ذكريات خالدة لاتنسى ,,

[<(((><]

السلام عليكم ورحمة الله وبركاته

ذا الموضوع جا على بالي طبعا كلكم عرفتو ايش الحملة اللي صايره في المرسى ((بر الوالدين))
اقترح هالموضوع لتخليد كل ذكرى سعيدة او حزينة او ايا كانت مع الوالدين ...


وانا راح ابتدي بسالفتي مع امي :

جا يوم ومرضت امي ووديناه للمستشفى ونوموها ومسكينة اول مرة ترقد في غرفة وهي كبيرة في العمر
وعرف كل الاهل بدخولها المستشفى طبعا وجاو في الحال وجلسنا معها .. الا برنة التلفون من احد الاقارب
فكلمناه وهي طبعا اول مرة اتشوف التلفون ماتعرف حق المستشفى .. فعلمناها انا بنتصل عليها من هذا ..
المهم انتهى وقت الزيارة فضطريا للخروج .. ويوم وصلنا البيت قال الوالد اتصل بامك شوف شمسويه ..

لاكن كل مااتصلت يطلع الخط مشغول .... خمس دقايق .... عشر ..... ربع ساعه .... ساعه .... الوالدة لحالها في غرفه...
المهم الوالد عصب ..... نعنابيكم تلفوناتكم ذي كذب روحوا اتصلوا من برى :marsa3: ...اتصلوا من برى ....مافيه فايده .... التلفون مشغول ..... راحنا لبيت عمنا .... بدون فايده التلفون مشغول ..
صرخ الوالد قوموا اسروا شوفوا ايش سالفة امكم .... ها عزالله قمنا ونركب في الهايلوكس المنزله والمغبره :marsa3:
المهم وصلنا المستشفى قالوا ممنوع مافيه زياره ..... يانعنابيكم امنا ماحن بدارين ايش فيها خلونا نشوفها والا والله ان رحنا للوالد بيمرمطنا ...... المهم بعدين دخلونا بقدرت قادر ويوم للوالدة ولينها في آخر نومه
وصحيناها يمه .. يمه ..وتقول شفيكم ياولاد ايش جابكم ..العنزة ماتت ولا ... :marsa3:
قلنا لايايمه مافي الا الخير .. ليش نتصل فيج والتلفون مشغول ... بس ماحصلنا السماعة
وين التلفون ؟؟؟ قالت هو ذيا ياعيالي حطيته تحت الوساده(المخده) ابغى ليحد منكم كلم يكون قريب مني ارد عليه ماني قادرة كل شوي اقوم له قلت اسحب تيا اللي نتحاكا فيها (السماعه)وحطيتها تحت وسادتي .....وباقي التلفون ماني بفي حاجته ولا هو بطايعني اسحبه :marsa36: ....


الوالدة كانت ساحبه السماعه وحاطتها تحت مخدتها تبغى لي حد كلم فلين السماعه قريب عندها

الله يخليها لنا انشالله ..
يالله السماعة لكم قصدي الدور لكم ...


:marsa3:

[الأنامل الفضية]

اللي سبق لبق :marsa193:

[<(((><]

والله موقف ماتحسدين عليه يالأنامل الفضية :marsa3:
ذكرى سيئة ,, الف شكر على التواجد والمشاركة..

يالله اللي بعدو

[الدنيا]

سمكه :marsa143:



الله يخليلكم الوالده يارب خخخخخخخخ عليها سوالف حلوه


الانامل :marsa157: الحمدلله على كل شي وان شاء الله ماتتكرر هالمواقف لحد


جنه موضوعي ويالسه ارد عليه خخخخخ ..

صح شكرا سمكه عالموضوع وايد حلوه فكرته .. بس يبيله دعايه :)


امممممممممممممممم طيب

انا بقول موقف بسيط صارلنا واحنا مسافرين المانيا لعلاج الوالده :marsa143:

طبعا الوالده ثاني مره تروح نفس المكان والمره الاولى كانت دايما في المستشفى .. عاد المره الثانيه بنتها الذكيه :marsa31: حبت اتكشتها في ربوع ميونخ .. ثاني يوم من وصولنا قلتلها قومي بنسير نتمشى في المارينا وهي منطقة تسوق .. عاد اتعرفون حرمه عوده وعبايه وبرقع خخخخخخ .. عاد الاجانب شافوا شي عجيب .. ووقفنا نتصور معاها مره انا ومره اخوي ومره بنت اختي .. قاموا الاجانب قالوا يمكن هاي شخصيه غير شكل:marsa164: وهذيل ( يعني احنا ) يتصورون معاها .. قاموا كل شوي ايينا واحد ويقولون ممكن اتصورونا معاها خخخخخخ ويوقفون عدالها يتصورون .. طبعا الصور لنا بس كانوا يبون يتصورون خخخخخخ

كان الموقف يموت من الضحك بس عدى :marsa143:

[قوت القلوب]

اولاً مشكور على الموضوع..

انا بقولكم لقطات سعيده مع العايله

في مره شفنا مسلسل عن عايله تطبق نظام الاسابيع..يعني كل اسبوع واحد من العايله يكون الآمر الناهي..ابوهم كان مقترح الفكره عشان يعلم ابنائه تحمل المسئوليه ابوي وامي عجبتهم الفكره وطبقوها فينا (فئران تجارب) ..صارت ذكريات حلوه اذا اسهبت فيها بيطول الوقت بس بقولكم موقف واحد منه ...كانت العايله تحت رحمة اختي الكبيره في هذاك الاسبوع ..وكان آخر يوم من الاسبوع وطلبت من كل واحد طلب و اتذكر انها طلبت من اختي الصغيره تاكل طماطه غصب ..وياعيني البنت ما تطيق شيء اسمه طماط ...المهم البنت في النهايه حاولت تاكل الطماطه بس بعدها .......................................طلعت كل اللي في احشائها الداخليه.........هههههههههههه

............................................


كان في الليل نطلع نتمشى كل العايله في مكان بعيد عن الشارع وكان طول الطريق سوالف ومساجلات شعريه ونتسابق كانت
ذكريات حلوه و انشاء الله نعيدها هالسنه لأنها كانت لحظات حلوه ولا تنسى...
.................................................. .......

يوم كنا صغار حبينا في يوم من الايام نفاجئ امي وابوي بحفله راااااااااااااااااااااااااااقيه ..طبعاً كنا صغار ما نعرف نسوي كيك وهالسوالف وشترينا من دكان سعيد بن علي كيكه بخمسين بيسه يعني نص درهم يحليلنا وشترينا معها كافي وبيبسي بعدها دهنا الكيكه بالكافي وزينها بالحلويات بها الطريقه تكونت التورته اللي تاكل اصابع ايدك وراها ...امممممممم يمي يمي... وسوينا الحفله وخلصت ......ووووووووووووووووووووووووبس

[<(((><]

الدنيا هيهبها الله في وجهك انتو رايحين زيارة ولا مستشفى
وصايرة الوالدة تراث كلن بيصور معها ,,ذا الاجانب كل ماشافو شي قالو صور
يالله الحمدلله على السلامة

خخخخخ الدنيا انتي راعية الاعلانات تسوين لنا دعاية في ميونخ :marsa5:

[<(((><]

هلا والله بقوت القلوب
ياحلو سواج كلها كيكة وترورته :marsa194:
بس عليكم حراكات وسوالف ,,حلوةاول سالفة راح اسويها خخخخخخخ
واكتب لكم النتايج ..

مشكورة قوت القلوب على التواجد والمشاركة..

يالله اللي بعدو :marsa13:

[اطياف العذارى]

اما عن ذكرياتي الحلوه اتذكر لما كنت انا واخواتي ننام في بيت قوت القلوب وهم نفس الشيء يناموا بعض الاحيان معنا .. تصدقوا انا كنا نتهاوش وااايد لأننا ملينا من بعضنا .. بس اتمنى ان هذيك الايام تنعاد علينا .. قوتوه تعالي نامي بيتنا ( لالا انتي كبيره وعيب تنامي خارج بيتكم) لوووووول

[الدنيا]

الدنيا هيهبها الله في وجهك انتو رايحين زيارة ولا مستشفى
وصايرة الوالدة تراث كلن بيصور معها ,,ذا الاجانب كل ماشافو شي قالو صور
يالله الحمدلله على السلامة

خخخخخ الدنيا انتي راعية الاعلانات تسوين لنا دعاية في ميونخ :marsa5:

خخخخخخخخخخ مافهمت .. بس صدق اخوي سمكه كان احراج وتعرف الاجانب كل شي عندهم عادي .. والمشكله انهم مايعرفون انجليزي حتى في دكاتره في المستشفى ومعظم الممرضين مايعرفون والمترجمه مب دايما معانا ..

وعن ميونخ .. ترى حلوه خخخخخ .. واحلى مافيها ملعب كرة القدم اللي بيسوون فيه كاس العالم .. خخخخ يلا سيرو اعرف واحد عنده شقق زينه خخخخ

[<(((><]

اطياف العذارى ياهلا بج اختي كل هالسوالف تطلع في قووووت يسلمو
ماتبخلي علينا لو في سوالف عن قوت اعرف عليها سوالف ,,


الدنيا والله عليكم حراكات حلوة ..
بس الكلمة لا تحاولين مارح افسرها انا قلتها بالعمد عشان ماتفهميها :marsa102:
اخلص بعد رايحة ملعب كرة قدم شجاب لج هالسوالف .. كان رحتي اسوقه..

يالله نتريا سوالفج.. :marsa161:

[الحزينه]

ههههههههههههههههههههههههه


سمجه بصراحه قصتكم عجيبه

الله يخلي لكم الوالده ان شاء الله و يطول بعمرها

[بريد الغرام 87]

مشكووووووووووور على الموضوع

[<(((><]

ههههههههههههههههههههههههه


سمجه بصراحه قصتكم عجيبه

الله يخلي لكم الوالده ان شاء الله و يطول بعمرها
ياهلا بج اختي الحزينه شاكر مرورج ومتابعتج الموضوع
بس كنت اتمنى تشاركينا بسالفه ..

بريد الغرام 87 ياهلا بج اختي شاكر متابعتج