شو سالفتهم مال البلديه

[the_pirate]

احينه مال البلديه .. في الاجازه لا يحفرون ولا هم يحزنون

مره جربت المدارس والكليات تشوفهم
مره شغالين يكسرون الشارع يمين ويسار ..

أبي أعرف يوم اجازة المدارس والكليات البلديه يأجزون والا
شو سالفتهم ..
يعدلون في شارع واحد لا بالله تعلوزوا الخلق..:marsa116: يعني كفايه انه الشوارع كلها سيدين لا بعد
احينه يعدلون عن حديقة الحزام الأخضر ..
أذكر انه الشارع أللي مجابل الرقه كمل نص سنه على ما اعتقد يعدلون فيه
شكلهم حصلوا فيه نفط وغاز وخام :marsa175:

ولا في الفرجان يكسرون اونه بيسوون مجاري وبعدين بيصبون قار..
كله طاف.. الحفره أتم 4 أشهر مثل ماهي ..

ولااا عن الحدايق يخططون سنه تصميم الديزان سنه ونص العمل سنه ونص وربع
أللين ما يركبون الكشافات يبالهم هم سنه :marsa29:


الله يستر منهم .. مره ما يعرفون يتشغلون في الاجازه ..:marsa189:
يعني لازم يسون لنا زحمه :marsa123:

[تحريات]

أي والله صاج يا ميوووود بس ها كلة أمسوينة عشانة ...

[سلوم]

:marsa118:اويه طاع هذا محرج...

كل كلمه قلتها صاج فيها...:marsa104:بس هالشي ما اشوفه غير فالشارجه...
و هذا شو اسمه شو يسمونه شارع الحزام الاخضر..ما كمل سنه من يوم ما كسروه... و الحين ردو كسروه مره ثانيه ما ادري يمكن نسو واحد داخل..
و عندي احساس قوي بعد يقول بعد ما بيخلصون هذا بيسيرون يكسرون الشارع ما بين راس الخيمه و الشارجه لانه هاذيك السنه نفس الشي خلصو من هذا يو لهذا:marsa156:و لا بعدين يو على خط الجامعه:marsa11:
:marsa60:و الله اشتري لي هلكوبتر ابرك:marsa74:

[راجو المزيون]

اسكت يا ميود انا بروحي طفران وزهقان من هالسالفة لعوزنا الله يلعوزهم :marsa60:

بس تدري الحر هو الي يشرد الهنود وما يخليهم يشتغلون لكن يوم هم مب قد الشغل ليش ملعوزين خلق الله:marsa156:

كله كووم والنعيمية بكوم خخخخخخخ لهجية فرعونية :marsa81: صوب جامعة عيمان المطبة الي مسوينها صارلها سنه يمكن وياريت مطبة محترمة حاطين طابوقتين وسميت وعاد شوف المذلة يوم اطوف على المطبة والله خربت سيايرنا يوم تركب المطبة توقف السيارة ما تروم تنزل:marsa93: مطبه هاي ولا قلة ادب... عفانا الله


قولوا بس عفانا الله

http://alamuae.org/upload/alam14/roro.gif

[المرعب]

:) مايد :)


غير تصليحات المدارس و بعض المستشفيات و و و ...........والله ما اعرف شو يسوون طول العام على قولتك هااااااااااااع :marsa117:



المرعب والاجر على الله :marsa7: ك

[تحريات]

المرعب

المدارس مانباها تتصلح خلوها مكسورة احسن..

[شيخ_الجن]

والله يا برووو :marsa14: اصراحه لسمارت تفشعت واسبب شوارعكم

اعنبووه ماشي شاارع عدل كله مكسر لا والغهر يلفون عليييك :marsa99: ويحرجون بعد
اليوم مناااك صووب المجكمه مالتكم في اشارجه نمشي في طريقنا لف علينا مصري وقام يتحرطم
اويه تلف وتحرج والله لو مب مشغول جان نزليناله بلعصىى على ضهره :marsa122: اونا شرانين
امممممم بخبركم شي عيل اذا انتو ترمسون عن اشوارع نحن في فريجنا محتجزين بس طلعه وحده موجوده
فيه ومبندين المخارج الباجيه ويقولون يسوون مجاري كرمكم الله ماشفنا شي :marsa85:

[اوراق الورد]

انزين وانتوا الحين شو مشكلتكم :marsa104:

مشكله اليهال يوم يعصبون :marsa104:

المفروض تكونون تعودتوا على هاي السوالف :marsa30:

[the_pirate]

:marsa116:خوزوووووووو عنيييييييي :marsa116:

شو هذاااااا :marsa80:

شفتوا العبط في المدينه الجامعيه..

جدام باب البنات بشوي جنك رايح كلية الشباب :marsa64:

شو هذا أحينه الساعه 8 وربع يالسين يشتغلون يعدلون المطبه :marsa155:

هذا وقته تعدلون المطبه وينكم في الاجازه ..:marsa73:

والله عببببببببببببببببببببببببببببببببببببط:marsa64:

مشكورين على مداخلاتكم:marsa173:

[شيخ_الجن]

:marsa67: :marsa67: :marsa67: ميووود بوراس عود الحمدلله بعدني ماوصليت الجامعه

[سلوم]

:marsa156:شفت شو صار فالمدينه الجامعيه...
:marsa60:جان كلامي يطلع صح..
:marsa74:و الله نص ساعه في هالشارع...
:marsa126:بس مر الوقت بسرعه لاني كنت اهذرب فالتلفون...
:marsa60:و الله حاله

[الحب وفا]

عادي تعودنا:marsa64:

[الربان]

السلام عليكم ورحمه الله وبركاته ..
اخوي مايد
تسلم الغالي على طرح الموضوع
بالنسبه لموضوع البلديه بتتعب لو تكلمت :marsa11:
خاصه اخوي بلدية الشارجه
اذكر شارع فريجنا كانت مساحه بسيطه والقار مشقق
تدخلت بلدية الشارجه في البدايه قصوا الشارع للترميم يمكن عشان كم متر بسيط
عمليه الترميم خذت 3 شهور تقريبآ وبعد ما انتهوا منه على اساس ان الشارع خلاص معدل
بس تعال مر عالشارع بتحس انك راكب بعير مب موتر
والصراحه ما ننصح اي حامل تمر من الشارع :marsa3:

بعد فتره بسيطه تفاجانا ان الشارع مره ثانيه مسكر
قصوا الشارع على ما اعتقد كانوا ناسين شيول
وبعد الترميم افتتحوا الشارع والاحلى ان الشارع التعن اكثر :marsa74:

مره فتره بعدها يمكن كم اسبوع ونتفاجا ان الشارع مسكر للمره الثالثه
نزلت من الموتر اسالهم واشوف شو يسوون
قالوا نسوي لكم مجاري وانت بكرامه
بس لو تشوف بيب المجاري تضحك
بيب السن توب شوي امتن عنه :marsa117:

اخر شي حرمت اطوف من الشارع
امر على القرقره والرمل
بصراحه احسن من الشارع والله :marsa74:

[راجو المزيون]

بس لو تشوف بيب المجاري تضحك
بيب السن توب شوي امتن عنه :marsa117:

وجان ازحك على الربان

[جريحي1]

السلام عليكم ورحمه الله وبركاته



لا حياة ولا حياء لمن تنادي


منازل، بل قل آلاف المنازل في الشارقة يعاني أصحابها منذ أكثر من عشرين عاماً



أي منذ إنشائها- من عدم وجود طرق معبدة


زيارة واحدة للإمارة المشرقة تكفي لكي تكتشف أن المواطن "الغلبان لا يمكن أن يسير – في الطريق إلى

منزله على طريق معبد :marsa74:


لا تبتسم! أنت في الشارقة :marsa169:

[العيون الناعسه]

ميود انزين ليش معصب؟؟؟؟
ناس شغاله بذمه وضمير خخخخخخخخخ

[هدوء الليل]

بسم الله الرحمن الرحيم...

السلام عليكم ورحمة الله وبركاته..

هدوا أعصابكم....!!!!!!!!!!!!.. ترى هذا للإرتقاء في البلد.. وإذا انتوا لحقتوا على التصليحات يمكن أحفادكم يلحقون على انتهاءئها.. :marsa150:

هذا كله بصوب.. والتصليحات في الشوارع الرئيسية اللي من مدينة إلى مدينة..( مثلاً من أبوظبي لدبي ) بصوب..

سنين.. والتصليحات ما زالت ( جارية).. وطبعًا الحوادث بــ( زيادة).. وأعداد المتوفين بــ( زيادة).. والمتكسرين والمتشللين والإعاقات الدائمة بـــ( زيادة).. والسبة هالشارع اللي شكله ما بتخلص تعديلاته.. :marsa110:

وعلى قوله الأهل.. يصلحون جزء من الشارع وبعد ما يستوي فيه أكثر من 30 حادث .. يسيرون يصلحون غيره... وهلم جرا...

وفي النهاية...

لقد اسمعت لو ناديت حيا
ولكن لا حياة لمن تنادي..
ونار لو نفخت بها اضأت
ولكن انت تنفخ في رماد..

وتسلم يا مايد على الموضوع الجميل و اللي يثير نقطة مهمة.. ولكن..........( لا أرى ، لا أسمع ، لا أتكلم)...

[حــ_جميرا_ــر]

ههههههههههههه مايد


هل بلديه جيه شغلهم عله شارع ينبني في شهر هم يخلونه في سنه والمفرووض يسوون شارع سبير قبل مايغلقوونه يعني شووف في دبي قبل مايعدلوون شارع سوو سارع ثاني وحلو الطريق ويسلو يعدلون في الشارع الثاني .... عن الزحمه ....


الله يكون في عون الجميل :)

[الشاعر]

السلام عليكم .. قضية تصليح الشوارع وقضية التخطيط هي مشكله تفاقمت في دولة الأمارات والشارقه على وجه الخصوص نظرا لسوء التخطيط والعمولات التي تنهبها الشركات من جراء تصليح وردم شارع وإعادة بناءه مره أخرى فهل يعقل ياأخوان بأن يتم التخطيط لمنطقه معينه ثم يعاد هدمها مره أخرى إذا لم تكن هناك أمور مخفيه .. أين هم المهندسون الذين يخططون لإنشاء مدينه معينه على المدى الطويل والتصريحات التي نسمعها دائما وبين مانراه .. هل يعقل أن تكون المنطقه التي تقع خلف جامعة الشارقه بهذه الصوره وهي منطقه حديثه انشئت حديثا بحيث تكون البنايات بطريقه تدل على سوء التخطيط فهل يعقل أن تكون البنايات متلاصقه بهذه الصوره السيئه والتي تدل بأن الحمار أو المهندس الذي خطط لهذا الشيء لايفقه بالمره في أصول الهندسه .. نحن في بلد حضاري ولكن مانراه لايدعو بالمره إلى الحضاره أو التطور وكأننا نعود دهرا من الزمان للخلف .. أين التخطيط المستقبلي ؟0000 أين العمران المستقبلي ؟ ... أين أختفى الضمير ؟ ... أين الرقابه من كل هذا ؟ ... هذه اسئله تحتاج إلى إجابات وقبل أن نناقش هذه الأمور بصوره هزليه لابد لنا ياأخوان أن ننظر مليا لهذه الأمور لأنها ستضرنا مستقبلا وستضر ابناؤنا من بعدنا لأن التخطيط السليم هو أساس الدوله 0

[الأنامل الفضية]

لا تنسون عيمان ( عجمان )
مو بس الشارجة الي متبهدلة من سالفة المجاري حتي عيمان بعد
حالتنا حالة ويا هالتكسيرات والتحويلات


الله يعين الجميع وخاصة اهالي عيمان

كل يوم مطفرينا شركة الصرف الصحي اونه يبون بيزات :marsa69:





مشكور اخوي مايد على طرحك للموضوع

ولو انه مطروح من شهر 9

[أم غيث]

إلى الله المشتكى ...

نوصل دواماتنا متوتريين لا و بعد يوم نطلع من الدوام ... نفس السالفة ... ما يحلالهم التحفيير إلا الصبح وقت الدوام على الثمان ..

و عيبتني هذي يا الربان
"بس لو تشوف بيب المجاري تضحك
بيب السن توب شوي امتن عنه " حلوه....

شكرا على طرح هذا الموضوع... اللى يباله تدخل سلطات عليا ... لأنه مهما رمسنا ... ما بيتغيير شيء

[شعور84]

والله حاله..

أثر الناس كلها تشتكي من هالموضوع...





يالله شنووووو حرب