لعبة لزوم على الكل إنه يشارك

[بنت القوافي]

اللعبة شفتها في إحدى المنتديات وحبيت ألعبها معاكم
اللعبة هي
كل واحد يختار العضو اللي يبي يسأله
والسؤال لازم يكون محرج بعض الشيء



توهجتوووووووووووصح :marsa186:




ولكن يجب أن يكون السؤال في حدود الأدب وإحترامنا لبعض


وأنا ببدأ
بسأل .................زعيم المرسى :
والسؤال يقول........................marsa83:
إنت إنسان مغازلجي؟
:marsa142:

أحرجتك صح :marsa186:
أختك بنت القوافي

[شعور84]

أول شي تسلمين على اللعبة .. بس على ما أظن إنها لازم تكون في محمل السوالف...

المهم يالله أنا بجاوب



أنا بنت ..وما عندي شي ضد البنات...


شو الموقف المحرج اللي استوالك

[ابوفيصل]

رايي من رايك شعور ...

اللعبه لازم تنقل لمحمل السوالف والالغاز ..........

اختي بنت القوافي ....

مشكوره على اللعبه الحلوه ,,,,,,,,,,,,,,

[الدنيا]

شالسالفه ؟؟ ههههههههههههههه

اوكي بنت القوافي ... واذا العضو اللي سالتيه مادش ولا شاف الموضوع ؟؟!!!!

[بنت القوافي]

مشكورين على مروركم
الدنيا .........الظاهر إنه إستح وما يبي يرد
شو رايكم كل واحد يسأل سؤال واللي يدش عقبه فالسؤال موجه له
وتسلمون

[بنت القوافي]

والموقف يا شعور84 هو أخوي الشيخ زعيم المرسى ما رد علية
الحين أنا بسأل السؤال الثاني
كم وزنك؟

[ابوفيصل]

لو تجلسون من اليوم .... الى يوم مدري كم ...

ما في احد بيجاوب ....

بس انا راح اجاوب ولا يهمني ...

وزني الله يسلمك ...

بأعطيك فرصه تدورين في المرسى ... يومين وراح تعرفين ....

اللي بعدي .... متى تصحى ؟؟؟؟

[الدنيا]

دومك سوبر مان يابوفيصل ... للمواقف الصعبه هههههههه

انا ماعندي تايم معين انش فيه ... على حسب متى كانت ساعة الرقاد ... زيد عليها 4 ساعات مينيموم :)

متى اخر مره انضربت فيها :)

[عجـــــايب]

من زماااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااان .....
غريبه و الله من زمان ما انضربت!!!!!!!!!!!!!!! ..................... ذكرتيني يا الدنيا اصلا ضرب امي كان شي اساسي فيومي........
بس ما اذكر متى اخر مره عصرت مخي لي قلت بس ما طلع شي ..................... بس اللي اذكره اني كنت انضرب يوميا و انا صغيره ....................خخخخخخخخخخخخخخخخ

اللي عقبي .................. كم نسبتك سواء ثانويه عامه ( للي خلصو المدرسه) او غير ثانويه عامه (للي بعدهم يدرسون)؟؟؟؟؟؟؟؟؟؟؟؟؟

[الدنيا]

ههههههههههه
اكيد كنتي شيطــــــــــــــــــــــــانه

الله يعينهم :marsa137:

كــــــانت 81

شو اخر هديه حصلتها ومن منو ؟؟ :marsa91:

[ابوفيصل]

اخر هديه كانت عطر ....

من شخص عزيز ....


واللي بعدي شو اخر هديه حصلتها .؟؟؟؟

[سيدة الرياض]

اخر.هديه.اظن.كانت.من.سنه. كان .كتاب.من.اخوي.

عنوانه. " اعرف.من.تكون "
يفتكرني.قريته
:marsa128:

[ابوفيصل]

ههههههههههههههههه

حليله اخوك ...

ومتعب نفسه ...

طيب وين سؤالك ؟؟؟؟؟

[شجون الامارات]

تسلمين الغالية على اللعبة ...

و انا بسأل يوم محد يبي يسأل ..

متى آخر مرة صحت و ليش ...؟؟

[سيدة الرياض]

لازم.سؤال.؟؟

طيب.

لوين.رايحين.في.الصيف؟؟

[شجون الامارات]

ها يا آآآنسة الرياض ...امزح

أشوفج تتهربين من السؤال ..

يالله جاوني ...

[شعور84]

انزين أنا بجاوب.. آخر مرة صحت يوم شفت فيديو كليب يا أبنائي..مؤثر وااااااااااايد


يالله متى آخر مرة حبيت فيها راس أمك وأبوك

[شجون الامارات]

اليوم الصبح ....

انزين شو اكلتك المفضلة

[شعور84]

شو اكلتي المفضلة...


والله حيرتيني...



انوين الباشميل..




والا صالون السمج






والا البرياني















لا خلاص خلاص..















الكاكاو والشيبس..هييييييي
وكابري سن همبا

[سيدة الرياض]

انا.جيت.وما.شفت.اي.سؤال
لجل.كذا.راح.اجاوب.
لاسؤال.في.بالي.
ما.بقول.السؤال.
لكن.بجاوب.


# كثــير




دلحين: سؤالي.للبعدي:
وين.ممكن.الاقي.فلم.هندي.اليوم؟؟

[عجـــــايب]

في السينما .......................... خخخخخخخخخخخخخخخخخخ

اللي عقبي ............... وين ساكن بالتحديد" الدولة و المنطقه و الشارع ............ و عند اي بقاله؟؟؟؟؟؟؟ .........و منو ييرانكم؟؟؟؟؟؟؟؟ اشوف اني مصختها خخخخخخخخخخخخ"

[همسة غلا]

هههههههه راس الخيمه بس مابكثر يلا عيب

هههههه

اللي بعدي شو يلقبونك فالبيت اعترف بصراحه هههههههههههههههههههه

[عجـــــايب]

اوووووووووووووووووووووووووهوووووووووووووووووووووو. .............................. حدث ولا حرج .............يا كثرهن الالقاب .....................بس بذكر واحد ............ على الله تفهمونه....



















حمبوصه..................... :marsa117: :marsa110:


اللي عقبي شو كنت تسوي قبل ما تدخل المرسى؟؟؟؟؟؟؟؟؟؟؟؟

[الدنيا]

كنت يالسه ويا امي وابوي وهم يتعشون :)

امممم ... وين تتمنى تسير في الويكند الياي ؟ ومع منو ؟ :)

[غصون]

اتمنى اسير غرفتي مع نفسي .... " احب البيت وايد "


اللي بعدي : هل أنت عصبي ؟؟ وشو المواقف اللي تخليك تعصب ؟؟

[ابوفيصل]

والله انا ما ني عصبي ... بس اذا عصبت ... وااااااااااااااااااو ... نار

هل تحب السباحه ..؟؟؟؟

[غلا العين]

هو مش جي بس كنت بغرق فالمسبح مره :marsa25:


الي بعدي : هل تحب الضرابه ؟؟؟؟؟

[الدنيا]

على حسب شو تقصدين بالضرابه

قصدج اشوف الضرابه يعني اشهدها ( يا ســــــــــــــــــــــــــلام .. شي جميل:marsa78: ... فلم هندي لشاروخ خان :marsa21: )

بس اشارك بضرابه .. لأ ...

بس اذا فيني حره من الشخص عادي

س. وين كنت امس الساعه 8 بالليل .. وشو كنت اتسوي ؟؟ فضووووووووول :marsa28:

[غلا العين]

امبارحه الساعه 8 كنت يالسه مع بنت عمتتي وداقين سوالف على الاخر ..........ناس فاضيه

يله الي بعدي
....................سؤال: وين (رحت /رحتي)امس ؟ وشوسويتو ؟ هب فضول بس اطمن

[الدنيا]

جوابي مابيرضي فضولج ... قصدي بيطمنج

ماسرت مكان .. في البيت .. وماسويت شي .. تلفزيون ورقاد :)

كم مره تاكل في اليوم :)

[غصون]

3 وجبات رئيسية و 3 وجبات فرعية هههههه


وانت ؟ كم مرة تاكل في اليوم ؟

[ابوفيصل]

مرتين ,,, الى ثلاث مرات ...

رئيسيه وفرعيه ...

كم تنام في اليوم من ساعه ؟؟؟؟؟

[شعور84]

انا تقريبا اربع خمس أو ست..

والله على حسب..



شو هوايتك الرئيسية

[بنت القوافي]

هوايتي الرئيسية هي القراءة
كم مرة سقطتي في المدرسة؟

[شعور84]

أحاد عشرات مئات ألوف ملايين .. والله وااااااااااااااااااااااايد..


تستانسين يوم يسوون فيج مقالب

[الدنيا]

محد يسوي فيني مقالب ... وماعتقد بستانس .. مادري يمكن

وانتي بلاج شعوروه اتطيحين في المدرسه بطلي عيونج عدل :)

متى اخر مره سافرت ووين ؟

[بنت القوافي]

آخر مرة سافرت فيها كانت السنة اللي فاتت وكان لندن
شو إسم البقالة المفضلة عندك؟

[سيدة الرياض]

عيب بعدين بتعرفي فين بيتنا خليها مستوره يابنيه ...

طيب.

وش نوع عطرك المفضل ؟؟

[الدنيا]

مافي شي مفضل :) اللي يعيبني استعمله
حاليا لانكوم اتراكشن

شو تغديتوا اليوم :)

[بنت القوافي]

تغديت شوربة ماغي
تراني أسوي رجيييم
هههههههههههههههههههه
أمزح معاج ما أسوي رجيييييم
متى آخر مرة تهاوشتوا مع أحد ومنو؟

[سيدة الرياض]

لسه ما تغديت لكن الي اشمه سمك ..زي ما تقولو سمج

طيب

متى اخر مره سافرت

[الدنيا]

امممم ... شهر 10

وين بتروح اليوم ؟

[الجريح]

ما شا الله اتواع الزحمه :)

طيب اليوم ان شا الله بأطلع للاستراحه ( ان ما نمت وطنشت )

والسؤال هو : النجمة اللي تحت اسم كل عضو كم مرة تدور باليوم؟؟؟

[سيدة الرياض]

بجد تسال ذا السؤال ؟؟!!


الجريح ياخوي انا نجمتي ثابته ما تتحرك هههه


طيب

ليه الجو مره يذبح ؟؟

[زعيم المرسـى]

لأنج ماسك سكين....



لو كنت أنا أنا أنت منو...؟

[شميلي حزين]

انت انا

انت تحبني ولا ماتحبني

[زعيم المرسـى]

انت انا

انت تحبني ولا ماتحبني

هو هالكلام أخوي عيب عليك لازم تحترم أن فيه بنات فالمنتدى وهذا السؤال الي تسأله له معاني كثيره وممكن نفهمه على أكثر من معنى الله المستعان.


لو عندك شاورما وقلت لك تبى همبرجر بتاكل النقانق....؟

[غلا العين]

00000000000000000000000000

:marsa187: لو كنت تحب تخصص وخذت تخصص ثاني شو تسوي ؟

[الدنيا]

هذا اللي صار :marsa111:

عادي الحياه ... بشد حيلي وبتخرج من هالتخصص وبدور شغل ومابحصل وبيلس في البيت وبدش المرسى :marsa78:


لو كانوا عاطينك فرصه تتمنى شي ويحققولك ياه شو بتتمنى ؟؟ ( لاتتحلمون وايد كونو واقعين ) يعني شي واقعي قابل للتحقيق :marsa21:

[عجـــــايب]

بتمنى تكون عايلتنا متيمعه................. يعني اتمنى لم شمل العايله....................

اللي عقبي تحب امك و لا ابوك اكثر؟؟؟؟؟؟؟؟؟؟؟؟؟؟؟؟؟؟؟؟؟

[الدنيا]

ان شاء الله تتحقق امنيتج عجووبه

انا احب الاثنين بس اكثر ... أمي

لو قالولك بنوديك جزيره نائيه لكن لازم تاخذ شخص واحد معاك بس وبتعيش وياه طول العمر .. بتاخذ منو وليش ؟

[ابوفيصل]

بروح لحالي ... اخاف اخذ معاي احد ويزعجني ...

يوووووووووووه ما عنده الا انا .....

اللي بعدي .....

لو قالولك بنوديك جزيره نائيه لكن لازم تاخذ شخص واحد معاك بس وبتعيش وياه طول العمر .. بتاخذ منو وليش ؟

[شجون الامارات]

يمكن لكن نسيت


لو قالوا لك عط اللي بعدك هديه ..شو بتهديه ..؟؟؟

[ابوفيصل]

اعطيه ....

(( نهائي كأس رئيس الدولة الإماراتي ))

الأهلي + الشعب .... الساعة 6.45

على قنوات :
دبي الرياضية
أبوظبي الرياضية
الإمارات الفضائية


اعطيه الكأس ...

[الزعيمة]

نياهاهاهاها أشكر فنك يا بو فيصل

والكأس بعطيه حق الأهلي ^_^

لو قالو لك بنعطيييك إللي تبا بس إنك تهجر والدييك شو بتختار ..؟ >> الصدق

[ابوفيصل]

بأقول ....... لا والف لا ....ز

الحين امي تعبانه .. وممكن اخسر اي شي عشانها ... كل شي بعد

.............................

[غصون]

الله يعافي ام بوفيصل .. آمين


اللي بعدي : وين كنت الساعة 11 ؟؟ فضوووول

[ابوفيصل]

الله يعافيك ويسلمك ........

11 الظهر ,,, توي داش المكتب ,,,,,,,,,

وين كنت الساعه ... 1 الليل ؟؟؟؟؟

[زعيم المرسـى]

أنا الي أعرفه وحده صباحا ووحده ظهرا أما وحده ليلا ما سمعت عن هالشي....

ما عليه بقولك وين كنت.....كنت في البيت


إذا كان عندك سياره وكنت مسرع بسرعة 120 كم / س وتفاجأت أن في دوار على بعد 5 متر شو بتسوي...؟ ( 5 متر هاه لا تنسون )....

[سيدة الرياض]

السؤال ما يخصني



طيب
وش اول شي تعمله اذا كنت طفران مره؟؟

[الدنيا]

اروح اييبلي شي اتسلى به :marsa38:

واجابل الـ تي في .. واذا مافيه شي حلو .. ايلس عالكمبيوتر

اذا كنت ماشي ويا واحد حط ريله ( رجله) جدامك .. وطحت .. شبتسوي وشو بتقوله ؟؟.. جد جد :marsa3:

[بنت القوافي]

:marsa153:
:marsa73: :marsa80:
راح أنتقم منه بشي أخس :marsa116:

تراني شاطرة في هالسوالف وشريرة :marsa158: :marsa186:


شو بيكون موقفك لو قلت لك أو لج أحبك أو أحبج؟ :marsa55:

[الدنيا]

بقولج حبتج العافيه ومشكووووووووووره هههه

شو رايك لو حد قالك دمك ثقييييييييل .. بس جد يعني مب سوالف ..

[غصون]

بقولج ... مشكورة وانا احبج حب اخوي في الله ...



شو بتسوي أو شو بتكتب لو عرفت انه هذي اخر مشاركة لك في المرسى ؟؟

[ابوفيصل]

والله بيضيق صدري على فراق المرسى واهله ....

شو بتسوي لو جاك انتداب للعمل في صحراء افريقيا الحاره ... ؟؟؟؟

[الدنيا]

امممممممممممممم

برفضه صراحه .. انا مثل السمجه اذا طلعت من مكاني اموت

شو بتسوي لو خيرك انسان بين علاقتك فيه وعلاقتك بانسان ثاني مثله بالمكانه :)

[ابوفيصل]

والله مشكله ....

شسوي يعني ... ؟؟؟

الدنيا ... جيتي على الجرح ...

بأعيد السؤال ....

شو بتسوي لو خيرك انسان بين علاقتك فيه وعلاقتك بانسان ثاني مثله بالمكانه ؟؟

[الدنيا]

ههههههههههه

زين انا برد

جد ..

بزعل من هالشخص اللي خيرني .. وبقعد مع نفسي واعقد مقارنات ..وبفكر.. الشخص اللي خيرني يستاهل اني اودر انسان عشانه ... وانا متاكده بشوف انه - وحتى لو شو ماكان قريب - مابيستاهل .. الا اذا كان احد اخواني او امي او ابوي في هالحاله بيكون لي تصرف ثاني .. وبقرر اني اواجهه .. لو اني عزيزه عليه مابيرضى يفرقني عن اي حد وبيسعى انه يقربني من الناس .. الا اذا الظروف حتمت هالشي والطرف الثاني له غلطات وايد او انه علاقتي فيه بتضرني.. في هالحاله ممكن نعيد النظر بالطلب ..

بل بل .. موضوع سوالف جلبته مناقشه .. حلج :marsa141:













ما شاء الله علي :marsa3:

زين .. اممممممممممممممم

ماعندي اسئله .. برد احط نفس السؤال :marsa6:

شو بتسوي لو خيرك انسان بين علاقتك فيه وعلاقتك بانسان ثاني مثله بالمكانه ؟؟

[غلا العين]

امممممممممممممممممممممممممممممم

اولا بستفسر منه ليش ..وبعدين ليش وليش واخر شي ..بحاول اصلح بينهم اذا فيه شي ..


الي بعدي اذا ما نفع شو الحل ؟

[ابوفيصل]

ما راح ادور حل ... خلاص ..

لو صرت مكان البطريق اللي في توقيع شيشوه ؟؟؟؟ وش بتسوي ؟؟؟؟

[الدنيا]

ههههههههه والله لقومله وادبغه دبغه مايبا غيرها :marsa12: .. بعدين بعقه بالفتحه اللي جدامي وبسدها باي شي خل يتجمد .. :marsa186:

زين .. اذا كنت توك راد من السفر .. منو اول شخص بتكلمه بالتيلفون - غير الاب والام - طبعا لانك بالبيت خلاص ..

[ابوفيصل]

السواق ... يغسل سيارتي ... هههههههههههههههه

لو كنت نايم في عز نومك .... وياك مسج من ربيعك ... صحاك من النوم ... مكتوب فيه " انا صاحي " ؟؟ وش بتسوي ؟؟؟

[غلا العين]

استنا ه لين ما ينام ويكون فعز نومه ............واغنيله طول اليل :::::::::::> نوم العوافي انشالله


لو كنت تعبان وزهقان وقرفان شو تسوي ؟

[غصون]

هههههههه اتسبح ..


لو كنت راسب في 5 مواد .. واهلك بيسافرون مكان انت تحبه ... بس بيقعد واحد منهم وياك عشان تدرس للدور الثاني ،، شو بتسوي ؟؟
1- بتقعد في البيت وتدرس حق امتحان الدور الثاني ...
2- ولا بتسافر وياهم وبتعيد السنة من اول ويديد ...

؟؟؟؟؟؟؟؟

[ابوفيصل]

بقعد في البيت وادرس حق امتحان الدور الثاني ...

شسوي بعد ...

ولله الحمد ولا مره صارت ,,,,,,,,,,

لو منت تعبان وتبغى تنام ... ولا تقدر .... شتسوي ؟؟؟؟

[غصون]

اشرب حليب ... او اسوي اي شي الا القعدة عالمرسى لانها تنشط .. وانا ابغي انام ..


لو علق كمبيوترك ( بعيد الشر ) واللاب توب مالك .. وكل وسائل الاتصال بالمرسى ........... شو بتسوي ؟؟

[ابوفيصل]

ادش من كفي ..........

لو تنام ثلاث ايام وانت ما حسيت ... اذا صحيت ... وش بتسوي .؟؟؟؟؟

[غصون]

بصيييييييييييييييييييييييييييييح :marsa9: :marsa180:

استوت وياي لكن بس يوم واحد .. بس ما صحت ..


لو كنت تبي تنام بس كنت خايف شو بتسوي ؟؟

[ابوفيصل]

الحمد لله .... من ايش اخاف ؟؟؟

ما في شي يخوف ........

لو كنت تسير بسرعه 120 كلم/ساعه ....

وفجئه طلع لك طفلين في وسط الشارع ... وما تقدر تتجاوز الا من الرصيف ... وعلى الرصيف طفل واحد ...

وش بتسوي ؟؟؟؟ <==== عدلتها كانت بتسوس :marsa165:

[غصون]

اولا مشكور عالتنقيعه ..

ثانيا بسوي بريييييييييييييك .. عيل تباني اندم ؟؟؟ واذا خلاص مستحيل اوقف بطلع عالرصيف .. :(

لو عندك شغل هام ولازم تسافر .. وعندك ولد من عيالك بيسوي عملية شو بتختار .. السفر ولا مرافقة ولدك في العملية ؟؟

[غصون]

...... ............

[ابوفيصل]

اكيد ارافق ولدي ....

الا اذا الشغل اللي بروح له اهم من ولدي ... مثلا ... امي ....

بعدين تطلعين على الرصيف وتدوسين المسكين اللي على الرصيف ,,,,,,, اللي ماله ذنب ...

وينك من دروس ام غيث ؟؟؟؟ ما قريتيها ؟؟؟

لو عندك كلاس مهم........ وفيك النوم ... ؟؟؟ وش بتسوس ؟؟؟ <=== المره هاذي التنقيعه مقصوده ....

[غصون]

ههههههههه ماشي حل غيره ... لاني ما حضرت دروس أم غيث .. بس انت قوللي في اي محمل وفي اي موضوع ..

مادام تنقيعتك مقصودة ما بكتبها ..

انزين لو عرضوا عليك تشتغل في دار للمسنين أو ملجأ للأيتام ... شو بتختار ؟؟؟

[ابوفيصل]

ملجأ للايتام ....

.....................

بأعيد السؤال .......

انزين لو عرضوا عليك تشتغل في دار للمسنين أو ملجأ للأيتام ... شو بتختار ؟؟؟

[بنت القوافي]

أختار أشتغل في بيت الأيتام

لوكان في شخص يكرهك شو بيكون موقفك؟

[الدنيا]

اذا شخص مايهمني .. عادي خل يكرهني .. بس اذا يهمني .. بحاول اعدل الموقف اللي خلاه يكرهني ..
مادري اعتقد بسوي جي .. صراحه مامريت بالموقف ماعرف شو بسوي فيه بالضبط :)

اذا فتحت ملف وقعدت تعدل فيه ساعه وعقب ماخلصت ييت تسيف قالك هذا الملف للقراءة فقط .. شو بتسوي ؟؟

[بنت القوافي]

ما تبين أتشوفيني
الدنيا إنت دوم على إتصال معاي
تسلمين حبوبة
إذا بغيت تشوف أي من الأعضاء من بيكون؟

[الدنيا]

أوراقوه .. شيشه .. شموس .. بنت القوافي :marsa177:

إذا بغيت تشوف أي من الأعضاء من بيكون؟

[للماضي رجوع]

ام غيث طبعا

اذا انت قاعد تكتب موضوع قاعد عليه من الصبح لييين العصر او المغرب و فجأة انقطعت الكهربا شو بيكون موقفك

[الدنيا]

:marsa62: بموووت

اتخيلي

ماعرف صراحه .. مادري بس بيسمعون حشره في البيت

لو كنت معلم وتشرح درس وقام واحد من العباقره اللي عندك وسألك سؤال ماتعرف اجابته .. شو بتسوي ؟؟

[الزعيمة]

ههههههههههههههههه

بقوله هذا السؤال بيكون واجب واللي اييب الجواب بعطيه خمس درجات >> احم احم

شو بيكون لو واحد من ربعك استعمل شي يخصك في شي مب زين شو بتسوييي ..؟

[بنت القوافي]

أخس شي عندي حد يستعمل أغراضي بدون شوري
ولا بعد يستعملها في شي مب زين
راح أخليه يندم على اليوم اللي فكر فيها يستعمل أغراضي
شو راح يكون موقفك لو كنت تكلم شخص وتجاهلك؟

[الدنيا]

امممممممممممممم

اول شي اكيد ابلتكم مسويه جه من قبل :) .. انا صراحه سويتها مره وقلت للبنات هالسؤال واجب :)

اما عن سؤالج .. فهوصراحه سؤال وجيه ..

اذا كان الشي اللي استعمله فيه ممكن يصلحه يعني يعدل الموقف .. لازم يسوي هالشي .. واذا مايصير .. بسلم امري لله

بس في كل الحالات بنبهه الى اني ماحبيت تصرفه ومب راضيه عليه .. وبحذره انه مايكررها

شو بيكون لو واحد من ربعك استعمل شي يخصك في شي مب زين شو بتسوييي ..؟ ( :) كيفي)

[الزعيمة]

هههههههههههههههههههه شو عرفج أنه أبلتنا جي مسويه فينا >> ياخطيــــــــره

دبه تقلييييييييييد

امممممممممممممممم .. والله أنا ما أعرف اتفاهم سيده بلاسنه وبخليه يندم على اللي سواه
ويعرف مع منو هو غلط
احم احم

اللي بعدي

شو هو شعورك يوم واحد من ربعك يفضحك ..؟

[ابوفيصل]

صراحه .... اقوله الله يسامحك ...........

شو شعورك ......... لما تيي المكتب المغرب عشان شغله ولا تصلح ؟؟؟؟

[للماضي رجوع]

لاحقين عالشغل
خلونا نفتك من المدرسة أول
شو بيكون موقفك اذا ربيعك مات جدام عيونك

[الدنيا]

عوذ بالله من هالفال

مب زين عليج والله ههههههه .. الله يعطيهم الصحه والعافيه ويعينهم على طاعة الله سبحانه ..

شو بتسوي لو حد سألك سؤال محرج جدام مجموعه من الناس ( اي سؤال بيحرجك جوابه ) ..

بتتهرب من السؤال ولا بتجاوب عليه ولا بتقوله انه محرج وماتحب تجاوب عليه ولا ...الخ

[بنت القوافي]

الصراحة بحاول أتهرب وإذا فشلت بقوله السؤال محرج ما أقدر أجاوب عليه
أي مرحلة دراسية كانت أقرب إليك وتفضلها؟

[Joker]

الثانويه صعبه بس حلوه


صار إنك سويت مقلب لشخص على بالك تعرفه وتتمعن فيه تشوفه واحد ثاني غير الي تعرفه ؟؟

[غصون]

لا ولا مرة ... بس كنت ادور على ربيعتي وكانت وحدة واقفة وعاطيتني ظهرها .. يوم ييت اكلمها اتحراها ربيعتي .. طلعت مب هي .. استحيت شوي وحسيت انه شي محرج .. بعدين اعتذرتلها .. والله لو تشوفون ويهي كيف استوى عقب هالسالفة ...






شو كانت طباعك يوم كنت صغير ؟؟

[للماضي رجوع]

كنت مشاغبة و انضرب وااااااايد
و احب احوووووووط و اصيح اذا ما ودوني معاهم اي مكان
و ما اسمع الكلام و كان مستواي ضعيف في الدراسة يوم كنت في الصف الثاني
و كنت ما اشبه حد و فضولية و اسوي ازعاج في البيت و بنقص علي بسرعة و كنت ما احب اخواني
بس هذي هي احلى ايامي كنا اذا نسوي شي غلط محد بيقعد يقول شي بيعذروني لان نحنا صغااااار

و بس الحين احسن عن قبل عقلنا شوي بس الفضول مب ناوي يخلينا
و العقل زينة طبعا
و بس
من زمان ما كتبنا تقرير
يلا سؤالي هو
شو احلى يوم مر عليك في هذا الاسبوع و شو سويت في هذا اليوم ؟

[الدنيا]

امممممم
كان يوم الاثنين

وماسويت شي كنت في البيت .. بس يعني .. كان عدنا امممم تقدرين تقولين ضيوف .. وبس .. كان اليوم حلو:marsa77:

اذا كنت يالس مع مجموعه ويو بياكلون همبرجر .. طبعا انتو في دوله اجنبيه .. واللحم مش مذبوح حلال .. وقلت لهم هذا مش مسمين عليه عند الذبح .. قام واحد وقالك عادي ياخي سم واكل :marsa56: .. شو بترد عليه ؟؟

[غصون]

شو بترد عليه ؟ شو بترد عليه ؟ شو بترد عليه ؟

بقوله ... خاف ربك بتاكله اليوم ويمكن تندم بعد كم يوم ... صح انه مجرد اكل .. بس هالشي حرام وتحريمه مذكور في القرآن ولازم ما نعترض على هالشي ...
وبحاول وياه إلين ما يقتنع واذا ما اقتنع ..... برايه عنه ما اقتنع ..
بسير ادورلي على اكل غيره ..

انزين ..... اذا كنت يالس ويا ربعك في مكان وكنت كلما تقول كلمة يقاطعك واحد منهم .... شو بتسوي بتكمل قعدتك وياهم وبتكمل النقاش ،،،،،،،،،، ولا بتنسحب بكرامتك ،،،،،،،، ولا شو بتسوي ؟؟؟؟

[عجـــــايب]

شو بسووووووووووووووي؟؟؟؟؟؟؟؟؟؟؟؟؟

بقوله بتسكت و بتخليني اكمل كلامي ؟؟؟؟؟؟؟؟؟؟؟؟؟؟؟ و لا انا اسكت ؟؟؟؟؟؟؟؟؟؟؟؟؟؟؟؟؟؟؟؟؟

انزين ............. لو تعرضت للاختطاف من قبل عصابة المافيا ..........و قالولك........... يا نفجر بيت عايلتك بمن فيه و نطلق سراحك ............او نقتلك و نترك عايلتك حيه .................... شو بتختار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شوفو الشر ههههههههههاي

[الدنيا]

امممممممممممممممممممممم

على حسب منو من اهلي في البيت

يمكن اقول فجروا البيت :marsa139:





لا بسمالله عليهم .. بقوله عمي الزعيم ترى لا انا ولا اهلي نسوى تعور راسك فينا :marsa139:.. ودرنا وفك راسك وانا اوعدك بغربل عيشتهم يوم برد لدرجة انهم بيتمنون لو جاتلني ولا جاتلنهم .. :marsa85:

شو بتسوي لو كنت في بيت ناس ويا ولدهم الصغير ( ياهل يعني ) وعضك .. اونه سوالف بس كانت عضه تعوووووووور .. وكان خاطرك تصيح وتصفعه بس لازم تجامل وتقوله مايعور حبيبي .. يعني تعال عضني مره ثانيه :marsa21:

[Joker]

عورتني با مسك يده بارعص عليها بدون ما احد ينتبه وأول ما يصارخ با قول ( كنقزه ) تضربني وتصيح والله حاله

إذا كنت في نادي سباحه وتبي تسوي حركة وسوتها غلط وشافوك عدد كبير من الناس وضحكوا
شبتسوي ؟

[غلا العين]

بصارخ وبقول حد يرووووووووووووووووووم حركه يديده ههههههههههههههههههههه

اذا كنت فيوم كاشخ ومستانس وانت تمشي... طحت وجافوك وايد ناس شو بتسوي ؟

[الدنيا]

الصدق الصدق

بنش وبسوي روحي ماسويت شي .. عاد اذا عندهم ذوق بيجاروني في السالفه :)

لو كنت ماشي في الشارع الساعه 11 فالليل ووقفك شخص يباك توصله .. شو بتسوي ؟

[ابوفيصل]

ما راح اوقف ...

والله ... اخاف على روحي ...

شو بتسوي ...

لو نمت في مكان وصحيت ... لقيت نفسك في مكان ثاني ؟؟؟؟

[غلا العين]

هههههههههههههه اربط نفسي المره اليايه .....


اذا كنت تكلم ربيعك وفجاه سكت لا حس ولا خبر وبعدين تكتشف انه نام وهو يكلمك شو بتسوي فيه ؟

[الدنيا]

احم

صارت بس مب مع ربيعتي

يلا .. حال الدنيا .. ( مب انا .. هذيك )

بس بقول شو سويت

مره تميت ازقر بالاسم محد رد وسكرته عسب مايقولون سكرتوه بويهنا :marsa77: .. ومره سكرته على طول .. وفي مره سويت حشره توعي فريج الين نشو وحرجوا قالو شو هالازعاج جي يوعون :marsa53:

وفي مرات ماذكرها
.. بس صارت وايد

:)

انزين اذا حد اتصلك وانت راقد ونشيت وتكلمت معاه ورديت رقدت .. عقب سوالك مره ثانيه وانت راقد وقالك هااا وينك انا اترياك ليش ماييت .. طلعت حضرتك مواعدنه في المكالمه الاولى ورقدت عن الموعد .. شوبتسوي ؟؟

[van basten]

ببند التلفون في ويهه...

إذا كنت تكلم ربيعك واختفا شو بتسوي ؟

[شـامسيــة وبــس]

كيف يعني اختفي :marsa36: ؟؟؟ قطع الخط يعني ؟؟

اذا جي عادي ... برد اتصل مره ثانيه

اما لو اختفى وهو جدامي قول ساحر :marsa34: <<<< هذا الرد



انزين : لو في حد يالس حذالك ويغني ويدندن وصوته>>> :marsa64:
ومصر يسمعك يعني وين ما تروح وراك يغني وطرب شو بتسوى؟؟:marsa110:

[ابوفيصل]

اسكته غصب ... وانا اعرف شلون ما عليك ... ههههههههههههه


اذا كنت في المطعم ... وحاط فطورك في الميكرو ويف ...

وجا واحد من ربعك ... وفتح الميكرو ويف ... وطلع فطورك ودخل فطوره ..

بعدين التفت لك وقال ..(ابو فيصل).. ما عرفتك ...

وش ردت فعلك .... طبعا شيل ابو فيصل وحط اسمك ...

[شـامسيــة وبــس]

انا عند الريوق ما اعرف لا صديق ولا عدو ياهازبه وطلع ريوقه وحط ريوقي :marsa88:
ويوم اخلص ببطل واير الميكروويف ..حره على قلبه :marsa156:
عيل يطلع ريوقي ويحط ريوقه لا والله :marsa8:
شكله بوفيصل تعرض لها الموقف :marsa194: >>عاد هذا كنت بحبه على راسه خخخخخخخخ
------------------------
انزين اذا ..كنت يالس تطبع وتعبان وشقيان في الطباعه 5 ساعات وعيونك من على الكيبورد ماراحن :(
وبعدين وبدون سابق انذار يسكر الكمبيوتر وانت ما مسيف شي ولا شي ولا شي :marsa180: شو بتسوى ؟؟

[ابوفيصل]

اي والله يا شامسية ....

قبل نص ساعه بس واحد سواها فيني ...

يعني كان يستخف دمه ...

بدون ما اطالعه ... خذيت اكلي ... وجلست على الطاوله ...

هو اصلا ما بقى الا 4 ثواني بس ...

[غلا العين]

بو فيصل ...والله يقهر......
انزين شموس...

برد اكتبه وانا ميته قهر وهذا اذا ما صحت ...

لو كنت يالس ومريح واخوك يناديك يبيك فسالفه مهمه ...واول ما تقوم يقعد مكانك شو تسوي فيه ؟

[شـامسيــة وبــس]

شو بسوي فيه >>>>>>>>>>>>:marsa111:

بصيح وبروح اخبر ابوي ياخذلي حقي منه :marsa6:


لو كان فيك ارقااااااااااااااااااااااااااااااد ووياك ياهل وطول الليل وهو يقول كملي الحكايه وانت تكمل وتخلص الحكايه
وآخر شي يقول وبعـــــــــــدين شو صار !!! مو على اساس اني خلصت :marsa10: كيف بكون وضعك :marsa111:

[ابوفيصل]

هههههههههههههههههههه

دايم جي اروح للصغار ...

اقرا لهم قصص ...

انام انا ... وهم يطلعون لاهلهم ...

هههههههههههههههههههههههههههههههه

بأكرر سؤالك ....

لو كان فيك ارقااااااااااااااااااااااااااااااد ووياك ياهل وطول الليل وهو يقول كملي الحكايه وانت تكمل وتخلص الحكايه
وآخر شي يقول وبعـــــــــــدين شو صار !!! مو على اساس اني خلصت كيف بكون وضعك

[شعور84]

اصفعهم طراااااااااااااااااق .. واخليهم يصيحون ويرقدون ...ولا وبعد الحفهم بالكامل عشان ما يغمضوني



هييييييييييييييييييييييييي أنا اقول جي عشان ما عدنا يهاااااال



















انزين اذا انت مذاكر وياك الامتحاااان صعب.. ونسيت كل اللي ذاكرته.. شو بتسوي

[بريد الغرام 87]

بكتب اي شي يخطر في بالي وبطلع من الامتحان





انزين

شو بتسوي لو انت ساير مكان وانطر عنك التاير وما عندك سبير

[شجون الامارات]

بوقف اي سيكل أي تكسي و بركب وياه...

سو بتسوي لو شفت شبح يشبه شعوور فجأه طلع جدامك ؟؟؟

[بريد الغرام 87]

بطييييح فمكاني وعادي تيييني غيبوبه




شو بتسوي لو طلعت تعبر الشارع وشفت سيارة يايه تدعمك

[الدنيا]

اممممممممممممم

برد مكاني اذا هو مسرع

واذا مب وايد بغايض به وبمر خخخخخ

بس اذا دعمني امممممممممممم .. انا انصحه يدعم لساني قبل لانه بيندم عقب عاللي سواه :)

شو بتسوي لو انك طالع من السوق ومخلص الفلوس اللي بجيوبك ووقفت لك حرمه طراره وغصب الا تعطيها .. وانت بوسط لناس وماعندك شي .. شو بتسوي ..؟

[شجون الامارات]

بدوسها على ريلها ..

و بخليها تنشغل بريلها و عوارها .. و بـــــــــشرد


شو بتسوي لو كنت يالس ف مكان و جدامك واحد أو وحده

ماعدهم شي غير يطالعونك و يتساسرون

[غصون]

بتساسر ويا اي حد عليهم .. يمكن يييب مفعول وينقهرون شوي .. :marsa40:



لو خيروك بين انك تروح السوق ، أو الحديقة ، أو السيرك ، أو تقعد في البيت .... شو بتختار ؟؟؟ :marsa167:

[ابوفيصل]

السيرك ..........


لو خيروك بين انك تروح السوق ، أو الحديقة ، أو السيرك ، أو تقعد في البيت .... شو بتختار ؟؟؟

[غصون]

السيرك يا مهرج ..... ههههههه :marsa94:


انا بعد السيرك ...

لو خيروك بين انك تروح السوق ، أو الحديقة ، أو السيرك ، أو تقعد في البيت .... شو بتختار ؟؟؟

[الدنيا]

امممممممممممممممممممممم

السيرك

بعد بحط السؤال ..
لو خيروك بين انك تروح السوق ، أو الحديقة ، أو السيرك ، أو تقعد في البيت .... شو بتختار ؟؟؟

بس بزيد عليه ... لييييييش؟ ( ليش بتختار هالمكان يعني ؟؟ )

[بريد الغرام 87]

الحديقة

نشم هوا

[بريد الغرام 87]

سوري نسيت أحطي سؤال
لو كنت تلعب وشفت واحد أغمي عليه
شو بتسوي أو شو بتسوين؟؟؟؟؟

[الدنيا]

بسوي عمري ماشفت :)
























لا لا حرام .. اذا حرمه بحاول اساعدها باي شكل واذا ريال بدور اي حد يساعده

اذا حد عطاك مبلغ انت محتاجه واخوك محتاجه وشفت فقير بعد محتاجه .. شوبتسوي ؟

[الحزين وبس]

بقسم المبلغ ما بيني وبين أخوي والفقير لان كلنا محتاجيله

اذا حد قالك كلام محرج شو بتسو

تحياتي

[الدنيا]

امم اتوقع بسكت ومابرد عليه

لو كنت بمكان عام تقريبا وسوالك ربيعك / سوتلج ربيعتج عالموبايل يعني .. وقلت شو هالحشره بعد وتأففت .. شوي وتحس حد ايقولك من وراك منو الحشره ؟؟ وتتفاجا بالشخص المتصل كان يبي يفاجئك خخخخخخ

شو بتسوي ؟؟

[van basten]

الصراحه مادري ..

إذا كنت يالس تتمشى وطحت في مكان عام والناس وايدين ..

شو بتسوي ؟؟؟

[الدنيا]

اممممممممم
بنش بكمل دربي وبسوي عمري مول ماسويت شي :)

لو شفت شخص عزيز عليك واقف مع شخص تعرف زين انه سمعته مش اوكي شو بتسوي ؟