بدون رجال

[الفــ الذهبية ــراشة]

السلام عليكم و رحمة الله و بركاته.

وكما ترون أيها الاعضاء إنتشرت في الآونة الأخيرة المقاهي النسائية التي إمتلأت بالشيشة و الدخان
لكنني أريد عمل مقهى خاص بالنساء يمنع دخول الشيشة و الدخان
وكله نساء من الإدارة حتى العماله
وأريد رأيكم؟!

..................................................

علما أن المقهى سيوفر العديد من الزوايا المتنوعة
زاوية الكتاب وزاوية الـ............
وغيرها....
ملاحظة: أرجوا ذكر السبب عندعدم الموافقة .
ولكم مني خالص شكري وتقديري.

[شوق العيون]

فكره وايد حلوه وياليت تطبق في كل دول الخليج
جي بنكون في كامل حريتنا .. بالعربي نآخذ راحتها بدون وجود عيون متطفله تطالع طول ما انتي يالسسسسه
^^
بالتوفيق
{ .. شوق العيونـ،،

[messaoud28]

فكرة ولا احلى منها خاصة انها ضد التدخين والشيشة ولما لا مخدرات ان يشاء الله تطبق

[غيار]

سهرات الحريم بتزيد

[المنارة]

فكرتج وايد حلوه بس المشكله ان الحريم مرتبطين ببيوتهم وبعيالهم وبرياييلهم وماتقدر الحرمه اتخلي البيت والعيال وتقول انا سايره الكوفي بيصفعها ريلها على ويهها ههههههههه

بس بشكل عام حبيت الفكره عشان الحريم ينفسون شوي من الروتين المنزلي

[الدعج الناعسات]

بصراحه انا اشوفها صعبه شو ماكانت محتويات المقهى
راح يكون فيها جانب سلبي مهما كانت التحفضات والاهتما مات مثل مااكو هناك سلبيات للمشاغل النسائيه ؟؟
وعلى راي اخوي غيار راح تزيد سهرات البنات برى البيت وراح تكون هناك مشاكل اسريه وايده


وجهة نضر

[والله انا]

انا اواافق وبشده

بالعكس وجود مكان نفس هذا ونسائي بحت بيسمح للعديد من النساء وخاصه الي ينتمون لعوائل محافظه جدا انهم يقضون وقت ممتع مع رفيجاتهم ويغيرون جو برا عزايم البيت..
وبالنسبه للي يقولون ان السهرات بتزيد..انا احترم وجهه نظرهم لكن...الي بتزيد سهراتها برا البيت بتزيدها ومابتستنى افتتاح مقهى نفس هذا..

شخصيا عندنا بالسعوديه كافيهات من هالنوع لكن مالاحظت منها اي مشاكل...
وبالعكس السهر فيها اقل من السهر بغيرها..
اكو وايد حريم يسهرون يوميا بالاعراس والمناسبات الخاصه ومايردون للبيت الا ويه الفجر

عشان جذي لا نحط اللوم عالاماكن الجديده..

المفروض نحط اللوم عالناس الي مو عارفه ترتب وقتها..

رايي انج تتوكلين على الله و تسوين هالفكرة حبيبتي

والله يوفقج

[ehssas mobd3]

فكره جد روعه واوفق عليها لان خصوصا فهذا الزمن تحتاج النساء لهذا المكان الي تقدر تكسر فيه الروتين االمعتاد من رعاية الاطفال واشغال المنزل الي ماتخلص و بعد بتتتغير نفسيتها كثير<<<<الاخو سافر السعوديه ورد وتغيرت مصطلحاته هع هع

اما بالنسبه للفتيات بيقدرون يأخذون راحتهم بدون ازعاج<<<<يعني تعرف انكم يا بعض الشباب مزعجين هع هع

[عروق الغلا]

فكرهـ حلوهـ وانا اايدك وياليت يكوون ممنوع التصوير علشان نكون ناخذ راحنا بالكامل
وربي يعطيك العافيهـ ومن جد حنا بحاجهـ لمقاهي نسائيهـ بدون اجواء مليئه بالدخان

[الفــ الذهبية ــراشة]

اشكر الجميع على الرد

و

وانشاء الله نشوف الردود

الجديدة و المفيدة


والله و لي التوفيق