&&&& قصائد جميلة &&&&

[الزنبقة]

أصدقائي :

مرحبا في البداية ..........

هناك أشعار كثيرة نسمعها .........وقصائد أكثر نقرأها ........

لكن هناك دائما قصائد جميلة أو مقاطع منها لا نستطيع نسيانها .....

فهي تعلق بالذاكرة ..........


شاركونا وأمتعونا بأجمل ما قرأتم منها .......

بانتظار مشاركاتكم .........

وسأبدأكم أنا بقصيدة ل : د . مانع سعيد العتيبه

(( الوداع))

لا ينفع عذل أو نصح...مجروحا أوجعه الجرح

من بعد نزيفي لا يجدي... يا صاح حديث أو شرح

الصبر جميل اعرفه ...من قال الصبر به قبــح؟

لكن لا لوم إذا ضجت... روحي تعالى الـــنوح

يا من لصبر تنادي...نيران الجرح لها لفـــــــح

والبعد دروب مظلمة...من أين لسالكها صبح؟

ذهب الأحباب فلا صوت...يطربني منهم أو صدح

ساروا وفؤادي يتبعهم...لا جبل عاق ولا سفح

الشوق تحول مركبة...للقلب فطار به جنح

لكن الواقع أذهله...كالفارس جند له الرمح

لا هو بالحي ولا ميت ... يفتح عينيه ولا يصحو

يا خل الحب لنا قدر...لا يرجى منه لنا ربح

لكن مشيئة خالقنا...كتبته علي فمن يمحو؟

صبري ما غير واقعه... وبيعني بان له لمح

الحب عرفت مجاهله... وغزوت وتم لي الفتح

لم تثن العزم مصاعبه... وبه قد شيد لي صرح

بعدك يا خلي يذبحني...فعلام يسليك الذبح؟

بيديك خلاصي ونجاتي...فلماذا يا خل تشح؟

اسمعني رجع أناشيدي...يدعوك لتغريد دوح

والحب الصادق محتاج...للبوح فهل عز البوح

سأظل اغني مشتاقا...أدعو للقائك وألـــــــــح

فلننس مرارة ماضينا...العاشق شيمته الصفح

أتمنى تعجبكم .........
ولكم تحياتي .........

[riam96]

السلام عليكم و رحمة الله و بركاته

قكره حلوه اختي الزنبقه و مشاركه رائعه منج و اختيار متميز جدا جدا

و ان شاء الله نثبت الموضوع و نشوف مشاركات حلوه و ابداعيه فيه

ولي عوده للمشاركه بموضوعج

وشكرا لج

[زعيم المرسى]

@@@@@@لا تعليق@@@@@@

[شجون الليل]

اعمل لنفسك كل آله
لا تقعدن بالذل حاله
وانهض بكل عزيمه
فالمراء يعجز لا محاله

من العصر العباسي ال2 حافظتنها من 5-6 سنوات تقريبا
وانا اطبقها في حياتي العمليه :marsa79:

اول مره احفظ قصيده انا كتاباتي مااحفظهم :marsa22:

[الزنبقة]

مشكورة riam 96 ........
أنتظر مشاركاتك الحلوة في الموضوع ........

زعيم الامارات مشكور على المرور .......... لكن أبيك تعلق .......
وأنتظر مشاركاتك الحلوة .........

مشكورة شجون الليل ........
لكن حسب ما أذكر انه الأبيات ب هالصورة وبتأكد :
اعمل لرزقك كل آلة ........... لا تقعدنّ بكلّ حاله
وانهض بكلّ عظيمة .......... فالمرء يعجز لا محالة .
بانتظار مشاركاتك الحلوة (( مش شرط تكوني حافظتهم ))


وأهديكم هالأبيات للشاعر نزار قباني :

عندما كنت أسكن في جنيف

لم تكن تبهرني الساعات السويسرية

المطعمة بالأحجار الكريمة

ولم أكن معجبا باللافتات التي تقول :

(( نحن نصنع الزمن ))

متى يعرف صانعو الساعات يا حبيبتي

أن عينيك وحدهما

هما اللتان تصنعان الوقت

وترسمان خرائط الزمن ؟؟؟؟؟؟؟؟؟؟؟

من قصيدة(( لا تاريخ قبل عينيك ))

[الزنبقة]

مرحبا .........

شكل الفكرة مش عاجبيتكم ؟؟؟؟؟؟؟؟؟

بس على كل حال أنا راح أحط جميع القصائد الحلوة اللي مريت عليها .........

الجرح والنزيف

قـــــــال مجــــــروح جــــاوبـتـه نعــــــــم

قـــــــال ما شوف بــك آثـــــــــار دم

قـلـــــت وان كـــــان في ذاتي الـنــــــزيف

قـــــــال ما بــــه نـــــــزيفٍ مــن عــــــــدم

قـلـــــت وان خـــان بي أغلى حـــــبـيـب

قـــــــال وهــــــــــم بـنـيـتـه وانهــــــــــدم

قـلـــــت ما عذبك يـــــــوم الـفــــــــراق

قـــــــال درب وتـمـشـــــــيـه الـقـــــــــــدم

قـلـــــت ما بـــه ســـوى جــــلدك شعــــــور

قـــــــال غـيـــــره فـــــلا حــــــس بألم

يا وسيم النـــاس لـــو قـــلبك وســـــيـم

واكـــــــرم النـــاس في غـيـــــر الكــــــــرم

عـنـــــدك الظـــــلم عـــــــدل في الهــــــوى

واعــــــــدل العاشقــــــــين اللي ظــــــــــلم

أنت لــــو كـان في حــــــــبك حـــــــــــــياة

كـان خــــــلى حـيــــــاتـك لـــــــــه طـعـــــم

اتعــــــس الخــــــلق مــن يرجي هــــــــواك

ما أضيع النبـــــض في قــــلب الصــــــنم

(( بدر بن عبد المحسن ))

[riam96]

http://cpanel22.gzo.com/~etrnet/album/data/media/7/nameofallah.gif

السلام عليكم و رحمة الله و بركاته

هاقد عدت لكي اسطر لكي بعض ما قرأت من روائع اعجبتني لشاعر من ابرز شعرائنا و هو الشيخ زايد بن سلطان آل نهيان بعنوان

ابسم

ابسم عسى تبــــسم حياتك ***** يــــا قايد الخفرات والعين

عطاك ربي لك غنــــــاتك****** واصبحت سيـــد في المزايين

هنيت يا سيدي بصفاتــــك ***** وانــــا غني بك م الملايين

كل يــوم تكبر غلاتــــك ***** والــــقاك دوم بعيني تزين

مـن بالحسن ســيدي شراتك ***** مـثلك فـلا قد شافت العين

الشمس تخـجل من بهــاتك* **** والبدر لك بانـــواره يدين

مثل الــعسل منطق شفــاتك ***** ذرب ومـوزون بموازين

والطيب مـن أصلك وذاتـــك ***** واضح ولا يحتــــاج تبيين

يــــا سيدي ما احلي سماتك ***** حسن وطيب واصل وديـن

فقت البشر كـلهـا بحلاتـك ***** ما ظنتي مخلوق من طين

[الزنبقة]

مشكورة حبيبتي ........

القصيدة في قمة الروعة .............

زودينا دوم بالقصائد الحلوة ........

[زعيم المرسى]

ألا ليت الشباب يعود يوما
فأخبره بما فعل المشيب:marsa197:


الصراحه هذا البيت مخزن في ذاكرتي من زمان
:marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55: :marsa55:
في أمــــــــــــــــــــــــــــــــــــــان الله ورعايته

[شعور84]

وأنا بعد أقول

الأم مدرسة إذا أعددتها أعددت شعبا طيب الأعراق

وسلامتكم

[الزنبقة]

زعيم المرسى ......... ما توقعتك شيبة :marsa84: :marsa84: ....... هههههههههه
أمزح والله مشكور ع المشاركة ........

شعور بيت جميل وله معاني روعة .......
أشكرك ع المشاركة .......

وهذي لكم من عندي :::::::::

عن سهم طـرفك لذت يا زين بحماك ** بسم اللذي سواك ترحم دخيلك

إن كان لي ذنب فأنا حب لامـــاك ** قلبي يبيك وناظري يـلتجـيلك

قلبي يبي لامـاك يا زين ورظـــاك ** والـعين لو أنك بـعيد تخيلـك

أعلل النـفس المريـظه بذكــراك ** ظيعت عقلي ظيع اللـه دليلك

يا مـورد الخـدين ما طيق فرقاك ** هـاجوس قلبي دايم ينـتحـيـلك

دايـم وهـمي من تزعلك ورضــاك ** ويزود غلي وإن تزايد غليلك

محـمد بن أحمد الســديـري

[زعيم المرسى]

الزنبقه مشكور على المشاركه :marsa160:

[المـ AnGel ـلاك]

السلام عليكم ورحمه الله وبركاته

من لحظات بس قريت هالمشاركه واشكرج عليها

وحبيت اشارك فيها

شعر اعجبني .. من شعر .. الشيخ حمدان بن محمد بن راشد آل مكتوم ( فزاع ) >> المقطع الي اعجبني ..

وانا امي اماراتي ...*... ولدت وعشت انا فيها
وابويه امجاد عرباني ...*... وطاري ماضي جدادي

اعيش همومي وافرحي ...*... ولا لي نيه اخفيها
واكبر همي المقدس ...*... وطفل جنبه ينادي
يهز بصرخته ارض ...*... نوا الصهيون يمحيها
من التاريخ والعالم ...*... وقف مكتوف الآيادي


وسلامتكم

المــــــ AnGel ـــــــلاك

[الزنبقة]

هلااااااااااا فيك اختي ومشكووووووورة على المشاركة ........

دوووووووووم زودينا بالأبيات الجميلة .........

وهذي بعض أبيات للشاعر نزار قباني ::

ولكنني -رغم عصف العواصف-
أبقى صديق الشتاء
وأعرف أن الصعود خطير
وأن الهبوط خطير
ولكنني في غمار الفتوح الكبيرة
لا أتراجع نحو الوراء .........

أتمنى تعجبكم ؟؟؟؟؟؟؟

[المـ AnGel ـلاك]

بصراحه انا مااعرف اشعار كثيره لـ نزار القباني ..

وهذا الشعر لـ نجم السعد

السعاده حلم والدنيا اماني ..
والدموع ترافق العين الحزينه ..
كل ماحولت اعدل في حياتي ..
قامت الامواج تلعب بالسفينه ..

اما هذا فلـ فهد بن خالد

احبك موت في غيابك ..
واذا شفتك احبك زود ..
احبك في ابتسام الوقت ..
واحبك في جفا ايامي ..

وسلمتو

المــــ AnGel ــــــلاك

[الزنبقة]

الله رووووووووووعة تسلمين ........

[الزنبقة]

** ابتعـد **

إبتعد عني ماحبك وش تبي

قدرك العالي رميته في الثرى

واحسايف قوليتي لك ياحبيبي

يوم قلبي مولع بك مادرى

إنك الغادر وقصدك تلتهي بي

ون عاطفتك تباع وتشترى

إنس وقت فات مالك به نصيب

لا تذكر ،لا تذكر ماجرى

يوم هفت شمس حبك للمغيب

استرحت وعاد لي طيف الكرى

(( خالد الفيصل))

أتمنى تعجبكم ........

[جريح العين]

اختي الزنبقه مشكووووره على الموضوع المميز


هذي اجمل بيتين سمعتهم تحاكي حال المعاني



كلن يقول ان البكى فيه راحه ................... وانا بكيت اليوم لعلي ارتــــــاح

بكيت من قلب تزايد جراحه .................... بكيت بكي اللي بكى يوم الافراح

[الزنبقة]

هلا بك أخوي بيننا .............. مشكور على المرور ...........
ومشاركة روووووووووووووووعة ... سلمت ..........

مرنا دووووووووووم وعطنا أجمل ما عندك ..........

[شجون الليل]

تسلمون جميعا على المساهمه في هذا الموضوع المتميز

واسمحوا لي بنقل هذا الموضوع لمحمل التميز

واتمنى الاستمرار فيه هناك:marsa197:

[الزنبقة]

يووووووووووم رحت محمل الشعر والخواطر وما لقيت الموضوووووووووع قلت انحذف وزعلت ........

ويووووووووم يت هني ولقيته فررررررررررحت كثير .......... مشكورة شجووون الليل ........

وهذي لكم من عندي ::::::::

(( أخطيت ))

أنا مدري وش إحساسك
ومدري وش تظنيني
أنا الصادق في عينك كنت
و صرت الكاذب الخوان
أنا أخطيت ما انكر ولافيه عذر يكفيني
سوء اني احبك حيل واني دايماً انسان
انا ادري بمدى جرحك
وادري الحظ جافيني
يطول الوقت ما أخطي
وإذا أخطيت كل شيٍ بان
انا شفت الزهر مايل
وظنيته يناديني
قطفته يوم ضميته .. لقيته للأسف ذبلان
عرفت انك زهر عمري
عرفت انك بساتيني
وغيرك قيظ مايروى .. سرابٍ يشقي العطشان
انا لو ماحصل ماكان وشهو اللى يدرّيني
بأنك ماسواك انتى .. سكنتى القلب والوجدان
انا اسف على اعذاري
عجزت ألقى عذر فيني
يليق بغلطتي في حقك ويرجع كل شيٍ كان
احبك كثر أخطائي
وادري انك تحبيني
وادري لو تفارقنا فلانقدر على النسيان
اذا تقوي على فراقي وبعدي عنك .. خليني
انا مليت من دور الكرامة
ولعبة الغفران
قليل العمر ياللي انتي دموعك ماتساويني
حرام انه يضيع فراق
هي من قلها الأحزان ؟؟

(( عبدالرحمن بن مساعد))

[الزنبقة]

http://www.saud-bin-abdullah.com/saud/kas-images/3lafekra.gif

[الزنبقة]

http://www.saud-bin-abdullah.com/saud/kas-images/tefadal.gif


السلام عليكم ......

وينكم ما عاد شفنا شي جديد منكم ........

هذي بعض القصائد اللي في غاية الروووووووعة للأمير الشاعر : سعود بن عبدالله

[الزنبقة]

ما حد يضيف مشاركات جديدة ............

:marsa93: :marsa93: :marsa93:



الفراق الهادي

حاول وحاول ...يصير أفراقنا هادي
الله عطانا العقل حتى يعنينا
خل المقادير تمشي مشيها العادي
في عمرنا يفعل الله مانوى فينا
مافادتك دمعتك .. ماينفع عنادي
لاصار ربي حرمنا .. من بيعطينا
فرقا وصارت ولاتحزن على أبعادي
وأنا بحاول على نسيان ماضينا
ونبدأ حياة جديدة كلن بوادي
ياحسرتي ياغرام ... عشته سنينا
ياوحشه الليل .. في بعدك بلا رقادي
ويا طوله اليوم ماشفتك ولو حينا

(( سعود بن بندر))

[الزنبقة]

(( ياللي زعلت ))


ياللي زعلت إزعل ولاني مراضـيك
أشرب كدر ماي البحر كانه أرضـاك

لا تحسب أني عقب صدك بداريـك
بأعز نفسي عنك مـدراك مــدراك

أربـع ســنين وأنا متحمـل تغليك
راضي بتعذيبك لأجـل قلبٍ أغـلاك

وخليتني واليــوم والله لأخـليـك
وأدوس قـلبي لينـه يقـول خـلاك

قبـل توريني الحسـاير بأوريــك
ليمن يقـال فـلان هانـك و ورآك

كـانك تحداني فأنـا أقبـل تحـديك
وأنسى الغـرام اللي مـضى وأتحداك

مـاني بقايـل لك عسى الله يهنيـك
الله يحـرمك كـل مـا كان هنّــاك

عـسى العمـى ياخين العهد يعميـك
فوق الغرور اللي عن الماضي أعماك

وعسـاك ما تسمـع قريب يناديـك
حيثك تجاهل صوت محـروم نـاداك

وعسى الشلل يعـوق رجـلٍ تمشيك
لـينك تنـدم ليـه غـيرت ممشـاك

وعسى حياتك بس فرحـة لشـانيك
يلقى بها الفـرصـة عدوك ويشناك

وعسى الليـالي اللي تجيني بطاريك
يصبح عليها الصبح ويموت طريـاك

وعسى المنـام وكل راحة تجافيـك
آمين حتى اللي تمنــاه يجفـــاك

وعساك ما تفـرح وتكثر بـلاويـك
وأمك تشـق الجيب من عظم بلـواك

وإلى مت جعلك في جهنم تصـاليـك
نار الجحيم ونار دنياك تصـــلاك

الله يكـره فـيك حـتى دوانيــك
غشـاش خـاين من من الناس داناك

هذه النهايـة روح والله يجازيــك
أمسـك ويومـك عنهم الغد يجـزاك

(( طلال السعيد ))

[عويد الموز]

صقـــر القـاسمي

( البارحة بايت )


البـــــــارحـة بَايـِـتْ أخَــرْص اليِوَابـي = قلبٍ امْعَـــــــــوّدْ بِالوِفَـا في عِشِيْــرِه

يــــوم الخِلــِيْ في سَكْــرِتِهْ مـا درابـي = أنــــــا عيــــوني شاخِصـاتٍ سِهِيـرِه

تِرعَـى الكــــواكـب مِشْفِجِهْ بالحسابـي = لين ازْلفَتْ صوبْ المَغَــارِبْ امْغِيْره

جَنّــي امصــــوّبْ في الحَشا بالحَرَابـي = والقلــــب يِقـــلانـي ابْوَاهـِـي زِفيـرِه

فلا كلّ مــن قــال الشعــر في صوابـي = ولا كـــل مفتــوحْ البِصرْ له بصِيـرِه

و من عَــاش فــي الدنيــا بكَثر العتابـي = مــا زال منــــها مِحْتسِبِ بالقِصيـرِه

لَكَـنْ أســَــــــــرّ البـــالْ غَضّ الجَنَابـي = و الصَّفح فِيــــــهـا بالعفـو والذِخِيـرِه

وأنـا على أمّــــا بــي وشِــدِّتْ مِصابـي = أبكي وزا حالـــــــي ابطـي السِريـرِه

لُونـا إمّا بـــي في اظْهــــــور الّرجَابـي = ضاق ابْحملــــهِن ما غِـدن به الدِيـره

يـا ونّتـــــــي ونّـــــــت حِـوَامْ اليِوَابــي = خَلّــــوه وَرَاهِــــنْ مِنْقِطِـعْ بِالهِجِيـرِه

و وَنّــــتْ شِجــــــيٍّ مِثخِـنٍ بالصِّوابـي = خَلَـــــوه محـــذوفٍ ابْتَالـي المغِيــرِه

على ما جَرَى لهْ في الهــوى ما جرابي = وما فـي ضميري ثابتٍ في ضِميــرِه

ما ذكَـــــر ابْعمـري و اسْتِلِـيْ بالعتابـي = ولا عـــــادْ منّي شافْ حَال ايْضِيـرِه

و لا كـــــان يِرْضَالي و يهـوى ذهَابـي = ولا ظِـــــــنّ نَفْسـِه بالجِفـا مِسْتِخِيـرِه

و لكــــــن حازَتْ دون وَصْلـه احْيَابـي = إحْيَـــــــابْ من دونـه اوناسٍ شِريـرِه

هم كـــــــدّروا حالي وصــارَوا سْبَابـي = وادْعَـــوا حِيَاتِـي مـن افرَاقَـه مِريرِه

رَيّــــــان من فرط الصِبـا و الشبابـــي = وانهـــــــودْ صَـدْرِه توَّهَـا مِسْتدِيـرِه

غِــــرّ الثِّنَايــــا و المِكَامِــل أرضابــي = والعيــــــن بَاتــــلافْ المِعَنَّـا جِدِيـرِه

تَزْهِيْ اجْفُونَـــــهْ بالخِتِم والخِضَابـــي = وتصغـــــــر لنفسـه كل نفسٍ جِبيـره

إشجِيْــــــــتْ يـوم الحظ دونـه يِذابـــي = وابليــت ليـن ابجيـت مثل الخِضِيره

جِسمي نحيـــلٍ اوراحــتي في عذابــي = والـروح من طـول التباعد ضرِيـره

هيهات تَصْفـــي عيشتي مــع شرابــي = إن كـان مـا عِينــــــي ابْعِينـه قرِيـره

مـا بالهَـــــــزرْ منّي حَشَا والحسابــي = أنــــي أبـــــذل بالمــــــــودهْ ابْغيـرِه

[عويد الموز]

من كلمات الشيخ محمد بن راشد المكتوم

لــي صـــابني مــن سيــد تلعـــات لرقـــــاب

ونّــــــيت ونّــــــــــه واحد لاسعه نــــــــاب لو تسمــــع الونّــــات يـــا شـــــوق ونّيــــت

اجـــــروح قلــبي مالهــا طـــبّ و اطبـــاب متغـــــزّرات وفـــــــي حشـــــــــايه مثــــابيت

بعيـــــان دعـــــج لحظهــن ضــرب نشّـــاب صـــــاب الفــــواد ومــــا خطـــــا بالتثّبيـــــت

ومـن ونّــتي يــا شــوق حــتى الصّخـر ذاب مـــا فـــادني كــــثر الحســـــــــف والتنّهـيـــت

اخفـــي دموعـــي عـــن يحســـون لقــــراب والاّ حســــــود ياخـــــــذ الخـــــبر والصّـيـــت

لــي صـــابني مــن ســـيد تلعـــــات لرقـــاب اللّــي جعلـــــني هــــــــب حــــيّ ولا ميــــــت

العنـــــق عنـــــق غزيّــــــــل ذبّ مرقـــــــاب اللّــي تبيّــــــــن والجـــــــوازي مصــــــانيت

اللّــــي مـن القنيّــــــص حــــــذر و مرتــــاب لــــي يـــــرتعن بــه فــي فيـــاض المنـــابيب

صــاب الحشـا يـا شـوق وامسـيت مصــطاب وانـــا الـــــذي يـــا زيـــن شـــرواتك ابليــت

البــــــدر عــن عيـــــني تــــــدّرا بســـــــحّاب والكــــون فــي مجـــــرات ســــيره تعــــاييت

نـــــار الغضـــــا ويهبهّــــــــا جــول هبّــــاب هــــل كيــــف فيـهـــا وانــــت عنّــــا تّدريـــت

مــــا ينفـــع الفيــــــــوع كثّـــر التّطّــــــــــلاب ولا تنفـــــع الحســـــرات يــا ليـــت ياليــــــت

صـــــلاة ربــــي عـــــد مـــــا خــبّ خبّـــــــاب واعـــداد مـــن يســعى ومـــن طـــاف بالبيــت

[الزنبقة]

وأخيرا ........ فيه حد عبرني !!!

مشكورة بنت المزروعي مشاركات أكثر من رائعة ........

[ديما]

مشكورة اختي
على هذه الفكرة الجديدة
انشا الله تستمري وتزودينه بالاشعار
الحلوة الي مثلك
سلملم
دمدوم

[عويد الموز]

الزنبقه ..
العفووو الشيخه

[عويد الموز]

سالم الجمري

( اهلا وسهلا و حي )

اهلا وسهلا وحــــــي = بلغــالي المظنــــــون
يلي جديلـــــه لـــــــي = ظافي على لمتـــــــون
العين عيــن ظبــــــي = فيها الهدب مزفـــــون
اغزيـــل في ادبــــــي = بو حاجبين مقـــــرون
في مبسمـه يزهــــــي = اللولـــــــو المكنــــون
في صدره المبهـــــي = نهد شـــرا الزيتـــــون
مطواي خصره طــي = ينفح بطيـــــب اردون
من ردفـــه النابــــــي = تشكي المظا مرهــون
مر ورمانــي بشـــــي = ودعا الحشا مطعـــون
برق وخـــز وبــــــي = فيه بسحـــر لعيـــــون
قلت العفــو يا خـــــي = يا عم روف وهـــــون
ورحم شوي اشــــوي = وعطف وقل يا عــون
قال الهـــوا والغـــــي = ما يرحـــم المفتـــــون
قبلك عزير ومـــــــي = ليــــلا ويا مجنــــــون
كلن تبــــع له فـــــــي = غنو على على لفنــون
ونته معـذب حـــــــي = في حبنــــا ممحـــــون
أن ردتنا يا صبــــــي = نحنا شمال اسكــــــون
باقولـــــك ونهـــــــي = لتخـــــرب القانـــــون
يوم العـرب تلهــــــي = والنـــاس ما يــــدرون
تعـــــــال با نبهــــــي = ويــــاك يلمظنـــــــون

[عويد الموز]

بطي آل مكتوم

( يا رب )


يا رب يا من كـل خلقه تساله = يا كاشف الأكراب يا مفرج الضيج
يا من تنزّه في عــلاه وجلاله = واحصى جميـع أرزاق كل المخاليج
نرجي ونامل كلنا من نــواله = لعـــل بعد العـسر يامر بتفريج
تريح نــاسٍ ناجلين الحمـاله = وتســوق بالطافك لهم حظ توفيج
يا خير مسؤولٍ لمن هـو شكاله = و يـا خير مأمــولٍ لفك المغاليج
بحق مـا في النور واسم الجلاله = تفرج اللي ضــاقت حبال الخنانيج
بحق طـه لي سعــى بالرساله = انظر لنــا و انّا لفضـلك محاويج
وش حالة المخلوق من دون ماله = لي عــاد كدّه ما يكافي المخاريج
اتقلّ حـتى حيـلته واحتيـاله = و يظـل حيرانٍ بقلبـــه لواهيج
متمشكلٍ من سوء حالٍ جرا له = يشكي فَلَس عقب الخِيَش والصناديج
كم خيّرٍ بــانت عليه افتشاله = حِمِــل بحملٍ مـا يواحيه ويطيج
هذا الذي دار الدهـر واغتياله = ما يشتكي من حالة الـوقت تعويج
خَذ مـن زمانه ما يكافي حواله = ولا غــرّته هـل بالعقول المطافيج
يا رب عن هالحـال تخلف بداله = يســرٍ بعـد عسرٍ وللـهم تفريج
يا الله يا سـامع دعا من شكا له = غث من تضرّع وابتهل لك على الريج
كلٍ بســـط كفّه ورافع نداله = يا كـاشف الأكراب يا مفري الضيج

[عويد الموز]

راشد الخضر

( مرحبا يا حي لسطاري )


مـرحبـاً يـا حـي لسـطـاري = حـي منـدوبـك أو مـكتـوبـك

عـد مـا نـسـنـس هـوى الذاري = أو عـدد مـا حـد منـدوبـك

يـا الخـضـر ذا مـسـلـكٍ جـاري = سـنـة العـشـاق سـود بـك

كـن عـلى الليـعـات صـبـاري = واحـتـذر م الـواش يسـعـوبـك

لا تـقـول إنـك بـك اعـزاري = كـاف مـن مضـنـاك مـطلـوبـك

أنـت روحـك بـايـع أو شـاري = فـي الهـوى ومـسـاوى اهـدوبـك

للـغـو فـقـه أو نحـو جـاري = تقـدر اتـرافـي فـي فـتق ثـوبـك

[عويد الموز]

راشد الخضر

( أفرح إلى قالوا بني راس )

افــرح اذا قــالـــوا بنـــي راس = واحـــزن اذا قـــالــوا بعــدنــا
واموت لــي قـــالـــوا ود النــاس = واحيـــا اذا قـــالــوا عــبدنــا
واشــهـــق اذا قـــالوا بلغــلاس = فــي غـــيبة الـــواش انتظرنــا
واطــرب اذا قـــالـوا در الـكــاس = مـــثــنا وثــلاث الــراح سجنــا
واسـمـــع اذا الاحـــباب جــلاس = واصــلـــي اذا العــــذال معنــا
اخلــو لـــي افـــوادي م لحــواس = قـــالــوا نبـــاه ابويــت سكنــا
قلت : محــترج قــلبي يــها النــاس = قالـــوا ك ابـــرايه اللــب معنــا
قــت : منهــدم صــقفه ولا ســاس = قالــوا : بنبنيـــه احــســن ابنــا
قلت : ضيج ، قـــالوا ،فــلا بــاس = لو ضـوق ثقـــب ابــره يسعــنــا
قــولوا شقـــول الحـــلو للعــاس = قالوا : أجـب ، قـــلت: الــف جبنــا
ثر في المحبــه ايضيـــع لقــيــاس = يــوم العــقـــل ماخـــوذ عنــا
وابــلا نــديــم ارباحــنا افــلاس = لــو نمـــلـك الدنــيــا ابيـدنــا
ف الحب لاجـله نخــضــع الــراس = طاعــه ونعصــي مـــن عـذلنــا
واذا رضــى لـــو تزعــل النــاس = كـلهـــم زعــلهــم ما ايهــمنــا
ما ادري عمل لـي طــب طــلمــاس = مـا ادري سحـــر عـــينه الوسنــا
دورة ارضــاة اتـــــدور الــراس = وانغـــيـب يـــوم أيــغيب عنــا
اقــبل شمـــوس وادبــر اغــلاس = ليــل اشـعـــره كـلكــل ومزنــا
بــســوس لمـهــلهــل وجســاس = امـن ورخــى مـن هــجــره النــا
ابــهــت غــرابيـنا ولــكــواس = عـود عــلــــى المـــودة اتثنــا
حاز الغــوى كــله عـــن النــاس = وحاز الغلا عـــن كـــل مــضنــا
يــا عـــود يا تــايه مــا ميــاس = رف بالطهـــف والشــمــس وابنــا
لا الطهــــف لــي هــب نسنــاس = ذلــيــل مــتواضــع مـــثلنــا
والشمـس لي يــت عالـــي الــراس = قالت : يا مـخجــلنا اســمــح النــا
لا عاش واشـــي الحـــب يا نــاس = لــي يعــتنـــي مــن دون معنــا
مــز اللما مـــن كـــاس للعــاس = عـن كــاس بـــنت العــنب اهنــا
والمــوت لي بــه اتخمـــد لنفــاس = أهـون مــن اصـــدودك يا مضنــا

[عويد الموز]

سالم الجمري

( اذا هبيت يا مير الشراتي )

اذا هبيت يا ميــــــر الشراتــــي = تذكرني بمعســـول الشفاتـــي
حبيبن سالبين عقلي وروحــــي = عليه انوح واهــل اعبراتـــي
ونومي ما تغظي بـه اعيونــــي = وقلبي فيه ليعـــه وحسراتـــي
وحالي ناحل والعظـــــم بالــــي = سجيم مولـــع ظايــــع ثباتـــي
صويب الحال مفجــوع امعنــــا = ولا بهنـــا بنـــوم ولا مقاتـــي
دريك محرض من هجر خلـــي = تلا داني الايادي وش حياتــي
بليت بحب من لافيـــه خوفـــــه = وتيمني وشتـت بـــي شتاتـــي
ولا ياوي ولا يلطـــف بحالــــي = ونا بسمه اصرح هو غناتـــي
عليه أمن الظبا نــــوع يمثـــــل = عيون وجيد كاجيـد المهاتـــي
وزلفين كسن فرعـــه وغطــــن = على متنه ايثـال امعشكلاتـــي
ونهدين على صـــــدره وبايــــا = كما التفاح حمــــر جاعداتـــي
ومنهوب الحشا والردف عالــي = وخصرين اهظام امعزلاتـــي
ويمشي مثل ما تمشي الحمامــه = ويدرز مثل ما درز القطاتــي
ونا والله مالــــي عنــــه توبــــه = ايلين انحط في لبت حصاتــي
جتيل الشوق ممحايــه اذنوبــــه = ومعفاي الخطـــا والسيئاتــــي
ولو ما لحب ما عنــــا المغنـــي = ولشتاقن لصوتـه مطرباتــــي
ولا سجلـــــت للعشــــاق فنـــي = ولا لانن اقلـــوب السيداتــــي

[ولد النوخذة]

قصيدة غاوية وحلوة ومميزة

يستاهل

وثانكس بنت المزرووعي على الاختيار

[عويد الموز]

العفووو يا ولد النووخذه (^_^)

[الزنبقة]

أول شي هلااااااااااا دمدوم وان شاء الله بتزودينااااااااااا بقصائد حلووووووووووة في المرات القادمة .........


بنت المزروووووووعي والله ما شاء الله مشاركات أكثر من رووووووووووووووعة ومميزة جدااااااااا
مشكورة الغالية على المشاركة الحلوووووووووووووة

[عويد الموز]

الزنبقه العفووو حبووبه..........
وانا بعد اشكرج يالغاليه وما اتقصرين:marsa197:

[الزنبقة]

(( تعبت ))

تعبت أنزف جراحي حبر و أدور للألم أسباب
لجل أكتب شعر يحكي بعض أصغر معاناتي

قفلت من الأسى بابي وسجنت الكون خلف الباب
وعصتني دمعةٍ فيها سؤال لكل اجاباتي

ملل أخبار حسّادي أحد صادق وأحد كذاب
و أحد ما طال تجريحي و أحد عايش لزلاتي

أنا شاعر رغم أنف الحسد والحقد و الأحباب
وانا ياحاسدي المسكين بعيد العيب عن ذاتي

أنا ما زادني شعري ولا زادتني الألقاب
تجي دنياي أو تدبر عزيز ف كل حالاتي

أنا فرحي لمِن حولي وأيامي فدى الأصحاب
قصيدي بلسم المجروح ونبض الناس أبياتي

كسرني قلبي المكسور نادت دمعي الأهداب
تعبت أركض ولا أوصل ولاتوصلني غاياتي

أبي ذلٍ يغطي الأرض لك يا رب يا وهاب
وابي أحيا جبيني فوق ما تملكني رغباتي

من الدنيا أنا مابي سوى عفو العلي التواب
ويحسن خاتمة فعلي ويغفر لي ضلالاتي

أبملا العمر "بالتوبة" و "نوح" و "هود" و"الأحزاب"
متى كانت سنيني عمر انا عمري في ركعاتي

(( عبد الرحمن بن مساعد ))

[الزنبقة]

(( ما بين بعينك ))

ما بيّن بعينك على كثر ما جاك
لا واحسافة ليتني ما عطيتك

تخطي وأعذرك وأتحمل خطاياك
هويت غلطاتك كثر ما هويتك

ضحيت بالدنيا علشان دنياك
خليت كل اللي يبيني وجيتك

كنت بعيوني وين ما أطالع ألقاك
حتى لو غمضت عيني لقيتك

من كثر ما أحبك وأقدرك واهواك
ما أذكر اني في حياتي عصيتك

ولا فاد كل اللي أسويه وياك
أتعبت قلبي ليتك تحس ليتك

والحين روح أرجوك ساعدني أنساك
لا تجي حتى لو اني بغيتك

وان مر في بالي بقايا لذكراك
بحاول أنساها مثل ما نسيتك


(( خالد المريخي ))

[الزنبقة]

(( عزة النفس ))

ينجرح قلب.. لكن ترتفع هامه
والله امي لاموت ولاانحني راسي
لو رماني زماني وسط..دوامه
العواصف شديده .. والجبل راسي
أنقل الحزن وامشي منتصب قامه
قاسي الوقت .. لكني بعد قاسي
واسمع الحلم يصرخ لحظه اعدامه
رابط الجاش ... ماهز الخبر باسي
عزتي غاليه ..والناس سوامه
قلت ماابيع حتى تقطع انفاسي
زانت ايام عمري .. شانت ايامه
مارجيت العزى من رحمة الناسي
من عجز لايدوس الهم باقدامه
لازم انه مع الايام ينداسي
يندمل جرح القلبٍ ..ماتت احلامه
بس ما اظن يبرى جرح الاحساسي
يوم صارت مابين القلب والهامه
وش ابي بالحياة الياانحنى راسي


(( مساعد الرشيدي ))

[الزنبقة]

((مليت ))

قالت لي مليت مليت ودي باحد غيرك .
جمع جروحك غني مشاويـــــرك.
واذا قضى صبرك جرب صبر غيرك .
لو اشغلك او عذبك طيفي.ابكي
واذا بكيت اكتب بدمعك شعر .
واشكي لمراسيلك .وباوعدك .
اذا صرخ جرحك ونادى دمعتي ..
تنزل عليك ...
باضحك مع ايامي معك ..
وآخذ على غدري عهد
ما يخلص لغيرك .اعذرني .
مليت مليت مليت .
ما تبيني ملت الصدق المشاعر ما تبيني
يا نور ايامي وسنيني اللي مضت يالظلام اللي بيجيني .
مابقى فيني بقايا فاتركيني ..
سل الحزن غدرك خناجر.وما لقاني فيك
والجرح نادى نادى يا محاجر.الدمع ما يكفيك .
ضاعت بديااتي ..بديت نهاياتي ..
واسأل اجاباتي ..هو انا اخطيت .؟
هو بقى في اللي بيجي يا ليت ..؟
ماتت اجاباتي ..قالت لي ..مليت
يا اكثر جروحي الاخيرة .
لو عرفتي اليوم قلبي ودعك .
يا آخر جروحي االكثيرة.
لو عرفتي اليوم ما عاد اذكرك . ومااذكر من اللي مضى الا غرامك والفراق .
وبعض اللقاء والاشتياق وكل الاحاسيس الصغيرة .
يا برد عمري يا هجيرة .
تخطين لو يخطر في بالك انك في بالي كل دقيقه .
وانك خيالي والحقيقه ..
واني احبك مها كنتي.
يا قيض عمري وزمهريرة ..
ان كان قلتي اني فقدتك ما صدقتي .
وان كان قلتي ما نسيتك ما صدقتي.
ولو عرفتي ما اذكر من اللي مضالي الا انتي .
وما اذكر الا اني انتهيت ..
وفي ليله ما فيها وفا قلتليلي مليت ..
يا انتي اخر اولي ..
لا تصدقي اني نسيت

(( عبد الرحمن بن مساعد ))

[الزنبقة]

من زماااااااان ما ضفت شي جديد لكن الحين هذي لكم :

http://www.abyat.com/poem.php?uid=2901&id=10111

[عويد الموز]

السلام عليكم والرحمه
..
مرحبا الغاليه
وين هالغيبه الطويله !!
..
.
وانا عندي قصيده حلوه من قصايد الجمري
..
يقول الشاعر الجمري:




يـا نسيـم جـدد أحـزانـي""أرقنيـه والمـلا هيـوعـي




بت مستارج مـن اشجانـي""من مصابي تذرف ادموعـي




بالكرى ما غطـت اعيانـي""في حشـا لفـواد مقطوعـي




من سبايـب طفـل اظنانـي""ف الهوى له فن مشروعـي




مـا رحمنـي يـوم لاقانـي""عند بابه طحـت مصروعـي




ارتبط مـن شفتـه السانـي""وارتجف قلبي من الروعـي




خزنـي بالعيـن ورمـانـي""وانكسر واحد من اظلوعـي




قلت له يـا سيـد لحسانـي""روف بي والجتـل ممنوعـي




وانثنـى صوبـي وحيـانـي""واشتبك كفه مـع اصبوعـي




قلـت يـا سحـاب لردانـي""خاظع لك والقلـب طوعـي




سيدي يا بـو جـدل جانـي""انت مربوحي او مطموعـي




في الملا ما مثلـك انسانـي""يا فريد الحسـن والنوعـي




فايـج ابحـيـات اقـرانـي""مع جبين او خـد ملموعـي




والثنايـا حــب رمـانـي""مع رحيق ينعش الصوعـي




والصـدر مسحـاب ميدانـي""عسجدي والجيـد متلوعـي




نافـل عـن حـور لجنانـي""بعتـدال او قـد مربـوعـي




هايـف الخصريـن ريانـي""وان مشى ع الأرض مدلوعي




تيـم افــوادي اوخـلانـي""هايم فـي الحـب مايوعـي




يا شعرا لجـداد يـا خوانـي""ساعدوني وانتـو اربوعـي

[الزنبقة]

هلاااااا بك يالغالية من جد تسعدني مشاركااااتك

مشكوووووورة يالغالية