اهداء لام عيون اوساع

[مركب بلا مرسى]

يالون الشمس لاحل المسا قبل الغروب اشوي
وقبل الليل مايفرش فراشة ويلبس اثيابه


ابا افرشلج ورود(ن) من ربوع العاصمة لدبي
واابا اكتبلج قصيد(ن) لو سعد علوش ما جابه


قصيد(ن) ما انكتب قبله ولا بعده مدامي حي
بقوله فيج واللي ما يعرفج بحس احسابه


عيونج يا حلا عيونج احس افخاطري لج شي
ورب الكون اذا شفتج يفز الطرف واهدابه


واذا في يوم ما شفتج اخاف انج زعلتي علي
وغيرج لو يغيب افذمتي ما هزني اغيابه


يانبض النبض في نبضي ياشمسي والقمر والضي
سكنتي القلب من كلمة وعدج افرب احبابه


ابا اسكن داخل اعيونج وابا القى في عيونج في
مدام القلب ياقلبي فتح لسموج ابوابه


طلبتيني قصيدة والقصايد تنطويلج طي
ونا وشلون ما اكتب مدامج حيل جذابه


مركب

بلا

مرسى

[الفارس الحالم]

صح السانك..

ننتظر كل يديد ..

[شتات اوراق]

مركب بلا مرسى

كما تعودنا منك دائما الافضل ..

صح الله لسانك ..ولاهنت يالشاعر

وننتظر القادم مما يجود به قلمك ..

[جنون]

مركب بلا مرسى

منور بقصايدك يا شاعر المرسى

متميز كالعاده .. أحييك على بوووحك الراقي ..

لا خلا ولا عدم ^^

ودمت بخير

:)

[SABEEN]

طلبتيني قصيدة والقصايد تنطويلج طي
ونا وشلون ما اكتب مدامج حيل جذابه

كعادته.. يتربع في جلسته.. يتبخر في مشيه.. ويفرض على الجميع..هيبته..

ويقول أنا موجود.. أنا الأجمل..

افتقدت المرسى.. وأكثر ما افتدت.. مركب بلا مرسى..

تحياتي لك..