ام عليوي ..والفيديو كليب ...

[عجيد الريم]

http://www.marsauae.com/upload/uploading/um-na9oor.gif

السلالالالالالالالالالالام عليكم ....


اليوم عاد محد يرمسني .. تيمعوا بسرعه وبخبركم مصيبه يديده من مصايب هالعيال الي رفعولي ضغطي :marsa150: .. حسبي الله على بليسهم ....


شوفي عاد هدووووووء عن الخبال وابرزي مكانج مايكفي انج كاسره راديوي امس هااه؟؟؟:marsa105:

انامل ... الله يخليج هدي كتبج الحينه لاحقه على الكراف وعلى لوعة الجبد
...
اسمعوا سالفتي اليوم وياعيال ولدي الي مايستحون ......

سلمكم الله من كم يوم كنا متيمعين في الصاله انا وبوعليوي وجسوم وهالمستخفه عويش .:marsa152:
... جسوم يهذرب في تيلفونه :marsa147: .. وعويش تجلب التلفزيون:marsa135: ...وانا اسولف ويابوعليوي :marsa181: ....تمينا نسولف ومب منتبهه على العيال
شوي ماوعيت الا جسوم مبرج في التلفزيون شوي وعينه بتطيح :marsa120: .. قلت يمكن انه سرحان .. يوم صديت على عويش بشوفها الا اشوفها هي بعد شراته مبرجه في التيلفزيون:marsa120: ... يوم شفت التيلفزيون الله لا يراويكم :marsa138: .. حاطين وحده تغني ... وياريتها لو تغني اغاني عدله مثل الناس ... وشكلها عافان الله مايتشاهد ... ماحسيت بعمري الا وانا فاره عويش بالمكنسه :marsa105: بس خساره المكنسه مايت عليها يت على التلفزيون ...
صدت جان تفاتن ... يدوه جي تفريني بالمكنسه ؟؟

قلتلها بكسر راسج بعد سكري التلفزيون يالله :marsa142: ...

جان تقولي :: اتريي بشوف الاغنيه عقب بسكره ..

قلتلها :صدقيني ياعاشوه ان ماسكرتيه لا اخبر ابوج وبقوله شو تشوفين ..

سكتت تدريبي بسويها وبخبر ابوها ..

صدت صوب التلفزيون وماعطتني سالفه ... ولا جني رامسه وجاتله عمري

رديت فتنت .. جان تقولي الحينه انتي بس شفتيني انا اشوف الاغنيه ونازعتيني وماقلتي شي حق جسوم ؟؟

قلتلها تنطبين اقولج انتي يالسه عند التلفزيون.. جسوم حسابي وياه عقب لانه مانش وكسر راسج .. ... سكريه لا اسكره بنعالي :marsa116: ...

سكرته وتمت تتحرطم عقب نشت من مكانها وسارت حجرتها ...

صديت على جسوم وقلتله ..

عنبوه وانته الثاني لا حيا ولا مستحى .. تشوف اختك تطالع هالطفاسه وماتنش تسكر عن التلفزيون لا وبعد تشوف وياها ومبرج عينك شوي وبتطيح من مكانها ؟؟؟ ..

جان يقولي .. يدوه انزين عادي الحينه كل الاغاني جذه ...

قلتله شو عادي انته بعد عنبوه وحده ماخلت شي الا وظهرته وتقولون عادي ؟؟؟ ؟؟

عنبوه جي الحينه الاغاني ماتستوي اغاني الا اذا كل وحده سوت الي سوته ؟؟

انزين هن سون جذه شو انتوا لازم تشوفونهم ؟؟؟ والله زمن ...قاموا عيالنا يشوفون هالطفاسه واهلهم صاخين عنهم ؟؟؟ لا ويشوفون وياهم بعد ويضحكون ومايقولولهم شي ؟؟؟:marsa135:

واذا حد قاللهم لا تشوفون مب زين قالولك لا والله الكل يشوف نحنا جي مانشوف ... عنبوه ... ماشين ورى الناس جنكم عميان ؟؟ ... ماتشوفون ماتعرفون الصح من الغلط .. عيل باجر بينتحرون بتنتحرون وراهم ؟؟؟ ولا انتوا بتدفنونهم ؟؟؟ خافوا ربكم باجر وراكم حساب وكتاب ... تخلون عيالكم يشوفون هالسوالف وانتوا صاخين عنهم ؟؟ والله ماشي حيا ولا شي غيره على عيالكم ...

ولا ظامنين ان عيالكم مابيدمرون يوم بيشوفون هالسوالف ؟؟؟ تربيتكم تراها ماشالله كامله مكمله مب محتاجيين تربيه زياده صح ؟؟؟

والله صرنا نعيش في زمن نشوف الغلط ونسكت عنه ..



مانقول الا الله يستر على عيالنا ان شالله ...

[بنت البلاد]

هي والله صدقتي يا ام عليوي..

عيال هالزمن قابضين هالروتانا ولا نجوم ولا مادري اي خرابيط والمصيبه ياريت هالقنوات اكتفت بعرض الأغاني الي مالها اول ولا تالي والتنافس الي بينهم في الفيديوكليب.. الممصيبه استوت هالقنوات جات حقهم قاموا يسولفون ويرقمون ويغازلون على هالجات.. وغير جيه خساير الفواتير من ورى هالجات..

يعني الزمان هذا الواحد لازم يفكر بأعماله ما قاموا هالقنوات غربلاتهم يعطونا فرصه.. كل يوم منزلين شي يديد وعيالنا ما يقصرون يطبقون..

والله امسات بنت اختي قلنا لها اقري الفاتحه ونامي.. جان اتقول بقوه عين بنت اخمس سنين هاي.. اونه لا انا بغني.. وتمت اتغني وتترقص على اه ونص هذا الي ذابحينا فيه هالأيام..

وياريت لو مثلا كانت الإغنيه مثل الأوادم وفيديو كليب يتشاهد.. عفان الله كله فسق ورقص ومناظر الله لا يراويكم..

وما اكتفوا بهذا كله عيالنا قاموا يتأثرون ويا هالستار اكاديمي وسوبر استار ويصيحون اذا طلع الي يشجعونهم.. غربلاتكم صيحتونا نحن من ورى هالفسق.. قمنا ما نعرف كيف انلهيكم..

وجان خذنا عنهم الريموت ومنعناهم .. ياكلون جبودنا وياويلنا ويلاه..

الله يستر علينا وعلى امه المسلمين كلهم...

تسلمين لي ام عليوي.. عاد مره ثانيه فري المكنسه عدل عليهم .. وجسووم ها ادبيه الله يخليج.. قاهرني..

[سلوم]

هلا ام عليوي
.
.
عاش من شافج وين هالقطاعه كلها...:marsa60:
.
.
.


اصلا مب شي يديد عالفيديو كليبات... اصلا من اول ما طلعت هاي الفضائيات .... و المذيعات مب مقصرين...:marsa105: ... جنه البرنامج مسواي عسب هي تعرض نفسها فيه...
.
.
:marsa44: الله يعينيا على هاي الفضائيات
.
.


والله يكون فالعون على الي ياي...

ترا كل كل شي صاير جايز هالايام...

:marsa96:

[الشاعر]

السلام عليكم .. ومشكوره اختي حورية المرسى على موضوعك هذا الذي أصبح آفه تضر بنا وبأسرنا وابناؤنا وخطر يهدد الجيل القادم .. للأسف أصبح الهدف المادى في نظر الكثيرين هو المعيار الوحيد دون الألتفات للأخلاقيات ومسبباته في مجتمعاتنا العربيه واصبحنا نرى هذه الفضائيات العربيه التي تبث سموما أكثر بكثير مما تبثه الفضائيات الأجنبيه لأن القنوات الأجنبيه سنعترف بها على أنها صليبيه وانهم اناس ليست لديهم العادات أو الأخلاقيات الأسلاميه أو المثل الأسلاميه أما مايبث لدينا من اغاني خليعه أو فيما يعرض من شات في أسفل الأغنيه فأنها بكل صراحه مخزيه وإذا نظرنا إلى أصحاب هؤلاء القنوات سنجدهم من دمنا ولحمنا ابناء هذا الوطن ويعتنقون للأسف الدين الأسلامي .. ولكن كما أشرت مسبقا بأنهم لاينظرون الى هذه الناحيه بقدر نظرهم للمدخول المادي دون أي أعتبارات أخرى ...

بصراحه لايوجد بأيدينا لنغير كل هذا لأننا في وطن حر ولكل له الحريه المطلقه في مايبثه وذلك بعد دخول الفضائيات الى حياتنا .. ولكن بما أن رب الأسره هو المسؤول عن أسرته فبيده الحل الشافي في منع هذه التفاهات من دخول منزله بأن يقوم بحذف هذه القنوات من منزله وبذلك نحاول وبكل استطاعتنا الحد من ذلك في منازلنا وحماية أعراضنا من المهازل التي تبث ولو تبع كل رب أسره هذه الطريقه فبالتالي سنجد بأننا تغلبنا ولو بجزء بسيط على هذه الآفه .............

وفي النهايه لك الشكر ياأم عليوي على تنبيهك لنا ... ولك التقدير أختي حورية المرسى على طرحك للموضوع والسموحه على الإطاله ...

[غصون]

صدقج والله يالحووور يا يدوه أم عليوي ..

هالأيام الواحد أو الوحدة يوم بييون يسلون نفسهم أو يشغلون عمرهم فشي .. يفتحون التلفزيون وسيدا على قنوات الأغاني والفيديو كليب ...
وكل مرة نلاقي مصيبة أعظم مطلعين بنات يديدات اونه فنانات ومطربات ... ويطلعون بالهبل كل يوم ،،، تقول ميمعينهم من الشوارع .. والوحدة منهن ما تيي الا عشان تظهر نفسها وشكلها وحركاتها ..

بس لازم الأهل ينتبهون لعيالهم ،،، ويعلمونهم من صغرهم على أنه هالأشياء غلط وفي الأول والأخير حرام سماعها أو مشاهدتها .. عسب يتعلمون ويتعودون ..

شو نقول غير الله يهدي الجميع ويهدي شباب وبنات المسلمين .. آمين ..

ومشكورة يالحوووور .. :)

[سالم بن يعروف]

السلام عليكم,,

موضوعج طيب يا اختنا حوريه..

انتشرت عندنا هذي الظاهره بطريقه فظييعه و المشكله الحقيقه ان الاهل شرات اما قلتي ما يحركون ساكن بالعكس, تلقينهم يدورون القنوات هذي قبل عيالهم,,,,روتانا و نجوم و ميلودي و الله اعلم بعد اذا هناك قنوات يديده ظهرت, و الادهى و الامر المسجات لي يطرشونهن الشباب على القنوات و الاهداءات اللي نهايتها تعارف و ترقيم و آخرتها مصايب,, و آخر الشهر كل واحد يصيح الويل على فاتورته, و على فكره الاغاني لي تنعرض هذي الايام شرات البرتقاله لي حاشرينا بها و اغاني روبي , و سمعت بعد اغنيه وحده تقول فيها حط النقط على الحروف ما ادري شبلاها مالها معنى و سخافتها فظيعه وزايده عن الحد, سمعت اغنية حط النقط ف احدى الاذاعات و على السمع ما لها معنى و بايخه لكن يوم شفت الفيديو كليب عرفت ليش خلق الله عايبتنهم الاغنية و يدورونها دواره...

المعنى ان اغاني هذي الايام كلها تعتمد على الرقص و التمايل و هز الوسط, انزين الحين الواحد يفكر هذي الاغاني لحد وين بتوصلنا؟؟ شو مستفيدين؟ نتعلم الرقص؟؟ ولا نحفظ لنا كم كلمه سخيفه؟؟ انزين حفظنا و رقصنا و بعدين؟ و النهايه؟؟

المشكله الكبرى ان القنوات الطربيه تزيد يوم عن يوم و المطربين بزياده و اكثر من الهم على القلب,, اغلبية الاشكال اللهم يا كافي,, ذكر يغني شعره طويل و مصبوغ و يتشمت كالبنات!!!

من يولة هالاغاني الماصخه كلها ما ريت اغنيه اروع من اغنية أريام الاخيره "النساء",, يعني اقصد ان الكلام له معنى وقفتها امام الكاميرا لها معنى....

بالنهايه يا جماعه اللوم يقع اولاُ على الاهل و طريقة تعاملهم مع التطورات الحاصله و تركهم الحبل على الغارب..
و ثانياً على البرامج اللي تشجع الشباب و الشابات على الغناء و الاختلاط شرات ستار اكاديمي و نجم النجوم و من هذي النوعية..
و ثالثاً على الشباب و الشابات انفسهم انهم جعلوا النفس هينه و العيون رخيصه انها تشوف هذي السخافات..

خلوها على الله

[عجيد الريم]

هي والله صدقتي يا ام عليوي..

عيال هالزمن قابضين هالروتانا ولا نجوم ولا مادري اي خرابيط والمصيبه ياريت هالقنوات اكتفت بعرض الأغاني الي مالها اول ولا تالي والتنافس الي بينهم في الفيديوكليب.. الممصيبه استوت هالقنوات جات حقهم قاموا يسولفون ويرقمون ويغازلون على هالجات.. وغير جيه خساير الفواتير من ورى هالجات..

يعني الزمان هذا الواحد لازم يفكر بأعماله ما قاموا هالقنوات غربلاتهم يعطونا فرصه.. كل يوم منزلين شي يديد وعيالنا ما يقصرون يطبقون..

والله امسات بنت اختي قلنا لها اقري الفاتحه ونامي.. جان اتقول بقوه عين بنت اخمس سنين هاي.. اونه لا انا بغني.. وتمت اتغني وتترقص على اه ونص هذا الي ذابحينا فيه هالأيام..

وياريت لو مثلا كانت الإغنيه مثل الأوادم وفيديو كليب يتشاهد.. عفان الله كله فسق ورقص ومناظر الله لا يراويكم..

وما اكتفوا بهذا كله عيالنا قاموا يتأثرون ويا هالستار اكاديمي وسوبر استار ويصيحون اذا طلع الي يشجعونهم.. غربلاتكم صيحتونا نحن من ورى هالفسق.. قمنا ما نعرف كيف انلهيكم..

وجان خذنا عنهم الريموت ومنعناهم .. ياكلون جبودنا وياويلنا ويلاه..

الله يستر علينا وعلى امه المسلمين كلهم...

تسلمين لي ام عليوي.. عاد مره ثانيه فري المكنسه عدل عليهم .. وجسووم ها ادبيه الله يخليج.. قاهرني..

http://www.marsauae.com/upload/uploading/um-na9oor.gif

السلام عليكم ورحمة الله ..

هلا والله ببنت البلاد ..
شحالج امي وشحال هلج عساكم بخير ؟؟؟؟؟

فديتج امي شو بتسوين بعيال هالوقت .. كل ماتقوليلهم شي نقزولج عنبوه ردهم في مخابيهم ...

بقولج شي فديتج الغلط من البدايه على الاهل ...
لو هم من البدايه قالولهم الشي الي انتوا تشوفونه هذا غلط واذا مانفع لازم يتبعون اسلوب ثاني وياهم ..
مامشوا بالطيب يمشون غصب الغاليه ...

اما عن القنوات ترى فديتج هذيل مايعرفون شو يسوون في عيالنا هم يبون يربحون بأي طريقه لو ان شالله على حساب عيالنا ...
شافوا عمارهم افتقروا قالوا بنقص على عيال الناس ....وحطوا هالاغاني الي تلوع الجبد كل وحده مااعرف شو ملبسه وتترقص جدام الخلق .. وخلاص حصلوا على الاغنيه الوحده ماادري كم مليون ؟؟؟

والله ناس فاضيه ماعندها شغل...

تسلمين الغاليه على ردج وماتقصرين

امج ::ام عليوي

[عجيد الريم]

هلا ام عليوي


.
.
عاش من شافج وين هالقطاعه كلها...:marsa60:
.
.
.


اصلا مب شي يديد عالفيديو كليبات... اصلا من اول ما طلعت هاي الفضائيات .... و المذيعات مب مقصرين...:marsa105: ... جنه البرنامج مسواي عسب هي تعرض نفسها فيه...
.
.
:marsa44: الله يعينيا على هاي الفضائيات
.
.


والله يكون فالعون على الي ياي...

ترا كل كل شي صاير جايز هالايام...

:marsa96:






هلالالالالالالالالا سلوم شحالك عساك بخير ؟؟

صدقك والله الله يعيينا على الي نشوفه .. الوحده يحطونها في التلفزيون كأنها تراوي الناس شكلها ومن هناك لا تعرف ترمس ولا شي ....
والمطربات والخيبتين ...
تحصل الوحده صوتها يلوع الجبد وتغني اغاني تلوع الجبد اكثر من الصوت ...لا وتلبسلك لبس الله يستر بس كيف ...

مانقول الا الله يستر من هالزمن...

مشكور اخويه على ردك وماتقصر ...

اختك:حوريه :)

[عجيد الريم]

السلام عليكم .. ومشكوره اختي حورية المرسى على موضوعك هذا الذي أصبح آفه تضر بنا وبأسرنا وابناؤنا وخطر يهدد الجيل القادم .. للأسف أصبح الهدف المادى في نظر الكثيرين هو المعيار الوحيد دون الألتفات للأخلاقيات ومسبباته في مجتمعاتنا العربيه واصبحنا نرى هذه الفضائيات العربيه التي تبث سموما أكثر بكثير مما تبثه الفضائيات الأجنبيه لأن القنوات الأجنبيه سنعترف بها على أنها صليبيه وانهم اناس ليست لديهم العادات أو الأخلاقيات الأسلاميه أو المثل الأسلاميه أما مايبث لدينا من اغاني خليعه أو فيما يعرض من شات في أسفل الأغنيه فأنها بكل صراحه مخزيه وإذا نظرنا إلى أصحاب هؤلاء القنوات سنجدهم من دمنا ولحمنا ابناء هذا الوطن ويعتنقون للأسف الدين الأسلامي .. ولكن كما أشرت مسبقا بأنهم لاينظرون الى هذه الناحيه بقدر نظرهم للمدخول المادي دون أي أعتبارات أخرى ...

بصراحه لايوجد بأيدينا لنغير كل هذا لأننا في وطن حر ولكل له الحريه المطلقه في مايبثه وذلك بعد دخول الفضائيات الى حياتنا .. ولكن بما أن رب الأسره هو المسؤول عن أسرته فبيده الحل الشافي في منع هذه التفاهات من دخول منزله بأن يقوم بحذف هذه القنوات من منزله وبذلك نحاول وبكل استطاعتنا الحد من ذلك في منازلنا وحماية أعراضنا من المهازل التي تبث ولو تبع كل رب أسره هذه الطريقه فبالتالي سنجد بأننا تغلبنا ولو بجزء بسيط على هذه الآفه .............

وفي النهايه لك الشكر ياأم عليوي على تنبيهك لنا ... ولك التقدير أختي حورية المرسى على طرحك للموضوع والسموحه على الإطاله ... عليكم السلام ...

يامرحبابك اخويه الشاعر ...
نورت موضوعي بصراحه :)

انا معاك في ان اصحاب هالقنوات هم من لحمنا ودمنا ... ومثل ماقلت مايهمهم غير الدخل المادي ...
لكن ليش نحن من انفسنا مانمنع هالشي ؟؟

الغلط يبتدي منا نحنا ... لو نحن من البدايه منعنا هالشي كان ماصار حالنا بهالصوره ...
تلاقي الاهل هم الي يشجعون عيالهم انهم يشوفون هالاغاني السخيفه وهم ساكتين ..

ماعرف شو العبره من عرضها ... هل هو الكسب المادي او انه لمجرد الدعايه لهذي القناه ...
لا والمشكله تلاقي ان المطربه تقول هذا نوع من انواع الفن ..

الله ياخذ هالفن جانه جذه ...

متى صار الفن ان الوحده تطلع جدام الخلق وترقص وتلبس ملابس كلمة فاحشه شويه عليها ؟؟
متى صار الفن انك تشوف مطرب سخيف كلمات اغانيه منحطه وسخيفه ووراه مليون وحده يوقصون ويتمايلون بأجسامهم بكل وقاحه وسخافه ...

للأسف لو نحن منعنا هالشي في بيوتنا كان ماصار هذا كله

السموحه اخويه منك على الاطاله وماتقصر على ردك الرائع
http://home.att.net/~scorh2/Wedding02m5.gif

اختك :حوريه :)

[عجيد الريم]

صدقج والله يالحووور يا يدوه أم عليوي ..

هالأيام الواحد أو الوحدة يوم بييون يسلون نفسهم أو يشغلون عمرهم فشي .. يفتحون التلفزيون وسيدا على قنوات الأغاني والفيديو كليب ...
وكل مرة نلاقي مصيبة أعظم مطلعين بنات يديدات اونه فنانات ومطربات ... ويطلعون بالهبل كل يوم ،،، تقول ميمعينهم من الشوارع .. والوحدة منهن ما تيي الا عشان تظهر نفسها وشكلها وحركاتها ..

بس لازم الأهل ينتبهون لعيالهم ،،، ويعلمونهم من صغرهم على أنه هالأشياء غلط وفي الأول والأخير حرام سماعها أو مشاهدتها .. عسب يتعلمون ويتعودون ..

شو نقول غير الله يهدي الجميع ويهدي شباب وبنات المسلمين .. آمين ..

ومشكورة يالحوووور .. :)
غصون

شحالج الغلا عساج بخير ؟؟؟

والله مثل ماقلتي يبون يسلون عمارهم بأي شي بس عنبوه حد يسلي عمره ويشوف هالاشيا السخيفه ...

لا والمشكله مب هنه المشكله حتى اليهال تعلموا هالشي وياريت لو بس جذه تلاقين اليهال يسيرون يقولون حق اهلهم اشترولنا نفس لبس المطربه الفلانيه ...

للأسف والله صرنا نعيش بزمن نشوف فيه العجب

تسلمين اختي الغاليه على هالرد الحلو وماتقصرين

اختج:حوريه

[قوت القلوب]

أهليييييين يدوووه..:marsa104:
للأسف حتى الصغار اللي عمرهم 3سنين حافظين كلمات الأغاني..
أصلاً هذا الشيء اللي اسمه أغاني وفيديوكليبات سخيف سخيف سخيف..:marsa191:
واللي فيه ذرة عقل ما يشوف هالأشياء البايخة اللي حاطينها ناس ماعندهم قيم ولا مبادىء و كل حياتهم جنس وخرابيط ..عشان يمليوا روس شبابنا بهالسخافات:marsa103:
الانسان العاقل يملك نفسه ويقدر يتحكم بتصرفاته وبكبسة زر يقدر يحذف هذي القنوات..
الله يهديني ويهدي الجميع لطريق الخير وعلى درب أبوبكر وعمر وعثمان وعلي رضي الله عنهم..:marsa43:

[عجيد الريم]

السلام عليكم,,

موضوعج طيب يا اختنا حوريه..

انتشرت عندنا هذي الظاهره بطريقه فظييعه و المشكله الحقيقه ان الاهل شرات اما قلتي ما يحركون ساكن بالعكس, تلقينهم يدورون القنوات هذي قبل عيالهم,,,,روتانا و نجوم و ميلودي و الله اعلم بعد اذا هناك قنوات يديده ظهرت, و الادهى و الامر المسجات لي يطرشونهن الشباب على القنوات و الاهداءات اللي نهايتها تعارف و ترقيم و آخرتها مصايب,, و آخر الشهر كل واحد يصيح الويل على فاتورته, و على فكره الاغاني لي تنعرض هذي الايام شرات البرتقاله لي حاشرينا بها و اغاني روبي , و سمعت بعد اغنيه وحده تقول فيها حط النقط على الحروف ما ادري شبلاها مالها معنى و سخافتها فظيعه وزايده عن الحد, سمعت اغنية حط النقط ف احدى الاذاعات و على السمع ما لها معنى و بايخه لكن يوم شفت الفيديو كليب عرفت ليش خلق الله عايبتنهم الاغنية و يدورونها دواره...

المعنى ان اغاني هذي الايام كلها تعتمد على الرقص و التمايل و هز الوسط, انزين الحين الواحد يفكر هذي الاغاني لحد وين بتوصلنا؟؟ شو مستفيدين؟ نتعلم الرقص؟؟ ولا نحفظ لنا كم كلمه سخيفه؟؟ انزين حفظنا و رقصنا و بعدين؟ و النهايه؟؟

المشكله الكبرى ان القنوات الطربيه تزيد يوم عن يوم و المطربين بزياده و اكثر من الهم على القلب,, اغلبية الاشكال اللهم يا كافي,, ذكر يغني شعره طويل و مصبوغ و يتشمت كالبنات!!!

من يولة هالاغاني الماصخه كلها ما ريت اغنيه اروع من اغنية أريام الاخيره "النساء",, يعني اقصد ان الكلام له معنى وقفتها امام الكاميرا لها معنى....

بالنهايه يا جماعه اللوم يقع اولاُ على الاهل و طريقة تعاملهم مع التطورات الحاصله و تركهم الحبل على الغارب..
و ثانياً على البرامج اللي تشجع الشباب و الشابات على الغناء و الاختلاط شرات ستار اكاديمي و نجم النجوم و من هذي النوعية..
و ثالثاً على الشباب و الشابات انفسهم انهم جعلوا النفس هينه و العيون رخيصه انها تشوف هذي السخافات..

خلوها على الله السلام عليكم ورحمة الله وبركاته |....

في البدايه اشكرك اخويه على ردك الحلو وماتقصر ..

وانا ماعندي اضافه على ردك ماشالله كفيت ووفيت ...

فعلاً الاغاني استوت منحطه هالايام ..تحصل الوحده تظهر وتقول رمسه ماصخه وتتميع جنهم الا بيعطونها جائة افضل رقصه واقبح صوت:marsa191: ...

الله يستر من الزمان الي بيي الحينه ...

اختك:حوريه :)

[<(((><]

احييج اختي على الاسلوب الجميل في الطرح
وانتقاء الموضوع المثير...

بالنسبة للموضوع ماقصرو الاعضاء في الرد...

الغلط يبتدي منا نحنا ... لو نحن من البدايه منعنا هالشي كان ماصار حالنا بهالصوره ...
تلاقي الاهل هم الي يشجعون عيالهم انهم يشوفون هالاغاني السخيفه وهم ساكتين ..

انا معج اختي في ان الحل بأيدنا لاكن وين العقول تخدرت
هي الان في طور انها تكون شي عادي...!!! ويمكن تكون شي ضروري...


واخير اتمنى لكِ التوفيق
وننتظر الجديد ..