الحزين وبس
15-07-2004, 07:35 PM
السلام عليكم ورحمه الله وبركاته
شحالكم
عند الاشاره تستوي قصص وروايات
اغلبيه الرجال لهم طريقتهم الخاصه في شغل اوقات فراغهم يوم يكونون واقفين عند الاشاره
النوع الاول|
وهو الي يستغل وقته ويرتب سيارته ويفتح السده في سيارته ويعفس في هالفواتيرويفرها في الشارع وفجاءه ماتدري الاوهو ناقز في السيت الوراني الي ورى يرتبه ولا تستغرب اذا شفته ناقز في دبت السياره (الريال مرتب)وتشتغل الاشاره والاخ مشغول في التنظيف
النوع الثاني
وهوالي تقول توه يكتشف ان ويه محتاج تنظيف ويسحب في هالكنينكس وعلى خشمه واذا خلص بند السياره عشان ينظف اذنه بالمفتاح (قصده شريف)
وشوي ويقص اظافرايده وماتدري الاوهو رافع ريوله ويقص ظفوره يقصها هذا اذا كان معاه مقراض اظافر واذا ماكن موجود فالحل موجود طبعا يقص اظافره بواسطه اسنانه (قمه النظافه)ولا تستغرب اذا شفته مطلع راسه ويغسله بالشامبو هاها قويه
النوع الثالث|
وهو اكثر واحد يفرح اذا وقف عند الاشاره علشان يبداء يستعرض ويرقص هو وربيعه ويرقصون السياره وياهم
النوع الرابع|
وهو عكس الي قبله وهوالي يشغل شريط خالد عبدالرحمن وطبعا الاغنيه من كثر ماهي قديمه تشك انه مغنيها قبل توحيد المملكه ويكون ويه منتفخ من الصياح
النوع الخامس|
وهو الي تقول توه مكتشف انه ابو وماتسمع غير هواشه وتلعينه من صباح الله خيرالي تارسين سيارته وماتدري الا وهو ساحب العقال ويشخطهم (يستعمل اساليب التربيه الحديثه)ويفرهم بقوطي الكنينكس الي تارس السياره والفضل يعود للمحطه البترول يوم تخطف من عداله عطوك كنينكس هديه
النوع السادس|
وهو الي يستغل الوقت وييلس يتكشخ ويرش عطر ومشغل شريط (سيلين ديون)مسوي جو اجنبي
النوع السابع|
وهو الي اذا شفته ترحمه وتقول ميت من الجوع وتشك انه يالس في مطعم مب في سياره الريال ماسك الهمبرجر بيده والبيبسي والبطاطس بيده والشورما في حضنه وفطايرالجبن والبيتزا في السيت الوراني
النوع الثامن|
وهو الي تحس انه ماعنده وقت ابد ودايما بزي ولابس نظاره وخاتم ومبحلق في الجريده ومسوي زحمه في الشارع والي عداله طفشان ومشتغل مسجات بالتيلفون
النوع التاسع|
وهوالي سيارته متروسه مب ناس لا ماخلى كندوره ولا سفره ولا فنايل حتى البطانيه يايبنها وياه وشالنها معاه تعرفون الجو متقلب
هاذي بعض الاشكال الي نصادفها عند الاشاره والحين كل واحد يكتب شو يسوي عند الاشاره
يوم تشتغل الاشاره حمره
وتراها الا سوالف
تحياتي
شحالكم
عند الاشاره تستوي قصص وروايات
اغلبيه الرجال لهم طريقتهم الخاصه في شغل اوقات فراغهم يوم يكونون واقفين عند الاشاره
النوع الاول|
وهو الي يستغل وقته ويرتب سيارته ويفتح السده في سيارته ويعفس في هالفواتيرويفرها في الشارع وفجاءه ماتدري الاوهو ناقز في السيت الوراني الي ورى يرتبه ولا تستغرب اذا شفته ناقز في دبت السياره (الريال مرتب)وتشتغل الاشاره والاخ مشغول في التنظيف
النوع الثاني
وهوالي تقول توه يكتشف ان ويه محتاج تنظيف ويسحب في هالكنينكس وعلى خشمه واذا خلص بند السياره عشان ينظف اذنه بالمفتاح (قصده شريف)
وشوي ويقص اظافرايده وماتدري الاوهو رافع ريوله ويقص ظفوره يقصها هذا اذا كان معاه مقراض اظافر واذا ماكن موجود فالحل موجود طبعا يقص اظافره بواسطه اسنانه (قمه النظافه)ولا تستغرب اذا شفته مطلع راسه ويغسله بالشامبو هاها قويه
النوع الثالث|
وهو اكثر واحد يفرح اذا وقف عند الاشاره علشان يبداء يستعرض ويرقص هو وربيعه ويرقصون السياره وياهم
النوع الرابع|
وهو عكس الي قبله وهوالي يشغل شريط خالد عبدالرحمن وطبعا الاغنيه من كثر ماهي قديمه تشك انه مغنيها قبل توحيد المملكه ويكون ويه منتفخ من الصياح
النوع الخامس|
وهو الي تقول توه مكتشف انه ابو وماتسمع غير هواشه وتلعينه من صباح الله خيرالي تارسين سيارته وماتدري الا وهو ساحب العقال ويشخطهم (يستعمل اساليب التربيه الحديثه)ويفرهم بقوطي الكنينكس الي تارس السياره والفضل يعود للمحطه البترول يوم تخطف من عداله عطوك كنينكس هديه
النوع السادس|
وهو الي يستغل الوقت وييلس يتكشخ ويرش عطر ومشغل شريط (سيلين ديون)مسوي جو اجنبي
النوع السابع|
وهو الي اذا شفته ترحمه وتقول ميت من الجوع وتشك انه يالس في مطعم مب في سياره الريال ماسك الهمبرجر بيده والبيبسي والبطاطس بيده والشورما في حضنه وفطايرالجبن والبيتزا في السيت الوراني
النوع الثامن|
وهو الي تحس انه ماعنده وقت ابد ودايما بزي ولابس نظاره وخاتم ومبحلق في الجريده ومسوي زحمه في الشارع والي عداله طفشان ومشتغل مسجات بالتيلفون
النوع التاسع|
وهوالي سيارته متروسه مب ناس لا ماخلى كندوره ولا سفره ولا فنايل حتى البطانيه يايبنها وياه وشالنها معاه تعرفون الجو متقلب
هاذي بعض الاشكال الي نصادفها عند الاشاره والحين كل واحد يكتب شو يسوي عند الاشاره
يوم تشتغل الاشاره حمره
وتراها الا سوالف
تحياتي