لاتسألوني اشحقه مابتزوج وخاصه المواطنه

[هزاع x5]

يمكن البعض يوم يقرا العنوان يقول عني مب مال عرس بس اللي سمعته عن مصاريف الزواج خلاني أأجل
يوم بيستوي رصيدي في البنك مليون بسير أتزوج

بس مابتزوج مواطنه تدرون اشحقه ... أنا بقول لكم شو اللي خلاني أكون جيه واحد من شباب بوظبي راح يتقدم حق وحده ووافقو عليه والريال والنعم فيه راعي خلق ودين اللي شد عقلي إنه خسر بس على حفله الملكه والخطبه وملابس العروس بس دون المهر 270000 مئتان وسبعون ألف هذا في الخطبه والملكه
بعد المهر كم ؟؟؟ والعرس كم بيكلف ؟؟؟؟ أدري بتقولون الناس ماهي سوى بس لو نشوف نسبة العنوسه والشباب اللي يزوجون من بلادن عربيه أو أجنبية والله ما الومهم هذا العرس أظني في بوظبي بيكلف مليون وإلا مليونين التاجر يروم على هذي المبالغ لكن الفقير اللي اعتماده على الله وذاك الراتب كل أول شهر تشوفه صاف طابور عن مكينة الصرافه اللي في المحطات وإلا بالبنوك والله يعلم إذا ماكان مديون حق البنك شاري سيارة وإلا مأجل قسط وإلا معدل غرفته بسلفيه ...
لكن بعض الآباء والأمهات مايفكرون بسعادة بنتهم هدفهم يكسرون عين فلان أو فلانه بنت فلان مب أحسن من بنتنا ... أنا وياهم بجيه بس كل شي بالعقل
البعض من الأهالي يفكرون بأنه بهذا الشي راح يسعد بنتهم وأنا أقول لا والله بيضيرها وبكون النتيجه طلاق بنتها ..
مب مجرب بس عايش مع الناس وأشاركهم مشاكلهم ....
لو يسون إحصائيه عن نسبة العنوسه في الدولة بكل بيت بيلقونها نسبة كبيرة بس من سبب هذي النسبة الكبيرة ؟
وكل بيت بيلقون فيه أقل حاجه بنتين انحرمن من الزواج شو السبب ؟؟؟ (((( طمع الأهالي )))) مب جيه أحسن بقولكم بعض مطالب الأهالي مب كلهم البعض منهم حرام نظلم حد إذا طرش واحد يبا يخطب فلانه حق ولده أهل البنت يفرحون ويستقبلونه أحسن استقبال لو نشوف مطالبهم ما أعرف مطالب كل المناطق بس بقول عن منطقتنا : ـ
1 _ المهمر المعروف ...؟؟؟؟
2 - رضوه (( ضمان وافقت أبو العروس وأمها )) 10000 للاب و5000 للام هذا أقل سعر أنا أقوله
3 - شداديه (( وحده من الفريج تراقب وتسأل عن أخلاق المعرس وسلوكه ))
4 - الذهب أقل حاجه 50000
5 - ملابس العروس ؟؟؟
6 - الطبخ والنفخ ؟؟؟ وغير ذلك أتمنى من جميع الأهالي يراعون الشباب ومايقطعون بنصيب بناتهم وإذا قلت مابتزوج جان قصدي ألفت إنتباهكم
وأرجو من جميع الأخوات بأنهم مايزعلون مني على الصراحه ...

[هـــزاع]

السلام عليكم ورحمة الله وبركاته

اول شي احييك اخوي بينا ... حي الله هزاع رقم 2 :marsa164:


بالنسبه لموضوعك حلو ومثير

تبغي الصراحه انا داش عشان اشوف منو هذا هزاع بس شفت الموضوع وعيبني :marsa119:


الموضوع الي تثيره حلو وكل الي قلته صح .. بس يا اخوي هذا مب منطق مثل ما قلت في منطقتكم يطلبون هالطلبات .. بس في مناطق ثانيه ما عندهم هالسوالف رضوه وغيرها


شو رايك اني اعرف واحد .. دافع مهر خمسين .. وذهب وزهاب حوالي الثلاثين .. وعندك القاعه 28 درجة اولى ..ومصاريف ثانيه من الليتات والبطايق ومقهويات وما اعرف شو سوالف حريم حوالي العشره ..

يلا عاد احسبهن ... يالله يظهرن على الاميه وشوي .... ما اظن انه هالاميه وااايد على بنت البلاد

صح انه المبلغ يعتبر كبير بس انته لو تحسبها بالحسبه المعنويه وبتفكر في المستقبل يوم بتشوف عيالك والمشاكل الي ممكن يوصلون الها من الزواج من الاجنبيات ... لانك انته ما بتعاني كثر ما بيعانون العيال


يوم تفكر تشتري سياره كم تحط جيمتها ..... قريب الاميه .. صح ولا انا غلطان وتحط على عمرك ديوون مالها اول ولا تالي بس عشان الرزه ... عيل الافضل انك ترز عمرك ويا بنت بلادك ولا ترخص نفسك ويا الاجنبيه واحسن من السياره على الاقل ادوم وتغلى ما ترخص جيمتها


ويلا سامحونا

وجان شي طاخات سولها طاف تالي الليل ما نجمع :marsa171:

[الدنيا]

:marsa13:


والله دشيت وقريت الموضوع ومانتبهت ان اللي كاتبه عضو يديد اسمه هزاع .. يعني هزاع 2 ..

اول شي ياهلا ومرحبابك اخوي بين اهلك وناسك .. وخذ راحتك ويانا وكلامك مابيزعل حد لانه واقعي ..

بس زغت قلت بلاه هزاعووه استنزل علينا .. امس يقول محد احسن عن بنات البلاد ( متى قال مااحيد :marsa13: )


المهم
صراحه موضوع مهم وانذكر وايد لكن دام المشكله موجوده .. مانقدر الا انا نتناقش فيها يمكن نشوف لها حل .. مع انه صعب يتحقق .. الاهالي في روسهم اشياء مابيغيرونها .. ورواتب عيلنا مثل ماهي .. والمصاريف وايد والدنيا غلت ..

الله يعين الشباب والله على بعض الاهالي اللي يطلبون اشياء تعجيزيه ..

والله يعين البنات على اهاليهن :marsa74: ..

وحبيت اقول لهزاع 2 واسمحلي اقول توو عسب نفرق بينك وبين هزاع ولد المرسى الجديم :) .. حبيت اقول ان بنت البلاد لو تعبت وايد الين تاخذها وخسرتك .. مستقبلك ان شاء الله بيكون في ايد امينه وبتحفظك .. بس الغريبه وراها مشاكل انت في غنى عنها ..

ومثل ماقلت البعض هو اللي يغالي في الطلبات والبعض الثاني لأ .. وانا اقول .. كل يدور نصيبه من الناس اللي تناسبه وتناسب مستواه .. هذا الحل في الوقت الحاضر ..

والسموحه عالاطاله وعلى كل شي :marsa177:

هزاعوه .. ماشي عندك طاخات بس طبجتك عنده :marsa118:

[اطفائى997]

اهلا فيك مرة ثانيه يااخ هزاع وتسلم على الموضوع الجميل واعتقد انك انت اللى ذكرته هو اول شى اللى يتجهون شبابنا الى الزواج من اجنبيات غلاء المهور وغلاء الافراح هذيل هم الاسباب .

[عجيد الريم]

السلام عليكم

في البدايه حياك الله اخويه هزاع 2

منور بيتك الثاني

واسمحلي على المداخله ...


للأسف اغلب الفتيات يبون اعراسهم فوق المستوى ...

حتى لو كانت امكانيات الزوج محدوده ...
ومايهمها لو تسلف او راكم الديون على ظهره ...

هالشي يكون عادي عندها مادام انها ليلة العمر مثل مايقولون ...

للأسف صرنا نعيش في وقت الماديات اهم من كل شي ..
ولا كأنه الرسول صلى الله عليه وسلم حبب ان يكون مهر المرأه بسيط ...

مااعرف شو اقولك اخويه غير الله يعين الشباب الي في مقتبل العمر والي على ويه زواج

والسموحه منك...

اختك :حوريه :)

[الزنبقة السوداء]

السلام عليكم :marsa94:
حبيت اشارك في موضوعك

أنا بتكلم على اللي اشوفه في بلادي قــــــــــــــطــــــر

هو عاداتنا ماتختلف عنكم حتى اعراسنا :marsa197:

بس بغييت اقولك ان مب كل البنات يغالون بالمهر وهااي رفيجك هو اللي مبالغ في حفلته

وياهزاع انا مااعتقد ان بتخلو البلاد من اللي يطلبون على المستوى......واقولك الصج كل بنيه تتمنى يكون عرسها حلووووو....بس بعد لازم تتعامل على قد ميزانية اللي بتاخذه :marsa58:

وشكرا

[عويد الموز]

السلام عليكم ورحمة الله وبركاته

اول شي احييك اخوي بينا ... حي الله هزاع رقم 2 :marsa164:


بالنسبه لموضوعك حلو ومثير

تبغي الصراحه انا داش عشان اشوف منو هذا هزاع بس شفت الموضوع وعيبني :marsa119:


الموضوع الي تثيره حلو وكل الي قلته صح .. بس يا اخوي هذا مب منطق مثل ما قلت في منطقتكم يطلبون هالطلبات .. بس في مناطق ثانيه ما عندهم هالسوالف رضوه وغيرها


شو رايك اني اعرف واحد .. دافع مهر خمسين .. وذهب وزهاب حوالي الثلاثين .. وعندك القاعه 28 درجة اولى ..ومصاريف ثانيه من الليتات والبطايق ومقهويات وما اعرف شو سوالف حريم حوالي العشره ..

يلا عاد احسبهن ... يالله يظهرن على الاميه وشوي .... ما اظن انه هالاميه وااايد على بنت البلاد

صح انه المبلغ يعتبر كبير بس انته لو تحسبها بالحسبه المعنويه وبتفكر في المستقبل يوم بتشوف عيالك والمشاكل الي ممكن يوصلون الها من الزواج من الاجنبيات ... لانك انته ما بتعاني كثر ما بيعانون العيال


يوم تفكر تشتري سياره كم تحط جيمتها ..... قريب الاميه .. صح ولا انا غلطان وتحط على عمرك ديوون مالها اول ولا تالي بس عشان الرزه ... عيل الافضل انك ترز عمرك ويا بنت بلادك ولا ترخص نفسك ويا الاجنبيه واحسن من السياره على الاقل ادوم وتغلى ما ترخص جيمتها


ويلا سامحونا

وجان شي طاخات سولها طاف تالي الليل ما نجمع :marsa171:

صدقت ياخويه ... وانا هااللي اشوفه .. الشباب ما اتهمهم غير هالاشيا ..
وبعدين الاجنبيه ما بتنفعهم .. يعني هاي اشو تعرف عن عاداتنا و تقاليدنا ... :marsa42:
ومب معقوله كل بنات البلاد ما يحسن .. لازم كل وحده فيهن ترضى بنصيبها ..واذا بيتم الحال جذه
كلهن بيعنسن .. بس هذا مب معناته اني اوافق على زواج الشباب من برع ..

{ حلات الثوب رقعته منه وفيه }

[هزاع x5]

أشكركم اخواني على مشاركاتكم والهدف من الموضوع إني شفت ظاهره غيربه ومشكلة تصادف كل شاب وحبيت أطرحها عسب استفيد وانتو تستفيدون والسموحه منكم

[الرحيل]

السلام عليكم ورحمة الله وبركاته


أول مرة اسمع ان الخطبة والملكة بس كلف ريال 2700000 مثل ما قالت الزنبقة الريال بالغ


بس صدقت يوم قلت ان في أهل شوي يبالغون بس مب الكل لأن العاقل يعرف ان هالشي ضد البنت


سلامي : الرحيل

[الحزين وبس]

مشكور أخوي على الموضوع الوااااايد مهم والله صدقت محد خلى الشباب يتزوجون من خارج لبلاد غير هالمهور الكبيره ما نقول الا الله كريم

تحياتي

[الحزينه]

تسلم اخوي على هالموضوع

و انا اقول انه بنات الحلال اللي يرضن بالقليل موجودات والاباء اللي يبغون الستر السعاده لبناتهم بعد موجودين يمكن يكونون قليل بس بعد موجودين و موب الغلاه موجود في بوظبي و بس هذا الشيء منتشر في كل الامارات تقريبا ..... و اللي يدور و يسال عن هذه النوعيه من الناس اكيد بيلاقي و الله الموفق


و اعتقد انه باقي النقاط الاخوات وفن و كفن فيها

[the_pirate]

سلام عليكم ورحمة الله وبركاته..

اللي ماعنده ما يتزوج ...

واللي يشوف المهور غاليه يدور يدور الأرخص (( وين نحن في معرض سياير خخخ ))..

وبيت عن بيت تختلف فيه الطلبات شي غاليه وشي على قد الحال ..

وكل واحد يرقد على الجنب اللي يريحه ..

وطبعا بعد الزواج اكيد الواحد بيكون عليه سلفيات ( اغلب الشباب ) تتراوح بين مية الف وثلاثميه ألف .. ( ها يختلف من الحاله الماديه لكل شاب )

وبعدين ترا ملينا من كثر ما تقولون يشتري سياره او يسافر مادري بكم بميه ميتين ألف ..
ياخي الواحد يريد لنفسه الأحسن وها الشي معروف اهني ....

وبعدين مهما كانت السياره اللي بتاخذها مستحيل الجيمه تقل عن 70 ألف عشان تجاري الموجود ..
شو يعني الشاب يركب حمار .؟ اصلا من حقه هو ياخذ سياره اللي يريدها وأبي جيمة ..

وبعدين يوم بيروح يبيع السياره بتيب له جيمه .. اما الحرمه أذا خذها وبعدين ما اطفقوا وحصلت خلافات ..
وطلقها شو بيحصل من وراها غير الخساير ثم الخساير ..

مع ذلك تدور سنة الحياة وفي الاخير بيرضى الشاب وبيتزوج ... حتى لو كمل الثلاثين وبيحصل بنت الحلال أللي ترضى فيه .. لنه في الاخير نسبة الأناث اكثر من نسبة الرجال ..
..
..
...
وتشكر على الموضوع ...

[هدوء الليل]

بسم الله الرحمن الرحيم..

السلام عليكم ورحمة الله وبركاته..

يا هلا فيك أخونا في الله هزاع 2 في منتديات مرسى الإمارات.. وإن شاء الله تفيد وتستفيد..:)

بِــــ( كل صراحة) صارت المظاهر تحتل حيز كبييييير من عقول البنات والأهالي ( طبعًا هب الكل ) ... المعروف شرعًا إن أتاكم من ترضون دينه وخلقه زوجوه ، وصار في زمانا وكأنه من تقدم وجيبه مليان وقادر يسوي عرس يرمسون فيه الناس زوجوه... انزين والدين والخلق وينهم..........؟...

لكل من قارن السيارة في المرأة، فأقول فيه فرق وفرق كبير، السيارة ما فيها عقل والمرأة الله عزوجل أكرمها بالعقل...بِما أنه عند الفتاة عقل ولله الحمد فالمفروض يوم يتقدم لهاشخص تشوفه على دين وخلق ، توافق على هالأساس ، والله يا بنات هب مهم عرس وفستان وفشخرة هاي كلها مظاهر وتزول هب لازم تركَبين الدين على راس ريلج وتبنين حياتج من أولها على ديون عسب بس ليلة يرمسون فيها الناس وبعدها ينسون ، ولا تنسين أختي العزيزة إن الله لا يحب المسرفين، السعادة والله هب بالفندق الفلاني والشبكة الألماسية ، السعادة بأنج تعيشين بكنف ريل الله أكرمه بالإلتزام وبطيب الخلق... هذه هي السعادة.....

ويزاك الله خير أخويه على هالموضوع المنتشر في مجتمعنا بشكل كبير...

[بنت البلاد]

:marsa22:
اقلكن مهرا اكثرهن بركه.. طبعا هذا كلام الرسول عليه الصلاة والسلام.. لكن للأسف من الي يطبق هذا الكلام..

بس الدنيا بعدها فيها خير.. فيهم من الناس الي يفكرون ويطبقون هذا الكلام.. بس شو بنسوي شو بنقول..

صح كلامك اخوي هزاع x5 وايد ناس شي الي يغالون في المهر وما يعون ان بهالشي يضرون بنتهم بالخساير.. ما يحطون في بالهم قيمه الخساير الي تلحق بحياة البنت.. فاتخيلوا حياة بنت اتعيش ويا واحد غرقان في ديونه فلازم في هذه الحاله تحرم نفسها من وايد اشياء عشان يقدرون يسددون قيمه الديون الي عليهم بسبب بعض المصارف الي مالها قيمه عشان ليله زواج فقط.. مع ان بإمكانهم يخلون ليلتهم هذه ليله من العمر لكن بصرف اقل.. وابسط..

ما انقول غير ان لازم ننشر الوعي في بعض العائلات المتخلفه(واعذروني على هالكلمه) لأنهم فعلا متخلفين ما يعون الضرر الي حاطين نفسهم فيه.. وهذا كله بس عشان السمعه والناس..

فاتخيلوا عشان خاطر الناس انحط اعمارنا في ديون الله ما يرضى بها..

وعن المتطلبات اليديده الي طلعت لنا.. مثل الرضوه.. اظني ماشي ضمان اكبر من الكلمه.. فكيف انك تدفع بيزات عشان تضمن الموافقه.. يعني الله ما يرضى فيها..

بس ما انقول غير الله يهديهم.. :marsa109:

[غصون]

هالظاهرة بدت تنتشر في الخليج ونحن ما نباها تعم كل الدول والمناطق ..

لانه حتى لو الواحد ما تعب ولا دفع مهر حق واحدة أجنبية ،،، بيتعب عياله وأهله بعادات يديدة وتقاليد يديدة وسلوكيات الكل في غنى عنها ..

وانا في رايي أن الواحد ما يتزوج خير شر ،،، أبرك له من أنه يتزوج أجنبية غريبة عنه ..

هذا رايي ،، مشكور أخوي هزاع على طرح هذا الموضوع اللي بالفعل يحتاج للنقاش المطول ..

ودمتم سالمين :)

[هزاع x5]

تسلمون اخواني على الردود الطيبه بس الكلام مايفيد دام إنه ماشي تنفيذ ونتمنى من كل الأهالي يتفهمون ظروف الناس ومب كل واحد عنده يلبي طلبات أهل العروس وأدعي ربي إنه ماتم وحده في بيت أبوها عانس ويتزوجون كلهم ويرزقهم بيعال وذريه صالحه والولد الله يرزقه ببنت الحلال اللي تحفظه وتحافظ على عياله وتسلمون مره ثانيه

[السفينة]

اولا يا هلا و مرحبا بك خويي مبينا

ثانيا : اخواني .. مب كل أصابعكم سوى .. في وايد ناس يبالغون .. ويضلون في ديون طول عمرهم .. اشحقه عاد ..

سووا اعراس على قدكم .. و عيشوا مرتاحين ..

اعرف وحدة من 3 اشهر متزوجة .. ما طاعة تسوي حفلة عودة و لا في فندق .. سوتها بين الأهل و في البيت .

و بدل التبذير والأسراف شروا لهم بيت .. و تسكنه مع ريلها الحين .. و الله عين العقل ..

اخوي الله خلق الغني و الفقير .. و البنت الي ما ترضى فيك مثل ما انت لا ترضى فيها .. هاي مخترعة ..

و مب شايفة خير .. انت جرب .. و دور لك على بنت الحلال .. ترى ( حلات الثوب رقعته منك وفيك ) .

و وايد غيرك جربوا و خذوا عربيات و اجنبيات .. و متحسفين .. فكر في عيالك .. شو بتكون أشكالهم .. و لغتهم ..

حاول .. مرة و مرتين و عشر .. ولا تيأس ابد ترى الدنيا بعدها فيها ناس طيبين |..
يدورون الستر و ما يسعون ورى المظاهر ..

[الخيّال]

مشكورين على الموضوع المميز
أنا بشارك مشاركة بسيطة في حالة أنا أحس فيها
أولا الوالد متزوج من ثنتين وهذا حقه
الحرمة الثانية اللي ماخذها من إحدى البلاد العربية غير الخليجية
والشهادة إنها انسانة ملتزمة وممتازة لتربية العيال
لكن المشكلة وين
في عيالها اللي هم اخواني
يوم كبروا تشوف لهجتهم غريبة علينا
لهجة هذيك البلاد
هذا غير معايرة ربعهم لهم
وأنا تميت على واحد منهم لين غيرت لهجته أكثر من 3 سنين
وبعدها مب لين هناك
هذا بعض المشاكل المتعلقة باللهجة والتراث ،
والباقي أكثر
يوم باخذه مجالس الشياب، وكبار القبيلة وشيوخها يفضحنا
ماله علاقة بالعادات والتقاليد ،
والمشكلة وين بعد
المشكلة إذا هو فكر ياخذ من بلاد أمه
بيطلعوا عياله أزود عنه
ملاحظة هذا الكلام منقول عن واحد زميلي مب أنا اللي أبوي ماخذ غير بنت البلاد بس للتشويق


بعد نسيت شي
هذا الكلام كله كان أول
ترى الحين أحسن عن أول
بعد أوامر الشيخ زايد الله يحفظه
بعدم الإسراف في الحفلات
وتحديد سقف أعلى للمهر
واسمحولنا

[مرسي دبي]

السلام عليكم ورحمة الله وبركاته ..

أخ هزاع موضوعك آثار جدل في كل شخص قراااه ، مع أحترامي لك، نحنا وين عايشين حفلة الملجه 270,000 والام 5000 والابو 10000 والحرمه الي بتتنشد عن الريال مادري كم حشا هذا مب عرس هذا وررث يالسين يورثونك ، أخوي صدجني في أبهات يوزوون بناتهم رياييل لهم وزنهم وأخلاقهم ما همتهم فلوسهم ولا مخابيهم ، وإذا على قولتك بتاخذ وااافده ما بتكون أحسن من المواطنه ، أنا أقولك أياها وبصراحه أنا عندي وااحد من أخواني فلسفته في حياه مشابهه لفسفتك تزوج وااافده كم كان مهرها 60,000 والذهب 30,000 والمؤخر 200,000 شورايك يعني انت لو ماخذلك مواطنه مهرها 60.000 والذهب ويا بطاقات الدعوة ويا الإضاءة 30.000 ومؤخر الصداق 10.000 شو بتخسر ، شفت الفرق ، وفوق هذا عادااتهم غير عاداتنا كل ما قلت شي مدن بوزهن وقامن يواشن لاتفه الاسباب أما بنت البلاد لشفت شي عليها ونجمتها بتتفهم وجهة نظرك وبتعرف انا هالشئ عيب ومنقود.. واقولك اياها وبصراحه أحسن من بنت البلاد ما بتحصل الي يطلبون ناس مب شايفين خير .. والناس الي يبون من شرواااك موجودين وكثار صدجني..

وانشالله ما كون ثقلت عليك ...

تحيـــاتي ... مـــرسي دبـــي

[زهرة البوادي]

مئتان وسبعون ألف هذا في الخطبه والملكه

بل مب عرس


اولا مشكور اخوي على موضوعك الروعه\

وبعدين بنات عن بنات يفترقون يعني

في بنات مالهم ذنب يمكن اهلهم غاصبينهم انهم جذا يسوون

او بنات وااايد مدلعينهم اهلهم اونه عاد مايرضون بالشئ الرخيص

يا اخوان مب كل اصابعكم سوى وان تميتو تفكرون ان البنات كلهم نفس الشئ والله بتتعبون من التفكير

الحينه انا ما اهاجم الاولاد


بس يعني اقول في ولد الحينه من الخليج او عربي ياخذ بنت عن حب او عن اخلاقها

والله انهم كلهم ياخذونهم عن مصلحه بس عشان بيزات ابوها

اشمعنى ماتكلمتو عن الاولاد بس عن البنات


واللي تطلب هالمهمر وهالعرس والله مب لازم ياخذها الدنيا مليانات بنات

ومثل مايقول المثل ( الباب يفوت جمل )

ماقول غير الله يهدي الجميع

السموحه

[اخت الجميع]

مئتان وسبعون ألف هذا في الخطبه والملكه

بل مب عرس


اولا مشكور اخوي على موضوعك الروعه\

وبعدين بنات عن بنات يفترقون يعني

في بنات مالهم ذنب يمكن اهلهم غاصبينهم انهم جذا يسوون

او بنات وااايد مدلعينهم اهلهم اونه عاد مايرضون بالشئ الرخيص

يا اخوان مب كل اصابعكم سوى وان تميتو تفكرون ان البنات كلهم نفس الشئ والله بتتعبون من التفكير

الحينه انا ما اهاجم الاولاد


بس يعني اقول في ولد الحينه من الخليج او عربي ياخذ بنت عن حب او عن اخلاقها

والله انهم كلهم ياخذونهم عن مصلحه بس عشان بيزات ابوها

اشمعنى ماتكلمتو عن الاولاد بس عن البنات


واللي تطلب هالمهمر وهالعرس والله مب لازم ياخذها الدنيا مليانات بنات

ومثل مايقول المثل ( الباب يفوت جمل )

ماقول غير الله يهدي الجميع

السموحه

زهروووو انا وياج

[عشق الليل]

خير يا طير

وبعدين راح اقولك صدقني هيه البينه واهلها راح يغلون المهر عسب يقولون ليش بنتنا رخيصه عسب جي يغلون المهر

بس صدقني لو الواحد ياخذ من اهلها مستحيل يغلون المهر ولا العرس لا بالعكس راح يساعدونه لان منهم وفيهم

هزاع انصحك يا انك تاخذ وحده من اهلك ولا تتريا لما يستوي عمرك 30 صدقني عقب بيلاقي الاهل يراكضون وراك عسب تاخذ بنتهم لانها استوت كبير فما راح يقولون لا لان الاهل يبون الستر حق بناتهم


تسلم على الموضوع بس لا اتكون متعصب

[فتى الأحزان]

أول شي تسلم على الموضوع الرائع والمشاركة

جايز الكلام الي كتبته صح لكن نفس ما أتعرف أصابع اليد مب متساوية
في ناس تطلب بشكل مبالغ وطبعا في النهايه هم الخسرانييين لأن بنتهم
بتطورط لأن زوجها بيكون مديون صح أن البنت تبا أتكون حفلته حلوة
وبشكل راقي لأنها ليله وحدة في العمر لكن الواحد أيمد ريوله على قد لحافة
وطبعا اغلب الشباب أيشفون البنات الغير الخليجيييين بنظرة مختلفة طبعا
أنا في رايي البنت المواطنة احلى بمليون مرة من البنات الغير مواطنييين
لكن للأسف الشباب هذي الأيام شوية عقولهم مختلفه أنتو لو أتلاحظون خل البنت
الخليجية تلبس مثل ملابسهم بتكون حلوة وايد لأن اللبس أسوي وايد شغل وخاصة في هذا
الزمن وبالعكس انا أشوف في وايد بنات في وقتنا الحالي يتريون حد يخطبهم وخاصة العنوسة
عنا بشكل فضيع وأنا أدري أن في بعض الأهالي مطالبهم زايدة لكن من البداية ابعد عن الشر
لان اذا كانت البداية جي الي يعلم شو بتكون النهاية أكيد كلها هم وغم وديووووووون
بس هذا مايمنع أنك تحاول ان تخطب غيرها وانا واحد من ربعي كلفه العرس كله مايقارب
50000 خمسييين ألف وشخص ثاني أبو البنت قال للريال خذ البنت وودها بيتك بدون مايطلب اي
شي والناس أشكال وألوان

والسموحة على الاطالة

[صدى الامارات]

الصراحه مش كل البنات بيطلوبون 270000 الف ليش ما شيء شغله

[القوافي]

ودي اقول كلمة
الاختلاف في الرأى لللا يفسد للود قضية
وأيك خاطء جدا

[عذراء القلب]

كل كلامك الي قلتة صحيح


في ناس يسيرون و راء الشكليات بس يعني بعض الناس ا اقول كلهم يسئلون عن جيب الرجال بعدين اخلاقة من متى صارت لفلوس هي الي تقيم الناس

يعني الفقير ما يتزوج و الرسول عليه الصلاة و السلام قال.. اذا كان الرجل ذو خلق و دين فزوجوه

يعني حنة ما نلوم هالشباب اذا تزوجو اجنبيات . و اذا كل أب طلبو مهر و شبكة و اغراض عرس داك لحساب اي قد بتصير عنوسة و المضرر الوحيد هو المجتمع

ما نقول الا الله يصلح الحال

و مشكور اخوي

[dubai2]

السلام عليكم ورحمة الله وبركاته
مرحبا بكم إخواني وأخواتي

الصراحة إن غلاء المهور صار مشكلة كبيرة تواجه البنات والشباب
إخواني يالشباب للحين ما اتزوجوا والسبب المهر طبعا الله يوفقهم ويوفق كل الشباب
المهم
حبيت أقولكم سالفة أبوي و ريل إختي
الحمدلله أبوي ريال معروف في دبي وهب شوية
أما ريل إختي شاب سعودي جامعي متخصص في المحاسبة عايش في دبي ما عنده أهل مقطوع من شجرة موظف في القطاع الخاص وراتبه 3000درهم فقط
كان يبا يعرس وعيال الحلال دلوه على بيتنا وحدودوا له موعد ويا الوالد يا البيت وتعرف عليه وطلب إيد إختي منه في نفس اليوم
طبعا أبوي طلب مهلة أسبوع عشان يسأل عنه وبعد أسبوع بالضبط أبوي خبره إنه موافق
وقاله على الطلبات وهي :المهر =10,000درهم والمؤخر مثله وطلب منه يجهزالشقة اللي عاطينها له من الدوام على كيفه بالاثاث اللي يعجبه

أما باقي الاشياء كلها حتى القاعتين( للرياييل والحريم ) والفستان بعد حساب أبوي تعرفون شو قال لما المعرس صمم يشتري الفستان :قاله بنتي طول عمري وأنا البسها بعيجز ألبسها اليوم وصار ت ضرابه عوه وفي النهاية أبوي سوى اللي في راسه وياب لها فستان العرس
وكل ما قلناله ها الشي على المعرس قال : الولد يتيم ولازم نساعده

والحمدلله العرس تم والحين صار لهم ثلاث سنوات متزوجين ومتفاهمين 100%
ماشاء الله عليهم

في النهاية أحب أقولك أخوي هزاع مثل ما في ناس يحبون المظاهر في ناس يبون الستر لبناتهم
والله يرزقك بوحدة منهم
إن شاء الله

[همسة غلا]

بصراحه عيبتني سالفه ابوج اختي DUBAI 2
ربي يحفظهم يارب

[دانة المرسى]

مشكور أخوي على الموضوع
فعلاً موضوعك مثير
حياك الله
الله يعطيك العافيه وصح لسانك
تحياتي
أختكم
دانة المرسى

[ملاك_دبي]

اخوي هزاع موضوع مهم

والصراحه واايد بنات او بالاصح اهل الينت يطلبون مهر غالي .. والعلاس في المكنا الفلاني والباقي تعرفونه انتوا

بس الزواج من اجنبيه له سلبيات وااااااااااااااايد مثلاً لو اتزوجها ما يعطونه جواز الا عقب فتره طويله وكل شي لازم تسوي حسابه قبل

مثلاً يوم اتروح المستشفى لااازم فلوس ويوم اتربي فلوس ولو تحسبهم تظهر المصارف كثر مهر البنت بس طبعاً مب اللي فوق ال50 الف


بس

ويعطيك العافيه

[صدى الامارات]

على فكره الجواز ماتاخذ الوافده الى بعد عشر سنوات وشيء دراسه حاليا انه الوافده تاخذ الجواز بعد 20 سنه

[the_pirate]

على فكره الجواز ماتاخذ الوافده الى بعد عشر سنوات وشيء دراسه حاليا انه الوافده تاخذ الجواز بعد 20 سنه

بس حبيت أصلح المعلومه ,,,

زوجة المواطن لها الحق انها تحصل على الجواز بعد ثلاث سنوات
من تاريخ الزواج .. مب بعد عشر سنوات ,,

وشي ثاني ,,

ابن بليلة مدير جنسية دبي ,(على ما أعتقد )
أقر انه في احتمال زيادة (يعني يدرسون الين أحينه ما قرروه) هاي الثلاث سنوات الى عشر سنوات (مب ألين عشرين)

وسلامتكم

والسموحه :marsa5:

[ملاك_دبي]

اوكي بس المهم انه الريال اللي متزوج وافده ما بيسلم من المصاريف اللي مالها اول ولا تالي

[the_pirate]

اوكي بس المهم انه الريال اللي متزوج وافده ما بيسلم من المصاريف اللي مالها اول ولا تالي

سواء وافده والا مواطنه نفس المصاريف
<< اللي ما لها أول ولا تالي :marsa177:

[ملاك_دبي]

لا لان المواطنه اذا راحت مستشفى الحكوم ما ياخذون عنها فلوس والوافده ياخذون ,,

[the_pirate]

لا لان المواطنه اذا راحت مستشفى الحكوم ما ياخذون عنها فلوس والوافده ياخذون ,,

جان أضحك خخخخخخ

من زين مستشفياتنا عااد ..

80% من اعيال الدوله مطيحين في المستشفيات الخاصه ,,

يقول لج العلاج احسن

يقول لج يروح مستشفى خاص وياخذ ابره بي 50 ويستوي حصان:marsa94:
ولا يروح مستشفى حكومي ويطلع وياه قوطي بندول :marsa65:

يعني ما تفرق وافده والا مواطنه

كل واحد يداري صحته

[بنت البلاد]

ابن بليلة مدير جنسية دبي ,(على ما أعتقد )
أقر انه في احتمال زيادة (يعني يدرسون الين أحينه ما قرروه) هاي الثلاث سنوات الى عشر سنوات (مب ألين عشرين)

وسلامتكم



والسموحه :marsa5:



تم وضع القرار أمس اعتقد نشر في الجرايد او قبل امس..

يعني الوافده بتحصل جواز بعد عشر سنوات..

[ملاك_دبي]

اقووووووووووووووووووووول ليش ماتعرف الفرق بين المواطنه والوافده؟؟!!!

حتى لو الاثنين لهم مصاريف بس المواطنه ترى بنت بلادك والوافده عاد ما يندرى شو تحت راسها

وغير القرار اللي منزلينه ان الوافده ما تحصل جواز الا بعد 10 سنوات ؟؟!!

[ملاك_دبي]

اقووووووووووووووووووووول ليش ماتعرف الفرق بين المواطنه والوافده؟؟!!!

حتى لو الاثنين لهم مصاريف بس المواطنه ترى بنت بلادك والوافده عاد ما يندرى شو تحت راسها


وغير القرار اللي منزلينه ان الوافده ما تحصل جواز الا بعد 10 سنوات ؟؟!!

وبعدين لحظه انتوا اذا بتروحون مستشفيات خاصه حق العلاج انا ويااكم %100

بس عاد يوم الحرمه اتربي شوف المصاريف ها هاااااااااااااااااااااااا

عاد مب كل مواطنه اتربي في الخاص صح ولا لاااااااااااااااااااااااااااااااااااا ها هااااااااااا

[شيخ_الجن]

على الاقل الموااطنه نفسسس اديزااين بتم ولا الواافده تحصل فيها تغياااراااات
وبعديين هزمن كلهن نفس اشيي بتااخذ مواطنه ترااا تبغي وتبغيي وتبغييييييي بتااخذ اجنبييه
فابدااايه ماتبا من تربييي تبدا اصرفيييييه والخساااير
الحمدلله بعدني ماعرست

[ملاك_دبي]

ههههههههههههههههههههههههه والله ماعرفنا لكم


حاولنا وياكم لكن مافي فايده بس اقولكم اسألوا اللي متزوج وافده وبتعرفون خخخخخخخخخخخ خليكم على رايكم

[شيخ_الجن]

والله يووم سالنا قالولنا ارخص عن الموااطنه
بس مانرووم نعييش وياوحده تشفر بلغتها عقب شونسوي بلولد يرطن شرات امه خخخه
حشا حشا علييه

[عيوز الفريج]

اخويه الصراحه ما شي احسن من المواطنات اهل البلاد محد بيفهمك مثل المواطنه
واذا على الطلبات والمخاسير لاتتحسب انه الوافده بتراعيك تراها بتتطلب ...
واسمع كلامي انا عيوز وفاهمه وشايفه ناس ماخذين وافدات ومتعذبين..
ما شي احسن من المواطنات فديتهن..
ومب اصبوع ايديك مثل بعضهن في مواطنات بنات ناس وحده اعرفها ربيعتي معرسه بدرهم واحد وبدت حياتها بدون ديون..
انشاء الله تغير رايك وتحصل بنت الحلال وربي يوفقك..

[ملاك_دبي]

انتوا والله اتقولون ان الوافده احسن عن المواطنه بس والله والله يوم تاخذون الوافده والله بتندموووون

انا اعرف ناس والله انهم كارهين حياااتهم

ونااادر ما تحصل وحده تراعيك وتفهمك

[همسة غلا]

هيه والله وين فرق بين المواطنه والوافده

الوافده مابتفهمونهااا وعاداتهم غيييييييير .. ومصارييييف وحاله

والبنت الأماراتيه اقرب وسلامت خشومكم جميعاااا

[شيخ_الجن]

اختلفت الارااااء والحكم والقوانيين واللائحات والمشتريااات في هاي اسوالف
كلن يرا انااس بعيين طبعه حد قول الوافده مب زيينه وحد يمدحها
وحد يقول المواطنه ..........................وايد تبغي متطلبات الحياه
بييني وبييينكم وصدق جاوبووني على سؤااالي العرس كم يكلف اذا باخذ مواطنه...؟
جاوبووني بصراااااحه وعقب بقولكم ليش سالتكم هاسؤاال

[همسة غلا]

هييي الله يهداكم ياشباب بتقولون مصاريف وانتوا
نحن انعرف الشباب مايرمون على تكاليف الزواج ومن جييييه ياخذون وافددات ولكن الله ماحرم
بس الوافده عاداتها غير عن عادات العرب ولو شو سوت مابتكون طبايعها شرات بنت الإمارات
ومثل ما قال الرسول الأقربون أولى بالمعروف خخخ وطلعت الحكم يا عجيبه يا همسة والله
والشباب مب مجبورين ياخذون مواطنه ولا وافده ولكن نحن نعرف سوالف الوافدات
وبنت الامارات بتروم تفهمهااا لكن الوافده شو كيف بتفهمهااا ومن قالكم والله الأهالي وايد يراعون الصراحه
واعرف بنات والله يقولون بـ 40 عادي ماتهمنا البيزات واعرف وحده ابوها موصنهم مهرهم شي جذه 20 الف اظني وبعد العرس تررررده لريلهااا وايد سوالف يمكن تكاليف الزواج الكبيره ظهرت فالبدايه لكن الحينه ماشوف لها مجال واذا وحده طلبت مهر غالي مب مجبورين تاخذونها شي غيرهاا من المواطنات بس عاد مب وافدات ادمرون نفسكم انتوا وعيالكم .. مابقول كل الوافدات صح في وافدات اوكيه زينات وهالشي جليل بس الوافده
مب شرات المواطنه وحلات الثوب من رقعته خ خ خ عن اينااا العضو بو رقعه

[ملاك_دبي]

انا اعرف ان في 50 الف وبعضهم 40 الف . وليش هالسؤال يا شيخ الجن

[بنت البلاد]

امممممم بالنسبه لسؤال شيخووووو

يقولك أخوي صرف على عرسه بالكااااااااامل .. فندق ومادري شو.. وغيره وغيره.. 150 ألف درهم.. من ضمن ال150 ألف.. دفر للعروس 60 ألف زهاب + المهر.. و90 ألف كان مصاريف العرس من الفندق والحفلة والليتات والفرقه والبطايق والكوشه وغيره..
والعروس ردت لأخوي 15 ألف من بيزات الزهاب..

يعني بيكون الي صرفه أخوي إجمالا 135 ألف درهم..

وأخوي العود ماخذ وافدة.. وصرف على عرسها بالكااااااااااااااااامل.. بكل تجهيزاته وكل شي من زهاب وطلبات وغيره.. 120 ألف درهم..

يعني كم فرق عن المواطنه؟؟ 15 ألف؟؟ وايد عليها هالسعر.. يكفي انها بنت البلاد.. رابيه على أصولنا وتقاليدنا ..

وغير هذا لمعلوماتكم.. ترا الوافده الي ماخذنها اخوي.. من قبل 12 سنه.. يعني شوفو مصاريف أعراس قبل الي من قبل 12 سنه.. ماكانت توصل 120 ألف.. بس هاي وافده وصلت هالمبلغ؟؟..

أما هالزمن الي على قولتهم تطور وكل شي استوى غالي.. اخوي صرف على عرسه مع بنت من بنات البلاد.. 135 ألف درهم..

نحن ما بنرمس عن البيزات.. ترا اذا خذنا الزواج بقاعدة البيزات.. والمصاريف.. مابنبدأ صح.. الريال الي بيعرس.. بيكون غرضه من الزواج.. تأسيس أسرة.. وعمارة بيت.. وتربيه عيال..
شو الأفضل.. إنك تربي عيالك على عادات بلادك.. وعلى لهجتك.. ورمستك.. ولا ياخذون من برع عاداتك..

الموضوع للنقاش في النهايه..

وكل واحد حر..

وعلى فكرة.. صاحب الموضوع نفسه.. الي قااااااال ما بياخذ خاصة المواطنه.. ارتبط بمواطنه بنت بلاده.. ..

الله يوفقه ويهنيه ان شاء الله.. ويوفقكم جميعا ويهنيكم

[همسة غلا]

صدقتي يا بنت البلاد والله انتوا تتحرون ان البنت تلعب فبيزاتها لو البنت طالبه 100 الف مهر بس

بنقول من حقكم بصراحه اللي على 60 و 70 و 60 احس الصراحه عادي

انتوا تعرفون بعد هالأيام والله كل شي غاالي ولا ماتبغون حريمكم يلبسون عدل ..

فيهم يتحرون ان البنانيه حلو وحاله يبوا لبنانيه خخخ ونحن وبنتكشخ بنجوف منو احلى خخخ

بس صدق ومثل ماقال فتى الأاحزان ترى البس يحلي والجمال والبيزات مب كل شي فالدنيا

حرمه تحفظك وتصونك احسن بمليون مره عن وحده بتاخذها وبعد فتره اطلقهااا او تشوف

منها شي ولا بتشوفون عيالكم يرمسون هيك وبدي ومابدي وعاداتهم وتقاليدهم غيـــر

ولو فرضنا تقدمتم لحد وطلبوا 100 الف او 90 الف هي هاا وايد صح اذا كان بس مهر للبنت

ومب مجبورين تاخذون وحده بهالمبلغ العود

في بنات احسن واحسن بعد .. ويااا والله اهلينا يقولون ماتهمنا البيزات ويهمنا الريال

امف عليكم خ خ خ

[همسة غلا]

:marsa180: جان الزواج من اجنبيات بقطع الدوامات تزوجوا احسن :marsa180:

[ملاك_دبي]

هي والله فكووووناااااااااااااا

[أموره دبي]

السلام عليكم ورحمه الله وبركاته ...
الصراحه انا عضووه يدييده في المنتدي ...
وانا ماعرف ليش الشباب يفكرون عن البنات جي ... الحين بالعكس البنت ادور السرت والله .. الحين الاهالي وايد اتغييييروا عن الاول مش مثل الاول.. الحين الاهالي يدورن الستر والريال الكفو اللي يقدر يسعد بنتهم فيه بس وهذا اللي انا اشوفه ...
اسمحولي

اموره دبي
:marsa128:

[هـ القصيد ـدب]

عاده أنا بخبركم تبون تاخذون أجنبيات هكووه الدرب تبون تاخذون روسيات هكوه الدرب تبون تاخذون مغربيات هكوووه الدرب لاكن و الله أن المواطنه محد يسوااها و أن بنت البلاد و بنت العرب الأيواد محد أيي من معاليها بنت و يازينها بتربي العيال على الدين و الأخلاق و بتستركم في السرا و الضرا و هاذا اللوث من أجنبيات ما بيوفن وراهن بخير .. و أنا وياكم في سالف الفلووس و المهر بس بقول شي نحن جبيلتنا تخاف ربها و لا توازي اليور و البذخ كله ما يهمها و العرس عندنا كله ما يتعدا المية ألف كله بزهابها و مهرها و كلشي .. لأن يعرفون أن ربهم بيسألهم على الفلوس من وين يابوهن و في شو صرفوهن.. و أنا أعرف كمن عايله يوزت بناتها بخمسين ألف و حرمه يوزت بنتها 200 درهم و بس

السمووحه منكم أذا تضايقتوو من ردي