المساعد الرقمي الشخصي

مشاهدة النسخة كاملة : الجوال مغلق باللهجات السعوديه ::@::

عويد الموز
10-09-2004, 03:13 AM
الجوال ‏مغلق .... ‏‏باللهجات السعودية((بتضحكوون كثير))
...
..
القصيم : ‏‏ان الرقم اللي رعصته مهوب موجود هالحزه ازهم مرة اخرى الله يحفظك.....
.

‏‏الحجاز : ‏‏يا بويا الراجل مشغول ومقفل جواله هيا انقلع وحاول مره تانية ......
.

‏‏الاحساء : ‏‏وش حقه عاااد متصل ، يوم انه سكر جواااله مادري متى بيرجع حاول باشر .....
.

‏‏الرياض : ‏‏الرجال مهب فيذا - ‏‏الله لا يهينك رح فيذاك وأتصل مرة ثانية ...
.

‏‏حائل : ‏‏ان الرقم اللي ضغطتوه مهوب بوه ... ‏‏يا بعد حيي اقلط تقهو لين يعود...
.

‏‏السدير : ‏‏شفتااا .. ‏‏يوم دخلتااا لقيته مقفل ، الرجال مهوب موجود بالخدمه رح واذا رجعتااا يمكن تحصله ......
.

‏‏الشقراء : ‏‏هلا الرجال مهوب فيه اقلط والا متغدي تقهو والا تشرب لبن .. ‏‏حاول مرتن اخرى ......
.

‏‏الحوطة : ‏‏عمن يعميك ما تفهم الرجال نايم يله صك وازهم بعدين .....
.

‏‏البدو : ‏‏سلام علاك ابك الرجال واصلن قريب ويبي يعود .. ‏‏عليا الطلاق ما تطلع إلا وانت متعشي عندنا ..... (اللي كاتب الموضوع متقن اللهجه صح :marsa193: )
..
.


منقول
<(((><
10-09-2004, 03:39 AM
اهالله هيبها ...
بنت المزروعي وين راحت جيزان
المهم انا الحقتها بلاصوات فلااااش
بس اذا وصلتوا عند منطقة جيزان (تكفوت لاتسمعونها)

((الرقم اللي تبقاها ذيا امسكر مرة ثانيه يابويه))
لاحد يقول مافهم...!!! :marsa110:
عويد الموز
10-09-2004, 03:42 AM
ههههههههه ولا يهمك سمكان

مشكووور
فانيلا
10-09-2004, 04:42 AM
خخخخخخخخخخخخخخخ....


اللهجه السديراويه مضبوطه تمام...

تسلمين اختي بنت المزروعي على الموضوع....

في امان الله...
اخت الجميع
10-09-2004, 12:32 PM
خخخخخخخخخخخ

حلوه بس اتمنى انه محد يزعل من بنوته

حبيبتي بنت المزروعي مشكوره
عويد الموز
10-09-2004, 03:57 PM
فانليا .. الله يسلمج حبووبه

اخت الجميييع فدييتج مشكوووره
ابوفيصل
11-09-2004, 05:28 PM
.

‏‏شقراء : ‏‏هلا الرجال مهوب فيه اقلط والا متغدي تقهو والا تشرب لبن .. ‏‏حاول مرتن اخرى ......
.





بدون الف ولام ...

:marsa123:

هههههههههههههههههههههههه

<== فضح نفسه ...:marsa15:

تسلمين يا الغاليه ....:marsa115:
الجريح
11-09-2004, 05:31 PM
:marsa97: :marsa97: :marsa97:

:marsa179: :marsa179: :marsa179: :marsa179:

:marsa184: :marsa184: :marsa184:

:marsa6: :marsa6: :marsa6:
عويد الموز
11-09-2004, 08:10 PM
ههههه هلا والله بهل السعوديه نورت الموضوع يا بوفيصل :marsa29: والله يسلمك نوخذتنا
عويد الموز
11-09-2004, 08:15 PM
:marsa97: :marsa97: :marsa97:

:marsa179: :marsa179: :marsa179: :marsa179:

:marsa184: :marsa184: :marsa184:

:marsa6: :marsa6: :marsa6:



يا مرحبا بهل الرياض ... انا تعيبني رمستكم يا هل الرياض ... وش تقولون انتو >>> مرررّه حلوه :marsa72: ......... شكلي بدرب عند بو فيصل بخليه يعلمني :marsa58:
تسلم عالمرووور اخويه
أم غيث
11-09-2004, 08:19 PM
.... هذي خطيره....


‏‏الحوطة : ‏‏عمن يعميك ما تفهم الرجال نايم يله صك وازهم بعدين .....


تسلمين يا بنت المزروعي
غصون
11-09-2004, 08:21 PM
هههههههههههههههههههههههه ...

توني اشوف الموضوع .. حلوووو

سمكمك صراحه الملف اللي حطيته عجيب .. :marsa165:

يسلموووحبيبتي بنت المزاريــــــع .. موضوع :marsa194: :marsa194: :marsa194:
عويد الموز
11-09-2004, 08:23 PM
.... هذي خطيره....




‏‏الحوطة : ‏‏عمن يعميك ما تفهم الرجال نايم يله صك وازهم بعدين .....




تسلمين يا بنت المزروعي
الله يسلمـــج غنـاتي :marsa197:
عويد الموز
11-09-2004, 08:25 PM
هههههههههههههههههههههههه ...

توني اشوف الموضوع .. حلوووو

سمكمك صراحه الملف اللي حطيته عجيب .. :marsa165:

يسلموووحبيبتي بنت المزاريــــــع .. موضوع :marsa194: :marsa194: :marsa194:
ههههه وانتي احلى

الله يسلمج حبوبه ... ردج ومرورج :marsa194: :marsa194: :marsa194:
أم غيث
11-09-2004, 08:56 PM
بصراحه ... الملف المرفق يا سمكان ....

خطييييييييير

و التحفه ....
مال منطقة نساح .... <--- خذ علوم الرجاجيل

ههههههههه
ابوفيصل
12-09-2004, 01:50 PM
بصراحه ... الملف المرفق يا سمكان ....

خطييييييييير

و التحفه ....
مال منطقة نساح .... <--- خذ علوم الرجاجيل

هههههههههام غيث ...

سمعتيه ...

اذا كان متكلم عن ؟؟؟؟

قولي خليني ارفع قضيه ...

بس اخاف تطيح علي ... خخخخخخخخخخخخخخ
اوتار
16-09-2004, 03:06 AM
خخخخخخخخخخخخخخخخخخ
اجل اني جوالي
‏‏الاحساء : ‏‏وش حقه عاااد متصل ، يوم انه سكر جواااله مادري متى بيرجع حاول باشر .....
السفينة
16-09-2004, 02:06 PM
السلام عليكم


:marsa3: :marsa3: :marsa3:

:marsa94: تسلمين اوخيتي على الموضوع الي ايفطس من الضحك

و السموحة
عويد الموز
20-12-2004, 07:15 PM
:marsa62:


تسلموووون اخواني وخواتي


مب جنه غبر هالموضوع :marsa193:
<(((><
20-12-2004, 08:59 PM
بما انه غبر وحشر <<< نعطيكم مقتطفات حول العالم

الاتصالات النجرانيه:
ياخبش الرقم الي دقيهنت عليه غلط سكر لايجيك
زين القرطاب في القبووع :marsa122:

اتصالات الإمارات:
أخي المواطن.. الرجم الي طلبته لا يمكن الاتصال به
الآن يريى الانتظار أو المحاولة مرة أخرى :marsa188:

الإتصالات الهندية:
سديق .هذا موبيل ما في سغل ألهين ولا يمكن
بند مشان هو زعلان سوي .. أنت في سوية وقف
ممكن انت ييجي بعد سوية دقيقة في كلام أحسن ..
آب كي موسكان باهوت بياري هي :marsa53:

:marsa99:
عويد الموز
21-12-2004, 03:34 PM
هههههههههههههه

سمكااان شو يعني >>> سكر لايجيك زين القرطاب في القبووع :marsa42:

...

خخخ انا بقولك اشو يقولون اتصالات الامارات :marsa117: :
...
..

يا مرحبا مليوون .. يا حيبه والله .. اسموحه خويه ترا راعي التيلفون
راح العزبه .. ان بغيته اتصلبه خلاف وان ما بغيته اقرب تقهوى عدنا:marsa84:
خخخ من تأليفي :marsa117:
..
.

و يقولون اتصالات اليمن :
:marsa147:
..
.

اررفع ياخيييه ارررفع .. في خيي يدق عليك ما تستحي
ترفعووه .. ارررفع ارررفع ياخييييه ارررفع .. سرعه ارررفع
في واحد عالخط قاعد يستناا .. اسمه عبدو ولا اعرف من هو
اررررفع .. ارررررفع .. هيا هيا .. ارررررفع هيا .. سرعه ارررفع ياخييه
ارفع يعني ما تستحي يرفعك قني ان شاء الله .. ارفع لا ارفع عنك
والله لعطيه بزي اررررررفع ارررفع .. ياخي يعطيه مشغوول
ارررررررفع ما تستحي ترفعووه هذا الجوال حقتك مو حقتي
انا عندي غييرُه
...............
:marsa62: هههههههه والله تعبت وانا احاول ارمس نفسه
ترا هذا مسج سمعته من موبايل اخويه هههه هب انا اللي مألفتنه :marsa179:
واسمووووحه
فتى الأحزان
21-12-2004, 03:42 PM
اشوفج واااايد مخذه على اااخوانه اللي في السعوديه
عويد الموز
21-12-2004, 03:59 PM
:marsa5: !!
<(((><
21-12-2004, 10:51 PM
سمكااان شو يعني >>> سكر لايجيك زين القرطاب في القبووع
عاد ذيا معناتها سبيشل خخخخخ

يا مرحبا مليوون .. يا حيبه والله .. اسموحه خويه ترا راعي التيلفون
راح العزبه .. ان بغيته اتصلبه خلاف وان ما بغيته اقرب تقهوى عدنا
بالله عليكم ونااااسه اتصالات الامارات؟؟؟مدري بيسوونها في شركة الجديدة ولا ؟؟

لالالا بنت المزروعي ماجبتيها عدل حق اليمن انا سمعتها من قبل اللي في المجوال!!!

اجل سمعي ذيا

الأتصالات اليمنيه
ما تسمع الخط يقول توت توت توت ياجني
مال أبوك ياخبير
تشتي أدخل لك مع السماعه وأعلمك كيف يكون الخط مشغول على ظهرك يا مخبول
روح لبوك روعه يا وليد
وأقع بعد مده يكون الراجل خلص تخزينته :marsa194:

مزاجك بالاماراتي :marsa9:
عويد الموز
21-12-2004, 11:46 PM
بالله عليكم ونااااسه اتصالات الامارات؟؟؟مدري بيسوونها في شركة الجديدة ولا ؟؟
هههههههههه هيه شركة بنت المزروعي واخوانها :marsa178:


>>>

وبعدين كيف ما يبتها عدل خخخخ انا عدته امية مره
ويالله فهمت :marsa82:


..


تشتي أدخل لك مع السماعه وأعلمك كيف يكون الخط مشغول على ظهرك يا مخبول

خخخخخ والله فنان هذا :marsa31:

تسلم سمكاااااان ويا مرحبا بك
<(((><
22-12-2004, 12:07 AM
هههههههههه هيه شركة بنت المزروعي واخوانها

اقول مبروك لج الشكرة على العموم فيه شركة اتصالات جديده اسمها (سمجة تيليكوميونيكايشن كومبوني) علي الحرام اطلق اتصالات خدماتنا نفدانا <<<< شوفي خدماتها

1 - اذا فاتورتك فوق الــ 500 اذبح لي تيس ونعفيك من التسديد :marsa184:
2- اذا دقيهنت والرقم مشغول يقولك الرد: ((ياللي تتصل ولا تهون ولا يهون اللي عندك انتضر شوي وابشر بسعدك بنخليه يقفل ويكب منه المغازله , لانه نفدانا ونفداك وجعل حن علينا نذر يغازل 24 ساعه واذا ما انت بمصدق فرح لغرفته )) <<هذا اذا انت ابي الصبي وتدق عليه
3- واذا انت واحد من اخوياه : (( قفل قفل >>> مابينك وبينك الا جدر وتتصل به التف عليه من ورا الجدر لازم تخسرون عماركم تيوس على اخر كل شهر ))

4- اذا دقت عليك خويتك (هذي يبالها جلسه) : (( هلا والله هلللا , شوفي واسمعي الرجال يكلم وحده غيرج (يعني انوذر) ولا عاد له بج ...ولو تلاحظين وهو يكلمج تحسين انه بردان هاريتي ان ماله بج... خدمة البريد الصوتي ))
5 - واذا اتصل واحد من برا المملكه يتم تحويل اي رقم يتصل عليه الى جوال الوالد :marsa6:

7 - اذا ...........(والقادم مذهل اكثر )


احد يبيني اوظفه عندي في الشركة خخخخخخخ
عريشي مدير شركة (سمجة تيليكوميونيكايشن كومبوني)
عويد الموز
22-12-2004, 12:18 AM
يا سلام شكلي بشتغل عندكم :marsa107:
عشان اهزبهم من الخاطر



:marsa194:
<(((><
22-12-2004, 01:09 AM
يا سلام شكلي بشتغل عندكم :marsa107:
عشان اهزبهم من الخاطر



:marsa194:



خخخخخ بنت المزروعي وشركتج من بيهتم بيها ؟؟؟
بس ماعليه ممكن نعمل صفعة بينا <<< مابه حد يطيح فيها :marsa188:
8
8
8
بنت المزروعي مشغوله سيبها في حالها ربنا يكرمك :marsa108: طووووووووووووط
غصون
23-12-2004, 03:33 PM
2- اذا دقيهنت والرقم مشغول يقولك الرد: ((ياللي تتصل ولا تهون ولا يهون اللي عندك انتضر شوي وابشر بسعدك بنخليه يقفل ويكب منه المغازله , لانه نفدانا ونفداك وجعل حن علينا نذر يغازل 24 ساعه واذا ما انت بمصدق فرح لغرفته )) <<هذا اذا انت ابي الصبي وتدق عليه

جكووووووووووووه هههههههه :marsa184:

3- واذا انت واحد من اخوياه : (( قفل قفل >>> مابينك وبينك الا جدر وتتصل به التف عليه من ورا الجدر لازم تخسرون عماركم تيوس على اخر كل شهر ))

تعرفون مصلحة غيركم والله :marsa130: هههههههه

4- اذا دقت عليك خويتك (هذي يبالها جلسه) : (( هلا والله هلللا , شوفي واسمعي الرجال يكلم وحده غيرج (يعني انوذر) ولا عاد له بج ...ولو تلاحظين وهو يكلمج تحسين انه بردان هاريتي ان ماله بج... خدمة البريد الصوتي ))

جكووووووووه بعد :marsa192:

5 - واذا اتصل واحد من برا المملكه يتم تحويل اي رقم يتصل عليه الى جوال الوالد :marsa6:

ههههههههههههههههههه


احد يبيني اوظفه عندي في الشركة خخخخخخخ
عريشي مدير شركة (سمجة تيليكوميونيكايشن كومبوني)

أنااااااااااااااا ،، أبا أشترك وياكم في النذاله .. حلوووووو :marsa171:



.
.
بنت المزاريع ،، أنصحج تبيعين شركتج ،، وتدشين شراكة ويا السمج .. :marsa3:
.
.
سمجه سمجه ،، أبا اشترك وياك يالله وظفني >>>>>>>>>>>> طوط طوط طوط __________ ياخبش الرقم الي دقيهنت عليه غلط سكر لايجيك زين القرطاب في القبووع :marsa122:
.
.
بدينا :marsa10:
<(((><
23-12-2004, 10:28 PM
غصون انتي اكفا وحدة في النذالة خخخخ<<< ماتفهمينها غلط
بعدين ذا الكلام حق سكان منطقة نجران يعني مايفيدج
غصون ممكن تعطينا سكان منطقة الشارجة ايش يقولون ؟؟
غصون
24-12-2004, 07:05 PM
سكان الإمارات كلهم على نفس الوزن والقافية .. خخخخخ :marsa3:
<(((><
24-12-2004, 08:33 PM
بالله عليج ياغصون عندنا في نفس المنطقة تكون به عدة لهجات
<< حتى به نجران في عرب يتكلمون مثل الامارات
يالله عاد كلمة واحدة مشهورة....
همسة غلا
24-12-2004, 11:18 PM
تسلمين بنت المزروعي على الموضوع الروعه


بدون الف ولام ...

:marsa123:

هههههههههههههههههههههههه

<== فضح نفسه ...:marsa15:

تسلمين يا الغاليه ....:marsa115:


هههههههههههههههههههههه جكه :marsa99:


:marsa101:
عذب القوافي
25-12-2004, 07:26 PM
السلام عليكم ورحمة الله وبركاته حلو هذا الموضوع ويضحك.