بنات بغيتكن بكلمة راس

[هدوء الليل]

بسم الله الرحمن الرحيم..


السلام عليكم ورحمة الله وبركاته..


اشحالكن صبايا:marsa195: .. إن شاء الله تكونن بخير وعافية..


المهم بنات... لو سمحتن بغييت مقادير وطريقة عجينة فطاير بحيث يخليها هشة وحلوة .. واحم ويا ليت المقادير تكون بالتفصيل يعني ( كم ملعقة وكم كوب ...ألخ)..

وبعد لو سمحتن أبا طريقة عمل كيكة بيتية الصنع ( مصطلح يديد :marsa77: ).. بغينا اشويه نخترع في الأكل ونعتمد على أنفسنا بدون الإستعانة بالجاهز :marsa129:

ويا ليت بعد إذا حد منكن تعرف طريقة التوفي تخبرنا..



اممممممم وهيه صح.. وسؤال أخير ومهم ولازم تجاوبن عليه قبل الساعة 11..

البرياني يحطون فيه روب صح..؟.. انزين اذا يحطون متى يحطون بالضبط...؟ ..

وسلامتكم ..

وإذا بغيت شي برد :marsa47:

[أم غيث]

و عليكم السلام و رحمة الله و بركاته ....

وااااايد استانست ... يوم شفت حد يسأل عن وصفات ....

المهم ... بشوفلج كمن كيكه و بحطها لج ... حاضرين افا عليج ...

و بالنسبه لعجين الفطاير ... و الله ما ادري ... بسأل و برد عليج ....

و بالنسبه للبرياني ...

على راحتج تحطين الروب و الا لا ....

أول شي ... اخلطي الدياي او اللحم ويا الروب

و عقب ما تشيطين البصل و يا البهارات .... حطي عليه خليط الروب و يا اللحم ... و خليه على نار هاديه الين ما يستوي .. و ينشف تقريبا الروب ...

شهيتينا في البرياني ...

ممكن طلب ...

عقب ما تخلصين ممكن تطرشين لنا شويه ....

[ابوفيصل]

وعليكم السلام ورحمة الله وبركاته ...

عفوا ...

بس حد شاف هزاع :marsa149: ... ادوره لي شوي ...

...


لا ... موب موجود :marsa24:


...

طيب اسف على الازعاج ...


لا تنسون طريقة التوفي ....:marsa118:

[هدوء الليل]

بسم الله الرحمن الرحيم..


يا هلا أختي أم غيث .. ويزاج الله خير على الرد..

اختي ، عن خلط الدياي مع الروب ، عادي نخلطه بعد ما نقلي الدياي...؟؟
لأنه البشكارة قلّت الدياي وخلصت قبل ما أشوف اللي كتبتيه ..:(
انزين عادي نحط الروب ( أثناء ) تشييط الأكل..؟

وفالج طيب بنطرش لج ، بس انتي تريي ولا تتغدين :marsa192:


وبانتظارج أختي .. :marsa112:


===

أخي في الله.. بو فيصل..

:marsa105:

[أم غيث]

اهلين ...

.
لا ... اذا قلت الدياي ... ما يستوي تحط عليه روب ...
.
اذا الدياي ني .. و ما انطبخ .. ينخلط و يا الروب و عقب نحطه على البصل المشيوط ...
.
و تعالي في هذا اللينك ...
.
حطيت لج اللي تبينه ...
.
http://www.marsauae.com/vb/showthread.php?p=113170&posted=1#post113170
....

[عشق الليل]

انا شكلي داش بالغلط

[بنت_الطــــواش]

هدووووووووووووء
وعليكم السلام والرحمه وبركاته
انتي كل طبخاتج تبين تحطين فيها روووب :marsa34:
عن التوفي انا اعرف طريقتها بس مب بالتفصيل
تاخذين بسكويت وتطحنيه..وتحطين فوقه زبده سايحه..وتخلطينه مع بعض
وترصين البسكويت في البايركس...
اما الخلطه اللي فوق ..فهي همممم ..بتذكر شو تسوي امي
جالكسي مسيح..وقشطه وتخلطيه مع بعض..وتحطينه فوق البسكويت..وبعدين ترشين فوقه بالملعقه جالكسي مسيح وفليك مدقووق >> يممم يممممممي :marsa160:
وتقدرين قبل ما تحطين البسكويت في الصينيه..تنثرين مكسرات مطحونه
وإذا تبين بالتفصيل..بسال لج الماما :marsa78:
..
اعرف تسالين عن هالسوالف حق شهر رمضان لوول
مبارك عليج الشهر:marsa40:

طووشة

[هدوء الليل]

بسم الله الرحمن الرحيم..

أختي أم غيث.. الحمد لله البرياني ظهر :marsa94:
احم.. قلت بجرب احط الروب داخل الشياط بشوف شو بيصير :marsa110:

وسويت اللي في مخي ، وظهر البرياني لذييييييذ..

ويزاج الله خير أختي على طريقة التوفي والعيينة.. وبارك الله فيج.. :marsa197:
وإن شاء الله باجر بجرب طريقة الكيك والتوفي..

والسموحة منج تعبناج ويانا ..:)

==

أخي في الله، عشق الليل..

:marsa36:

===

هلا بنوتة..

الله يبارك فيج، والله يجعلنا إن شاء الله من الفائزين بهذا الشهر الفضيل ومن عتقاء النار ..

الله يسلمج السالفة وما فيها ، إني أنا والحور اتفقنا من قبل كم يوم عسب ندش المطبخ ونتعلم شي عدل ..

( وهي اليوم إن شاء الله بتسوي ليالي لبنان :marsa124: ) ..

واليوم الوالدة محد فمتولية حضرتي مهمة المطبخ :marsa16: ..

وبعد نتعلم عسب نساعد الوالدة في المطبخ أيام رمضان باللي نقدر عليه بس بدون ما نضيع الوقت الكثير إن شاء الله على الطبخ ، وإن شاء الله الله يحتسب لنا أجر إفطار صائم ..:)


ويزاج الله خير على المقادير اللي حطيتيها ، شكلها مشهي وايد ( وخاصة فيها جالكسي :marsa3: )..

بس بغيت اسألج كيف نسيح الجالكسي.. ؟