هــذي قــصــتــي !!!

[الــعــانـي_قطر]

رجعتي لي صدق ظني وجيتي الحين تشريني

بعدمابعتي ايامي تبين اليوم تشريها

بعدماخنتي ووعودي تبين اليوم توفيني

بعدماضاعت أحلامي تظنن انك تلاقيها

بعدماضاقت الدنيا بوجهك ليه تنخيني؟

تحسبين القلوب جروحها يمكن تداويها

تحسبين الهوى لعبه وظنك لو بكيتيني

يموت الحزن بإيامي وترجع لك أمانيها

عجيبه قصتي والله عجيبه يوم جيتيني

وطلبتيني اصون العهدلك والروح اراعيها

وحلفتي لي وقلتي لي انا احبك نظر عيني

واذا دنيالك ما وفّت انا لك عيني اهديها

وهديتيني بطعناتك وفيتي لي وبعتيني

نسيتي اجمل وعودك نسيتيها نسيتيها

وهذي آخر وعودك هذيك اللي وعدتيني

جروح تسيل في صدري ونارٍ كيف ابطفيها

نثرت الهم في قلبي وسال الدمع من عيني

كتبت احزاني في عروقي ولا ادري كيف ابمحيها

عرفت ان الهوى كذبه وانا ادري انك تلفتيني

سبب هاالكذبه اغليتك وانا هاالحين ابرثيها

يقولون الامل موجود وادري وينه وويني

واعرف دروب اسفاري واعرف آصل موانيها

ولكن ما بقى بالعمر خطوه له توديني

ذبحتي اليوم خطواتي ولاعاد اقدر اخطيها

أبحيي اليوم خطواتي وابرحل عن شقى سنيني

وابترك دنيتك لاجلك وببحر عن شواطيها

ولو يومٍ سأل عني زمانك لاتزكّيني

وقولي اني انا خنتك وروحي حيل صنتيها

ماعاد اليوم لي تفرق تساوت كلها بعيني

ابرحل واترك الدنيا على كيفك تمشيها

تخونيها تصونيها ماعاد انتي تهميني

مناي اني اعيش بدون صوره كنت مغليها


وسلامتكم.

[همس الورد]

الواحد مايحس بغلى الثاني الا من بعد مايفقده

لا وبعد من عقب مايجرب غيره ويرفسه

وياسبحان الله يتجاهل حبه له ويدورله حب ثاني مع انه مابيلاقي حد يحبه مثل ماحبه الانسان اللي تجاهله وسار يدور على غيره

ومن سخرية الاقدار انه في النهاية مايدق الا باب الانسان اللي غلاه من كل قلبه

لانه موقن ان بعمره مابيلاقي حد يحبه مثل ماحبه الانسان اللي لبسه وخلاه بحرقة دموعه والامه

[الــعــانـي_قطر]

صدقتي اختي ومشكوره على مرورج ويعطيج العافية وما قصرتي .

[ودااعيه]

وهذي آخر وعودك هذيك اللي وعدتيني

جروح تسيل في صدري ونارٍ كيف ابطفيها

نثرت الهم في قلبي وسال الدمع من عيني

كتبت احزاني في عروقي ولا ادري كيف ابمحيها

ـــــــــــــــــــــــــــــــــــــــــــ......
مشكووووووور اخوي العاني لى الشعر

بس هالمقطع مرررررررررة اعجبتني

داااوم في كتاباتك ونحن في انتظار
تقبل تحياتي

ودااعيـــــــــــــــــــــــــــــــــــــــــه

[زعيم المرسـى]

أخوي العاني قطر .. رايي معروف ..

وتسلم على هالابداع ...

[ريم الدمـــاني]

اخوي العاني كم بوصف قصيدك
انت اكيد اتعرف رايي
وتسلم اخوي

[مغرب الشمس]

نعم جميل ما كتبت وإلأى الامام أخي

[الــعــانـي_قطر]

مشكورين على الردود وما قصرتو والله لا يحرمني منكم .