عاجل.. لخبراء الطبخ..

[هدوء الليل]

بسم الله الرحمن الرحيم..

السلام عليكم ورحمة الله وبركاته..

اشحالكن صبايا المرسى.. :marsa195:

لو سمحتن بغينا خدمة إنسانية ..:marsa107:

احم، داق في راسي اسوي كشري بس ما أعرف مقاديره بالضبط..:marsa121:

فاللي تعرف المقادير والطريقة يا ليت تخبرنا بها عسب نطبق، ونخبركم بالنتائج الأولوية.. :marsa173:

[هدوء الليل]

بسم الله الرحمن الرحيم..


افاااااا .. ولا وحدة تعرف الطريقة.. :marsa150:
هذا وانا ياية اسأل بعد عن طريقة عمل عجينة البيتزا.. :marsa36:

[اوراق الورد]

حلج الليل

يوعتيني نص الليالي ..... جان حد يتذكر الكشري الحين غير السحار امثالج


اعرف بس وااايد رمسه ومافيني اكتب :marsa65:

[بنت_الطــــواش]

الووو :marsa147:

انا اعرف البيتزا

بس مالي باارض اكتب لج الحين المقادير والطريقه:marsa22:
..خليها ليوم ثاني:marsa29:
اممم والكشري ما اكله...بس امي تعرف له

يوم بتفيج..بكتب لج اللي تبينه:marsa16:

طووشة

[غصون]

بسأل وبييج ... اترييني ..

[هدوء الليل]

بسم الله الرحمن الرحيم..


اوراقوووووووه..:marsa7:

صدق او لا تصدق.. اوراقوه تعرف تطبخ.. :marsa6:

اوراقوه، استوي عضو نافع في المجتمع وخبرينا شو هي المقادير والطريقة.. :marsa110:


طواشوووووووه..:marsa105:

ومتى ان شاء الله بتتفيجين..؟ :marsa116:


غصون.. :marsa195:

شو نسوي ما شي شغلة.. بنترياج .. بس لا تبطين.. :marsa89:

[اوراق الورد]

انا قلت اعرف الطريقه لاني احيد في يوم من الايام اربيعتي كاتبتنه لي بس ما طبقتها :marsa45:

بس هنيه في البيت دووم يسونها :marsa127:

[هدوء الليل]

بسم الله الرحمن الرحيم..

اوراقوه ، دشة المطبخ يمدحونها.. :marsa107:

وخاصة انج مثلنا لا شغلة ولا مشغلة، فعسب جيه انصحج في كلية الطبخ الموجودة في مطبخ بيتكم.. :marsa77:

ولا تنسين تراني للحين داق في راسي الكشري ، يعني للحين انتظر مقاديره وطريقته :marsa14:

[غصون]

اول شي ..
عيش مصرييييي ( او اي نوع تبينه ) ..
معكرونه ...
عدس ( هذا اللي لونه بني ... عاد ماعرف اسمه )
وانتي بمهاراتج السابقه سوي صلصه بطريقتج الخاصه وحطي عليها البهارات اللي تبينها ...
ملاحظه : كل عنصر من العناصر السابقه يُحضر مفردا ، ثم تخلط المقادير ( تحت سقف واحد ) ..

هذا مب تخصصي ... بس هذا اللي اعرفه ..
وان شاء الله تكون صح ..

[سلوم]

:marsa17: انا اعرف بيض مسلوق تبون الطريقه:marsa23:

[هدوء الليل]

بسم الله الرحمن الرحيم.

غصون.. :marsa7:

بس جذيه الطريقة.. :marsa42:

احم.. كنت أتمنى لو كانت بالتفصيل الممل.. ( يعني كم طماطة وكم كيس معكرونة وكم ملعقة ملح :marsa117: ).

وجزاج الله خير اختي ع الطريقة.. :marsa38:


الشيف سلوم.. :marsa121:

ما شاء الله ، خبير طبخ اثريك.. تعرف تسوي بيض مسلوق.. :marsa150:

اقول ، لأجل مستقبل أفضل :marsa3: سير طبق الطريقة اللي حطتها غصون..

[اوراق الورد]

هيييييييييييه حتى انا اعرف اسوي بيض مسلوق

بس ما ادري ليش كل ما اسوي يطلع المح الي داخل سائل

[سلوم]

:marsa51: شو يعني تتمصخرون علي...

:marsa8: عالاقل اعرف اسوي شي...

مب شرات سمادو حتى البيض مسلوق ما تعرف تسويه..:marsa127:

المهم نرجع لمحور حديثنا.. تميت احاوط فالنت يمين يسار فوق تحت... ادور الكشري...:marsa90: جان احصله...
:marsa200:

:marsa186: يله ان شاء الله تفيدكم...

:marsa45: وانا مب مسؤول عن اي خسائر ناتجه...:marsa193:


المقادير:

1كوب عدس اسمر-1كوب أرز مصرى-4بصلات مقطعة حلقات-3حبات طماطم
ملعقة صلصة-معكرونة مسلوقة-ثوم-ثلث فنجان خل أبيض-فلفل حار
أو رومى-حمص مسلوق



الطريقة:

طريقة الكشرى :
1-يسلق العدس نصف سليق
2-يحمر البصل فى الزيت حتى يصبح لونه بنيا ثم ينشل
3-يوضع الارز المغسول على الزيت و معه العدس و يقلبان ويوضع عليهم
الملح و يغطى بالماء و يترك لينضج
4-تشوح المعكرونة فى قليل من الزيت مع الملح و الفلفل الاسود و
ذلك قبل التقديم مباشرة

طريقة الصلصة:
1-يدق 4 فصوص من الثوم مع الفلفل و
يحمر فى قليل من الزيت
2-تبشر الطماطم بمبشرة البصل و توضع على الثوم مع ملعقة الصلصة
3-يوضع عليهم الخل و الملح و الفلفل و يترك على نار هادئة ختى
تتسبك

طريقة الدقة :
1-يدق حوالى 4فصوص من الثوم
2-عصير ليمونتين
3-خل - ملح - كمون - فلفل أسود
4-توضع جميع المقادير على بعضها و تخلط جيدا
عند الغرف نضع اولا الارز و العدس ثم يوضع عليه المعكرونة ثم
الحمص ثم الصلصة ثم البصل على الوجه و الدقة حسب الطلب


وبالهناء والعافيه

[غصون]

والله زين سهلت عليّ السالفة ...

يالله تفضلي هدوء طريقة الكشري ... يابها الشيف سلوم ..

[هدوء الليل]

بسم الله الرحمن الرحيم..

:marsa103:

يا فرحة المرسى فيكم.. :marsa22:

اوراقوووووووه.. وااااااايد عليج بيض مسلوق.. :marsa44:

ويا ليت بعد فالحة فيه:marsa110: .. اسألي سلوم ترى البيض تخصصه.. :marsa127:


الشيف سلوم..

شو هاي الطريقة العجيبة..:marsa42:

اول مرة اسمع انه المعكرونة تشوح.. :marsa179:

وبعدين شو ها بعد الفلفل الرومي وطريقة الدقة.. :marsa83:

اقول يا الشيف روح اخذ لك جولة ثانية في النت.. ودور طريقة احسن.. :marsa118:


غصون..

بجرب طريقة سلوم اليوم مع بعض التغييرات وبنشوف شو بيظهر وياي.. :marsa89:


...

لو سمحتوا اريد بعد طريقة عجينة البيتزا....... :marsa114:

[اوراق الورد]

يااانااااااااس ياااااا عااااااالم

حلج الليل وين .... ما يندرى شو حياتها الحين من عقب الخبصه الي عطاها اياها سلوم :marsa22:


لو صبرت عليه يوم يومين ثلاث شهر شهرين ثلاث .. سنه سنتين ثلاث .............. الخ جان يبت الها الطريقه الصحيحه :marsa22:


وا حسرتي عليج يا حلج الليل :marsa180:

على منو بغصص من عقبج يا حلج الليل :marsa180:

بتسيخف على منو من عقبج يا حلج الليل :marsa180:

[سلوم]

هدوء الليل.. وانا مالي سير اسالي المصاروه...:marsa22:

سمادو...و الله هذا قدر ومكتوب..:marsa154:

[هدوء الليل]

بسم الله الرحمن الرحيم..


اوراااااااااقوه.. :marsa153:


لا أنا بعدي موجودة..

ولا ابشرج بعد خبصة سلوم نجحت.. وظهر الكشري:marsa94: ...

إلا اقول.. اشوفج مستعيلة تبين الفكة مني.. :marsa73:

بس بصراحة.. ضحكت عليج يوم تقولين بغصص و بتسيخف على منو.. :marsa193:


الشيف سلوووووووم.. :marsa43:

شو اقول لا أقول..

يا رب في المستقبل القريب تفتح مطبخ شعبي يلقى اقبال أكثر من مطبخ خالد حورية ويستوي أحسن مطبخ في الخليج ولا شو الخليج في الشرق الأوسط كله.. وتسميه مطبخ عيال المرسى.. قول آمين..


الكشري ظهر ولا أروع.. صح غيرت اشويه من الطريقة بس بصراحة كده :marsa63:

وقلت اجرب الكشري في ربيعاتي .. عااااااد عِيّب الكل والصحون فضت ع الأخير.. وسووا معاي تحقيق عن سر الخلطة.. ويلست اتسيخف عليهم لي ما حسيت انه اشوية بيكفخوني واني في مرحلة خطر .. جان اقول لهم واخبرهم بالطريقة.. :marsa120:


وهذي الطريقة للي يحب يجرب..:marsa118:


المقادير..
عيش ( أرز )
معكرونة..
عدس ..
3 حبات طماطم
3 حبات بصل..
البهارات على كيفكم..:marsa118:
خل..
واظن بس هاي هي المقادير.. :marsa174:


بكتب الطريقة اللي سويتها..:marsa38:

فورت العيش والعدس والمعكرونة كل واحد بروحه ..
بعدها قطعت بصلتين حلقات وحمرتهم في الدهن لي ما احترقوا اقصد لي ما استوى لونهم بني غامج إلى اسود.. :marsa117:
وبعدها شليت البصل وحطيت العيش والعدس وخلطتهم بالزيت ومعاهم المعكرونة .. وبعد ما خلطتهم زين ما زين حطيت البصل المقلي عليهم ( بس العيش كان وايد لين ولكن الحمد لله ينأكل وسهل الهضم)..

اما الصلصة..
قطعت بصلة صغار صغار :marsa111: .. وحمرته بالدهن ..
بعدها قطعت ثلاث حبات طماط صغار صغار وحطيته ع البصل ..
وبعدها حطيت البهارات والملح والكمون وخل..
وصبيت اشوية ماي عليه..

وخلاص خلصت..

وبالهنا والشفا إن شاء الله..

اقول اللي عنده طريقة عجينة البيتزا يحطها لنا.. خاطري في بيتزا ... :marsa104:

[اوراق الورد]

انتي بعدج حييييييه ؟؟؟ :marsa140:

يا فرحه ما تمت .. خذاها الغراب وطااار :marsa58:

[سلوم]

:marsa42: اوه ضبطت الطبخه...

:marsa49: طاع الزط... و لا قالت بطرش لهم... مع اني ما احب الكشري...:marsa124:

:marsa36: وبعدين شو انتي كل يوم يايه تبين طبخه... انا انسان مشغول :marsa110: و الله

:marsa117: المهم عندج هالموقع انا ظهرت منه الكشري... طرشته للوالده جان تستانس عليه.. يلست اطالع الاكلات و اطبع و اقول ابي من هذا... زين ما فرتني برع..:marsa36:

http://acookweb.hawaaworld.com/index.php

[اوراق الورد]

البيتزااااا ... لعيون حلج الليل

المقادير:

مقادير العجينة


واحد كاس حليب
اربعة ملاعق زيت
ملعقة كبيرة سكر
نص ملعقة صغيرة ملح
ملعقة صغيرة خميرة فورية
كاسين ونصف دقيق

مقادير الصلصة

ثلاث ملاعق كبيرة معجون الطماطم (صلصة السعودية او حسب رغبيتكِ)
حبة طماطم واحدة فقط تقطع الى مكعبات صغيرة
فصان ثوم
ثلاث ملاعق زيت زيتون
ربع ملعقة صغيرة فلفل اسود ناعم
ملح
ملعقة صغير زعتر
تخلط جميع المقادير في الخلاط ويضاف اليها ربع كاس ماء او اقل وتخلط جيدا
الحشوة

بصل ويقطع شرائح
طماطم يقطع شرائح
فلفل اخضر يقطع شرائح
شرائح زيتون
شرائح مشروم (فطر)
جبنة موزريلا



الطريقة:

طريقة العجينة
تذوب الخميرة في الحليب مع السكر والملح وتترك لمدة خمس دقائق ثم يضاف الزيت والدقيق وتعجن جيدا وتترك حتى تخمر لمدة تقريبا ساعة الى ساعة ونصف حتى يتضاعف حجمها

تقسم العجينة الى قسمين
ثم يفرد كل قسم على شكل دائرة ويوضع في الصينية ثم يدهن بالصلصة ثم يرش بجبنة الموزريلا ثم يوضع فوقها الشرائح (الطماطم -الفلفل - الفطر ....الخ )
ثم يرش بجبنة موزريلا ثم يخبز بالفرن حوالي نصف ساعة



وبالهنــــــــاء والعافيـــــة



لطشتها من الموقع الي منزلنه سلوووم :marsa31:

ان شاء الله بس تقدرون التعب

[سلوم]

لطشتها من الموقع الي منزلنه سلوووم :marsa31:

ان شاء الله بس تقدرون التعب

:marsa163: دنيا دنيا
:marsa30:

[اوراق الورد]

الدنيا مافيها خير يا ناس لا تصيحوون :marsa15:

[هدوء الليل]

بسم الله الرحمن الرحيم..


افا يا اوراق الورد ما هقيتها منج.. :marsa111:

الله يسامحج ويسامح الجميع إن شاء الله..

وتسلمين على اللي لطشتيه :marsa112: .. وإن شاء الله باجر بجرب الخلطة :)


الشيف سلوم.. :marsa76:

حطيت المقادير بعد ليش اطرش .. :marsa118:

هذا يسمونه توفير واقتصاد.. :marsa40:

وجزاك الله خير على الموقع .. :)


ويوم ابي شي ما بدش الموقع يباله شغله بحث وتدوير.. بكتبه اهني وانتوا دوروا وخبروني.. :marsa173:

[عقد الماس]

ماشاء الله عليكم ... فاتحين مطبخ عالهواء مباشرة

هدوء الليل.. انتي ماتفكرين الا في بطنج.. انزين طرشيلنا شوي بنذوق ونحنا نحكم

المهم... هذي وجبه خفيفه دايما أسويها يوم أيوع

المقادير.....
توست بالحليب - لبنه - زيتون ( وكله موجود في الدكان)

الطريقه....
ادهني التوست باللبنه وحطي عليها الزيتون

الشغله تتعب .. صح

بس حبيت اسوي عمري شيف
وسلامتكم
عقد الماس

[هدوء الليل]

بسم الله الرحمن الرحيم..

يا هلا عقد الماس ..

نحن ما نطرش، عسب لا نشجع على الهيازة.. :marsa77:

وبسكم كتبت المقادير عاد أنتوا وهمتكم :marsa107:

الوصفة اللي حطيتيها يا شيف، أسويها في الحالات المزاجية ( يعني يوم يدق في راسي أتعشى وأتغدى جبن ).. ويا كثر هالحالات المزاجية.. :marsa100:

بس مع فرق بسيط بدل اللبنة جبن، وبدل التوست خبز ..وتظهر الأكلة :marsa63:

[بنت_الطــــواش]

وسعوا المعلب
انا ييييييييييت
واحسن عجينه هي عجينه ماما :marsa183:

يقول لج المقادير

3اكواب طحين
3ملاعق طعام نيدوو
1ملعقه طعام خميره فواره
2 ملعقه طعام شكر < سكـــر >
3 ملاعق طعام زيت
كوب ماء دافي.."الكوب اللي بتخلين فيه طحين حجمه مثل حجم كوب الماء"
ذره ملح

وتخلط جميع المقادير مع بعض
جان عندج ماكينه عجااان...بتسلم يدج من التخبيص
جان ما عندج...خلي كل شي مع بعض واعجني :marsa15:

والعجينه تخمر

اما بالنسبه للتوب
كيفج الي يعيبج حطيه فووق :marsa58:

وبالعافيه ع قلبج :marsa78:
****

اوراقي

:marsa124:


طووشة

[هدوء الليل]

بسم الله الرحمن الرحيم..


يا هلا طويش..

الله يعطيج العافية على هالمقادير.. وهي مثل المقادير اللي لطشتها أوراق قبل..

وسويت العيينة بهالمقادير بس ضفت عليها روب ( أجرب شو بيظهر وياي :marsa129: )..

وظهرت العيينة في النهاية :marsa94:

وتسلمين على كتابة عجينة الماما..

بس احم.. احم.. شو يعني ( وسعوا المعلب).. :marsa100:

[الأنامل الفضية]

هدوء الليل

تبين بيتزا عدل مدل :marsa94:

نمبر ون (1)















اتصلي 8005600

بيردون عليج وبيقولونج تبين كنتاكي ولا بيتزاهت


قولي ابا بيتزا هت واطلبي بيتزا
تبين بالخضار
ولا بالجبن
ولا بالدجاج
.
.
.
اللي تبينه
وبعد اذا تبين خبز بالثوم



وبعدين عطيهم عنوان بيتكم
وجهزي بيزااااااتج

ملاحظة

3 دراهم خدمة التوصيل :marsa3:

[بنت_الطــــواش]

وسويت العيينة بهالمقادير بس ضفت عليها روب ( أجرب شو بيظهر وياي :marsa129: )..


الله واكبر عليج...
اوراقووة الحقي..مخليه
روووووب :marsa37: في عجينه البيتزا
الله يرحم:marsa111: اللي بياكلها..واللي بتطيح بجبده :marsa118:


بس احم.. احم.. شو يعني ( وسعوا المعلب)..


همممممم...هذي اغنيه يغنونها في الملاعب..خصوصا لما يفوز المنتخب البحريني :marsa5:


طووشة

[غصون]

بيتزا بالروووووب يممممممممم :marsa38:

طرشيلنا هدووووووووؤؤؤووووو