التصوير الليلي

[الصواوه]

السـلام عليـكم ورحمة الله وبركاتهـ

مرحباااا أهل المرسى
جيف حالكمـ ..:marsa114:
من زماان ما شفتكم ولا عرفت اخباركم .. لأني ما ادخل النت شرات قبل :marsa66:

اليوم داخلتـ عندكم وطامعه :marsa91: في خبرتكم الواسعه في مجال التصوير

عندي كاميرا نيكون
ويوم اصور بالليل الصور تطلع مظلمة مش واضحه وناهره والاضاءة تكون مركزه على الشخص بس
وين المشكله ابا اصور عروس وبيكون بالبيت وتعرفون اضاءة البيت :marsa39: وابا الصور تكون توب
عندكم حل ...؟!!!

وسلامتكم
والسموحه على المغثهـ
:marsa112:

[عويد الموز]

وعليكم السلام ورحمة الله وبركاته

الله يرحب فيج اختي الصواوه
يسرج الحال.. وجيف انتي ^__^


اولا.. ثبتي الكاميرا على الحامل (tripod) اذا عندج او حطيها على الطاوله او الكرسي
او على اي سطح ثابت عشان تتجنبين اهتزاز الصوره..
ثانيا.. ظبطي كيمرتج على الـ manual نظام التصوير اليدوي عشان تتحكمين بفتحة
العدسه وسرعة الغالق .. وكل ما تعرض او تكبر فتحة العدسه اكثر تكون الصوره اوضح
والاضاءه افضل .. وخليها ثابته لين ماتلقط الصوره لانه مرات تاخذ وقت اشوي.. دقيقه او اكثر عن دقيقه
ولا تنسين الايسو (iso) هن الارقام لي يظهرن عندج على الشاشه الصغيره ..
حاولي ماترفعين الايسو وايد.. واذا شفتي ان الصوره بعدها مش واضحه نزلي الايسو ..

ان شاءالله تستفيدين من هالخطوات ..
و اذا عندج استفسارات ثانيه مالج الا طيبه الخاطر ..
:)

[الصواوه]

مشكوره عويد على الرد الطيب منج
انزين
والاضاءة بتكون صفراء .. فـــ الصور بتطلع اوكي ..؟!!!
ما ادري بجرب وبشوف

يزاج الله خير
^^