه ولا مال بيت؟

منى: اظني في الكليه كم صوره عنده حديثه بعد هب جديمه..

دريم: معناته حد من الكلية عاطنه صورج.. ومب يعطيه مني والدرب.. وفي احتمالين .. ياما هالبنت تبغي غرض منه ولا وحده مضاربه معاها..

منى: تعرفيني انا ماضارب مع حد.. بعدين لو عطته الصور كيف بتعرف رقمي؟ ومعلومات عني؟ الا اذا كانت وحده من الربع واشيه ..

دريم: ماظني هالشي يصير لان ربعنا واثقين فيهم.. شوفي انا اتوقع بنت من الكلاس.. تعال نعد البنات الي يرمسون شباب في كلاسنا..

منى: 3 معروفات مافي غيرهن.. امول و نوروه و سمور.

دريم: عاد مانروم نتحدى سمور ونوره اشكره جدامنا 24 ساعه وياريت واحد.

منى: ماضني نوره تسويها لانها خديه اصلا بعدين مابيني وبينها شي..

دريم: انا شاكه فوحده.. لا هب شاكه انا متاكد 100بـ100..

منى: منوووووووووووووووووووووووو؟!!

دريم: محد غيرها.. سمور..

منى: سمور؟!! ليش!

دريم: حبيبي لا تنسين سمور تتغايض منا ومن درجاتنا خصوصا انا وانتي.. وانتي ماقصرتي من اسبوعين ناسيه يوم كتبتيها غايبه عن الاجتماع الي سويناه في الكلاس وجان يهزبها المدرس؟

منى: بس ماتوصل لهدرجه!!

دريم: حبيبي عادي دام هي قلبها اسود خايس متروس عفن وحقد وغيره

منى: زين شو نسوي الحين؟

دريم: ماعليج انتي ترمسينه في البيت؟

منى: هييي

دريم: خلاص قولي له ابوج ولا احد من الاهل شكوا عسب جي بترمسينه في الكليه وبس.. وانتي دقي له عسب مايشك في شي وكانج جد حابتنه.. حسسيه بانج حبيتيه.. لين مانعقه في الشرك.. ويقر منو هي الي ورى كل هاء.. بعدها انا بصرف..

منى: زين كيف يعني احسسه اني حبيته؟

دريم: يالخديه.. من نبرت صوتج من لهجت.. يعني افهميها..

منى: اوكيه خلاص بدق له باجر وبتفاهم معاه ..

دريم: كوووووووول.. يلاه ورانا بروجكتات..



وذهب دريم ومنى الى الصف كي ينهوا ماتبقى من تشطيب اخير على المشاريع التي عليهم تسليمها في هذا الأسبوع.. والقيام بما يجب كي يكشفوا سر هذا الرجل الغامض...



التكملة في المرة القادمة في الفصل الثالث:-

(الخطة )

[عويد الموز]

http://www.sadauae.com/vb/images/smilies/poster_vt.gif


تسلمين يا شجوون
عالجزء الحلو
..
ولا تتحيريين علينا
بنترياج

http://planets.uaeplanet.net/images/smiles/thumbup.gif

[عبق الورد]

السلام عليكم روحمة الله وبركاته


ما شاء الله عليج اختي شجون الليل صراحة القصة روعة

( وحش الغابة )

صراحة عجيب هذا الفصل اول شي تروعت وياها وعقب ضحكتيني من الخاطر اخر شي طلع حلم ههههههههههههههه حليلها والله تروعت ..

بس احم مب جنه شوي اسلوبها وقح مع عمتها ( حرمة ابوها ) ,, فالبداية انا على بالي انها تكره حرمة ابوها بس عقب ظهرت هي وياها ربع ..


( في الكلية )

الفصل الثاني بعد حلو وااايد , والله فيها الخير ( دريم جير ) قامت تساعد ربيعتها ( منى ) ,,
بس كسرت خاطري منى الله يعينها وان شاء الله تقدر تساعدها دريم جير ..


مشكورة وااااايد أختي على هذي القصة روعة وانا فانتظار الفصل الثالث ( الخطة ) ,,

مادري احس ان بتصير احداث روعة وان ( سمور ) هي اللي بهدلت منى ..

اريد اشوف انتقامهن منها هههههههههههههه ..



عبق الورد
:marsa112:

[الأنامل الفضية]

:marsa65: :marsa65:

[شجون الليل]

تسلمون على الردود
وسوري على تاخري بسبت الظروف
واحس قصتي هب شي

[شجون الليل]

الفصل الثالث

(الخطة )

بعد يوم حافل، مضني وشاق في الكلية.. وتكريس تلك الجهود وتسخيرها في إنهاء ما تبقى لها من مشاريع.. رجعت دريم الى منزلها.. توقا لاحتضان سريرها الدافئ، الناعم.. وبحمام ساخن يزيل ما بكاهلها من هموم.. ولا ننسى ذكر ما يشغل بالها طوال الوقت.. الشي الذي لا تستطيع التنفس دون وجوده.. البريق واللامعان في حياتها.. بان تجلس مع الذي يحتل الجزء الأكبر من حياتها وهو رفيق دربها ناعس الطرف.. فلا يحلوا اليوم او يكتمل دون أن يسترسلا في الحديث ويصبا كلمنها ما في جعبته للآخر..



رجعت دريم واغتسلت وسرعان ما قفزت الى السرير واخذ بـ "لابتوبها" للبحث عن توأم روحها، الصديق والرفيق ناعس الطرف.. وفي أثناء انتظارها صديقها الحميم، اذ غفت قليل وسحبتها أحلامها الى ارض الظلام.. حيث تراءت امامها مسلسل أحداث الحلم السابق.. ظلام، أصوات ذئاب، دماء متناثرة، ووحش قادم فينقض على أحشائها. استيقظت من نومها وكانها سبحت في بركت عرقها.. تكاد ان تلتقط أنفاسها. هلعت الى الحاسوب بحثا عن صديقها كي تروي له الحلم المفزع. لكن لم تجده على غير عادته.. أخذت الأفكار تتسلسل في مخيلتها وتنسج الأحداث المخيفة والمرعبة التي قد تكون السبب في تأخيره وعدم ظهوره.. تمر الدقائق كأنها سيف يسلخ جلدها كي يعريها ونرى ما يوجد من خوف ورعب دب في قلبها الذي ينبض باسم ناعس الطرف خوفا عليه وفي لحظه راجيا من الله ين يجعل في تأخره اليوم خيرا..

وفجاه دخل على صفحتها اسم غريب و بريد غريب لم يسبق ان تحدثت معه. حسبت بانه الدور قد جاها وهذا الشخص أحد ألاعيب التي تمر بها منى او أحدهم يريد ان يتعرف عليها.



محد درى اني غريق في بحر هواك: سلام عليكم

دريم غير: عليكم السلام والرحمه

محد درى اني غريق في بحر هواك: اشحالج عيوزتنا؟

دريم غير: منو معاي؟

محد درى اني غريق في بحر هواك: معجب حبينا نتعرف، ممكن؟

دريم غير: معاج 10 ثواني ماقلتي منو معاي ، تاتا... بلوك ودليت

محد درى اني غريق في بحر هواك: بسم الله بلاج انتي جي

دريم غير: ماعندي ونت تو

محد درى اني غريق في بحر هواك: هب هب هب ....

دريم غير: لا هب ولا درب ، يلاه تاتا

محد درى اني غريق في بحر هواك: صبررررررررررري انا عتابووووووه

دريم غير: لالالالالاه على بالي فطومه، يلاه مناك

محد درى اني غريق في بحر هواك: طاع الخديه.. يامي عتابوه انتي الي مسمتني عتابوه اخت نعوس بلاج..

دريم : هييييييييييييييييييه عتاااابوه.. قولي انزين انج عتابوه خسج الله

محد درى اني غريق في بحر هواك: لا والله وانا من الصبح شو اقول

دريم: المهم اشحالج شو مسويه ويييين انتي الا نسمع اسمج وتعاليقج عبر لسان اخوج الدب بو الفيران وينو هو ماشفته اليوم عسى ماشر؟

محد درى اني غريق في بحر هواك: بل بل بل بل شو بالعه راديو

دريم: قولي ماشالله.. عفان الله يحسدون الفقير على نعمه اللسان

محد درى اني غريق في بحر هواك: زين انا بخير.. واما عن نعوسج هاء تراه يالس محترق من الصبح يبا الكمبيوتر وانا قاعده اترياج ماصدقت جلب ويه شوي عسب اخذ راحتي معاج..

دريم: همممممممممم يعني عدالج هو الحين؟

محد درى اني غريق في بحر هواك:هي قاعد يطالع الكتاب وعيونه تزيغ صوبي هههههه

دريم: خخخخخخخخ يراسه.. زين ابا منج شي تسوينه

محد درى اني غريق في بحر هواك:شوووووو هوووو

دريم: تسيرين وتصمينه بوكس على كرشته عسب مايخوف العالم جي

محد درى اني غريق في بحر هواك: افا عليج ولا يهمج



وذهب عتاب على اخيها .. وفجاه.. بوووووووووووووووووووووووووووووووووووووووووكس

ضربته على بطنه حتى صاح متوجعا.. وقالت له من دريم



محد درى اني غريق في بحر هواك: اييييييييييييييييييييييييييييي دريموه وعثره تعثرج

دريم: ها بشري؟

محد درى اني غريق في بحر هواك: الله يخسج مط شعري وقالي سيري مطي شعرها أي اخ

دريم: خخخخخخخخخخخخخ دواج

محد درى اني غريق في بحر هواك: ماعليه خلني اشوفج في الكليه براويج

دريم: ماعليه باجر ان شاءالله بتواعد معاج في الكليه.. همممممممم شو رايج الكفتريا عازمتنج على كبتشونو على ساعه 9..

محد درى اني غريق في بحر هواك: زين كيف بعرفج؟

دريم: بسيطه عطيني رقمج وانا بدق لج



وتبادلتا الأرقام.. وبعد إلحاح شديد من ناعس الطرف في التحدث الى دريم غير. وودعت عتاب دريم غير رضوخا لإلحاح أخيها ..



ناعس الطرف: ها يا ام الهيلان تخلينها تضربني لاه

دريم: خخخخخخخخخ انتقام شويه

ناعس الطرف: ماعليه بردها لج في يوم من الايام

دريم: ان غدا لناظره قريب.. هاااااع

ناعس: ماعليه ماعليه

دريم: زين .. تعال اباك في موضوع مهم

ناعس: خير



وروت دريم غير قصة صديقتها لاناعس الطرف كي تستفيد من رائيه السديم.. ويبحثا عن حل لهذا المشكله..



ناعس: شو رايج انا ارمسه واهدده بصفت اني اخوها؟

دريم: لا ماينفع لاني احس انهم يعرفون كل شي عنها.. ويعرفون لو حد درى من اخوانها بيقطعها قبل ليقطعه

ناعس: همممممم شوفي انتي متاكده من الفاعل؟

دريم: والله شاكه في البنت الي قلت لك عليها

ناعس: شوفي.. انا اقول هي تسايره شرات ماقلتي انتي.. وتبين انها تحبه وجي لين مايصدق.. وفي هالفتره يمكن هو لو فيه خير ترى بيبتعد عنها.. ولو نذل بيحاول يستغل الوضع ويعقها.. وفي كل الحالتين هايج البنت بتتاثر.. اذا هي تحبه تراها بتغار.. واذا عادي عندها يمكن في قلبها احساس وبتخاف على اربيعتج..

دريم: همممم بس كيف نكشف سرها؟

ناعس: لو نعرف منو هو بالضبط ومنو هي.. بنعرف كيف نعاملهم؟؟ العين بالعين.. يعني انتي تقولين الصور عندكم ونهددها وانا بدخل في الموضوع وبنسوي شرات ماسوت في ربيعتج

دريم: لالالالالا ماحب اكون حثاله شراتها

ناعس: هب واثق فيه؟

دريم: لا هب سالفه ثقه لكن..

ناعس: دريم.. مابضرهاا ولا بحاجه لها اوكيه

دريم: اعرف.. خلاص بنشوف بعدي مانكشف هويتها .. بس تعرف احسه هب نذل لان لو جي جان من زمان استغلها ، صح؟

ناعس: همم هي معاج

دريم: انا فراي نخليها اونه شوي شوي تطيح بغرامه و تبي تزوجه وبتنتحر ومن هالخرط الي صاير في بنات هالزمن..

ناعس: اوكيه. مش بطال لي هالفتره.. وبنشوف بعدين شو بنسوي.. Plan B اكيد بتكون موجوده حزتها



ومضيا قدما في رسم الخطط و امضيا يسرد أحدها الآخر مواقف وقصص عما جرى لهم اليوم... وابقيا متيقضان ساعات متاخره من الليل يتسامرون كعادتهما...

وفي صباح اليوم التالي هلعت دريم لملاقاة صديقتها لأخبارها بالخطة.. وجدتها قابعة في زاوية منعزلة عن البقية.. رمقت دريم بنظرات حارقه، حانقة كأنها تبكي دما.. كأنها تلقت صعقه كهربائية لتوها او سمعت خبر مفزع. فتحت فاها المتردد، المرتعب، المرتجف لكي تخبرها بما حدث لها وسبب حالتها.










التكمله في الجزء الرابع


( الخفي )

[سلوم]

:marsa34: أكشن أكشن...

:marsa100: لا تتأخرين مره ثانيه...

:marsa195: و بعدين يا خاتون كملي شو صار
:marsa40: بسرعه

[همسة غلا]

اوه شجون مألفه قصة صدق انج عجيبه

باجر راح اقراها كلها واقول رايي اكيد

اذا انتي الكتابه

nice

:marsa101:

™§ SweeT HearT §™

[ريم البحرين]

مشكوووووووووووووووووورة اختي
على الاجزاء

[<(((><]

اختي شجون الليل ماشالله عليج قصة جميلة
الصراحة انا اعجبتني البداية رعب وحركات واعجبني الاسلوب
بس في حاجة تفتقدينها هي التأثيرات والتشويق للقصة لمن يكون
حدث لازم تستدرجين القارئ مثل حقت الحلم !!<<< مابلا اتفلسف

المهم بانتظار التكملة لاسيما بعد مادخلت القصة في شكل مشكلة خطيرة
نبي نعرف ايش بيحصل بأسرع وقت...

[شجون الليل]

يسلم من رد على موضوعي

وانا سوري ع التاخير لاني مالي مزاج اكمل :marsa85:
ان شاءالله بكمل الجزء قريب :marsa181:

[<(((><]

تشير اسهم مزاج شجون الليل الى رياح عاصفة تضفي جوى متعكراً لديها

طيب ننتظر المزاج ينزل جنوب

[شجون الليل]

خلاص بكتب الجزء الي كاتبتنه هو صغير بس يالله.. مع اني احس القصه هب شي http://147.202.36.6/vb/images/smilies/marsa181.gif تراني مااحب اكتب احب اسرد فاحاول اكتب بس بسرعه امل
http://147.202.36.6/vb/images/smilies/marsa85.gif سمكمك بيك بالخيزرانه تراه
-------------
-----
--
-
.

الفصل الرابع

( الخفي )



خانتها العبارات ولم تقدر بان تتلفظ حرفا واحدا.. وانفجرت عيون منى باكيا راثيتا على حالها.. جلست دريم بقربها ودفنت راس منى في صدرها.. وهنا سرحت دريم في عالم الخيال.. أخذت تبحر في قارب التكهن لما قد جرى لها هذا الصباح.. هل توفى أحد من أقربائها؟ هل اكتشف أهلها عن ذلك الوغد الأرعن؟ او قد أصاب حد منهم ضر او مرض؟

فتحت دريم شفتيها لكي تحملها على الحديث والإفصاح بما جرى وسبب حالتها هذه.. وبكل خوف وبصوت هادئ، خافت، قالت: حبيبتي منى. شو صارلج؟ شو سبب صياحج.. تعرفين دموج غاليه علينا مايصير تهدرينها جي..

نظرت منى الى دريم بتلك العين التي تهطل دماء، وقالت بصوت متقطع ممزوج بالبكاء والنحيب: دريم.. اكتشفت منو ورى كل هاء .. مابصدقين منو مابصدقين منو مابصدقين منوووو

دريم: عن شو ترمسين؟ منى حبيبي مب فاهمه عليج .. حياتي انتي هدي شوي وفهميني عدل..

منى: اكتشفت منو ورى هالي يحشرني بالتيلفون.. عرفت منو دازنه عرفت.. عرفت..



وانقبض قلب دريم لما سمعت السبب الذي جعل منى منهارة.. ورأت حالت صديقتها المترامية في أحضانها كالجثه الهامدة .. وتلك الدموع المكونة أخدودا على وجنتيها تشق طريقها لكي تكون بحيرة ملطخة بالون الأحمر.. لون الدماء.. حرقه اعتصرت حنجرة دريم.. الكلمات تخرج من فاهوها كالبركان يحرق مجرى الكلام.. قالت بصوت خافت: منو ورى؟ مب سمور؟ امول؟ نوره؟ صح؟ صح؟

ونظرت منى الى دريم وتنهدت: آآآآه ظلمناهن يادريم ظلمناهن.. الي ورى كل ها وحده عمرج مابشكين فيها

ووقعت دريم في دوامة سوداء.. تجري في دهليز تبحث عن من سيكون؟ من سيكون؟ ناعس؟ اخته؟ لالا محال.. اختي انا؟ استبعد.. من ؟ من؟

دريم وغمامه سوداء تعمي عينيها: منووووووووووووو قولي ؟

منى: فاطمه.

دريم بتردد: أي فاطمه؟

منى بصوت عال، باك: أي فاطمه!! أي فاطمه!! فاطمه الي تيلس من بينا.. فاطمه الي معانا على السراء والضراء. فاطمه الي دوم تاكل معانا.. الي تشترك في بروجكتاتنا ومشاريعنا.. الي نعتبرها وحده منا وفينا.. الي نوقف معاها جان حد عاداها.. ليش تسالين عن أي فاطمه وحنا عدنا وحده.. هالوحده الي اعتبرناها الاخت والرفيجه.. ظهرت من تحت لين تحت..



تسمرت دريم في مطرحها لهول ما سمعت.. أيعقل ان تتحول الصديقة، المقربة، المؤتمنة على أسرارهن الى عدو لدود يترصد بهن.. يقترب منهن لأجل غاية في صممه لا يعلمها غيره؟؟ أيعقل ؟ أيعقل؟!!



مسكت منى من ذراعها فأخذت تهزها وهيه تقول: منى لا تظلمين البنت نتاكد احسن.. اوكيه؟ نتاكد احسن.. اليوم متريقه معانا وتضحك وسولف مستحيل يامنى مستحيل تظهر هي.. منوه بليز احسن نتاكد..

نظرت منى لها بازدراء: نتاكد؟! على شو؟ هاي تضحك وسلف معانا وهي تشتغل من تحت لين تحت..

دريم: حرام عليج منى تقولين جي عليه هاي عمرها ما فكرت تأذ...

قاطعتها منى: دريم لا تقصين على عمرج.. تعرفين انا ما بألف شي خصوصا في هالموضوع..

دريم: لكن.. لكن .. ااه



ووضعت دريم رأسها على يديها.. قابعة، تفكر.. تحاول ان تستجمع شتات ما بقى في رأسها من عقل..



وفي لحظة صمت تنهدت دريم: وكيف عرفتي انها هي؟

منى: كنت يالسه فالكلاس.. ارمس الاهبل بالفون لانه داق لي.. وانا سويت شرات ماتفقنا امسات .. كل مايدق لي او ادق له اعطيه من كلام العسل وهو يتهرب.. وجان احرجه اليوم واقوله تعال اخطبني خلاص مابي اكون بعيده عنك ابي اعيش باقي ايامي معاك..وجي.. جان يتلعثم وها وشو اوكي لحظه امي تباني وصكر.. دقايق ولا تيلفون فاطوم يرن.. وهي مخلتنه على الطاوله ورايحه الكفتريا تشتريلها ولي كبتشينو.. وطاحت عيني على الرقم ولا اشوفه.. هالرقم هب غريب علي!! شليت التيلفون ولا اتاكد نفس الرقم هو هو.. مستحيل!! انصعقت.. قلت لا غلطانه خليت التيلفون محله وهو شغال يدقدق... وعلى دخلت فاطمه الكلاس.. من سمعت التيلفون يصيح مره يت تركض.. انا ماعرفت شو اسوي!!.. من شافت الرقم تغيرت لونها.. وتاخذه وتظهر برع.. انا لحقتها بس ماخليتها تحس اني وراها.. يلست على هالكرسي الي حنا يالسين فيه.. وانا وقفت عند زاويه المبنى الي قريبه من الكرسي.. اسمعها تتحرطم عليه ليش داق من هالرقم واني كنت هناك ولو شفته.. شكله هو مارام يغير البطاقه من وهقته فيه.. انا ماقدرت اكمل اسمع من تاكد انها هاي رحت الكلاس ادورج ماعرف شو اسوي.. بعدين شردت مابي اشوفها.. اعرف عمري بذبحها لو شفتها .. دريموه تتخيلين حالتي؟؟ تتخيلين وضعي كيف؟!!

دريم: هييييييييها.. انا بروحي مب مصدقه الي اسمعه.. كيف وحده فيها كل هالخبث.. والله سمور ارحم منها..

منى: شو نسوي الحين؟

دريم: ماعرف.. كنت يايه فراحنه اونه اتضحت الصوره.. الا اطينت الحين.. لكن ليش سوت كل ها؟ انتي شو سويتي فيها؟ وليش انتي بالذات؟

متى: ماعرف.. ماظني سويت لها شي او غلطت عليها بشي.. حتى انا مب وايد معاها.. اكثر شي معاج وهي بعد وايد معاج انتي..

دريم بغضب: والله خاطري اقطعه؟؟ ازغدها.. اصفعها.. واقولها ليش؟ ليش؟ شي قصرنا في حقج؟ كلن مال ابوج؟ سرقنا ريلج؟

منى: ولا واخوها كيف رضى؟

دريم: اشعرفج انه اخوها؟

منى: ترى ماعندها غيره يدق لها وهي دوم ترمسه ومسيف رقمه.. واظني عنده بطاقه جديمه لان الرقم الي يدق لي منه منقع.. عسب جي عصبت عليه يوم دق لها من نفس الرقم

دريم: اهااااااا والله اخاف بعدين تشرك ابوها وامها هه

منى: والله ما ستبعد هالشي.. يااختي دامهم ربوا عيالهم هالتربيه، العيال بيظهرون على منو؟

دريم: حرام تظلمين الاهل.. يحليلهم مايخصهم.. على العموم انا برمس نوعس بالسالفه وبنشوف بنوصل لشوه..



وفجاه رن الهاتف.. وسكنتا للحظه وكل واحده منهن تبحث عن هاتفها..ظهر الاتصال لدريم.. وصرخت دريم قائلة: اووووووووه تعالي نسيت اخته تترياني في الكفتريا بصفعني والله..

استقبلت المكالمه دريم: هلو هلو.. انا كوووول على طول وانتي اشحالج؟ حمدالله.. ها لالا توني ظاهره من المبنى الحين باي الكفتريا.. زين كوووول تريني لاحين يايتنج عيل. يالله فمان الله

اقفلت دريم وقالت بهلع: امشي امشي.. والله بتقطعني انا مواعدتنها في الكفتريا ونسيت السالفه بالمره

منى: اووب اووووب وحلوت السالفه.. اخته هااااااا

دريم: بلاها عيونج تعبانه اشوفها تلامض.. يلاه قومي قومي جدامي لا تحيريني



هلما على المضي في سيرهما الى الكفتريا.. وفي طريقهم الى الكفتريا إلا بصوت عالا يأتي من خفها يفزعهما " بوووووووووووووووووووووووووووووووووووووووووووه"..

ولما التفتا إلا الوراء فيرون من الذي يتحرش بهن من الخلف.. ويرون فاطمه أماهم.. وشرارة القهر والحقد تتناثر من أعينهن.. تقف اماهم بعد ان كشفوا سرها.. تقف اماهم وكان شي لم يحدث.. وكأنها الصديقة، الحبيبة التي تسعد برفقهم.. هل يقتلوها وتصبح أضحية العيد؟ ام يسلخوا جلدها فيصنعوا أحذية وحقائب؟





سترون ما يجرى في التكملة في الفصل الخامس

( علاقة عتابوه )

[<(((><]

ماشالله دريم احس انها نفس شخصيتج شجون قحيشة بالمرة من كلماتها ( ازغدها.. اصفعها)
<<<< كلا تبي تطق

والله القصة عجيبه بعدين طبعا مارح يصدمونها اعرف دريم عاقلة ماتسويها
يالله عاد اشربي ايش ذا اتسمونه من الكافتيريا وعدلي المزاج وحطي الجزء

يالله سووورعة

[سلوم]

:marsa62: اويه اويه و بعدين شو بيصير...
:marsa173: بيطيح الكفخ و البوكس...
يا سلام ...
ضرابه ...:marsa121:
:marsa173: كملي كملي بسرعه لاسويج اضحية العيد...
شو بيصير ...
:marsa180: عندج يومين تكتبين اوكي...
ولا بيكون شي تعامل ثاني :marsa52:

[الأنامل الفضية]

:marsa180: عندج يومين تكتبين اوكي...


ولا بيكون شي تعامل ثاني :marsa52:



:marsa180: الحين يوم

كومبليت:marsa115:

[عبق الورد]

السلام عليكم ورحمة الله وبركاته


أختي شجون الليل رووووووووووووعه الاجزاء روعه ,, ووأسلوبج وااااااااااااااايد عيبني ..


( الخطة )


خطتهم صراحه انا احس ان فيها مخاطره كبيرة يعني منى لو عرفوا اهلها الله يعينها ..


( الخفي )


هذا الجزء والله يزعل , ربيعتهم و طلعت نذله قهر والله ,, و لا بعد فرحانه بعمرها يايه تقعد وياهن و تسولف صدق ما تستحي بنات اخر زمن ..


أنا لو مكان دريم و منى بجتلها مسودة الويه ..


أختي شجون الليل نحن في انتظار الفصل الخامس

( علاقة عتابوه )


إن شاء الله ما تتأخرين علينا أكثر



عبق الورد
:marsa112:

[<(((><]

[/center]

:marsa180: الحين يوم

كومبليت:marsa115:


Half Hour remain :marsa80:

[ريم البحرين]

مشكووره اختي شجوون الليل على الجزاء

الله يعطيج طولت العمر

[شجون الليل]

:marsa27: انا عندي خبرهي يمكن مافي يعجب كتير ناسهي:marsa8:

:marsa42: نانييي!!
:marsa139:اوه سوري اخي:marsa139: خي :marsa139:خيي لا تلوموني:marsa85: لغتي اختربت من كثر مب مجابله المهنده في الدوام :marsa191:

:marsa5: على العموم
:marsa124: انا حبيت اقولكم بان القصه في قيد التاجيل:marsa72: لان انتوا لو تلاحظون في البدايه كتبت باسلوب حلو وباقي الاجزاء لا .. لان كنت فالبدايه كاتبه من نابع نفسي اما الباقي الارضاء خاطركم :marsa93:
:marsa116:والدوام مب راحمني ابد مطير النوم من عيني ومهلكني
فانا بوقف القصه لوقت معين اكتبها كلها وانتهي منها واعدل فيها واعدل فيها لين ماتصير بالمستوى المطلوب لاني هب راضيه عنها وان شاءالله تنال اعجابكم :marsa109:

:marsa129: اعرف انتوا تبون تشجعوني :marsa197: لكن انا اعرف الاسلوب مايرضيني :marsa22: لاني لو انا كنت القراء بمل وبهدها :marsa128: وانا الي اكتبه لكم هي افكار الجزء يعني بس مجرد افكار وعسب جي اتاخر في الكتابه لان مايرضيني الاسلوب الي اكتب فيه
لكن انا اقولكم اني برجع لكم القصه وبعيد صياغة الافكار وبعرضها لكم وبعرض الاجزاء الي سبق وعرضتها باسلوب شيق مع الجزء الي تنتظرونه :marsa63: والاجزاء الجديه اسبوعيا كما في الاتفاق

:marsa98: بس عطوني فرصه ووقت وان شاءالله مايطول:marsa100:

اي برومس :marsa12: وعد دام للعمر بقية

[رصاصة]

شجون الليل
قصة ولا اروع منها !!:marsa160:
اسلوب رائع جدا يجذب القارئ
والاحداث رهييبة خاصة اللي في الجامعة وااااو cool !!
اتمنى انج تكملين القصة في اقرب وقت ممكن
لا تطولين علينا بليز ,,:marsa196:

you rock !:marsa15:

[<(((><]

انا عندي خبرهي يمكن مافي يعجب كتير ناسهي

نانييي!!
اوه سوري اخي خي خيي لا تلوموني لغتي اختربت من كثر مب مجابله المهنده في الدوام
لا يكون تشتغلين في قسم الطوارئ والحالات المستعصية ..

انا حبيت اقولكم بان القصه في قيد التاجيل
هو بكيفج .. شفي عاد انتي بديتي بيها واحنا قريناها نبي انعرف الباقي سواء صارت من مستواجو لا ماصارت اهم شي هي عاجبتنا ...

يالله عاد بلا دلع :marsa108:

[بنت البلاد]

جان اقرا القصه.. وعيبتني واااااااااايد خصوصا لأن فيها سوالف بنات..
واسم دريم الصراحه عجيب.. عليج اسامي يا خاتون..
أول شي تحسبتها قصه خياليه.. قلت عيل ليش حاطه هالعنوان.. اليوم عاد كنت فاضيه في البريك طبعت القصه وقريت الأجزاء.. وعيبتني وااااااااايد..
وهاي فطوم خاينه الله يغربل ابليسها.. عفان الله والله .. لو انا هاي ربيعتي بدوس في بطنها.. وبمطها من شعرها .. وبتمشى فيها وانا اسحبها على الأرض في الكليه بكبرها.. عقب ادعمها بالسياره وافك البشريه من شرها.. واخوها بعد نفس الشي بجلبه وهو في السياره.. <<<مجرمه..
والكبشوشونو عيبتني هالكلمه.. خخخخ..
يلا حبيبتي عاااااد والله اسلوبج حلو من البدايه للنهايه .. مافي اي نزول في مستوى الإسلوب وعيبني اسلوبج وتعبيرج وااااااااااااااااااااااااااااااااااااااااااااااااا اااااااااااااااااااااااااااااايد..
حاولي تكتبين لو جزء صغنن..
وربي يوفقج ..

[سلوم]

:marsa100:
:marsa99: قلنا نفر طماط عسب تكملين القصه

[بنت البلاد]

سلوم شكله عندك مزرعه طماط في البيت

كله تبا اتفر طمام..

شو السالفه؟؟؟

بس شكلي هالمره بشاركك في الطماط .. لأني انا ناويه افره على خاتونووو .. اتريا التكمله

[سعودية]

...............تسلم يمناك


في الأنتظار للمزيد دائما

[سعودية]

...............تسلم يمناك


في الأنتظار للمزيد دائما

[<(((><]

وين الجزء ؟؟؟ يا أم يارا

[شجون الليل]

:marsa34:

سمعت اسمي وجان اشغل التريبو واعفد عليكم :marsa34:

:marsa100: اوه :marsa100:لحظه ياخوان :marsa100:
بس بس :marsa100:خلونا نتفاهم :marsa100:
:marsa100:اخ:marsa100: اخ :marsa100:اخ:marsa100:
شوفوا الحين بالي متروس ومشغل بالقصه القصيره والمسابقه من اكتبها بحطها وبرجع للقصه وبكمل

[<(((><]

أيش قصدج يا شجنة ؟؟؟؟

قدحن فيها من ذلحين !!!

يفتح الله يا وقت العرض

سلمي على نفسج

س.م.ك

[بنت البلاد]

تغلق القصه لحين تكملتها

السموحه