مواثيق

[THE ROCK]

تخشَعْ مواثيق الثريّا


في خشع قلبي مِ السما فوق


يا صاحبي (ليلى) وْمَيّا


عِشّاقهن ماتوا من الشوق


لِرْضاك ما تملك يدَيّا


قلبي هديّه والكَرَمْ ذوق


قلب الكرامه والحميّا


واشواق فيهن روح مَخْلوق


ياما صبر والصبر عَيّا


يشفي نزايف سارج العوق


يوحي بك الكون البهيّا


في خايعٍ حنّت به النوق


وِعْوايد الحر الأبيّا


في عاليات النايف يْتوق


صحرا خيالي لي تهيَّا


طيفك وهيّض ألف طاروق


قلت لْسعود الفال حَيّا


ولاحت ثنايا ذيك لِبْروق


تضحَك ويضحَك كل فَيّا


وتزهر نواير كل ساروق


ليت المحبّه بالسويّا


بيني وبينك منصِفْ حْقوق


تنام وِمْنامك هنيّا


وطرفي جزى به واغف الموق


فرقاك والحظ الرديّا


أرْمَدْ حطبهن قلب مَحْروق


كل شَي والاّ دون شَيّا


الوقت به سابق ومسبوق

[بنت البلاد]

تسلم اخوي على الخاطره الحلوه..

ننتظر جديدك ..

[THE ROCK]

العفوووووووو اختيييييييه تامرين امر

[فتى الأحزان]

تسلم اخووووووي ويعطيك العافيه