عفوا والدي.. أخجلتني؟؟ وألحقت بي العار.. ؟؟

[بنت البلاد]

يتقدم المحمل العام بجزيل الشكر للأخت العزيزه حكاية حنين ...
بسبب طرحها لهذا الموضوع الرائع ...
ونتمنى لها المزيد من التقدم والتفوق ...
نواخذة المحمل العام ...
قوت القلوب ... هدوء الليل ...حورية المرسى
http://www.marsauae.com/upload/uploading/tamyoz.gif


السلام عليكم
اشحالكم يا جماعه؟؟
انا اليوم يايه بموضوع مختلف كليا عن باقي مواضيعي.. دائما كنا ندافع عن الوالدين ونلوم الأبناء.. لكن هالمره الموضوع انعكس.. نلوم الآباء على تصرفاتهم الي تأثر على الأبناء بشكل غير لائق أبدا..

سمعوا هالسالفه واحكموا..
في بنت اعرفها.. بنت ماشاء الله عليها.. أدب وأخلاق.. تحترم والدينها.. ومطيعه لهم.. الكل يشيد بأخلاقها ويحبها.. محبوبه من بين الكل.. في يوم من الأيام وهي طالعه من الكليه الي تدرس فيها.. كان أبوها واقف برع يترياها.. كان الأبو واقف صوب حديقه الكليه.. وهي راكبه الموتر.. لاحظت ان في السيت الوراني محطوط فيه ثلاث مزهريات كبيره للزراعه.. ولا متوصخين بعد.. استغربت.. سألت أبوها من وين يايبهم.. قال شريتهم من السوق.. قالت ليش ما حطيتها في الدبه.. لأنها خيست الموتر.. سكت ومارد عليها.. هي شكت في الموضوع انه في شي غير طبيعي..؟؟ .. اليوم الثاني تدخل كليتها .. وتسمع نغزات من كل صوب.. بنت الحرامي وصلت... بنت السراق وصلت.. بنت راعي المزهريات وصلت.. اتقول انا كنت مطنشه الموضوع؟؟ بس شفتهم زودوا التعليقات.. والبنات الي كانوا مشتركين وياي في الكبت.. انفصلوا عني.. وخلوني في الكبت بروحي.. ومن يشوفوني يقفلون كبتاتهم بإحكام.. كأنهم خايفين مني.. اتقول تذكرت الي سواه ابوي.. فرديت طلعت برع نفس المكان الي ابوي اييني فيه.. شفت نفس المزهريات الي كانوا في موتر ابوي موجودين في الحديقه بس عالجهه الثانيه..
اتقول انصدمت.. معقوله.. ابوي سرقهم؟؟ وليش؟؟ ونحن ماعلينا قصور.. يقدر يشتري من هالمزهريات ولا أحسن منها بعد.. وأكثر.. ومن غير لا يأثر في ميزانيتنا؟؟ بس ابوي ليش سوى جيه؟؟ سود ويهي جدام البنات؟؟ الكل ينظر لي إني حراميه.. وصراقه؟؟ ليش؟؟ انا شو ذنبي.. انا ما قلت لأبوي اصرقهم... وانا ماروم اقول له شي.. لأنه أبوي؟ عيب..
يوم سألنا.. عرفنا ان البنات الي كانوا في الكلاس المقابل للحديقه شافوه وهو يشل المزهريات من الحديقه ويحطهم في الموتر.. ؟؟ :marsa34: :marsa100:

سالفه ثانيه قالتها لي .؟؟ دليل انه مو أول مره يسويها؟؟
تقول كنت معاه في الجمعيه.. صوب أدوات الحلاقه.. اتقول عالجهة الثانيه كان في صابون ومن هالأشيا.. اتقول انا كنت اخذ لعمري صابون.. وكنت اطالع ابوي خلسه من غير لا يحس بنظراتي.. شفته ياخذ الملقط ويطلعه من الباكيت.. ويخشه في كمه؟؟ :marsa34: .. اتقول انصدمت.. ما صدقت ان هذا الي واقف حذالي ابوي؟؟ ليش؟؟ .. الملقط ما يتعدى سعره 5 دراهم؟؟ .. لهالدرجه بيستبخل؟؟ .. اتقول الدمعه انترست في عيني.. ورحت عند ابوي قلت له.. ما يسوى ترا سعره.. اتقول على طول طلعه ورده.. يوم عرف اني شفته؟؟ .. يعني افتشل اني انا بنته شفته.. فوين ربه؟؟ واذا الكاميرات مسكوه؟؟ .. وين اخش ويهي ؟؟ وين.؟؟

القضيه يا جماعه.. هو تصرفات هالأبهات.. ساعات اتكون محرجه ؟؟ .. كيف ممكن انحلها.. مع العلم.. ترى هالبنت قالت السالفه لأمها.. وردت عليها امها قالت.. ابوج هاي عادته من زمان.. ما يصرق اشيا غاليه.. يصرق هالأشيا التافهه.. بس هالشي التافه يمكن يكشفه جدام الناس ويفشله.. وهو ريال في الستين من عمره احين..

انا الصراحه ضايع الكلام في ذهني.. الموقف اذهلني.. ماعرف شو اقول.. يمكن لي عوده واقول رايي بعد ما اجمع افكاري.. بس لذلك الحين.. اترك لكم المجال لنتناقش؟؟

شو ممكن يكون الحل في رايكم؟؟

حكاية حنين

[زعيمة المرسى]

صراحه حكايوووه

موضووووع مب غريب لو في كلمه اقوى من غريب جان قلتها

معقوله فيه انسان عاجل ريال متزوج وعنده عيال وكبير في السن
يسوي هاي الاشياء ولايسرق اشياء تافهه عافان الله شو خلىىى حق اليهال دام هوه الريال الكبير
يسوي هالشي

مافكر ان هالشي بيضر اهله وعياله قبل لا يضره هوه

سبحان الله في ناس من شكلهم تتحراه محترم وطيب بس تنصدم منه يا يطلع حرامي والا رغاي
مايخلي شي فيك الا قاله من وراك و مافي انسان كااامل على وجه الارض غير الله سبحانه الكامل ...

الله يهديه ... دام ان هاي عادته ماظني عقب هالعمر بسهوله يغير عادته الا اذا كانت معجزه

بس ليش معجزه .... المفروض يوعووونه ويفهمووونه ان هالشي غــــلط في غــــلط

صح انه ريال عوووود ... بس ساعات انشوف وايد ناس كبااار في السن بس صغار بالعقل والعكس صحيح ...

المفروض اقل شي انهم يكلمووونه ويفهموونه ويوعووونه على سلبيات هالشي اللي يسووويه
وعلى منوه يعود بالضرر واقل شي يحترم مكان دراسة بنته

اللي فهمته من اللي قريته انه يسوي الشي بدون مايفكر وانا جيه احس
واحسبه انسان بدون مخ وبدون تفكير ...

الله يهديه ويعين عياله ومرته ... شو ذنب عياله ومرته

تسلمين الغلا حكايووووووووه مواضيعج فنتكه :marsa40:

[بنت البلاد]

يا جماعه.. تصحيح بسيط.. انا اتحدث عن الموضوع كقضيه لتصرفات الأب عامه.. دون التخصيص للصرقه فقط.. الصرقه هاي موقف اعرفه ذكرته.. فالي يعرف غير هالمواقف في اشيا ثانيه يذكرها اذا سمح..

هناك الكثير من التصرفات الي تحرج الأبناء.. كثير من السلوكيات الي يتبعونها.. والمشكله هي تكمن في كيفيه تركهم لهذه السلوكيات.؟؟ يعني الإبن او البنت يكونون حاطين في بالهم صوره زينه عن ابوهم طول هالسنين .. فجأة عقب هالعمر كله يكتشفون شي.. يخجلهم من وجود هالأب.. وساعات حتى في تصرفات تخص الأم بعد تخجل .. انا اتحدث عن الوالدين بصوره عااااامه..

اتمنى اني وصلت مقصدي.. والصوره الي اقصدها..

تحياتي

[بنت البلاد]

صراحه حكايوووه


موضووووع مب غريب لو في كلمه اقوى من غريب جان قلتها

معقوله فيه انسان عاجل ريال متزوج وعنده عيال وكبير في السن <<للأسف معقوله..
يسوي هاي الاشياء ولايسرق اشياء تافهه عافان الله شو خلىىى حق اليهال دام هوه الريال الكبير
يسوي هالشي

مافكر ان هالشي بيضر اهله وعياله قبل لا يضره هوه

سبحان الله في ناس من شكلهم تتحراه محترم وطيب بس تنصدم منه يا يطلع حرامي والا رغاي
مايخلي شي فيك الا قاله من وراك و مافي انسان كااامل على وجه الارض غير الله سبحانه الكامل ...

الله يهديه ... دام ان هاي عادته ماظني عقب هالعمر بسهوله يغير عادته الا اذا كانت معجزه

بس ليش معجزه فعلا.. .... المفروض يوعووونه ويفهمووونه ان هالشي غــــلط في غــــلط

صح انه ريال عوووود ... بس ساعات انشوف وايد ناس كبااار في السن بس صغار بالعقل والعكس صحيح ... المشكله في طريقه التوعيه.. من الصعب ان الكبار يتقبلونها بسرعه..

المفروض اقل شي انهم يكلمووونه ويفهموونه ويوعووونه على سلبيات هالشي اللي يسووويه
وعلى منوه يعود بالضرر واقل شي يحترم مكان دراسة بنته

اللي فهمته من اللي قريته انه يسوي الشي بدون مايفكر وانا جيه احس
واحسبه انسان بدون مخ وبدون تفكير ... لو كان فيه مخ جان ما سوى سواته

الله يهديه ويعين عياله ومرته ... شو ذنب عياله ومرته

تسلمين الغلا حكايووووووووه مواضيعج فنتكه :marsa40:

الله يسلمج.. وانا اشكرج بدوري على المشاركه الطيبه... لا خليت منج..

وربي يهديه

[الدنيا]

السلام عليكم


شحالج بنوته ..

حبيت اعلق عالموضوع واقول ان اللي تتكلمين عنه مشكله شخصيه ومافي مجال انها تتعمم .. واذا تقصدين تصرفات الاهل اللي تحرج الابناء .. فممكن تذكرين امثله .. مثلا السرقه هاي ماتتعمم على الناس .. هاي مرض نفسي مثل ماقالت الام لبنتها .. انا كنت اعرف وحده في الجامعه بنت ناس وحالتهم الماديه ممتازه يعني لبسها من احسن الماركات وغيره .. انفصلت والسبب السرقه .. هي كانت تي السكن ومعاها الوف بس كانت تسرق عشرات واميات .. ليش ؟؟!!! هي مب محتاجه .. بس هذا مرض ..

اذا كنا بنتكلم عن غلطات الاباء لازم نتذكر انهم ناس وبشر حتى لو حاولوا يصلحون من عمارهم ويكونون قدوه جدام عيالهم بيتمون ناقصين وفيهم عيوب .. ممكن الاهل يحرجون عيالهم بانهم يعاملونهم وكانهم اطفال جدام ربعهم ممكن تشوف حد من الاهل يجذب او يرمس عن غيره .. لكن مانقدر انقول ان عندهم عادات سيئة بدرجة السرقه .. ومانقدر انعممها ..

عالعموم مشكوره بنوته عالموضوع .. والله يعين البنت على اللي يستويلها .. وانا اشوف انها تبين باي شكل من الاشكال جوانب المشكله والكلام اللي يقولنه زميلاتها لابوها عشان يحط في باله انه مكشوف .. لانه مافي شي بيوقف الاب الى انه ينحط في موقف محرج ..

[بنت البلاد]

السلام عليكم






شحالج بنوته ..

حبيت اعلق عالموضوع واقول ان اللي تتكلمين عنه مشكله شخصيه ومافي مجال انها تتعمم .. واذا تقصدين تصرفات الاهل اللي تحرج الابناء .. فممكن تذكرين امثله .. مثلا السرقه هاي ماتتعمم على الناس .. هاي مرض نفسي مثل ماقالت الام لبنتها .. انا كنت اعرف وحده في الجامعه بنت ناس وحالتهم الماديه ممتازه يعني لبسها من احسن الماركات وغيره .. انفصلت والسبب السرقه .. هي كانت تي السكن ومعاها الوف بس كانت تسرق عشرات واميات .. ليش ؟؟!!! هي مب محتاجه .. بس هذا مرض ..

اذا كنا بنتكلم عن غلطات الاباء لازم نتذكر انهم ناس وبشر حتى لو حاولوا يصلحون من عمارهم ويكونون قدوه جدام عيالهم بيتمون ناقصين وفيهم عيوب .. ممكن الاهل يحرجون عيالهم بانهم يعاملونهم وكانهم اطفال جدام ربعهم ممكن تشوف حد من الاهل يجذب او يرمس عن غيره .. لكن مانقدر انقول ان عندهم عادات سيئة بدرجة السرقه .. ومانقدر انعممها ..

عالعموم مشكوره بنوته عالموضوع .. والله يعين البنت على اللي يستويلها .. وانا اشوف انها تبين باي شكل من الاشكال جوانب المشكله والكلام اللي يقولنه زميلاتها لابوها عشان يحط في باله انه مكشوف .. لانه مافي شي بيوقف الاب الى انه ينحط في موقف محرج ..






أول شي اشكر تواجدج والرد الطيب.. بس انتي متأكده قريتي الموضوع كامل؟ حتى هذا؟؟

يا جماعه.. تصحيح بسيط.. انا اتحدث عن الموضوع كقضيه لتصرفات الأب عامه.. دون التخصيص للسرقه فقط.. السرقه هاي موقف اعرفه ذكرته.. فالي يعرف غير هالمواقف في اشيا ثانيه يذكرها اذا سمح..

هناك الكثير من التصرفات الي تحرج الأبناء.. كثير من السلوكيات الي يتبعونها.. والمشكله هي تكمن في كيفيه تركهم لهذه السلوكيات.؟؟ يعني الإبن او البنت يكونون حاطين في بالهم صوره زينه عن ابوهم طول هالسنين .. فجأة عقب هالعمر كله يكتشفون شي.. يخجلهم من وجود هالأب.. وساعات حتى في تصرفات تخص الأم بعد تخجل .. انا اتحدث عن الوالدين بصوره عااااامه..

اتمنى اني وصلت مقصدي.. والصوره الي اقصدها..

تحياتي
انا يمكن في البدايه خانتني العبره وقصدت بس السرقه.. لكني وضحت بعد ذلك هالنقطه الي انا اقصدها... انا طرحت هالمشكله الشخصيه.. لأنها ممكن تكون متواجده في وايد ناس غيرها.. ويمكن ألعن عنها.. انا الي اقصده اننا نتناقش ونتحاور... شو هو الحل الأمثل لهذي المشكله من غير لا يتسبب في ضرر اي من الأطراف.. ونشب الخلافات..

بالعكس.. لازم تتعمم على الملأ مب للفضح؟؟ لو كانت للفضح كنت بذكر أسامي.. إنما للتوعيه.. باجر الكل بيكبر وبيشوف حوله ناس.. فلازم يعرف اصناف الناس.. يمكن ما يكون هالشخص ابوه.. يمكن اخوه.. يمكن ربيعه.. ويمكن ويمكن.. نحن الأساس عندنا في مثل هالمواقف المحرجه كيف انحلها؟؟

في مشكله مثلا على سبيل المثال.. بنت تنلام وتتشوه سمعتها لمجرد انها تتمشى ويا وحده غير سويه؟ كيف ممكن انواجه هالناس الي يتهمونها؟؟ .. مثل ما اتهموا هالبنت انها سراقه شرات ابوها؟؟

انا ذكرت مثال؟ .. وما عممت المشكله على جميع العوايل.. في ناس ابهاتهم يفشلونهم من حيث السكر.. او الإختلاس.. او الكذب.. او او او.. وانا ذكرت مثال الله يهداج يختي.. وانتي جلبتيها علي؟؟ .. طبعا هم ناس وبشر والإنساء خطاء بطبعه.. محد معصوم من الخطأ؟؟ .. بس لكل مشكله حل في هالدنيا.. او طريقه لحلها.. وللوصول للحل لا يكفي شخص ولا اثنين لحلها؟؟ بل نحتاج للمزيد من الناس.. لإختلاف الآراء.. الى الوصول للحل الأفضل..

ويمكن ذكرت الأب.. لأنه الشخص الأول الي بيأثر على سلوكيات عياله جدام الناس.. فمن الصعب تحمل ان يكون الأب هو السبب.. فعشان انحل المشكله نبا نتناقش فيها..

بذكر لكم سالفه استوت جدام عيني؟؟
كنا مره طالعين من مطعم... ونتريا برع المطعم اخوي .. لأنه كرم الله السامعين.. سار الحمام.. كان في في حذال المطعم هاللعبه الي تسحب الدباديب.. وفي ريال كبير في السن شوي.. ماشاء الله عليه لقط الدباديب كلها.. وفي يهال كانو ايون صوبه ويعطيهم دباديب.. مره وهو ياخذ الدبدوب من اللعبه.. لإي بنت ظهرت قالت لأبوها ابا دبدوب.. قالها روحي خذي.. وتمت تمشي شوي شوي عشان الريال ما يحس فيها وراه.. وتمت اتأشر لأبوها ..وبصوت واطي.. اي دبدوب.. ؟ اشر لها ابوها.. وخذت الدبدوب.. وركضت للسياره.. وانا مبهته اطالع؟؟ شو هااااا.. يعلم عياله السرقه؟؟ شو من ابو هذا..؟ تمينا نتطالعهم بحقاره.. والأبو يوم شافنا.. بسرعه ربع سار الموتر.. ؟؟

القضيه في سلوكيات بعض الأبهات الخاطئه.. ؟؟ .. احين بتقولين مره ثانيه ردت لسالفه السرقه.. تراني انا هالسالفه الي اعرفها؟؟ .. ولو عندكم غيرها .. خبرونا.. والسموحه على الرد الطويل.. المليق..

[عجيد الريم]

السلام عليكم والرحمه ..

عزيزتي حكاية حنين ...

موضوع رائع وجميل يستحق انه يكون من المواضيع المتميزه :marsa191: ...

عزيزتي للأسف في بعض الاحيان قد يصدر من الوالد تصرف من الممكن ان يلحق بنا نحن الاذى:marsa111: ...

هذا موقف من العديد من المواقف التي قد تصدر من احد الوالدين ....
وهناك الكثير الكثير ....

للأسف عزيزتي عندما يكون احد الوالدين بهذه الصوره قد تتحطم صورة القدوه في عيون أبنائه ...

تسلمين عزيزتي وماتقصرين

http://home.att.net/~scorh2/Wedding02m6.gif

اختج:حوريه

[الدنيا]

أول شي اشكر تواجدج والرد الطيب العفو الغاليه وتسلمين.. بس انتي متأكده قريتي الموضوع كامل؟ حتى هذا؟؟ هي نعم قريت الموضوع كامل حتى هذا




انا يمكن في البدايه خانتني العبره وقصدت بس السرقه.. لكني وضحت بعد ذلك هالنقطه الي انا اقصدها... انا طرحت هالمشكله الشخصيه.. لأنها ممكن تكون متواجده في وايد ناس غيرها.. ويمكن ألعن عنها.. انا الي اقصده اننا نتناقش ونتحاور... شو هو الحل الأمثل لهذي المشكله من غير لا يتسبب في ضرر اي من الأطراف.. ونشب الخلافات..

بالعكس.. لازم تتعمم على الملأ مب للفضح؟؟ انتي فهمتي كلمة التعميم اللي اقصدها غلط .. انا مااقصد التعميم اللي هو اخبار الناس واعلان المشكله .. انا قصدت انا نقول ان كل الاباء جه .. يعني مانقدر نقول عامة الاباء لو كانت للفضح كنت بذكر أسامي.. إنما للتوعيه.. باجر الكل بيكبر وبيشوف حوله ناس.. فلازم يعرف اصناف الناس.. يمكن ما يكون هالشخص ابوه.. يمكن اخوه.. يمكن ربيعه.. ويمكن ويمكن.. نحن الأساس عندنا في مثل هالمواقف المحرجه كيف انحلها؟؟ وهالشي اللي نباه كلنا

في مشكله مثلا على سبيل المثال.. بنت تنلام وتتشوه سمعتها لمجرد انها تتمشى ويا وحده غير سويه؟ كيف ممكن انواجه هالناس الي يتهمونها؟؟ .. مثل ما اتهموا هالبنت انها سراقه شرات ابوها؟؟

انا ذكرت مثال؟ .. وما عممت المشكله على جميع العوايل .. في ناس ابهاتهم يفشلونهم من حيث السكر.. او الإختلاس.. او الكذب.. او او او.. وانا ذكرت مثال الله يهداج يختي.. وانتي جلبتيها علي؟؟ الله يسامحج .. انتي فهمتيني غلط .. عالعموم كلامج كله صح اميه بالاميه .. وهذا الكلام هو اللي كنت اقصده بس لا غير .. طبعا هم ناس وبشر والإنساء خطاء بطبعه.. محد معصوم من الخطأ؟؟ .. بس لكل مشكله حل في هالدنيا.. او طريقه لحلها.. وللوصول للحل لا يكفي شخص ولا اثنين لحلها؟؟ بل نحتاج للمزيد من الناس.. لإختلاف الآراء.. الى الوصول للحل الأفضل..
ويمكن ذكرت الأب.. لأنه الشخص الأول الي بيأثر على سلوكيات عياله جدام الناس.. فمن الصعب تحمل ان يكون الأب هو السبب.. فعشان انحل المشكله نبا نتناقش فيها..

بذكر لكم سالفه استوت جدام عيني؟؟
كنا مره طالعين من مطعم... ونتريا برع المطعم اخوي .. لأنه كرم الله السامعين.. سار الحمام.. كان في في حذال المطعم هاللعبه الي تسحب الدباديب.. وفي ريال كبير في السن شوي.. ماشاء الله عليه لقط الدباديب كلها.. وفي يهال كانو ايون صوبه ويعطيهم دباديب.. مره وهو ياخذ الدبدوب من اللعبه.. لإي بنت ظهرت قالت لأبوها ابا دبدوب.. قالها روحي خذي.. وتمت تمشي شوي شوي عشان الريال ما يحس فيها وراه.. وتمت اتأشر لأبوها ..وبصوت واطي.. اي دبدوب.. ؟ اشر لها ابوها.. وخذت الدبدوب.. وركضت للسياره.. وانا مبهته اطالع؟؟ شو هااااا.. يعلم عياله السرقه؟؟ شو من ابو هذا..؟ تمينا نتطالعهم بحقاره.. والأبو يوم شافنا.. بسرعه ربع سار الموتر.. ؟؟

القضيه في سلوكيات بعض الأبهات الخاطئه.. ؟؟ .. احين بتقولين مره ثانيه ردت لسالفه السرقه.. لا مب قايله شي تراني انا هالسالفه الي اعرفها؟؟ .. ولو عندكم غيرها .. خبرونا.. والسموحه على الرد الطويل.. المليق.. عالعموم اختي حكاية حنين .. هذا كان رايي بالموضوع وهو ان كل انسان له عيب واخطاء وهي مب مقرونه بعمر ولا بجنس .. والشاطر هو اللي يقدر يتخطاها .. والحل برايي مثل ماقلت سابقا هو انها توصله الكلام عن طريق امها وبطريقه غير مباشره بس انه ينحط في الموقف .. مب السرقه بس .. اتكلم بشكل عام .. اللي يسرق واللي يجذب .. وغيره ..

واسمحيلي الغاليه مره ثانيه .. يمكن اسلوبي انفهم غلط ..
السموحه عالاطاله

[بنت البلاد]

السلام عليكم..

لا لا لا لا.. الصراحه انصدمت يوم شفت الموضوع مثبت.. وانصدمت زووووود يوم شفت انكم اخترتوه موضوع متميز..

الصراحه اشكر المراقبين على جهودهم.. ولا هنتوا.. الصراحه.. أخجلتوني..
حورية المرسى.. قوت القلوب.. هدوء الليل

ربي لا يحرمني من تميزكم.. وسلمتوا على كل شي..

عزيزتي الدنيا.. السموحه منج.. لا تزعلين مني.. يمكن انا فهمتج غلط.. وانتي فهمتيني غلط.. بس في النهايه خوات ما بينا زعل.. وتسلمين على الرد والتفاعل..

السموحه منكم ..
حكاية حنين:marsa139:

[هزاع x5]

السلام عليكم .... أخت حكاية حنين الموضوع ممتاز وصدمه بنفس الوقت ... كيف النبراس يهز صورته جدام اللي يعتبرونه قدروه ... أنا أعتبره مرض حب التملك والتسلط ... ما أقدر أزيد والسموحه

[عجيد الريم]

السلام عليكم .... أخت حكاية حنين الموضوع ممتاز وصدمه بنفس الوقت ... كيف النبراس يهز صورته جدام اللي يعتبرونه قدروه ... أنا أعتبره مرض حب التملك والتسلط ... ما أقدر أزيد والسموحه

اسمحلي اخويه هزاع بس حبيت ازيد على اللي قلته ...

الولد يمكن مابينحرج من موقف ابوه كثر ماتنحرج البنت ...

لأن الولد يمكن مابيحاسبونه لأنه هو مثل مانقول شال عمره ...

لكن البنت هي متحاسبه على غلطها وغلط اهلها بعد ...

وهي نفسها بيتقطع قلبها يوم بتشوف ابوها بهالصوره ...وبيطيح حتى من عينها ...

مادام هو اللي رباها ..ليش هو يتصرف هالتصرفات ؟؟؟

انا مثلك يمكن اعتبره مرض ..بس المرض ممكن انه يتعالج ..وممكن انه الواحد يتخلص منه ..
لكن هالعاده السيئه حتى لو ابتعد عنها فتره من الزمن لكن لازم بيحنلها ....
ولازم بتحصله رد الموال من اول ويديد ...

والسموحه على الاطاله

[هزاع x5]

اسمحلي اخويه هزاع بس حبيت ازيد على اللي قلته ...

الولد يمكن مابينحرج من موقف ابوه كثر ماتنحرج البنت ...

لأن الولد يمكن مابيحاسبونه لأنه هو مثل مانقول شال عمره ...

لكن البنت هي متحاسبه على غلطها وغلط اهلها بعد ...

وهي نفسها بيتقطع قلبها يوم بتشوف ابوها بهالصوره ...وبيطيح حتى من عينها ...

مادام هو اللي رباها ..ليش هو يتصرف هالتصرفات ؟؟؟

انا مثلك يمكن اعتبره مرض ..بس المرض ممكن انه يتعالج ..وممكن انه الواحد يتخلص منه ..
لكن هالعاده السيئه حتى لو ابتعد عنها فتره من الزمن لكن لازم بيحنلها ....
ولازم بتحصله رد الموال من اول ويديد ...

والسموحه على الاطاله



مرحب إختي حورية المرسى ،،، حبيت أرد عليج وأقول بالعكس الولد اللي يشيل غلط أهله مثال موقف صار جدامي ... ريال دش البيت سكران وولده كان برع البيت شافوه ناس يوم يترنح قالو لولده لو هذا أبونا جان انتحرنا ... ويلسو يتمصخرون عليه ... مثال ثاني يوم البنت تواعد ربيعها وترغد معاه تيب العار حق أهلها صح بس اللي ينضر أخوها كيف يظهر مع الناس كيف بيحط راسه براسهم .. نحن يا إختي بمجتمع مايرحم الكل ينتظر غلطه من الثاني عسب يسويه علج في حلجه إلا من رحمه ربي ... أتمنى إني وصلت المعلومه اللي أبيها ....... السموحه لو تلفظت بألفاظ سوقيه بس كل شي له هدف والسموحه

[عجيد الريم]

مرحب إختي حورية المرسى ،،، حبيت أرد عليج وأقول بالعكس الولد اللي يشيل غلط أهله مثال موقف صار جدامي ... ريال دش البيت سكران وولده كان برع البيت شافوه ناس يوم يترنح قالو لولده لو هذا أبونا جان انتحرنا ... ويلسو يتمصخرون عليه ... مثال ثاني يوم البنت تواعد ربيعها وترغد معاه تيب العار حق أهلها صح بس اللي ينضر أخوها كيف يظهر مع الناس كيف بيحط راسه براسهم .. نحن يا إختي بمجتمع مايرحم الكل ينتظر غلطه من الثاني عسب يسويه علج في حلجه إلا من رحمه ربي ... أتمنى إني وصلت المعلومه اللي أبيها ....... السموحه لو تلفظت بألفاظ سوقيه بس كل شي له هدف والسموحه
مشكور اخويه على توصيلك للمعلومه ...

واشكرك على توضيحك أكثر ....

اختك:حوريه

[عجيد الريم]

تم نقل الموضوع الى محمل التمييز

الف مبروك

[بنت البلاد]

أخوي هزاع.. واختي حوريه.. كلامكم ومناقشتكم على العين والراس.. وصحيحه ميه الميه..

المشكله نحن في مجتمع على قوله هزاع .. ما يعرف الرحمه.. يشبكون الأمور ويسوونها ويطبخونها على راحتهم.. من غير لا ينظرون للنقاط الأساسيه في المشكله.. همهم الرمسه ولا غير..

الله يعينا عليهم بس.. وهالمرض النفسي يا اختي حوريه متى بينحل في هالأب وكيف ينحل هني يكمن الصعوبه..

وسلمتي على النقل..

[الزنبقة]

السلااااام عليكم

بس حبيت اعلق احيانا تكون هذي حالاات مرضية يعني الواحد ما يكون يسرق لان هو يبي هالشي
بس لان يكون مصاب بحالة نفسية نتج عنها هالشي وممكن يتعالج لكن علاجها صعب شوي
وأظن ان الحالة اللي ذكرتيها تندرج من هالحالات لان عادة الاشياء اللي بيسرقونها اشياء ما تسوى

ومشكوووورة على الموضووووع

[بنت البلاد]

الزنبقه تسلمين عزيزتي على المداخله الطيبه.. ولا هنتي الغاليه..

فعلا هو مرض نفسي ربي يشافيه ان شاء الله

[((ماااتستاهل))]

لايسعني سوى المشاركه مع من يهمني أن الشاركه مهما كنت ماخذعليه من ومن حتا تفجر صمتي بجرحه
وهذا أعتبره خطاء فمن قصته بالصدق والأخلاص ليكون جزء من اروح لايمكن أن يكون الوداع بجرح
وتكوين قصة غرام سابقه ليذوق ماذقت من الحزن وهي قصة ماكانت والو كانت صحيح ماجبت لها سيره
والا بادلدت شخص ماشفته بحياتي بألاحساس الصادق لدرجة و صولي لها في مكان بشبه المستحيل
برمز لايفهمه من عاش معه عشرات السنين ؟ فمن سكنت بذاته لايحق لك تدخل أي شخص بينك وبين
من كنت بداخله والا يفيدونك بشي أذا فقته وكانك تبي زود تاكيد بعد كل ماقيل من قبل من الصدق
فأنا اكتفي بهذا الوقت واقول خلك مع من تريد وانا لي الله وانت مسامح
والاهو بحق تعتبر الكلام الاخير صدق واللي من قبل هبأمنثورا فألله العجب والشكرالدايم؟؟؟؟؟؟؟

[بنت البلاد]

ما استاهل

شو السالفه.؟؟ الرد ما يخصه في الموضوع