تيك ات ايزي

[الهاجس المغرم]

مجموعة من الشباب بسياراتهم ..اصغرهم عمره 15 ...طايرين في الطريق يتسابقون .... انقلبت سيارة الاول مات هو ورفيقه .... الثاني مشلول .. الثالث في حالة (غيبوبه) ... والرابع ما فيه شي .... باليوم اللي بعده كمل السباق مع غيرهم
يالله عااااااااااااااادي تيك ات ايزي


باص بنات الجامعة ..... حواليه كتيبة من سيارات الشباب .... معلق كل واحد لوحة على شباك السيارة ..... عليها رقمه ..... واذا سألوهم ليش تسوون كيذا اعتبروهن مثل خواتكم .. قالو تراهن مثل خواتنا ... لازم نطمئن يوصلون للبيت بالسلاااااااااااااااااااامة ... ؟؟
يالله عااااااااااااااادي تيك ات ايزي


واحد .... عايش عند هله ... لكن محاربهم ومخاصمهم ... مثل بوش وصدااااااااام .. الوالد والوالدة ... الاخ والاخت .. حتى السواق خاصمه ... وبرا البيت ... صاير حمامة سلام يمشي لهذا ويسامح ذاك ياكثر طيبه
يالله عااااااااااااااادي تيك ات ايزي


يكد ويتعب ... ويدرس ويحط هدف .... بهذل نفسه بالجامعة .... اخذ الشهادة ... مع مرتبة الشرف ... جاهم المسكين يبى يتوظف ..... مافيه وظيفة ..... عطيناه للي مخلص الثانوية .... والشهادة بلها واشرب مويتها
يالله عااااااااااااااادي تيك ات ايزي


بالجامعة .. ما تختلف عن المدارس .... هات دفترك ..لا .... فهمني .. ماعرف ... ما ذاكرت؟؟ لا والله ماذاكرت ماعرف شي مافهم شي ..... وبالاخير ياخذ (أ) بكل الامتحانات
يالله عااااااااااااااادي تيك ات ايزي


فقير ... وماعنده فلوس كثير .. .ابوه موظف على قد حاله ... وبالبيت عايشين20 شخص ... اشترى احلى رقم جوال .. واحلى نمرة سيارة ...... وهو مامعه لا جوال ولا سيارة ... ومركب على ظهر ابوه ديون ... بس عشان يكشخ عند الشباب
يالله عااااااااااااااادي تيك ات ايزي

احد المسئولين .. مدير ..... لو تكرم عليه الناس وخدموه لا حمد ولا شكر .... واذا نصحووووه .. قلب الدنيا على راسهم .... شايف نفسه وبس ..... الغرور تملكه ... وحب نفسه عاجبه ... واذا عرفته عن قريب .... وشفته قبل لا يكون مدير .... لقيته شخص جبان وتعيس .... متعقد من يوم كان صغير ... يبعد عن فعل الخير .. ويكره لو كان من الغير ... واذا سألناه ليش كيذا؟؟؟ قال كيفي .... حر بحياااااااااااااتي .... انااااااااااااا المدير

يالله عااااااااااااااادي تيك ات ايزي :marsa27: :marsa94:

[نور القمر]

..

كل شئ له حدود .. والشئ اذا زاد عن حده ينجلب ضده ..

ومب كل شئ لازم الواحد ياخذه ايزي ..

مشكور ع الموضوع اخويه راعي الكروزر ..

تحياتيــ . .

نور القمر ..

..

[الهاجس المغرم]

مشكوووووووره اختي على المروور الطيب

[زعيم المرسى]

الصراحه موضوعك حلو.........

مشكووووور أخوي

[غصون]

تسلم اخوي راعي الكروزر عالموضوع ..

هالأشياء وايد منتشرة هالزمان ..

[رصاصة]

موضوعك حلووووووووووو تيكت ايزي ..
خخخخخخخخ

[قوت القلوب]

موضوعععععععععععععععععععععع ......... رائع ......... رهيب........ حلو...........مدهش......الخ

ثانكس راعي الكروزر

[الهاجس المغرم]

مشكوورين على مشاهداتكم وانشالله استنوا من يالافضل

[عجيد الريم]

take it easy


كل شي في هذه الدنيا ناخذها take it easy


ناس تموت وتنذبح ونحن عندنا take it easy

ناس تتشرد وتنفى ونحن عندنا take it easy

ناس عايشه في فقر مب ملاقين اللقمه ياكلونها ونحن take it easy

مانقول الا لاحول ولا قوة الا بالله


مشكووووووووووور اخويه على هالموضوع وماتقصر

اختك:حوريه:marsa111: