رساله حب..وفراق

[والله انا]

السلام عليكم ورحمه الله وبركاته..

شحالكم انشالله طيبين؟؟

الصراحه انا اول كنت اكتب شعر بس قطعته صارلي 4 سنين تقريبا..

وهذي اخر ماكتبته قبل الانقطاع ف ياريت تقولولي رايكم فيها بصراحه

ليه من غير مقدمات .. ينقشع هذا الغمام****وعين قلبي تنكسر وتنظر بنظرة ذليل
ليه هاجرت كل الطيور .. كلها حتى الحمام****ومابقى الا الغراب ينعق يصايح كل ليل
والربيع الي اختلف..وانقلب بدر التمام****الشتا وسط الربيع وانطفى البدر الجميل
والصديق اصبح عدو..والوفا امسى في خصام****والبعيد الي انتصر..والخسارة للخليل
"الي نبيه عيا يجي..راح وتركنا منذ عام****واللي يبينا مانبيه والقلب عيا له يميل"
هو الزمن ولا البخت..ولا كلام(ن)في كلام****ولا حبيب عني ابتعد..وصار لمسه مستحيل
ليه يابشر ظلم المحبه..والسعادة والغرام****ليه يابشر ماترحمون..دمع العزيز الي يسيل
ابعث هوا ارسل انا للحبيب احلى سلام****ورق نثر قصايد شعر..املى فيه المراسيل
ليه ياحبيبي مبتعد..اناس والله ذا حرام****اقرب حبيبي عندنا وداوي ذالقلب العليل
"اسف حياتي"قلتهالي..وغطيت قلبي بالظلام****"ابغيك انا ..بس الظروف"ادري لا تشرحلي حيل
ادري انا تبغى قليبي عندك انت هو ينام****واعرف انت اني اقدم العمر لك اكبر دليل
لك يالحبيب مني انا..كل الوفا والاحترام****وصدق ترى..مهما جرى..منسى نسيمك العليل

وسوالم

[بوشهاب]

و عليكمـ السلامـ و الرحمهـ ،،

الحمد لله .. طيبين ..

ليه من غير مقدمات .. ينقشع هذا الغمام****وعين قلبي تنكسر وتنظر بنظرة ذليل
ليه هاجرت كل الطيور .. كلها حتى الحمام****ومابقى الا الغراب ينعق يصايح كل ليل
والربيع الي اختلف..وانقلب بدر التمام****الشتا وسط الربيع وانطفى البدر الجميل
والصديق اصبح عدو..والوفا امسى في خصام****والبعيد الي انتصر..والخسارة للخليل
"الي نبيه عيا يجي..راح وتركنا منذ عام****واللي يبينا مانبيه والقلب عيا له يميل"
هو الزمن ولا البخت..ولا كلام(ن)في كلام****ولا حبيب عني ابتعد..وصار لمسه مستحيل


الله الله .. وين هالابداع من زمان ..

ما شاء الله عليج .. كل يوم نكتشف فيج يديد ..

كلام حلو و الله ..

يعطيج العافيه اختي ..

و نتريا يديدج

[والله انا]

:marsa181: :marsa181: :marsa181: :marsa181: :marsa181:
احم احم..
احرجتني بهالحجي والله يابو شهاب..

لا خلص ماعدت اكتب شعر والله من دشيت الجامعه وبلشت ويا المذاكرة والدروس
ههههههههههههههههههههههههههه

هذي كتبتها من زمان...والحين صارلي فترة مو كاتبه ف ماعاد ادري انا اقدر اكتب من يديد ولا لا...

تسلم يابو شهاب على هالحجي وماقصرت

يشرفني مرورك وانك تكون اول من علق ع قصيدتي :)
تحياتي

[راعـــي مطـــره]

والله حيــــها ,,,


ليه يابشر ظلم المحبه..والسعادة والغرام****ليه يابشر ماترحمون..دمع العزيز الي يسيل


صـــح لسانج .. وصــــح قلمج .. لا هنتي يا ختيه ... بياض ويه .. نرقب اليديد




لا عدمناكم

[والله انا]

صح بدنك وويهك ابيض اخوي راعي مطرة

لا هان غاليك..

تسلم وماقصرت عالمرور
يكفيني بس تعليق عضو متالق مثلك على قصيدتي المتواضعه

مشكووووور للمرور

[نسمة صباح]

صح لساااااااااااااااااااااااااااااااااااااانك ..

ماشاء الله روووووووووووووووووووووووعة ..

ننتظر المزييييييد .. لاتحرمينا ..

[والله انا]

صح بدنك نسووووووووووووووووووووووووومه
تسلميلي يالغاليه على مرورج
وايد استانست لان القصيده عجبتج
بعد فترة انشالله بنزل جم شغله بسيطه كتبتهم من زمان...
ياريت بعد يعجبونج
الله لا يحرمني من مرورج الحلو

[غيار]

والصديق اصبح عدو..والوفا امسى في خصام****والبعيد الي انتصر..والخسارة للخليل
"الي نبيه عيا يجي..راح وتركنا منذ عام****واللي يبينا مانبيه والقلب عيا له يميل"
هو الزمن ولا البخت..ولا كلام(ن)في كلام****ولا حبيب عني ابتعد..وصار لمسه مستحيل
بكل صراحه وبدون مجاملات
حرام عليج 4 سنين حرام عليج؟؟؟؟؟؟؟؟؟؟؟؟

[والله انا]

:marsa181: :marsa181: :marsa181: :marsa181: :marsa181: :marsa181: :marsa181:
وبصراحه وبدون مجامله...
هذا ردي
:marsa181: :marsa181: :marsa181: :marsa181: :marsa181:

والله احرجتني حيل اخوي غيار..
وتسلم والله عالمرور والحجي الحلو...

والله احس مدري من كبرت شوي عن ايام الثانوي وانشغلت ويا الدراسه...
ماعاد عندي وقت ومزاج صراحه للشعر..

بس تدري..

والله بكلامكم هذا بتخلوني افكر بالرجعه
ههههههههههههههههههههههه

مشكور وماقصرت غيار :)

[saw4]

فديتج بعد جبدي شهالحجي الحلو؟؟

والله خوش قصيدة يا والله انا... لا تنقطعين ارجوج ..

[والله انا]

يسلمووووووووووووووووو حبيبتي سو..
والله انتي الاحلى
فديتج وفديت مرورج عالموضوع.....

والله كلامكم يشجع صج..
بس مدري شنو بيصير بعدين...
انشالله ارجع اكتب من يديد :)

الله لا يحرمني من هالردود الحلوة :)

[الذااهبه]

ما اجمل الكلمات اللي خطتها يمناج

ابدعتي ماشاء الله عليج




وقصيده روعه تسمع صوت الابداع والاستبداع فيها
صح لسانك والله لاهانج
نحنا فاانتظار يديدج
ربي يحفظج^^

[والله انا]

صح بدنج يالغاليه...
والله كلامج هذا وسام اعلقه على صدري....
فديتج كلج ذوق..
اشكرج على هذا التشجيع وانشالله اني اكون عند حسن ظنج وظن الكل باذن الله
تحياتي :)

[messaoud28]

الشعر هوالتعبير عن المكنونات النفسية واخراجها في طابع فني وجمالي وادبي راقي وانت تملكينا هدا فعودي الى قرض الشعر والعود اجمل ولا تحرمينا من جديدك.

[بوحمد]

"الي نبيه عيا يجي..راح وتركنا منذ عام****واللي يبينا مانبيه والقلب عيا له يميل"
صح لسانج
والله انا
ودوري في الادراج جان
في شي من هالزين
استمري
موفقه ان شاءالله

[messaoud28]

تسلم يداك ونبارك الدوق الحلو والاحساس الجمالي فيك بس استفيدي من قدراتك في قرض الشعر وخلينا نسمع احلى قصايدك وموفقة ان يشاء الله.

[والله انا]

الشعر هوالتعبير عن المكنونات النفسية واخراجها في طابع فني وجمالي وادبي راقي وانت تملكينا هدا فعودي الى قرض الشعر والعود اجمل ولا تحرمينا من جديدك.

تسلم اخوي مسعود على هالكلمات الحلوة..
اشكرلك مرورك وتشجيعك وانشالله اني اقدر ارجع..واكون عند حسن ظن الكل....
تحياتي :)

[والله انا]

"الي نبيه عيا يجي..راح وتركنا منذ عام****واللي يبينا مانبيه والقلب عيا له يميل"
صح لسانج
والله انا
ودوري في الادراج جان
في شي من هالزين
استمري
موفقه ان شاءالله

صح بدنك اخوي بو حمد...
يشرفني مرورك وردك..والف شكر عالكلام الحلو الي كتبته..
وصراحه على تشجيعكم هذا...شكلي صج بدور الادراج عشان اقدر احط لكم شي هني
هههههههههههههههههههههههههه

اشكرك مرة تانيه وجد جد جد يشرفني تعليقك عالموضوع :)

[سلامه)]

والصديق اصبح عدو..والوفا امسى في خصام****والبعيد الي انتصر..والخسارة للخليل
"الي نبيه عيا يجي..راح وتركنا منذ عام****واللي يبينا مانبيه والقلب عيا له يميل"

آآآآهه يالغاليه عورتيلي قلبي و الله ........

شوهالكلام هذا ؟من جد رائع و أثر فيني بالحيل....

تسلم اناملج أللي كتبت و يسلم خيالج أللي جسد كلام حلو و مر في نفس الوقت ....

ننتظر الزود و لا تبطين علينا أرجوج ...

[والله انا]

وي سلامه قلبج من العوار سلامه....
والله والله والله احرجتيني بكلامج الحلو..
فديتج يالغاليه اشكرج عالتشجيع...
والله فرحتيني واااااااااايد بهالحجي وصدقيني

شهادتج اعتز فيها ووسام ع صدري بعد

تحياتي لج والله لا يحرمني من تواصلج الحلو