المساعد الرقمي الشخصي

مشاهدة النسخة كاملة : ماذا نقول في المواقف التالية, الكل يشارك

شيخ_الجن
31-08-2003, 12:22 AM
بس حبيت اشارك بشي زز مر في بالي ...

العنوان هو : ماذا نقول في المواقف التالية ...

فd اقوال و [مل تنقال في مناسبات .. عدنا نحن أهل الأمارات ..

مثلا

يوم الواحد معزوم و ينش من على السفرة .. شو يقول لأصحاب العزيمة ...

ان اقول : نعمة دايمة ..واكرمكم الله ..
والأفضل ان الواحد يدعي لأهل العزيمة بالنعمة الدايمة.



انزين .. يوم الواحد تسمعه وهو يجح .. ( كحة ).
انا اقول: سمح ...
ولو الواحد يقول لي هاي الكلمة ( سمح )، اقول له ( كشوا عدوك برمح )

ويوم اسمع الواحد يعطس اقول له عشت ..
ويوم كنا صغار كانوا يقولون النا .. عشت و عششت و في بيت ابوك نبشت )
بس بعد ما يقول الحمد لله ... ترد تقول له يرحمكم الله ...

وطبعا اهل الامارات يوم اييبون طاري الحمام يقولون " تكرم " او : سهل الله عليكم " لو سمعوا واحد يقول بسير الحمام .... وانتوا بكرامة ..... او ساعات لو يابوا طاري الحمير او الجلاب او اي شي ثاني مب مناسب يقولون " عزكم الله"

والناس لو تودع مسافر ...
تقول له " طريج السلامة ط او " تروح و ترد بالسلامة " ولا تنسا الصوغة !!


ولو كانوا في عزا متوفي .. يقولون لأهله
البقا براسكم ..
عظم الله اجركم .. و تكون اخر احزانكم

وفي الاعياد
عيدكم مبارك
عساكم من العايدين
عساكم من عوادة العيد
كل سنة و كل حول انشاء الله


والشخص اللي يظهر من بيت ينقال له" افداعة الله الله يحفظك" و بالعربية الفصحى " استودعكم الله "

والشخص اللي يبا يسكر تلفونه او مكالمته ساعات يقول " بترخص عنك "!!!


واذا عندكم اي اضافات .... زيدونا من علومكم ...

مع ارق التحيات لكم :marsa165:
شيخ الين
شيخ_الجن
31-08-2003, 12:24 AM
اويه نسييت شي :marsa117:

مثلا لو حــد قال لـــــي : مـــرحبـــا
ارد عليـــه : لمرحـــب لاهــــان ..

وان حد نشدني عن اسمـــي ورد علـــي بـــ ( والنعـــــم ) ..
ارد عليــه : ونعــم بحـــالــــــه ..

واذا عــــدت احــد المرضى في المستشفــى اقول لــه : خطــاك الشــــر ..
ويــــرد علــــي : خطـــاك اللاش ..

واذا حـــد نـــــادانـــــي وقلـــت لـــه ( لبيـــــــه ) ..
هــو يرد علي ويقول ( لبيـــــــه حايــــــــه ) ...

واحيـــانــــــا يقولون لـــــــي بعـــــد ان ينشدون عن احوالـــــي ( السلامــــــه ) ..
فأرد عليهــــم ( الله يسلمكم ) ..

واحيـــــانـــا في ذات الموقف يقولون لـــــي ( لمعـــونــــــه ) ..
فيكــون الرد بـــــــ( كفتك المهونــــــه )...

واذا حــــد قال لحـــــد ( احســـن الله عــزاك ) يرد عليـــه بـ ( الدوام لله ) ..

وسلامـــــة راســـــك ..
في هالحاله لازم اتقول لي ( ومــن قال سالـــم
bent_rak
31-08-2003, 02:48 PM
فكره حلو منك .. :

أذا واحد كح انا اقوله ( حلو حلاك .. ربي خلاك .. اذا أمك و أبوك ما يبونك أنا أباك :marsa3: )


و اذا واحد عطس أقوله ( عشت و عششت و في مخبى أبوك نبشت )


و اذا رحت عزى أقول ( عظم الله أجركم ) . ... أو ( حسن الله عزاكم )
( في وحده من رباعتي استوى عندهم عزى .. جان يقوللها الناس حسن الله عزاكم و اهي ترد عليهم ( كل سنه و كل حول ) :marsa3: :marsa3:

و الشخص اللي بسكر عنه اقول ( انزين يالله بخليك )








تحيــــــــــــــ :marsa3: ـــــــاتي
**][Hero][**
02-09-2003, 02:48 AM
مشكور وماقصرت
ومنكم نستفيد ونتعلم :marsa7:
riam96
02-09-2003, 04:23 AM
:marsa104::marsa104::marsa104:
AL-RSASY
08-09-2003, 05:17 PM
مشكوور...ههههههههههههههههه
حــ_جميرا_ــر
09-09-2003, 01:37 AM
:marsa88:

اذا واحد كح اقوووله جمااااااااااااااااااااخ :marsa6:


واذا واحد ضحك ابصوت عالي عالي اقوووله جببببببببببب :marsa95:


اذا واحد مريض اقوووله تستاهل السلامه عسى دوووووووووووووم :marsa66:


سوالف .... :marsa141:


شيخوووه ماخليت شي ماقلته شو محد مواطن في المرسى غيرك :marsa118:

تسلم على الموضوع الجميل كل يوم تعال ....
شيخ_الجن
11-09-2003, 02:06 AM
تسلمووون علىارد حرووووه تصدق يمكن خخخخه :marsa188: :marsa53:
قمر العين
31-05-2006, 01:01 PM
كح كح جديييييييييمه مال اول انته ههههههههههههههههه (سوالف) ترانيه اردها فيك نسينا :)


مشكووووووور وتسلم ع الموضوع الغاوي ويزاك الله الف خير