المساعد الرقمي الشخصي

مشاهدة النسخة كاملة : طال انتظاري

بنــ ابوي ــت
22-04-2004, 05:49 PM
بسم الله الرحمن الرحيم
السلام عليكم ورحمة الله..
اشحالكم اعضاء مرسى الامارات؟
هذي اول مشاركه لي في محمل الشعر والخواطر
هذي قصيدتي واتمنى تعيبكم..





طـــــال انتظاري


طال انتظاري وطال غيابــك....... والدنيا حيل ضاقت فينــــــــــي
متى ترجع يا زين واهنابـــك.......ومن ينابيع الهوا تســـــــقينـــــي

متى نســترجع ذكرياتـــــــك.......ونتبادل شعورٍ فيك وفينــــــــــي

متى اعــيش باحلامــــــــــك.......وانسى العمر الحزينــــــــــــــــي

ترجع وتعـــطر احبابـــــــك.......وتنثرشعرك والتلاحينـــــــــــــي

حرام تبعد ترا طوّل ابــعادك.......ودايم شوقي لك يودينــــــــــــي

ابكيك وابــكي على فراقــــك.......ليلي ما اباته الا بونينـــــــــــــي

قلبي يشــكي عتابـــــــــــــك.......وعيني تشكي مر السنينــــــــــي

مهما طال انتظاري وغيابـك.......انساك..لا حشا..ربي يعينّــــي

انا برقـــب يا غالي وصـالـك.......وبصبر ولو الصبر طال فينــي



وسلامتكم
بنــ ابوي ــت
AL-JABERI
22-04-2004, 06:22 PM
الله يعينج
بصراحه كلماتج حلوه واتمنى لج التوفيق
الزنبقة
22-04-2004, 06:32 PM
ما شاء الله عليك رهيبة .......

وعسى ماننحرم مشاركاتك الحلوووووووووة .......

أمنياتي لك بالتوفيق للقادم .........
زعيم المرسى
23-04-2004, 04:45 PM
متى ترجع يا زين واهنابـــك.......ومن ينابيع الهوا تســـــــقي..:marsa183:


ما شاء الله..لا قوة إلا بالله.......

هالبيت الصراحه عجبني.....وذكرني فالمدرسه.....استعاره مكنيه ولا تشبيه بليغ ما أدري بالضبط...المهم شبه الشاعره شوقها إلى محبوبتها بالينبوع وشبه الماء الذي يخرج من الينبوع بالهوا...وهو يدل على العطاء والكثره وذلك لما يعطي الينبوع من الماء الكثير.......:marsa3:


الصراحه الأبيات جميله مع إن فيها في بعض الأبيات خلل فالوزن ولكن الكلمات ومعانيها غطت على عيب الوزن وتستاهلين التصفيق...:marsa103: أوووه سوري...:marsa16:

أخوج / زعيم المرسى
بنــ ابوي ــت
23-04-2004, 07:42 PM
بسم الله الرحمن الرحيم
اخي الكريم AL-JABERI:
مشكور على مرورك...
اختي الكريمه الزنبقة:
اشكرج على ردج..
اخي الكريم زعيم المرسى:
يسعدني انه قصيدتي رجعتلك ذكريات المدرسه..
ومشكور ع التصفيع..
اقصد التصفيق..


واتمنى للجميع التوفيق..
مشكورين
بنــ ابوي ــت
زعيم المرسى
23-04-2004, 10:53 PM
أحس إنج زعلتي.....تستاهلين التصفيق.....وسوري على المزح الثقيل....بس فعلا كلماتج روعه...
دموع
25-04-2004, 02:52 PM
والله حلووووووووووه..............



وأكثر من راااااااااااااااائعه........




دموووووووووووووووووووووووووووووووووع
غلا العين
25-04-2004, 04:23 PM
يسلام عليج يبنت ابوج خطيره
بس يله ....ورين كمان
بنــ ابوي ــت
25-04-2004, 05:03 PM
اخوي زعيم المرسى: اسفه...بس احساسك غلط...انا ما زعلت...ولا يمكن ازعل من مزحه خفيفه (مب ثقيله على فكره) ومشكور على ردك...
اختي دموع: مشكوره على مرورج...فرحتيني ورفعتي من معنوياتي ؛)
اختي شيشه: مشكوره على ردج الحلو وان شاء الله تكون عيبتج وقريب ان شاء الله اليديد