اعتراااااافات

[درام الحب]

السلام عليكم

ابغي احط لكم مووضوع حلوووو...

و الى هوه انه كل واااحد ايدج و يكتب اعترافات على نفسه ...

من ها الشى بيطلع الى فى خاطره ..

يعني مثلا ايقول انا احب المواضيع السياسيه


اوكى انا ببدأ و بخليكم انتوا تكملو

بس الاعترافات لازم ما تقل عن خمسه

ابغي افضحكم ..خخخخخخ

اتري الردوود

تحياتي
درام الحب

[درام الحب]

اوكى انا بعترف


1 - اعترف انى واااااايد احب ابويه لدرجه فضيعه ... يعني اكثر انسان فى ها الدنيا ... بس بعد فى نفس الوقت استحي منه واايد و اخاف ... يعني اذا بي يرمسني بكون صايحه قبل ما يوصل

2 - اعترف انى اقرا مواضيع فى المنتدى و ما ارد عليها ساااااعات

3 - اعترف انى كنت قبل ايام المدرسه وااااايد طيبه بس من دخلت الكليه اتغيرت

4 - اعترف انى مشكلتي الرئيسيه انه الى في قلبي على لسانى ... و ما احب اجامل

5 - اعترف انى واايد فقت يدي من توفى الله يرحمه

6 - اعترف انى وايد مقصره فى اهلى ... لانى ايلس على النت اكثر ما ايلس مع اهلى ...

7 - اعترف انه طيبتي ... خلت الناس ايعاملونى باسلوب مب شى ..

8 - اعترف انى انجرحت مره و مستحيل اسمح لاي حد يجرحنى المره الثانيه

9 - اعترف انى تلقيت صدمات واااايد فى حياتي ... بس بعد ما اقدر ارجع ها الصدمات لها الناس

10 - اعترف انى مريت بقتره صعبه ... و تعقدت منها

هذه بس اعترافاتي
و اذا فيه شى طلع فى خاطري بكتبه ... يله اتريا اعترافاتكم

تحياتي
درام الحب

[السفينة]

السلام عليكم ورحمة الله وبركاته ..


تسلمين درام الحب .. على اللعبة الحلوة .. :marsa190:




وانا الحين بقدم اعترافاتي



..



...



...



..



...



...ز



...



.. شو تعبتو .. الحين باعترف ..


..



...



...



..


اليكم اعترافاتي ..


1- احب اخوي وايد وايد :marsa55: .. لدرجة اني ما اخبي عنه شيء .. :marsa124:

2- ادرس وايد .. لدرجة اني ازعل اذا نقصت نص علامة ..

3- احب اطبخ .. لدرجة انه خواتي يسموني ام الكيك ..

4- انا اجتماعية وايد وايد .. :marsa94:

5- احب اني اقرا كتب و قصص سواء عربي او انجليزي .. واني اكتب قصص و خواطر ..

6 - اموت في منتدى مرسى الإمارات

و السموحة

[اخت الجميع]

اولا مشكوره اختي على موضوعج


واعترافاتي هي


1_ اني طيبه زياده عن اللزوم واصدق كل شي كل من هب ودب قال شي انا صدقته


2_ اني عصبيه زياده عن اللزوم وبسرعه ازعل واحط في خاطري واذا حد طاح من عيني خلاص بعدين مستحيل ارجع واكلمه

3_ اذا حد غلط علي ولو بغلطه عوده ويعني استوت مشاكل بسبته وبعدين اعتذؤ اسامحه مع انه ما يستاهل اني اسامحه

4_ اعترف اني اذا حبيت شخص مهما يسوي فيني مستحيل ازعل عليه


5_ اعترف اني اللي في قلبي على لساني اللي خله هالشي يسويلي مشاكل وايده مع الناس

6_ اعترف اني شخصيتي المرحه خله الاغلبيه يظن اني وحده ما تستحي


7_ اعترف انيه عندي شخصيه وحده ما اقدر اغيرها ولو مهما يكون


8_ اعترف اني احب امي وايد واذا فكرت انه في يوم ببتعد عنها والله اني اصيح


9_ واعترف اني بعد الصياح في جيبي يعني كل ما استوى شي لازم اصيح ما اقدر امسك عمري

10_ واعترف اني مستحيل اخلي احد يمس سمعتي بشي واني مهما كنت ام سوالف بتم شديده في وايد اشياء

اظني هالاعترافات تكفي والسموحه

[درام الحب]

السفينه مشكووره على المشاركه

و تسلمين على المرور

تحياتي
درام الحب

[درام الحب]

أخت الجميع

مشكوره الغلا على المشاركه

و مشكوووووووره على المرور

تحياتي
درام الحب

[الرحيل]

1- اعترف اني يوم كنت صغيرة كنت آكل سرلاك اختي من دون ما امي تعرف

2- اعترف ان الاعدادية غيرتني وايد وخلتني اكون هادية زيادة عن اللزوم

3- اعترف اني طيبه لدرجة ان خواتي اللي اصغر عني يستغلوني مرات

4- اعترف اني خجول واااااااااايد لدرجة ان اللي ف قلبي استحي اقوله

5- اعترف اني اهملت الدراسة ف اول ثانوي وانشالله هالسنة بعوض الاهمال

6- اعترف ان اكثر الأعضاء اللي اتابعهم اخت الجميع وسمكمك وراعي الشلات وهزاع x5

بخلي باقي الاعترافات للمرة الياية

مشكورة اختي على هالموضوع

[درام الحب]

الرحيل

مشكووورهالغاليه على تفاعلج وياااااانا

تحياتي
درام الحب

[** عيناوي والنعم **]

مشكوره اختي

بس افضل اعترافاتي تكون بيني وبين نفسي

يمكن اغير رايي بعدين :)


تسلمين مره ثانيه

[درام الحب]

هلا اخويه

عيناوي و النعم

يكفى انك شرفت و كتبت شى ...

تحياتي
درام الحب