حادث تحطم طائرة في الشارجه اليوم

[the_pirate]

تحطمت على ما اعتقد طياره ايرانيه .. قرب منطقة الموافجه (( اظني )) (( وطاحت مقربه من الشارع ))
أللي في الشارجه وعلى ما اعتقد توفى 47 من الركاب..

ومادري اذا شي بيوت تضررت في الحادث

الله يستر ....

وا ن شاء الله ما تكون الضرار واايد ..

[نور القمر]

ان شاء الله ..

وانا سمعت انه ما في اضرار بالنسبه للبيوت ..

تحياتيــ ..

نور القمر ..

[ورده الشارجه]

] لا اله الا الله محمد رسول الله :marsa49:


لا الحمد الله بيتنا هناك ومافي شي استوا في البيوت ولا في الناس اللي كانو في الشارع

بس يقولون في واحد مواطن اتوفى كان في الطياره.........بس لين الحين ماعرفو كل جنسيات الموتى لانه نصهم محترقين وثلاث حصولهم للحيين ودوهم مسشتفى القاسمي:(...واليي يابولهم شاحنه في ثلاجات وشلوهم والحين بيشرحونهم وعقب بيودونهم بلادهم
ويقولون انه الطياره كان فيها شي من قبل لاطير بس يوم شاف الطيار انه ماشي فايده قال بينزل الطياره على الشارع واستوا اللي استوا :marsa42:
الله يرحمهم ويعين اهلهم يارب
مشكور اخويه مايد على الموضوع :marsa169:

[اوراق الورد]

بومه عافانا الله :marsa51:


انا سمعت انها طياره روسيه .... وانه عدد المتوفين 60

وانها يايه من صوب ايران


رمسات حريم والله اعلم

الله يرحمهم ويرحمنا برحمته

[نور القمر]

امين ..

وازيدكم من الشعر بيت ..

اخبار طازجه من العربيه ..

ان الطياره ايرانيه من كيش ولا مال كيش مادري .. !!

وان عدد المتوفين فوق الاربعين ..

وكان الطيار يحاول انه يبتعد بها عن البيوت الين ما وصل مكانه و!!!!

وشو بعد .. ؟؟

هيه ..

وانه هاي الطيارة جديمه ..

وما يستعملونها الا اللي يبون يغيرون تاشيرات دخولهم " مساكين الهنود " ..

لانها رخيصه ..

والجنسيات اللي كانوا موجودين بها ..

الهند .. نيجيريا .. الفلبين .. " وما اتذكر الباقين " ..

و .. عدد الطاقم 6 ..

هذا كل اللي اتذكره ..

وا ن عرفت شئ يديد .. ببلغكم ..



نور القمر ..

[نور القمر]

وبعد اخبار :


http://www.aljazeera.net/news/arabic/2004/2/2-10-12.htm

[سلوم]

:marsa60: يالله بالستر...

يا رب ارحمنا برحمتك..:marsa60:

يقولون هاي الطياره مال ايرو كيش
وكيش منطقه ايرانيه

انا ظهرت عالساعه 12 وربع من الجامعه على امل اشوف الاحداث..
:marsa60: بس كان وايد زحمه و انا ظاهر ابي اتغدى..تخيرت بين الاحداث و لا الغدا... فاخترت الغدا..:marsa199:

بس وصلتني الاخبار انه الطياره صغيره.. و عدد ركابها شويه... بس الطياره احترقت...
ومافي خساير سكنيه... و الله ستر ما طاحت على المدرسه لانه المنطقه الي طاحت فيها كانت قريب من المدرسه...

:marsa60: بس خلاص تعبت ...

[شجون الليل]

:marsa7:والله :marsa7:


:marsa7: ليكون هاي هي الطياره الي شفتها على طريج الشارجه دبي اليوم على 11 وشي :marsa7:

:marsa7: وايد كانت نازله وانا وااااااااااااااابووووووووووووووووووووووووووووووووو ووويه :marsa7: شو هاي وايد نازله
:marsa7: وجان اطالعها واقول هاي لو طاحت شو بيصير :marsa7:
وتميت اراقبها متى بتنزل وكانت تنزل اشوي اشوي لين مااختفينا ولا شفت وين حلت
:marsa7:
:marsa50: اووووووويه ليكون من عيوني طاحت :marsa50:

:marsa50:

[راعبيه]

:marsa39: انا لله و انا اليه راجعون.. :marsa39:

هذا كلام ماخوذ خيره, في المؤتمر الصحفي اللي اقيم في مطار الشارجه الساعه 3 الظهر, قالوا ان سبب تحطم الطائره غير معروف و يتريون نتايج المحادثه اللي دارت في كابينة القيادة, و ان الطيار ما عطاهم اي اشارة تحذيريه او نداء استغاثه و كل شي كان على ما يرام, بس لو حد منكم دش الطيارة بيتأكد ان الكلام صحيح, بالله عليكم ف عمركم سمعتوا بطيارة ما فيها مكيف!! ما فيها اقنعة اكسجين!! ما فيها عدة اسعافات اوليه!! كابتن ما يعرف انجليزي!!! يتكلم الايرانيه و العربيه!! ادارة الطيران المدني مدحوا الطيارة بقولهم انها هولندية الصنع, طيب يا اخي هولنديه ما قلنا شي بس وين السيفتي؟ كيف تسمحون لمثل هذي الشركات و بهذا المستوى المعدوم انها تطير من مطار دولي سمعته طيبه؟ ليش الامارات الثانية ما تتعاقد مع اير كيش و تسمح لهم باستخدام المدرج!! كيف تطير الطيارة من غير موافقة مهندسها انها صالحة للطيران!! وين الرقابه؟!!! وين اتصال الطيارة مع غرفة عمليات المطار!! العام طاحت طياره روسيه و لنفس السبب على حسب ما انذكر... و هذي السنة الله اعلم شو بيصير..... :marsa39:

ما نقول غير اللهم ارحم موتانا و موتى المسلمين

[اوراق الورد]

خيييييييبه ..... خرطتها شجونوووووه

[يسوري]

الطيارة تابعة لشركة طيران كيش و هي منطقة حرة ايرانية.. الطيارة هولندية الصنع
انا سرت مكان الحادث عالساعة 1:30 تقريبا .. اول مرة اشوف مثل هالزحمة، كل الناس سايرين حريم ،يهال، عمال البنيان الكل طالع ... بس الله رحم لان الطيارة طايحة عالشارع اللي ورا الموافجة ، جدام البيوت اللي يبنونها الحين ...
زين ماكان في سياييير فالشارع.. لدرجة ان الليتات اللي فالشارع مسودة من الحريقة اللي استوت، حتى كيبل الكهربا، عسب جي قطعو الكهربا عن منطقة الرماقية اللي كانت قريبة بعد من الحادث
يقول الهندي اللي كان يسوي بلستر حق البيت اللي يبنونه( هو اللي خبرني):.. انا كان يسوي بلستر ، يشوف هذا طيارة وااايد يجي تحت، يبي ينزل بعدين هذا بوز مال طيارة يدق فالارض بعدين يصير بوووومب(انفجار) انا وااااايد خوف..
حتى كان منصدم مسكين ..
سوو وياه مقابلة صحفية
الاماراتي اللي توفه من دبي .. الله يرحمهم جميعا