المساعد الرقمي الشخصي

مشاهدة النسخة كاملة : `~ لذائذ محمل الأسرة ~`

أم غيث
19-08-2004, 04:16 PM
السلام عليكم ورحمة الله و بركاته ....


أعضاء المرسى الكرام ...

باختصار شديد ...

اللي عندها طبق لذيذ جربته سواء كان طبق رئيسي أو مقبلات أو حلو أو حتى عصير اتحطه في هذا الموضوع ...

نبغي يكون هالموضوع مصدر حق الاعضاء اللي حابين يجربون و صفات يديده....


اتمنى القى تفاعل من الاعضاء ..


و دمتم سالمين ..
أم غيث
20-08-2004, 06:50 PM
شكلي انا بس اللي بكتب في هذا الموضوع...



أولا هذي الطبخه للي يحبون الاكلات البحريه ..

و تعتبر هذي الطبخه سريعة للاوقات الحرجه ...

يعني ما تاخذ وقت ..








@ برياني التونه @








::: المقادير (تكفي 3 الى 4 أشخاص ) :::


3 علب تونه (يفضل تكون من انتاج العلالي)
2 كوب أرز
3 ملاعق أكل زيت نباتي
3 حبات فلفل أخضر حار
حبة بصل كبيرة
عود بصل أخضر
مقدار ملعقه صغيره زعفران (نذوبه في فنجان ماء حار)
رشة فلفل أسود
رشة فلفل أحمر
عود قرفه
ليمونه
ملح






::: الطريقة :::





يغسل الارز جيدا و يترك في الماء
نقطع البصل جوانح و يوضع على النار مع الزيت و حبات الفلفل الاخضر الحار حتى يذبل و يصبح لونه ذهبيا
نضع الارز على النار مع ملاحظة ان نضع فوقه 4 أكواب ماء فقط و الملح و عود القرفه
نضع التونة فوق البصل مع التحريك المستمر
نضع كل من الفلفل الاسود و الاحمر على التونه و نستمر في التحريك
نضع عصير الليمونه على التونه
نأخذ كميه قليله من الارز (بعد ان يكون شرب كية الماء التى وضعناها عليه) و نضعها على التونه
نرش القليل الزعفران على الارز و نضع ايضا البصل الاخضر بعد تقطيعه قطع صغيره
نضع ما تبقى من الارز و نرش باقي الزعفران عليه
يوضع في فرن حار لمدة 10 دقايق






ثم يقدم ساخنا

اتمنى ان تنال اعجابكم
و بالهناء و العافيه
الدنيا
21-08-2004, 12:20 AM
تسلمين الغاليه .. ولو انتي ماحب الاكلات البحريه :)

بس صبري علي .. يالسه ادور شي اتوقع انه غريب او مب معروف وايد :)
أم غيث
21-08-2004, 10:10 AM
تسلمين يا الدنيا على مرورج الحلو ...

يالله نتريا انشوف اطباقج ...

و مب شرط يكون غريب ...

المهم مشاركاتكم
ابوفيصل
21-08-2004, 10:45 AM
وعليكم السلام والرحمه ...

صج انك كاتبه اللي عندها ... بس انا بطلب موب بكتب ...

بعدين ممنوع الدعايات في المرسى ... ( العلالي ) ...

هههههههههههههههههههههه


انا مره جربت كيكه ... حلوه ...

كانت بالسنكرس ....

حلوه مره ..


اللي سامع عنها ... يقول ...

تسلمون ...


مشكوره يالغاليه ام غيث ... على موضوعك الحلو ...
أم غيث
21-08-2004, 10:53 AM
اسمحلي يا خوي ... قلت اللي عندها ... لاني ما توقعت حد من الشباب يدش...
و جان بتدشون تطلبون حاضرين ...

...........

انا ما سويت دعايه ... بس هو المنتج الاجود .. < --- بعد ما سويت دعايه...

يالله اللي يعرف كيكة السنكرز يقول ....
الدنيا
22-08-2004, 02:06 AM
السلامو عليكو

بصراحه كيكة السنكرز معرفها بس بسأل ان شاء الله :)

سؤال بوفيصل ذكرني بسوييت مسوتنه من زمان .. هو بسيط وسهل تحضيره وماياخذ وقت

ماعرف شو اسمه بس بنقول


( حلاوة المارس )


المقادير :-

4 - 5 مارس

4 - 5 ملاعق عسل

ربع - ثلث علبة كورن فليكس الارز ( يهال صغاريه عالكرتون ) )



الطريقة :-

- نحضر بايركس زجاجي ونضعه على حمام مائي ، لاستخدام بخاره .
( الحمام المائي : قدر يملئ بالماء الى الثلث ويوضع على النار )


- يقطع المارس الى قطع صغيره ويوضع في البايرك ، ويحرك .


- يوضع العسل فوق المارس ويحرك جيدا حتى نحصل على مزيج متوسط الليونه .
( يعني مب سائل ولا كثيف .. يكون سايح جزئيا )


- يرفع البايركس عن الحمام المائي ويضاف اليه الكورن فليكس ثم يعاد البايركس على الحمام المائي ويمزج جيدا.


- يرفع البايركس عن الحمام المائي بعد مزج الخليط جيدا بحيث يكون الخليط يحتوي على الكورن فليكس اكثر من المارس .. حيث يجب ان يكون متماسكا اكثر .


- تؤخذ قطع صغيره من الخليط وتُكوّر ، ثم توضع في طبق التقديم .


- يمكن تقديم السويت باردا بوضعه في الثلاجه ، او يمكن تقديمه كما هو .. على درجة الحرارة الطيعيه .


- في النهاية بيكون طعمه وهو بارد تقريبا شوي مثل ال lion bar .


ان شاء الله يعيبكم السويت .. وهني وعافيه

السموحه عالتقصير اختي ام غيث وان شاء الله بحاول اتواصل قد مااقدر


برد لكم بالمزيد قريبا ان شاء الله

:)
أم غيث
22-08-2004, 09:15 AM
الدنيا


شكله وااايد لذيذ:marsa82:

تسلمين اختي الدنيا ...

و بالعكس انت مب مقصره

كفيتي و وفيتي ...
بنت_الطــــواش
28-08-2004, 05:23 AM
طريقه ايسكريم باسكن روبنز

المقادير:
4 اكياس دريم ويب- 4علب قشطة
6 ملاعق حليب بودرة-حليب نستله

الطريقة:
* تخلط بخلاط المضربين الى ان تنفش أسيح جالكسي 4 حبات مع علبة قشطة واسـّوي التوفي (كاسة سكر – علبة نستله)
* اكسر بسكوت مع ماي ونسكافة وتخلط مع البسكوت مع وضع المكسرات حسب الرغبة
* ترص الطبقات آيس كريم – مكسرات- وبسكوت والشكولا..
* توضع لمدة يوم كامل...

اللي يجربها يعطيننا النتيجه..يمكن في يوم نسويها
وما يحتاي اقوول انها منقووله :marsa107:

طواشووة
الدنيا
28-08-2004, 08:45 AM
خخخخخخخخخخخخخخخخخخخ

قلت سير اسويها اكيد طووشه مجربتنها ..

الحين مب سايره .. جربوا عقب قولولي :)
أم غيث
28-08-2004, 04:25 PM
اسمحولي يا جماعة ....
بغلق الموضوع ... لاني اكتشفت ان الاخت اطياف حاطه نفس الموضوع من زمااااااااان ...

اسمحيلي يا اطياف...