البيت المرساوي الكبير.. أبطاله من أعضاء المنتدى.. [الأرشيف]

مشاهدة النسخة كاملة : البيت المرساوي الكبير.. أبطاله من أعضاء المنتدى..

بنت البلاد

19-11-2004, 04:03 AM

بسم الله الرحمن الرحيم..

http://www.l22l.com/up/ljitprCA00WDWN.jpg

هذه الفكره ليست جديدة.. بل مأخوذه من الكثير من المنتديات.. ولكن ما يختلف فيها أنها من تأليفي.. وإخراجي..

عمل أهديه إلى منتدى مرسى الإمارات.. يشمل أعضائنا الكرام.. نجسد تواجدنا في المنتدى كتواجد عائلة ما في منزل كبير.. (عاد إتخيلو حجم هالعيله .. ضاربه توب.. ).. اتمنى من الأعضاء الذين لم تعجبهم فكرة تواجد اسمائهم في هذه القصه ان يقولو لي حتى أقوم بتغييرهم.. لأني لا أريد أي إحراج أو مضايقه أحد..
البيت المرساوي الكبير.. تأليف وإخراج: حكاية حنين..
http://www.l22l.com/up/ZeZx5cPicture1.jpg

ندخل إلى الأحداث..

سأبرز لكم بعض الشخصيات الرئيسيه في القصه.. وبعدها سوف أضيف كل مره إسم عضو ما إلى قائمه الأعضاء..

اليده طبعا: بنت المزروعي.. عيوز الدار..

اليد: الربان..

الأم: هدوء الليل.. لطبعها الهادئ دائما..

الأب: أبو فيصل.. لشخصيته التي تناسب ان تكون أبا ورب منزل قيادي..

الأبناء: <(((><.. سلوم... هزاع اكس 5.. وهــزاع.. إطفائي997

Joker.. شيخ_الجن..

(هاييل الي اذكرهم من الشباب .. اذا حد فيكم يباني امسح اسمه يبلغني)

البنات (ماشاء الله وايد الله يزيد.. وين احطهم مادري): طبعا طبعا.. حكاية حنين (أنا يعني).. زعيمة المرسى.. شجون الليل.. إخت الجميع. حورية المرسى.. بدرة البحرين.. شامسية وبس .. الرحيل.... ميمي.. الدنيا.. بنت الغالي.. غصون... نور القمر

إحم.. اقول يا جماعه .. ترا هذا مب معناته كلكم بتكونون العيال.. انا ذكرت الأسامي.. عاد انتوا اقروا وشوفو انا في اي دور فارتنكم..

الجزء الأول..

كان الربان قاعد كالعاده يسقي الزرع وحاط هالرادو يتسمع أغاني مال أول..

الربان(الجد): هيييييييه.. والله هالأغاني ولا بلاش.. مب أغاني مال أحين.. الي اتصارخ اتقول جلب عاضنها وشارد.. ولا الي تراقص مادري شلون..

عقب تم يطالع حواليه إذا في حد ولا لا.. وكمل كلامه: بس مزيونات.. يغربلهن من بنيات... حلوين..

شامسية وبس يايه واتصيح بصوت عالي تبا تشتكتي عند أبوها: هيء هيء.. ابوووووووويه..

الربان: لاحووول الواحد مايروم يسرح بالمزايين إلا وين هاليهال وخربن علي.. اشفيج.. ابوج هب هني..

شامسية وبس: ها.. ابيييييي.. أين أبي؟؟ أريد أبي؟؟ بابااااااااااااااااتيييييييييي..

عاد بوفيصل مايداني الحشره.. توه طالع من المكتبه الي دوم يقعد فيها ويقرا كتب.. ويسمع هالحشره والصياح: ها اشفيج؟؟ .. صحيتي الجيران.. اشعندج اتصيحين؟؟

شامسيه وبس: بتشوف لي صرفه ويا هالدريول سلوم.. ياسه اقول له ودني المكتبه ابا اخذ لي شويه اغراض مب طايع.. يقول في مباراة كريكت يبا يروح له.. شو ها.. دريول شايف عمره وايد..

الربان: احين مسويه هاليوله كلها عشان الدريول.. انا اتحسبت احين شي ضاع منج.. ولا حد ضاربنج..

بوفيصل: هيه.. سلوم مستأذن مني.. من متى قال لي انا بسير المباراة..وانا عاد ما منعته.. مسكين من وانتوا صغار وهو عندنا يكرف.. عمره ما فكر في عمره غير ألحين.. قال شو بيسير الا هي مباراة.. وبيرد يكرف ويشتغل عشانا.. روحي قولي لحد من أخوانج يودونج؟؟

شامسيه وبس: اقول لمنو مثلا..جوكر.. مب فاضي لي.. كل يوم مجابل له هالبلي استيشن .. . ومطنشني وطفوووي (إطفائي).. هذا كله.. كل يوم يسوي لنا أبحاث.. اونه يبا يخترع انسان آلي يكون إطفائي..

الربان: اقول.. سيري جابلي دروسج.. ويصير خير..

شامسيه عصبت من هالحاله.. دشت البيت وكانت تتحرطم طول الوقت.. وتمت أخت الجميع ويا شجون الليل يطالعونها ويتساسرون ويضحكون عليها..

اخت الجميع: هههههه.. شوفي.. دخان يظهر من خشمها..

شجون الليل.. : اقول.. هاتي الخمير بسرعه خاطري في خبر خمير.. يدوووووو..

وتوها كانت بنت المزروعي (اليده).. داشه الصاله وشجونو كانت اتنادي عليها.. وهي عاد نظرها ضعيف شوي.. ماتشوف عدل من بعيد.. وتمشي وهي لاويه ظهرها وحاطه ايدها ورى ظهرها.. والإيد الثانيه زاخه فيها عصاتها: هاااا.. حنووون (حكاية حنين).. شو تبين..

وتوها حكايه كانت ظاهره من المطبخ في إيدها صحن فراخ كانت مسوتنه عشان الفلم الي بيعرضونه على القناة الثانيه: حرام عليج يدوو.. أحين انا اتشبهين فيني خاتووون الليل..

اخت الجميع: وييييييييييو طاحو فيها..

شامسيه طول الوقت كانت تمشي رايحه ويايه .. رايحه ويايه .. وتتحرطم.. قاعده اتخطط كيف اتخليهم يودونها المكتبه.. مالقت حل.. غير انها تتفق ويا رحيلوو عشان يسون شي يخلي جوكر ولا إطفائي يودونها المكتبه..

..

الطابق الثاني في غرفه الكمبيوتر..

نور القمر معصبه على بدرة البحرين ليش انها قاعده ومبسطه على هالكمبيوتر ومب طايعه اتنش عشان نور تقعد.. : اقوووول.. هي انتي.. فكينا من قصصج هاي.. كل يوم شي.. اليوم مريووم وسلمانوو.. وباجر مادري منو.. نشي نشي.. وراي تصاميم ابا اسويها

بدرة البحرين عاد مب منتبهه لها ومطنشتنها.. لنها مشغوله بالقصه.. وفجأة قامت وهي اتصرخ عاد زاغت منها نور وسارت انخشت ورى الباب.. : الحمد لله والشكر.. اتخبلت هالبنت وقعدت..

بدرة البحرين.. : لا حرااااااااام.. الكمبيوتر اتبند علي.. نوروووووووووو.. والله حراااااااام.. كتبت الجزء وكل شي اتبند قبل لا أخزنه.. حرااام..

زعيمه المرسى توها كانت طالعه من الحمام وسابحه.. وشالنها الهوى.. تمت اتغني اغنيه الجسمي.. ودانا على الدانه تراني اليوم بسافر.. ودانه على الدانه تراني اليوم بسافر.. ريضني مقطع باسي.. تراني اليوم بسافر.. عاشوو عاشوو..

من سمعها هزاع اكس فايف اتغني ارتبش وطلع وشال الخيزرانه وتم ايول.. وعلى طول طلع شيخ الجن من غرفته وكمل اليوله ويا هزاع.. والكل ارتبش.. اخت الجميع وشجون الليل.. وباقي البنيات يوم سمعوا الربشه صعدوا.. ومن شافوهم .. بدوا كلهم يصفقون ومرتبشين وياهم.. عاد زعيموو استانست.. سارت صوب باب الغرفه وتمت اتطبل عليها واتكمل الإغنيه..

ودانه على الدانه تراني اليوم بسافر.. الله .. عاشو.. هوب هوب..

من سمعتهم اليده عصبت.. عاد هي اتحب الربشه وتستانس عليها.. بس اونها ما تحب تبرز هالشي.. صعدت وشافت الربشه على طول ضربت هزاع ويا شيخ الجن وهم من حسوا بضربتها فزوا.. وأما البنات من خوفهم كلهم دشوا غرفه الكمبيوتر وصكوا الباب..

اليده (بنت المزروعي): شو هالمنكر بعد.. اشو ها.. ؟؟ ما تعلموني؟؟

عاد البنات كلهم ملتمات فوق بعض لأن غرفه الكمبيوتر صغيره شوي.. وبدرة البحرين ولا حاسه بالربشه هي روحها في عالم .. اتحاول اتصلح الكمبيوتر وكل ما يسوون حشره اتصرخ عليهم اتسكتهم..

حنوون: ايه.. يلا لين متى بتمون هني.. احين جوكروو وطفوووي بيخلصون الفراخ كله.. وبقعد على فراش الفقر.. ما بحصل شي.. والفلم بيبدأ احين..

أخت الجميع: انتي جب.. اكرمينا بسكوتج؟؟

حنون عصبت وتوها بتير خيتوو من شعرها وقفت جدامها شجون الليل عشان تمنعها.. وخيتوو تمت تتضحك وهي منخشه ورى شجوووونووو ومنزله عمرها.. : يالتيسه.. حماره.. (تمت اتطلع لسانها)..

هني عصبت حنون زود من خيتوو إلا تبا تضربها بس شجون واقفه في النص ما تخليهم.. : ماعليه.. وين بتشردين عنا.. تراج بترقدين وياي في الغرفه.. يعني ماشي أمل.. براويج يعني براويج.. بنفرد فيج الليله.. براويج الويل.. اتريي انتي بس.. يالحماره.. عيل انتي اتقولين لي جب.. انتي يالي طولج شبر ونص ما يستوي.. اتقولين عقله الإصبع..

بدره البحرين عاد حرجت صدق من هالحشره كلها.. وشلت الماوس وفرته صوب البنات.. عاد انفر على راس شامسيووو.. ورحيلو غمزت لها عشان تبدأ الخطه.. لأنها يت في وقتها هالضربه.. طيحت شامسيو عمرها غشيانه على الأرض.. الكل خاف..

شامسيو:أخ.. ياني ارتجاج في المخ بسرعه بسرعه ودوني..

رحيل: هيه يلا شلوها بسرعه..

نشت زعيمه المرسى بما أنها العوده هي ويا نور القمر وشلو شامسيه .. وطلعوا من الغرفه.. تمت رحيل تمشي وراهم واتقلد صوت الإسعاف..

رحيل: طاطوووووو طاطووووو.. درب درب.. طاطووووو طاطوووووو..

الكل من شاف زعيمووو شاله شامسيه هي ويا نور.. خافوا .. نش جوكر بطبعه حشري عشان يشوف شو السالفه؟؟

رحيل: ياها ارتجاج في المخ.. المسكينه كان خاطرها اتروح المكتبه وانت ما لبيت طلبها..

تمت حنوون تلوي على خيتوو ويتظاهرون أونهم يصيحووون: هيئ هيئ.. يا حبيبتي ياختي..

اخت الجميع: كانت طيبه.. خلاص حنووون .. بس لا تصيحين.. احين انا بسير غرفه شامسيوو وانتي تمي في الحجره روحج.. اهئ اهئ..

بدرة البحرين عاد ياسه على الدري فوق.. وكانت تتطالع تحت وهي زايغه.. وكان شيخ الجن توه بينزل من الدري فشاف بدروو قاعده وهي تراقب تحت.. هي ما كانت منتبهه ان شيخ الجن وراها.. عاد هو مسكها من إذنها ورفعها عشان توقف جدامها.. : شو اتسوين؟؟

بدرة البحرين وهي خايفه وترتجف.. ومرتبكه: ها.. وووووالللللله انا ماااا يخصني.. ممممماعرفت انه بيي عععليها..

شيخ الجن: شو اتخربطين انتي؟؟

بدرة : ها.. شو .. لا ماشي.. بببروح اعدل الكمبيوتر..

شيخ الجن: متأكده ما مسويه شي..

بدرة: ها.. شي .. شي مثل شو؟؟

شيخ الجن: اقول.. فارجي من جدامي خل انزل..

بدرة ما صدقت انه قال لها جييه على طول ربعت فوق وشردت عنه ودشت غرفتها عشان .. وأما تحت فكان الجو مرتبك.. فارين شامسيوو على الأرض وكل شوي وحده من البنات تتظاهر بالصياح عليها.. والي ترمس وتقول انها بتشل السرير.. والي تقول بتمتلك ملابسها.. والي والي..

عاد جوكر صدق المقلب مسكين على نياته حس بالذنب.. نش بسرعه وياب ماي وبلل ايده وتم يمسح على ويهها عشان ينش.. ويصفعها على الخفيف.. عاد شامسيوو هني بطلت عين وصكت عين..

شامسيوو: وين انا.. الجنه ولا النار..

وفجأة نشت اتصارخ: لااااااااااااااا.. انا في النار.. حرام انا ماسويت شي..

وتمت تتطالع جوكر: هذوا حرس جهنم.. امييييي.. الحقيني..

البنات ناقعين من الضحك بس ميودين اعمارهم عشان الخطه تنجح بعد ما قالت لهم رحيل السالفه.. وعاد هني تم جوكر يهديها.. : شامسيوو .. نشي نشي.. بوديج وين ما تبين.. خلاص انا حاضر.. نشي نشي..

شامسيه: ها.. شو.. وين؟؟ ليش؟؟

جوكر: يلا بوديج المكتبه..

شامسيه ما صدقت من سمعت كلامه نشت تربع فوق وهني تم يطالع طفوووي ويضحك عرف انها خطه من خططها.. بس ما قال شي.. ما حب يكسر بخاطر اخته يوم انها استانست.. وهي على طول لبست عباتها وشيلتها وربعت عشان اتسير تركب الموتر واتروح المكتبه ويا جوكروو.. بس عاد خيتوو وحنوون ما طاعوا يصخون.. كل شوي يتناقرون ويفرون على بعض فراخ.. وهم يطالعون فلم الرعب الي عارضينه على القناة الثانيه.. وطفوووي يلعوزهم يصك الليت.. وهزاع يروح برع ويتم يدق على الدرايش.. والبنات من الزيغه كل وحده تنقز في حضن الثانيه.. ويتم هزاع اكس فايف.. يصورهم بالتليفون ويضحك عليهم.. مصخره والله انتوا..

طفووي: اقول هزاع.. روح خذ عباة يدوو والبسها وادخل عليهم الميلس.. كشخه..

هزاع: بس يدو اذا عرفت بتنازعني.. بتصلخ يلدي..

طفوووي: انت روح احين.. ويدو ما بتعرف..

هزاع: انت ناوي اني انذبح ولا شو؟؟

طفوووي: يلا بسرعه.. فرصه .. عاد انا ودي انتقم من شجونوو وزعيموو.. مسوين اعمارهم اونهم ما يخافون...

هزاع راح غرفه يدته وشل عباتها.. وعصاتها الثانيه الي في الكبت.. وسار المطبخ عند سمكان..

هزاع: سمكوك.. هات لي ألمنيوم.. أبا اسوي أشواك للعصاة هاي.. أبا اراويهم شغلهم..

<(((><: لا مافي.. هذا ألمنيوم أنا يريد في شغل واجد انا في سوي .. يلا روح برع..

هزاع: اوهوو هذا الي بيذلنا احين.. اقول.. <(((>< والله اذا ما عطيتني.. ترا ما بخلي حوريوو اطب المطبخ عندك مووول..

<(((><: ها.. شو .. هوريه.. ميرا دل.. باقل هي تم .. يي ميرا دل هي.. تم كج ألمنيوم يبي؟

هزاع: والله ما فهمت غير كلمه ألمنيوم .. بتعطيني ولا شو..

<(((><: هي.. بس مافي خلص كلوو.. بعدين ماما قول انا في ياكل ألمنيوم سوي جنجال حق أنا..

هزاع: اقول عن الهذربه الزايده.. هات..

شل هزاع الألمنيوم وتم عالسريع يسوي الأشواك على العصاة ولبس العباة وغطى عمره عدل.. ودش عليهم الميلس والليت مصكوك.. من شافوووه الكل مات خوووف وزياغ.. تموا يصارخون.. عاد تم هزاع اكس فايف يدق على الدرايش وشيخ الجن يطلع لهم أصوات عجيبه وغريبه.. وطفوووي يصفر.. كان جو مرعب بالنسبه للبنات..

الربان سمع الحشره وعصب.. سار الميلس وفج الليت.. : غربلاتكم.. اشوو ها.. حسكم واصل لآخر الشارع .. فضحتونا.. اعوذ بالله..

هزاع من سمع صوت يده زاغ.. ما حس بعمره إلا يخش العصا تحت عباته ويغطي ويهه عشان يشرد من الميلس.. شافه اليد(الربان)وزخه: ها العيوز.. شو غديتي ياهل اشوف.. غربلاتكن من حريم يوم فاضحينا عند العرب.. ولا بعد انتي يدتهن وجيه.. اعوذ بالله منكن.. يلا كل وحده على حجرتها.. ماشي أفلام.. يلا كلكم رقدوا..

وتوها اليده (مزروعيوو)دشت الميلس عشان اتشوف شو السالفه: شفيكن؟؟

الربان استغب.. شو ياب اليده.. عيل منو هاي الي متغشيه عنه.. البنات كلهن موجودات.. هاي منو..

اليده: عباتي اشيابها هني؟؟ ..

الربان استغرب.. سحب العباة بقو.. شاف هزاع واقف وهو ملتم على عمره وزاااايغ يرتجف.. وماسك العصاة.. البنات تمن يضحكن على شكله.. والي اتسوي له حرّه بإيدها.. والي اتطلع له لسانها.. والي مغطيه بوزها وهي تضحك.. والي اتساسر الثانيه واتعلق.. وهو يطالعهن بحقد.. كأنه يقول .. أنا اراويكن.. تضحكن علي.. والله ان ما شوبت راسكن.. هيييين..

الربان: مسود الويه.. عنلاتك من ولد..يوم هاي سواتك.. هاي سواة اتسويها.. استح عويهك.. لحيه وشنب وهاي سواتك..

تمت اليده تمرغه بعصاتها.. وهو يحاول يشرد بس مب قادر.. في النهايه قدر يفلت عنهم..

هزاع: يدووووو فار..

اليده من سمعت طاري الفار ما حست بعمرها إلا وهي ناقزه فوق الكنب.. هزاع يوم شافها كيف نقزت نقع من الضحك.. : يدووو.. استويتي كات وومان.. ههههههه.. اهنيك يدي.. ههههه

وتوها اليده بتنزل عشان تضربه جان يشرد وهو يضحك.. والكل ربعه لغرفته من الزيغه عن يلحقهن هزاع ويضربهن.. وتوه كان جوكر راد من برع ويا شامسيه.. وما يعرف شو الي صاير.. شامسيه صعدت فوق.. وجوكر توه شال السفره وبيفرشها على الطاوله الي في المدخل.. ما حس إلا بضربه قويه يايتنه عظهره.. يوم صد ورى إلا شاف اليده ضاربتنه..

جوكر: حراااام.. شو سويت انا..

اليده: جوكر.. لعلني افداك.. ويديييه.. والله مادريت انك انت.. اتحريتك هزاع الهرم..

جوكر: بس صلختيني.. والله.. انا هالعصا بييني يوم واكسرها..

اليده: اتهبي..

جوكر: وهو شايل السفره وساير صوب الدري: بتشوفين.. (تذكر عوار ظهره وحط ايده على ظهره وكمل دربه وصعد فوق).. الله يسامحج.. وينه ها هزاع.. هو يغلط وانا اتحمل.. ماشي الا اطلع غليلي فيه..

اقول يا جماعه ها جزء قصير كمقدمه عشان اشوف ردة أفعالكم؟؟

الي يباني أكمل ؟ يقول.. والي ما يبا هم يقوول؟؟

والي يباني اشل اسمه من القصه يقول عشان اغير؟؟

يلا باااي..

المؤلفه: حكاية حنين

بدرةالبحرين

19-11-2004, 04:59 AM

مرحباااااا الساااااااااااااااااع

الله فكره حلوه .. وايد وايد عيبني الجزء و عيبتني الفكره

كمليهااا بليييييز

وحليلي انا في عالم خااص ههههههههههههههههههه

لاتبطين عليناااا والله عجيييبه السوالف وانا اقرا ناقعه ضحك ..

احلى شئ اليده .. وشامسيه وحليلها انضربت ههههههههههههه

تسلمين يا احلى حكايه

اتريااااج الغاليه

busanad

19-11-2004, 06:13 AM

تسلمين حكاية حنين :)

الحالمة

19-11-2004, 07:35 AM

واااااااااااااايد روعه
كمليها الغاليه ترانا بانتظارج

قوت القلوب

19-11-2004, 10:35 AM

حنووووووووووووووون.......
كملييييييييييييييييييي
كمليييييييييييي
ننتظر الجزء الثاني......
من هذيله ..اللي بجنب البيت...

http://www.l22l.com/up/ZeZx5cPicture1.jpg

ابوفيصل

19-11-2004, 12:34 PM

تسلم ايدك حنونه ...

قصه حلوه ....

اقول يا جماعه ها جزء قصير كمقدمه عشان اشوف ردة أفعالكم؟؟

اعجبنتي كلمة افعالكم .... هههههههههههههههه

انا افعالي معجبه مره مره ...

واتريا التكمله ,,,

سلوم

19-11-2004, 04:06 PM

شجون الليل

19-11-2004, 04:17 PM

بنت البلاد

19-11-2004, 04:18 PM

بنت البلاد

19-11-2004, 04:23 PM

تسلمين حكاية حنين :)
الله يسلمك اخوي..
واااااااااااااايد روعه
كمليها الغاليه ترانا بانتظارجان شاااااء الله راح اكملها.. تسلمين

قوت القلوب حبيبتي.. والله مادري انا رسمت وما حطيت حد في بالي..

بنت البلاد

19-11-2004, 04:24 PM

بنت البلاد

19-11-2004, 04:26 PM

السلام عليكم و رحمة الله وبركاته...

:marsa138: الحين انا دريول....
:marsa186: ما علي اوكي...
:marsa164: المهم ما حصل ضرب شرات الي حصله هزاع و الجوكر...

يله كومبليت ....

ربي يعطيج العافيه ام كشه:marsa127:
سلوم لا تتشمت وايد.. ياينك الدور..

وانا ام كشه ماعليه اراويك.. كل هذا محسوب ترا عليك في القصه..

شـامسيــة وبــس

19-11-2004, 04:43 PM

:marsa194: تسلمـــــــــين بنوته ( حنين ) واااااايد حلوه ...

صدق حلوه ... كملي الله يعطيج العافيه ...

:marsa26: :marsa26:

بنت البلاد

19-11-2004, 04:45 PM

القصه كوووووول

بس جان خليتيني انا العيوز عسب امرغكم مراغ خخخخخخخخخخخخخخخخخخخخخخخ
وجان خليتي العيوز خريشه شوي عسب نستانس عليه
زين خليني اقطع العيوز لاني احب اقطع العيايز وتراوش معاهن

اقول ترى انا مااحب الخمير خليها جباب زين :marsa191:

وياريت لو تخليني اصفع الشباب خصوصا هالدريول خاطري اغسل شراعه :marsa88:
افا عليج شجونتي..
هالعيوز ماعليج منها.. داهيه.. من تحت لتحت

واما عن الدريول ماعليج.. انا روحي كاتبه القصه وفي قلبي انتقام.. <<<شريره

إعــــــلان..
يا جماعه.. الي يحس منكم يحب يشارك في القصه المرساويه ويكتب جزء.. ويألفه ويخرجه يطريقته الخاصه بس بشرط انها تكون متسلسله مع الجزء الي سبقه .. ترى المجال مفتوح.. لأن القصه مب إحتكار علي.. انا حالي حالكم لي دور فيها.. مثل ما لكم.. ؟؟ يعني القصه مشتركه في النهايه..
فالي منكم يحب يشارك يبلغني برساله خاصه.. عشان ما اكتب.. والي يحب يكتب عاد له الحريه بطول الجزء.. وطريقه سير الأحداث.. والإخراج.. بشرط نبا صوره في كل جزء..
بيني وبينكم .. الصراحه انا فاشله في الكوميديا ماعرف انكت وايد.. ويمكن لاحظتوا هالشي..

بنت البلاد

19-11-2004, 04:46 PM

:marsa194: تسلمـــــــــين بنوته ( حنين ) واااااايد حلوه ...

صدق حلوه ... كملي الله يعطيج العافيه ...

:marsa26: :marsa26:
الحمد لله يوم عيبج..

بنت البلاد

19-11-2004, 06:00 PM

http://www.personalcreations.com/estore_assets/images/shop/product/P0022259.jpg
شوفو صوره العايله الكريمه.. محلاهم وهم مجتمعين.. بس أقول؟؟ في ناس شاردين محد في الصوره؟؟

شجون الليل

19-11-2004, 06:06 PM

فديتج تفكيرج حلو مزاحج احلى
وانا اقول ان القصه تنكتب باسلوبج احلى لان في اختلاف في الاساليب بيكون والقصه مب مجانسه من ناحيه الاسلوب
لكن الي عنده افكار لسير الاحداث يطرحها عليج وانتي تكتبينها باسلوبج وهذا بيكون احسن من منظوري انا
ولا جي بصير لخبطه وسبق صارت من قبل وتحولت القصه لنكته وتقاريض من الاعضاء فهمتي علي!!

بنت البلاد

19-11-2004, 06:11 PM

صح شجونتي.. صدقتي.. خلاص الي عنده فكره يقولها لي في الرسايل عشان ما يعرفها الكل ويحترق الجزء عليهم <<<عادي بيينا اطفائي وبيطفي الحريجه.. خخخخخخخخ

اشوف الأفكار والإبداعات

زعيمة المرسى

19-11-2004, 09:05 PM

هع هع هع

حكايووووووووووه

عيل انا اللي ربشة المكان واللله حبيت عمري اتصدقين هههههههههههههههههه

هع هع اقولج خليني الام ابى اظرب :marsa189:

واكسر كمبيوتركم :marsa86:

:marsa135:

والله انتي انتيكاااا

يلا نترياااااا القصه :marsa133:

عويد الموز

19-11-2004, 10:16 PM

بنت البلاد

19-11-2004, 11:13 PM

بنت البلاد

19-11-2004, 11:17 PM

هههههههههههههههههههههههههههههههههههههههههههههههههه هههههههههههههههههههه
وحليلي انا اليده :marsa72:
والله روعه القصه ضحكتيني
والجوكر غمضني هههه وحليله بيتكسر ظهره
بنتووه ما اوصيج على عيالي وخصه الصبيان :marsa58:
وشموس الشيطانه والبنيات بعد ما ابا بناتي يظهرن جيه
علميهن الرزانه :marsa78: :marsa40: اسميني بغصص عليكم خخخخ
..
يالله كمليها الشيخه بنترياج
وتسلمين حبيبتيه
:marsa197:
اوه.. عيوزتنا اهني..
اقربي اقربي.. بس دخليج خلي عصاتج عندج لا اتيبينها..
وعيالج ما عليج منهم.. هاييل لو اجتمعوا بيحررون القدس..
وماعليج.. ان شاء الله تعيبج الأحداث اليايه..

وربي يسلمج من كل شر

بنت البلاد

19-11-2004, 11:18 PM

تــــــــم فتح الموضوع من جديد..
أهلا بالقراء..

بنت البلاد

21-11-2004, 07:44 PM

أول قصه حبيت ابتدي فيها مشوار القصص المرساويه.. التي تحمل في طياتها العبره والعظه.. وتحمل مشكله إجتماعيه جميعنا نعاني منها.. إليكم العدد الأول.. أو الحلقه الأولى..
http://thejet.crosswinds.net/pwgrafx/tjewpink20welc.gif
ليله العيد..

أبطال القصه:

- حكاية حنين: تمثل دور الزوجه.. الشبه متسلطه.. الغيوور.. ودور الشر في القصه..

- سلــوم: دور الزوج التائه.. لا يعلم ماذا يفعل.. ومن يصدق..

- بوفيصل: هو والد سلوم... الأب الحنون الطيب.. الحريص على أبنائه..

- أم غيث: المرأه الطيبه.. مريضه.. مقعده على كرسيها المتحرك..

- شعور 84: الطفله البريئه.. إبنه سلوم..

شجون الليل: امرأة احتارت من ترضي.. زوجها أم والديها؟؟

عريشي (سمكان): الزوج المتسلط لشجون..

وهذا عرض مبسط للشخصيات.. وإليكم الأحداث.. نبدأ..

=============

بيت بو سالم.. تأسس على أساس من الحب.. ودفئ العلاقه الأبويه.. التي تربط ما بين الإبن سالم.. وشجون وأبويهما.. ساد في المنزل كل مظاهر الدلع والترف.. ولم يحرم بوسالم (بوفيصل).. أبنائه من أي شيء يكمن في قلبهم إلا ووفره لهم.. بعد ان تعدى الستين من عمره.. شعر بالتعب من العمل والجهد الكبيرين عليه.. فأوكل إبنه سالم جميع أعماله التجاريه ليقوم بإدارتها جميعا.. سالم إبن الخامسه والعشرون من عمره.. شغلته الحياة عن الدراسه فرضي بالثانويه ولم يشأ أن يكملها ولم بجبره والده طبعا.. لحبه الشديد وتعلقه بإبنه.. فلم يرد ان يضايقه.. سالم شغل نفسه بقصص الحب التي لا تنتهي.. إلى ان وصل إلى حنين(حكاية حنين).. فتاة في مقتبل العشرين من عمرها.. أحبته لوسامته.. وطيبه قلبه الكبييره.. وهذه الصفه التي يشترك بها مع والده..

فأسرته بحبها.. وجعلته يرى الدنيا بمنظور آخر.. ولم يعي أن هذا المنظور خطأ كبير في حياته.. جعلته كالأعمى.. يمشي ويتتبع ما تقول له.. إلى أن تزوجها وأتت لتسكن معهم في ذات المنزل.. أم سالم(أم غيث).. تلك المرأة المسكينه التي تعرضت لحادث جعلها مقعده على ذلك الكرسي اللعين.. كرسي حرمها من التمتع بما قد أنعمه الله عليها.. فصبرت وشكرت الله .. ولم تيأس أبدا.. شعور.. تلك الفتاة التي تبلغ الخامسه من العمر.. بريئه.. لا تعرف سوى الضحك واللعب.. ولا تعي ما هي فيه.. شجون.. أخت سالم.. فتاة جميله.. طيبه القلب كأمها.. أكبر سنا من سالم.. تزوجت وانتقلت إلى بيت زوجها وهي كانت في التاسعه عشر من عمرها..

عريشي.. زوج شجون.. الرجل المتسلط.. الذي لا يحب أن تكسر شجون له كلمته.. وغير مبالي بمشاعرها ولا يهتم لكلامها..

ندخل إلى الأحداث..

الصبح.. الساعه 7.30..

نشت حنين (حكاية حنين) كالعاده عشان اتنشش شعور لأن وراها مدرسه.. شجون وحليلها في الصف الأول الإبتدائي.. شيطانه ما تحب المدرسه..

حنين: شعوووور نشي ماماتي.. يلا وراج مدرسه..

شعور: مابا.. بطني يعورني..

حنين.. وهي زايغه: شو.. بطنج يعورج.. حبيبتي انتي.. ليش ماما؟؟ شو كلتي أمس؟؟

شعور: أمس فليل .. انزين.. كنت يوعانه.. انزين.. بعدين رحت عند يدوو.. انزين.. قلت لها انا يوعانه.. انزين.. سوت لي بيض .. انزين.. وكليته.. بس؟؟ تعالي بقولج شي.. (اتأشر لها.. وتقرب من أذونها وبصوت واطي).. خذيت كيندر من الثلاجه..

حنين: شووووو.. وانتي ليش ما تقولين لي انج يوعانه؟؟ انا بسوي لج؟؟

شعور: بس يدو سوت لي؟؟

حنين: لا والله.. ويدتج هاي المقعده على الكرسي شو تروم اتسوي.. أحين منو أمج .. انا ولا هي؟؟

شعور زعلت ليش امها تمت اتمط اذنها واتصرخ عليها.. وبطبعها الحساس بسرعه اتصيح.. وتمت اتصيح.. في هالأثناء كانت أم سالم (أم غيث) تقرا قرآن في الغرفه الي ملاصقه في غرفتهم.. فسمعت الكلام.. حزنت.. أدمعت عينها على الكلام الي سمعته بس سكتت.. وهزت راسها..

حنين: شوفي .. انا امج فاهمه ولا لا.. وبعدين هالعيوز انا أعرف كيف اتفاهم وياها.. يلا نشي لبسي وتروحين المدرسه فاهمه..

قامت شعور وهي اتصيح وسايره صوب الحمام وتمت بصوت واطي تتحرطم: شو ها.. كله تضربني.. انا ما سويت شي.. كنت يوعانه..

حنين قامت من مكانها وعلى طول سارت صوب غرفه عمتها (ام سالم).. كان عمها في هالوقت طالع عشان ياخذ سمك للغدا وشويه أغراض ومنها يسلي عمره .. ودشت الغرفه من غير لا إحم ولا دستور.. وشراره الغضب طالعه من عيونها: اخبرج انتي.. ياعيوز ابليس.. يوم انج ما تحبيني وما تبيني في بيتكم.. لا تسممين بنتي.. خافي ربج.. ياهل هاي.. تبين تجتلينها.. مسويه عمرج مره تقيه زمانج.. قابضه لنا هالقرآن وتقرينه.. ومن الصوب الثاني ادبرين وتتآمرين علينا.. ليش تكرهيني ليش؟؟ .. وعيال بنتج.. تاخذينهم بالأحضان.. انتي شو من بشر.. غيرانه ليش ولدج ماخذ بنت اختج ولا حد من هلج.. أكيد ما بياخذ .. من حلاتهم ولا زينهم.. وبعدين انا سمعت ان انتوا الشلل عندكم وراثي يعني الي فيج مب من الحادث.. بغيتي تبلين ولدج بوحده يستوي فيها الي استوى بج.. شو انتي؟؟

تمت ام سالم تتطالع حنين وهي مبهته.. معقووله كل هالشر.. ليش.؟؟ .. وشو هالأفكار.. انا كيف بجتل حفيدتي.. حشاشه يوفي.. حسبي الله ونعم الوكيل فيج.. حسبي الله..

حنين: ها.. اشوفج ساكته.. اعرف انا ليش هالسكوت.. لأني كشفتج.. سمعيني يالعيوز.. اياني واياج اتجربين صوب بنتي.. فاهمه.. ولو سمحتي يعني.. البيت هذا .. بيييييييتي.. واليوم رباعتي بيون عندي ماباج تنزلين الصاله.. ما يدرون ان ام ريلي معاقه.. اتفشليني عقب..

وطلعت من الغرفه واتصك الباب بقو.. وتمت ام سالم تتطالع الباب والقرآن في إيدها.. وإيديها ترتجف من الحزن الي يكمن صدرها.. وتدمع.. ماتعرف شو اتسوي.. كبيره في العمر وما بيدها أي حيله.. كل الي تقدر عليه اتقول حسبي الله ونعم الوكيل.. ولا عمرها فكرت تشتكي لولدها ولا لزوجها.. خوفا من المشاكل.. لأنها ما تبا حد يضرر بسببها.. أما شعور فكانت واقفه عن باب غرفتها وتسمع كلام امها.. وهي لبرائتها وطفولتها.. وجهلها صدقت كلام امها ان يدتها حاولت اتضرها.. وتمت اتصيح دخلت عليها امها وشافتها اتصيح..

حنين: انتي بعدج اتصيحين.. يلا ماما حبيبتي.. بطنج بيستوي زين احين بعطيج دوا وسيري المدرسه..

شعور: ماما.. صدق يدوو تبا اتعورني؟؟

حنين: وحليلج يا بنتي.. خايفه.. هي يمي.. يدتج ما تحبج.. اتحب بنات شجون بس.. حبيبتي انتي.. لا تخافين.. عشان جيه انا قلت لج لا تسيرين عند يدو.. تبين شي تعالي قولي لي..

شعور وهي تمسح دموعها بإيدها .. وتشهق.. باست راس امها.. وطلعت من الغرفه.. وتمت تمشي بخوف وحذر.. وكل شوي تتطالع وراها صوب غرفه يدتها.. ومحتاره وخايفه.. والأفكار تدور في راس هالبنت المسكينه..

رد بو سالم البيت.. وياب الأغراض وحطهم في المطبخ.. صعد يروح غرفته عند أم سالم.. شافها قاعده على الكرسي صوب الدريشه.. فاتحتها وتشم الهوى .. جرب منها.. وحط ايده على جتفها.. وابتسم لها..

بوسالم(بوفيصل)..: هيييييه يا ام سالم.. سنييين مرت.. والعيال كبروا.. ونحن كبرنا وراهم.. اتحيدين قبل .. هالبيت كان شو صغره.. وبجهدج وتعبج وياي.. ومساعدتج لي قدرنا نبني هالبيت العود.. ونسوي هالشركه.. قبل كان عندنا بقاله صغيره.. ومع الوقت كبرت وصارت سوبر ماركت بكبره.. ولين ما فتحنا شركه استيراد وتصدير مواد غذائيه.. وهذا كله بوقفتج وياي..

طول الوقت وهو يرمس لاحظ هدوئها.. والصمت الي متملكنها.. وانها ما تتحرك أبد.. استغرب.. نزل راسه يطالع ويها.. شافها منزله راسها.. وصاكه عيونها.. استغرب.. نزل على الأرض وتم يصحيها .. بس ما شي فايده.. خاف.. ارتعب.. ماعرف شو يسوي.. طلع من الغرفه بسرعه وتم ينادي على حنين

بوسالم: حنين.. حنيييين.. حنين يا بنتي تعالي بسرعه..

حنين يوم سمعت صوت عمها .. خافت.. وربعت بسرعه تطلع اتشوف شو السالفه.. : ها عمي اشفيك اتصارخ من الصبح.. شو صاير؟؟

بوسالم وبخوف والدموع في عيونه: عععمتج.. مادري اشفيها.. اناديها ما ترد علي..

حنين تعجبت.. وزاد خوفها.. وارتعبت.. ماعرفت شو اتسوي: شششو.. ششفيها؟؟

بوسالم: مادري.. ماترمس..

حنين بسرعه دخلت غرفه عمها .. وراحت صوب عمتها.. وتمت اتهزها واتنادي عليها بس ماشي فايده .. ماترد عليها.. ويوم فحصت نبضها شافت انه مافي أي نبض.. وان جسمها بارد.. ارتعبت زود..

وعلى طول قالت لعمها .. الي من سمع هالكلام تم يرتجف.. وتم ينادي على الدريول عشان يشغل الموتر.. وشلوها وودوها المستشفى.. وحنين اتصلت في سالم..

حنين: سالم تعال بسرعه..

سالم: خير.. اشفيج؟؟

حنين: تعال المستشفى بسرعه أقول لك.. دخيلك..

سالم: شصاير؟؟

حنين: أمك .. في المستشفى..

سالم وهو متفاجأ: شوووووووو.. أحين احين ياي..

وبندت عنه الخط وتمت اتصيح.. وهم يتريون الدكتور يطلع من الغرفه ويطمنهم.. وطلع الدكتور وملامح ويهه ما كانت اتطمن ابد..

بوسالم: خير يالدكتور.. طمنا.. ؟؟

الدكتور: والله ماعرفش أقولوكو ايه.. غير البقاء لله.. هي اصابت بسكته قلبيه .. قضت عليها..

بوسالم وهو يقبض قلبه بإيده .. وطاح.. بسرعه نادى الدكتور على الممرضات عشان ينقلونه للغرفه لإسعافه.. أما حنين فتمت اتصارخ.. واتصيح.. ما صدقت الكلام الي سمعته. كيف جيه؟؟ لا .. مستحيل.. سسسالم.. شو اقول له.. (تمت تبلع ريجها.. وتمت قاعده على الكرسي ومتغشيه والأفكار اتوديها واتييبها).. بببس.. شو اقول ؟؟ .. سكته يعني حد زعلها.. واكيد بيشك فيني.. لا .. ااااااانا ما سويت شي.. ااانا دافعت عن بنتي.. وووببقول له .. وهو شو عاد يرضى على بنته..

وفي هالوقت وصل سالم الي كان شكله متبهدل بالحيل.. وشاف حنين قاعده واتصيح.. : اشفيج.. شصاير؟؟ امي شوفيها؟؟

حنين: اامممك؟؟ ..

سالم: شفييييج.. هي امي.. شو بلاها..

الخوف كان باين على سالم.. وحنين مرتبكه.. مب عارفه شو اترد عليه: سسسالم.. امك عطتك عمرها..

سالم تم يضحك ضحكه مختلطه بصياح.. وده يصدق.. ووده ما يصدق.. تم ماسك حنين من ايدها ويهزها.. والدمعه تذرف من عينه: شششو.. ههههه.. حححنين.. انتي من صدق ترمسين.. اامي انا .. انا..

حنين ألمها موقف سالم.. وتمت اتصيح.. واتهز راسها وهي اتأيد كلامه..

سالم وبعصبيه وصوت عالي: شو اتقولين انتي؟؟ .. مينونه.. امي في البيت اصلا انا ادري..

حنين: سسالم.. هدي عمرك.. هذا قضاء ربك..

سالم وهو يفر حنين على الكرسي بقو.. ويجرب من ويهها وبغضب: انتي شو اتقولين.. حنيييييييين.. لا اتخبليني.. امي اقولج في البيييييييييت.. في البييييييت..

حنين نزلت راسها وتمت اتصيح.. وسالم تم يزاعج عليها .. وكان بيمد ايده عليها يوم كانت اتقول له ان الموضوع صدق.. بس الدكتور لحق عليه ومسكه.. وخذاه وياه للغرفه الي فيها امه.. دخل الغرفه الي كانت مظلمه.. والفراش الي عليه امه كان أبيض كبياض الثلج.. ومنور.. كان يتقدم كل خطوه ويحس بثقل على ظهره وصدره وهو يمشي.. كل شوي يحاول يتراجع ويطلع من الغرفه.. الا ان الدكتور يمسكه ويوديه صوب السرير..

سالم: لا.. مابا.. دكتور.. مابا.. لا هاي مب امي.. بروح لأمي في البيت..

الدكتور: انت لازم ترضى بقضاء ربك.. هذيي مشيئته..

سالم: بس امي لا.. لا لا.. مابا هالشي يصيب امي..

الدكتور: (ولا تقنطوا من رحمة الله).. كل من عليها فان يا سالم.. هدي نفسك..

سالم تم يصيح كأنه طفل.. وحاضن الدكتور بقو.. وفجأه نش من حضن الدكتور واتجه لسرير امه.. وشل عنها الغطاء.. وتم يحضنها ويبوسها.. ويمسك ايدها ويتلمس فيها على خده.. ودموعه تذرف على ايد امه.. ويشم ريحه ملابسها.. ويبوسها .. ونزل قعد على ركبه.. وتم ماسك ايد امه ويبوسها.. ويحركها على ويهه.. الدكتور تأثر من الموقف بشده.. وماحب ان سالم يطول القعده عند امه لأن هالشي مب زين له.. وتم يسحبه وهو رافض.. بس هو تم يشده بقول.. وكان يمشي وكل شي يمد ايده على ورى صوب امه.. ويصيح.. وطلعوه من الغرفه في هالأثناء اتصلت حنين في شجون عشان اتيي .. وطبعا شجون وريلها من سمعوا الخبر بسرعه طلعوا عشان ايون المستشفى..

بو سالم كان تعبان.. وطبعا لحقوه عليه بسرعه وتحسنت حالته .. ونش بالسلامه.. وتم قاعد وهو يصيح شوي.. ويصبر نفسه اشوي ويترحم لها.. وطلب من الممرضات يطلعونه من الغرفه عشان يكون ويا سالم.. وطلع وسار عند سالم .. الي من شاف ابوه لوى عليه وتم يصيح بشده.. وتم ابوه يطبطب عليه ويهديه.. سالم طبعا يوم عرف سبب وفاة امه من زوجته بعد ما طبخت له السالفه عدل وخلته يصدق.. وما يحط في باله احتمال انها تكون سبب في ذلك..

ومرت الأيام وعدت والحزن كان مخيم في قلب شجون.. الي انحرمت من شوفه أمها لأكثر من شهر بسبب زوجها الي كان يمنعها من انها تزورها.. وكانت يادوب اتكلم امها بالخش والدس من ورى زوجها.. كانت تقول لأمها بتتطلق منه وبتيي عندها.. إلا إن امها كانت اتهديها.. وتقول لها انها راضيه عليها لأنها تعرفها.. واتطالبها انها ترضي زوجها.. وتعيش حياتها..

بوسالم حالته الصحيه تعبت زود وزود.. صار ما يقدر يظهر من البيت.. بسبب التعب.. كان دوم يقعد في الميلس طول الوقت.. وكانت شعور متعلقه بيدها وايد.. دوم تقعد وياه وتسولف وياه.. فكانت حنين من تشوف شعور قاعده ويا ابوها تنازعها وتقولها اتروح فوق عشان اتذاكر.. كان بوسالم يتضايق في داخله.. بس في النهايه ما كان يحب يقول شي ويكدرهم..

..

في يوم كانت ام حنين وخواتها يايين البيت عندها يزورونها..

بنت المزروعي : انزين شعور.. ما قلتي لي شو تعلمتي في المدرسه؟..

شعور: السمك يأكل الحشيش..

بنت المزروعي: ههههههههه.. ونعم التعليم الصراحه.. حشيش عاد.. عنز مب سمك حشى؟.. اقول حنوون انتي شو ما تعلمين عيالج؟

حنين: هههههه.. خلي البنت على راحتها اشعليج منها..

وفي هالأثناء كان بوسالم توه ماشي في الصاله يبي يدخل الميلس.. بس ما كان يعرف عن اهل حنين الي موجودين.. دخل عليهم فجأة وكانوا البنات كاشفين.. فاتضايج واتعذر ورد غرفته.. حنين طبعا عصبت.. واختها الدنيا تمت تتحرطم..

الدنيا: شو ها.. ما يحشم أحد.. شو ها ... ما يعرف يستأذن؟... يدخل جيه مني والدرب..

بنت المزروعي: وحليله ريال شيبه.. ماكان يدري.. حرام عليج
حنين: اشفيج انتي.. خلج ساكته احسن..صدقها.. ها اصلا ما يحشم احد..

بنت المزروعي: اعوذ بالله.. اقول شعور.. نشي خالو خل انسير فوق.. لأن امج الظاهر بتخرب افكارج..

شعور: صح.. حتى يدو كانت تبا تعورني..

الكل صد صوبها: شووووو

وحنين تمت تتطالع شعور بنظره توعد.. وبغت اتبرر الموقف: هي.. تخيلو.. بغت اتسمم بنتي.. بس شوفو كيف الله راواها.. ماتت.. فكه منها ومن شرها..

بنت المزروعي تعرف طباع اختها.. وتعرف طيبه ام سالم الي مستحيل اتكون مثل هالنوع.. تمت اتهز رازها وشلت شعور وظهرت: اعوذ بالله منج.. الله يستر عليج بس..

طلع الكل من البيت.. وتمت حنين ويا سالم في الغرفه.. وشعور نايمه.. سالم كان يحاول يتودد لحنين .. بس كانت اتصده ومعصبه..

سالم: اشفيج؟؟

حنين: اوووووه.. انت ما بتحس.. اقول.. خلني ساكته احسن.. ماحب ارمس؟؟

سالم: ترمسين شو اتقولين؟؟ شو السالفه قولي؟؟

حنين: سالم.. صخ.. مب رامسه ولا قايله شي..

سالم: يلا عاااد.. اتخشين عني انا سلووم حبيب ألبك..

حنين: لا والله.. حبيب قلبي.. واليوم الفشيله الي يتني من تحت راس ابوك منو يعوضني اياها..

سالم: شووووو؟؟ ابوي؟؟ شو سوى؟؟

حنين: ماشي.. ارقد ارقد ماله داعي..

وتوها حنين بتظهر من الغرفه.. مسكها سالم من ايدها: وين سايره..

حنين: بنام عند شعووور..

سالم: افاااااا.. تروحين عند شعور وحبيب ألبك هوووون لوحدووو؟؟

حنين: اذا انا صدق حبيبه قلبك.. شوف صرفه لأبوك.. مب حاله هذي يعني.. الواحد يبا ياخذ راحته في بيته مب قادر..

سالم: انتي ممكن اتفهميني الموضوع؟؟

حنين: يعني ابوك فشلني اليوم جدام هلي.. تخيل يدخل على خواتي من غير لا يهود ولا يستأذن.. وهن مكشوفات..

سالم: شووووووو.. ومتى هالكلام؟؟

حنين وهي تعطيه ظهره: اليوم.. اليوم لما هلي يو عندي.. سالم.. دخيلك.. تباني اعيش وياك حياة طبيعيه .. واذا اتحبني يعني.. شوف لي صرفه وياه.. مممممثلا وده عند شجون بنته تتحمله..

سالم: بس هذا ابوي؟؟ .. وهذا بيته..

حنين وبصوت عالي: وانا حرمتك.. ام عيالك.. وهذا بيييييييييتي.. شفيك فقدت الذاكره..

سالم تم مرتبك.. ومنزل راسه ومايعرف شو يسوي.. حس بحيره كبيره: بس.. بس تدرين عريشي ما بيوافق؟؟

حنين: مب مشكلتي.. انا ما بتم في هالبيت دام هالشيبه هني .. فاااااااهم.. وألحين ألحين بالذات بشل بنتي وبسير عند امي..

سالم نش بسرعه عشان يمنعها: لا.. دخيلج.. حنين.. انا مالي غيرج.. امي راحت عني.. وانتي بعد بتروحين.. تبين اتخبليني.. ولا بتاخذين شعور.. لا .. دخيلج.. حنين..

حنين: انت تعرف انا بتم يوم بتفكني من هالعله الي هني..

سالم: خلاص.. انتي بس لا تطلعين.. وما بيصير الا الي تبينه (ابتسم لها وحضنها من ظهرها).. انتي تعالي بس..

حنين ابتسمت ابتسامه انتصار.. وردت مكانها..

..

في اليوم الثاني..

سالم: انزين وين اوديه.. الحرمه بتطلع من البيت اذا ابوي تم في البيت.. لا تخرب حياتي ..

عريشي: شوف.. ابوك يبا حد يجابله.. وبعدين انا مب فاضي لشياب في بيتي.. انا مالي خلق حنه الشياب .. هذا ابوك وانت حر فيه..

سالم: انزين وين اوديه.. وبعدين شجون بتراعيه..

عريشي: نعم نعم.. شجون.. شو انا ماخذ شجون عشان اتراعيكم .. وانا شو.. مالي حق عليها.. اسمعني بيتي يتعذر وجود ابوك.. وهذا اخر كلام.. منادني .. وطلعتني من الدوام عشان اتقول لي هالكلام.. عن اذنك..

سالم: بس.. اســ..

ما قدر يكمل كلامه لأن عريشي ظهر وماعطاه فرصه يكمل رمسته.. وتم محتار مب عارف شو يسوي.. تاهت الأفكار في راسه.. اتصل في حنين وقال لها الموضوع

حنين: نعم.. والله انا مب شغلي.. انا حرمه ابا ارتاح في بيتي.. واظني هالشي من حقي..

سالم: بس يا حنين ترى..

حنين وهي تقاطعه: لا بس ولا شي.. عندي لك حل..

سالم: شو؟؟ قولي؟؟

حنين: ماشي غير دار المسنين.. بيرعونه.. وبيعاملونه احسن معامله.. وهناك بيشوف الي في نفس عمره.. وبيستانس وياهم

سالم: شو اتقولين انتي؟؟ .. تبين الناس ترمس عني؟؟ .. مينونه انتي؟؟

حنين: ليش يرمسون عنك يا سالم.. بالعكس.. انت تبا لأبوك الأحسن.. وهناك يهتمون فيه اكثر

سالم: لا لا لا .. ماقدر..

حنين: يا سالم يا حبيبي.. اسمعني انت بس.. ترا وايد ناس سووها .. وانا بعدين حرمه اداوم واشتغل.. لو ما اشتغل جان جابلته .. بس انت ادرى..

سالم: بس.. ما بيوافقون ياخذونه..

حنين: لا بيوافقون.. قول انك بتسافر برع وماعندك حد هني.. وبطول في السفر.

سالم: لا حنين انا متردد الصراحه...

حنين: اوووووه.. قولها من الأول.. انك ما تباني ولا تحبني..

سالم: حنين.. لا تقولين هالكلام.. انتي اتعرفين اشكثر احبج..

حنين: اقول.. الكلام ضايع وياك.. مع السلامه.. لا تتصل لي..

بندت الخط في ويهه.. سالم من سمع ان الخط انقطع.. ارتبك زود.. خذ التليفون ورد يتصل مره ثانيه شافه مغلق.. ماعرف شو يسوي.. غير انه طلع من المكتب وسار البيت عشان ينفذ طلبها.. دش البيت وشاف ابوه كالعاده قاعد في الميلس..

سالم: السلام عليكم ابوي..

بوسالم: هلا والله بولدي.. شيابك هالوقت؟؟ ..

سالم: ماشي.. في موضوع ابا اكلمك فيه..

بوسالم: قول ابوي.. شو الي في خاطرك..

سالم: والله الصراحه يابوي ماعرف شو اقول لك.. بس..

بوسالم: قول.. ولا اطولها.. شو في خاطرك.. ناقصتك بيزات.. خذ ترا كل شي تحت امرك..

سالم: لا ابوي.. خيرك سابق تسلم..بس.. الموضوع ماعرف كيف افتحه لك..

بوسالم: قول يبا .. لا تستحي.. انا ابوك..

سالم: ابوي انت تبا سعادتي؟؟ وتباني ارتاح في حياتي ويا حرمتي؟؟

بوسالم: شو هالرمسه.. اكيد.. سعادتك تراها سعادتي يا وليدي..

سالم: ----

بوسالم: اشفيك ساكت.. قول.. شو السالفه..؟؟

سالم: والله ابوي (وبسرعه قالها).. حرمتي مب مرتاحه لوجودك (ولف عنه وعطاه ظهره.. حس بفشله من هالكلام)..

بوسالم تم ساكت.. لأنه كان متوقع هالشي يصير.. وما قال شي.. غير انه حط ايده على كتف سالم وتم يطبطب عليه..وسالم مسك ايد ابوه بسرعه وتم يبوسها.. : والله يابوي... ما ودي.. بس..

بوسالم قاطع كلامه: ماعليه.. سالم انت ولدي.. واتهمني سعادتك.. آمرني وين تباني اروح..

سالم: انا قلت لعريشي.. بس انت تعرف..

بو سالم: لا .. انا مابا اخرب حياة بنتي.. وانا بقول لك وين اتوديني.. ودني دار المسنين..

سالم: بس.. ابوي..

بوسالم: لا بس ولا شي.. محد بيدري.. انا روحي بروح لهم.. وهم ما بيقصرون..

بنت البلاد

21-11-2004, 07:46 PM

سالم ادمعت عينه وماعرف شو يقول.. غير ان ابوه نش من مكانه وصعد غرفته ولبس ثيابه والدمعه في عينه.. ااااااه يالدنيا.. هاي اخرة تعبي وياك يا ولدي.. كل الي تباه سويته لك.. اخرتها تشتري حرمتك علي.. حسبي الله ونعم الوكيل فيج من مرا يا حنين..

لبس ثيابه .. ولم اغراضه ونزل.. شاف ان سالم في غرفته كان يصلي الظهر.. تم يطالع ارجاء البيت.. ويتأملها.. ويدمع.. وطلع من البيت.. وخذا له تاكسي وراح.. يوم طلع سالم من الغرفه تم ينادي على ابوه بس ما سمع رد..

الخدامه: بابا سالم.. بابا كبير روح برع مع تاكسي..

سالم وهو منصدم: شووووو.. وين سار؟؟

الخدامه: مافي معلوم..

سالم طلع بسرعه من البيت وركب الموتر.. وبسرعه اتجه صوب الدار.. ويوم وصل شاف ابوه نازل من التاكسي.. بسرعه راح عنده..

سالم: ابوي.. ليش؟؟

بوسالم: روح يا ولدي عن حد يشوفك وياي.. روح.. روح الله وياك..

سالم: بس ابوي..

بوسالم تم ساكت.. ويدز كتف ولده بالعصا.. ودخل الدار.. وهذا هو اليوم الي افترق فيه من ابوه.. وما ادرك ان الي سواه مب شي هين.. وان الله ما يضرب بعصا.. كسب رضى مرته وبيته.. وعاش حياته وهو مستانس.. متناسي وجود ابوه المسكين.. الي ما فكر يسأل عنه.. في يوم كان قاعد في البيت ويا حرمته وكانت هالليله هي ليله عيد الأضحى.. مستانس ويعلب ويا بنته .. ويسولف..فجأة رن تليفونه..

سالم: الووو.. هلا سعد. (سعد محامي الشركه)..

سعد: والله يا سالم ماعرف شو اقول لك.. بس مبلغ كبير تم اختلاسه... والمحاسب خالد شرد؟؟

سالم وهو منصدم: شوووووووو.. من صدق ترمس؟؟ .. بلغ الشرطه.. اتحرك.. وليش احين اتخبرني وينك من قبل؟

سعد: كنت اتصل فيك.. كذا مره بس كان الجهاز مغلق.. ورقم البيت ماعرفه..

سالم ضرب ايده بقو على اليدار.. وكان الهم مبين على ويهه: والحل يعني..

سعد: نحن بلغنا عليه.. بس للأسف انه سافر.. وصعب شوي يلقونه.. ؟؟

سالم: يعني شووو.. خلاص.. اعلنت افلاسي؟؟

سعد: والله ماعرف شو اقول لك.. والمشكله باجر عيد.. يعني كل مكان مسكر.. مافي لازم ننطر لعقب اجازه العيد

سالم: شو ننطر.. انت مينون.. مب صاحب.. لا بالله هب صاحي.. انت اتعرف شو معناة خساره اموالي..

سعد: والله ..

قاطعه سالم .. وبند الخط وفر تليفونه على اليدار وانكسر.. : مستحيييييييل

حنين: شو صاير.. ؟؟

سالم: شو شو صاير.. ريلج اعلن افلاسه.. ريلج باقوووه وشردوا؟؟

حنين: شووووو.. ؟؟ شو يعني ؟؟ فهمني..

سالم: اسكتي.. انا مب فايج لج.. وماشي لازم نتريا العيد يخلص..

.. ومرت الليله الصعبه عليهم.. وتم سالم سهران طول الليل.. وماقدر يرقد.. وكان اليوم الثاني هو اول يوم في العيد.. طبعا نش عشان يروح صلاة العيد.. وفي الدرب كان فاتح على إذاعه القرآن.. وكان يسمع هالآيه..

(وقضى ربك ألا تعبدوا إلا إياه وبالوالدين إحسانا... ) إلى نهايه الآيه.. تذكر ابوه.. وادمعت عينه.. حس بخنقه مب قادر يتحملها.. كيف اهمل ابوه هالشهور كلها وما سأل عليه.. وكان يوم العيد هو يوم الجمعه.. يعني الظهر لازم يروح صلاة الجمعه.. في هاليوم كان خطيب الجمعه يتحدث عن بر الوالدين.. وعواقب هالشي..

سالم كان يسمع كلام الخطيب والندم والحسره في قلبه.. ويصيح.. وذكر لهم الشيخ قصص لناس عقوا والديهم والله عاقبهم.. تذكر الشركه والخساره الكبيره.. وقتها صحى من الغفله الي هو فيها.. كل هذا بسببه .. هو الي خسر نفسه هالخساره يوم انه باع ابوه واشترى رضى زوجته.. هي زوجته.. تذكر الكلام الي قالته.. كرهها وحس انها هي السبب في عماه.. ما لقى نفسه غير طالع من المسجد ورايح الدار.. يزور ابوه.. الي كان قاعد على طرف بروحه في الساحه.. وأول ما شاف سالم جدامه ابتسم وفرح لوجوده..

ربع سالم صوب ابوه وركع له.. ويصيح ويبوس ايده: دخيلك يا ابوي.. الله يخليك.. الله يخليك سامحني.. ابوي.. والله اوعدك ما اضايجك بشي.. بشيلك فوق راسي.. دخيلك ارضى علي.. ابوي.. (وكان حاط راسه على ريل ابوه ويصيح بحرقه قلب).. ابوي.. ابوس ريلك سامحني..

الكل كان يطالع وفي قلبه مستانس على هالشي الي صاير.. انه اهتدى وعرف غلطته قبل لا يفوت الفوت.. ويندم وقتها مافي شي بيفيد.. تم بوسالم يطبطب على ظهر ولده.. ويمسح على راسه.. وتم يحاول انه يقوم سالم.. ونش من مكانه.. وحضنوا بعض وتم سالم يصيح بحرقه.. وشل ابوه على ظهره ووداه الموتر عشان يرده البيت..

..

في البيت كانت شعور تتطالع من الدريشه تتريا ابوها ايي عشان تسلم عليه..

شعور: شو ها.. بابا ما يا..

حنين: بيي احين..

شعور: افف .. انا مليت.. شو ها.. بخرب شعري خلاص.. زعلانه..

حنين: هههه.. اتريي انزين..

وفي هاللحظه وصل سالم .. ودخل موتره.. ومن شافته شعور تمت اتزاعج: الله بابا وصل.. بابا وصل.. بابا وصل.. الللللللللللللللللللله.. ماما تعالي شوفي.. يدي بعد رد من السفر..

وربعت بسرعه برع الغرفه عشان اتسلم على ابوها.. ويدها.. واما حنين فمن سمعت طاري اليد نشت من مكانها بسرعه وتمت تتطالع من الدريشه وفعلا شافت بوسالم.. عصبت..: شو ها.. من صدقه ولا يتمصخر..

نزلت بسرعه من الدري وهي معصبه.. وتوها وصلت الصاله على دخلت سالم ويا ابوه .. وكان بوسالم شال شعور في حضنه ويلعب وياها.. وهي مستااانسه وحاضنه يدها..

حنين وبإستهزاء: وصلت.. هلا.. بس ما قلت لي بتييب لي ضيوف؟؟

سالم وبعصبيه: شوووو.. ضيوف.. سمعيني.. ها ابووووووي.. مب ضيف.. ها صاحب البيت.. اذا في ضيوف في البيت فهاي انتي..

حنين: شووو.. يعني تطردني؟؟

سالم : ما طردتج.. تعالي سلمي على ابوي..

حنين وبحقاره: اسفه... شعور يلا تعالي..

سالم: شعور قاعده عند يدها..

حنين: لا والله.. شعور اقولج تعالي.. يلا.. مالي قعده هني (وتمت تتطالع سالم وابوه بحقاره من فوق لتحت)..

سالم مسكها من شعرها وردها من الدري .. وسحبها وهي تصارخ: سمعيني.. تبوسين ريل ابوي وتتسامحين منه عقب ظهري.. ولا تردين نفاد.. الي ما يحترم صاحب البيت.. انا مابااااااااه فاهمه..

حنين: خسي.. ها اخر شي بسويه..

سالم تم يصفعها.. ويزيد من ير شعرها.. وهي اتصارخ واتصيح.. تم يلومها ويسبها.. ويعاتبها على كل شي.. وتم يتهمها انها هي السبب في هالخساره الي يتهم..

سالم: سمعيني.. بتبوسين ريل ابوي بالطيب .. ولا اخليج غصب اتبوسين راسه..

بو سالم ما عيبه هالوضع وتم يحاول يهدي سالم بس هو ما كان طايع: هدي يا سالم.. مب زين هالشي.. انا مب زعلان عليها..

سالم: ابووووووي.. خلني ادبها.. يكفي.. هي السبب في ذبح أمي.. وبغت تذبحك انت بعد.. بشرورها.. مستحيل اودرها..

حنين وهي اتصيح: امك روحها ماتت انا شو يخصني..

شعور كانت خايفه وايد.. واتصيح.. متفاجأة من الي يصير ومصدومه.. يوم سمعت امها ترمس عن يدتها رمست وهي ماكانت قاصده بس كأن في شي اجبرها ترمس: هي .. انتي صارختي على يدوو.. كانت اتصيح.. انتي قلتي يدو تبا تذبحني..

سالم يوم سمع هالكلام ودر حنين ومسك شعور بقو: شوووووو؟؟ انتي شو اتقولين؟؟

شعور زاد خوفها.. وتمت اتصيح زود.. ومسكها بوسالم وشلاها ودخل وياها الغرفه.. عشان ما تشوف الي يصير..

سالم رد مسكها من ايدها وتم يلويها: قولي لي.. صدق الي قالته شعور.. ردي؟؟

تمت ساكته مب عارفه شو اترد.. وقتها حست بقيمه غلطها.. وياها خوف يوم شافت بنتها وقفت ضدها وهي صغيره فكيف يوم تكبر.. اكيد بيصيبني الي صاب يدتها.. لا.. لا مابا يصيبني هالشي.. لا مستحيل..

سالم: ردي علي.. ليش ساكته.. ؟؟ صدق ولالا؟؟

حنين على طول نزلت وتمت اتبوس ريل سالم : هي.. سامحني؟.. سامحني يا سالم.. خلاص .. خلاص وعد راح اتغير.. بببسوي كل الي تباه.. كل الي تباه... بس سامحني.. ولا تطلقني.. سالم ارجووك..

سالم: انتي اتعرفين انا شو ابا.. يلا جدامي..

مشت حنين ودخلت الغرفه الي فيها عمها.. ومسكها من شعرها سالم وفرها على ريل ابوه.. : يلا اشوف

حنين وهي ضامه ريل بوسالم واتصيح: سامحني عمي.. الله يخليك.. ابوس ريلك..

تم بوسالم يسحب ريله: استغفر الله.. شو هالرمسه ..

حنين: سامحني.. الله يخليك..

بوسالم سحبها وتم يطالع ويها ويبتسم: انا ما ازعل من بنتي..

حنين يوم سمعت كلمه بنتي زاد ندمها وحسرتها.. وحضنت عمها وتمت تستمح منه.. استانس سالم لهالموقف وابتسم.. وفي هالوقت سمع صوت الجرس.. راح عشان يفتح الباب شاف اخته شجون وعيالها.. وعريشي يايين.. استغرب لأن في عمرهم ما زاروهم.. بس عريشي تم يستسمح من سالم.. وقال له انه بعد سمع الخطبه.. وياي عشان يروح وياه اييبون بوسالم من الدار..

سالم: بس ابوي اهني.. انا يبته..

عريشي: صدق.. احلف؟؟

سالم: حياكم دخلوا..

دخلوا الميلس وظهر لهم بو سالم.. الي من شافته شجون ركضت في حضنه وتمت اتبوسه.. وبعدها عريشي باس راسه وتم يستسمح منه.. وقضوا العيد كلهم سوى حول بعض.. عيله وحده يملئهم الحب..

النهــــــــــــاية..

(وكان الله غفورا رحيما)

<(((><

21-11-2004, 08:32 PM

خمسك

حيا الله

محجوووووووووووووووووووووووووووووووووووووووووووز 1 <=== على قولة بعض الرواة

راجع لكم.مع الكثير من الإقتباسات ، لكن ما فيه وقت الحين ، حبيت بس أكون أول من يرد ثم بنتمالى في الباقي

الله الله :marsa94:

عويد الموز

21-11-2004, 08:36 PM

السلام عليكم و الرحمه ..
اهم شي رضى الوالدين لانه
" رضى الله من رضى الوالدين "
ما عليج قصور يا حنون ..
وتسلمين عالقصه الغاليه ..
ننتظر يديدج
:marsa101:

ابوفيصل

22-11-2004, 12:05 PM

السلام عليكم ...

تسلم ايدك حنونه ...

قصتك روعه ...

وفكرتها رائعه ...

تسلم ايدك ,,,,

تنتريا التكملة ,,,

شعور84

22-11-2004, 03:19 PM

واااااااااااااااااااي كيف شريرة حجوووووية..

امي انا مب بنتج والا اعرفج...

احم احم.. اوني عاااد من الشخصيات..

تسلمين والله ع القصة..

ورضى الله من رضى الوالدين..

بس من قريت اسمي قلت الله يكون بالعون

بس الحمد الله..

تثلمين مااااااااااااامياااااااا

بنت البلاد

22-11-2004, 03:51 PM

عريشي.. تسلم والله اخوي من طيبك..

بنت المزروعي.. صدقج.. رضى الله من رضى الله الوالدين.. وربي يقدرني على رضاهم..

بو فيصل.. اشكر رايك.. وتفاعلك.. سلمت..

شعور 84 .. ههههههههههه.. والله يا بنتي بتمين بنتي غصبن عنج..

شريره.. بس عن تطلعين علي..

وسلمتوا..

busanad

22-11-2004, 07:03 PM

تسلمين يا حكاية حنين :):) القصة حلوة وفيها عبرة بعد

سلوم

23-11-2004, 05:06 AM

السلام عليكم و رحمة الله وبركاته...

حكاية حنين يا شريره..:marsa116:

الساحره ام بروش...

:marsa48: من بداية القصه وانا اتريا متى سلوم بيكفخ حنين...

:marsa57: و انتظر ت وانتظرت...

:marsa21: فالاخير طلع حرتي....

ربي يعطيج العافيه....

و الى الامــــــــــــــــــــــــــــــــــــــــــــــ ــام:marsa123:

هزاع x5

23-11-2004, 11:07 AM

هلا حكاية حنين ... بصراحه إنتي مبدعه .. القصه وايد حلوه وكمليها ... عيبني دوري ... كمايها والله يوفقج

هزاع x5

23-11-2004, 12:10 PM

الله عليج حكاية حنين القصه وايد حلوه واندمجت فيها الله يعطيج العافية

هجورة

24-11-2004, 01:28 AM

http://www.3roos.com/upload/bismB.gif

http://sadrose84.jeeran.com/roses.gif

خوش فكرة

ما شاء الله عليج

وكل يوم شئ احلى من اليوم الثاني

الله يخليج للمنتدى والله لا يحرمنا من وجودج ابدا

اختج :هجورة

http://sadrose84.jeeran.com/roses.gif
[/align]

بدرةالبحرين

24-11-2004, 06:09 PM

تسلمييين حنيييين .. اتريا الجزء الياي

نور القمر

24-11-2004, 06:18 PM

..

تسلميييييييييييييييييييين يا حنين على هالفكره الرائعه ..

وقصصج الاروع ..

بانتظار القصص المقبله .. :)

..

نور القمر ..

..

شجون الليل

24-11-2004, 07:50 PM

:marsa116:اشوها انا احتج القصه ابطاله مايتعدون ال10 والي بارزين فيها سلوم وحنين

:marsa116: وانا مالي دور اصفع سمجان وحنين لالالالالالالالالالالالالالالا مب عدل
لازم اغسل شراعهم
المفروض انا اعرف ان حنون تلعوز امي لازم اهددها واصفعها

:marsa116: سلوموه ماستقويت الا على حنين جي ماصفعت ريلي ها؟

:marsa116: بعدين جي تسامح حنين وتستانس المفروض تطلقها الي سوته هب شويه

:marsa116: طلقها جدامي يالله وخلني افش حرتي فيها تزاعق على اميه

:marsa42: اوه

:marsa139: اهي اهي هيييي

:marsa181: اندمجت في الاحداث ونسيت عمري انه فلم وحنا الي نمثل فيه

بنت البلاد

24-11-2004, 09:58 PM

تسلمين يا حكاية حنين :):) القصة حلوة وفيها عبرة بعد
الله يسلمك.. ويا حاياك الله اخوي..

السلام عليكم و رحمة الله وبركاته...

حكاية حنين يا شريره..:marsa116:

الساحره ام بروش...

:marsa48: من بداية القصه وانا اتريا متى سلوم بيكفخ حنين...

:marsa57: و انتظر ت وانتظرت...

:marsa21: فالاخير طلع حرتي....

ربي يعطيج العافيه....

و الى الامــــــــــــــــــــــــــــــــــــــــــــــ ــام:marsa123:

وعليكم السلام..
وحليلي انا ام بروش؟؟ ..
مستانس انك كفختني يعني..؟؟
الله يعافيك..

الله عليج حكاية حنين القصه وايد حلوه واندمجت فيها الله يعطيج العافيةهزاع.. يا هلا والله.. الحمد لله يوم انها عيبتك..
هجوره.. تسلمين عزيزتي على الكلام الطيب.. والله اخجلني وفرحني كلامج..
وربي لا يحرمني من ردودج.. وتواجدج بعد..

تسلمييين حنيييين .. اتريا الجزء اليايالعفو عزيزتي.. والله يسلمج

..

تسلميييييييييييييييييييين يا حنين على هالفكره الرائعه ..

وقصصج الاروع ..

بانتظار القصص المقبله .. :)

..

نور القمر ..

..

تسلمين عزيزتي..
وتسلمون كلكم على هالتفاعل الحلو..

بنت البلاد

24-11-2004, 09:59 PM

عجيد الريم

25-11-2004, 06:28 PM

http://sultanalain.jeeran.com/images/a1.gif

السلام عليكم ...

ماشالله عليج ياحكاية حنين قصه رهيييييييييييبه ...

اتمنى لج كل التوفيق :)

اختج:حوريه

بنت البلاد

25-11-2004, 10:45 PM

http://sultanalain.jeeran.com/images/a1.gif

السلام عليكم ...

ماشالله عليج ياحكاية حنين قصه رهيييييييييييبه ...

اتمنى لج كل التوفيق :)

اختج:حوريه

يا هلا والله بحوريتي..
تسلمين الغاليه على الرد والتواجد..
لا خليت منج

الرحيل

30-11-2004, 06:41 PM

تسلمين ع القصة الرهيييييييييييبة
اتمنى ان الكل يتعظ من هالقصة
يالله نتريا الجزء اليديد

بنت البلاد

30-11-2004, 06:56 PM

الله يسلمج رحوووولتي..

وربي يسمع منج

أم غيث

06-12-2004, 04:11 PM

ما شاء الله عليج يا حكاية حنين

قصة رائعه

و الاروع انج تخلينا نعيش الموقف و نندمج في القصه و نحس بها ....

تسلم ايديج و الله يحفظج

غصون

06-12-2004, 04:18 PM

كنت بصيح :( ..

اييييييييييه ما صحت :marsa60: ،،،،،،،، كنت بصيح .. :marsa89:

يسلموو حكاية حنين .. القصه واااايد روعة ومثل ما قالوا الأعضاء ،، الكل اندمج فيها .. :marsa31:

والأهم معناها ،، والحكمة منها .. :marsa130:

نتريا منج أجزاء يديدة .. ومواضيع وأفكار يديدة أكثر ..:marsa192: يسلموو حبيبتي يا أم الأفكار .. :marsa112:

بنت البلاد

06-12-2004, 04:20 PM

ما شاء الله عليج يا حكاية حنين

قصة رائعه

و الاروع انج تخلينا نعيش الموقف و نندمج في القصه و نحس بها ....

تسلم ايديج و الله يحفظج
الله يسلمج ويعافيج عيوني..

اشكرج على المتابعه والرد..

بنت البلاد

06-12-2004, 04:22 PM

ريم البحرين

18-01-2005, 05:58 PM

القصه حلوه بس ناقصتها ريموه (انا)

ههههههههه انا قالو لي تعالي بس انا مارضيت

هههههههههههههههههههه مشكوره اختي

حكايه حنين القصه عجييييييييييييييبه