نعم هذا الملك يالشعب وانته تلتزم بسكات

[الشرجاوية]

السلام عليكم

شحالكم جميع .. اقول ترى هالقصيدة كتبتها من زمان
وفرصة اليوم اني اعرضها بمناسبة فوز الملك على الشعب :marsa29:..


ترى المقارنة بين الشارقة والشعب (( لا تجوز ))

اقول

يا عالم مهما قارنّـا ومهمـا زادت الكلمـات
ومهما تكلم العـذال ومهمـا الكـل بيحـارب
أساساً ناديٍ مثله ومثـل الشارجـة هيهـات
ترى هيهات بايوجد وجـه لمقارنـة صايـب
غريبة كيف تتقارن بطولـة وحـدة ببطـولات
وكيف نقارنه هالصرح بمبنـى كلـه خْرايـب
غريبة كيف يتقارن عدد جمهـور وشْهـادات
وتاريخ واسم نـادي عريـق بنـاديٍ خايـب
وكيف نقارنـه نـادٍ شهيـر بكـل الانجـازات
بنادي ما حصد إلا بطولـة بصدفـه وعجايـب
نعم هذا الملك يالشعب وانته تلتـزم بسكـات
في حضرة هالملك يالشعب انته صرت به غايب
حمل خمسة دروع وقد حمل كاسه ثمان مرات
حمل كاس الذي منهو احترامه لـزمٍ وواجـب
بعيد بعيـد يـا نـادٍ فـلا تربطنـا قياسـات
بعيد بعيد عن ذاك الملك لـي فـوق لْسحايـب
ترى ما مات هالتاريخ ع قولتكم ترى قد فـات
ومهما قلتوا وقلتوا.. ما تعلى العين عالحاجب


وسلامتكم
اعذروني ولكنها الفرحة ...

[uae111]

صح اللسانج يالشاعره

واحسن مافي القصيده هذي الابيات

وكيف نقارنـه نـادٍ شهيـر بكـل الانجـازات
بنادي ما حصد إلا بطولـة بصدفـه وعجايـب
نعم هذا الملك يالشعب وانته تلتـزم بسكـات
في حضرة هالملك يالشعب انته صرت به غايب
حمل خمسة دروع وقد حمل كاسه ثمان مرات
حمل كاس الذي منهو احترامه لـزمٍ وواجـب

ومبروك للشرجاويه