يارب أرجوك اجمعني،،مع اللي كان يغليني (من تأليف:جرناسه)

[جرناسه]

كانت اليازيه كعادتها يالسه على المسنجر وسهرانه على النت في الويكند .. اليازيه عمرها 17 سنه وكانت هاي اخر سنه لها في الثانويه يعني كانت ثانويه عامه وعلمي .. وفي الويكند دومها 24 ساعه يالسه على النت كان يوم الاربعاء وتقريباً كانت الساعه ثلاث الفجر .. اليازيه تثاوب وترمس عمرها : أنا شو الله كالفني وميلسه على النت لهالوقت وداخله موقع وطالعه من موقع ومول محد على المسنجر حشى مب ربع هذيلا دياي كل وحده راقده من الساعه 12 ابا افهم منوه يرقد هالوقت انا ماصدقت على الله ايي يوم الاربعا .. وهاي جواهر انا براويها هي وشموه قالن بيحدرن المسنجر ولا حد فيهن دش بس ماعليه .. ردت تثاوب وقالت : انا ااقول ابركلي لو اسير ارقد بدال هاليلسه اللي مامنها فايده .....



وتوها يايه بتظهر من المسنجر الا ويطلعلها ان وصلتها رساله يديده (ايميل) واستغربت اليازيه من هالايميل ماتحيد حد يطرشلها ايميلات مووول حتى ربيعاتها في السنه حسنه يطرشلها .. قالت خلني ابطل الايميل واشوف منوه مطرشلي .. شااافت ايميل عنوانه الحب كم طبع ملايين !!

استغربت اكثر اليازيه وفتحت الايميل وقرت كلام اول مره تقراه وتمت مستغربه منوه مطرشها كان مكتوب في الايميل اول مافتحته شافت



(( من يوم شفتك ميتٍ فيك .. واتخيلك وافرح بطاريك .. تعال يعل الله يخليك .. للقلب لي بك هام والتاع ))

ادري انج مستغربه منوه انا وشو ابامنج .. ع العموم انتي ضيفيني على المسنجر وبتعرفين منوه انا ؟؟؟؟



مع خالص حبي لج : الكتبي !!!!!



استغربت اليازيه جد وفي نفس الوقت زاغت قالت هذا منوه وشو يبا مني .. وطلعت من المسنجر وصكت الكمبيوتر .. وتمت زايغه وتفكر تقول ها منوه والافكار تيبها وتوديها لين مااذن الفجر .. وسارت اتيددت وصلت ومن كثر مافكرت رقدت .



واليوم الثاني الصبح الساعه هنتين الظهر .. تدق ام هزاع الباب اللي هي ام اليازيه .. تدق على اليازيه الباب

ام هزاع : يزووووووي .. يزووووي بطلي الباب عنبوه بسج من متى راقده خافي ربج شو هالرقاد هذا من البارحه لين اليوم الظهر الناس بيتغدون وانتي بعدج



اليازيه في سابع نومه من التعب ومن كثر السهر اللي سهرته البارحه على النت وام هزاع تدق الباب ولا حياة لمن تنادي

سارت ام هزاع تزقر هزاع يشوف اخته يا هزاع ودق الباب : يزوي مب صمخ فيج نشي بسج بنتغدى الحين وابويه بيي



اليازيه ( بطلت عينها وهي مب متفيجه لحد ) : هزاااااعوووه .. شو تبا انت بلاك حشره خلني ارقد انت رقدت وشبعت رقاد انا ماقردت طول الليل سير عني احسن لك قبل مااخبر امايا



هزاع وهو يدق على الباب اكثر عشان يحشرها : نشي اقولج وبعدين انا مب اصغر عيالج تقوليلي هزاعوه .. نشي قبل مااكسر الباب عليج .. والا بخبر ابويه تراني بقوله بنتك تسهر على النت طول الليل وماترقد الا عقب اذان الفجر .. ارحمي حالج ونشي



اليازيه وهي باين على صوتها التعب : انزين ويا ويهك بنش الحين بس حل عني انت وبنش افففففففففففف مايخلون الواحد يرقد مب حاله ياربي شو هاااااااااا

سارت يزوي الحمام واتغسلت ولبست جلابيتها وطلعت وعيونها منتفخااااااااااااااااات ونزلت تحت الصاله شافها هزاع وهو ميود عمره عن يضحك ...



ام هزاع : بسم الله الرحمن .. صباح الخير توه الناس .. شو هاللي تحت عينج بلاها عيونج جي مستويه



هزاع ضحك بصوت عالي مارام ايود عمره : وييييييييييو .. اطاعوا شكلها شوفوا عيونها تقولين جن حد عاطنها بوكس .. يزوي ويا منوه مضاربه البارحه خخخخخخخخخخخخخخخ منوه صامنج بوكس على عينج طالعه من مصارعه حره جنج ههههههههههههههااااااااااااااااااي



اليازيه : مابرد عليك تدري انك سخيف وماتنكت وبعديت لااتم تتطنز عليه يلا عاد و(صدت صوب امها ترمسها) : امي وانتي ماتقوليله شي تشوفينه يطنز عليه



ام هزاع : صدقه هزاع ماجذب .. شوفي عيونج شو مستويبهن .. (واونها عاد عصبت عليها) : هذا كللللله من هذا الكمبيوتر والسهر طول الليل .. لكن اصبر عليه ان ماعلمت ابوج علييييج وخليته يهزبج . خافي ربج شوفي عيونج شقايل مستويات ...

هزاع وهو يطالع اليازيه بنظره يبا يقهرها ويرمس امه : هيه هيه امي وانا وياج بعد بنعلم ابويه هاي ماتي الا بالعين الحمرا وشاف اليازيه وضحكلها هالضحكه الغبيه خخخخخخخخخخخخخخ



اليازيه وهي خاطرها تنش وتصفع هزاع : هزاااااااع انت مالك شغل ماعليه امي ماتقوليله شي ولا اتم تتحرش فيني وايد اصلاً انت اول واحد بعلم عليك ابويه وحليلها امي ماتدري عن سواياك لاتخليني اعلمها متى رديت البارحه

هزاع وويهه قفط وماعرف شو يقول لان ان درت امه انه رد الساعه اربع الفجر بتاكله بقشوره



ام هزاع وهي تطالعه بنظره انها معصبه عليه : هاه هزاعوه متى راد البارحه ؟؟

هزاع وهو مرتبك مب عارف شو يقول :: هاه امي لا جذابه يزوي اصلاً انا رديت الساعه 12 ف الليل شفتي ولدج مأدب وحليله مايهيت يرد البيت من وقت



اليازيه تبا تضحك على شكله : شوف شكلك انت قبل ههههههههههههههه جذاب امي الا من الزيغه اونه رد الساعه 12 هزاع اشحقه تجذب الساعه 12 كنت انا توني راده من بيت عمي ومالقيتك في البيت وامي كانت راقده



ام هزاع : اصبر ياهزاعوه ان ماعلمت ابوك عليك انت بعد .. وانا كم مره قايلتلك لا تتأخر هاه كم مره .. وانت الحينه ريال مب ياهل عشان اتم اهزبك



هزاع وهو منقهر من اليازيه : قلتيها بلسانج انا ريّال يعني مب ياهل عشان حد يتم يهزبني وتعرفين ان اجازه لازم بتأخر وظهرت ويا ربعي مافيها شي يعني لو اتأخرت



ام هزاع : ياولدي ابا مصلحتك انا لا تتأخر ف الليل تعرف انت ان ابوك يرد متأخر ومحد يكون في البيت ماعندنا ريال .. ليش ماتيلس ويانا بدال هالهياته



هزاع وقف وياي بيطلع : انزين ماعليه يايزوي دواج عندي انا براويج ...(وسار صوب باب الصاله بيطلع) : يلا انا طالع مع السلامه ..



اليازيه تطالعه بنص عين وهي فيها ضحكه

ام هزاع : وين ساير تعال بنتغدى

هزاع معصب بس ميود عمره ويطالع يزوي شوي وبينش يصفعها : لا مابا اتغدوا روحكم شبعان الحمدلله مع السلامه .



اليازيه ترمس امها : أحسن .. خليه يتعلم الادب مب كل ماسويت شي قال ابويه وبخبره عليج



هزاع شاب حلو ووسيم عمره 22 سنه وهاي اخر سنه في الجامعه .. طويل وعريض وجسمه حلو واللي يشوفه ماشاء الله يتخبل عليه حنطاوي وخشمه طويل وعيونه حلوات وكبار .. وشخصيته وايد حلوه .. اليازيه بعد ماتقل عنه حلوه ماشاء الله عليها وهي بس شوي غير طالعه على امها بيضه وحلوه وخشمها طويل وجسمها ماشاء الله وايد حلو .. وشعرها يخبببببل اسود مثل سواد الليل واللي يشوفها جد مايقدر يخوز عينه عنها جمالها رهيب .. وعيونها سود بعد وحلوات .. وشعرها وايد طويل يوصل لين ركبها حتى البنات يغارن من شعرها



ام هزاع ترمس اليازيه اللي يالسه تطالع تلفزيون وهي شوي وبتضربها ههه : انتي يزوي وصمخ نشي ويايه المطبخ قومي نحط الغدا ياتلفزيون والا كمبيوتر عنبوه بسج نشي حرام لا ايي واضربج واخبر ابوج عليج



اليازيه : انزييييييييين يايه امي عن تاكليني بس ارجوج ههههههههههههههههههههههههه



وسارت اليازيه ويا امها المطبخ .. وهن كانن يالسات يزهبن الغدا رن التيلفون وعاد اليازيه ماصدقت ياها الفرج كانت تتريا شي يستوي بس عسب تطلع من المطبخ ركضت يزوي صوب التيلفون وقالت ام هزاع : حسبي الله عليج من بنت ماصدقت الا وظهرت من المطبخ



سارت اليازيه وردت على التيلفون



اذا عيبتكم القصه خبروني .. وبكملها .. هي بدايه وان شاء الله اكون عند حسن ظنكم .. واتريا ارائكممممم بلييييييييييييييييز :marsa30:

[ميره]

.hi garnasa....
.wayed 7elwa alqissah...
.kamliha..

[جرناسه]

اول شي ميره فديتج .. مشكور على ردج الغاليه ..... بعدين اقولكم ترى في غلطات مطبعيه طوفوها اوكي :marsa117:

[بنت_الطــــواش]

جرنااسة

السلام عليج وا لرحمة
مرحباا بج معانا بالمرسى..وماشااء الله عليج..بديتي معانا بقصة من تأليفج

القصة شكلها واايد حلوو:marsa16:
.اتمنى انج ما تبطين علينا وتنزلين انا اجزااء اطول عن جييه
استوي كريمه ولا تنعدين من بعض من الناااس " يعرفن اعمارهن لوول"
انا حاليا ما عندي تعليق ع الباارت..لانج توج بااديه وللحين ما اتضحت لنا معالم القصة
بس فيني غصة ولازم اطلعها لوول


واليوم الثاني الصبح الساعه هنتين الظهر ..


هل كيف الصبح والظهر..اختاري يا حزة الصبح او الظهر..بس الانسب من رااي هو الظهر هههه:marsa29:
ونتريااا يديدج اختييه

طواشووة

[الربان]

السلام عليكم ورحمة الله وبركاته
اختي جرناسة
ماشاء الله عليج مشاركتج الاولى كتابة قصه شخصيه http://www.marsauae.com/vb/images/Default/editor/smilie.gif
واندفاعج اقوى
ويمكن مرتبكه بالكتابة
بس استمري والقصه من بدايتها حلوه ...

تعليقي على الجزء الاول بشكل مختصر:-

من الجزء الاول نلاحظ ان اليازيه مش مهتمه بوقتها او دراستها بسبب كثره يلستها على النت ..
وين دور الاهل عنها عاطينها مجال ووقت مفتوح تيلس عالنت بدون تخصيص وقت معين وخاصه وانها بالسنه الاخيره بدراستها :marsa83:

والرسالة اللي وصلت لليازيه وخوفها من الايميل وعدم اهتمامها في البدايه لهذا الشي ... بيستمر هذا الشي أو بيتغير :marsa120:

ننتظر الحدث اليديد من القصه ولا تبطين علينا
ويعطيج العافيه
:marsa84:

[جرناسه]

ههههههههههههههههههههههههههههههههههههههههههههههه اسميني خبله اونه اليوم الثاني الصبح الساعه هنتين الظهر بأي توقيت هذا هههههههههههه والله انا قلتلكم في غلطات مطبعيه خخخخخخخخخخ ههههههههههه

مشكورين على ردودكم بس اخاف ماتعيبكم القصه لاني اول مره اكتب :marsa187:

ع العموه هذا الجزء الثاني

:marsa98:

سارت اليازيه وردت على التيلفون ....



اليازيه : الو

جواهر : السلام علييييكم

اليازيه : وعليكم السلاااااااام هلا جوجو اشحالج

جواهر : جوجو هاه اكيد عندج شي والا مب منه والدرب بتدلعيني .. تمام وانتي اشحالج

اليازيه : بخييير دامني سمعت هالصوت

جواهر(تضحك) : خييييبه .. ههههههه فديتني وايد تحبيني يعني شو عندج جوجو وبخير دامج سمعتي صوتي اونج يعني .. اكيد تبيني ايي بيتكم اعرفج

اليازيه : ههههههههههههههه هيه فديتج تعرفيني يعني مايحتاي .. هيه اباج تين بيتنا من متى ماييتي عندي ذليتيني من متى وانا اقولج تعالي

جواهر : ممممم بفكر

اليازيه : اوهووو جواهر حرام عاد تعالي ملانه انا شو تذلين والا تذلين

جواهر : لا الثانيه هههههههههههههههه مااذلج ولا شي بس انتي من متى ماييتيني انا اللي دوم اييج جي بعد مايستوي وانتي ليش ماتين يعني شو عندج

اليازيه : جواهر تعرفين ان مايخلوني اظهر دوم

جواهر : عادي لو قلتيلهم بسير عند جواهر بيخلونج على طول

اليازيه : هههههههههههههه جواهر وايد مصدقه عمرج .. جيه ان شاء الله على طول بيخلوني يالواثقه ؟

جواهر : حبيبتي جان ماتدرين انا جوااااهر بنت سااااالم الكتبي والنعم والنعم والله

اليازيه وهي ناقعه من الضحك : والسبعة انعام يرفسنج يالمغتره بحالج هههههههههههههههههههههههههههههههههه

جواهر : ويا ويهج .. قولي لامج بتخليج تين عاد يزوي لاتستوين جي

اليازيه : انتي تعاليلي قبل ويوم تين رمسي امي انا اللي قلتلج قبل .. والرسول قال حديث بما معناه تلبين دعوة اللي دعاج قبل وانا اللي دعيتج قبل يعني انا اولى ولازم تلبين دعوتي فهمتي ؟

جواهر : بس بس فكينا من محاضراتج يافيلسوفة زمانج ذليتينا خلاص بيي عندج

اليازيه : هييييه هيييييه فديتج وفديت امج خخخخخخخخ هههههههههههههههههههههههه

جواهر : انزين جلبي ويهج عسب اسير اخبر امي اني بيي عندج الساعه ست اوكي

اليازيه : اوكي اترياج باي

جواهر : باي



أول مابندت اليازيه التيلفون دش ابوها سالم وعلى طول سارتله وحبته على راسه

اليازيه : هلالالالا ابويه تأخرت وينك

بوهزاع : والله يابنتي تعرفين الشغل مايخلص وتوني خلصت شغلي

اليازيه : ياابويه بسك بتتعب مب زين تتعب نفسك جي ومب زين على صحتك

بوهزاع وباين عليه هلكان : هيييييه يابنتي العمر يخلص والشغل مايخلص .. ويكمل رمسته : الا بتخبرج وين امج ؟

اليازيه : امي في المطبخ توني كنت عندها نزهب الغدا

بوهزاع : انزين عيل يلا حطوا الغدا وانا ياينكم الحين

اليازيه : ان شاء الله ابويه



سارت اليازيه المطبخ وشافت امها طالعه من المطبخ وهي معصبه شوي



اليازيه : اميه بلاج معصبه ؟

ام هزاع : بلايه معصبه بعد وينج انتي ماصدقتي تظهرين ولا رديتي عندي يالسه الا تهذربين في هالتيلفون ماتشبعين انتي



اليازيه تحب راس امها : فدييتج امايه لا الغاليه بس جوجو كانت متصله ويلست ارمسها

ام هزاع : منوه جوجو بعد هاي ؟

اليازيه : ههههههه جواهر الكتبي امي ربيعتي بلاج نسيتي جواهر

ام هزاع : هيه قولي جذه مب جوجو مادري شو

اليازيه : ادلعها بعد شو اسوي

ام هزاع : عن الرمسه الزايده ويلا جدامي المطبخ وساعديني

اليازيه : ان شااااااء الله ولو اني مالي بارض هههههههههههههههههه

ام هزاع : غصباً عنج مب بكيفج

اليازيه : امي ترى ابويه يا

ام هزاع : ادريبه سمعت صوته

اليازيه : ويوم سمعتيه جيه ماسرتيله هاه امي تتغلين عليه هههههههههههههههههههههههههههههههههههههههههههههههههه هههههه كان يدورج

ام هزاع : خس الله عدوج يامسودة الويه .. خيلي واستحي على ويهج شو هالرمسه بعد طوفي جدامي لا اشيطج بواير التيلفون هذا

اليازيه وهي خلاص بتموت من الضحك : هههههههههههههههههههههههههههههههههههههههههههههههههه ههههههه خيبه امي مب هينه بعد هاه شو ناويه عليّه انتي واير التيلفون قويه يا هزاع ماينرام لج هههههههههههههههههههههههه

ام هزاع : يزوي طوفي جدامي

اليازيه : انزين انزيييييييين كم موزه عندي انا الا هي امي فديتها والله تامرين امر انتي الغاليه

وسارن يزهبن الغدا اليازيه وامها وحطوا الغدا واتغدوا وعلى الغدا

بو هزاع يرمس حرمته : هاه موزه وينه هزاع عيل اليوم ماله حس

ام هزاع تطالع اليازيه : والله شو اقولك يابو هزاع طلع من ساعتين وقال شبعان مايبا غدا

اليازيه : هيه قال شبعان اونه ومايبا غدا هههه احسن يوفر

ام هزاع شافتها بنظهر عشان تسكت وفهمتها اليازيه وسكتت

بو هزاع : جيه شي مستوي اليوم ؟

اليازيه ماصدقت خبر ورمست : هيه هذا كله زعل وعصب ليش ان امي قالتله جيه متأخر ف الليل

بو هزاع :يوم بيي انا برمسه .. الله يهديه ان شاء الله

ام هزاع + اليازيه : اجمعين ان شاء الله

ونشوا من على الغدا وكل حد سار حجرته سارت اليازيه حجرتها وقالت خلني ادخل المسنجر احسن

دشت اليازيه المسنجر ولقت ربيعاتها كلهن موجودات وسوو كلهن انفايت ويلسن يرمسن فجأه طلع لليازيه مربع ان في حد يبا يضيفها شافت اليازيه الايميل واتذكرت ان هو نفسه اللي طرشلها الايميل اللي هو الكتبي

خافت اليازيه بس قالت بسوي له اد وبشوف منوه هو وشو يبا مني

سوتله اد وسيده دخل عندها





تمت اليازيه ساكته ومارمسته مرت ربع ساعه تقريباً ورمس هو



الكتبي : السلام عليكم ورحمة الله

بنـ المناصير ـت : وعليكم السلام والرحمه

الكتبي : اشحالج اختي ؟

بنـ المناصير ـت : الحمدلله .. بس منوه ويايه ؟

الكتبي : وياج سهيل الكتبي

بنـ المناصير ـت : هلا اخ سهيل ....

الكتبي : هلا فيج

بنـ المناصير ـت :منوه انت اخويه ومن وين يبت ايميلي ؟

الكتبي : مممم عقب بتعرفين

بنـ المناصير ـت : وليش مااعرف الحين يعني ؟

الكتبي : مب وقته .. الحين

بنـ المناصير ـت : عيل متى وقته انت ضايفني ومطرشلي ايميل وابا اعرف منوه انت وشو تبا

الكتبي : اقول انا مشغول الحين اشوفج على خير وداعة الله

اليازيه تقول في خاطرها بلاه هذا شو مشكلته : الله يحفظك

خلت اليازيه المسنجر مفتوح لانها سارت تتلبس عسب جواهر بتيها يت جواهر ودشت مالقت حد في الصاله وعلى طول سارت فوق حجرة اليازيه ودقت الباب

اليازيه : منووووووووووه ؟؟

جواهر : انا جوجو على قولتج بطليلي الباب بسرعه فضيحه جي موقفه عن حد يشوفني من هلج

اليازيه سارت وفجت الباب وحبتها جواهر ويلسوا على شبرية اليازيه

جواهر : هااااه يزوي ارتحتي ييت بيتكم الحين

اليازيه : هيه حبيبتي غصباً عنج

جواهر : الا اقولج وين خالوه ؟؟

اليازيه : امي جنها الا راقده وابويه راقد وهزاع محد ظاهر من الضحى ولا رد

جواهر : هيه صح هزاع اشحاله ؟ (جواهر كانت تحب هزاع بس حتى اليازيه ماتدري ولا هو نفسه يدري بس من تسمع اسم هزاع تتخبل )

اليازيه وهي تطالع جزاهر بنظره خبيثه : هاااااااااااااااه جواهر تتخبرين عن هزاع بخير هو الحمدلله منوه قده الحين جواهر سألت عنه

جواهر وهي قافطه : جب جب انتي صدق انج ماتستحين يعني هو شرات اخويه لايسير تفكيرج بعيد ويا هالراس

اليازيه : هيييييه مثل اخووووج زين زين هههههههههههههههههههههههههههههه بلاج قفطتي جي وويهج احمر انزين ماقلنا شي خييييبه هههههههههههههههههههه

جواهر وخلاص جد انحرجت : اليازيه بتسكتين والا اسير البيت؟

اليازيه : لالالالالالا خلاص اسفه اسفه عموه امزح وياج هههههههههههه

يا هزاع البيت وعلى طول سار فوق وسمع حشره وهو طايف صوب حجرة اليازيه ماكان يدري ان حد عند عندها يتحراها هي اللي مسويه حشره

دخل هزاع على طول لا احم ولا دستور فج الباب ودش وانصدم باللي شافه شاف جوااااااهر اللي كم صارله ماشافها .. حلوه حلوه حلوه تطير عقل الواحد وهزاع كان بعد يحبها بس ماجد قال لاحد ولا حتى لاخته اليازيه يحبها من يوم ماهم صغار لانها كانت ربيعة اليازيه من ايام الطفوله وكان يحبها ولا زال يحبها بس يوم شافها اتخبل زياده مااتوقعها جي احلوت لانها بعد كانت عاقه الشيله على جتفها وشعرها ماشاء الله يخبل وملامحها حلوه

واتخبل هزاع عليها جواهر قفطت وانصدمت في نفس الوقت ولبست شيلتها على طوووووول



هزاع وهو قافط من الحركه اللي سواها وكيف دخل بدون مايدق الباب لانه ماكان متوقع ان حد عند اخته هزاع وهو مرتبك : السلااااام عليكم

البنات : وعليكم السلام و الرحمه

هزاعه وهو يشوف جواهر منزله راسها : اشحالج جواهر ؟

جواهر وهي ويها احمر : الحمدلله يسرك حالي شو عنك ؟

هزاع وهو متخبل انه سمع صوتها : انا بخير الحمدلله

رفعت جواهر راسها ويت عينها في عين هزاع مارام هزاع يخوز عينه وهي بسرعه نزلت عينها حست باحساااس عمرها ماحسته هي صدق انها تحبه بس اليوم حبته اكثر وزاد حبها له

احمر ويه جواهر وهزاع مب عارف كيف يسير تم واقف مكانه وهو يطالع جواهر ويوم شافت اليازيه ان الجو بدى يتكهرب شوي على طووول حاولت انها تدارك الموضوع وتغير الجو مع انها مستغربه بس حست انهم يحبون بعض

اليازيه : انزييييين هزاع الحين شو ياي تبا ؟

هزاع ماسمعها لانه سرحان في حبيبة قلبه الاخ

اليازيه وهي تزعج : هزاااااااااااااااااااااااااااااااااااااااااااااااا ااااع .. عنبوه ارمسك انا بلاك انت ماتسمع اصمخ انت والا شو ؟؟

هزاع وانتبه لاخته : هاه هاه بلاج جي تزعجين مابا شي بس ياي اشوف منوه عندج واسلم على جواهر

اليازيه : انزين سلمت خلاص اطلع وخلنا بروحنا بس عاد البنت حتى استحت

جواهر سكتت وانحرجت وحستها نغزه من اليازيه

هزاع : انزين انزين يلا انا ساير

سارت اليازيه لين باب الحجره ويوم يا بيطلع هزاع قالتله من ورى الباب : ماتستحي انت احرجت البنت ياخي دق الباب قبل لا تدخل شو ها لا هود والا هدا !!

هزاع ماعبر اخته وطاف عنها وسار حجرته وهو يفكر في حبيبة قلبه جواهر اللي حبها من يوم هم صغار ولا زال حبها وتم يفكر فيها واتخبل من شافها

ومن الجزء الياي بتبدا الاحداث ان شاء الله :marsa62:

[سلوم]

:marsa62: الله قصه...
:marsa13: ربي يعطيج العافيه اختي عالقصه...
وبصراحه بدايه قويه ورائعه...
:marsa151: وننتظر الاحداث القادمه...

[رتوش]

ما شاء الله

بداية حلوة

و أحس يزوى بنت فرفوشة صح ان في فضول بس ما يوصل ان هي تكلم واحد :marsa122:

و نترقب الياي :marsa160:

ترى النقد في الطريج

نهاية الاسبوع :marsa28:

[عزيز]

االاخت جرناسه :
بدايه جميله ومرتبه اتمنى لك التوفيق
لاتاخرين علينا متشوقين حيل لاباقى الاجزاء
تحياتى عزيز

[جرناسه]

مرحبا اختي رتوش .. يسعدني تواجدج وتشجيعج وعن انج قلتي انها بنت فرفوشه بس مب لدرجة انها ترمس واحد ... هي ماقصدت يعني هو بدى وان شاء الله بتعرفين الاحداث عن جريب وبتفهمين قصدي ومنوه هو وكلللللل السالفه بتعرفينها بعدها الاحداث يايه لين الحين مااستوى شي ;) ومشكوره الغاليه على ردج واتريا النقد ورايج يهمني :marsa5:



مرحبا اخويه عزيز :marsa47: شكراً على ردك ومرورك وان شاء الله تعجبكم القصه

[رتوش]

خير ان شاء الله

هاااااااا

من الحين

بدا التغلي


:marsa27:

[riam96]

جرناسه اتريا البقيه بسرعه ولا تطولين وايد
وشكرا

[جرناسه]

مرحبا .. اشحالكم ؟؟

اسمحولي والله اسفه اتأخرت وايد أدري :marsa100: بس والله مب مني عندي امتحانات ومااحصل وقت احط فيه القصه .. وان شاء الله الحين بحطلكم الجزء الثالث ... واتمنى انه يعيبكم


سار هزاع حجرته وهو يفكر في جواهر دشت اليازيه حجرتها لانها كانت ترمس هزاع والباب مبطل طبعاً دشت وصكت الباب بالقو وركضت صوب جواهر وعلى طووووول قالتلها : هاه جواهر بلاج اشوفج مب على بعضج؟



جواهر وهي بعدها مب مستوعبه انها شافت هزاع ويت عينه في عينها : هاه لا مابلايه شي ليييييش تسأليني هالسؤال يعني ؟



اليازيه : لاماشي بس اشوف من دخل هزاع وانتي مب على بعضج !!



جواهر : لا مافيني شي انتي اللي بلااااااااج



اليازيه : سلامتج



تموا اليازيه وجواهر ساكتين شوي وجواهر تقرا مجله واليازيه تشوفها وساكته وسمعت اليازيه ان حد دش المسنجر عندها لانها هي فاتحه الكمبيوتر والمسنجر طبعاً شغاااااال سيييده ماصدقت وطارت على الكمبيوتر واول ماشافت ان اللي دش هو الكتبي قالت خلني البسه ولبسته ولا رمسته بس كانت في داخلها متحرقصه تبا ترمسه وتعرف اصلاً هو منوه



جواهر : بلاج جي طرتي على الكمبيوتر حشى منوه هالشخص المهم اللي جي تنقزين عشانه ههههههههههههههه هاه ؟



اليازيه : مادري شو اقولج يا جواهر ابا اخبرج بس اخاف يطلع ظني مب في محله !!



جواهر ودرت عنها المجله وسارت صوب اليازيه ووقفت حذالها : قولي شو فيج ؟؟ وشو اللي تخافين منه ؟؟



اليازيه وهي مب عارفه كيف تبدا : اسمعي جواهر .. في واحد اول مره طرشلي ايميل وكان مكتوب فيه (( من يوم شفتك ميت فيك .. واتخيلك وافرح بطاريك .. تعال يعل الله يخليك .. للقلب لي بك هام والتاع ))

وانا استغربت منوه هو ومعناة كلامه انه شافني وانا بصراحه زايغه بس اسوي عمري وياه اني مب مهتمه لانه ضافني على المسنجر وماقال اي كلمه بس كل اللي عرفته انه هو واحد اسمه سهيل الكتبي وانا مادري ليش اشك في ........



جواهر : في منوووه ؟؟



اليازيه :ممممم مادري بس اذا اتأكدت بخبرج .. بس تدرين والله زايغه



جواهر وترد تيلس مكانها على الشبريه: اسمعي اليازيه أكيد هذا واحد من البطاليه اللي ماعندهم شغله ويضيفون بنات الناس على الماسنجر لاشغله ولا مشغله



اليازيه : ظنج ؟؟؟







جواهر : مادري يمكن يعني اقولج



اليازيه وتسكر ماسنجرها وسايره بتيب شي يشربونه : اووه .. أصلاً انا اشعنه يالسه افكر وحالتي حاله .. واحد لا اعرفه ولا يعرفني .. (وكان يبين عليها الخوف شوي)



جواهر : انزين انزين فكينا وين سايره ؟



اليازيه تبطل باب الحجره يايه بتطلع : الحين برب



جواهر تضحك : هههههههههههههههههه برب اونه مادري وين تتحرى عمرها الاخت وترمس عمرها : مب منج من الماسنجر اللي ماخذ عقلج





طلعت اليازيه وخلت الباب ملايم (مفتوح شوي) وسارت المطبخ تمت جواهر تجلب في هالمجله وطاف هزاع جدام حجرة اليازيه وشاف ان الباب مفتوح شوي وتم واقف يطالع جواهر بدون ماتدري وكانت شيلتها على جتفها وشعرها فالتنه وماشاء الله طوييييييييييل وأسود يجنن وتم هزاع منبهر بجمالها الجذاب ويشوفها وهي جي يالسه وصدق اتخبل ويقول : والله والله والله أحبج



وكانت اليازيه شاله صينية العصير ويايه وهي واقفه ورى هزاع قالتله هااااا هزاعوه اشعندك اهنيه يالهيمان ؟؟



هزاع وفز من مكانه : بسم الله الرحمن .. عوذ بالله من شيفتج غربلاتن بليسج تزيغين الواحد انتي شو ها .. بعدين ماعندي شي كنت ياي بدق الباب اباج بس مالقيتج



اليازيه وتطالعه من فوق لين تحت : تدورني هاه .. هيه انزين شو تبا ؟؟



هزاع ماعرف شو يقول بعد : ماشي يلا انا ساير انتي مب ويه حد يقولج شي



اليازيه تدري انه كان ياي يشوف جواهر بس طوفتله اياها : انزين شو كنت تبا تقول ؟؟؟؟



هزاع : مارد عليها



اليازيه وبتدخل حجرتها : براااايك لا تقول عقب بتي روحك واخرتها جي والا جي بتقول



هزاع حس ان فرصته بتضيع وبسرعه سار عند اليازيه : لحظه لحظه .. يزووووووووي ويا ويهج



اليازيه وهي اونها عاد مب معبرتنه : نعم .؟



هزاع يتحايل عليها : يزوي عاد اونج زعلتي ...





اليازيه : يهمك ؟؟؟؟؟



هزاع : فديت اختي كم اخت عندي مالي غيرج .. خلاص خلاص اشرااايج اويدكم انتي وجواهر الستي ؟؟



اليازيه استاااانست من الخاطر بس بعدها مسويه عمرها زعلانه : مممم بفكر



هزاع : يوم اقولج ان ماينقال شي انا الغلطان



اليازيه وهي تضحك : هههههههههههه لالالا خلاص خلاص فديت اخويه انا والله يلا يلا خمس دقايق ونحن عند باب السياره



هزاع : خيييييييييييبه شو ماصدقتي انتي ؟؟



اليازيه : اخويه حبيبي بيوديني الستي وااردله طلبه خخخخخخخخخخخخ



هزاع : انزين انزين يلا يلا فكيني من حركاتج واتزهبي



اليازيه : انزين لحظه قبل بشوف جواهر



هزاع : ليش بعد تشوفينها ؟؟



اليازيه : يعني بشوفها جان بتي والا لا اذا مابتي ويايه طبعاً انا مابيي



هزاع ويوقف عدال اليازيه : ليش ماتي ان شاء الله ؟؟



اليازيه : هزاع عن التحقيقات الزايد بسألها قبل



دشت اليازيه الحجره وحطت صينية العصير على الطاوله وتقول حق جواهر : جواهر بتين هزاع قال يبا يودينا الستي ؟؟



جواهر : لالا شو ايي انا ماخبرت امي واهلي يدورن على اساس اني بيي عندج مب بنطلع



اليازيه : انزين اتصلي فيها خبريها



جواهر : لا اليازيه خليها مره ثانيه اليوم بيلس عندج مااروم والله



اليازيه : جواهر عااااد انتي رمسيها وجربي



جواهر : اخافها تنازعني بتقول انتي قلتي بسير عندها ماقلتي بطلع وياها





وسمع هزاع طبعاً الكلام اللي يدور بينهم وبسرعه دش الحجره وكلهم صدوا صوبه



هزاع:جواهر ليش مابتين وويانا ؟؟



جواهر استحت : والله اسمحولي ماقلت حق امي



هزاع ويطلع تيلفونه : اندوج اتصليبها وخبريها



جواهر سكتت وقالت اليازيه : وتعطيها تليفونك ليش شو ماشي تيلفون بيت والا ماعندها هي تلفون ؟؟



هزاع وحس بحركته وبغا يضحك بس يود عمره : لا قلت يمكن تيلفونها مافيه جرج



اليازيه : ههههههههههههههههههههههههههههههه ماتعرف تجذب اسميك انت



ويكمل هزاع رمسته ويا جواهر : هاه جواهر شو قلتي ؟؟



جواهر وهي منحرجه : انزين لحظه بتصل في امي بقولها جان بتطيع عاده



هزاع+اليازيه : لا بتطيييييييع

وضحكوا على عمارهم



تطلع جواهر تيلفونها من شنطتها وتتصل في امها



جواهر : السلام عليج امي



ام سعيد: هلا امي وعليكم السلام



جواهر : اميي طلبتج بس لاتقولين لا انزين



ام سعيد: هاه امي شو تبين ؟



جواهر : امي جواهر تباني اسير وياها الستي



ام سعيد : شو تسوون ؟



جواهر : ماشي نتمشى



ام سعيد : بس يابنتي انتي قلتي بسير عنها ماقلتي بظهر واخاف ابوج مايطيع



جواهر : امي انزين انتي قوليله عقب مابيوقلج انتي شي دامج راضيه





ويطالع هزاع اليازيه وفهمت انه يباها ترمس ام جواهر وتشل اليازيه عن جواهر التيلفون بسرعه : السلام عليج خالوه



ام سعيد : هلا هلا مرحبا ببنيتي اليازيه اشحالج امايه .؟



اليازيه : بخير ربي يعافيج خالوه انتي اشحالج عساج مرتاحه ؟



ام سعيد : الحمدلله والله



اليازيه : خالوه خلي جواهر تي ويانا الستي اخويه هزع بيودينا



ام سعيد : مادري والله يابنتي ماشاورت ابوها



اليازيه : خالوه انتي عقب قوليله بعدين هي مابتسير ويا غرب افاااا خالوه انا اليازيه



ام سعيد : ههههههههههه ماينرام لج يا بنت موزه



اليازيه : فديتج خالوه شو قلتي



ام سعيد : انزين برايها خلها تسير وياج بس لا تتحيرون



اليازيه انشق حلجها من الوناسه : فدييييييييييييت ام سعيد انا



ام سعيد : انزين امايه اتحملوا على عماركم



اليازيه : افا عليييييج وجواهر بعيوني



ام سعيد : يلا امايه الله يحفظكم



اليازيه : مع السلامه



وتبند اليازيه عن ام جواهر وتقولها : جواهر شفتي واسطتي قويه قالت تعالي عادي خليتها تسمحلج هههههههههه لولايه جان ماييتي



جواهر : هههه شو الحين بتذلين



وهزاع يضحك على خبالهم



وطلع هزاع وقالهم يتزهبون ونشن البنات يتزهبن ونزلن تحت وشافوا ام هزاع



اليازيه : امايه نحن سايرين





ام هزاع : هيه قالي هزاع انزين اتحملوا على عماركم



اليازيه + جواهر : ان شاء الله يلا مع السلامه



ام هزاع : وداعة الله



وسارن جواهر واليازيه وركبن السياره







والأحداث خلااااااااص بتبدا من الجزء الرابع :marsa186: اتريووووووني ..

واسمحولي .. وان شاء الله بحطلكم الجزء الرابع عن قريب :marsa120:

[جرناسه]

:marsa72: ......

[سلوم]

:marsa70: شي جميل
شي رائع..

:marsa63: ربي يعطيج العافيه...

:marsa77: نحن في انتظار الجزء السابع:marsa99:

[جرناسه]

سلوم اي جزء سابع انا بعدني الرابع ماكتبته ؟؟ :marsa140:

[لامع البرق]

وعيونها منتفخااااااااااااااااات !!!
ونشوا من على الغدا وكل حد سار حجرته سارت اليازيه حجرتها وقالت خلني ادخل المسنجر احسن!! انزين من شل صحون الاكل و غسل المواعين؟ ما طريتي اسم الخادمه.
عاقه الشيله! ويحها هذه الشمطاء.
زخخخخخخخخخخ

[جرناسه]

مرحبا لامع البرق :marsa156:
عاقه الشيله البنت ماتدري يعني .. والحين منوه ياب طاري المواعين والصحون ؟؟ :marsa11:

لامع البرق .. احلف انت بس ؟؟ :marsa191:



























































انا بنتف شعر راسي :marsa156:

[بنت_الطــــواش]

مرحباا اختييه حرنااسة



تسلمين ع الباارت اليديد

بس عندس تعليق بسيط

اممم اولا الباارت واايد قصير..بدينا التغلي والحركاات القرعه :@



ثااني شي وهو مجرد رااي

""وطاف هزاع جدام حجرة اليازيه وشاف ان الباب مفتوح شوي وتم واقف يطالع جواهر بدون ماتدري وكانت شيلتها على جتفها وشعرها فالتنه"

سمح لنفسة ان يبصبص في الغرفة؟؟ اول مره كان الموضوع صدفه...وعادي تستوي ..بس المره الثاانية..وان ساار يطل ع جواهر وهي ما تدري..ولا عاقة الشيله..شو ماشي مذهب..

لو استوت الحركة ع اخته..والله انه بيجلب الدنياا

بيرضااه إلى عمره ..ويحرمها ع النااس

هذا شي...

والشي الثااني.

.باي حق يدخل عرض ويدخل غرفة الياايزيه عسب يقنع جواهر بسيرة السيتي

يمكن البنيه فااره عبايتها وشيلتها..ويالسة بدون

امممم انا اجوفه ان شي مب منطقي..وخصوصا والمعروف به ان دوله ال اماراات متمسكين بالعادات والتقاليد..واظن ان هالشي منقوود

نحن البحرين اللي كل شي عندنا فري...منقود ان اخويا يدخل علي الغرفة وانا معاي ربيعتي..وحتى لو يعرفها عز المعرفة..وعادي يسولف معاها...بس انه ما يدش عرض الغرفة بدون إحم ولا دستور



والسموحة اختي ع الانتقااد..واجرو انج تتقبلينه مني



طواشووة

[رتوش]

تسلمين جرناسة على البارت اليديد

أنا ويا طووشة في رايها بخصوص هزاع وتصرفه

الا اذا كنت تبين تصورين شخصيات من هذي النوعية

و طريقتها :marsa74:

و ياريت لو تفسرين أكثر في الاجزاء

حتى لو كانت قصيرة و ما تسرعين الامور

و مشكووووة :marsa18:

[جرناسه]

اول شي مشكوره بنت الطواش على مداخلتج ورايج بس حبيت اقولج صح ان هو مابيرضاها على اخته لكن بنفس الوقت كان يبا يشوفها لانه من زمااان ماكان شايفنها ويوم شافها يالسه جي اتخبل عليها وتم واقف يطالع .... مب ان ماشي مذهب !!!!!! مب لهالدرجه عاد بعدين في قصص وايده بنفس الموقف ليش انا اللي كتبته مافيه مذهب يعني .. وعلى طاري انه دخل الحجره بغيت اقولج انها كانت لابسه شيلتها وعباتها لان يوم دشت اليازيه الحجره لبست جواهر شيلتها لانها سمعت صوت هزاع ... وانا مااقصد انه ماشي مذهب اوكي ؟؟ ........








واختي رتوش نفس الشي اقولج في قصص وايده مكتوبه بنفس المواقف تقريباً وانا مااقصد منها شي بس ماتوصل لدرجة انه ماشي مذهب ...

وانا اول مره اكتب قصه ويمكن لاني مرتبكه بس مب اكثر .. بس اشوف ان القصه شكلها ماعيبتكم
انا مازعلت من انتقاداتكم بالعكس تخليني اركز اكثر على اللي اكتبه .. بس مب لدرجة القول بانه ماشي مذهب ...

وصح ان الامارات متمسكين بالعادات والتقاليد .. بس هو ماطلع عن شي من العادات والتقاليد لانه من نفسه سواها .. وشافها وتم يتأمل مب انه فصخ الحيا !!!!


وكلمة ماشي مذهب يعني انا اللي اكتبه مافيه مذهب ؟؟؟؟

خلاص ع العموم مشكورين على ردودكم ....


واسمحولي على الجزء .. لو ماحطيته احسن بس لاني اتسرعت



وع العموم السموحه جان القصه ماعيبتكم .. وانا بعدني ماكملتها

[ميره]

السلام عليكم....
الجزء وايد حلو واتمنى من جرناسه تكمله
وبالنسبه على نقد بنت الطواش ورتوش انا اشوف انه مافيها شي لانه هالشي يحصل في اكبر العائلات وبعدين هالموقف اهون من بعض المواقف الي تستوي في بعض القصص وكل واحد له راي ومن حقه يكتب نقده بس لازم يحسب الف حساب قبل لا يكتب لانه هالش يمكن يأثر على كاتب القصه ويحطم مواهبه...

[بنت_الطــــواش]

اختي جرنااسة

انا اجووفج واايد تحسستي من الكلام اللي كتبته..وانا ما قلت ان قصتج مب شي..انا علقت ع شي يمكن انتي تجوفينه عادي..بس انا وغيري لا
وانا قلت هالشي لانج بديتي بدايه قوويه بالقصة..ونبااج تستمرين بنفس القوة والاسلوب..وهذا الشي اللي كتبتيه اعتبره ضعف ولا ثغرة من ثغرات قصتج..فحبيت اوضح لج عسب ما تتكررين الموضوع..وبالعكس النقد المفروض تاخذينه دافع لج عسب تكتبين لنا الاحسن والافضل
وبما انها اول قصة لج..فلازم تكون فيها اخطااء ومستحيل تكون القصة بيرفكت..والقصة الثانية اللي بتكتبينها بتكون افضل منها..لانج بتحسنيين من وضعج..وبتنتبهين ع الاغلاط اللي طحتي فيها "ادري واايد تفلسفت ورمستي يمكن ما تعيبج..بس هذا الللي بخاطري"

وبعدين حتى لو جواهر لابسة شيلتها وعباايتها...ماله حق انه يدش الغرفة بدون إحم ولا دستور..وما اظنه يااهل عسب يسوي الحركة...
اان للحين مصره ع موقفي وان اللي سواه هزاع غلط..والمفروض قبل ما يدش يستأذن..لان مهما حب البنت بتعتبر غريبه عنه

والسموحة إذا راايي ضاايقج..وبيكون اخر رااي بقصتج
لاني ما احب اضاايج و اجرح احد باسلوبي..ولوو جفت مثل الشي اللي كتبتيه في قصة ثانية..كنت برمس وبقول ان الموقف ما عيبني..والسالفة مب سالفة انج انتي اللي كتبتي او غيرج كتب..


طواشووة

[رتوش]

أختي جرناسة الظاهر فاهمة غلط

أنا انتقدت الشخصية و ما عيبني فيها سلوك معين و تكلمت عنها مو عنج انتي

و شيء طبيعي انج تواجهين انتفادات مو مدح بس

و انا لو ما عيبتني القصة جان ما رديت عليها و اهتميت فيها

و هاي وجهة نظر ما الزمج فيها اذا انت جايفة شيء ثاني و كل ورايه

و أنت اول الطريق و أنا بالعس أشجعج

واذا ما بتكملين على هواج

الناس وجهات

وشكرا لتحملج تعليقاتي في ها الاجزاء الي طافت

في حفظ الله

[جرناسه]

اختي بنت الطواش .. اولاً هذي مجرد قصه بعدين ماننكر وجود هالشي في المجتمع اذا كان اللي سواه هزاع معناته انه خالف العادات والتقاليد عيل كلهم جي ؟؟؟؟!!!!!!!! :marsa22:

وهي اولاً واخيراً مجرد قصه وادري ان اللي سواه هزاع غلط بسسسسس يانااااااس ياعااااالم افهموني :marsa109:

[بنت_الطــــواش]

جرنااسة

ادري ان هذي مجرد قصة..
بس انتي اللي ما عيبتج تعليقاتنا..وزعلتي منها
وهذا الدليل
"وكلمة ماشي مذهب يعني انا اللي اكتبه مافيه مذهب ؟؟؟؟ "
نحن ما قصدنا ان انتي ما عندج مذهب..والنعم فيج اختي..

وفي النهاية مثل ما قلات رتووش..كل واحد ووجهه نظرة :)


طواشووة

[بنت آل بني ياس]

ننتظر التكملة اختي جرناسة:)

[خربوطه]

السلام عليكم

بعد غياب طويل أول رد لي راده الله أنه يكون رد على قصتج يا جرناسة :marsa101:

من زمان أنا بغيت ارد عليها لكن ما مداني الوقت و لا ألحين بعد يمديني أرد رد مفصل.. كل اللي بقوله مجرد كلمتين :marsa28:

الكلمة الأولى: أني أحييج على هالقصة الحلوة و أشجعج على أنج تكملينها -بس لأني أبى أعرف النهاية-، و من ناحية الأسلوب في الكتابة فلا تحاتين لأن أسلوبج أكيد بيتطور يوم عن يوم نحو الأفضل مع الممارسة و توترج بيختفي تدريجيا مع مرور الوقت :marsa47:

الكلمة الثانية: سوء الفهم بينج و بين طوشوه و رتوش هو اللي خلاني بعد أرد.. يمكن كل وحدة فيكم مب شايلة على الثانية شي في خاطرها لكن بعد يمكن كل وحدة زلة شوي :marsa181: و اللي اقصده أنج يا جرناسة مثلا أكيد ما تقصدين شي مب زين باللي كتبتيه و أنا شخصيا وياج في أن هالموقف يصير في كذا بيت في الامارات.. لكن بعد ردّج كان يبين انفعالج على اثنين من قراءج و هالشي حاولي تتجنبينه في المرات الياية..
و طوشوه تراج صدق تعرفين تحبطين الواحد.. ما تبين تقرين القصة لا تقرينها بس مو تكتبينها علناً و اذا الناس وجهات نظر فخلاص لفي الموضوع و انسيه بأنج تعلقين على القصة مرة ثانية :marsa122:
رتوش هدي عمرج.. انتي فاهمة قصدي عدل :marsa40:


أنا بس ييت أخربط عليكم و أروح.. عندي قصة اكتبها.. يا ريت بس ما تزعلون مني أو تشيلون في خاطركم شي عليه :marsa160:
خربوطه :marsa78:

[سلوم]

:marsa87:
اختي جرناسه ... في في شوق لمعرفة باقي الاحداث...
فارجو الا تتاخري بوضعها...
:) و السموحه:)

[الربان]

:marsa87:
اختي جرناسه ... في في شوق لمعرفة باقي الاحداث...
فارجو الا تتاخري بوضعها...
:) و السموحه:)

:marsa52: :marsa173:

[بنت_الطــــواش]

خربطيشن

منو قال اني ما بقرأ القصة... انا قلت ما بعلق عالها عسب ما تنزعج صاحبة القصة برأي وبس..بس انا بتابع القصة من بعيد إلى بعيد :) يالقاطعه

طواشووة

[MYSTERY]

واااااااااو قصه روووووووعه بصراحه يا جرنااااااااااااسه وكتبتيها بشكل جميل ومن غير مبالغات ولا تطويل يعني حلو الحوارات اللي كتبتيها وحلو السرد بعد .. اتمنى بس ما تبطين وتاخرين في الاجزاء عسب ما اتيه بالقصه واضيع هههههههههههههههههههههههه مثل قصه خربوطه اللي نسيتها صج

[حــ_جميرا_ــر]

اختي جرناسه :)


القصه حلوه حلوه حلوه حلوه وايد وايد ...

بدايه جميله وقويه .......


مشاءلله عليج الظاهر ان لج مستقبل في هل مجال ...:)


ننتظر المزيد اختي :)



مع تحيات (( الحر ولد دبي راعي جميرا ))

[لامع البرق]

:marsa15: وانتي يا الهيزه بعدج ما كتبتي باجي السالفه؟؟؟؟

تحركي خويتيه و لا تنسين اسم الخادمه :marsa79:

[جرناسه]

مرحبا .. اخويه الحر:marsa182: ... وشكراً على مجاملتك وان شاء الله تعجبك القصه :marsa17: . ومشكور على مرورك وانتظر ردودكم وتشجيعكم لي .. وان شاء الله بكملها بس هالايام مشغوله ... واسمحولي ادري اني اتأخرت :marsa139:






لااااااااااااامع البرق .. لا الرعد هه هه هه هه هه هه :marsa117:

شو رايك اقولك ماعندهم خدامه :marsa153: وقلت بكملها بس بليز لاتطري الخدامه الناس ماعندهم غصب اييبون خدامه مايبون !! :marsa191:




يالسه افكر بنهايه ......... عجيبه الصراحه .. ماشاء الله عليه :marsa183:

[اسيرة الحب]

هاااااااي
نبي التكملة بسررررررررعة
الصراحة اسلوبش عجيب ونتمنى ليش التطور
القصة اصلا كشوخي يا الله غفية كمليها

[جرناسه]

مرحبا .... انا ييت وعندي لكم جزء يديد :marsa31:

هو قصير شويه بس ان شاء الله الجزء اللي عقبه بعوضكم :marsa112: واسمحولي لاني مشغوله وعسب جي حطيت هالجزء القصير

************************************************** ************************************

وفي السياره طبعاً اليازيه يلست جدام حذال اخوها وركبت جواهر ورا هزاع وفي الدرب هزاع يطالع جواهر من المنظره اللي عنده وفجأه رفعت جواهر عينها تشوف ويت عينها بعين هزاع وسييييييده خوزت عينها ونزلت راسها اما هزاع مب قادر يتمالك نفسه وهو يطالع فجأه يضرب بريك مره وحده



اليازيه وهي زايغه ومعصبه بنفس الوقت : هزاع ماتشوف جدامك شو فيك بغيت تذبحنا



هزاع وهو بعده مب مستوعب ومعصب بعد : انزين انزين كلتيني والله مب مني من هالزحمه



اليازيه تصد ورى تطالع جواهر وابتسمتلها جواهر تقولها ان هي بخير ولاتخاف

اليازيه ترمس هزاع : انتبه الله يخليك محد فينا بايع عمره



هزاع يرمسها وهو مايطالعها : انزين خلاص قولي الحمدلله وبس



اليازيه : الحمدلله بس اخويه فديتك شوف جدامك



هزاع يشوفها ويبتسملها : ان شاء الله



ويحط هزاع أغنية (فرحتي ورضاي دايم ترتجيك ،، بس نظره منك قلبي يحتويك ،، اخذك دنيا بعيده وافتديك ،، بالعمر واعطيك كل اللي تبيه ،، لوبغيت الروح ماتغلى عليك ،، كل عمري لك لوتامر عليه ،، لو بغيت القلب في مدة يديك ،، كيف انا بعطيك قلبٍ انت فيه )



وعقب ماخلصت الاغنيه قالتله اليازيه وهي تتطنز : هاه هزاااع اخويه متعذب اشوفك ؟؟



هزاع قفط : لا متعذب ولا شي عيب اسمع اغنيه يعني والا مايستوي ؟



اليازيه : لاااااااا بس اقول يالهيمان انت اسمييييه الحب مقطعنك شكلك عاشق بالقو



هزاع : يزوي عن الرمسه لي مالها معنى ويرمس جواهر: هاه جواهر اشوفج صاخه ماترمسين مب مثل ربيعتج حشره



جواهر : شو اقول ماعندي شو اقوله



سكتوا طووول الدرب ووصلوا الستي وطبعاً وقف السياره في الباركات ودخلوا



هزاع : هاه شو رايج يزوي راضيه عني ؟



اليازيه : ممممممممممم بعدني بفكر لاتحاول انك تراضيني



هزاع : ويا ويهج طوفي يلاااااا



وهم يتمشون يلقى هزاع ربيعه ويسلم عليه ويرمس اخته : يزوي سيروا انتوا اتمشوا ومن تخلصون خبروني



اليازيه : اوكي



ويسيرون جواهر واليازيه يحوطون ويشوفون المحلات وفي الكوفي



هزاع : مرحبااااااااا شباب



سعيد+سلطان+سالم : مرحبااااا ملاييين



هزاع : اشحالكم شباب؟



سعيد : وينك انت من متى نترياك؟



هزاع : والله انتوا لي نقعتوا خيانه فيه ولا حد قالي اشعنه ماخبرتوني ؟



سعيد : والله شوف تيلفونك كم مره اتصلبك ماترد فوق الخمس مرات وينك ياريال



هزاع : ماسمعته



سالم: عيل لاتقول محد قالي



هزاع : انزييييييين انزين اسمحولي ماسمعته كنت مشغول



وتموا الشباب يسولفون ويرمسون



طافن اليازيه وجواهر جدام الكوفي طبعاً لانهم يبون يسيرون المحل اللي مجابلنه وهزاع ماانتبه لهن

فجأه يشوف سلطان اليازيه وقال : شبااااااااب



كلهم صدوا صوبه باستغراب وهزاع قاله : بسم الله عليك اشبلاك جذه نقعت مره وحده شو مستوي ؟



سلطان وهو يطالع اليازيه من بعيد : شوفوووووووا الغزال لي جدامي تشوفون اللي انا اشوفه !!



سعيد ويرمسه بكل استخفاف : والله انك فاضي الحين نحن نتحرى عندك سالفه وانت بعدك ماتيوز عن سوالفك لين متى بتم جذه مادري بس عادي اتعودنا عليك اجلب ويهك



هزاع يصد يبا يشوف الغزال اللي يقول عنه سلطان ومن شافها عصصصصصب ومارام اييلس اكثر وينش وهو معصب ويسير صوبهن ويمسك اليازيه من ايدها وهو كان ياي من وراها مسكها بقوووو وكانوا الشباب يشوفونه ومستغربين



اليازيه وهي زايغه وقفزت من مكانها : بسم الله اشو هاااااااا



هزاع وبعصبيه : انا هزاع وانتي ماتقولين شو يايبنج صوب الكوفي والشباب اللي مبرج عينه ويطالع واللي يرمس



اليازيه وتحاول تسحب ايدها من ايده بس كان ميودنها بالقو : والله نبا نسير المحل اللي مجابل الكوفي ونحن وشلنا بالشباب الحمدلله حاشمه عمري ومافي شي يلفت النظر لا بي انا ولا في جواهر انزين واذا المحل جدام الكوفي حطوه انا شو اسوي ارمس الاداره واقولهم الله يخليكم غيروا مكانهم ؟



هزاع يهد ايدها وهو مصعب : بسرعه جدامي يالله السياره



اليازيه وهي معصبه عليه : يعني شو يايبني عسب تذلني انا وشلي بهم هذيلا عيل جان من البدايه قلت انك بتسوي جذه جان ماييت وياك بس انا الغلطانه لي متعبه حالي ومرمسه جواهر واقولها تعالي ونتلبس وحالتنا لله بس عسب هزاع الاخو الحنون بيطلعني وانا ماصدقت بس عسب يكون ها درس اتعلمه واستفيد منه لكن انا ماعندي مونه يوم الا ييت وياك



وتصد اليازيه صوب جواهر : امشي جواهر نسير



نرد للكوفي




سعيد وهو يرمس سلطان : اسميك ماتحشم حد الحين لو طلعن هالبنات وهالغزال على قولتك من اهل هزاع شو بيسويبك



سلطان وهو شويه مرتبك : وانا اشدراني انهم من هله لو ادري جان صخيت



وايي هزاع وهو معصب جد وسار صوب سلطان : انت ماتستحي على ويهك والا شووو؟





وينشون الشباب يبون يهدون الوضع وسلطان يقول : اسمحلي عاد



هزاع ويزخ سلطان من كندورته : الحين لو خواتك جان رضيت عليهن حد يرمس عنهن بهالطريقه ؟؟



سلطان مقدر موقف هزاع وماقاله شي



هزاع يهده : ياخي استح على ويهك كل ماشفت وحده الا وترمس عنها جدام الشباب شو انت ماعندك دم ولا احساس لو وحده من خواتك جان مارضيت عليها لكن ... ويقاطعه سالم : ياريال صل على النبي واستهدى بالله وهد اعصابك



هزاع يرمس سالم بدون مايصد صوبه وعينه على سلطان : اي اعصاب وهذا يخلي في حد اعصاب ويرمس سلطان : اكبر ياسلطان واعقل وخلك ريال وحشم الناس ولا ترمس عن بنات العرب وتخلي كل من يا وصد صوبهن عيب في شي اسمه عيب





وياي بيروح : عن اذنكم








والاجزاء اليايه احلى واحلى وبدت الاحداث شوي شوووووي :marsa25:
لاتستعيلون .... وقولوا لي رايكم :marsa143:

[لامع البرق]

جواهر : شو اقول ماعندي شو اقوله!!!
الجزء زوين و موفقه ان شا الله

لو اني ف مجان هزاع ان جان مزعت ثيابه و رغته من الكوفي :marsa87:

انزين و اللي بعده!!!

استعيلي يا الهيزه :marsa117: ابا اقراها قبل لا اسافر :marsa23:

[موت_المشاعر]

تسلمين جرناسة على هذا الجزء الحلووووو و الطويل :marsa67:
شو هذا بدينا نقطر في الرمسة :marsa74:
استعيلي دخيلج :marsa142:
و السموحة

[جرناسه]

لامع البرق :marsa110: .... مب جدام الناس بيمزع ثيابه :marsa150: حشى

بعدين لاتقول الهيزه لاتقول الهيزه :marsa85: ..... والقصه يبالها وايد لين ماتخلص وبعدني انا :marsa45:

وليكون الاخ ابن بطوطة:marsa39: كل يوم وقلت توني رديت من السفر واليوم بسافر اليوم مادري شوووو ... :marsa191: ... بعدها بعدها القصه لاتستعيل ... وتسير وترد بالسلامه :marsa35: <-- مستانسه :marsa25:


ثاااانكس على مرورك :marsa117:










موت المشاعر:marsa112: ... مشكوره اختي على ردج وان شاء الله بكمل القصه بأسرع وقت :marsa13: . وان شاء تكون عيبتج وقولوا لي شو رايج ؟؟ :marsa30:

[اسيرة الحب]

مشكورة جرسانة على الجزء الطويل يا الله كملي بسررررعة
احنا نحارسش

[لامع البرق]

:marsa135:

تابعي مسلسل شمس القوايل يمكن تطري لج فكره زوينه و تستعيلنا بالجزء :marsa144:
بغيب عنج 4 ايام و برد لا تستانسين :marsa158:

[جرناسه]

اسيرة الحب ... :marsa119: هلا وغلا ومشكوره على ردج الحلو وان شاء الله بكملها لكم





لامع البرق :marsa60: اشوف مسلسل شمس القوايل ... بس انا فكرتي غير غيييييير قصتي سبيشل :marsa114:
وبعدني مب مستعيله مااحب اكتب الشي واخليه يمر بسرعه لازم شوي شوي عسب تنقرا القصه عدل وينفهم لي فيها :marsa191:

بتغيب 4 ايام :marsa194: <---- اقصد خساره مابترد عليه تسير بالسلامه :marsa62: :marsa62: :marsa62:





















الحمدلله يارب الحمدلله :marsa109: :marsa109: وأخيراً استجابت دعوتي :marsa109: :marsa62:

[اسيرة الحب]

نبي التكملة بسررررررررررررعة

[سلوم]

:marsa94:
:marsa16: وبعدين شو استوى...:)

[جرناسه]

سار هزاع تحت في الباركات صوب سيارته وهو على اساس انه قايل لليازيه وجواهر يسيرن هناك ويترينه لكنه مالقاهم ....



هزاع وهو معصب وبنفس الوقت زايغ ويرمس عمره: هذيلا وين ساروا ليكون استوابهن شي .. (بارتباك) لالالا اكيد مافيهن شي وسارن ويا دريول قوم جواهر .. لكن ماعليه يايزوي



وركب سيارته وسار البيت



واليازيه وجواهر في السياره طبعاً ويا الدريول




جواهر تصدر صوب اليازيه : الله يهديج يايزوي شو سويتي الحين لو سكتي عنه مااستوى ها كله



اليازيه وبعصبيه : هيه ترى ماياج اللي ياني عيل انا يقولي ليش تمشين جدام الكوفي شو يقصد بكلامه ... ماحشم ولا قال اختي والمفروض مااقولها هالرمسه يعقها جذه منه والدرب ولا يدري هو شو يقووول



جواهر تبتسم لها : عادي لو فهمتيه جان مااستوى جي اخوج يبا مصلحتج



اليازيه وترد بكل عصبيه : جواهر صخي ارجوج يعني لوعتي جبدي اونه يبا مصلحتي اي مصلحه هاي اللي تي من ورى هالرمسه واصلاً يبا مصلحتي في شو هذا كله عسب الكوفي اونه وانا اصلاً كنت ابا اسير المحل اللي مجابلنه وانتي ويايه ماقصدت اسير اتمشى جدام الكووفي على قولته ماترزى علينا هالطلعه يوم الا جي ..... انا غبيه طاوعته وقلتله هيه بسير وياك





جواهر سكتت عنها وماردت عليها لانها تدري انها لو رمست بعد زياده بتسويلها اليازيه حفله بلسانها



وصلن البنات البيت وبطلت اليازيه الباب وشلت اغراضها



اليازيه ترمس جواهر : يلا تعالي انزلي



جواهر : لا حبيبتي تبين امي تاكلني يايه عندج وطلعنا وبعد ارد عندج



اليازيه : هيه عادي مافيها شي انتي مب سايره عند حد غريب



جواهر : ادري فديتج بس ان شاء الله مره ثانيه قبل انتي تعالي بيتنا



اليازيه : اوهووووووو انزلي عاد



جواهر : شو رايج اقيل عندج بعد



اليازيه : هيه والله كشخه



ويرن تيلفون جواهر وشافت رقم امها وردت



جواهر : هلا هلا بالغاليه



ام سعيد : مابغيتي تردين وينج انتي وينج



جواهر : امي تراني قلتلج بنظهر انا ويزوي



ام سعيد : ادري بس بعدكم



جواهر : لالا امي الحين برد البيت راده راده والله بررررد فديتج



ام سعيد : بسرعه لا تبطين



جواهر : انزين ان شاء الله



ام سعيد : مع السلامه



جواهر : باي



بندت عن امها وحطت التلفون في الشنطه وتصد صوب اليازيه



جواهر : يلا يلا يزوي بسير امي كلتني بقشوري الله يستر



اليازيه : انزين يلا باي



جواهر باي





دشت اليازيه البيت .... وشافت امها ف الصاله سارت وحبتها على راسها



ام هزاع : هلا امي هاه بلاج جي متضايجه شكلج ؟



اليازيه وتحاول انها ماتبين لامها : لالا سلامتج امايه مابلايه شي بس راسي يعورني مصدعه شويه



ام هزاع تصد صوب الباب وترد تشوف اليازيه : انزين امي الا هزاع وينه ؟



اليازيه ارتبكت وتوها يايه بتألف الرد من عندها دش هزاع



اليازيه حاست حلجها وقالت لامها : هذوه ولدج يااا .. المهم تامريني بشي بسير حجرتي



ام هزاع : يا امي شوي يلسي ويانا كله في حجرتج ومااشوفج الا يوم تبين تظهرين



اليازيه : امي فديت روحج مره ثانيه بسير الحين تعبانه



هزاع يشوفها بنص عين : هاه على وين يلسي شوويه



اليازيه عطته ظهرها وقالت لامها : يلا امي انا سايره حجرتي





وركبت اليازيه سارت فوق فرت الاجياس على الشبريه وسارت تتسبح وفتحت الكمبيوتر تبا تدش المسنجر



اول مافجت المسنجر لقت سهيل وطبعاً كانت حاطه النك نيم مالها غير بنت المناصير غيرته وحطت (اللي يبى الزين والصاحب اللي مايمله..دربي أنا لازم يدله)



سهيل من شاف النك نيم مالها عرف انها هي سيده قالها



الكتبي : هلالالالا وغلالالالا من طول الغيبات



اللي يبى الزين والصاحب اللي مايمله..دربي أنا لازم يدله: هلا بك قبل كل شي السلام عليكم



الكتبي : هلا والله وعليج السلام وينج انتي يالقاطعه



اللي يبى الزين والصاحب اللي مايمله..دربي أنا لازم يدله: موجوده ف الدنيا



الكتبي : امممم حلو النك نيم



اللي يبى الزين والصاحب اللي مايمله..دربي أنا لازم يدله: تسلم من ذوقك ^_^



الكتبي : ماجذبتي يوم حطيتي النك



اللي يبى الزين والصاحب اللي مايمله..دربي أنا لازم يدله: شو تقصد :|



الكتبي : صدقج والله ان اللي يبى الزين لازم يدل طريجج



اللي يبى الزين والصاحب اللي مايمله..دربي أنا لازم يدله: اقول الزم حدودك



الكتبي : بلاج ياابويه غيضتي علينا

اللي يبى الزين والصاحب اللي مايمله..دربي أنا لازم يدله: مابلايه شي بس اشوفك قمت تعق خيط وخيط

وبعدها تموا يرمسون بس بكمل في الجزء الياي






لكن تتوقعون شو بيستوي وشو ورى كل هالرمسه ؟؟:marsa83:

وسهيل شو يبا من اليازيه ؟؟:marsa83:

وشو عرفه سهيل باليازيه من الاساس من وين يعرفها ؟:marsa140:
وهزاع شو بيقول حق اليازيه ؟؟ :marsa83:


كل هذا بتعرفونه في الجزء الياي اللي لازلت يالسه اكتبه بعدني وبدخل في الاحداث على طول لاني ادري انكم بتقطعوني:marsa106: .. خلاص الاجزاء اليايه بدت تحلى اكثر واكثر:marsa194: .. واسمحولي على هالجزء الصغير بس لاني ماابا اطول اكثر عن جي . ابا ادخل في الاحداث ......... :marsa62:



بس ترى القصه من الحينه اقولكم .... بتعور قلوبكم .... واللي مايبا يحزن ولا يعوره قلبه لا يقراها .... :marsa111: :marsa10: :marsa180:

[لامع البرق]

:marsa180: :marsa180: :marsa180: :marsa180:
:marsa180: :marsa180: :marsa180:
:marsa180: :marsa180:
:marsa180:

:marsa180:
:marsa180: :marsa180:
:marsa180: :marsa180: :marsa180:
:marsa180: :marsa180: :marsa180: :marsa180:

وركبت اليازيهّّّ!!!!! يقولون صعدت :marsa98:

خابر انج جريمه, وش حل بج تنقطين الجلام بالقطاره؟؟؟

[سلوم]

:marsa171:
يله نحن في انتظار الاحداث الساخنه...:marsa164:

[جرناسه]

ان شاء الله بحاول احطلكم الجزء اليوم او باجر

[اسيرة الحب]

يا الله نحارسش مو تبطين

[راعــ الحمر ــي]

نتريااااا

:marsa175:


لا تـنـقـــعــينــــاااااااااااا


:marsa189:









:marsa117:

[ناعمة الحس]

مممممممم
نحن
في الانتظار

[اسيرة الحب]

ما حطتينه لمتى يعني وااااايد تاخرتين

[دلوعة المرسى]

نترياااااااااااااا لاإتصيفيين علينااااااااااااااااااااا.. :)

[جرناسه]

اول شي السلام عليكم ورحمة الله

وبغيت اقولكم اسفه على التأخير واني خليتكم تتريون .....:marsa10:


بس اسمحووولي بقولكم اني مابكمل القصه ... واتمنى انكم تعذروني .. واسفه والله على اللي اقولكم اياه بس غصباً عني ...

واسمحولي مره ثانيه :marsa37:

[اسيرة الحب]

ليش ها التردد

نبي القصة احنا

[جرناسه]

مب تردد ولا شي بس أخاف أطول عليكم وايد ... واتمنى انكم ماتزعلون مني واســـــفه والله :marsa169:

[دلوعة المرسى]

:marsa79: .. ستقااام حرب قريبه على الانسه .. جرنااسه...




شوووو يعنيييي عاادييي... عن التغلييي عاااااااد ياالله توكلي على الله.. وكملي القصه.. نتريا :marsa175:

[اسيرة الحب]

احنا اهم شيء عندنا التكملة بسرررررررررررعة
نبي التكملة

[جرناسه]

مشكووووورين والله على ردكم دلوعة المرسى واسيرة الحب ... ودامكم تبون القصه خلاص بكملها ان شاء الله .. وانا قلت مابكملها لاني كنت زايغه انها ماتعيبكم او شي بس الحينه ردكم شجعني وبكمل :marsa143:

وهذا الجزء اليديد ...وصلنا عند سهيل وهو يرمس اليازيه على المسنجر وحطيت نص الحوار اللي دار بينهم وتكملته في هالجزء


************************************************** **************************************
الكتبي : يابويه كلتيني بقشووووري اسولف وياج



اللي بيى الزين والصاحب اللي مايمله..دربي انا لازم يدله : بأي حق تسولف ويايه ؟



الكتبي حس انه هو شويه بعد مصخها : اسف اختي السموحه منج



اللي يبى الزين والصاحب اللي مايمله..دربي انا لازم يدله : اوكي انا ظاهره يلا باي



وطلعت على طول وتوها يايه بتحط راسها وبترقد

واليوم الثاني الصبح نشت ام هزاع وتسيرله حجرته



ام هزاع لقت الباب مبطل ودشت ومالقته



زاغت عليه واتصلت به ومارد وريلها محد طالع وتسير حجرة اليازيه وتفج الباب بالقو وتركض صوب بنتها : يزوووووي يزووووي لحقي هزاعوه مادري وينه



قفزت اليازيه من مكانها : هااااه بلاج امي



ام هزاع وهي زايغه على ولدها : اخووج مادري وينه اتصلت به على تلفونه مارد عليّه



اليازيه تحط راسها على الموسده (المخده) : افف ياامي اتحرى عندج شي ولدج راقد عن واحد من ربعه تلقينه



ام هزاع تير عنها اللحاف : وانتي اشدراج



اليازيه : لانه ولدج السيد هزاع البارحه اتضارب ويايه عسب اني طفت من جدام الكوفي وحط الف فكره وفكره في راسه وربيعه اللي وياهم مادري شو قال حق هزاع ويا عندي وجدام الناس مسك ايديه وتم يزعج عليه وقالي جدامي طوفي سرت ويا جواهر اتصلنا في دريولهم ويا خذنا وخليت هزاعوووه ولدج وعسب جي عصب ومن البارحه ماشفته اكيد عند ربيعه السيد سعييييد اللي مايفارجه مول



ام هزاع تنش من على شبرية اليازيه : انا بسير اتصل بسعيد اربيعه .. بس حطي في بالج ترى مهما يكون انتوا اخوان



اليازيه تخش راسها تحت اللحاف : والله قولي حق ولدج هالرمسه انا اخته والمفروض مايسوي جي جدام الناس



طلعت ام هزاع من الحجره وسارت اتصلت بسعيد



سعيد وصوته انه نش من الرقاد : الوووه



ام هزاع : مرحبا ابويه السلام عليك ولدي سعيد



سعيد يعدل صوته شويه: هلا هلا ام هزاع اشحالج الوالده



ام هزاع : بخير الله يسلمك انته اشحالك



سعيد : يسرج الحال والله



ام هزاع : اقوول سعيد



سعيد : آمري خالوه



ام هزاع : هزاع عندك وياك ؟



سعيد : هيه هيه ويايه من البارحه رقد عندي



ام هزاع : ريحتني وانا كنت احاتيه



سعيد : لالا اطمني خالوه هزاع اهنه عندي وهو مب عند حد غريب



ام هزاع : ماغريب الا الشيطان .. انزين وجيه اتصلبه ومايرد ؟



سعيد : راقد هو ان شاء الله يوم بينش بقوله يتصلبج



ام هزاع : ان شاء الله فديتك يلا ابويه مع السلامه



سعيد : حياج خالوه مع السلامه



بند سعيد عن ام هزاع .. سعيد اربيع هزاع من يوم هم صغار وامها ربيعة ام هزاع بعد وكانوا يران قبل بس عقب قوم هزاع اتحولوا وساروا بيتهم اليديد ومن يومها وهزاع وسعيد ربع .. سعيد شاااب حليووو وكل شي فيه حلووو يعي تقريباً ياخذ شوي من ملامح هزاع مثل العيون العسليه وعيونه وساااع وحلوه وخشمه الطوويل روووووووووعه وجسمه عريض شوي هو وطويل شووويه يعني كله على بعضه يجنن



سعيد يسير عند هزاع ف الحجره



سعيد يسير صوب هزاع ويشل عنه اللحاف : هزاااااعوه قووووم



هزاع يحد ايده على عينه : هاااااه شو تبا يابويه النور كله في عيني من وين يايب هالدفاشه انته



سعيد : اسمعني ترى امك اتصلت وكانت تحاتيك



هزاع: وين اتصلت



سعيد : الدكان وين بعد على تلفونك بس انته مارديت فاتصلت بي على تلفوني وقالتلي اخبرك انها تحاتيك



هزاع : نش ويلس على الشبريه وهو مغمض عينه : انزين انزين انا بسير اتغسل وابدل ثيابي وبسير البيت



سعيد : اتريق اهنه ويايه



هزاع فج عينه وشاف سعيد : مب جنه مصختها انته ارقد عندنا واتريق عندنا وبعد شو رايك تقول هات قشك واسكن ويانا مره وحده



سعيد يسير واييلس حذاله : ههههههههههههه هيه زين والله اشرايك ويا هالويه احمد ربك انته انا اربيعك



هزاع : الف الحمدلله بس فكني ابا اسير الحمام



سعيد : سير



هزاع ينش ويفر على سعيد المخده : مالت



وعقب مااتلبس وكل شي هزاع شل سويج سيارته وهو عند الباب بيظهر : سعوود بمرك العصر بنظهر



سعيد : انزين بس عاده ورانا دوامات مابنهيت لاخر الليل



هزاع : انزين يالموظف المثالي انته



سعيد : هههههههههههههه غصباً عنك يلا اجلب ويهك



هزاع : يلا مع السلامه



سعيد : الله يحفظك



وفي بيت قوم ام هزاع وبالتحديد في حجرة اليازيه هي راقده طبعاً



ويرن تليفونها وتطلع جواهر متصله استغربت اليازيه وردت



اليازيه : ألووو



جواهر وهي تصيح : الووو يزوي دخيلج لحقي عليّه



اليازيه زاغت : بلاج بلاج شو مستوي من صباح الله خير !



جواهر سكتت شويه وقالت : انتي اصلاً من البارحه وينج انا اتصلبج كله مغلق مغلق وانا من البارحه مارقدت اترياج تفتحين تلفونج



اليازيه : بسم الله عليج شوووفيج



جواهر تصيح: حمييييييييييد يايزوي حميد



اليازيه نشت من مكانها ويلست على الشبريه وفجت عينها : بلاه هذا شو سوابج ارمسي



جواهر وهي تحس بعمرها مخنوقه مب رايمه تتكلم : يااالس وتاخذ نفس وتكمل : يالس يهددني انه بيفضحني عند ربعه وان مابيخلي حد مابيقوووله اني ارمسه



اليازيه بعصبيه : نذل النذل .. وليش شو خلاه يقولج جي؟



جواهر : قال ليش انا ودرته وابتعدت عنه بيفضحني وبيطلع عليه رمسه



اليازيه صدق معصبه : هذا صدق انه عديم اخلاق ومب متربي يتحرى كل البنات شرات اخته الصايعه الضايعه هاي لو درابها جي جان ذبحها هو خانج وودرج ويقول انتي ودرتيه وماتبينه من حقج هيه من حقج .. وانتي من الاساس ليش ترمسينه هذا؟؟ مالقيتي الا اخو هالخايسه حصووه الحقيييره



جواهر : اوهوووو يايزوي لاتلوميني الحينه اللي صار صار وحرام لاتسبين البنيه



اليازيه : قال شو مااسبها هاي والله المسبه شويه عليها وحميد من زمان مودرتنه شو ذكره فيج



جواهر وهي زايغه : مادري مادري ...



جواهر وهي تصيح : شو تتصرفين انا ماابا ادخلج ويايه في المشاكل بس قوليلي شو اسوي



اليازيه بكل ثقه : قلتلج مايخصج لو ماوقفت وياج في ويه هالنذل عيل بوقف وياج متى ولا مشاكل ولا شي ولاتحطين في بالج



جواهر تصيح ومقهوووره : لحقي عليه يزوي تعالي اليوم عندي الحينه اباج محتاجتنج



اليازيه : انزين طرشيلي دريولكم لانه محد بييبني وهزاعوه انا متضاربه وياه وهو اصلاً محد



جواهر تمسح دموعها : اووكي بطرشه



اليازيه : اوكي بلا لاتشلين هم يايه انا بسير اقول حق امايه



جواهر : بسرررعه يلا باي



اليازيه : باي



بدلت ثيابها وكل شي وونزلت تحت في الصاله وشافت امها



اليازيه تزاعج : اميييييييي اميييييي



ام هزاع وتحط ريموت التلفزيون من ايدها : هاه اشعندج



اليازيه تحبها على راسها وتيلس حذالها : امي انا بسير عند جواهر



ام هزاع تطالعها وهي معصبه : وانتي تعالي الحينه شويه وبيستوي الظهر ماتستحين على ويهج تسيرين عند الناس هالوقت وبعدين توج ناشه وكتابج مااشوفج تيودينه ياامي وراج جامعه نباج تيبين نسبه وايد مهمله دراستج



اليازيه : اميييييه فديتج هي بتطرشلي دريولهم وانا بتغدى عندها والمغرب برد اذاكر والله والله فديتج



ام هزاع : لالا ماشي



اليازيه: امي فديت روحج عاده امي حرام يوم هي تي بيتنا مايقولولها شي ونطلع بعد مايقولولها شي



ام هزاع : البنيه تذاكر مب مثلج



اليازيه : امي والله برد وبذاكر والله



ام هزاع : انزين سيري بس منوه بيوديج



اليازيه تنش وتسير تلبس نعالها : دريولهم بييني



ام هزاع : اتحملي على عمرج ومن توصلين اتصليبي مب تسوين شرات هزاعوه



اليازيه تبطل الباب بتطلع : لا ان شاء الله فديتج



وتلقى هزاع جدامها



طافت عنه اليازيه ووصلت عند باب الحوي بتفتحه وسمعت صوت هرن السياه دريول قوم جواهر



يسير لها هزاع : اليازيه اليازيه اوصلج انا



اليازيه تشوفه بنظره وتبطل باب السياره : لا شكراً مايحتاي تتعب نفسك اخ هزاع



وروحت عنه ودش وهو متضايج



ولقى امه يالسه حبها على راسها : مرحبا امي



ام هزاع : هلا هلا هلا بولدي وينك انته ماتقول امي تحاتيني



هزاع : اسمحيلي امي بس لاني كنت سهران ويا سعيد ورقدت هناك



ام هزاع : انزين ايلس ويايه وين ساير



هزاع صعد الدري : بسير حجرتي شويه بتسبح وبيي عندج وصعد



ام هزاع : هزاااااااع



هزاع : هلا امي



ام هزاع : عقب ابا ارمسك تعال



هزاع استعيب بس ماقال شي وحط ف باله اكيد تبا ترمسه عن اليازيه لانها قالتلها شي



هزاع : ان شاء الله









منوه هذا حميد وشو سالفته ومن وين طلع ؟؟؟:marsa83:

وام هزاع شو بتقول حق هزاع ؟؟:marsa83:

بترمسه عن سالفة اليازيه والا عن شي ثاني ؟؟:marsa83:

جواهر شو بيستويبها ؟؟:marsa83:

واليازيه شو بتسوي حق جواهر وكيف بتطلعها من مشكلتها ؟؟ :marsa83:


في وااااااااااااايد اشيا بتستوي بس اتريوا الجزء الياي ان شاء الله وبتعرفون كل هذا واكثر واتمنى انه هالجزء عيبكم:marsa109:

[بنت المرسى]

مرحبا اختي جرناسه

ابصراحه قصتج واااااايد حلوه
ويلا استعيلي في باقي الاحداث
ok bay

[جرناسه]

:marsa117:هلا فديتج بنت المرسى مشكووره على ردج والحمدلله انها عيبتج وان شاء الله بكملها جريب:marsa57:


بس اقوول ترى شي طاخات عادي طوفوا هاه لاني اكتب بسرعه:marsa165:

[دلوعة المرسى]

فديييييييييتج جرنووووسه..
والله وااايد استااانست يوووم شفت التكمله...



تسلمين الغاليه..
و شوقتينه اكثر هذي المره للأحداث الجايه :):):)

[جرناسه]

هلالالالالالالالالالا دلوعة المرسى :marsa34: وينج كنت اتريا ردج .... وانا بعد فديتج استانست واااااايد بردج :marsa62: ان شاء الله اكيييد بكملها وردج وايد يشجعني بصراحه :marsa139: ماتتصورين كيف اقولج اني وايد استانس من ردج عليّه:marsa181: وكل يوم ادش عشان اشوف رديتي والا لا :marsa178: يمكن تستغربين شويه بس هاي الصراحه انه ردج يشجعني ويعطيني حماس واتحمس اني اكملها ... وان شاء الله يكون هالجزء عيبج:marsa197:

[خربوطه]

ما اقدر الا أني استانس و استمتع يوم اقرى قصتج:marsa67:

تسلمين على التكملة و بانتظار الباقي على أحر من الجمر:marsa126:

خربوطه:marsa185:

[دلوعة المرسى]

وجاااااااااااااااااااااااااااااااااااااااااااااااا اااان استانس :marsa56:




تسلمين الغاليه والله...
:marsa20: فرحت يوم قريت إي كاتبته، هذا من طيبج حبيبتي والله :marsa3:

:marsa67: هذا الجزء كان فيه غموظ وااااااااايد ..
وخاصه عن.. حميد!!!؟ :marsa42:

بس أم هزاااع.. إممممم.. شكلها سالفه ثانيه :marsa192:


و في مثل هذي المواقف بتبين الصداقه الحقيقه إلي واااايد
ندرت هذي الأيام.. والله أعلم شنو بتسوي يزوووي.. :marsa109:


يالله لالالا اتخلينا نتحير وااايد :marsa72:

[جرناسه]

دلوووعة المرسى .. قلت اخليه غامض .. لازم اشوقكم :marsa117: وان شاء الله بكملها اكيد ورى باجر او اللي عقبه .. فديييتج مشكوره على اهتمامج :marsa20:



خربووووووووووطه :marsa181: مشكووره والله على ردج .. والله رفعتوا من معنوياتي مع اني قلت اكيد القصه ماعيبتكم ... بس الحينه والله ردودكم شجعتني صدق وبكملها اكيد .. وانا متأكده الحين مليون بالاميه بتعيبكم ان شاء الله :marsa26:

[اسيرة الحب]

مشكورة جرناسة على الجزء وننتظر منش
الجزء اليديد

[أسيرة الطبيعة]

جرناسة
الصراحة لج مستقبل في كتابة القصص..ماشاء الله عليج.... بعد كم سنة بنشوف مسلسلات في رمضان ويوم انشوف اسم المؤلف ننصدم لأن اسمها جرنااااسة.. وانقول: والله وطورت الابنية..
استمري في الكتابة والاسلوب الجميل .. وأحلى مافي القصة هي بساطتها في اللغة العامية اللي يسهل تداولها بحيث ان كل حد يستوعب القصة و التفاصيل الدقيقة اللي في القصة.. ولج مني اقتراح بسيط ياريت اتعبرين أكثر في القصة من حيث ردة الفعل يعني مو بس اتقولين ان اليازيا عصبت وجي.. لو اتضيفين عليه ان مثلا عيونهعا اتوسعت، احمرت أو اخضرت، قلبها يدق بالقو، العرق يتصبب من جبينها يعني التفاصيل الدقيقة من هالنوع اللي بتزيد للقصة إثارة واتخلي القاريء كأن يشوف فيلم مب يقراه... عدا ذلك القصة توب "ماشاء الله"
إلى الأمام وربي يوفقج. :marsa177:

[جرناسه]

أسيرة الطبيعه مشكوووره على ردج وابداء رايج بصرااحه وان شاء الله بسوي اللي قلتي عليه:marsa63: .. وهالنقطه صح مهمه ولازم اعبّر بطريقه اكبر شويه ... مشكوووره الغاليه انج قلتي رايج اللي بالفعل اسعدني .. واتمنى ان القصه تعيبج وتستمرين ويايه:marsa47: .... واشكرج على اهتمامج .. والله مب عارفه شو اقولج على ردج الحلو هذا والله :marsa181:

[جرناسه]

:marsa36: <------ وحده مسطله على اخر الليل

يالسه اكتب الجزء اليديد وياني رقاااااااااااااااد وباجر بكمله وبحطه .... :marsa65: :marsa11: فيني رقاااااااااااااااااااااد تعبااااانه .. باجر بكمل الجزء مع اني كنت ابا احطلكم اياه الحينه بس ابا ارققققققد :marsa98: تصبحون على خير :marsa65:

[جرناسه]

مثل ماوعدتكم :marsa94: اني احطلم اياه .. كملته وتوه فرررررررش على قولتهم .. :marsa16:

وان شاء الله يعيبكم ....


وصلت اليازيه بيت قوووم جواهر ودقت الباب ودشت وولقت مرت خالد اخو جواهر يالسه ويا ام جواهر اللي يسمونها ام سيف ...

سارت وسلمت عليهم



اليازيه تعدل شيلتها وتسير صوبهم : السلااام عليكم



شما ( مرت خالد) + ام سيف : وعليكم السلام والرحمه



ام سيف : مرحبا مرحبا امايه اقربي فديتج



اليازيه تسير وتحبها على راسها : اشحالج خالوه ؟



ام سيف : الله يسلمج انتي اشحالج واشحال هلج وجيه ماتين بيتنا ولا تنشدين عنا قاطعتنا لا حس ولا خبر ؟



اليازيه : هههههههههه شويه شوي خالوه .. انا موجوده بس تعرفين الحينه فترة امتحانات ونيلس نذاكر.. وتصد اليازيه صوب شما وسلمت عليها



اليازيه تبتسم لها : اشحالج شما ؟؟



شما مبتسمه : بخير الله يعافيج ..وانتي اشحـ.. وتقاطعهم ام سيف : يلسي امي يلسي اشعنه واقفه





اليازيه : لا خالوه فديتج مشكوووره بسير عن جواهر الا هي وينها ؟



ام سيف : فوق في حجرتها مادريبها هالبنيه من البارحه ف الليل لين اليوم ماطلعت من حجرتها ويوم ازقرها تقول شويه ابا ايلس روحي مادري بلاها هالبنيه هييييييييه ياامج والله اني احاتيها



جواهر تحط ايدها على جتف ام سيف وتخفف عنها : لاتخافين خالوه جواهر مابلاها شي ولو فيها شي تراني انا بيي وبقولج على طول لا تحاتين ولا شي هذا يسمونه دلع بنات



شما: هههههههه صدقها خالوه اليازيه دلع بنات



وتصد ام سيف صوبها : واللله مايندرى فدييييتج .. الا وين خالد عيل؟



شما تيلس حذال خالتها اقتربت منها شويه : راقد جنه



ام سيف : بعد جنه ههههههه اسميكم انتوا



اليازيه تعبت من الوقفه لانها من اول مادشت واقفه وماطاعت تيلس مستعيله تبا تسير عند جواهر: اقول خالوه انا بسير عند جواهر حجرتها انزين



ام سيف تشوفها وتبتسم لها : سيري فديتج البيت بيتج

تسير اليازيه صوب حجرة جواهر ولا دقت الباب من كثر ماهي تحاتيها ودشت سيييييده وبغت تبطل الباب لقته مقفول



اليازيه تدق الباب بالقو : جواهر جواهر بطلي انا يزوي



جواهر كانت تصيح ميته من الزيغه وسيييده من سمعت صوت اليازيه ركضت صوب الباب وفتحته وتلوي(تحضن) اليازيه : يزوووووي وينج واخيراً ييتي تعالي لحقي عليّه وتصييييح



اليازيه تدش داخلل وتبند الباب وقفلته ويسلت جواهر على الكرسي وهي بعدها تصيح واليازيه لاويه عليها : بس عاد جواهر مايستاهل منج دمعه هالخايس بس ترى بيشوووف



جواهر وويها كله دموووع وعيونها حمراا من الصياااح : شو اسوي يا يزوي ششووو حبيته وحطيته في قلبي وحافظت عليه وسهرت ليالي عشانه بس خاني وتركته وعقب سنتين من الفراق ذكرني ودقلي من رقم غريب وانا رديت وويوم شافني مااباه هددني بالفضيحه وقال والله لاخلي العرب يرمسون عليج وهلج مايعرفون وين يودون ويوههم من الرمسه صدقيني يا جواهر صدقيني لاسويها واراويج مب انا حميد اللي بنيه مثلج جي تسويبي وتتكبر عليّه ماعاشت هاي في دنياها





اليازيه وهي فيها صيحه على حال ربيعتها ونفس الوقت معصبه على حميد وقلبها شاب نار من القهر : جواهر دخيلج لا تصيحين تراه مايروم يسوي شي والله بس انتي لاتسوين جي واسكتي وخلينا نفكر شو نسوي في هذا اللي اسمه حميد اللي يتحرى عمره ريّال



جواهر تصييييح وراسها يعورها من الصياح : والله محد يدري باللي فيّه محد حاس فيه شو اسوي خبريني



اليازيه تاخذ تلفون جواهر وتشوفه وترد تشوف جواهر : اقولج



جواهر : ...........



اليازيه معصبه وتشوف جواهر بنظره تدل على عصبيتها : اقووولج كم رقمه حميد ؟؟



جواهر ترفع راسها وويها كله دموووع وتبطل عييينها وترفع حيّاتها تشوفها باستغراب : انتي شو تقولين شو تبين في رقمه ؟



اليازيه تشوف تلفون جواهر اللي في ايديها وتلعب فيه : مالج شغل هاتيه وعقب بتعرفين



جواهر توقف وتسير تيلس على شبريتها : لا انتي شو تقولين جي بتزيد المشاكل وانا مافيني دخيلج



اليازيه وقفت وسارت صوبها : مابيستوي شي انتي هاتيه



جواهر متردده : اكيد مابيستوي شي؟

اليازيه وبكل ثقه : أكييييدين بعد



جواهر تشوف تلفونها اللي في ايد اليازيه : اخر مكالمه مستلمه هذا رقمه



اليازيه : اهااااااا اوكي



جواهر تيود ايد اليازيه وهي زايغه : انتي شو تبين تسوين؟



اليازيه تشل تيلفونها : مايخصج



تشل اليازيه تلفونها وتاخذ رقم حميد من تلفون جواهر وتدقله من تلفونها ويررررررررن



حميد وحشره وازعاج عنده : ألووو



اليازيه وهي شويه مرتبكه بس غصباً عنها لازم تسوي جي : السلام عليكم



حميد مستغرب : وعليكم السلام والرحمه منوه ويايه ؟



اليازيه تسير وتوقف صوب دريشة الحجره : مب لازم تعرف انا منوه .. بس حبيت اقولك ترى اللي تسويه في بنات الناس الله بيرده في خواتك والا حد من اهلك .. وتتحرى عمرك ريّال وانته جي تسوي اسمعني بقولك تـ....



ويقاطعها حميد وهو معصب : انتي ايه ايه منوه تتحرين عمرج جي ترمسيني انتي شو تبين صدق اننج......





اليازيه معصبه بس ماسكه اعصابها وتطالع جواهر وجواهر تشوفها وهي مبطله عينها ومب مصدقه اللي يستوي : اقووووولك انته .. ترى بنات الناس مب لعبه في ايديك واللي ينقال له ريّال مايسوي جي انته خربت معنى الرجوله كلها .. لا انته ولا عشره من امثالك جي يسوون في ربيعتي تسمع .. وحطني على بالك عدل ترى لا تتحرى اختك حصووه شريفة مكه .. لا تخليني اطلع سوالفها اللي ماتنقال بس انا مب رامسه الله يستر عليها ويود اختك قبل لاتسويه جي في بنات الناس وربوها عدل .. وانته خل يربونك من اول ويديد ويعلمونك شو هي الرجوله يالريّال .. ترى والله ثم والله ثم والله ان ماابتعدت عن جواهر لا اطلع فضايح اختك مسودة الويه .. واخليك انته ماتعرف وين تودي ويهك على قولتك من العرب والناس .. واخليك تندم على الساعه اللي فكرت فيها انك تأذي جواهر .. وانا عندي رمسه وايده ابا اقولك اياها .. بس الحينه هذا كفايه عليك اليوم مع انه شويه بس انت الرمسه ما........



حميد وينسمع صوت هدوء مره وحده لانه ركب السياره وهو معصصب لانه كلام اليازيه فوّر له دمه : انتي ايييييييييييييييه احترمي نفسج ياللي ماتعرفين المذهب .. وجواهر ربيعتج هاي انا براويها انا حميد تسمعين حميد مب بنيه تتكبر عليه انا البنات يتمنوني ويركضون ورايه ويتمنون اشاره مني واحمدي ربج رديت عليج وسمعت رمستج البايخه مثلج والبنات يتمنون ياخذووني



وتقاطعه اليازيه وهي خلاص مب رايمه تيود عمرها من العصبيه : خذك عفريت قول امين .. انته مب ويه احترام بس ع العموم انا قلتلك وانته برايك ... وتبند في ويهه



وتركض جواهر صوبها : اويييييه شو اللي سويتيه هذا



اليازيه وهي معصبه ومن عصبيتها تتنافض : الحقيييير هذا .. ان ماخليته يندم .. ويعرف انه البنات من لعبه بيده



جواهر وقلبها يدق من الزيغه : يزوي ترى بتيج مشاكل انتي في غنى عنها خليه يولي بس



اليازيه تيلس وتاخذ نفس شويه : لا بس ولا شياته .. ابا اخليه يعرف مب جواهر اللي جي يستويبها لا هو ولا عشره من امثاله جي يسوون فيج .. مب انتي اللي تنذلين له هالخايس



جواهر تتنهد : اااه يايزوي وتصيح : باعني والحينه يبا يفضحني



اليازيه تحط ايدها على جتف جواهر : لا ان شاء الله .. يخسي هذا .. لا هو ولاعشره من امثاله يسمونج بشي صدقيني .. بيفضج يخسي مايروووم دام انه اخته مسودة الويه حصووه



جواهر تسير وتيلس على الكرسي اللي مجابل اليازيه : انا بدونج ماكنت اعرف شو بسوي الحينه



اليازيه تبتسم بس بعدها هي معصبه شويه : فديتج كم جواهر عندي



نرجع لبيت قوووم ام هزاع





ام هزاع يالسه ويا ابو هزاع في الصاله على الارض ويالسين يسولفون



ام هزاع : والله مادري شووو اقولك صدقك الولد كبر ولازم ادورله حرمه



بو هزاع : انتي قوليله بس لاتجبرينه وتراني انا من الحينه موافق على اللي يباها



ام هزاع تشوفه بطرف عينها : هاه اشووفك عادي اللي يباها بتيوزه اياها بدون ماتعرف هي بنت منوه ومن وين يعرفها



بو هزاع يضحك : ههههههههههه لا ياموزه بس تعرفين ماابا اجبر على الولد على شي مايباه ترى عقب بتستوي اشيا مب زينه اذا غصبناه والزواج مسؤووليه حرام يعيش ويا وحده مايباها ويعذب بنت الناس شو ذنبها



ام هزاع تصد وتشوف التلفزيون وترمسه : هيه صدقك خلاص برمسه اليوم



بو هزاع : الا بتخبرج وين عيالج ؟



ام هزاع تغير يلستها وتيلس مجابلتنه : وانا بتخبرك مب عيالك يالس تقول لي عيالج



بو هزاع : هههههههههههههههه اسميج اليوم تضحكين بلاج ياابويه مشتطه جذه هههههههههههه والله ياموزه انتي سوالف ترى عيالي وعيالج بعد شووو



ام هزاع وترمس ببرود : هيه عيالي عيالك ولدك هزاعوه في حجرته ويزوي سايره عند جواهر



بو هزاع : وهاي يزوي اربع وعشرين ساعه مطيحه في بيت الناس خليها بعد تاخذ ثيابها واغراضها وتعيش عندهم



ام هزاع : هيه تراها تقول جي هي لو بيديها جان من زمان سوتها بس تتريا اشاره هههههههه



بو هزاع : وهزاع شو يسوي في حجرته



ام هزاع وتسوي حركه بيدها انها ماتدري : ماادريبه بس قال بيسير يريح شويه



بو هزاع يوقف : انزين اقوولج انا بسير الحجره ويوم تحطون الغدا ازقريني



ام هزاع : ان شاء الله



ويسير بو هزاع الحجره



وفي حجرة هزاع





هزاع منسدح على شبريته ويفكر بالكلام اللي قاله لاخته وكيف بيراضيها ويقطع حبل افكاره امه اللي دقت عليه الباب



ام هزاع تدق الباب عليه : هزاع ابويه افتح الباب



هزاع : ان شاء الله ان شاء الله لحظه امايه



ويفتح هزاع الباب وتدش امه وتيلس على شبريته



ام هزاع : بلاك انته قلتلي بسير ولا رديت وابوك يسأل عنك



هزاع اييلس على الكرسي مجابلنها : لا تراني اريح شوويه تعبان احس بعمري مصدع وراسي يعورني



ام هزاع : قلتلك ابا ارمسك شويه



هزاع : امري



ام هزاع : ياولدي انته كبرت الحينه وماشاء الله عليك غديت ريال وانا ياابويه مابدوملك وابا اشوف عيالك قبل لا امووت



يقاطعها هزاع : بسم الله عليج نساج الموت يعل يومي قبل يومج .. لا ياامي شو هالرمسه اللي يطول بعمرج الغاليه ويخليج لنا



ام هزاع تبتسم له : ياابويه هذا القدر تراه وهاي الحياه وانا ابا اشوف عيالك .. وييت اقولك اني اباك تعرس



هزاع وهو متضايج من طاري الزواج : بس ياامي بعدني خليني اتهنى بشبابي لاحق على مسؤولية الزواج والعيال



ام هزاع تشوفه : ياابويه انته مابتهدم شبابك على قولتك تراك بتعرس والزواج قسمه ونصيب وهاي سنة الحياه .. لاتردني انا ماابا اجبرك بس ودي افرحبك .. مالي غيرك ودلي العود الوحيدابا افرح فيه



هزاع : انزين خلاص شورج وهداية الله



ام هزاع استانست : وحاط وحده في بالك وتباني اخطبها لك تراني حاضره



هزاع وهو مستانس من رمسة امه : بقوووووولج



ام هزاع تغمز له : هاه هاه قول ابويه شكله الحب ملوعبك



هزاع يضحك : هههههههههههههههه اسميج ياامي .. مممم ابا ابا ابا



ام هزاع وتضربه على ايديه وهي تسولف طبعاً مب بالقو : يلا قوووول لاتحرقلي اعصابي والا تراني بدورلك وحده بروحي وانته ماتعرفها



هزاع ايود اي امه : لالالالالا .. بخبرج خلاص الوالده ماصدقت عاده ههههه .. الله يسلمج ابا جواهر



ام هزاع استانست من خاطرها : والله ياولدي .. هاي الساعه المباركه بنية زينه ونعرفها ونعرف هلها وبنت عرب وناس ... وماشاء الله عليها ماعليها قاصر .. ان شااااااء الله ماطلبت



هزاع يبوس راس امه وهو مستانس : فديتج ياامي عسى الله يطول بعمرج



ام هزاع : بس مب جنه بعدها البنيه مب مخلصه دراستها



هزاع : ادري ياامي ماعليه عقب الثانويه وهاي اخر سنه لها



ام هزاع وتقوم من مكانها بتطلع من الحجره : ان شاء الله برمس امها انا



هزاع يبتسم لها ويوقف : فديتج والله ياامي



وتسير امه تقول حق البشكاره تحط لهم الغدا ويحطون الغدا وكلهم يتغدوون هزاع وابوه وامه



وفي بيت قووم حميد يدش حميد البيت وهو معصصصصصب



دش الصاله ويلقى امه وخواته



ام سالم: بلاك ياابويه تعال



حميد معصب ويطالع حصه اخته وهو يبا يكفخها : ماابا ايلس وياكم .. بسير حجرتي وانتي ياحصوه طلعه من البيت ماشي تفهمين



وحصه مستغربه وزااايغه نفس الوقت لانها تدري انها مسويه اشيا غلط وتخاف بأي لحظه تنكشف



ميثا اخت حميد واصغر عن حصه ووايد متعلقه فيها وعمرها 16 سنه وماشاء الله عليها حلوه وهن كلهن اللي يميزهن الجمال اللي فيهن .. حلوااات



ميثا تطالعه وهي معصبه : تعال تعال شو بلاك عليها



حميد يسير صووب ميثا ويمسك ايدها بالقو : انتي مايخصج تفهمين انتي جب اخر من يرمس مابقى الا اليهال بعد يرمسون يلا جب



سالم وهو داش البيت سالم اكبر واحد فيهم وعمره 28 سنه ومتزوج وعنده عيال راشد ونايف وخلود

راشد عمره 6 سنين

نايف عمره 4 سنين واصغر عياله اللي هي خلود وعمرها سنه ونص



سالم يسير صوبهم ويزخ حميد من ايده اللي ميود فيها ميثا : انته ايه ايه بلاك على البنيه بلاكم صوتكم واصل لين برع.. هد البنيه بلاك جي زاخنها هدها اقولك



حميد يشل ايده عنها ومن ايد اخوه : فكني بس من اليوم وساير طلعه من البيت ماشي تسمعين انتي وياها



سالم معصب : شو فيك انته اتخبلت



ام سالم وهي معصبه وفيها الظغط واي شي يمكن يأثر على صحتها وترمس وهي معصبه على حميد : بتخبرك انته ما جدامك ام تقول بحشمها شويه والا بحترمها على الاقل مضيع المذهب اشوفك



حميد يطالع ميثا ويرمس امه : السموحه منج امي بس بناتج مايظهرن من البيت



وتدش حرمة سالم مروه وهي يايه من حجرتها لانها ساكنه ويا اهل ريلها



مروه تدش وتسمعهم يتضاربون



مروه تركض صوبهم : بلاكم خير خير بلاج عموه



حميد يطالعها بنظره كلها عصبيه : انتي مايخصج تسمعين سوالف الاهل لاتتدخلين بها



والكل استغرب منه ومن اسلوبه الوقح وياها ومروه استغربت والدمعه خلاص بتنزل من عينها اول مره حميد جي يقولها وجدام اهل ريلها وريلها



سالم يزخ حميد من كندورته صوب الرقبه : اقولك ايه احترم نفسك وثمن كلامك شكلك صدق ناسي المذهب ويبالك تربيه يالجلب .. حرمتي مايخصك ترمسها والا ترد عليها .. هذا اللي قاصر بعد انته بعد حميدوه اللي مايعرف كوعه من بوعه يرمس جي لكن حرام يااني اخليك ماستوى بيزه .. بس الحشيمه مب لك الحشيمه لامي الفقيره اللي ماتقولك شي اصبر عليه ياحمود يالجلب ....



مروه ودموعها في عينها تشل ايد سالم من رقبة حميد : ماعليه سالم لاتلومه الواحد يوم يعصب مايعرف شو يقول ماعليه وتراكم اخوان لا تتضاربون عشاني وتصيح وتسير حجرتها





ام سالم تسير صوووب حميد ووهي معصبه عليه وظغطها ارتفع : اسمعني ياحميد خواتك مايخصك فيهن انا اللي امرهم وانهيهن تسمع مالك جلمه عليهن انت بالذات واللي سووويته اليوم مابسامحك علييييه و...........



وفجأه تطيح ام سالم على الارض



ويركضون صوبها سالم وميثا وحصه وسالم معصب بس الحينه امه جدامه مايروم يسوي في حميد او يقوله شي



ميثا تصيح : اميييييه امييييييه .. سالم دخيلك يلا قووم نوديها المستشفى



حصه تصيح : كله منك ياحميدوه



سالم يشل امه وتساعده ميثا : مب وقته انتي بعد يلا قوومي هاتي عباتج وعباة اختج وسيري ييبي سويجي بسررعه اتحركي



حصه : انزين انزين وتصيح وتركض تيب عباتها وسويج اخوها وعباة ميثا





تتوقعون .. شو بيستوي على ام سالم ؟؟:marsa83:

حميد شو بيسوي في جواهر واخته حصه ؟؟ :marsa83:

سالم شو بيقول لمروه عسب يراضيها ؟؟:marsa83:

مروه شو بتسوي عقب رمسة حميد بتسير عند اهلها والا بتم ؟؟ :marsa83:

واليازيه كيف بتحل مشكلة جواهر ؟؟ :marsa83:

وهزاع بيسمع شي عن جواهربيخليه يهون عنها ؟؟:marsa83:

وسالم شو بيسوي في حميد ؟؟ :marsa83:

اشيا وااااايده بتغير مجريا ت القصه .. وبتستوي احداث روووعه .. وشورايكم في هالجزء .. وهذا كله بتعرفونه في الجزء الياي :marsa199:

[اسيرة الحب]

يا الله احنا نحارس الجزء اليديد

رووووووعة الجزء مشكووووووورة كشوخي

[حديقة الأحزان]

القصه وايد حلوه عيبتني بس أحس فيها مبالغه وايدززيعني معقوله كلهن حلوات.....
ومشكوره

[دلوعة المرسى]

:marsa75: تسلميييييييييييييييييييييين فديتج على الجزء اليديد

يالله اتريا الباجي :):) بس حقي :marsa193: :marsa193:

[اسيرة الحب]

لمتى جرناسة تاخرتين دي المرة

[دلوعة المرسى]

:marsa195:






نتريا باقي القصه :marsa128:

[شجون الامارات]

ا الله يعطيج العافية على هالقصة الحلوة...

بس لا تتاخرين علينا


نبي نشوف الاحداث اللي بتصير...


نتريااااج....


تحياتي لج...

[بنت آل بني ياس]

نترياج اختي جرناسة
لاتبطين علينا

[جرناسه]

:marsa139: السلام عليكم ياجماعه ... اسمحولي والله توني شفت الردود لاني مادشيت المرسى الا توه :marsa112:




حديقة الأحزان ... لازم شويه نمدحهن ونخليهن حلوات ... عشان القصه تكون أحلى :marsa94:





أسيرة الحب .... والله ماالقى وقت احط الجزء ... لانه دوامات .. ومااروم الا في الويكند .. :marsa85:





دلوووووووعة المرسى:marsa62: ... هلا الغاليه .. ان شاء الله فديتج بحطلكم اياه ومابتأخر :marsa98:





شجون الامارات .. تامرين وفالج طيب الغاليه .... :marsa157:





بنت آل بني ياس .. مشكوره على ردج .. وان شاء الله بحطه جريب .. ومابتأخر اوعدج ;)

[ميره]

القصه وايد حلوه..
نتريا باقي احداث القصه

[بنت المرسى]

تسلمين يالغاليه على هذه الجزء
ويل شدي حيلج نتريا باقي الاحداث

[رصاصة]

هلا والله هلا
الصراحة قصة ولا احلى منها انا توني اقرا القصة اخذت ساعتين وانا اقرأها بس ما مليت اول مرة ما امل وانا اقرا قصة ..
مشكورة اختي الجرناسة ..انتي كاتبة بارعة مشاءالله..
يالا ابي اعرف شو صار لجواهر.. الله يعينها...

[دلوعة المرسى]

جرنووووسه :)

[رصاصة]

السلام عليكم...
اقول ليش للحين ما كملتي القصة؟؟؟

[لامع البرق]

حووووووووووووو

النوخذانه (بنيه و نوخذه!!! اممف منقود عندنا)

كملي ليه السالفة و ين الباجي... عوذ بالله من شرج دهديه :marsa52:

[بنت المرسى]

جرننننننننننننننننننننننننناسه
وينج مليت من كثر ما اتري
يل فديتج استعيلي.............

[دلوعة المرسى]

:marsa105: تراااا بعصب!!!

[جرناسه]

مرحباااااااااااااا .... أعرف اني بتصفع :marsa141:


اسمحوووولي اتأخرت وايد وايد وايد وايد وايد واييييييييييييييد وااااااااايد :marsa97:
سوري والله بس لانه هالايام كلها امتحانات:marsa156: .... وان شاء الله بعد فترة الامتحانات بكملها لكم :marsa37:
اتمنى انكم تعذروني بس لانه مووول ماعندي وقت ولازم اذاكر .. وادعولي ....:marsa111:
وأكيد بكملها لكم وانا عند وعدي فدييييتكم والله :marsa112:


يعني يالله يالله ادش وارد على المواضيع واشوف القصص اليديده في المحمل ... :marsa98:

[اسيرة الحب]

لا عااااادي

حتى احنا علينا اختبارات وما نقدر ندش النت واااااايد

السموحة اختي

[دلوعة المرسى]

بس فترة الامتحانات وبنشوووووووووووووف...!!!...

[لامع البرق]

بينيه و بينج جرناسه انتي هب معذوره ابداً :marsa149:

انا ما عنديه امتحانات ش ذنبيه؟؟

الله ما يرضى بظلمي :marsa111:

[قرموشة]

السلام عليج جرناسة

يا ختيه قصتج وايد عايبتني من متى وأنا اتابعها

واليوم أنا سجلت فالمنتدى عشان اقولج ترانا نتريا منج التكملة

والله ايوففج

اختج

قرموشة

[دلوعة المرسى]

جرنوسه..


جرجر..



جرووووووووووووووووووووووووسه..


ياالله عاد نزلي الباقي !!؟؟

[دلوعة المرسى]

:marsa109: يا رب يا رب يا رب يا رب...

إتنزل الجزء ليديد قريييب

[زعيم المرسـى]

هـــــــــــــــــــــــــــــــــــــــــــــاي جرناسه
قصتج وايد حلوه

انا توني اليوم قريته وانتظر التكمله على أحر من الجمر

[همس الرحيل]

[QUOTE] مرحبا اختي جرناسة

وينج تراج ذليتينا بنا التكملة

رحمي حالنا

دخيييييييييييييييييييييييييييييييييييييييييييييييي يييييييييييييييييييييييييييييييييييييييلج

[زعيم المرسـى]

بينيه و بينج جرناسه انتي هب معذوره ابداً :marsa149:

انا ما عنديه امتحانات ش ذنبيه؟؟

الله ما يرضى بظلمي :marsa111:
صاج لامع البرق انا خلصت امتحانات اجازه يعني مافي شغل ولمشغله :marsa46:

[بنت المرسى]

...... مرحبا جرناسه
الامتحانات و خلصت و النتايج ظهرت
يعني يل فديتج استعيلي و حطيلنا الجزء
الباقي ....

[همس الرحيل]

بصراحة القصة وااااااااااااااااااااااااااايد روعة اختي جرناسة

ونترياااااااااااااااااااااااااااااااااا البقية بسرعة

بليييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييز

[نجود]

بصراحه اختيه جرناسه القصه وااااااايد حلوه وروعه
ونتريا الجزء اليديد

[زعيم المرسـى]

بل
جرناسه ماسارت امتحامات هذي

[AsWa El-MalaYen]

مشكووووووووووووووووووووووووووورة الغالية على القصة الجميييييييييييلة

[بنت المرسى]

... الاجازه باجر بتخلص و انتي
ما كملتيلنا القصه وشكلج ما
تبين اتكملينها عالعموم
مشكوره على كل حال...

[عاشق اصاله]

:marsa197: هااااااااااااااااااااااي :marsa197:

[زعيم المرسـى]

وينج جرناسه وايد طولتي

[AsWa El-MalaYen]

مشكوووووووووووووووورة الغالية على القصة الواااااااااااااااااااااااااااااااااااااااااايد حلووووووووووووووووووووووووووووووووووووة
:) :) :) :) :) :) :) :) :) :) :) :) :) :) :) : ) :) :) :)

[دلوعة المرسى]

ليش جذي جرنووووسه وين تكملة القصه إلي وعدتينا فيها !!!!؟؟؟؟

[abusamhan]

مشكوره أختي والله يعطيك العافيه

[العسل]

جرننننننننننننننننننننننننننننننننننننننننناسه
يل عاد مسختيها لين متى بتم القصه معلقه؟؟؟؟؟؟؟؟؟؟؟؟؟؟؟

[~خوخه~]

حرام عليكم كرهت القصص من كثر ماتقطعونها

نحن في الانتظار لكن الى متى؟؟

[دلوعة المرسى]

جوجوتي ... واااااااااااااااايد اتاخرتي علينا !!!؟؟؟

[عشق الليل]

يا رب يا رب تكفين كملي القصة تراني احتيج ابي اعرف النهاية لا تعلقينا بليييييز

[اشراقة المحبة]

يالله اختي جرناسة
اتاخرتي علينا والله شوقتينا وصرت مندمجة في القصة
كمليها علشاني بسرررررررررررررررعة
اختك.اشراقة المحبة

[عشق الليل]

اوووووووووووووووووف وينها

تكفين ابي التكملة

[بنت زايــد]

شي جميل
شي رائع..

ربي يعطيج العافيه...

نحن في انتظار الجزء السابع

[الجنون]

الامتحانات خلصت وابتداء الدوام وبعدها جات الامتحانات وهم بعد اخلصوا


والقصه بعدها معلقه ومو مكمله :(



لالالالالالالالالالالالا اتعلقونا

لما تكون القصه حلوه ونبي تكملتها بليز ياكاتبه كمليها لنا مو اتطنشينا :(


كملييييييييي القصه لانها روعههههههههههههههههه والله نسيت القصه من زود ماهي واقفه :(

[ملاك الروح]

طن ... طن... طن ........طن طن طن

















نداااااااااااء خاص وسريع موجها الى جرناسة المرسى ((( رجااااااااااء خاص من ملاك الروح الى جرناسة المرسى ...... تدعوها فيها الى اكمال القصة)))


















طوووووووووووووووووووووووووووووووط طوووووووط












انتهت المكالمة




ملاك الروح

[بريد الغرام 87]

مشكووووووووووورة يا جرناسة

[عشق الليل]

تكفي كملي اترياها

[دلع وقمر]

بليز كملي القصة ...

[لامع البـرق]

حووووووو.... عوذ بالله منك يا ابليس... يرناسه كملي السالفه!!

[ريناد الربيع]

السلام عليكم
نتريــــــــــــــــــــــــــــــــــــــــــــاج
على أحر من الجمر

[جرناسه]

الســــلام عليــــكم

أول شـــي أحـــب أشكــــر كــل من سأل عــن القصــه ورد عليها :marsa197:

واللـه ماكنــت بكمــل القصــــه ... لكــن ان شـــاللــه من بعــد هالردود الحلـــوه والاقبـــال الأكثــر من رائــع :marsa143: بكمـــلهــا ان شــاالله .. لكـــن بعــد ما اخلص من قصـــة
(أعظـــم اسبابــي لحبّــك .. طيبتك واصــلك ذهـــب)

واتمنـــى انــكم تتريـــوني :)

[©§¤°shory¤§©¤]

تسلمين اختي جرناااااسه الله يخليك لنا
لا نترياك

[ريناد الربيع]

السلام عليكم
نترياج الغلا
في الجزء لاتطولين علينا

[لوتي]

مشكوووووووووووووووووووووووورة حبيبتي بس كمليييييييييييييييي بسرعة

[لوتي]

جرناسة حبيبتي تأخرتي القصة روعة
خلاص تبخرت القصة أرجوك كمليها

[لوتي]

جراناسة ترى إن ما كملتيها بطلع لك وأقتلك لالالا بعدين
كيف اعرف النهاية ؟؟؟

[الدمعة الساكنة]

مرحبا؟؟
شحالكم؟
مشكورين على الموضوع المشوق الحلو...