< الإشتراكـ > مسابقة إجمع و اربح

[بوشهاب]

السلامـ عليكمـ ،،



بمناسبة بداية الفعاليات الصيفيه للمرسى .. "صيفـنا غير" ..

بنّزل مسابقة "اجمع و اربح " ..

نبدا بفكرة المسابقه و قوانينها ..

فكرة المسابقه .. بالتفصيل الممل .. لانها يمكن تلخبط شوي ..

::

اول شي لازم تعرفون الفكره ببساطه ..


شرح المسابقة

- عندنا مربعات مرقمه .. و ملونه بالاسود .. ....
- و تحت كل مربع في لون .. انتوا ما تعرفونه ..

- عندنا فريقين .. احمر و ازرق .. .................
- كل فريق فيه اربع اشخاص .. ...................

- عقب يومين من الاشتراك .. بنبدأ .. ..........

- كالعاده .. اللي يختار الرقم اول .. نعتمد اختياره .. ..........
- و عقب انشوف .. اذا طلع نفس لون فريقه .. نلونه احمر ...
- نطلع الرقم من اللوحه .. و نحطه ع صوب .. ...................

- يختار اللاعب رقم ثاني .. و اذا مره ثانيه طلعله لون فريقه احمر .. نكرر العملية السابقة ..
- و يختار بعد مره .. .................................................. ..........................................

** اذا طلع كله نفس اللون .. ناخذ بس ثلاث مرات .. و نكمل اليوم اللي عقبه ..
** بس اذا طلعله لون الفريق الثاني ( ازرق مثلا) .. نسأله سؤال .. ................

- اذا حد من فريقه جاوب صح ع السؤال .. بيتلون المربع بالاحمر .. .
- بس اذا غلط .. يتم ازرق .. و يكون هذا من صالح الفريق الخصم ..

- وفي الحالتين ينتقل الاختيار للفريق الثاني ............................
- و آخر شي نشوف منو مربعاته اكثر .. بيفوز.. ............................



و الحين بختصار ..


- كل يوم ثلاث اسئله بس ..

- اذا طلعت للمتسابق كل المربعات نفس لون فريقه ..
بناخذ ثلاث مربعات .. و بنكمل في اليوم اللي بعده ..

- و اذا طلعله عكس لون فريقه .. بنسال فريقه سؤال ..
حتى لو جاوب صح بينحسب له مربع بلون الفريق ..
لكن الفريق الثاني بيختار ..




القوانين ..

- تكون كل ردود العضو في الموضوع بلون فريقه .. عشان ما نتلخبط ..



الحين .. اللي يبا يشترك .. من اعضاء و مشرفين ..

ما عليه غير انه يكتب في رده ..

1- بشارك . .........................................
2- الفريق اللي يباه . .............................
3- متى يبانا نبدا الاشئله ( اليوم و الوقت ) .
4- و اذا يفضل سؤال و لا سؤالين . ............


موضوعـ المسابقهـ (http://www.marsauae.com/vb/showthread.php?t=40934)
^
توا الناس ^^

و بس :) ..



إعداد أم غيث .. و ~ القلب ~ ..
فكرة و إخراج و تقديم بوشهاب ..
و شكر خااص لـ الدنيا ..

[~ القلب ~]

و عليك السلام و الرحمه

فكرة المسابقة حلوة :)
كل الشكر لك و لام غيث و الدنيا ,,

انا بشارك ^.^
الفريق الاحمر ..
ممم عادي اي يوم .. و افضل الوقت اللي يكون بين (6-9 مساءاً)
سؤالين ،،

[أم غيث]

يعطيكم العافيه اخويه بوشهاب و اختي الدنيا


يالله عاد نبا الحماس و النشاط و الهمه ^_^


و اكيد بتكون الجوايز قيمه ^_^


بالتوفيق للجميع ... (كان ودي اشارك بس ما يستوي) ^^!

[قمر 14]

بالتوفيق للفريقين ..

ويعطيكم العافيه على هالمسابقه الحلوة ..

كان خاطري اشارك ..

بس مع ظروفي هالكم يوم .. ماأضمن ادخل باستمرار ..

[فنتكه]

:marsa118:
count me in

بــشترك فالبلو team

يوم الأحد - بالنسبة لي 10 المسا وفوق

سؤالين ..

تسلم بو شهاب ويعطيكم الف عافيه ..

:marsa3:

[الدنيا]

انا انا ابا اشارك .. بس اذا سدت الاماكن .. بنخلي المجال لليداد ^^

وفي اي فريق .. واي يوم ..واي عدد من الاسئله .. بس التايم من الصبح الين 10 فالليل >_> ..

والراي لكم

[زهرة المروج]

بشـــارك أن شاء الله

الفريق الأزرق

الوقت من (6_9 ) مساء أو صباحاًً

ثلاث أسئلة

وشكراً عالجهود ... وبالتوفيق

[قموره]

بشارك .. في اللون الأحمر ..
وياليت سؤالين باليوم احلى .. :)
والوقت افضل من 7 الى 10 .. :)

فكره ترتوبه ومسابقة رائعه .. سلمتم

[بوحمد]

الله يعطيك العافيه
اخوي بوشهاب انت
ومشرفتنا ام غيث
ونوخذتنا الدنيا
على المسابقه
وموفقين ان شاءالله

[الحزين وبس]

السلام عليكم ورحمه الله وبركاته..

اشكركم كل من بوشهاب، أم غيث، الدنيا
على هالمجهود الطيب .. و المسابقه الجميله
و كل التوفيق لكم و لجميع المتسابقين..

[سلامه)]

السلام عيكم و رحمة الله و بركاته

بغيت أشارك وياكم في الفريق الأزرق

وسؤالين في اليوم بيكون أحسن

و الوقت من 7 لين 10

و مشكوووووورين عالفكرة الحلوة

[والله انا]

مراااحب
اشكركم ع هالفكرة الحلوة <<< بالذات اننا لسه ما سافرنا :)
وانا ابي اشترك
وطبعا لوني مبين من كتابتي يعني ابي الفريق الازرق
وسؤالين ف اي يوم
من بعد 9 بالليل الى 12 منتصف الليل
تحياتي :)

[~ القلب ~]

ممم شو صار ع المسابقة ..!

[بوشهاب]

السموحه ما رديت عليكمـ ..

اشكر كل اللي اشتركوا ..

بس نتريا بعد مشترك واحد للفريق الأحمر .. و نبدا ان شاء الله ..

و لين احين .. الوقت .. نبدا تسع .. و سؤالين ع كل لون غلط .. مب فاليوم .. فاليوم نختار ثلاث ارقام ..

و اللي مب فاهم .. الله يخليكمـ اسألوا .. لا تستحون :) ..

و فنتك .. مثل ما تشوفبن .. لين احين ناقصنا مشترك .. و نبدا الثلاث اذا حصلنا ..

بالتوفيق للفريقين :)

[~ القلب ~]

بالنسبة لي كل شي clear
و تسلم اخوي ع هالمسابقة النايس ^.^
~~> بدورلكم ع مشترك ثالث فالفريق الاحمر

[والله انا]

تبي الحقيقه بوشهاب
احم احم ..اوكي
الصرااااااااااااااااااااااحه انا لسه مافهمت اللعبه عدل
ولا ثبتت قوانينها
ممكن تشرحلي :marsa181:

[الدنيا]

القلب انا وياكم فالحمر ^^

مووومكن ؟ّ^^

والله انا

بيحطولنا مربع فيه ارقام .. اول واسرع فريق هو اللي يختار اول رقم .. مثلا اخترتي اني رقم ..
اذا طلع تحت الرقم ازرق ( اللي هو فريقج ) .. تختارين رقم ثاني .. واذا طلع ازرق بعد تختارين رقم ثالث ..
اما اذا طلع احمر .. بيسالونج سؤالين ..
اذا جاوبتي صح بيتلون بالازرق وبيتحول الاختيار للفريق الاحمر..
واذا جاوبتي غلط بيتم اللون احمر وبعد بتحول للفريق الاحمر ^^

فهمتي مني شي ^^ ؟

يعني الثلاثاء الساعه 9 المسا ..

ان شااااااااااااااااااااء الله

[عويد الموز]

تسلم يا بوشهاب ع المسابقه الحلوه
والله يعطيكم العافيه ..

بالتوفيق للمتسابقين..
نرقبكم..

^_^

[والله انا]

مشكووووووووووووورة نوخذتنا الحلوة الدنيا عالشرح
انا هالحين فهمت بالضبط شالسالفه
يسلمو حبيبتي الله لا يحرمنا منج ومن مساعداتج الحلوة :)

بغيت اسال طالما اكتملو الفريقين..
متى تبدا اللعبه؟؟؟

[بوشهاب]

تسلمين الدنيا عالشرح .. جان حطيتيه اول ما سألتج ^^" ..

" و الله انا "

اختي ممـ .. و الله آسف .. يمكن المسابقه تتأجل شويه لظروف إداريه !!

اما اذا عدت .. بنبدأ ان شاء الله يوم السبت الساعه تسع .. ع بداية الاسبوع ان شاء الله ..

و بخبركم اليوم او باجر ..

و الاعضاء اللي وقتهم ما يتفق مع الساعه تسع " فنتكه " .. هاا .. عادي بتكملون و لا بتطلعون ؟

اسمحولنا و الله

[فنتكه]

انا شاركت ع اساس ان المسابقه بتكون هالاسبوع ..
بس للاسف انته ادرى بالظروف واتجلت المسابقه ..

فـــ ماروم اشارك ..

الــساعه تسع يوم السبت بكون فبلاد ثانيه اتبرد :marsa31:

بحاول ادورلكم حد يشارك بدالي

سمحلي بوشهاب ..

:marsa174:

[بوشهاب]

انا شاركت ع اساس ان المسابقه بتكون هالاسبوع ..

بس للاسف انته ادرى بالظروف واتجلت المسابقه ..

فـــ ماروم اشارك ..

الــساعه تسع يوم السبت بكون فبلاد ثانيه اتبرد :marsa31:

بحاول ادورلكم حد يشارك بدالي

سمحلي بوشهاب ..

:marsa174:


صح .. المفروظ الاسبوع اللي طاف .. بس تعرفين الظروف اللي خبلتبنا كلنا ..

يلا .. تسيرين و تردين بالسلامه ..

ربي يحفظج ..

ـــــــــــ

كان المفروض اليوم .. بس نقصنا عضو واحد .. الدنيا .. و فنتكه انسحبن ..

ف نحاسه .. بس عضو واحد .. و نكمل ..

حد يتبرع

[الدنيا]

انا بتبرع :)



يلا قول متى بنبدا :)

[والله انا]

وييييييييييييييي
فديييييييييييييييييييييييييييييييييييييييييييتج يالدنيا
من زمان نتريا حد يشترك..
والله ودنا نبدا بالمسابقه...

يلا بو شهاب هالحين الفريقين جاهزين..
متى مابغيت تبدا نحن حاضرين

[ام دانه]

اانا ابي اشارك في الفريق الأحمر واي يوم عادي ويفضل الفترة الصباحية


أم دانه

[بوشهاب]

السموحه .. نسيت اعلن ..

انتهاء الاشتراكـ .. بس ما غلقت الموضوع عساس اذا في حد لين احين عنده سؤال او شي ..

و اليوم الساعه تسع بنبدا ان شاء الله ..

المهمـ ،،

ام دانه .. في احتمال وحده من الاعضاء ما تقدر تكمل ويانا .. اللي هي " سلامه) " بس هي في الفريق الازرق .. اذا عادي بدشين في الازرق ..

و السموجه