ام عليوي وبنات آخر زمن [الأرشيف] - منتديات مرسى الإمارات

عجيد الريم

21-08-2006, 03:24 AM

ا لسلالالالالالالالالالالالالالالالالام عليكم والرحمه ...

زين والله يوم افتكرتوا وييتوا:marsa191: ...

بس شكلكم ماتوون الا بكرخه على روسكم بالمكنسه :marsa103: ...

وحليلي هذا وانا امكم العوده ماتتنشدون:marsa10: ....

بنت البلاد ...أبرزي مكانج بدال ماتيلسين تناقزين من مكان لين مكان :marsa116: ...

أيلسوا عدالي بسرعه بقولكم خروفه يديده أستوتلي من كمن يوم ....

سلمكم الله من كم يوم كنت طالعه وياعاشوووه بسير وياها حفله كانوا مسوينها عندهم في المدرسه:marsa18: ...

وكانوا يرمسون عن التراث ...

وحليلها عزمتني وياها ...

عاد انا ماصدقت خبر خليت هاللي مايستحي جسوم يوصلنا :marsa60: ...

المهم ..

يوم وصلت هناك شفت هاك الشي الزين اللي مسوينه:marsa165: ...

شفت البنيات ينعشن واللي ملبسه هالمخور الغاوي ...

واللي لابسه ثوب وكندوره ...

وأشوف نصهن يخبزن ووحده يالسه تحلب البقره ...

واللي تسوي لقيمات ...

واللي توزع الحلوى والقهوه ...

عاد انا هنه استانست ..
تميت أدووووووووووور وأدووووور ألين ماتعبت من المشي وتكسرت ريلي سرت أدورلي مكان أيلس فيه جان أحصلهم مسوين بيت عريش وفيه يلسه جان اسير ايلس مارمت أمشي :marsa84: ...
وعويش كانت تدور فديتها وناشله هاك الشعر الغاوي ...

(!@@)فل الشعر يا كامل الزين فله ... وانشل على ردفك يميل اليدايل .. محلاه والنفحه النديه تعله ... وان لامسه كفك بزينه تمايل(!@@)

وسايره توزع الهريس على الضيوف ...

وانا أشوف البنيات ومستانسه عليهم :marsa63: ..

شوي ألا أشوفلكم واحد من هالمصبنه داخل وملبس هالشعابيط صروال بيج وفانيله مخططه:marsa140: ...((بنطلون وقميص))

ويدور بين البنيات ووياه جكاره :marsa45: ...

انا ماحسيت بعمري الا وانا متلحفه بعباتي:marsa98: وأزاقر عويش ((عويش عوييييييييييييش)) :marsa34:

بس من الحشره ماسمعتني ..

جان أحصل بنيه جدامي ..قلتلها أمي تغطي ريال هنه .. هذا شو مدخلنه بين الحريم ؟؟؟روغوه روغوه ...

صدت عليه البنت وابتسمت قالتلي (( أمي هذا مب ولد هذي بنت )):marsa139:

انا هنه قلتلها يامي شوفيه واحد مب وحده هكو يدوخ بعد:marsa93: ..

جان تقولي أمي هذي وحده والله ...

شوي صديت على البنت الولد ... جان أسمع وحده تزقرها .. ((رشود وينك ))

جان أزاعج ..ياامي أقولج واحد مب وحده ماتسمعينهم يزقرونه رشود ؟؟؟..

هنه سمعتني هالبنت الولد.. جان تقولي بقواة ويه .. أنا أسمي نوره بس يزقروني رشود ...

هنه عاد انا تخاديت وشعنه يزقرونها رشود ؟؟جي غيروا أسمها ؟؟؟

قلتلها وجي يزقرونج رشود خلصوا الأسامي ..

جان تقولي شو أسوي ... البنات جذه يزقروني ومشى عليه الأسم

قلتلها :: انزين وشعنه مب لابسه عباه ووقايه:marsa140: ؟؟

قالت :: أنا ماأعتبر عمري وحده أنا أعتبر عمري واحد ..

هنه ماحسيت بعمري الا وانا شاله الصحن اللي جدامي وفارتنه عليها :marsa116: ...

وتيودت في البنيه اللي جدامي عسب أوقف ...

جان أقوللها من قمة راسي قومي أنفدي برع ...

خس الله هالويه اللي مجابلتنه ...

عنبووه زاده المطر مايطيح عندنا يوم ان هاي سوالفكم :marsa103: ...

وحده مسويه عمرها واحد وتدوخ بعد قوية الويه ..

وين أهلكم عنكم ..

هنه حرجت مسودة الويه جان تقولي ..أهلنا راضيين وانتي شلج ؟؟؟

قلتلها شلج برق ...

مب أهل هذيل اللي يرضون ان بنتهم تقول انا واحد واسمي رشود وحمود ..

أستحوا على ويوهكم لا حيا ولا مذهب ولا شميتوه ريحة الحيا ...

جان تقولي انتي العيوز شعرفج ألحينه ...

تجدمت منها عسب ادفنها بس يوني المعلمات ويودوني عنها ..

قلتلها هالعيوز اللي مب تارسه عينج أخير عنج مسودة الويه ...

ماأحيد على أيامنا سوينا هاللي تسوونه ألحينه ..

بس العوق مب منكن من أهلكن اللي مايابوا خيازرين ولشطوكن فيها ...

هنه سمعت عويش هالمناقر كله ويتني تركض ...

يودتني وتأسفت للبنت وطلعتني من المدرسه ...
وطول الطريج وهي تناقرني لأني فشلتها ...

جان أقوللها أن ماسكتي تراني بقول حق أبوج يظهرج من هالمدرسه

لاتقولين قلتي وقلتي ...

قلقلها ظرس هذي مسودة الويه ...

ياجماعة الخير انا أستغرب من هالبنات ..

ألحينه محلاتج بنيه غاويه واسمج شحلاته ..تسيرين وتقولين لا والله انا واحد لاتقولون وحده ؟؟؟

شو هاللي قمنا نشوفه ....

زاده يابوكم المطر مايطيح عندنا ...وحر موت والزرع مايظهر ...

من هاللي يستوي ونشوفه ....

ماأقدر أقول غير لاحول ولا قوة الا بالله ....

ملاحظه :: اتمنى من اللي ينقل مواضيعي انه يذكر المصدر بدال ماينسب مجهودي وتعبي لنفسه ...
اختكم :: عجيد الريم ...