اللي عنده خبرة في العود يتفضل

[أبو ربى]

أخواني وأخواتي
السلام عليكم ورحمة الله وبركاته

أبغى منكم مساعدة إن سمحتم

اللي عنده خبرة في أنواع العود ( دهن وبخور ) والمحلات الطيبة للعود يا ليت يساعدني

طبعا في الإمارات وياليت يكون المحلات هذي في أبو ظبي أو دبي أو الشارقة فقط

فمن كان عنده خبرة فليفدنا مشكورا بحيث ما تكون هالمحلات غالية وعندها بضاعة طيبة

[أم غيث]

عندك ...
عبدالصمد القرشي ... روعه
عطورات الحرمين... بعد حلو
أجمل... بعد روعه
الرصاصي ... بعد ترتيب

[أم غيث]

و على قولتهم ... طب وتخير ... هذيل كلهم تقريبا عندهم افرع في الامارات الي ذكرتها

بس على فكرة ... بس احسن اثنين عبدالصمد القرشي و أجمل ...

تحياتي العبِقه .....

[أبو ربى]

أختي أم غيث
ياليت تكتبين اسم المحل والإمارة

ولو اسم الشارع يكون أفضل

احتمال تكون لي زيارة قريبة للإمارات

[أم غيث]

عبدالصمد القرشي
في سيتي سنتر دبي في ديره
وسيتي سنتر الشارقة في شارع الوحدة

أجمل و الرصاصي و عطورات الحرمين
في الشارقة.. في السوق القديم

[أبو ربى]

يعطيك العافية أختي أم غيث

[أم غيث]

الله ايعافيك ...

[ابن الخطاب]

بسم الله الرحمن الرحيم

العود :

1- ملك العود ، مركز الغرير ، دبي ( عود مخمر ) .

2- عبدالصمد القرشي ، سيتي سنتر ، دبي ، ( عود مخمر ملكي ) .

هذي اللي أنا أستعملها دايما .

دهن العود :

1- الرصاصي ، مركز البستان ، دبي ، دهن عود كمبودي ، طبعا في أنواع منها : تولة 350 ، ومنها تولة 750 ، وأكثر ، وفي أقل ، لكن إذا تحب الريحة الوسط خذ تولة 350 .

هذا اللي طلبته وأنا عطيتك أفضلها ، وإذا تحب العطورات العربية خبرني ، الحمدلله لي خبرة زوينة فيها ، لأني أستعملها كثير .

[أبو ربى]

جزاكم الله خيرا

أخوي ابن الخطاب محل الرصاصي هذا فيه منه في أبو ظبي ؟