المساعد الرقمي الشخصي

مشاهدة النسخة كاملة : هود هود..يتكم ام عليوي 1

عجيد الريم
20-02-2004, 04:28 PM
السلام عليكم...
حيا الله عياااااليييييي.. شحالكم عساكم بخيير؟؟
اقربوا فديتكم حياكم ...
يمكن انتوا ماعرفتوني الين الحين ...سلمكم الله انا اسمي غبيشه الملقبه بام عليوي
يتكم ام عليوي وياخراريفها..
بس قبل مااخرفلكم خروفه بقولكم متى بتحصلوني..
كل خميس الساعه 10 فليل انا بكون ميلسه هنه ان شالله وبخبركم قصه استوتلي...

والحينه تعالوا اتيمعوا عندي وبخبركم ..
شجون ايلسي كسرتي المواعين:marsa116:
حوريه انطبي وايلسي بعيد وبسج مصايب اليوم ...:marsa116:

يالله ايلسوا واسمعوا اخر خروفه استوتلي ويا بوعليوي وياعيالي وعيال عيالي....

من كم يوم ..يالسه انا في الحوي واتسمع قصايد اول.. وكنت اتذكر عاد ايامي يوم انا صغيرونه وماحلاتني ربي يحفظني..ومتسانده على التكيه الي ورايه ...
شوي والا اشوف شي لابق ويمشي جدايي ..انا قلت البيت احترق.. شليت بعمري يايه بوقف والا يوم انتبه الا اشوفه بو عليوي..ويدي شو مسوي بعمره هذا تميت افرك عيني قلت جنه الا احترق بلاه ملبس حمر اليوم:marsa138:
ويوم اشوف منو يمشي عداله ثراها بنت بنتي مستويه جنها حديقة ورد ..ماخلت ورد حمر الا ويابته ومشلشتنه في ايدها.. قلت بلاهم تخبلوا اهل البيت.. يوم وصلوا عندي يابوعليوي وياعكازته ووقف جدامي وقالي شو رايج؟؟
قلتله شو هالشعابيط الي ملبسهم منو قاص عليك ملبسينك صروال وقميص ولونه حمر بعد عنبوه البس اسود البس ازرق حمر مره وحده.. ماسمعني يا ويلس عدالي ... شوي الا واحس شرات الطابوقه الي طاحت على ريلي... ترى هالمستخفه بنت بنتي حطت شيرة الورد على ريلي...فتنت عليها فتنه شلييي هالورد شلج طهف عنبووه تفججت عظامي...
شلتها وتميت اهوس على ريلي... شوي والا اسمعها تقولي رمسه ماصخه مافهمتها... قالتلي امي العوده..
قلتلها وخيبه ... جان تقولي (( هابي فليييت..مادري فلانتينت.. شدراني شقايل يقولونه ..فلاتنتاتي داي))
قلتلها ولد منو هذا بعد؟؟ جان تقولي لاااااااا يدووه يعني عيد حب سعيد.. قلتلها شو هالمنكر بعد اي عيد بعد هذا الي ياي.. بعدني مافصلت مخوره...
الا واشوفلكم الشيبه يضحك ومظهرلي هالضرس الباجي في حلجه ... قلتله وبلاك انته تضحك ؟؟
قالي ياام عليوي .. هالعيد الا هو يوم واحد ويحتفلون فيه..قلتله شو هالمنكر بعد مااحيد ان شي عيد يوم واحد من وين يانا بعد هالعيد؟؟
جان يقولي ..هالعيد سلمج الله الناس يلبسون فيه حمر ويطرشون رسايل وورود حق بعض وكل شي يكون حمر..
قلتله والخيبه مب حكم هذا..عيل انا شو اسوي بعمري.. بسير احط حنا على راسي عسب استوي جني حريجه ...
ضحكت بنت بنتي عليه ..جي انزين قلت شي غلط... وعقب نشدتها.. منو قالكم ان اليوم عيد؟؟
جان تيلس بنت بنتي جدامي وتقولي قصة هالعيد...
قالتلي (( امي العوده سلمج الله هالعيد قصته ان عند الانجليز يحتفلون فيه .. وقصته ان واحد من اهل الدين عندهم مات لانه حب وحده وعندهم هناك لازم الي من اهل الدين مايتزوج ولا يحب ولا حتى يفكر انه يخطب..ويوم مات سموا اسم العيد عليه ..وقالتلي اسمه الخايس ..فليت ..))
من خلصت رمستها يايه بشل المكسنه وبضربها ضرب المستخفه ..لو ماشردت جان هي ميته في ايديه الي ماتستحي...
صديت على بو عليوي..وقلتله ..
وانته هذيل الفريخات يقصون عليك وانته تصدقهم؟؟ يبونك تحتفل وياهم بعيد العنقريز ؟؟ والله انك ماتفكر..
جان يقولي وانا شلي بنت بنتج يت وقالتلي البس هاللبس وانا لبست ..
قلتله والله لو يقولولك فر عمرك في البحر بتفر بعمرك ... عنبوه اسال قول ليش ؟؟تبا تحتفل وياهم بعيد الكفار؟؟
جان يقولي لالا امي مايخصني وشل بعمره فقير بو عليوي ومشى وياعكازته وسار يبدل هالشعابيط الي ملبسها...

يابوكم انا مستعيبه من هالناس... هنه عندنا بنسوي كل الي يسوونه العنقريز .. لو يذبحون عمارهم حتى بنصيح عليهم وبنسوي الي يسوونه لكن خل واحد فينا يسوي حفله جان الا بنشوف واحد منهم يشاركنا...
وانتوا بعد فكروا عندكم عقل كل ماقال واحد فيهم فلان مات بتسووله عيد ...
حق كل شي هذيلاك عندهم عيد .. عيد الطماط ..عيد البصل.. عيد الدياي .. والحينه عيد الحب...
الله راضي عليكم وعاطنكم عيدين تفرحون فيهم ... الا تشلون شلايلكم وتعيدون وياهم ...
لا وبعد مناجر مااشوف الا الوحده لابسه احمر في حمر.. وصابغه بلون احمر .. وتدور على ربعها وعلى خواتها بالورد .. جي انتي ماتحبينهم الا يوم واحد في السنه ؟؟؟ وباجي الايام ؟؟متعاديه وياهم؟؟؟
لا والريل مايطرش حق حرمته هدايا الا هذاك اليوم مانزل عليه الحب الا يوم واحد في السنه ؟؟؟ وهي بعد ماتتعدل الا هذاك اليوم وباجي الايام تدور بكشتها في البيت تقولين جنها مخمه مجلوبه ...
لا ومنكر يديد ظاهرين فيه هالصغاريه الا كل واحد اشوفه ساير ومب مخلي عروسه مب شارنها وقلوب وورود ومودنها حق بنت يرانهم ولا وحده من هالبنات ؟؟؟ جي وين يالسين نحنا ؟؟؟ شفتوهم هذيلاك الي مايستحون ولا لهم حيا ولا مذهب سووا هالمصاخه سويتوا مثلهم ؟؟؟
حرام عليكم خافوا ربكم وانتوا تحتفلون بعيد هالكفار...
ماتخافون باجر تنحشرون وياهذا فليت مادري فليتنات مالكم في جهنم ؟؟؟


الله يرحم ايام اول ... يوم ان ماعندنا الا عيدين ..نسييييييير ونعايد باهلنا وبربعنا ..ومستانسين وكلنا نحب بعض طوول السنه مب نتصدق بحبنا يوم واحد في السنه ..

يابوي جني الا طولت عليكم ..وماخليتكم ترمسون حد منكم يبا يقولي شي ؟؟ اسمحولي عاد انا يوم ارمس مااسكت :marsa41:


امكم ::ام عليوي
غصون
20-02-2004, 04:43 PM
ههههههههه ... ام عليوي هذي ..
الصراحة مب مخرفة ( بكامل قواها العقلية ) ...
انا ما عندي شي اقوله .. الا ان الموضوع حلو وفكرته أحلى ...
ربي يعطيكم العافية هدوء الليل وحورية المرسى وكل من ساهم في الموضوع ...
ونتريا الحلقة الياية ان شاء الله ...
عجيد الريم
20-02-2004, 04:46 PM
غصون..
ان شالله عيبتكم الفكره وولو عندج ملاحظات على ام عليوي قوليها..
بس بيني وبينج عن انضرب ...:marsa5:
بقايا حب
20-02-2004, 04:47 PM
هههههههههههههههه
حليلها ام عليوي
ههههههههههههههههههههههه :marsa194:
نور القمر
20-02-2004, 04:49 PM
ههههههههه ... ام عليوي هذي ..
الصراحة مب مخرفة ( بكامل قواها العقلية ) ...
انا ما عندي شي اقوله .. الا ان الموضوع حلو وفكرته أحلى ...
ربي يعطيكم العافية هدوء الليل وحورية المرسى وكل من ساهم في الموضوع ...
ونتريا الحلقة الياية ان شاء الله ...

..

فكرة رائعه ..

وبالتوفيق للقادم . .

تحياتيــ. .

نور القمر ..

..
عجيد الريم
20-02-2004, 04:50 PM
مشكورين على ردردكم ...
واذا عندكم اي تعليق على القضيه الي طرحتها ام عليوي ...
فنحن نتقبل المشاركات وابداء الراي...
the_pirate
20-02-2004, 05:04 PM
:marsa116: :marsa116: <<<< كشخه ها الفيسس


انزي وبعدين شو السالفه :marsa182: ..

المطلوب:marsa123:
زعيم المرسى
20-02-2004, 05:54 PM
شو السالفه انا مب فاهم ولا شي مثل الاطرش فالزفه.
المشكله في حورية المرسى مب ام عليوي .
تعرفوا شو المشكله القصه مب مرتبه ولا شو رايكم :marsa39:
>
>
>
>
>
>
>
>
>
>
>
>
>
>
>

>
>
>
>
>
>
>
>
>
>
>
>
>
>
>
>
>
>
>
>
>
>
>
>
بس يعني مقبوله
عجيد الريم
20-02-2004, 06:27 PM
السلام عليكم :)

مشكورين اخواني مايد والزعيم على ردكم ونقدكم :)

وحبيت ارد على اخويه الزعيم..
انا طرحت قضيه باسلوب قصصي وهو ان حرمه كبيره مستغربه من هالوضع الي يصير..وحبيت ان الكل يساعدني في نقاش هالموضوع...
بس يمكن لاني اول مره اكتب مثل هالمواضيع ..
على العموم حبيت اعرف اذا في نقد غير وضوح النص ...
وانا بتقبل هالشي :)

وان شالله اعدل هالشي في المرات اليايه :)

والسموحه

اختكم:حوريه
زعيم المرسى
20-02-2004, 06:47 PM
سوري حوريتنا أنا مب قصدي أزعلج بس القصه فيها اختصارات يمكن انتي لخصتيها بس حذفتي أجزاء مهمه يعني مب مركبه والسموحه منج
عجيد الريم
20-02-2004, 06:59 PM
السلام عليكم

اخويه الزعيم انا مازعلت صدقني بالعكس هالنقد ماينزعل منه .. كل واحد ورايه وانا محترمه رايك :)

بس هالموضوع هو مب قصه بمعنى قصه هي مثل ماتقول اسبوعيات ...

يعني وحده كبيره بالسن .. وميمعه عيال المرسى الي هم انتوا وتقولكم عن اشيا موجوده بالمجتمع بشكل عام بس بصوره غير عن المواضيع الي تنطرح...
يمكن في اخطاء مثل ماانته قلت صح ..
وان شالله هالاخطاء انا بحاول اتفداها المره الثانيه :)

وتشرفت اخويه بردك على هالموضوع والسموحه :)
زعيم المرسى
20-02-2004, 07:26 PM
هذي مب قصه ...

هذي اسبوعيات شخصيه وهميه اسمها ام عليوي...

وهالشخصيه تطرح موضوع صاير ومنتشر في الجيل اليديد وهي مستغربه من الوضع صح...؟

:marsa171: :marsa171: :marsa171: :marsa171: :marsa171: :marsa171: :marsa171:
شو رايج فهذي الحركه؟
عسب محد يقول اني غبي:marsa105:
عجيد الريم
20-02-2004, 07:34 PM
اخويه هذي مب قصه ...

هذي اسبوعيات شخصيه وهميه اسمها ام عليوي...

وهالشخصيه تطرح كل اسبوع موضوع صاير ومنتشر في الجيل اليديد وهي مستغربه من الوضع...

يعني هي قضيه تطرح باسلوب غير عن الاساليب والطرح الي نشوفه في المنتدى :)

والسموحه :)
زعيم المرسى
20-02-2004, 07:50 PM
حورية بس سوالف لا تزعلي
عجيد الريم
20-02-2004, 08:11 PM
لا مازعلت اخويه افا عليك :)
نحن اخوان :)
شجون الليل
21-02-2004, 09:24 AM
والله يوم قريتها تحريتها انا هالي تتحرطم :marsa56:

على العموم حوحو زكريه اسمعي

في من العيايز والشواب الي ينقصون بكلام الشباب

حتى عندج عيد الام
اصله وحده يهوديه مادري كافره هاده امها من سنين ويوم يتها سوا حفله قالوا عيد الام!!!

وللاسف ان الحكومه والمدارس اشجع هالفكره وتدعمها

----------------

:marsa96: زعيموه لا اشاغب:marsa142:
أميرالرومانسية
21-02-2004, 09:44 AM
:marsa112: حورية المرسى :marsa112: هدوء الليل :marsa112:

مساهمة في غاية الروعة
فكرة جميلة وأسلوب طرح أجمل
الله يعطيكم العافية
بانتظار السالفة الياية
بالتوفيق ان شاءالله
:marsa75:
سلوم
21-02-2004, 10:33 AM
:marsa195: ما شاء الله عليها ام عليوي ..
:marsa56: عافيه حلج...
:marsa152: ربي يخليها لاهلها...

:marsa70: بس اشكركم عالموضوع الرهيب..

بصراحه جهد تشكرون عليه...

و ننتظر خروفه اخرى من خراريف ام عليوي..:marsa129:
عجيد الريم
21-02-2004, 12:37 PM
شجون الليل

في البدايه مشكوووووووره الغاليه على مرورج ...
وتصدقين ام عليوي شراتج يوم تتحرطم :)

وان شالله الغاليه القضيه الي تنطرح الاسبوع الياي تكون احسن من هالقضيه :)

والسموحه

اختج:حوريه
همسة غلا
21-02-2004, 12:47 PM
عزيزتي :



حوريه



بصراحه فكره واااااااااااااااايد حلوه



وخروفه روعه ...



تسلم هالأنامل الغاليه



....



وأسلوب رائع يخلي الواحد كل يوم يدخل ويقرا



ويناقش



وعن هالقضيه ...



تراني صدق ماداني عيد الحب صدق أحس خرابيط



وعدنا بعض المدراس إذا شافوا بهاليوم هدايا يشيلونها



الحمد الله ... عشان ما تشجع هالفكره

.......

وسلمت أناملج وننتظر باجي الخراريف ....

::::

تحياتيـ:

Bint alghali
عجيد الريم
21-02-2004, 01:45 PM
امير الومانسيه ...

تسلم اخويه على ردك وتشجيعك وماتقصر والله :)

وان شالله تعجبكم خراريف ام عليوي اليايه :)

اختك:حوريه
عجيد الريم
21-02-2004, 02:06 PM
سلوم ...

في البدايه اشكرك بدال المره مليون ... لانك دايماً ترد على المواضيع الي اطرحها وتشجعني كل مره

وماتقصر اخويه :)

والاسبوع الياي بتيك ام عليوي بخيزرانتها اشرد بعمرك
عجيد الريم
21-02-2004, 03:26 PM
bint alghali

مشكووووووووره الغاليه على ردج وتشجيعج وماتقصرين

وبصراحه زين يوم ان مدرستكم تسوي هالشي

يبالهم والله :marsa85:

مشكووره الغاليه مره ثانيه وماتقصرين

اختج:حوريه
زعيم المرسى
21-02-2004, 04:21 PM
تم تعديل الرد من قبل الربان
يرجوا الإلتزام والتقيد بأداب الحديث
همسة غلا
21-02-2004, 07:02 PM
تم تعديل المشاركة من قبل الرد
بنت_الطــــواش
22-02-2004, 12:53 AM
الله انتي هني يدوووووه ام عليوي :marsa30:

قصتج مالت هالاسبووع حلووه

شو راايج تقولين لي خرووفه ام حماار :marsa118:

خاطري اسمعها..

طووشة
عجيد الريم
22-02-2004, 06:17 PM
بنت الطواش ...

فديتهم الي مروا على موضوعي...

تسلمييييين الغاليه على مرورج وماتقصرين

اختج :حوريه :marsa181:
الربان
22-02-2004, 09:24 PM
السلام عليكم ورحمة الله وبركاته
اختي حورية المرسى
فكرة الموضوع أكثر من رائعه http://www.marsauae.com/vb/images/icons/icon14.gif

فكرة جديده من نوعها وطريقة صياغتها ممتازة جدآ :)
شخصية أم عليوي القديمه التي تقارن زمانها القديم البسيط مع الزمان الذي نعيشه والتحديثات والمصخرة التي صاغتها جميلة جدآ

أسلوب السرد والتعليق والصياغة والفكرة أكثر من ممتازه لدرجة اننا نقرأ الموضوع أكثر من مره
ولا يمل منه :)

اتمنى اختي حورية وهدوء الليل الإستمرار بطرح هذه المواضيع وعدم الإنقطاع عنها
وجزاكمم الله خير :)
<(((><
22-02-2004, 11:26 PM
مشكورة اختي حورية المرسى انا عجبتني الفكرة جميلة
بس تبين الصراحة انا قريتها بس في الكثير اللي مافهمته ياليت تكتبين باللغة الفصحى
و لو ترتبينها مثل
ام عليوي:---------
ابو عليوي:--------

بيكون افضل واشوق
اسموحة انا ادري انو بيقولون ذا يتفلسف بس رايي
عويد البان
23-02-2004, 12:00 AM
حي الله من يانا ولفاناااااااااااااااا حي الله ام عليوي ..
الصراحه ماقصرتي كفيتي ووفيتي ..

عندج ياهم عطيهم من الزين الي عندج .. تبغين الصراحه عيبني اسلوبج تعرفني ليش؟
لانه نفس اسلوبي :) والفكره حلووووووووووووووووه ..

يالله نبغي شي يديد على الساحه العجائزيه :)

شكرااااااااااا

اختج ..

عويد البــــــــــــــــــــــــــان
رذاذ المطر
23-02-2004, 12:30 AM
تسلمين أختي حورية المرسى ..
بصراااحة اسلوبج في قمة الروعة ..

ويالله نِحن نتريا الخروفة اليديدة ..
والله يعطيج العافية ..
ويكثّر من أمثالج ..
^_^ ..
هدوء الليل
23-02-2004, 02:56 AM
بسم الله الرحمن الرحيم..


السلام عليكم ورحمة الله وبركاته..

في البداية وقبل ما ابدأ في الرد.. حبيت أشكر الحور على فكرة ام عليوي وعلى كتابتها بإسلوبها لهالموضوع.. الموضوع صدق رائع ويجذب القراء لقرائته أكثر من مرة..:)

وحبيت أوضح للأعضاء إنه الفكرة والإسلوب كلهم من ذهن حورية وهي اللي تعبت عليهم... لذلك هي لوحدها تستحق الشكر .. ويزاج الله كل خير اختي حورية... :marsa112:

=====


هلا بيدوووووووووووووووووه.. تو ما نور المرسى..... ( تدرين الحور صدق انج تبينين عيوز من الخاطر :marsa3: )

اقول يدوووووه قبل ما أرمس عن يوم فليت ولا فلتايت ولا فلنتتتاتي وينها عصاتج...اذا بعيدة عنج برمس.. واذا قريبة فريها بعييييييييد عنج ( اطمن على نفسي قبل :marsa117: )..

المهم نرجع لمحور حديثنا عن نندبغ بالعصا..:marsa150:

ايام ما كنّا في المدرسة.. كنت اسمع عن هاليوم.. بس ما كنت أنتبه له بحكم إني ما أهتم من الأساس بهالخرابيط..

ولا كنت أعرف عن تاريخه... بس تعرفون اشقايل اعرف انه هاليوم على قولة يدوه ام عليوي يوم فليت... ؟؟

لمّا أدخل المدرسة وأشوف بنات بيدهن ورد ( في البداية آخذها بنية طيبة.. شو يعني بيدهن ورد).. وبعدها شيل نقشها أحمر .. :marsa140: .. ولكن كعادتي طنش تعش... ولكن اللي يأكد لي انه هاليوم هب طبيعي كثرة الدق على صفنا.. وأبلة ممكن فلانة.. تروح الفلانة وبعد دقايق ترجع وبابتسامة عريضة وفي ايدها وردة وورقة.. :marsa64:

تتوقعين يا يدووووووه شو فيها هالورقة...؟

تتوقعين فيها مثلاً كلمة أختي في الله ، أحبكِ في الله ، الله يجمعنا في جنة الفردوس الأعلى..........؟

لا طبعًا... نحن نقول يوم فلنتاين نسبة للقسيس فلنتاين يعني عيد للكفار.. فهل معقول يكون الحب في الله عزوجل ولأجله في يوم نحن مُنهيين عن الاحتفال به.... هل معقول يكون الحب في الله عزوجل وهم يتبعون نواهيه ويرتكبونها.....؟


تدرين يا يدووووووووه... كانت بلاوي تستوي في هاليوم.... لو اطلعتي على ورقة من هالاوراق بتشوفين كلمات اغنية تبين مدى العشق والوله... ( ولو كل حد تطلع لكلمات الاغاني وتأثيرها على المشاعر جان عرفوا مدى خطورة استماعها).. او تلقين وحدة تقول ما نام الليل عشانج والثاني تتذمر من الهجر والصد .. وتتسائل بليش وليش .. وع الأخير مسطرين كلمة ( أحبج)... :marsa37:

وهاليوم طبعًا أنسب فرصة للإحتفال بكل هالمشاعر الجياشة والمصارحة فيها....

وأتسائل بسؤال ... يا ليت ألقى إجابة عليه...

وين إدارة المدرسة والجامعات عن مثل هالظاهرة...؟

هب الوزارة اسمها وزارة التربية والتعليم.. والتربية تسبق التعليم.. يعني يُلقى على الادارة جزء من المسؤولية.. فليش ما يحطون قوانين صارمة تمنع هالظاهرة ( الله يرحم أيام ما لبسونا دبوس في الشيلة )...؟

بعض المدرسات الله يهديهن .. يصبحون في ويه الطالبات بـــ( هبي فلنتاين )... عاد شو الرد ( كل فالنتاين وانتي بخير :marsa127: )...

يا يدوووووه هذا غيض من فيض..

وأكيد لي عودة يا يدوووووووووووووه أطل ع الموضوع وأرمسج عن يوم فليت وعمايله في الناس...:marsa173:

وسلمي على ابو عليوي.. وقولي لحورية وشجون يجهزن لي دلة قهوة... :marsa195: ..
هدوء الليل
23-02-2004, 03:03 AM
بسم الله الرحمن الرحيم..


ملاحظة: أي رد سيكون خارج عن الموضوع.. سيُحذف..

أتمنى من الأعضاء التقيد بضوابط المحمل العام، والإبتعاد عن التهجم...:)

هذا والله ولي التوفيق..
عجيد الريم
23-02-2004, 05:10 PM
السلام عليكم

اخويه الربان ..
في البدايه تسلم على ردك وعلى تشجيعك لي :)

وهالفكره يزاها الله خير هدوء الليل هي الي شجعتني وتعبت ويايه عشان تطلع بهالصوره ...
اعذروني يمكن الموضوع ماظهر بالصوره المطلوبه ..
بس ان شالله راح تشوفون الي يسركم في المرات اليايه

اختك:حوريه:marsa78:
عجيد الريم
23-02-2004, 06:01 PM
<(((><

تسلم اخويه على ردك وماتقصر

والسموحه اذ مافهمت منها وايد بس ان شالله المره اليايه احاول ابين النص كثر مااقدر

اختك:حوريه:)
عجيد الريم
23-02-2004, 06:23 PM
عويد البان

يامرحبابج الغاليه :)

نورتي الموضووووووووووووووووع ..
والاسبوع الياي ادخلي نفس الموضوع لاتنسين بحط عن شي يديد وحلو :)

ومشكووووووووووره الغلا على المرور

اختج:حوريه
عجيد الريم
24-02-2004, 06:47 PM
رذاذ المطر ...

تسلمين الغاليه على ردج وماتقصرين

وان شالله الخروفه اليديده تعيبكم اكثر :)

اختج:حوريه:marsa147:
عجيد الريم
26-02-2004, 01:20 PM
السلام عليكم والرحمه من الله

عزيزتي هدوء الليل...
في البدايه اقولج العفو الغاليه ...
وانتي بعد ماقصرتي وتعبتي ويايه في هالموضوع
فماتقصرييين الغاليه :)
----------------------------------------------------------------------
عزيزتي...
هالموضوع الي تناقشنا فيه ..
يمكن القله القليييييله الي ماتعطي هالمناسبه اهميه ..
لكن الباقيين حتى لو نيتهم صافيه لكنهم بعد يحتفلون فييه ..
وفعلاً تستغربين من هالتصرفات الي تسويها بعض الطالبات او بالاحرى بعض المراهقات في زمنا ...
بستوي ام عليوي ..:marsa164:

يامي تستغربين منهم هالايام ..
الا وحده سايره عند الثانيه وتقولها احبج...
انزين وحبيتها ؟؟؟ وعقب ؟؟؟؟
يامج ولا يفكرن ولا شي الا كتبتلها بدمها احبج وردت وكتبت اسمها ... والله لو انها بنتي جان ضربتها ضرب الين ماتتوب:marsa105:

---------------------------------------------
احم وايد تقمصت الدور ..
على العموم تسلمييييييييييين الغاليه وماتقصرين على ردج

امج:ام عليوي:marsa90:
عجيد الريم
07-03-2004, 10:38 PM
السلام عليكم

بالذمه انا الي اشوفه صدق ولا انا تخبلت على آخر عمري :marsa7:

الله يخليكم منو نقل موضوعي لمحمل التميز قبل مااتخبل :marsa11:

على العموم اشكر الي نقله لهالمحمل ...

واتمنى اني اعرف منو هو بلييييييييييييييز :marsa119:

والسموحه
العسل
08-03-2004, 12:39 PM
.... هاهاهاههههههههههههههههههههههههههههها
كل الي تكتبينه يجنن....
زعيمة المرسى
30-09-2004, 07:55 PM
ههههههههههههههههههههههههههه

والله اني حبيت ام عليوي

هذي مستحيل اتكون مخرفه هذي بكامل قواها العقليه بس مب الجسديه ههههههههههه

بس والله الفكرررره رووووووووووعه

وتشكررررات على كل من ساااهم في نجاح هاي الفكره

بس والله فيني فضوووووول حوريوووه ...

منوه اللي مشترك في هالموضوع والله فنتكه انتووو فناتك والله :marsa40:


يلا ونحن بنتظار الحلقه اليايه صراحه رووووعه
عجيد الريم
02-10-2004, 09:45 PM
.... هاهاهاههههههههههههههههههههههههههههها
كل الي تكتبينه يجنن....
تسلمييييييييين الغلا وان شالله كل مواضيعي تعجبج

اختج:حوريه :)
راعي شلات
08-10-2004, 09:22 PM
هههههههههههههه وحليلها ام عليوي
تحياتي
عجيد الريم
10-10-2004, 12:09 AM
ههههههههههههههههههههههههههه

والله اني حبيت ام عليوي

هذي مستحيل اتكون مخرفه هذي بكامل قواها العقليه بس مب الجسديه ههههههههههه

بس والله الفكرررره رووووووووووعه

وتشكررررات على كل من ساااهم في نجاح هاي الفكره

بس والله فيني فضوووووول حوريوووه ...

منوه اللي مشترك في هالموضوع والله فنتكه انتووو فناتك والله :marsa40:


يلا ونحن بنتظار الحلقه اليايه صراحه رووووعه
اعووووووووووذ بالله قولي ماشالله

خخخخخخخخخخخ اسولف :)

مشكوره الغاليه على مرورج ..
وسلمج الله هذي فكرتي وقلتها حق هدوء وهي ساعدتني وقرت الموضوع قبل ماانزله


والسموحه الغلا

اختج:حوريه
عجيد الريم
13-10-2004, 10:31 PM
راعي شلات

تسلم اخويه على المرور وماتقصر

اختك:حوريه :)
هدوء الليل
14-02-2005, 01:50 PM
بسم الله الرحمن الرحيم..

يُرفع... للأهمية.. :marsa114:
بنت_الطــــواش
16-02-2005, 03:49 AM
السلام عليكم والرحمه وبركاته
يا سلام يا هدوووووووء..رفعتي الموضوع وذكرتيني باياام الغووص
اول شي شكرا لانج رفعتي الموضوع:marsa197:
..
يدووه ام عليوووي.شحالج حبيبه قلبي..
ياويلي اليوم العيووز محلوه..وحاطه لها مخمريه..وبشعرها ياسمين..شو هالرواايح يدووه..تخبلين:marsa197:
ابو عليوي: شعندج تتغزلين في يدتج؟؟ شو تبين منها:marsa80:
طواشوة: O_o اووش اووش شعندك يدي تغار:marsa36:
ابو عليوي : على شو اغار؟:marsa116:
طواشوه: لاني ادلع يدتي واقول لها الكلام الحلو وانت لا:marsa117:
ام عليوي: بسك يا ابو عليوي لا تحط عقلك مع عقل طوشتي حبيبتي..تعالي فديتج بقول لج هالقصه :marsa157:
طواشوة:فديت هالويه انا .احب اسمع قصصج
ابو عليوي : :marsa110:
وبعد الانتهاء من القصه :marsa107:
هييه يا يدووه شو اقول لج ..هالفلنتاين ديه انتشر في بلادنا مثل ما ينتشر المرض في جسم الانسان الصاحي..من يومين بس الناس تحتفل فيه
في المدارس يا يدووه..كل وحده عندها ورده وفيها كارت
ام عليوي: يعني شو بعد كارت؟:marsa42:
طواشوة: يعني بطاقه ..يعني ورقه صغيره يدوووه.ومكتوب فيها كلام غزل وحب..
ام عليوي: ويدييه شو هالمنكر:marsa49:
طواشووة: هييه يدووه..وهالورده يا تعطيها ربيعتها او الابله اللي تحبها..يدووه وهالايام الشبااب وايد إيون عند مدارسنا..في اخر الوقت تلقين مواترهم موقفه برع ويغازلون البنات..والبنات مستانسات..ومره وحده سارت بعيد عن عيون البنات في نهايه الوقت..والشاب فتح الدريشه واخذ والورده وهو عطاها كاكاو ورساله..ويات للبنات تخق عليهن اونه هذي من حبيبي في عيد الحب..وتخلي البنات يشمن الرساله لان فيها ريحه عطره :marsa140:
ام عليووي: يالله بالستر يابنيتي .الكون كله انجلب واستوى منكر..من دشوا علينا قوم الحمر لا بارك الله فيهم :marsa22:
طواشووة: يدوه وهاالسنه ما اعرف شو منكرهم لان الدنيا برد واجازه فما عرفت شو مهببين :marsa83:
ام عليوي: وتزخ الخيزرانه..وتضرب طواشوه ع جتفها:marsa173:
اياني وياااج تماشين هالبنات..لا بركه فيهن
طواشوة: آآآآآآآآآآآآآي يدووه :marsa139: لا انا ما ارابع هالاشكال..صدقيني ومالي خص فيهم:marsa180:
ابو عليوي: ههههه تستاهلين..يوم انجلبت عليج :marsa56:
طواشووه : :marsa110: :marsa110:
...
في النهايه لا تحرمينا من هالقصص الحلوه والمفيده يالحوور

طواشوة
القلب الطويل
25-02-2005, 09:30 AM
مشكورين شباب

ننتظر الممزيد