ســــــلام الرياحيــــــن

[راعـــي مطـــره]

الســـلام عليكم ورحمة الله وبركاته ,,,


وشحـــال كلـــن بحـــاله ..؟ اتمنى انكم ( هل منتدى مرسى الامارات من اداراة ومشرفين واعضاء وزوار بعد ) بأتم الصحة والعافيه ,,


ســــاعتيه مباركه يا الربع من تصابيت على منتداكم .. وبخاطريه الا اكون مشارك وياكم بالي ترجونه من السنع الطيبه .. والسلوم الزينه . وما ودنا الا نكون وياكم مبيضين الويه باذن الله .. ولكم هاي التحية المتواضعة :


لكم سلامي عدد ما حلي ... الضعن ودياره عشيبه ..
او عدد ما هبت مطلي .. وكل نفس باتت مطيبه ..
واطلب من الله خالق الكلي .. الي دعاه المؤمن يجيبه
يبات نف السيل ينهلي ... في( مرسى الامارات) وتبطي غبيبه




لا عدمناكم

[دلوعة الإمارات]

http://i1.glitter-graphics.org/pub/651/651171i085p8my3i.gif

حيا الله كل من وصل داره..:marsa26:
ويامرحبابك اخوي بمرساك وبين هلك وخوانك

وان شاء الله نشوف ابداعاتك معانا :marsa148:

دمت بحفظ الرحمن ..

[أم غيث]

http://img149.imageshack.us/img149/8521/flowers1ar9.jpg

في انتظار تفاعلك اخويه
^_^

[~ القلب ~]

http://www.dubaieyes.net/up/Folder-001/1215166206_239_11207343834.gif
:

و عليكـ، السلام و الرحمه

حياك الله اخوي
و بانتظار مشاركاتك ,,
:)

:
http://www.dubaieyes.net/up/Folder-001/1215166206_239_11207343834.gif

[راعـــي مطـــره]

السلام عليكم ورحمة الله وبركاته ,,,



يا حي ملاقكم هذا الي يثلج الصدر و الفؤاد ... اشهد انكم كفو وواجهة طيبة لهذا المنتدى الطيب .. وسمحولي بهذا الرد السريع ارد ع كلن بأسمه ( من باب رد التحية ) .

يا فرحةٍ بادنى وباقصى ضميـري==يعلمبَه الرحمن خـلاق الأكـوان
فرحة كفيفٍ بات واصبح بصيري==وصار يتشوّف طلعة الصبح لابان
هي فرحةٍ من قلب صادق كبيري==منطوقةٍ بالصدق من قلب ولسـان




دلوعة الامارات : ما اقول لج غير ... شــــاب حرف القــاف يا دلوعه . وســــــلام الله ع قرموشة تعلت نايــف المرقـــاب .. مخاليبــــها من فعول الظفـــر مدمــــايه .



ام غيـــث : وبعد بقول لج ســـــلام يا رمش كسى باهــي الخــد . انعم من النسمــه على خدة الــورد . واغـــلى سلام لو ترده جـــاك الــرد .



~ القلب ~ : تسلم كف من رباج وبقول ... اسرح يا طير يا شادي وغرد فوق الأغصاني . وقول له ســلام معطر بفل ونرجس وريحاني .




ويعطيكم العافيه .. يا الربع تصدقون اني هني وياكم بالصدفه .. جان اصول وايوول في المنتديات وآخر شي ريت منتداكم ... من اسمه حبيته بحكم انه تابع للأمارات .. وخلاف من سجلت ريت المحامل و البحر وعلومه .. وانا ثرني راعي بر والبحر نخاف منه.. قلت بخاطريه توهقت .. يا غير يعل ربي يوفجني بمشاركاتي وياكم ..



لا عدمناكم

[شوق العيون]

http://img56.imageshack.us/img56/2311/ahlanwasahlanne0.gif

وعليكم السلآم والرحمه اخويه !
ننتظر مشاركاتك وتفآعلك ويانآ
{ .. شوق العيونـ،،

[راعـــي مطـــره]

السلام عليكم ورحمة الله ,,,


تسلمـــــــــين يا ختيه على ترحيبج . يا حي ها الملاقا .. والله يقدرني اني اكون وياكم مفيد واستفيد ..

شوق العيون : النـــور نورج واعــذر الشمس لي غابت عن السما . وش عليــــج من القمـــر لو انه تــرك حفل المسا ؟



لا عدمناكم

[بوحمد]

يا مرحبا بك
تراحيب المطر
بين اخوانك بمرسى
الامــــــــــــــــــــــارات

[والله انا]

ياهلا براعي المطره
عسى ويهك يكون خير عالمنتدى وتهل امطار الخير والمحبه فيه
نتريا يديدك
تحياتي

[راعـــي مطـــره]

والله حيـــــــــــــهم ...


الخير الا في ملفاكم يا الربع ... وبيض الله ويووهكم ولا شلكم الله ... ويعل الحيا والمزن الثجيل يسقي دارك يا بو حمد و دارج يا والله انا . ويا عسى كفيلج ريال سنافي ما يبطي بالراتب .

توضيح بس : مطره اقصد بها ناقه اصيله ومخلفه عليه .. هب يعني المطر الحيا والغيث .. .


لا عدمناكم


يا الربع التوقيع ما يظهر عنديه ..؟ شو الحل ؟

[الدنيا]

يايه متاخره وسارقه شي من عند خواتنا اللي فوق ^^

http://img56.imageshack.us/img56/2311/ahlanwasahlanne0.gif

مرحبا وسهلا اخويه .. منور المرسى وعسى تستمتع وتستفيد من تواجدك ويانا

[راعـــي مطـــره]

والله حيــــها الدنيا ,,,


لا افا عليج يا خيته .. هم هب مقصرين ولا القصور ياج انتي بعد ... وحي ترحيبج .. والنور نورج ونور هل المنتدى .



لا عدمناكم