هود هود ..يتكم ام عليوي 2

[عجيد الريم]

السلالالالالام عليكم...

شحالكم عيالي عساكم بخير؟؟

اليوم رديتلكم وعندي خروفه يديده...

يالله تيمعوا بخبركم السالفه .

والي بيرمس مكنستي هكي عدالي برضخه على راسه :marsa105:

المهم...

من كم يوم كنت يالسه في الصاله اسولف ويا بوعليوي...
شوي جان يرن هالصفصوف الي تشلونه شرات التيلفون بس مافيه واير مادري شو تسمونه ..قلت حق بوعليوي وهذا شقايل بعد يردون عليه؟؟ قالي شي فص اخضر هوسي عليه وقولي الو:marsa84:
سويت مثل ماقالي ... ورديت على الي على الخط :marsa147:

من قلت الو ..الا اسمعلكم وحده محلالالالالالالاة صوتها ... تقولي آلو ...
قلتلها هلا امي ... جان تقولي جاسم موجود ...
من قالت جاسم موجود ويهي جذه استوى :marsa49:

قلت يمكن البنت متصله تبا واحد اسمه جاسم ريلها بس ملخبطه في الرقم...
جان اقولها امي ولد منو تبين انتي ؟؟
قالتلي ::انتي مب ام عليوي..
قلتلها هي امي انا ام عليوي..
جان تقولي جاسم ولد بنتج...
قلتلها لحظه فديتج ...
سرت زقرت جسوم ...
يوم يا جسوم عطيته التيلفون ...ومارمسته..
تم يطالعني ولا يدري شو السالفه..
من قال الو وردت عليه هذيج ويهه استوى ستمية لون ..
وتم مبهت فيني :marsa140:

شل التيلفون بيدخل يرمسها داخل جان احط المكنسه جدامه عسب مايتحرك فهم السالفه وتم يالس مكانه...:marsa150:

تم يهذرب وياها جدامي ونص رمسته مافهمتها ..بس هي ولا ...
ياني شور هذاك الوقت امسكهم هم الاثنين واضربهم ضرب...بس قبضت عمري ابا اعرف شو السالفه اول...
ماطول جسوم سكر التيلفون بسرعه وكان متخادي ماعرف بلاه ..
جان اقوله جسوم .. مني هذي الي كنت ترمسها؟؟:marsa153:
جان يقولي.. هذي..هي.. شسمها ..منو ..عليا..لالا خولوه بنت خالتي :marsa139:
فتنت عليه وقلتله عن الجذب... خولوه وعليوه اعرف اصواتهن ... ان ماقلتلي منو هي لااسير عند امك وابوك واخبرهم..

توهق الصبي...جان يقولي انزين بخبرج بس والله ماتخبرين حد..
قلتله ان خبرتني الصدق مابخبر لكن ان ماقلتلي الصدق لاارضخك بالمكنسه...
جان يقولي قصة البنت..
قالي:: (( مره كنت ظاهر ويالشباب.. ومريت الكورنيش.. حصلت هالبنت وعيبتني وعطيتها رقمي))
قلتله وهي خذت رقمك على طول؟؟؟:marsa121:

قالي(( هي ترى شي بنات بسرعه ياخذن الارقام بس شي منهن مسترات ومايخصهن في هالسوالف))
قلتله ومن متى وانته تكلمها..
قالي من شهر ...

قلتله اسمع ياجسوم.. انا مابخبر ابوك بالي انته مسونه .. بس صدقني ان ماتبت لا اخبر امك وابوك والفريج كله تفهم ...

عنبوه ماشي حيا ومذهب ... الا تغازل هذي وتغازل هذيج ؟؟ ماخاف على البنات انته ؟؟
واذا انته ماتهمك سمعة البنات ترى عندك خوات ترضى ان حد جذه يسوي بخواتك..؟؟
سكت ماقال شي شل عمره وشل تيلفونه وسار داخل .. حسيتبه شوي فكر بالرمسه الي قلتها..

والله استعيب انا من عيال هالوقت ..ماقاموا يفكرون بسمعه ولا بأهل ...
شي بنات والله يبالهن خيازرين تتكسر على ظهورهن ..
عنبوه لاحيا ولا مذهب.. تشوفها تدور من مكان الين مكان ومازره ويهها بالألوان ..
ويوم حد بيقولها شي بتقول جي تقولولي؟؟
ولا شرات المصبنه تدووووووووور بسيارتها من مكان الين مكان .. ويوم بتشوف مسيره رزت ويهها ودخلت وياهم؟..
وانتي شلج رازه بويهج؟؟

وشي بنات ماشالله عليهن مخهن يوزن بلد...
متسترات وماشي احسن عنهن ..صدق يوم اهلهن عطوهم الثقه ماخاب ظنهم...

ياريت لو كل البنات مثلهن والله ...

والحينه ابا رايكم انتوا في هالخروفه ؟؟؟

عنبوه كلكم رقدتوا وينكم؟؟:marsa164:

[شجون الليل]

:marsa104:هلا يدوتي عيل وين عنج سعد وعليوي


:marsa177: ابي ارمسهم اذا ممكن :marsa37:

سمعي يامايه هالبنات والشباب تراهم نمونه وحده
محد كبر راس البنات غير الشباب ومحد كبر راس الشباب غير البنات
من تعطي الوحده ويه لواحد خلاص يعني اشارة يس
ومن يعطيها ابتسامه خلاص يعني يبا الرقم مني

يااختي لا تنحازين لجانب وتنسين الجانب الثاني
اذا الولد ماغار على خواته فمابيغار على بنات الناس
تقولين لهم انت ماعندك خوات تخاف عليهن
ويه قوي بيرد عليج
والله سمعنا وايد من هالكلام وخواتي مابيصيرلهم شي مستحيل يسون هالشي اصلا
او يخسون يسونه جان اشرحهن هن يعرفون هالشي على شان جي مستحيل يسونه
محد يضمن شي هالزمن لان الزمن غدار
والله مايضرب بعصا
اذا ماشفت افعالك في خواتك تنرد عليك
بشوفهم في المستقبل في اعيالك وبناتك

هالايام ياامي مانحاسب جزء ونترك جزء ثاني
شباب وبنات نفس الشي
في منهم الشين وفي منهم الزين

بس في منهم شو ماتقولين ماتعول فيهم الرمسه
:marsa104: اخر زمن نعاصر الموضه واندور على جيرفريند او بيوفريند:marsa104:

ريال مزوج يخون زوجته باسم شو لازم يكون عندي جيرفريند
زوجتي شي والجيرفيرند شي
ولا يفتخرون في هالشي ويزهون
والبنات نفس الشي
عندهن موضة البوير فريند و لافر

[أم غيث]

الاولاد و البنات ... فيهم الزين و الشين ...

بس للاسف السمجة الخايسة اتخيس السمج كله...

[شـامسيــة وبــس]

الله يهدي الكل
وعياال :marsa62: اليوم بتشووفين منهم وااااااااااايد
الله يعينج وذا تبيين اي مساعدة انا جاااهزة :marsa69: في الخدمة في اي وقت


http://64.4.36.250/cgi-bin/getmsg/look.gif?curmbox=F178690302&a=de6380d59c0601e85920159069a1d759&msg=MSG1070897927.58&start=137837&len=20826&mimepart=2&disk=64.4.36.72_d671&login=eyesnight2002&domain=hotmail%2ecom&hm___sig=48a878a001c409a9d9a193baaff25384d956858ec 6e499aa




شــــــــ:marsa167: ــــامسية وبس

[لامع البرق]

عيال الطفسه
بعض البنات العن عن الشباب و قوايا, مره كنت يالس ف سيتي دبي اتعشى عند المطاعم انا و رفيقي و اسمع صوت " سسسس.. بس بسسسس" قلت لا اكيد هب انا. دقايق و رد ليه نفس الصوت و الحركه. من صديت ورايه الا اشوف بنيه اخت القمر غاااويه ثرها هي لي تبا تلفت نظرنا لها, لا و فرح فوادها و ابتسمت بعد :marsa35:
طبعا ما من حل الا التطنيش على الاخر عل و عسى تتأدب هي و امثالها :marsa161:

و بعض الشباب حدّث و لا حرج :marsa182: ما يصدق يشوف له عباه تتمشى ف الطريج الا قام يرزف و ايول من الوناسه :marsa62: انزين يا اخي عيب استهدى بالله!

خصر الكلام ان تربية الجنسين قاصره و اهلهم مهملنيهم او انهم يفتقدون العاطفه ف البيت...
و سوالم

[the_pirate]

انزييييي وبعدين شو أستوا في جسوووم :marsa10:

[عجيد الريم]

السلام عليكم

عزيزتي شجون...

صدقج الغاليه محد مكبر راس الشباب الا البنات والعكس صحيح...

وفعلاً انا مسكت جانب وتركت الجانب الثاني ...
عشان ماتطلع القصه والخروفه ممله...

عزيزتي لو مسكنا الموضوع من عدة جوانب..بنشوف ان البنت تنخدع تحت شعارات الحب الممله من قبل الشاب... وتحت شعارات الزواج والامال الكذابه...

وطبيعي البنت بتصدق هالشي بحكم ان قلبها بسرعه يميل لهالشي.. او بسبة ان البنت تتوهم بالرومانسيه اكثر عن الرجل....

وفي بعض الاحيان يكون الرجل هو المخدوع بحب فتاه تلعب.. وفي الاخير هي الي تطلع ماتباه...

عزيزتي لو فتحنا هالموضوع وناقشناه بصوره مطوله يبالنا بالكثير اسبوعين الين مانخلصه :marsa187:

[الياه]

ما لهم حل الا المطرق,,,

[عجيد الريم]

عزيزتي ام غيث..

مشكوووووره الغاليه على ردج ...

بس مب كل حد يقدر يسحب الثاني وراه لطريق غلط بالعكس..
الي متعلم وعايش في جو وبيت عاطينه الثقه ولكن ثقه بحدود ..وهو عارف انه لو عاش مع مليون انسان ماله شغل بالحياه غير انه يسحب الغير وراه للطريق الغلط ....ماراح يتأثر فيه ولو صار الي صار...

على العموم مشكووووووره الغاليه على ردج وماتقصرين

اختج:حوريه :)

[هدوء الليل]

بسم الله الرحمن الرحيم..

وعليكم السلام ورحمة الله وبركاته..

هلا بيدووووووووووووووووووووووووه ، اشحالج ام عليوي ، استريحي استريحي يدوه ، يا حيا الله من يانا ..:marsa195:

يا حليلج يا أم عليوي جان ما ييبون لج هالعيال الضغط والسكري، صدق عيال هالزمن ما وراهم إلا مشاكل وصدعة الراس :marsa85:

ندش بالموضوع سييييييييدة :marsa173: أقول يدوه عطيني مكنستج اشوي بس اشوي خاطري اكفح بها ، ترى صدق سالفة المغازلة رافعة لي ضغطي :marsa116: ويبالهم المغازلجين كم ضربة محترمة من مكنستج عسب يعقلون:marsa80:


لحظة بس يدووووووووه ...

:marsa69: :marsa105: :marsa44: :marsa73: :marsa87: :marsa156: :marsa116: :marsa52:


خلاص خلصت.. :marsa79:


===


أيام ما كنّا في رمضان والناس كانوا يتجهزون للعيد ، سألتني في إحدى المرات بنت عمي عن رأيي في أحد المراكز، فقلت لها سرته مرة وحدة وعادي أسعارهم هب لذاك الزود ومن هالكلام، جان ترد عليه: لا أقصد من ناحية الزحمة والمغازلجية..قلت لها عادي ما كان زحمة وما لاحظت شي من حركات المغازلجية..
استغربت من سؤال بنت عمي وخاصة إنها ما تحب تظهر للأسواق وايد فغريب سؤالها، جان اسألها ليش تسألين..
وبكل قهر وغيض خبرتني عن اللي كان يصير في هالمركز من حركات مغازلجية سواء بنات أو أولاد وهي توصف البنات شو كانن لابسات وكيف طريقتهن والشباب وراهن وراهن، صدق كانت مغتاضة ع الآخر.. وصدق هالأمر شي يضيق بالخاطر..
عنبووووووه رمضان ، وبعد جذيه ، صدق إن لم تستحِ فافعل ما شئت..



روحي يا يدوه واحد من هالمراكز تشوفين بنات المكياج لاعب دوره في ويوهن والعباية مرصصة والشيلة وجودها مثل عدمه ، إذا نحن البنات نلتفت لهن فما بالج بالشباب..

انا اهني ما أعفي الشباب أو أقول مثل ما يقول الأغلبية أنه البنات هن السبب.. لااااااا .. ترى بعد الشاب مُلام ومُتهم حاله حال البنت .. المفروض المكان اللي يشوف فيه الفتنة يبتعد عنه أو ع الأقل يغض بصره، بدل ما البعض الله يهديهم لا شغلة ولا مشغلة إلا مطيحين في هالمراكز طالقين العنان لِنظراتهم تتفحص الرايح والياي ..


يا شباب ويا بنات .. خافوا ربكم .. والله إنكم بتتحاسبون على كل شي ، بصركم ولسانكم وسمعكم وكل شي من جوارحكم بيشهدون عليكم يوم القيامة..

الحلال دربه معروف .. فليش يا البنت ترخصين بنفسج وتضيعين سمعتج وشرفج وثقة أهلج فيج .. ما فكرتي باجر أبوج وأخوانج إذا دروا شو بيصير فيهم ..بيشار لهم بالبنان هذيل بناتهم كذا وكذا.. حتى لو متي وصرتي في القبر الناس يوم بيمرون على قبرج ما بيقولون الله يرحمها بيقولون هاي اللي كانت كذا وكذا وسمعتها كذا وكذا..

والإسلام شرّفج وكرّمج وخلاج جوهرة مصونة ودرة مكنونة.. فكوني مثل ما كانن عليه الصحابيات.. فوالله ما كانن عليه هو العزة والكرامة.

وانت يا الشاب ، هب معنى القوامة إنك تخالف الدين وتربع ورا البنات ، يا أخي هالبنات بنات أمتك بنات دينك مُنتظر منهم تربية جيل يظهر منها عمر بن الخطاب وصلاح الدين ، وأنت تسعى لإفسادهن وإفساد نفسك.. فكر في خواتك في أهل بيتك.. الشرف دَين ، وكما تُدين تُدان، وعجلة الأيام تمشي والله يمهل ولا يهمل، فمثل ما ترضى على الغلط على أخواتك لا تراضاها على بنت الناس..
وخلك ريال بمعنى هالكلمة، ريّال شخصية وقدوتك رسولك الكريم عليه الصلاة والسلام، هب تزعم الرجولة وأنت تربع ورا البنات ترا ها ولا يخصه بالرجولة..



وأخيرًا.. اتقوا الله... اتقوا الله... اتقوا الله..



وآسفة يا الحور ع الإطالة ...

واسأل الله عزوجل أن يهدي شباب المسلمين وبناتهم.. اللهم آمين...

[غصون]

آمين آمين آمين ...

مشكورة يدوه أم عليوي .. ويزاج الله خير اختي هدوء الليل عالكلمات الطيبة القيمة ..

[عجيد الريم]

شامسية وبس

مشكووووووووووره الغاليه على ردج الحلو ومرورج الطيب وماااااااااتقصرين

اختج:حوريه:marsa81: