خلني حادث عادي.. [الأرشيف] - منتديات مرسى الإمارات

والله انا

31-07-2008, 03:11 PM

السلام عليكم ورحمه الله وبركاته....

شحالكم اخواني..واخواتي المرساويه؟؟
او مثل مايقول اخوي راعي مطرة..
(( شحال كلن بحاله ؟؟ ))

:)

والله انا عادت اليكم من جديد..
هو مو جديد وايد لان القصيده الجايه كتبتها وانا عمري 15 سنه..
يعني من 6 سنوات تقريبا..
بصراحه جت ببالي فكرتها لما كنت اسمع اغنيه لاصيل ابو بكر اسمها...(((واحد من الناس)))
ف ع طول بعدها مسكت القلم وكتبت هالقصيده...
وحبيت او بمعنى اصح تشجعت اعرضها لما شفت تشجيعكم لي بالقصيده الي راحت...

وايضا استجابه لطلب اخوي بوحمد لما قال..
((دوري بالادراج يمكن تلقين شي من هالزين)))
<<<اشكر بو حمد بهذه المناسبه على هالكلام..
واشكر كل من علق ع قصيدتي الاولى..
وياريت تعجبكم هذي القصيده بعد...

خلني حادث (ن) عادي

مصيري اصير ذكرى****مصيري اصير شي عادي

روح عيش ولا تطري****اسمي لا تصير عنادي

حكم الظلم وترى****حكمه انهانا مع الميلادي

ماسأل فينا ولا درى****بجروحنا ماسمع بالمنادي

ماسمع باللي صار وجرى****دمر اثنين تو حبهم بادي

ابعدك عني وسرى****رماني لحالي باعمق الوادي

خلاني وحيده بالعرا****من غيرك حياتي من غير زادي

انساني سيدي الي شرا****قلبي وباع لاجلي الرقادي

لا تذكرني فذيك المره****فذاك الطفل الصغير بالمهادي

لا تشوفني بذا المهرة****بالشجر ولا زهرة الكادي

شيلني من بالك ولا ترى****تزعلني من قلبك الهادي

عيشها لاتناظر ورا****تكفى خلني حادث(ن)عادي

انساني سيدي الي اشترى****اخلاصي..روح ولاتنادي

روح................ ولا تنادي

وسوالم

الحزين وبس

31-07-2008, 03:16 PM

و عليكم السلام ورحمه الله وبركاته..

نحن بخير وسهاله..شحالج اختي ولله انا
ما شاء الله عليج..
كلمات جميله .. و قصيده ما عليها كلام ترتوبه
بداياتج في عالم الشعر .. بدايه رائعه
دمتي مبدعه..و نرقب كل يديد

والله انا

31-07-2008, 03:29 PM

انا بعد الحمدلله بالف خير دام الكل بخير...

تسلم اخوي الحزين ع هالتشجيع وماتقصر....

وانشالله يدوم الكل بابداعه...

ويعطيك العافيه عالمرور والرد :)

saw4

31-07-2008, 11:57 PM

والله انا ........ بجيتيني اهيء اهيء

والله خوش قصيدة حياتي انتي

غيار

01-08-2008, 12:37 AM

بخير دام الكل بخير
انا متأكد ان عندج الموهبة
قصيدج جمي

messaoud28

01-08-2008, 02:57 AM

مشكورة على القصيدة ونتمنى تعودي الى قرض الشعر وتكوني من اهل عكاظ

والله انا

01-08-2008, 02:23 PM

والله انا ........ بجيتيني اهيء اهيء

والله خوش قصيدة حياتي انتي

ههههههههههههههههه

لا شدعوة سو..مانبي احد يبكي..

يسلمو حبيبتي ويعطيج العافيه عالمرور :)

والله انا

01-08-2008, 02:24 PM

بخير دام الكل بخير
انا متأكد ان عندج الموهبة
قصيدج جمي

تسلم اخوي غيار على هالتشجيع وانشالله اكون عند حسن ظنك وظن الكل

بوحمد

01-08-2008, 02:45 PM

شيلني من بالك ولا ترى****تزعلني من قلبك الهادي

عيشها لاتناظر ورا****تكفى خلني حادث(ن)عادي

صح اللسانج
والله انا
ماشاءالله عليج
استمري
وموفقه في القادم

والله انا

01-08-2008, 03:18 PM

مشكورة على القصيدة ونتمنى تعودي الى قرض الشعر وتكوني من اهل عكاظ

تسلم اخوي مسعود ع تشجيعك...
و مو لدرجه اني اكون من اهل عكاظ...
شعري على قدي..يعني لسه مبتدئه
عموما اشكرك للمرور والرد

والله انا

01-08-2008, 03:20 PM

شيلني من بالك ولا ترى****تزعلني من قلبك الهادي

عيشها لاتناظر ورا****تكفى خلني حادث(ن)عادي

صح اللسانج
والله انا
ماشاءالله عليج
استمري
وموفقه في القادم

صح بدنك اخوي بو حمد....
اشكرك لمتابعتك وتشجيعك المستمر...
ويعطيك الف عافيه :)

نهر النيل

02-08-2008, 01:30 AM

وعليك السلام ورحمة الله وبركاتة الحمد لله بخير صح لسانك اختي والله انا قصيدة روعة وربنا يوفقك انشاء الله
ننتظر جديدك انشاء الله .

والله انا

02-08-2008, 09:25 PM

صح بدنك اخوي مصطفى وتسلم على التشجيع الحلو...

اشكرك للمرور والتعليق :)

سلامه)

05-08-2008, 09:49 PM

تسلم القصيده و يسلم كاتبها

والله روعه واااايد عجبتني

وطلعت البنت مب هينه .... زيدي من هلاكلام الطيب و لا تقصرين

والله انا

05-08-2008, 10:58 PM

الله يسلمج ويخليج يالغاليه...
والله حجيج عسل..
يخليلي اياج ويخليلي ردودج الحلوة امين

بس حلوة هذي مب هينه هههههههههههههههه
والله عيبتني وايد

انتي اللي لاتقطعيني من مرورج الرائع

تحياتي لج