maitha in turkey ..}~*

[maitha]

السلام عليكم ورحمة الله وبركاته



انا كنت فتركيا من تاريخ 11\7 لين 1\8



تنويه : سامحوني عالتصوير لان كمرتي انكسرت فصورت بكيمرة الفون ،،



فرحلتنا تنقلنا بين خمس اماكن ( اسطنبول – ترابزون- يلوا- بورصه - أبانت )



ملاحظه أنا nouf



أول شي وصلنا اسطنبول ،، الشمس حااره بس الهوا بارد المهم احسن عن جو دبي رحنا الفندق وبعدها ظهرنا وسرنا شارع الاستقلال زحمه جنه تركيا كلها هناك بس وايد فيه مطاعم ومحلات روعه واحلى شي عيبني فالشارع هذا " على قولة اخوي راعي الدندرما "

http://www.up07.com/up7/uploads/28ff506be8.jpg (http://www.up07.com/up7)

الاسكريم فنان بس المشكله بيسويك مصخره جدام العالم لين ما يناولك اياه اونه يهده جنه بيطيح ويعطيك وانته مب منتبه يشله عنك بتنقعون من الضحك ع عماركم ،،



وعقب مسيد النبي ايوب وهذا ظريح حد من الانبياء يسيروله الناس عندهم ويدعون عند القبر واللي يضحك ان الناس يوم يظهرون ما يعطون القبر ظهرهم فيمشون ع ورا لين ما يظهرون ،، ونحن نشوف اخواني يقولون ريوس ريوس والله اني هلكت من الضحك ،، وهذا قبر حد من الصحابة والصراحه مب قادره اذكر اسمه ،،



http://www.up07.com/up7/uploads/22efecb83e.gif (http://www.up07.com/up7)



وهاللبس وااايد شفت اولاد لابسينه بس لين احين ماعرف سالفته !!


http://www.up07.com/up7/uploads/d2d5313c14.jpg (http://www.up07.com/up7)

هاي الصورة صورتها في جزيرة الأميرات رحناها بالباخره يمكن ناخذ 3 ساعات زحمه يركبون كل الناس والباخره تمر ع 4 جزر كل واحد ينزل في جزيرته ،، والاتراك مب كلهم يحبون العرب يوم حد ينزل ما يسون لك مكان عشان تيلس بالعكس يوسعون المسافه بينم ،، المهم انها وااايد حلوة وفيها سوق كشخه ومطاعم احلى بعد ،،





بعد 3 ايام رحنا ترابزون رحنا بالطياره لان بالسياره تاخذ 15 ساعه

اللي بيمر بالطيران الداخلي بيتغربل ،، عني انا كم مره امر من كاشف المعادن بعد يرن فصخت كل شي عليه وبعد يرن جان يدخلوني غرفة وفتشوني لين ماقلت بس يلوعون جبد الواحد وتعاملهم زفت



http://www.up07.com/up7/uploads/f15a99500d.jpg (http://www.up07.com/up7)

في ترابزون كله طبيعه وجو بااارد وانا وايد استانست فيها وخصوصا الناس كانو واايد فرندلي يعني ترتاح معاهم بس المشكله انها مثل قريه مافيها مطاعم عدله كل المطاعم ما تسوي غير عيش وكفته واذا غيرو كفته وعيش



هاي الصورة في منطقه اسمها " zigana "

http://www.up07.com/up7/uploads/538ea7eedf.jpg (http://www.up07.com/up7)

وهالصورتين في منطقه اسمها " uzongol " هالمنطقه بحيره وحوليها فنادق وسوق الجو فيها روعه وحلوة للسكن ،،

http://www.up07.com/up7/uploads/04a6e6dca6.jpg (http://www.up07.com/up7)


http://www.up07.com/up7/uploads/cd6231f6f4.gif (http://www.up07.com/up7)













يتبع \\~*

[messaoud28]

مرحبا بك للمرة الثانية وشكرا على الصور الحلوة في انتظار البقية تقبلي مروري

[maitha]

انجلش والجو واايدةكشخه والناس طيبين يعني باختصار احلى مكان انا زرته في تركيا وارتحت فيه نفسيا وااايد ،،

هاي صورة ولدين وحليلهم يبيعون توت انا لو مابا من اشوفهم اخذ من عندهم مساكين طيبين ،،


http://www.up07.com/up7/uploads/de5d8d51c4.jpg (http://www.up07.com/up7)

بعد يومين سرنا شلال اعتقد يسمونه الشلال الصغير واايد حلو والناس هناك يسبحون ،،

http://www.up07.com/up7/uploads/549f8560bf.jpg (http://www.up07.com/up7)

ونحن رايحين الشلال طبعا في درب طويل لازم تمشيه لين ما توصل مريت ع غصن مكتوب عليه شي حلوو قلت لازم اراويكم ،،


http://www.up07.com/up7/uploads/3872bd50cd.jpg (http://www.up07.com/up7)
عقب 4 ايام في يلوا رحنا بورصه وخذت الرحله تقريبا 4 ساعات لين ما وصلنا بورصه ،،



بورصه مكان شبيه باسطنبول من ناحية انها منطقه تجاريه ومن ناحية الجو ان الشمس حاره بس ايك الهوا بارد ،،

هاي اكبر شيره في تركيا عمرها 600 سنه ،، مارمت اخذ لها صورة كامله لانها صدق عوووده ،،

http://www.up07.com/up7/uploads/ceef20063a.jpg (http://www.up07.com/up7)

هاي الصورة في لونا بارك ،، هالحديقه احلى حديقها شفتها الصراحه ،،
المهم صورتلكم النوافير وكانو يسون عروض واشكال حلوة بهالنوافير ،،

http://www.up07.com/up7/uploads/ca500e735f.jpg (http://www.up07.com/up7)

بعدها رحنا بالسياره رحلة دامت 6 ساعات تقريبا من بورصه الى ابانت ،،




أبانت هي منطقه منقطعه في تركيا يعني من جه كله جبال والجهة الثانيه بحيره شي منتجعين حولين البحيره ومثل يلوا المكان متروس عرب وماتشوف الاتراك الا نادراً ،، وهو مكان حلو لشهر العسل


هالصورة خذيتها من بلكونة الفندق هاي البحيرة ووراها الجبال ،،



http://www.up07.com/up7/uploads/1ea0aa37d6.jpg (http://www.up07.com/up7)

هالصورة في ممشى حولين البحيره ،،

http://www.up07.com/up7/uploads/4a1b1c428e.jpg (http://www.up07.com/up7)


هني كنا راكبين الحنطور ونتحنطر حولين البحيره والجو كان رووعه ،،

http://www.up07.com/up7/uploads/8807bd6ad7.jpg (http://www.up07.com/up7)

وبعد 4 ايام خلصت رحلتنا في ابانت ورجعنا اسطنبول ويلسنا فيها 3 ايام وبعدها رجعنا لدبي ،،
كانت رحلة واايد حلوة وتركيا بلد يستاهل الزياره ،، ولو مب الشوق للبلاد ماعندي مانع اكمل الصيف فيها







اتمنى يكون موضوعي عيبكم ،، وسامحوني عالقصور ،،

[messaoud28]

العفو ان يشاء الله انت التي يزداد ابداعك وتواصلك للمنتدى

[maitha]

ثانكيو عالمرور وكل من يشوف موضوعي انا ارشح تركيا للسفره اليايه ...

[سامرينا]

رووووووووووووووووووووووووعه التصوير

ان شاء الله استانستواااا

يعطيج الف عافيه

ومره ثانيه مري علي بروح وياااااااج LOOOOOOOOOOOOOOOOLZ

دمتي بحفظ الرب

[^.^]

سامرينا مرت من هنا

[راعية الاستيشن]

ماااااااااااااااا شااااااااااااااااااااااء الله الصور واااااااااااااايد حلوه

ابداعتي بصراحه

الله يعطيج الف عافيه
http://www.up07.com/up7/uploads/8807bd6ad7.jpg


وهاااي الصوره وااايد عيبتني ^^


تسلمين على الصور الحلوه


تقبالي مروري:

اختج^^ راعية الاستيشن^^

[maitha]

كرا عالمرور اخواني

[بنت البلاد]

ماشاء الله صور حلوة

أكيد استانستو في هالسفرة

والمكان روووعه

ربي يعطيج ألف عافية على التصوير الحلو

[Hessa]

تغطيه جميله اختي ..
يعطيج العافيه