موضوع للنقاش

[البلوشية]

حبيت اطرح الموضوع باسلوبي وبالعاميه عشان محد يقول انه منقول ويحبط من معنوياتي

هالموضوع الي قريته قبل ايام في المجله أثار انتباهي وهو موضوع مب يديد علينا بل نسمعه كل مره ولكن هل ها يعني انها ظاهره في مجتمعنا .. ؟ وفي مجتمع اسلامي ..؟!!هل يعني إنا أعلنا بموت ضمائرنا ؟!!!!!! :marsa169:
ما بطول عليكم الموضوع هو عن ابناء الي يتخلون عن ابائهم :marsa84: ومسؤلياتهم لدار العجزه عشان خاطر عيون الحسناء (الزوجه)

وأكثر القصص الي اثارت انتباهي هو عن الابن الي منع ابوه انه يستقبل حد وخلاه فوق السطح وكان يأمن له الأكل والشرب وهو في مكانه ونسى انه مب محتاج في هالسن للأكل والشرب بس :marsa180: بل محتاج للرعايه والحب فتدهرت صحته ومات قبل لا يسامح فلذة كبده !!!:(

غريبه الحياه الاباء يربونا في عيونهم متى بنكبر ونبني مستقبلنا ونكون ذا شأن في المجتمع والابناء في عيونهم متى بيموت عشان نفتك من رعايتهم !!! فرق بين نظرة الاباء لأبنائهم ونظرة الابناء للأباء :marsa105:


ابي اسألكم :)

هل إذا الزوجه طلبت منك تتخلى على من سهرت عشان تنام من ربتك وتعبت وتخلت عن كل شي عشان تشوف بس ابتسامه من ابنها هل بتتخلى عنها او عن ابوك الي ياما تعب عشان يأمن لك السعاده هل بتتخلى عنه؟

والحين بسألج انتي الي تربيتي تربيه اسلاميه هل ضميرج بيسمح لج يوم من الايام انج تطلبين من الزوج انه يتخلى عن اهله ؟ وشو هو موقفج إذا هو طلب منج هالطلب؟

شو هو السبب الرئيسي الي يخلي الابناء انهم يتخلون عن اباءهم ؟ هل هو سوء التربيه ؟ :marsa50:

ارجو اني قدرت اوصل المعلومه لكم وارجو انكم تجاوبون بكل صراحه واسمحولي على الاطاله

[بنت_الطــــواش]

البلوووشية

ياسلام عليج..مرحبا بج اولا,,في المحمل
ويسلمو ع هذا الموضوع...
صرااحه سبقتيني في طرحة...
*****

من كم اسبوع بس كنت اتابع مسلسل سعودي..تابعته في حلاقاته الاخيره..وع ما اظن ا سمه (دمعه عمر) ماعلينا
المسلسل ينااقش الكلام اللي قلتييه فوق
الحرمة غرتها الدنياا وبريق البيزااات..فقامت تخطط خططها الشيطانيه..عسب زوجها يتخلص بامها..
اول شي مثلت ان ام الود ضربتها..وكانت تصيح صياح اليهد..ف شو سوى الولد "الباار" فر امه بالحوي..وضربها..وسكنها بالملحق
وكانت حرمته الذيبه دوم تتعرض للام بلسانها ..والام لا حول لها ولا قووه..
المهم زوجتة بطريقه ما اقنعته ان الطائن اللي يعيش بالملحق مب امه..وان اخوووه يحاول يسيطر ع البيزات والحلال كله..فالعقل المدرب خططت..وزوجها نفذ..اخذ امه ع المستشفى..وفرها ع الكرسي اللي برع..وقال لها بيرد بعد شوووي ..وذهب ولم يعد ..كيف تحجر قلبه إلى هذي الدرجة..كيف اغوته زوجته..حتى لو يحبها حب جنوني..بس الله سبحانه عطى الانساان العقل عسب يميز الزين من الشين...المهم بعد كل هذا..يوم ثاني نزل خبر وفاتها في الجرايد..واستغل فرصة سجن اخوه المظلوم..وسجل كل الحلال والبيزات باسم حرمته..
عند باب المستشفى ..لقى الام برع عند البااب..فدخلها..واعتبرها شرات امه..وحرمتة كانت بتربي..وبطلعه الروح اقنوعها انها تسكن معاهم ..( شوفي كيف الدنيا ..الغريب حن ورق قلبه لهذي الحرمة المسكينه)
ومثل ما يقولون الدنيا دواره والله ما ينسى عباده...الزوجه الظالمة..مرضت بسرطان العظام ..لانها دوم تدعي ع الناس بهذي الدعوه..ما تروم تتحرك من شبريتها..وحتى في اخر ايامها كانت شريرة..وفكرت انها تجتل زوجها..وبعد هذا الشي..الزوج وعى من غفوته..وسار بينتحر داخل البحر..وتراجع باخر لحظة..وقال بيدور ع امه يمكن تسامحه..طبعا سار لها المستشفى..وبعد جهد جهيد..عرف وين ساكنه لان الريال عطى عنوانة للمستشفى..
اول ما شااف امه وبعد الذل اللي ذالها..وشافت الويل منه..
شو تتوقعون رده فعل الام؟!
لوت ع ولدها واخذته بحضنها..وتم يبجي ويصيح..
طبعا الام ساامحته ولا كانه صاار شي...فديت قلب الام كيبر وطيب ويسامح زلات العياال الشينه

وهنااك الكثير من القصص الواقعيه واللي سمعتها من الابااء الكبار في السن..واللي طبعا مكانهم دار المسنيين...
****
انا اتعجب من هذيله البشر..واقوول لهم خافوا ربكم..اليوم انتوا تعامتوا مع ابهاتكم بهذي الطريجة..في المستقبل اولادكم بيعاملونكم بنفس المعامله ويمكن افضع...
***
والحرمه اللي تدفع زوجها ان ياخذ ابوه ولا امه دار المسنيين..اقول لها اتقي ربج في هذي العيوز ولا الشيبه..لانج ما بترضين ان زوجج يعامل امج ولا ابووج بالطريجة اللي انتي تعاملين فيها والديه
***
وعن سؤالج..."شو هو السبب الرئيسي الي يخلي الابناء انهم يتخلون عن اباءهم ؟ هل هو سوء التربيه ؟ :marsa50:

طبعا لا مب سوء التربية...بس مثل ما قلت الظروف اللي يتعرضون لها..ومظاهر الدنياا..والزوج الضعيف اللي يمشي ورى كلام زوجته..

واخر كلمه لزوجه المتسلطة
اللي ماله خير باهله ماله خير بالنااس...
وإذا عامل امة وابوه بهذي الطريجة..فانتي ثالث وحدة بتطلعين برع البيت

والسموحة ع لاطالة

طواشووة

[سلوم]

السلام عليكم...

ما شاء الله عليج اختي البلوشيه...

ابدعتي في كتابة الموضوع...:marsa54:

:marsa64:نعم نحن في عصر النكران... عصر الجحود و ربي يبعدنا عن هذا الشي...
لقد كثرة هذه الظاهره في مجتمعنا مع اختلاف الاسباب حسب نظر الكثير من الناس...

:marsa93:ولكن ماذا نقول عن انسان انتزع من قلبه الرحمه و الحب و رد الجميل




هل إذا الزوجه طلبت منك تتخلى على من سهرت عشان تنام من ربتك وتعبت وتخلت عن كل شي عشان تشوف بس ابتسامه من ابنها هل بتتخلى عنها او عن ابوك الي ياما تعب عشان يأمن لك السعاده هل بتتخلى عنه؟
بالطبع لا و الف لا... الي ما ترضى بهلي ما ارضى بيها... لا احب احب ان اكون ناكر للمعروف وخاصه لاهلي...




:marsa78:ربي يعطيج العافيه خيتو عالموضوع

[رتوش]

أصبح هذا الامر متفشي بكثرة في مجتمعاتنا العربية، يترك الابناء آباءهم في دور العجزة

أو الشوارع أو في البيت مهملين من دون شعور أو خوف من الله تعالى، ألا يعذبهم ضميرهم

اذا كان من يفعل مثل هذا العمل يملك ضمير :marsa121:


بالنسبة لأسألتج

والحين بسألج انتي الي تربيتي تربيه اسلاميه هل ضميرج بيسمح لج يوم من الايام انج تطلبين من الزوج انه يتخلى عن اهله ؟ وشو هو موقفج إذا هو طلب منج هالطلب؟

أقول لا ،لأن الله يعاقب عقوق الوالدين في الدنيا قبل الآخرة و هم أحسنوا تربيتي فلا أجازيهم بهكذا عمل

و مشكورة على الموضوع المهم والأسلوب

الجميل بالطرح :marsa136:

[البلوشية]

بنت الطواش:)
الي ماله وازع ديني ما اعتقد بيخاف من ربه في هالشيبه او في العيوز :marsa84: :marsa170: ويكون عذرها انها ما تقدر على رعاية ابوه او امه فيتنكر هو بعذر بسيط (جنه ما صدق انها طلبت منه هالشي ) غريبه نشوف ناس في مجتمع اسلامي يتصرفون هالتصرف مع الوالدين والاسلام حث على رعاية الوالدين (واخفض لهما جناح الذل من الرحمه وقل ربي ارحمهما كما ربياني صغيرا) والتربيه في الصغر اهم لانها بتحدد اخلاق الابن يوم بيكبر وعلى الوالدين تربية ابنائهم من الصغر تربيه صحيحه وأذكر قصه صارت في عهد عمر بن الخطاب(اسمحولي بكتبها بالفصحى ) جاءه رجل يشكوه ابنه فطلب عمر ابن الرجل وسأله لما لا يحسن معاملة والده فقال له لقد اساء اختيار الام لي قبل ولادتي واساء اخيار اسمي بعد ولادتي فأصبحت اعير عليه ولم يحسن تربيتي وها أنا اجزيه بما فعله معي فتركه عمر وقال للرجل لم تحسن تربيته فها هو يرده لك..
ومشكوره اختي على الرد ماشاء الله عليج رديتي اول ما حطيت الموضوع بس ما قدرت ارد عليج عشان الصلاه ونحن نفتخر بوجود نوخذه مهتمه لمحملها مثلج واشكرج على تثبيت الموضوع :marsa20:

سلوم :)
جزاء من يتنكر عن أهله العذاب في الدنيا والآخره وهو يستاهل هالشي ومشكور على المرور اخوي

رتوش :)
أي ضمير نخاطب فقد قتلوا الضمير ونسوا معنى الرحمه فتنكروا بأبائهم (من بر بوالديه بر به ابنه ) وأشكرج على المرور اختي

[عجيد الريم]

السلام عليكم

في البدايه احب اشكر اختي العزيزه البلوشية على طرحج لهذا الموضوع القبم:) ويزاج الله خير

عزيزتي...

الله سبحانه وتعالى لما راح يحاسب الانسان راح يحاسبه في الاخره على كل الذنوب الا ذنب واحد فراح يحاسبه عليه في الدنيا والاخره وهو عقوق الوالدين :marsa64:

المفروض الشخص قبل مايفكر انه يسوي اي شي بأمه او ابوه يفكر ان عياله بيسووله نفس الشي كيف يرضى على نفسه؟؟؟ اكيد مابيرضى انزين كيف بيرضى على امه وابوه ...
هل نحنا وصلنا الى مرحله نتخلى فيها عن اقرب الناس لنا؟؟؟ نتخلى عن الي ربونا وكبرونا وسهروا الليالي بس علشان يشوفونا احسن الناس...

اذا وصلنا لهالمرحله الله يعين من اللي ياي :marsa64:

يزاج الله خير عزيزتي واسمحيلي على الاطاله

اختج:حوريه