ساعدوني يا عالم .. هذي قصتي مع حبيبتي.. ابي اكمل القصة ب زواج .. بس؟

[aseerUAE]

السلام عليكم ورحمة الله وبركاته
اخواني عندي مشكلة .. مشكلة .. مشكلة :( غيرت مجرى حياتي ولقيت لها حل .
...
..
.
.
.
.
.
.
.
.
..
...
تعرفت على فتاة عن طريق المسنجر وما كان التعرف بالشكل اللي تعرفونه مثل سائر الشباب ف البداية .. كان الهدف من اضافة ايميلها ف المسنجر هو البحث عن معلومة .. ولكن تطورت العلاقة بشكل طبيعي ومن غير اي كلام رومنسي او اسولب المراهقين .. وصارفت فرصة اني ازيد من العلاقة وصارت على الموبايل .. لفترة شهر تقريبا من تعرفها على المسنجر وحتى من خلال الهاتف ما كان في اتصالات مجرد مسجات ومرة نطقت بأي كلمة رومنسية . حتى ما خرجت مني كلمة "احبك" بس بعدها زادت العلاقة وافصح كل واحد من مشاعره وصار تفاهم كبيرة بيني وبينها وكل واحد فهم الثاني
ولين صارحتها اني ابي زوجة لي ..

نسيت موضوع ما خطر ف بالي .. او انا كنت اشوفه شي ما لازم نفكر فيه .. لأن الحب و الزواج ما يعرف شي اسمه فارق السن
لأنه أكبر من ب سنتين وهي الحين آخر سنة لها ف الجامعة

...
..
.







وانا للحين طالب .. ممكن افكر ان اهلي راح يساعدوني .. بس لازم ف هذي الأمور تعتمد على نفسك .. والشي الثاني .. مو متخيل ان اهلي متصورين اني اتزوج .. ممكن يعتبروني للحين صغير على الزواج .. لأن أغلب الشباب يتزوجون على 25 و 24


وانا الحين تعلقت بهذي الملاك . اللي سلبت عقلي وفكري .. وما افكر الا فيها واذا فكر اني اتزوج ما افكر اتزوج غيرها ..




بس تهت ومب عارف شو اسوي

[الحزينه]

مرحب اخوي

بصراحه المشكله شوي معقده بس نصيحتي لك هي الانتظار و عدم التسرع و خاصه في هذه الامور

[الحزينه]

مرحب اخوي

نصيحتي لك هي الانتظار و عدم التسرع يا اخوي و خاصه في امور الزواج لانها و ايد صعبه و هي عشره سنين موب يوم و لا ويومين و بعدين تندم

[بنت_الطــــواش]

aseerUAE

وانا اظم صوتي إلى الحزينه..واقول لك ترياا..والدنياا للحين جدامك
ومن اللي فهمته انك طالب في المرحله الثانويه..او في بدايه حياتك الجامعيه
يعني عمرك بين 18 و 20 سنه..وفي هذي المرحله المشاعر تتخربط..وهي مشاعر المراهقه
يمكن انت ما تسرعت ولا قلت احبج ولا من هذا الكلام..بس يووم تكبر شووي..بتكتشف ان حبك لها حب مراهقه

وهذا مجرد راي :marsa29:

طووشة

[ورده الشارجه]

هلا اخوي

انا بعد اقول اتريا ولو هيه صدق اتحبك بتترياك واذا كانت من نصيبك بتاخذها انشاء الله:)

[يسوري]

انا رايي أنك تنسى السالفة و تفكر بعقلانية ..
يعني اتخيل ان الي كان يدور عن المعلومة واحد ثاني غيرك انته، كانت البنت بعد بتكلمه مثل ماتكلمك انته الحين
ولا اتتخيل انها متخبله عليك و ما تبا غيرك
وايد ناس تعرفوا على الطرف الثاني بهالطريقة و الصراحة ما فلحوا
و السموحة لو اني اتجاوزت حدودي ، لكني حبيت انصحك

[بنت آل بني ياس]

السلام عليكم ورحمة الله وبركاته
اخوي اسير انت بعدك في بداية المرحله توك تبتدي تكون نفسك بالتخرج ومن بعده الشغل فصعبه عليك انك تكون اسره وتصرف عليها
فالموضوع يباله صبر طويل منك ومنها اذا هي فعلا تبيك وما تبي تخسرك
واهم شي لا تخلي مشاعرك تغلبك لان الزواج عشرة عمر مب يوم ولا يومين
فتأكد من اخلاقها(طبعا انا ما ابي اجرح البنيه بس المفروض تتاكد منه وتكون حاسم فيه)
كون نفسك خطوه خطوه وبالصبر والدعاء ان شاءالله ما بيصير الا كل خير :marsa75:
بس نصيحه لوجه الله خلي ايمانك بالله قوي ولا تخلي الشيطان يلعب عليك لعبته
واسأل اله العظيم ان يكتب لك الخير حيثما كان وان يسدد خطاك على طريق الخير

[زعيم المرسى]

أنا ما بقولك غير قول الله تعالى:
((إن كيدهن عظيم))صدق الله العظيم
اسمع إن كان ما تقول صحيح فاعلم يا أخي الكريم بأن موضوع الزواج قسمه ونصيب هل تعلم معنى هذا الكلام.
شريكة حياتك بالاسم الكامل إلى آخر جد مكتوبه باسمك منذ أن ولدتك أمك فيا أخي لا تتبع خطوات الشيطان فقد قال تعالى:((ولا تقربوا الزنى)) تعرف معنى هذي الآيه يعني حتى مجرد أن تقترب من الأشياء التي تؤدي إلى الزنى لا يجوز شرعا ومنها(((المــــــــــاسنجر))).
واعلم أن الأمة لو اجتمعت على أن ينفعوك بشي لم ينفعوك إلا بشي قد كتبه الله لك فما بالك بمن فالمنتدى بماذا سيفيدوك كيف توجهت إلى من فالمنتدى فالمساعده ونسيت من خلقهم أليس هو أولى بالسؤال :marsa196:
واسمع لقولي هذا بعد سنين قليله عندما تعود لرشدك ولعقلك ستضحك على نفسك والله ستضحك على نفسك وتقول هل يعقل أنا كنت أريد أن أفعل كذا وكذا:marsa184:

قال تعالى: (( واستعينوا بالصبر والصلاة ))
وقال : (( إن الصلاة تنهى عن الفحشاء والمنكر)) فلو كنت يا أخي من المصلين المحافظين على الصلاة ما كنت وقعت فيما وقعت من منكر واعلم أن النفس أمارة بالسوء إلا من رحم ربي وأنها خطوه فخطوه فخطوه ماسنجر فمسج فمحادثه

وما خفي كان أعظم.
اللهم هل بلغت اللهم فاشهد

[اشراقة المحبة]

اتوكل على الله واصبر(الصبر مفتاح الفرج)
والله يعوض صبرك خير
اختك.اشراقة المحبة