ملف الاكلات الرمضانيه [الأرشيف] - منتديات مرسى الإمارات

مشاهدة النسخة كاملة : ملف الاكلات الرمضانيه

الحزينه

30-09-2003, 11:46 PM

السلام عليكم و رحمه الله و بركاته

شهر رمضان الكريم على الابواب و حبيت اكتب هذا الموضوه عشان يكون مرجع لكل الاخوات اللي في المنتدي و نكتب فيه كل الاكلات اللي ممكن نسويها في رمضان و اتمنى من الجميع المشاركه

و انا ببدا هذه مقادير اللقيمات

المقادير

3/اكواب طحين مخمر

ملعقةطعام كاستر

علبة قشطه

ملعقه وسط بكن بودر

نخلط جميع ماسبق مع بعض ونضيف له ماء حتى تكون العجينه لينه

ونترك العجينه حتى تختمر وقبل الصب نضيف لها بيضه

سلوم

01-10-2003, 01:32 AM

:marsa114: هيه و الله جرب رمضان... شهر العباده...

:marsa114: ربي يعطيج العافيه ابله حزون عالموضوع...
يسلمووووووووو

الحب وفا

01-10-2003, 02:11 PM

حزوووون...خوش فكرة...والله تفكرين ساعات زين:marsa165:

أنا عندي حلو...ماعرف شو اسمه بس نحن في البيت نسميه آيس كريم:marsa45:

المقادير:
2 دريم ويب
2 كراميل
2 حليب رينبو
2 قشطة
بسكوت سادة

اخلطوا كل شي مع بعض...صفوا طبقة بسكوت في طبق التقديم...وفوقه طبقة من اللي سويتوه...طبقو بسكوت...طبقة من اللي سويتوه...لين ما يخلص اللي سويتوه:marsa165:

أدري وايد صعبة الأكلة بس حاولوا مرة مرتين ثلاث وإن شاء الله بتستوي وياكم:marsa127:

******************************
سلووووووم....نبا ناكل:marsa39:

الحزينه

02-10-2003, 12:56 AM

تسلمين الحب وفا على هذه الطريقه

و ان شاء الله نجرب

بالنسبه للكاستر حطي فيه نكهه اناناس اول ما ترفعين الجدر من النار

و في طبق التقديم حطي قطع من الاناناس و صبي فوقه الكاستر رهيبببب

الشرجاوية

08-10-2003, 11:10 PM

حزون
يعطيج العافية خيتوووو :)

هدوء الليل

10-10-2003, 04:31 AM

بسم الله الرحمن الرحيم...

السلام عليكم ورحمة الله وبركاته..

متى بيي رمضان... اشتقت له .. ( الله يعطينا العمر ونبلغه إن شاء الله)..:)

حزون.. تسلمين على الوصفة... ( بسير أعطيها لأمي ختسويها :marsa12: )..

الحب وفا... جنه نحن هالطريقة بعد نسميها آيس كريم.. :marsa45:

====

اممممم أكثر شي فالحة فيه الورق عنب والمجبوس... :marsa120:

مقادير الورق عنب...

عيش ( أرز) ... ( على حسب الرغبة)...
كركم... ( على حسب الرغبة)..
ملح.. ( على حسب الرغبة)..
دقوس.. ( على حسب الرغبة)..
حبة ولا ثنتين ولا ثلاث طماطم.. ( ما فيه على حسب الرغبة :marsa127: )..
كزبرة... ( على حسب الرغبة)...
ملح الليمون ( ما انصح إنها تعدي الملعقة .. لأنها إن زاد يظهر الوراق وايد حامض.. وإذا كان عندكم شواب في البيت الله يعين.. تحملوا اللي بييكم لو صار حامض :marsa186: )..
وزيت زيتون..( على حسب الرغبة)..
فلفل أسود ناعم ( على حسب الرغبة)...

واظن بس...

المقادير ..

اخلطوا كل شي في بعض... وأول شي تغسلون العيش وبعدين ( على حسب الرغبة :marsa127: )...

وبعد ما تلفون الورق حطوه في الجدر ( ومن الأفضل لو تصفون في قاع الجدر بطاط عسب لا يحترق الورق )...

وكيف بتصفون.. هاي بعد نقول فيها ( على حسب الرغبة :marsa90: )..

وبالهنا والعافية .......

اوراق الورد

10-10-2003, 05:05 PM

سلوم .. هذاك اول شهر العباده .. الحين شهر الاكل والرقاد

عني انا مب فالحه غير في الاكل ..... انتوا اطبخوا وانا حاضره باكل حتى لو بتسمم من وراكم خاصه حلج الليل :marsa114:

مــــلاك

10-10-2003, 07:21 PM

مشكوره اختي الحزينه ..وبالفعل نحتاج لوصفات حق رمضان ..
بس ماعرفت شنو الطحين المخمر (( هل تقصدين به الطحين الي معاه خميره ))

وان شاء الله بحط لكم وصفات بس خلوني اتذكرها :marsa78: غبرت من العام

**][Hero][**

11-10-2003, 02:36 AM

هيه يا دنيا من شهر عباده وصيام إنقلب شهر النوم والطعام :marsa69:
ولو إن عادة ارسال الطعام للجيران والاقارب عاده طيبه :marsa13:
تنشر الحب والموده إلا ان الاسراف فيها حرام :marsa83:
الله يبلغنا رمضان ويبلغنا قيام ليلة القدر امين

نور القمر

11-10-2003, 06:31 PM

بارك الله فيج .. اختي الحزينة ..

ولو اني ميييييييييييييييييييييييييييييييييييييييح في الطباخ .. :)

بس ما عليه بشارك وياكم .. بسألج الوالدة ..وبرد عليج ..

تحياتي وسلامي لج ..

نور القمر ...

نور القمر

12-10-2003, 05:25 PM

حلى البسكويت .. لذيذة .. جربوها وصدقوني ما بتخسرون .. :marsa38:

المطلوب :

2 دريم ويب ..

2 قشطة ..

6 ملاعق نيدو " بودرة " ..

1 كريم كراميل .. "اصفر " ..

حليب بارد .. " بقياس كوب الحليب العادي " ..

بايركس ..

بسكوت " اي نوع بشرط انه يكون مربعات " .. وانا افضل الاصفر ..

خلاط ..

البرهان :

اول شي نقوم بتجهيز الخلطة .. باحضار الخلاط :

اضيفي كل من :

2دريم ويب ..

2 قشطة ..

6 ملاعق نيدو " بودرة " ..

1 كريم كراميل .. "اصفر "

والحليب اللي في الكوب ..

واخلطيهما في الخلاط ...

احضري الحليب مرة اخرى وضعيه في صحن غزير شوي .. :)

اغمسي قطع البسكوت في الحليب وصفيها في البايركس .. " طبقة واحدة " ..

احضري الخليط واسكبيه عليه .. " طبقة " ..

اعيدي عمل الطبقات حتى يتكون لديك 3 طبقات ..

وضعيه في الثلاجة .. حتى يبرد ..

وهني وعاااااااااااااااااااااااافية ..

جربوه وخبروني بالنتايج ... عشان اذا عيبكم .. بكمل وياكم سلسله الحلويات ..

تحياتي ..

اختكم في الله ..

نور القمر ...

اوراق الورد

12-10-2003, 05:39 PM

يمكن والله اعلم اني يمكن اجرب وادخل المطبخ السنه .. هذا والله اعلم :marsa45:

نور القمر

12-10-2003, 05:43 PM

اوراق الورد ..

في تقدم ما شاء الله ..

عقبالي :)

تحياتي ..

اختج في الله ..

نور القمر ..

riam96

13-10-2003, 01:25 AM

مشكوره مشكوره ما تقصرين

نتريا المزيد

شـامسيــة وبــس

24-09-2005, 11:34 AM

هي بنيات رمضان ياي يالله تعلمن تسون شي ....:marsa113:

اختي

تسلمين ....:marsa165:

روح الإمارات

24-09-2005, 12:20 PM

مشكووورة على الوصفه ... إن شالله نجربها .. بس أمايه موصيتني ما أستخدم الفرن << مرة بغيت أحرق البيت ..:marsa72:

بس بجازف عشانج ...

سجينه الحب

07-02-2006, 10:55 PM

مشكورة أختي (( الحزينة )) على الأكلات الرمضانية والله يعطيج العاافية ...