**...ون قلبي على فرقا حبيبن..**

[بنت البلاد]

سعيا لزياده رصيد المنتدى من القصص الرائعه..
لكم مني هذه القصه..
من تأليف.. قرمووشه

الجزء الأول..


ون قلبي على فرقا حبيبن.. تركني في سواد اللي ضايع .. جبرني على فرقاه و ابتعد.. ومال قلبي عليه ولا رحمه... سال الدمع من العين يجرف.. في سحايبن سود مغبره.. عيوني تعودت على شوفته.. وقلبي يظحك من اناظره.. لكن اليوم قلبي مهجور.. قهر وحزن...


نشيت الصــــبح وانا زايغه ما اعرف شوو بسوي اليوم ..و اليوم عرسي .. وأنا خلاص اليوم بودع أهلي وأميه واخواني كلهم .. وبعيش حياه ثانيه .. كنت مستانسه قبل اني بعرس بس اليوم ما بغيت أسير العرس وأشوف نفسي راكبه الكوشة جدام الناس.. وأتذكر الاحداث اللي استوتلي قبل .. وكنت اقوول في نفسي يالله بسرعه كبارنا .. وباجر بنيب عيال .. ................. الخ .. يعني ما خليت شي .. وتذكرت هاللحظه اللي شافني فيها خليفه و فز قلبي من ناظرته .. وما توقعت انه بيخطبني على طول.. ومن أول مارست وياه كنت زايغه .. وانتفظ.. وخلاص اليوم بعيش وياه وهني ما قدرت ويلست أصيـــــــــح وأصيــــــــح .. وشويه والا اختي تدخل عليه الحجره

مريم: فطــــــيم انتي واعيه.. على بالي راقده وراج سهر اليوم.. فطــــيم بلاج جي طايحه..

فطيم: ( وهي تصيح ) ............................... ماشي ...........

مريم: اليوم عرسج لازم ماتصيحين .. ولا شو سالفج انتي تبين تزيغين ريلج من اول يووم بعيونج الحمر..

تظحك فطيم ... ولا ردت على كلام اختها ..

وتنش وتغسل ويها . وعقب 4 ساعات .. نشت فطيم واختها سلامه بيسيرن الفندق وبتيها هنالك اللي بتمكيجها وتسشورها..
وهن في الطريج إلا تلفونها يرن..

سلامه: منوو متصل هالوقت .. و اليوم عرسج بعد الكل يعرف انج مشغووله .. ردي وشوفي منوو..
فطيم : بسم الله .. بشوف منوو ..

يوم طلعت الموبايل انه المكالمة اللي يايتنها مب من .....(المدينه اللي تسكنها فطيم) يعني الرقم غريب من منطقه ثانيه .. وماردت عليه ..

سلامه: منوو متصل ..؟؟
فطيم : الرقم غريب ما اعرفه .. عشان جي ما شليته . وانا ثانيه شي مب ناقصه حق الاتصالات الحين .

ووصلو الفندق سلامه وفطيم ... وكل ماتمر دقيقه في هاللحظه فطيم قلبها يدق وتبا تصيح والدنيا ادوربها فوق حدر.. من الخوف..
ودخلو الحجره .. وهم يتريوون الكوافيره واللي بتي تمكيج .. الا تلفون فطيم يرن ..

فطيم : سلاااامي تعالي شوفي نفس الرقم ؟؟ منوو بيكوون اللي يتصل

سلامه : لاتردين ما فيج عن يطلع واحد مغلط..

فطيم: هي والله صدقج .. مافينا عل البلاوي..

وشوي وتوصل الكوافيره واللي تمكيج .. بس الموبايل بعده يرن وكل ماتمر ساعه يتصلوون اكثر من مره يعني اول مره اتصلو بس مره والمرة الثانية ثلاث مرات وكل ما تمر ساعه اللي يتصل يزيد عدد الاتصالات .. حتى اني يلست أحاتي أخاف الا شي مستوي فقلت ليش ما أغلق الموبايل .. وبندته .. و الصراحه ارتحت بس يلست أحاتي ..
فطيم : منوو تتوقعين يطلع هذا اللي يتصل ؟؟
سلامه : اكيد واحد يلعب ..
فطيم : بس كل ما تمر ساعه ييلس يتصل أكثر من الساعه اللي مرت.. شو يعني هذا .. يعني حركة يديه من المغازل ..
سلامه : انا بعد شاكه في شي ..فطوووم ليكوون ريلج في شي .. وهذا اللي يتصل يبا يبلغج .
فطيم : بسم الله .. الله أكبر كلتي ريلي يالدفشه شوي شوي .. والله خوفتيني بفتح الموبايل واذا حد رد اتصل بشله على طول .. ومنو ما يطلع ..

سلامه : خلاص انزين ما قلنا شي ..

فطيم : هذا كله وما قلتي شي ..؟؟

وتفتح فطيم موبايله .. وتتريا لكن محد اتصل ..

سلامه : بلاج تحاتين اللي يتصل .. اهتمي بعمرج .. عن تنتفخ علينا هاللبنانيه . مافينا بعد .. اطلعج ساحره ..جدام الناس ..

فطيم : تووبه اييبج ويايه.... المره اليايه مابييبج ويايه ..

سلامه : هههههههههه ليش تفكرين تعرسين مره ثانيه .. اصلن هاي اول مره واخر مره تين هني.. لا وبعد تفكر ترد هني هههههههههههههههههههه....

فطيم : اونج بعد تعرفين تنكتين .. بايخه ..

ويمر الوقت بسرعه بسرعه.. ويبدأ العرس وفطيم تتريا متى تظهر .. ولو يقولولها لاتظهرين مابتظهر وشويه إلى ويحطون الدخله وتدخل فطيم وهي داشه .. موبايلها كان في يد اختها مريم .. وكان يرن ,, ومريم ما شافت اسم عليه والرقم مب من المنطقه اللي هم فيها من منطقه ثانيه .. ف ما ردت عليه .. والمشكله انهم كانو يتصلوون وما يباندون . وقوومي مريم وسيري عند سلامه وقوليلها السالفة ..

مريم : سلامي تعالي شوي ..

سلامه: نعم ..

مريم : تعرفين هالرقم .

( شافت الرقم وعرفت انه هاللي يتصل وماكانو يعرفون منوو.. وجذبت على اختها وقالتلها اعرف الرقم )

سلامه : هي اعرفه هالرقم ..

مريم : ومنوو رقمه هذا ان شاء الله .. ولا وبعد على رقم فطيم ..

سلامه : (في خاطرها ) الحين هاي شو أقولها ...

مريم : رقم منو ها..

سلامه : الله يسلمج هذا رقم وحده من ربيعاتي وانا قايلتلها تتصل على هالرقم لاني مابشل موبايلي ..

مريم : ليش ان شاء الله .. ونسيت انه هذا رقم فطيم على الاقل عطيها رقمي ..

سلامه : ماشاء الله عليج .. تراج شاله موبايل فطووم شقى تبيني اعطيها الرقم ... ولاتقصين على سيلانيه انتي..

مريم : انزين يودي الموبايل ورمسي ربيعج ..

سلامه : اوكي..

وتظهر من هالقاعه اللي هم فيها وتدخل الحجره اللي كانو فيها مساعه هي واختها فطيم ..وتتصل للرقم هذاكي بدون ما تعرف اختها فطيم

سلامه : ألـــــــــو .. السلام عليكم

(.....) : وعليكم الســــــلام ..

سلامه : لو سمحتي اختي انتي متصله على هالرقم ..

(...) : هي انا متصله ..

سلامه : ؟؟؟ منوو ويايه ..

(...) : الحين تقوولين منوو ؟؟ .. وانا من الصبح أباكم تشلونه .. وعيزت من كثر ما اتصل .. بس الحين شقى تبيني أقلج ..

ســلامه: شوو السالفه لــيكون انتي من معارف خليفه .. الريال فيه شي .. بس اهله مووجودين ..

(...) : لا هو بخير وسهاله .. بس انتي لو تعرفين السالفه ما اعرف شو بتسوين .. بترمسين ولا بتسكتين ..

سلامه : ليش السالفه تخص منو ..

(...) : السالفه الله يسلمج .. تخص فطيم وخليفه .. ولا زم فطيم ما تاخذ خليفه ..

سلامه : انتي ياللي ماتستحين على ويهج خلاص هم ملجوو .. بعد شو هالرمسه اللي اتقولينها ..

(...) : انتي بس لوو تعرفين شو السالفه .. مابتقولين هالكلام اللي المخبق اللي تقولينه ..


سلامه : انزين فهميني .. بعد ليكوون كان يغازل خليفه .. ولا كان يلعب على البنات .. ولاشي ,, عشان جي ولا فيه شي ..( بكـــــل برود)

(...) : لا هوو ريال زين وما فيه شي.. بس نفس ما قلت مابتتحملين الرمسه وأنا بقلج بس بشرط توعديني انج تخبرينها .. وانتي اللي بتوصلين الامــــــــــانه ... والحين اتسيرين وتوقفين العـــــــرس

ســـــــلامه : انتي ارمسي قبل وعقب .. بسوي اللي تبينه وانتي منوو ..
(...) : انا فاعل خــير وبس ..

سلامه : انزين شو السالفه ..

(...) : تــــرا خليفه وفطيم .. اخـــــــــــوان بالرضاعه..

سلامه : شووو تقوولين انتي ..

(...) اذا ماتصدقيني سيري اسؤلي أمج قوليلها ماجد رضعت حد .. وبتقوولج هي .. وبعد هم كانوو يعيشون قبل في هالمنطقه اللي انتو فيها وانتقلو منطقه ثانيه بعيـــــــــده عقب فتره (....) وأمه متوفيه صح ..

سلامه : هي صح هو مب من منطقتنا من منطقه (.....) وأمه متوفيه بعد ..

(...) شفتي يعني كلامي صــــح.. واذ ماتصدقيني سؤلي أمج الحين .. وشووفي شوو بترد عليج ..

سلامه : بس نحن سألنا عن الريال قبل لاتاخذه اختي ..

(...) لانه هم ما عاشو وياكم وايد عشان جي ف أهلج مايذكروون الاســم .. والحين مع السلامه .. وأنا وصلت الامانه ... ولازم تحلين كل شي الحين..

سلامه وهي مستغربه .. شو ها اللي يستوي معقوله يطلع اخوهم بالرضاعه وهم مايدرون .. وشقى بتخبر اختها في هالليله .. ولو بتخبر أمها بس مابتصدقها .. وصـــــــــــاحت سلامه وندمت انها شلت الموبايل ورمست ..

سلامه : ليش ما أسير عند وأتخبرها اذا صدق انها رضعت حد من بل ولا شوو..

وتسير سلامه عند امها .. عشان تتــــأكد ..
الجزء الثاني :

المهم ســارت سلامه عند أمها تتخبرها ...

سلامه : أميــه أبا اقلج شي ..
أم سعيد : ها أميه شوو بلاج ..
سلامه : انتي جد رضعت حد ..
أم سعيد : شوو.. والله انج انتي متفيجه .. وما عندج سالفه.. عرس اختج اليوم.. ويالسه تقوليلي جد رضعتي حد ؟؟..
سلامه : انزين خلاص ماقلنا شي .. انسي السالفه ..
وترووح سلامه عن أمها.. بس تفكيرها كان باللي كلمتها في التلفون منوو هاي وكلامها صح ولا تقص علينا .. و كانت تشوف فطيم اختها .. معقووله يكون هذا أخوها ولا شوو.. يعني اوقف العرس واخر شي يطلع مب أخوها ولا شوو اسوي .. وتشوف اختها وتصيح .. وفطيم شافت أختها على بالها.. تصيح عليها لانها مابتشوفها .... وشويه وتسير سلامه على الكوشه عشان تتصور ويا فطيم ..

فطـــــــيم : بلاج شاله همووم الدنيا سلمووه.. ها ليكوون هذا عشاني .. لانه مابتشووفيني..

سلامه تشووف فطيم وبدوون رد ..

فطيم : مالوومج يا اختي .. شكلج مووووول رايحه فيها .. لاتصيحني وياج بليز ..

سلامه: ( تقوول في خاطرها) هي لوو تعرف السالفه ما ادري شوو بيستويبها ..

وتنزل سلامه من على الكووشه .. وهي ما تعرف شو تسوي.. ومن ساعه كانت مستانسه .. بس الحين انجلبت الفرحه حزن ..

وشــــــوي ويدخل المعرس .. عاده هني سلامه تمت زايغه وتصيح ..
ويتها أمها .. تهديها .. وكلهم على بالهم انها تصيح عشان اختها ..
وسلامه مب متوقعه هاللي يستوي ..

وخــــلص العرس وما بقى في القاعه غير هل العروس والمعرس ..

والكل ظهر وردوو بيووتهم ..

وهم في السياره ..

مريم: سلامي .. شو بلاج .. جنه واحد صافعنج .
سلامه ساكته بدوون رد ..

أم سعيد : خليها في حالها .. خلاص مابتشوف فطيم شرات قبل .. مريم : عاده كلنا صحنا بس مب جيه يا أميه..

أم سعيد: خليها انزين ..( وتتذكر أم سعيد .. يوم يتها سلامه وقالتلها انتي منوو مرضعه).. سلامي تعالي .. انتي ليش مساعه قلتيلي منوو رضعت و اذا اذكر ولا لااا..

سلامه ماترد .. بس دمعت عينها يوم أمها رمست ..

أم سعيد : ها ليش سألتيني. ارمسي عاد .. شحقى ساكته ولا بعد يالسه تصيحين .. شو السالفه ..

سلامه : ( في خاطرها ) الحين أ خبرها ولا شوو..

أم سعيد : سلمووه ارمسي عاد .. مصختيها صدقها مريم يوم قالت انج مزيدتنها شوي ..

ســلامه : والله نسيت ليش سألتج هذاك السؤال .. والحين ما أبا حد يرمسني..

مريم : بعد علموها الملاسن .. هاللي ناقص ..

ووصلــــــو البيت .. ودخلت سلامه حجرتها ... ويلست تصـــيح تخاف انه يطلع صح هذا كله وفي نفس الوقت كانت زايغه انه جذب في جذب أو حتى مقلب يكوون .. فقالت في نفسها ليش ما اتصل حق هالحرمه . انا ثاني شي أذكر رقمها من كثر ما اتصلت . وتتصل سلامه حق هالحرمه ..

سلامه: الســلام عليكم..
(...) : وعلكيم السلام..

سلامه : انا اللي مساعه رمستج وكنت تتصلين على هذا الرقم (...........)

(....) : اعرف ما يحتاي عرفتج من صووتج .. وانتي شوو سويتي اليوم .. انا بشووه اموصتنج ..

سلامه : وانتي شعرفج .. اني ما خبريتها..

(...) : والله بعد خبرووني.. ومب لازم تعرفين .. بس أعرف .. انج ارتكبتي جريمه عوووووووده ..

سلامه : شقى تبيني اقلها وانا ما عندي دليل.. والله لوو رمست محد بيسويلي سالفه ..

(...) : عندج دليل ..وهو انه امج راضعتنه ..

سلامه : بس أميه ماتعرفهم .. وما تعرف أهله .. لين ما خطبوو فطيم ..

(...) : عيل باجر قوليلها .. تعرف موزه بنت راشد .. وانتي تصرفي عقب وياها ..

سلامه : بقولها وبشوف ..

(...): اوكي انا الحين بخليج.. ما أضيع وقتي ويا وحده سوت شي غلط واتعرف انه غلط .. فما الله ..


سلامه.. تبند الموبايل .. والدمووع ينزلن من عيونها .. وكانت تحس انها صدق ارتكبت شي غلط وضميرها كان يأنبها
.................................................. ...........................

اليوم الثاني الساعة 10 وربع تقريبا الضحى .. مريم دخلت على سلامه توعيها من الرقاد..

مريم : سلامي نشي ... فطيم تحت تترياج تبا تسلم عليج قبل ما تسافر ..

سلامه : ليش فطيم تحت ؟؟؟؟؟؟

مريم : هيه يالله وراها سيره ...

سلامه : يالله نازله بغسل ويهي ونازله..

.................................................. .........

في الصاله تحت ..

فطيم : وينها سلامي ما نزلت يالله بسير ريلي يترياني برع ..

أم سعيد : لحظه شوي الحين بتنزل .. سعيد ترا برع ويا ريلج شحقى تحاتينه .. انتي بس لوو شفتي سلامي البارحه بس تقطع القلب ..

فطيم : أدريبها .. تراها يوم ركبت الكوشه قلتلها لاتصيحين ما أبا اصيح وياج .. عاده يالله وينها

مريم : هكي يــــــت الشيخه ..

فطيـــم : هلا وغلا .. صباح الخير .. وتسلم عليها ..

سلامه ماترد .. تحس انها لو رمست بتصيح ... لانها مابتشووف اختها فطيم .. ومن السالفه اذا كانت صح ولا غلط ..

فطيم : يعني الحين ما بترمسيني.. حليلي يايه أشوفج قبل لا اسير ولا تبيني أصيح ..

وتفجلهم سلامه مناحه في البيت .. وحاولت فطيم تهديها بس بدوون فايده .. ويدخل عليهم اخوهم سعيد ..

سعيد : فطيم .. خليفه برع يترياج يقوولج يالله بسرعه ... هاي بعدها سلمووووه تصيح .. الله يعينكم ..

فطيم : عيل يالله أميه .. بسير انا الحين .. يترياني خليفه برع .. يالله مع السلامه ..

ام سعيد : الله يحفظج يا أميه انتي وريلج يارب..

وروحت فطيم ..

.................................................. ..........................

ام سعيد : سلامي مصختيها تراج ... شحقى ها كله ..

وتنش سلامه .. وتسير حجرتها ... وثواني انه حد متصل .. يوم طالعت منوو انها هاذيج الحرمه وترد عليها ..

(...) : ها تخبرتي أمج ولا بعدج ..

سلامه : وانتي شلج اذا تخبريتها ولا لاااا.. انتي خلاص وصلتي الامانه وبس .. وانا عليه الباقي ..

(...) : بلاج جي ترمسين ... ارمسي عدل ...

سلامه : مساعه انتي سبيتيني وما قلتلج شي .. بس انا الحين مب متفيجه حق هالاشكال ... تفهمييييييييييين يالله باااااااااااي..

وتبند في ويها .. وتنش سلامه .. وتنزل عند أمها ... وتقوولها ...


سلامه : أميــــــــه ..

ام سعيد : ها أميه شوو عندج ..

سلامه: اميه تذكرين البارحه يوم سألتج انتي جد رضعت حد ؟؟ ..

ام سعيد : ههههههههههههه هي اذكر وسؤالج الصراحه ما توقعته هههههههه

سلامه : انزين جاوبي الحين حد ..

أم سعيد : هي ..

سلامه : ومنوووووووووو انزين ..

أم سعيد : يعني كم من واحد ... ليش تسألين .. سلامي ..

سلامه : انزين بسألج عن وحده اذا تعرفينها....

أم سعيد : قولي ..

سلامه : تعرفين وحده اسمها موزه بنت راشد ..

ام سعيد : والله يا سلامي ما رضعت في حياتي وحده اسمها موزه بنت راشد .. بس سامعه هالاسم في مكان ..

سلامه : ههههه لاا هاي مب انتي راضعتنها هاي حرمه عوده .. يعني قدج ..

أم سعيد : بس اتصدقين سامعه هالاسم في مكان بس ما اعرف وين ..
سلامه: هاي بعد يمكن مرضعه حد من عيالها ..

وتفكـــــــــــر أم سعـــــــــــيد ....

أم سعيد : ياربي يالدنيا شقى تركض...

سلامه : ليش تعرفينها .؟؟؟؟؟؟

أم سعيد : هي اذكرها وكانت يارتنا بعد ..بس ما تمت الا اسبوعين ما ادري شهر ..
سلامه : وليش تعرفين ريلها قووم منوو ..

أم سعيد : والله عن ريلها ما اعرفه ولا حتى اعرف اسمه .. بس صح انا كنت مرضعه واحد من عيالها ..

سلامه : وليكوووون اخونا ولين الحين ما عرفتونا عليه ..

أم سعيد : والله يا سلامي أكييييييد لأنه انا مرضعت كم من مره ..

سلامه : الله عندي اخوان .. انزين شوو اسمه ..

أم سعيد : والله نسيت .. بس أذكر انه يزقرونه خلووفي . بس ما اعرف اسمه خليفه ولا خلف .. ولا شوووو ..

سلامه وهي منصدمه ..: هيه .. خلاص اميه بسير أتسبح وبردا ..

أم سعيد : براااااايج ..

وتظهر سلامه من الصاله وهي منصدمه انه كلام هالحرمه كله صح .. وتتصل على طووول حق الحرمه وتخبرها ..

(...) : انا شوقلتلج من الصبح شفتي شو سويتي انتي .. محد قالج ماتصدقيني ..

سلامه : بس انا ما توقعت موول.. شو اسوي ..

(..) : خبري امج عيل .. صح نسيت أقلج شي من اليوم لاتتصليلي .. لانه سلمت الامانه .
سلامه : وليش عاده ..
(...) : بس والله كيفي يالله مع السلامه ..

وتبند سلامه عنها .. بس ظميرها كان يأنبها من الخاطر شوو تسوي الحين ....

وتمر الايام وهي ماتعرف شو تسوي .. وردت اختها فطيم من السفر ... ولا سوت شي سلامه . .. ولاحظت سلامه انه فطيم وااااااايد تحب خليفه .. يعني لوو قالتلها ما بتصدق .. ويلست تفكر بس الايام مرن ..بسرعه ..
.................................................. .......................

وفي يوم من الايام .. يتهم . فطيم .. مستانسه ..


فطيـــــم : سلمووووووه نشي يالله .. بقوولج شي ...

سلامه : شوو تبين يالحشره ..

فطيم : نشي وعقب بقووووووولج ..

سلامه : مووتي قهر ما بنش ..

فطيم : اوكي خلاص بقلج .. امممممم شوو تتوقعين عاده يكون الخبر ..

سلامه : جان منج أكيد مب شي ..

فطيم : أوكي ... تخيلي هالبيت ينترس يهال يعني مره في الاسبوع يكون هالبيت كله يهال وحشره ....

سلامه : ما فهمت شوو تقوولين انتي ..؟؟
فطـــيم : يعني أنا حاااااااامل ..

وتشهق سلامه وتنش من الفراش ..

سلامه : لااااااااااااااااااااااااااااااااااا شوو تقولين انتي .. حامل .. لاااااااااااااا ... بليز قوولي انج تقصين عليه ... مب صدق أنا في حلم صح ..

استغربت فطيم من سلامه ..

فطيم : بلاج زايغه ولا بعد تصيحين .. انتي وااايد تغيرتي من يووم العرس .. بس ماتوقعت انه هالخبر جي بيسويبج ..

سلامه : بس انتي صدق حــــامل ... (وتصيح سلامه) ..

فطيم : وليش اقص عليج .. بس شحقى هالصياح ..اول مره اشوفج جي في حياتي .. انتي وايد تغيرتي ..

وتظهر فطيم من الحجره .. بس كانت شاكه انه في شي .. مب معقووله جي بتصيح اختها .. وسارت عند امها .

فطيم : اميه .. سلامه شو بلاها ..
أم سعيد : ما بلاها شي .. ليش شوو جفتي عليها ..؟؟؟
فطيم : لا أحسبها وايد تغيرت .. تخيلي.. اني قلتلها اني حامل يلست تصيح وتقوولي انج تقصين عليه..

ام سعيد : والله من عرستي .. والبنت مب طبيعيه تسالني أسؤله غريبه ..

فطيم : بس كانه في شي نحنا مب عارفينه ... انا اعرفها سلامه .. هي ما تسوي هالحركات الا اذا في شي ..

ام سعيد: شو رايج يعني ..

فطيم : راقبيها . .. طاعيها ويا منوو ترمس .. وشوو تسوي .؟؟

ام سعيد : والله جان جي السالفه ... انا ومريم .. بنيلس نراقبها .. لانه البنت تغيرت .. والله انا شاكه شراتج اخافها الا تعرف شي ... ونحنا ماندري .

[بنت البلاد]

الجزء الثالث:- والاخــــــــير


انــــــزين ... واتفقن .. مريم و فطيم وأمهم .. انه يراقبوونها ويشووفنها ليش هي جي ..وليش جي متغيره ... والمهم يلسوو يراقبوونها ومالقوو شي عليها .. ليش .. لانه هذيج الحرمه قالت حق سلامه لاتتصلين مره ثانيه .. وسلامه كانت تتصلها .. ولوهي كانت ترمسها لين الحين ممكن انهم يشكون فيها بس الحين ما عندهم دليل بيشكون فيها .. المهم ومرت على هالسالفه شهر .. وكانت سلامه تعبانه نفسيا ما تعرف شوو اتسوي .. فقالت في نفسها ليش ما أخذ حبووب تهديني ..

واستأذنت من أمها على أساس انها بتسير الجمعيه .. وسارت الصيدليه وطلبت حبووب .. تهديها . لانها اونها تعاني من ضغوط نفسيه .. وكل شي ... وردت البيت وخذت هالحبوب وكلما تتذكر السالفه او تشووف أختها فطـــــــــيم تسير تاخذلها حبه ... وعقب فتره أمها حست انها متغيره .. للأحسن .. وبعد للأسوأ أول شي حالتها النفسيه باديه تعتدل .. بس شكله مب طبيعي موول .. ف الام شكـــت وخافت على بنتها .. وقامت جلبت الحجره فووق حدر بس مالقت شي .. واتصلت لفطـــيم .. وقالتلها تين الحين ... وام سعيد وبناتها الهنتين تيمعن في الصاله .. وسلامه .. في الجامعه .. يعني ماتعرف شو السالفه .
.................................................. ..........................
في الـــصاله..


أم سعيد : والله اني زايغه على بنتي.. ما اعرف شوو استووابها .. لوو أدري ما يوزتج ..

فطيم : اميه شوو ها بعد .. أنزين نبشتي حجرتها انتي؟؟؟

أم سعيد : هي ما خليت شي في الحجره مانبشته ... والله ما أعرف شوو استوابها ..

مريم : انزين شوو نسوي الحين ..

فطيم : والله ما ادري .. بس عنا حل واحد ..

ام سعيد :: قوولي انزين شوو هوو..

فطيم : انه يوم الخميس انا باييكم .. وانا مريم بندخل حجرتها وبنيلس نرمس وياها لين ماتقووولنا كل شي وما بنظهر من الحجره لين مانعرف شوو السالفه .. لا وبعد لين مانقتنع ..

مريم : هي والله .. ونحنا يالسين نراقب من متى بس بدوون فايده ..

أم سعيد : يالله عاده توكلوو .. وشووفوو جان بتقولكم .. والله اني حاسه انها مابترمس ...
....................................

وفجــأه تدخل عليهم سلامه ...
سلامه : اوووووووووه فطيم انتي هني .. غريبه ما حيدج ..

فطيم : شوو أسوي تولهت على أميه وعليكم ..

سلامه : لالا عن الجذب يالله قوولي ليش يايه هاااااا

فطيم : ههههههههه والله بعد .. اسرار .. مانقوولها حق اليهال ...ههه

سلامه : عادي ما يهمني المووضووع .. انزين انتي شخبارج ..

فطـــيم : الحمدالله وانتي شوو اخبارج ..

سلامه : .. والله أوكـــــــي ... ها شوو الحين بنت ولا ولد ..

فطيم : أونها ماتعرف .. بنيـــــــه .. فديت بنتي .. تولهت عليها ..

سلامه : ههههههه من أحينه انتي متووله عليها الله يعين ..

فطيم : هيه شوو عيل ..

سلامه : وشوو ناوين تسمونها ..

فطيم : موزه على أمه الله يرحمها ..

سلامه : هااااا مووزه ..

فطيم : سلموو بلاج ليكون بعد مب عايبنج ..
سلامه : لا حلوووو يالله بخليكم الحين بسير الحجره ... عندي امتحان بارجر..

وتظهر سلامه من الصاله ...

فطيم : أنا بس أبا اعرف شوو يستووي .. والله ما عرفنالها .. الحين قلت الاسم وجي استوابها ..؟؟؟؟ لوو قلت شي ثاني . ما اعرف شوو بتسوي بعد ..
.................................................

وفي حجرة سلامه ...

ســلامه : ياااااااااااارب ارحمني شوو أسووي ... ليش ابتليتني بهالمصيبه ... والله اني ماسويت شي .. واعرف اني مسوويه ذنـــب عووود بس شوو أسووي ... عندي حل واحد اني اتصل للحرمه هذيج ..

وتتـــــــــــــــــــــــصل ...

سلامه : الوو السلام عليكم ..

(....) : وعليكم السلام .. أهليــــــــــــن .. شوو عندج اخبار حلوه ولا مب حلوووه ..

سلامه : قووليلي شوو أسووي الله يخليج ريحيني...

(...) : والله ما لي خص ..

سلامه : انزين ليش قلتيلي السالفه .. وليش انتي ماييتي وخبرتيها .. شوو أسووي الحين .. ما اقدر أقوولها أحس ان قلتلها بكوون أنا السبب .. اني دمرت حياتها كلها ... وثاني شي .. بنيه يايه في الطريج ..

(...) : لاحووول انتي كبرتي المسأله وايد .. بس نحنا متفقين انج انتي اللي بتقوولين السالفه ... وانتي اللي بتوصلينها بعد .. وأنا سحبت يديه من المووضووع ... ويالله مع السلامه ....

سلامه ماعرفت شوو تسووي .. وما عندها الا الحبووب ... بتاخذهن ... وخذت الحبووب بس كثرت هالمره ...

واليووم الثاني الصبح .. حست سلامه بأنها بعدها مانست السالفه ... وظهرت من شنطتها الحبووب وخذت كم من حبه وسااارت الدوام كعادتها .. ويووم استوى العصر شووي على جريب المغرب .. ام سعيد استغربت انه بنتها لين الحين مايت وخافت عليها .. واتصلت بوحده من ربعها ..

أم سعيد : السلام عليج .. عاشـــينه ..

عاشه : وعليكم السلام .. خااااااااالو وينكم اليووم عيزت من كثر ما اتصل بيتكم ..

أم سعيد : عسى ماشر شوو بلاكم ..

عاشه : نحن بخير والحمد الله .. بس سلامي ...

أم سعيد : بلاااها ( متفاجأه)

عاشه : ما اعرف شوو ا ستوابها بالظبط.. لانه اللي وياها في الكلاس قالوو انها طاحت في الكلاس .. وودووها المستشفى ..

أم سعيد : في أي مستشفى هي ...

عاشه : في مستشفى (..............) الطابق الثالث خاااالووو ما أبا اقلج هالشي ..بس شوو أسووي لازم أقلج .. ترا سلامي في الانعاش ..

أم سعيد : ياويلي على بنتي ...يالله أميه بسير أشووفها ..

وتتصل على لدريووول ... ويوديها المستشفى ... بس ما كانت ترووم ادش على بنتها لأنها في الانعاش .. واتصلت ب سعيد ومريم وفطيم ... ويووو المستشفى يركضـــــون ..

فطـــيم وسعيد ساروو عند الدكتوور اللي كشف عليها ..

سعيد : ها طمنا .. شوو فيها ان شاء الله بخير ..

دكتور عادل: والله مش عارف أألووكوو أيه .. بس البنت تعبانه أويي .. وشكلها مرت بمرحله نفسيه .. أســـيه أوي .. وأأأأأه وحاجه تانيه .. البنت عندها تقرحات في المعده .. وحجات بس مش أدر أألكوو دلوأتي .. لأنها تعبااانه أوي ..

فطــــــيم : دكتوور بس هي عمرها ماشكت من أي شي ؟؟؟

دكتور عادل : هيا كانت بتاخذ حبووب أو أي حاقه ؟؟
فطيم : ما أدري والله بس يمكن لانه مره شكينا فيها .. شفنا حالتها اوكي تتحسن بس ويها وصحتها مووول رايحه ..

دكتوور عادل: أظن انها كانت بتاخذ حبووب تهديها .. بس هيا اسرفت في دي الحبووب .. بس ان شاء الله ينجح العلاج معاها .. لأن حالتها صعبه أوي .. وادعوولها .. انه ربنا يعطيها عمر طويل..

سعيد : لاااااا بنسفرها عيل ..

دكتور عادل : أنا بألك حاقه سفرتها ولا ماسفرتهاش .. كله نفس الشيي.. وانما الأعما كلها عند ربنا ... واووول يارب ..

سعيد وفطيم : الله يعطيها طولت العمر ..

فطيم : سعيد ماتخبر اميه .. شو استوى .. واللي سمعناه هكي يايتنا ..

سعيد : لا ما أقـــــــــــدر كله ولا هالسالفه ..

أم سعيد : ها شووقالكم الدختر ..؟؟؟

سعيد : لا بس بيسوولها غسيل وان شاءالله بتنش ..

وتمت 3 أيا م في المستشفى وهي بعدها في الانعاش ..

أم سعيد : انا بدخل بشووفها وبشووف حالها .. وعقب دخلي يا فطيم انزين ..

فطيم إن شاء الله اميه

ودخلت أم سعيد على بنتها ... وشافت دموع سلامه ..

أم سعيد : فديت بنتي والله .. يا أميه لاتصيحين .. والله قطعتيلي قلبي.

سلامه : أميه سامحيني ..

أم سعيد : وليش انتي ما سويتي شي غلط .. عشان اسامحج ..

سلامه : بس انتي سامحيني.. عشان ارتاح ..

أم سعيد : والله اني مسامحتنج .. ولا شاله شي في قلبي عليج ..

سلامه : الحمد الله ..

وظهرت ام سعيد .. والدموع على عينها ما قدرت تشووف بنتها ..

ودخلت عقبها .. فطــيم ..


فطيم : ما شاء الله اليووم احسن عن كل مره ..

سلامه : من زمان كنت ابا اقلج شي بس لين اليوم ماأقدر اقووله وضميري يأنبني .. بس سامحيني...

فطيم : انا مسامحتنج على كل شي .. بس ..شوو قوولي .. انتي سويتي شي ..
ســلامه ما قدرت ويلست اتصيح : فطيم .. خليني شووي الحين ما أقدر أتكلم .. احس بعمري اني تعبانه ..

فطيم : خلاص انشاء الله .. بخليج الحين ..

............................................

مريم كانت في الحجره الثانيه ترتب أغراض اختها سلامه .. يعني شنطتها وقشارها .. وهي ترتب الشنطه شافت حبــوب .. وخذت الحبوب من الشنطه وخشتهن في شنطتها ..

فطيم ظاهره من عند سلامه ...

مريم : فطـــــــــــيم ... شو بلاج ..؟؟

فطيم : لا ما شي بس قلبي عورني يووم شفت سلامي جي ..

مريم : إن شاء الله عقب كم من يووم بتستوي بخير ..

فطيم .. انزين أميه ووين ..

مريم : اميه .. داخل في الحجره طايحه .. انزين هذن اغراض سلامي .. على طريجج نزليهن البيت ..

فطيم : بس هذيلا اغراضها ..

مريم : هي ..

وتظهر وفطــــــــــيم من المستشفى ...


وعلى طول سارت عند الدختر .. وقالتله..

مريم : السلام عليكم

دكتور عادل : وعليكم السلام ..

مريم : زين يووم لقيتك .. لأني كنت ابا اسألك شويه ..

دكتور عادل : أسألي عوزاه حاقه ..

مريم : لا بس كنت أبا أسألك عن هالحبوب .. وحده من ربعي تاخذهن وقلتلها لوو تسألين الدكتور قبل .. وعقب .. خذيهن .. وانا يبتلك حبوبها عشان اتشوفهن ..

دكتور عادل : منين قابت دي الحبوووووووب ؟؟؟؟

مريم : والله ما ادري ليش زينات ..

دكتور عادل : أييييييه زينات .. لأه يا ختي أوليلها .. ارمي دي الحبووب . ولا حتروح فيها على طول .. دي ممكن تأتل الواحد .. يعني الا للحالات الطارئه مش زين صديقتك .. ارميهن من دلوأتي
.........................................

فرت مريم الحبوب .. وظهرت من عند الدكتوور .. وهي زايغه على ختها عسى الله يطول بعمرها .. ودخلت عليها الحجره .. وشافتها واعيه ..

مريم : سلامي .. واعيه ولا راقده ..

سلامه : مريم ... لا أنا واعيه دخلي ..

مريم : شخبارج اليوم ..

سلامه : والله الحمد الله .. بس أحس بعمري تعبانه .. ما أقدر كأنه اليووم بمووت

مريم : لا ان شاء الله لاتفاولين على عمرج ..بس خلي هالسالفه تولي.. أبا أسؤلج سؤال بس بتجاوبيني بصراحه ..

سلامه : هيه وليش لأ ..

مريم : كنتي تاخذين حبووب قبل ..

سلامه وهي مرتبكه : لا شحقى ..

مريم : سلامه أنا اختج وشفت في شنطج الحبوب .. يعني صارحيني ليش خذتي الحبوب .. وصدقيني هالشي بيكون بيني وبينج .. وسر للأبد .. لوو انه يمكن يفرقنا حد ..

سلامه تفـــــــــــــــــــــــــــكر وأخيرا وافقت على انها تقوول وتريح عمرها .....

وفي هالساعه اللي كانت سلامه تقوول حق أختها مريم ..

كانت فطيم .. في بيتهم تنزل أغراض سلامه هي وريلها ... وريلها نزل وياها .. فقالتله ترياني في الصاله بودي قشارها فووق ونازله..

وهي تركب الدري .. تسمع موبايل سلامي يرن .. فستغربت منو متصل .. ويووم ظهرت الموبايل .. شافت رقم غريب.. بس كانت حاسه انها شايفتنه في مكان .. وفجأه اذكرت انه هذا نفس الرقم اللي كانوو يتصلوون به يووم عرسها.. ف على طوول ردت

(...): السلام عليكم .. سلامات .

فطيم : وعليكم السلام ..بس انا مب سلامه .. سلامه في المستشفى ..

(..) : عيل انتي اختها صح .. واذا ما خاب ظني ... فطيم صح ..

فطيم : هي صح بس منوو ويايه..

(..) : انا وحده ولا بتعرفووني لوو عرفتي السالفه .. وانا اليوم بريح اختج .. لانها كانت تبا تقوولج بس ما كانت ترووم تقوول هالكلمه ..

وعلى طوول سلامه اذكرت كلام فطيم .. يوم قالتلها ظميري يأنبني ..
وعلى طول قالت للحرمه انزين قوولي السالفه ...


وسمعــــــــــــــت السالفه كلها... .. ومن الصدمه دوخت وطاحت من الدري ... وبسرعه يشلها ريلها ويوديها المستشفى ...

وسوولها عمليه ... والجنين مات في بطنها ... وتعبت فطيم من السالفه ..

بس محد يدري لين الحين ...


وفي المستشفى اللي فيه سلامه ... أمها كانت طايحه وفجاه رقدت ..

وفي الحلم ... شافت حرمه يايتنها من بعيد وتقوولها

أم خليفه : ولدي ماخذ بنتج ..

أم سعيد : لا يا اختي مغلطه .. بنتي ما خذت ولدج .. بس انا شايفتنج في مكان ..

أم خليفه : يالله أشووفج نسيتيني... ولدي ماخذ بنتج ... انا موزه بنت راشد ..

أم سعيد : مووزه بنت راشد ؟؟؟؟

...........................................

وفجأه نشت ام سعيد من الحلم . وهي تفتكر في الحلم اذا هو صح ولا غلط واذكرت رمست بنتها يووم قالتلها انتي راضعه حد من قبل وربطت هالسالفه وسالفة الحلم .. وحست انه خليفه يستوي اخوهم واللي ما خذنها اخته .. وربعت على طوول الحجره عشان تتأكد من عند بنتها ..

ويووم دخلت شافت مريم تـــــــصيح .. وعدالها .. سلامه ويصيحن هنتيناتهن ..

أم سعيد : بلاكم تصيحوون ..

سلامه : سامحيني يا أميه لأني ما خبريتكم .. مريم سامحيني ...

أم سعيد عرفت السالفه .. وظهرت من الحجره هي ومريم .. من الصدمه .. ومن ظهروو اتصل خليفه رييل فطيم ..

خليفه : الوووووو مريم ..

مريم : خليفه غريبه متصل هالوقت شوو بلاكم ..

خليفه : مريم طاحت من دري بيتكم .. ما اعرف .. كانت ترمس حد وفجأه دووخت .. وطاحت ..

مريم : شوو الحين هي ..

خليفه : الجنين مات وسولها عمليه .. وهي الحي في العنايه ..

وخبرت مريم أمها بالسالفه وحسوو انه فطيم عرفت السالفه ... عشان جي استوابها هالشي ...

وعلى طوول ساروو يشووفوون فطيم .. واليوم الثاني الفجر نشت والحمد الله بخير ..بس منصدمه من الخبر ما كانت متوقعه موول ..

ودخلت عليها امها واختها مريم .. يونسوونها وينسوونها السالفه ... وهي تصـــــــيح ...

وفجأه موبايل مريم رن .. انه المستشفى وردت عليهم وقالوولها انه اختهم بتتوفى ومابتعيش .. يعني عقب ساعه هي ميته ..اذا بتون تشووفوونها قبل لاتموت .

و ظهرت مريم .. وزقرت امها برع وخبرتها بالسالفه .. وصــاحت الام على بنتها ..

وساروو على طوول المستشفى عندها .. وهي تلفظ انفاسها ...

سلامه : أميه ومريم سامحووني .. اعرف اني سويت شي غلط .. بس لاتلوومووني ..

أم سعيد ومريم : كلنا مسامحينج ..

سلامه : لااا مب كلكم ... فطيم ... أبا ارمسها الحين ...

ويتصلوون حق فطيم ...

سلامه : فطيم ..

فطيم ماردت عليها .. بس من سمعت صووتها صااااحت ..

سلامه : سامحيني .. الله يخليج سامحيني .. واكرهيني عقب اذا تبين .. ولاتلووميني انا ما كنت متوقعه هالشي ..

فطيم ساكته ماترد .. بس كلما كانت تسمع صوتها أختها تصـــيح .. ما تتحمل .. لانها بتمووت هالساعه ..

سلامه : ردي عليه ..

فطيم : بتووله عليج وايد ..( و دووووووخت فطيم ) وطاحت السماعه على الارض ..


سلامه : سامحيني .. يالله قوولي هالكلمه .. ليكون بعدج مغيظه عليه .. والله حــــــرام سامحيني ... فطيييم وينج ....


وفجأه طاحت السماعه من يدنها .. والدموع على ويها .. متحسره . انه اختها ماردت عليها ...



وتوفت ســــــــــــلامه....




سوري على النهايه الحزينه .. بس هالواقع ..

[عشق الليل]

تسلمين على القصه اللي صج قطعت قلبي :marsa39:


تسلمين مره ثانيه على اختيارج للمواضيع

[بنت البلاد]

عشووووووووقه فديت قلبج.. لا تقطعينه بليز..

والحمد لله ان القصه عيبتج.. والعفو

[راعي شلات]

:marsa50: مشكووره على القصه:marsa50:
تحياتي

[الدمعة]

القصة حزينة واااااااااااايد حرام والله قلبي عورني وتسلمين الغالية على القصة وربي يوفقج
السموحة

[بنت البلاد]

تسلم راعي الشلات على التواجد..

الدمعه.. تسلمين الغاليه على الرد والتواجد

[سجينه الحب]

مشكورة اختي بنت لبلاد على هالقصة الحلوة والله يوفقج انشالله في حياتج

[سجينه الحب]

والله سلامه اكسرت خاطري ولو انا مكانها ما عرف شنو بسوي

[صمتي ولكن ..]

مرسي ع القصة الحزينة

[جروح الامارات]

تسلمين اختي على هالقصه الحلوة


ونتظر يديدج


جـ ـ ـ ـ ـ روح الامـ ـ ـ ـ ـ ـارات