مهند ونور ككككك

[الكتبي]

نور ومهنـد فعلـوا أعجـاب
لعبوا على عقول العرب لعـب
وماجا الهواء ع خيل وركـاب
لنه الهواء هو قلب مـب درب
بنات تاحـن حتـى لحجـاب
و الشاب حط له وشم فالجنـب
قالـوا مهنـد حلـو جــذاب
أشقر طويـل وصـدق ينحـب
وكل بنت أصبح حلمها شـاب
اسمـه مهنـد حلـو وأعـزب
و الشاب يبغي نـور لأسبـاب
خصر ونحر وأرداف تجـذب
رسمـوا علينـا حـب كـذاب
واحنا العرب صدقنا ذا الكـذب
بوسات ومعانق بـلا حسـاب
وكل المسلسل حب فـي حـب
في تركيـا علمـان وأحـزاب
وحزب الفضيلة ينضرب ضرب
الحب في التمثيـل قـد طـاب
من أجل ينسى همـه الشعـب
واحنا اهتوينا حـب الأغـراب
-نجري وراء ما يرسله الغـرب
مقيـول فـي السنـة ولكتـاب
نتبع ولو دخلوا جحـر ضـب
يـا نـاس خلـوا فيكـم آداب
صرتـوا بـلا ديـنٍ ومذهـب
طلاق صـار بسبـة اعجـاب
وبيوت لجـل أوهـام تخـرب
الحـب عفـة وديـن ونقـاب
ما هو سيناريو بزيـف يكتـب
والرجل منه خصومـه تهـاب
إذا غدا في الموقـف الصعـب
تربت يداك اضفر بمـا طـاب
وايـدك بـذات الديـن تتـرب
واترك هوا من عنهـم غـاب
ان شرقنا ماهو كمـا الغـرب
فضوها سيرة واغلقـوا البـاب
وكـل انتقـادٍ بـه نـرحـب

[الدعج الناعسات]

صح لسانك اخويه
والله انك صدقت بكل كلمه قلتها

[سامرينا]

ابدااااااااااااااااع

صح الله لسانك..

الحمد الله لا شفته ولا ابي اشوفه بعد .. ع كثر المصايب اللي اسمعها ما ابي اشوفه ..

اللهم اعوذ بك من الشيطان الرجيم ..

هذا كله بسبب ضعف الوازع الديني وانا اختك..

يعطيك مليوووووووووووووووون مليووووووووووون ..>> صاروا مليووونيين عافيه ..loooooooooolz

دمت بحفظ الرب..


موفق بإذن الله ..

^^"

سامرينا مرت من هنا

[والله انا]

تسلم يمناك اخوي

مسلسل سخيف والي يتابعه اسخف

اشكرك عالقصيده الحلوة

[messaoud28]

ما هو سيناريو بزيـف يكتـب
والرجل منه خصومـه تهـاب
إذا غدا في الموقـف الصعـب
تربت يداك اضفر بمـا طـاب
وايـدك بـذات الديـن تتـرب
واترك هوا من عنهـم غـاب
ان شرقنا ماهو كمـا الغـرب
فضوها سيرة واغلقـوا البـاب

صح لسانك الاخ الكتبي ولا يحرمنا من ابداعك تحياتي

[المنارة]

صح لسان الشاعر


عيل هذا مهند ويا الروج اللي حاطنه مب ريال هذا ولا نور مب من حلاتها يعني


الله يهدي الناس اللي مضيعه وقتها واتابع هالمسلسل لا ويخلون عيالهم الصغار يتابعون عشان يتربون عدل

باجر البنيه تكبر وتحب واحد وتشرد وياه والأهل هم الأبرياء مالهم خص ماكأنهم غرسو في عيالهم حب مسلسلات مثل هاذي

الله يهدي الجميع

[فواز علي الروقي]

صح لساااااااااااااااانك يالغالي
ولاهنت تحياتي لك

[سارونة الحلوة]

صح لساانك خيوو ^_^

والله لا يحرمنا من ابداعاتـــــك



اختك

ساروه:marsa5: