اذا شخص قال لك انه يكرهك

[فتى الأحزان]

السلام عليكم ورحمة الله وبركاته



لو جاءك انسان فجأة وقال لك انه يكرهك ما هو موقفك موقف صعب اكيد

هناك من سيغضب او يحقد على هذا الإنسان ومنكم من سيتعجب من جرائته
ولن يصدق ما يسمعه

وبعضكم من الممكن ان يطنش السالفة ولا يهتم يكره يحب هو حر


انتم من اي فئة من الفئات ؟

[بنت البلاد]

انا الصراحه صارت لي هالسالفه ايام الإعداديه وحده من البنات يتني واتسب واتسب واتقولي اكرهج ومادري كيف..
وانا صح اني احترق من داخلي ماانكر هالشي .. لأني انسانه لي قلب احس في النهايه.. بس ملامحي كني وحده باااااااااااارده ومووول مب معبره ولا مهتمه.. والله كنت ابتسم في ويهها..

لأن في النهايه هي مب مغصوبه انها اتحبني ولا شو ماكان.. هي لها قلب حر الإختيار تحب منو ولا تكره منو.. ما اقدر اجبرها على شي ما تباه.. لكن مع الوقت انا بنفسي ممكن اني اخليها اتغير هالشي فيها بأني اثبت لها اني جديره بأنها اتحبني.. سواء اني اوقف وياها.. واساندها.. اخليها بأسلوبي وتعاملي وطيبتي تندم على هالكلمه..
وفعلا صار هالشي عن تجربه اقولها لكم.. عمري ما كنت ارمس من وراها ولا اقول كلمه شينه عنها.. وساعات كنت ابرر موقفها جدام البنات اذا يابو طاري السالفه.. والحين.. والله ما تفارقني.. صارت ربيعتي الروح بالروح مثل ما يقولون.. واعتذرت مني لين ما شبعت انا وطفح من الإعتذار..

والله لا اييب الكره بين الاحباب ان شاء الله
تسلم اخوي فتى الأحزان على السؤال.. والنقاش هذا..

[زعيم المرسـى]

وعليكم السلام ورحمة الله وبركاته ومغفرته ،،،

ندش فالموضوع ... الحمد لله مافي حد قالي بويهي أكرهك .. ولكن أنا في ناس فالدوام أم في غيره أحس من تصرفاتم إنهم يكرهوني .. بس أسوي نفسي مب فاهم وأحاول إني أحسسهم إني مب حاس لأن على قولت الأخت بنت البلاد مع الايام تتغير نظرتهم لي ونستوي من أعداء لأحباب إن شاء الله ...
وأختم بقول الله سبحانه وتعالى :
(( ادفع بالتي هي أحسن فإذا الذي بينك وبينه عداوة كأنه ولي حميم ))

[بنت القوافي]

هلاااااااااااا أخوي فتى الأحزان
مشكووور على الموضوع
الصراحة ردي بيعتمد على الشخص اللي قالها لي
فإذا كان عزيز وغالي فبعصب في البداية وبزعل إذا كنت انا الغلطانة
أما إذا ما كنت الغلطانة وهالشخص يحقد علي فبطنش
وإذا كان وااااحد عادي وماله معزة فبطنش وما راح أهتم
يكرهني او ما يكرهني هو حر بكيفه

[الحزين وبس]

أولا أشكرك أخوي فتى الاحزان على موضوعك

وثانيا أنا شخصيا اذا صارلي هالموقف بقول لشخص يزاك الله خير وما تقصر
ويي منك أكثر

وآخر شي ببتسمله وبقوله أنت الخسران

[سيدة الرياض]

هههه اقوله يعني انا الي ميته فيك

تسلم فتى الاحزان

[فتى الأحزان]

تسلموووووووووووون على مشاركتكم

ومع احترامي على وجهة نظركم على هذا الموضوع

وعن نفسي انا الصراح ما اداني حد يكرهني او يزعل عني واكتفي بهذا

واشكركم

وتحياتي لكم جميعا

[هزاع x5]

أشكرك أخوي فتى الأحزان على الموضوع الطيب بالنسبه لي أقول إن الانسان يفرض نفسه على الناس من خلال تصرفاته واحترامه للناس لو كان محترم الناس بتحترمه واللي مب محترم الناس بتطنشه وبالنسبه لكلمة أكرهك أعرف شو السبب وأغير الطبع اللي كره هذا الشخص فيني يمكن تصرفت في يوم من الأيام تصرف زعل ربيعي مني وخلاه يكره هذا التصرف لازم أعرف ليش زعل وأغير التصرف من الأسوء إلى الأحسن وإلا لو ياني ربيعي منه والدرب وقالي أنا أكرهك ما أدانيك من غير سبب مابسوي له سالفه ولا أضيج بعمري ولا بأهتم لأنه من غير سبب لو كان شي سبب مثل ماقلت بحاول أغيره وأكسب الناس والسموحه

[فتى الأحزان]

أشكرك أخوي فتى الأحزان على الموضوع الطيب بالنسبه لي أقول إن الانسان يفرض نفسه على الناس من خلال تصرفاته واحترامه للناس لو كان محترم الناس بتحترمه واللي مب محترم الناس بتطنشه وبالنسبه لكلمة أكرهك أعرف شو السبب وأغير الطبع اللي كره هذا الشخص فيني يمكن تصرفت في يوم من الأيام تصرف زعل ربيعي مني وخلاه يكره هذا التصرف لازم أعرف ليش زعل وأغير التصرف من الأسوء إلى الأحسن وإلا لو ياني ربيعي منه والدرب وقالي أنا أكرهك ما أدانيك من غير سبب مابسوي له سالفه ولا أضيج بعمري ولا بأهتم لأنه من غير سبب لو كان شي سبب مثل ماقلت بحاول أغيره وأكسب الناس والسموحه

تسلم اخوووي على مشاركتك

ونتظر راي الاعضاء لهذا الموضوع

واشكرك اخوي مره ثانيه

ويعطيك العافيه

[اخت الجميع]

والله محد قالي ايها و الحمد لله......





بس .....



ما اعتقد بان شخص احبة و اعزة ...يبي يقولي اكرهك فجأة .!!!


الا اذا كنت انا غلطت بحقه و غلطة حييييييل كبيرة....


فاذا واحد انا اساسا ما احبه ..وهو بدا و قال هذه الكلمة ...


فساعتها ما راح ارد ...لاني راح اكون انا احسن منه و انا صراحه ما اكره احد و لكن ممكن ما احبه ولكن ما اكرهه ..

هو بطريق وانا بطريق...


ف((( احسن طريق اقول له : الله يسامحك ))


مشكور اخويه فتى

[Joker]

على حسب من يقولها لي ..

إذا شخص اعزه واحترمه أو احبه ويجي ويقول لي اكرهك ,, طبعاً ما بيدخل بالي
لكن لما يدخل بالي بانصدم وما اعرف شباسوي ,, بتكون ردة فعل عشوائيه

لكن إذا شخص ما احبه أو اكرهه ويقول لي اكرهك ,, باضحك عليه بإستهزاء .. وباقوله : (( الساعه المباركه ))

تسلم اخوي فتى الاحزان على الموضوع ..

[زعيمة المرسى]

فتى الأحزان ..اول شي تسلم على هالموضوع الحلووو ... انته جيه :marsa63:

ويبالك جيه :marsa70:

انا صراحه من النوع اللي اهتم ... يعني لو يتني وحده وقالتني يافلانه انا اكرهج في الويه ...
ليش اطنش يمكن انا مسويه فيها شي او سويت شي بدون ماحس .. ويمكن انا ابادلها نفس الشعور

وهيه حست بهالشي ويت وقالتلي انا اكرهج اكيد بسالها ليش تكرهيني ... اذا انا غلطانه مستعده اتاسف
بالعكس هالشي عادي عندي لاني انا غلطت والمفروض اتاسف ... ومافي منا كامل كلنا ناقصين
والكمال لوجه سبحانه ..

اما والله اتقولي اكرهج بدون سبب بس جيه تكرهني والله مشكلتها يعني اذا انا معاملتي معاها زينه
وماشي احسن منها وهيه بس جيه بدون سبب تكرهني وبكل جرأه قالتلي واله انا اكرهج
دامها هيه ماستحت انا ليش استحي منها ودام انا على حق ومب مسويتلها شي طز فيها (( سوري على هاي الكلمه :marsa77: ))

ومابعبرها وبقولها انا ماسويتلك شي واذا تكرهييني بس جيه هاي مشكلتج والله :marsa56:

بكل برودة عسب تتادب :marsa195:

تبون :marsa195:

احسن .. :marsa129:

والسمووووووحه على الاطاله (( مشكله يوم اندمج في شي :marsa152: ))

[فتى الأحزان]

والله محد قالي ايها و الحمد لله......





بس .....



ما اعتقد بان شخص احبة و اعزة ...يبي يقولي اكرهك فجأة .!!!


الا اذا كنت انا غلطت بحقه و غلطة حييييييل كبيرة....


فاذا واحد انا اساسا ما احبه ..وهو بدا و قال هذه الكلمة ...


فساعتها ما راح ارد ...لاني راح اكون انا احسن منه و انا صراحه ما اكره احد و لكن ممكن ما احبه ولكن ما اكرهه ..

هو بطريق وانا بطريق...


ف((( احسن طريق اقول له : الله يسامحك ))


مشكور اخويه فتى

العفووووووو اختي

وتسلميييييييين على مشاركتج

[فتى الأحزان]

تسلموووووووون على مشاركتكم

بس انا ائيد كلام اخت اخت الجميع
احسن طريق اقول له : الله يسامحك




وتحياتي لكم

[عجيد الريم]

السلام عليكم والرحمه ...


تسلم اخويه على موضوعك الرائع وماتقصر ...

وموضوعك ذكرني بقصه استوتلي العام:marsa167: ...

انا الحمدالله وااااااااااااااااايد عندي ربع ...

ووحده منهم كانت تكرهني وانا مااعرف ...
كانت وايد تنقهر مني ...

انا على نياتي كنت اكلمها واضحك واسولف عادي:marsa152: .. وهي نفس الشي ماكانت تبين انها تكرهني ...

هالسنه مااذكر الموقف الي صار بالضبط بس قالتلي .. فلانه انا كنت واايد اكرهج العام ماتتخيلين شكثر بس الحينه واايد اعزج والله :marsa20:

انا ويهي جذه استوى :marsa34: ...

قلت في خاطري كيف تكرهني وكانت تسولف ويايه عادي ...

بس عقب قلتلها ماعليه فديتج مب مشكله ..والحينه انا وهي مافي حد احسن عننا ...


تسلم اخويه مره ثانيه على طرحك للموضوع وماتقصر

اختك:حوريه :)

[فتى الأحزان]

الله يسلمج اختي

وتسلمييييييين على مشاركتج وصراحتج

ويعطيج الف عافيع

وتحياتي لج