+كنت اظن ...و كنت اظن ..وخاب ظني+

[بنت البلاد]

السلام عليكم ورحمة الله وبركاته


إسم القصة :كنت اظن ...و كنت اظن ..وخاب ظني (http://www.marsauae.com/vb/showthread.php?t=24796)
نوع القصة : رواية
كاتب القصة: ياليت
المتطلبات : متابعة اجزاء القصة على هذا الرابط بالضغط هنا (http://www.marsauae.com/vb/showthread.php?t=24796)
دعم كاتبة القصة بالتقييم الشخصي بالضغط على هذه الصورة http://www.marsauae.com/vb/images/buttons/reputation.gif تقديرآ لجهود الكاتب .
تقييم مستوى القصة بالمراحل الخمسة http://www.marsauae.com/vb/images/rating/rating_5.gif وذلك من خلال الضغط على خيار تقييم الموضوع .

تذكير : تم تجميع اجزاء القصة في موضوع واحد تسهيلآ للقارئ واختصارآ للوقت ، على أن تكون المشاركات على القصة في الموضوع الاساسي للقصة .
وتذكروا ان تواصلكم مع الكاتب يعطيه حافزآ لتقديم المزيد ، فلا تبخلوا عليه بأرائكم ودعمكم له .

اختكم بنت البلاد (http://www.marsauae.com/vb/member.php?userid=617) ، مشرفه محمل الروايات والقصص

[بنت البلاد]

السلام عليكم ...

هذي اول مشاركه لي في المنتدى

وهذي اول قصه من كتاباتي اتمنى انها تعجبكم




ام سلطان : لا اله الا الله .. اصبحنا واصبح الملك لله
تتفاجأ بوجود بو سلطان في الصالة

ام سلطان: مرحبا الغالي .. شو موعنك فديتك ؟ شي يعورك ؟
بو سلطان : لا يا ام سلطان بس ماياني الرقاد عقب الصلاة.
ام سلطان: انزين .. انا بقوم ازهبلك الريوق قبل ما تروح تجابل الحلال.

بو سلطان قاعد ومسباحه في ايده ويسبح ويذكر الله .. يسمع صوت وحدة نازلة من الدري وتغني
" انا ياللي بحبك وحدي انا .. انا ياللي بريدك لي انا "

بو سلطان : ريــــــــــــم !!!!!!!!

ريم البنت الوسطانية عمرها 20 سنه في جامعة خاصة .. دلوعة وجميلة ماشالله عليها .. عيونها وساع وشعرها لين نص ظهرها ومخصلتنه بالاشقر .

ريم انصدمت بوجود ابوها فالصالة خصوصا انها كانت لابسة قميص نوم قصير وكت وسماعة الموبايل في اذنها .. وتمت اتدور ع شي تلحف عمرها به ولا لقت ..

ريم : صبحك الله بالخير يا بويه .. وتوخي وتحب ع راسه.. وتحاول تمسك طرف قميص النوم وتنقد ما يمكن انقاذه.

بو سلطان: ريمووه.. يالله بصباح خير يا بنتي.. اذكري الله محولة تغنين !!!
بو سلطان ينتبه للبس ريم ..
وبعدين شو هاللي لابستنه .. ما تستحين انتي .. لو يظهر حد من خوانج ويشوف لحمج كله برا ؟!

ريم تقاطع ابوها : لا .. ابويه ... انا ... كنت .. بس

بو سلطان يكمل : مب زين جيه يابنتي .. تلحفي الستر زين .. والخدمات وكل من في البيت يشوفج جذيه .. الله يهديج بس ....
ويقوم بو سلطان عنها .. رايح صوب خيمته ..

وريم ماشالله احساس ماشي .. تحط السماعة في اذنها وتكمل دربها صوب المطبخ التحضيري عشان تشرب ماي .. وشافت امها في الطريج ..
ريم : ههههههههههههههههههههه .. يوم المفجأت ماشالله .. هلا اماية .. اشحالج فديتج ؟
ام سلطان : بخير يا مايه ... وتنتبه انه بو سلطان هب في الصالة ... وينه ابوج ؟؟
ريم : اشدرانيبه هذا ريلج .. محتشر عليه اونه ليش لابسه جذيه ..
ام سلطان : وهو صادق بو سلطان.. الا بتخبرج الخياط خلصت عنه القطعه عشان ينتفها لج جذيه ؟؟ سيري حجرتج ما فينا ع حشرة خوانج ...

ريم تروح فوق هيه محتشرة وتتحرطم وفي نص الدري تتلاقى مع مريوم .

مريم: البجر عمرها 26 سنة.. مطلقة وما عندها عيال .. اطباعها وايد حلوة .. حكيمة .. واخوانها كلهم يحبونها ... مريم حليوة لكنها ما توصل لجمال ريم ... ابوها يموت عليها لانه دايما عنده ومجابلتنه .

مريم : صباح الخير يا حلوة .
ريم : هلا " بعصبية"
مريم: شبلاج معصبة بسم الله ؟؟
ريم : اشدراني ؟؟؟!! تقولين محد لبس قميص نوم في هالدنيا الا انا .... جنهم الا يبوني شراتج ظاربة بهالجلابية وشيلة الصلاة ..
مريم : ياحافظ عليه انا حشيم .. بعدين انتي تعالي شو موعنج لين احين ما عليج دوام اليوم ؟؟؟
ريم تمشي راكبة فوق ..... : امبلا عندي .. بس شكلي بطنش .. " والسماعة في الاذن !!"

مريم تكمل دربها وتصبح على امها .. وتتناول عنها صينية الريوق عشان توديها لبوها في خيمته ..
مريم : صبحك الله بالخير يا ويه الخير
بو سلطان : صبحج الله بالنور والسرور يابنتي
مريم : اشحالك ابويه ؟؟ ربك بخير ؟
بو سلطان : الحمد لله بخير ونعمه يا بنتي .. انتي اشحالج فديتج ؟
مريم : بخير دامني شفت هالمحيا الغاوي ..

مريم:: اقرب ابويه امي مسوتلك ذاك المحلا الزين ... اقرب ..
مريم تقرب الصينية حق ابوها وتفجله الحرارات عشان يتريق .. وتقعد تسولف وياه لين يقوم..

بوسلطان ريال بنى نفسه شوي شوي والحين ماشالله عنده خير .. شركة مقاولات وشركات شحن وفضل من الله

بو سلطان : فديتج انا بسير احينه سيري وعي اخوج خليفة وخليه يلحقني ..
مريم : ان شالله على امرك ابويه ..

خليفة الثالث في العايلة عمره 23 سنه .. خلص الثانوية بعد محايل .. ما كمل دراسه .. ويشتغل ويا ابوه .. وهو ذراعه اليمين وفاهم في الشغل ومجابل الحلال كله

مريم تأمر على الخدامة انها تبدل فناييل القهوة لانه اخوانها بينزلون يتريقون الحين .. وتروح فوق صوب قسم اخوانها الشباب عشان توعي خليفة ..

مريم :: طق طق طق .. خليفة .. خليفة
خليفة يفتح الباب ع طول .. وهو متلبس ومتعطر وماشي احلا عنه ماشالله
مريم : صباح الخير .. وتوايه اخوها
خليفة: صباح النور .. يا هلا بالريم والله
مريم : سير فديتك اتريق في الخيمة واخلاف الحق ابوك .. تراه سبقك ..
خليفة: ان شالله الغالية

مريم تروح صوب حجرة سلطان عشان توعيه بعد .... لانه تأخر ع الدوام وايد !!!!
سلطان الاخ الثاني بعد مريم عمره 24 سنة... درس في امريكا وتخرج .. افكاره شوي فري وما يخصه في عايلته وايد وبس فالح يتنقد عليهم.. يشتغل في الجهاز الاستثماري ...

خليفة : مريوم مريوم .. ان شالله بتوعين سلطان ؟؟
مريم : هيه .. عنده دوام ؟؟ مب ناوي يداوم ؟؟
خليفة : مب حولج سلطان .. توه الا من شوي راد البيت ...
مريم : والله !!!!!!!!!!!!!1 .. الله يهديه بس لنفسه قبل كل شي

تحول مريم عند امها .. ويروح خليفة ويتريق ويلحق ابوه في الشغل

الساعه 11:45 الصبح يرن التلفون

مريم : السلام عليكم
ام محمد: وعليكم السلام مرحبا بنتي مريم .. اشحالج
مريم : بخير الله يعافيج .. انتي اشحالج خالتيه ..
ام محمد : بخير الحمدلله .. وينها امج فديتج
مريم : امي خاري الغاليه .. تبيني ازقرها لج ؟؟
ام محمد : لا فديتج .. بس انا وهيه متواعدين نسير على ام راشد .. توها رادة من العمره .. قوليلها اني بخطف عليكم احين عشان نسير جداها
مريم : ان شالله خالتيه
ام محمد : مع السلامة يا بنتي
مريم : الله يحفظج

مريم تروح عند امها خاري وتخبرها عن ام محمد ...... وطبعا مريم لازم تروح ويا امها ...
خطفت ام محمد عليهم وشلت ام سلطان ومريم وساروا صوب ام راشد

في بيت ام راشد ..

ام راشد : مرحبا مرحبا الساع باللي لفونا ..
ام سلطان : المرحب لا هان فديتج ..
يسلمون ع بعض الحريم ويسيرون يقعدون ع المنصة .....

مريم تزقر دريولهم فريد : فريدووووو .. هات الحرارات هنيه لا توديهن داخل
ترمسه وهيه تمشي صوب الحريم .. وما وعت بعمرها الا متخرطفة ع دري المنصة .. والنعال طااااااااااار ...
والحريم كلهن بحس واحد : سلمتي سلمتي فديتج ..
ام محمد : الله يغربلك يا فريدوو .. عينتها ؟؟!! .. قومي فديتج قومي

وفي هالوقت يظهر راشد من الميلس المجابل حق المنصة .. وماعرف شو هالاسود الي طايح مسلقاي .. اقترب منهن..و هو عينه على الي طاحت.
تنش مريم و تشل غشوتها و هي مب عارفه تلقط ويها ولا قطع الغيار اللي طاحن عنها..

راشد : سلمتو سلمتو ....
و خطف عنهن و هو قابض ضحكته غصبا عنه ...
و مريم متسمره مكانها تستوعب الي صار..... جني سمعت حس ريال.؟؟...يعني شافني.. شافني و انا اطيح!!!!!

قامت مريم ويلست مع الحريم .. ولا رامت تقبض دمعتها .. وصاحت .. من الفشلة طبعا ..

فريد : ماما مريم .. هذاااا ... هذا نعال مال انتي ..
مريم : تباني اظربه ع راسك الهرم .. فااااااااااارج عن ويهي

راشد في السيارة .. وحاط اف ام .. ويتذكر مريوم .. يظحك شوي .. وبعدين
راشد : بس والله انها حليوة هالبنت .. ههههههههههههههه .. بس طاحت طيحة مسكينه .. اكيد مفتشلة احينه .... تمت مريم في بال راشد .. ويتذكر شكلها وهيه طايحه ...يظحك اشوي ويسرح اشوي.......... يا حافظ والله ع هالعيون المجحلة .. وع الطيحة بعد .. ههههههههههههههههه

الساعة 2:30 الظهر .. والكل متيمع ع الغدا الا ريم !!

ام سلطان : وينها ريم ؟؟
مريم : مادريبها امايه .. يمكن راقدة لانها قالت ما بداوم اليوم
ام سلطان : لا الدريول يقول وداها الجامعة .. دقيلها فديتج شوفيها
مريم : ان شالله اماية

مريم تتصل بريم وترمسها .. وتقولها ريم انها في بيت وحدة من ربيعاتها ...

مريم: اماية فديتج ريم عقب ما خلصت الجامعة سارت صوب ربيعتها
سلطان توه نازل من الدري .....

سلطان : واي ربيعة ان شالله هاذي ؟؟ نحن ما عندنا بنات يسيرن عنها ربعهن .. دقيلها خليها ترد .. ويقعد سلطان ..
مريم :: لا لا فديتك .. ريم في الجامعه ويا ربيعتها عندهم بروجكت بيخلصونها "" تحاول ترقع حق ريم ""
ام سلطان ما انتبهت ع الكلام اللي قالته مريم .. لانها بس اللي يهمها انها تسأل بدون ما تعرف الاجابة ..

تغدو الكل ...وقام بو سلطان عشان يرتاح شوي .. وسلطان طلع من البيت .. وخليفة رجع الشركة .. ومريم راحت حجرتها .....

الساعه 5 العصر ...

نورة محولة مسرعه من الدري ....

نورة قبل الاخيرة في عايلتهم .. عمرها 18 سنة .. وثانوية عامة .. ومن درس لين درس .. شطورة وداخلة علمي.. حلوة بعد وكل البراءة متجمعه فيها .. محيرة لولد عمها سيف ... اللي هو قدها بس ادبي ... وبينهم علاقة حب ع الخفيف ..

نورة :: ميري ميري .. يلا تعالي بسرعه .. بنسير .. خليتي الدريول يشغل السيارة ؟؟
ميري : نوراي .. لا موزة صديق مال انتي برا
نورة : ويييييه .. هيه صدق انا بسير وياها هالخبلة ..

موزة صديقة نورة الروح بالروح .. وبينهم اشياء محد بعرفها الا هم .. وهم في نفس الصف وكل دروسهم مع بعض .. وموزة اسلوبها وايد حلو .. وكل من يكلمها يتعلق فيها ..

نورة تطلع برا وتفتح باب السيارة وتسلم ع نورة .. ويروحون عند مس الكيميا ..
في السيارة ..
يرن موبايل موزة ...
موزة .. اوهووو هذا سعود المتفيج ما فيني ارد عليه .. ولا تدرين خل ارد عليه لين اوصل ..
موزة : الو .. هلا حبيبي
سعيد : اهلين .. وين انتي .. شكلج في سيارة وين رايحة ؟؟
موزة : بل .. قول اشحالج قول شي .. رايحة درس ..

موزة اييها خط وهيه تكلم سعيد ...

موزة : اقولك باي باي .. هذي امي برمسك عقب ..
طوووط طوووط طوووط
وتسكر ع طول .. وترد ع الخط الثاني ..

موزة : الو .. هلا الحب .. وينك انت ؟؟؟ " وتتغير نبرة صوت موزة 180 درجة !!!! "

نواري : لا والله اللي يسمعج من شوي تباغمين ما بقول هيه نفسها هاذي ..
موزة تأشر حقها .. سكتي سكتي ..

الحب: مرحبا غناتي .. اشحالج ؟؟ انا هنيه مشغول ويا الوالد شوي
موزة : اشتقتلك انا .....
الحب : وانا بعد فديتج
موزة : ...................... ساكته
الحب : شو سايرة درس الكيميا احين
موزة : هيه حبيبي ....
الحب : شديلنا حيلج نبا نسبة تبيض الويه .
موزة : ان شالله حبيبي .. امرك
الحب : يلا عيل بخليج انا وبرجع ادقلج خلاف .. ديري بالج ع نفسج
موزة: وانت بعد حبيبي .... باي
الحب: باي

موزة تتنهد تنهيدة طوييييييييييييييييييييييلة .. آه آه يا نواري .. احبببببببببه اموووت عليه .. والله انه سادني عن الدنيا كلها

نواري وهيه تتصفح كتاب الكيميا وترد عليها بكل استهزاء .. عشان جيه كنتي تكلمين سعود من شوي ...
موزة : أي سعود دخيلج .. هاذيل تقضية وقت بس لين يفضى لنا الحب
نواري : انزين ياختي .. وصلنا .. وخلي عنج هالخرابيط ...
موزة : اشفهمج انتي في الحب .. خلج في كتبج .. وسيفج ..
نواري : انزين انزين .. يلا حولي

وسارن نواري وموزة الدرس .....

في الشركة 5:25.. خليفة معصب ع الموظف..
خليفة : احين ممكن اعرف حظرتك ليش ما صرفت الشيك .. انت تعرف انه المندوب بيي باجر وانا محتاج سيولة
الموظف : والله يا فندم انا رحت بس لقيت البنك مقفول .
خليفة : مقفول في عينك جاني مظهرنك من الشركه الساعه 10 ..
الموظف : خلاص ولا يهمك يا باشا انا اروح بكرة واصرفه قبل ما ييجي المندوب
يرن تلفون خليفة ...

خليفة : انزين روح روح انت احين وخلاف بتفاهم وياك
يمسك خليفة التلفون ويطالعة ويبتسم وينسى كل العصبية اللي كان فيها ..

خليفة : الو هلا والله
....... : هلا حبيبي .. اشحالك ..
خليفة : اشتقت ..
.......: واايد ؟؟" بدلع "
خليفة : اكثر من أي شي ثاني ..

وتستمر مكالمة ............. وخليفة اكثر من ساعتين

الساعة 6 المغرب تتصل ريم في مريوم
ريم : هلا مريم .. اشحالج .. دخيلج قوليلي شو الوضع في البيت ؟؟سلطان في البيت ؟؟ امي معصبة ؟؟
مريوم : نعم نعم نعم .. انتي بعدج ما ظويتي ؟؟
ريم : شو اسوي يا مريوم تعرفين بنات وسوالف ..
مريوم : ردي البيت بسرعه لانه سلطون محد وامي برا تعابل الفواله
ريم : لا دخيلج بعد ساعه الله يخليج
مريوم : ريموه انا ما يخصني .. مب حالة هاي كل يوم عند ربيعتج أي ربيعة هاي
ريم : انزين انزين برد .. اففففففففففففف

ريم كانت تكلم مريوم وهي في حظن ...........................

[بنت البلاد]

الجزء الثاني ....


الجزء الثاني ..

ريم في احظان حبيبتها لي المفروض تكون صديقتها (سلامه)
ريم:سلووووووم
سلامه: اتنحنح ... يا عيونها
ريم :لازم اروح البيت
سلامه:ليش ماطولتي
ريم:انتي تعرفين ظروف البيت
سلامه: تمي شوي عندي ماشبعت ..
ريم:والله في خاطري بس اخاف سلطان يرجع ومايحصلني يسويلي مشكله
سلامه:وهي معصبه اووووووووووووووووووووووه كيفج انزين كل كلمه قالتلي سلطان
ريم سكت شوي ...ودقت حق الدريول عشان ايها .. قامت تلبس عباتها تتريا الدريول يخطف عليها
يرن تلفون ريم ((الي سنتين انا صابر قالولي يجي باجر شخلص الليل وظنوني على جيتك على باجر))

فز قلب ريم وزاغت وشلت التلفون وشافت ان (مصدر الحب) يتصل بك
سلامه :منو بدقلج بلاج مصدوومه
ريم تشل التلفون وتحطه ع الصامت ع طوووووووول
سلامه :انا اسألج منو يدق ؟
ريم :هااا امايه
سلامه جانها امج ردي عليها اشوف
ريم لا لا لا لا اخاف تتخبر عن البنات وهني صخه ماقدر ارد
سلامه علينا امج مخزنتنها مصدر الحب تقصين ع منو انتي ؟
ريم بارتباك هااا امايه هي لان تعرفين لازم اخزنها شي عدل
سلامه وهي معصبه باجر بنشوف لو هي امج ولا لا ...لكن تعرفين لو تجذبين شو ممكن يصير فيييج
ريم :بنظره خوووف هااااا هي اعرف ..

وردت ريم بيتهم ..

ع دخلت ريم البيت تلاقي سيارة خليفه برع .. بس ماتدري اذا هو في السياره ولا لا ..

خليفه ف السياره ..يتكلم ف التلفون وشاف ريم داخله
خليفه :وين انتي
......: فالبيت فديتك
خليفه :شو اشحال اهلج؟
....... :كالعاده مافي شي يديد
خليفه :حبيبي هالويك اند مااروم اوكي
..... :ليش شو صار خير ؟
خليقه :تدرين عرس سلطان
........ :عقبالي ...
خليفه : وهو معصب ....شووووووووووووووووووووو ماسمعت ؟
....... :شو مش منحقي ولا لا ؟
خليفه :نحن هالموضوع منتهين منه برايج ...

ويسكر عنها خليفه وهو متظيج
ويدش داخل البيت ويشوف ريم قاعده ف الصاله بعباتها ..
خليفه :الشيخه توها راده
ريم هي
خليفه سويتي البروجكت
ريم هي وهي خايفه يسألها .. انت تعرف اني ف الجامعه ولا زم ادرس
خليفه لي يقول تاخذين 8 مواد ع بعضهم 3 واخر الكورس ساحبه ماده
ريم ههههههههههااااي سخافه مابا اوكي على الاقل دشيت جامعه
خليفه يطالعها بنظره
ريم لا لا لا سوري انا بسير غرفتي باي
ريم راكبه الدري ... تغني ..بلغ حبيبك وقله باخذك منه..

========================
مريم في غرفه نوره..
مريم .ها حبيبتي شدي حيلج وترى مابقى شي وتتخرجين ونبا نسبه ترفع الراس ..بسويلج حفله يتكلم عنها القاصي والداني
نوره :والله مريم انتي تشوفين كيف اناادرس .وانا اسوي كل هذا الا عشان ارفع راس امايه وبويه
مريم الله يعطيج ع قد نييتج ..تبين شي
نوره لا حبيبتي تصبحين ع خير

====================
مريم ظهرت من غرفه نوره بتسير حق ريم
وهي تدق الباب تسمع ريم

ريم :سوري فديتج اني مارديت كنت قاعده ويا اخوي
مصدر الحب :اخوووووج ولا سلوم
ريم :برتباك لا لا لا كنت فالبيت اصلن انا قطعت علاقتي مع كل حد انتي تدرين اني اباج انتي ومابا حد غيرج
مصدر الحب (تقول في خاطرها جذب مجمع تعال وتسمع) اوكي احين برايج
ريم : لا لا لا حبيبي ابااكلمج
مصدر الحب :لو فظيت بتصل .. وترقعها ع الخط .

وبندت ريم وهي محبطه ,,
وتدخل مريم هالوقت

ريم انتي ماتعرفين تدقين الباب
مريم متى يتي حظرج
ريم من ساعه
مريم وين البروجكت اللي تسوينه صبح وليل
ريم ..هاا عند ربيعتي تسويله تايب
مريم ايوااااااااا الله يعطينا عمر ونشوف الربيعه لي تهاذيبها من سنه
ريم : اوووووووووه تراكم لوعتوا جبدي انتي منصوب وخلوف الفاشل من صوب
مريم (مريم معصبه )احترمي عمرج ولمي السانج هذا اخوج
ريم وانا صادقه
مريم :قطعي هالرمسه اقولج
ريم اوكي بنام تبين شي
مريم ع فكره حركاتج مب عايبتني وانا كاشفتنج وانا ما بتم اداري ع طول واعتقد انتي فاهمه شو اقصد ..دوري حد غيري يداري على حركاتج السخيفه
ريم لا لا مريووم دخيلج انتي تعرفين انا مالي غيرج وانتي اختي العوده وشرات امي ..وتقوم تبوسها وتلوي عليها وتبتسم ابتسامه خبيثه
مريم وخاطرها مكسور تطالع ريم بنظره كلها حب وحنان ..

وتطلع مريم من غرفه ريم وتنزل تحت تبا تشوف امها ..
ريم .. خلاااااااااااااااااااااااااااااااااااااااااااااااا اص انحطت ف الجيب
هههههههههههههههههههههههههههههههههههههههههههههههههه هههههههههههههههه

مريم :امااااااااااااايه امااااااااااااايه

مريم :اسميها ما بتتفجج احييين
خليفه :هالحرمات ماعرف شو يقولون 24 ساعه يهربذون عن شو مادري
مريم لو ما حشن ونشن منو بيحش
خليفه ههههههههههههههههههههههه يظحك ويبين عليه الحزن
مريم خليفه فديتك لا تاخذ ع كلام ريم تراها ياهل
خليفه:لا فديتج عادي ..وانتوا تدرون اني واثق فيكم بس مابا حد يرمس عليكم يعني لو حد بيشوفه راده متأخر شو بيقول
مهمليين بناتهم ,,,,,
مريم صح كلامك فديتك عساك ذخر يابو حمييد
خليفه هااااااااا ..وظحكوا
ع دخلت سلطان ..اشعندهم الربع مجتمعين
مريم نحش فيك هههههههههههههههههههه
سلطان بخبث لا والله قومي يبلي جاي
مريم يوم بتي ساره بتسويلك
سلطان ييييييييييي يبنا الطاري لي ماحبه
وقامت مريم تسوي الجاي ..
خليفه:سلطان اشعند من حد ايبلك طاري العرس تتشأم المفروض انت معرس
سلطان هههه ليش ياحظي افرح ..بنت قالولك خابفه لتعنس ..ياريال انا متزوج عشان اهلي ولا مب عشان شي انا عايش بعرس ولا بدونه
يرن تلفون خليفه ويشوف النك ويتنهد
سلطان منو الـــــــحـــــــب؟
خليفه ها لا لا شو الحب شو الخرابيط هذي ..هذا واحد من الربع

انا رايح الغرفه تبا شي ..
سلطان .. بخبث رد على الريال خلنا نشوف شو يبا ؟
خليفه لا لا ماشي ..خلاص تصبح ع خير
سلطان هههههههههههههههههههههههههه مشكله الياهال خلووووووووووف ترى الحب مب عيب
========================
خليفه راكب الدري ويرد ع التلفون
........ باباتي
خليفه نعم
......شوفيك
خليفه ماشي
......باباتي بليييز بلاك انا ماقلتلك شي انا ابا اجيس النبض بس
خليفه وجستيه ؟؟
........فديت لي يباني
خليفه.....بيبي انتي تدرين اني اباج وانااحبج وانتي لـــــــــــــــي وانا مستعد اتحدى اهلي عشانج بس انتي شكلج شايفتلج شوفه او حد ياينج عشام جي تنغزين بالرمسه
...... ساكته
خليفه اشوفج ساكته لان كلامي صح
....... لا مب صح باباتي انت لو تباني مره فانا اباك مليون انت ما تدري ان اشو اسوي عشانك وفالنهايه تقولي انا ماباك ..وانتي بعد تدري كم واحد ياني وانا رفظته عشان منو قولي ..
خليفه ساكت .. لحظه بعق كندورتي
......باباتي بينام
خليفه هي
.......تصبح ع خير
خليفه وباباتج ينام بروحه
....... هي
خليفه برايج ..
.......باي
خليفه وده يوصلها لين البيت يصفعها من القهر ...

وطول الليل يجلب وماياه رقاد يفكر اب بيبي
والا وشوي يسمع الله اكبر ..الله اكبر
خليفه لا حول شو هذا باجر لازم اروح دبي ...كيف بسوق وانا مب راقد الله يستر
وقام خليفه وتمسح وصلى ونزل يتريا ابوه ف الخيمه ..وبدون لا يحس راحت عظت عيونه وراح بسابع نومه
=====================
الساعه 8:30 الصبح
بوسلطان يالله صباح الخير
ام سلطان واااااااايه صباح النور والسرور فدييت هالمحيا شصبحت يالغالي
بوسلطان بخير وعافيه
ام سلطان ها بتقرب هني ولا ف الخيمه..
بوسلطان ف الخيمه
ام سلطان احسن بعد انا قايله حق بابو يحطها هناااك
الا وشوي بابو يزاعج
مااااااااااااااامااااااااااااا

مااااااااااا ماااااااااااا
حرامـــــــــــــــــــــــــي
حرامــــــــــــــــــي
ام سلطان ها غربلاتك شو تقول
حـــــــــــرامي ماما داخل خيمه
ام سلطان ووووووووووه انصرقنا انصرقنا
بوسلطان شبلاج ياحرمه من صباحت الله خير تناغجين ..بسير اشوف الاثول هذا شو يقول
وراح بوسلطان صوب الخيمه ويشوف ولد راقد ومتلثم

بقرب بوسلطان ع الولد ويحاول يحركه من يده ..ولديه ... ولديه
تنبه خليفه ان حد عنده

وفز من الرقاد ويشوف ابوه صباح الخير فديتك
بوسلطان خليفه فديتك شو مرقدك هني
خليفه ماياني راقاد قلت برقبك وانا مب حاس بعمري الا وانا راقد
بوسلطان .. ام سلطان هذا خليفه .. ههههههه
خليفه ليش ابويه تخبر امايه ..ويخبر بو سلطان خليفه السالفه
ويظحكون كلهم
بو سلطان نش فديتك ورانا درب
خليفه فديتك يالله تريق وانا بسير بتغسل وبايك..
بوسلطان وانت بتاخذ ريوقكك من البكس مالك
خليفه :لو اتم عمري كله اعلمك كيف يقولون استار بكس ما بتقولها
بوسلطان يالله عاااااااااااد عن هالذره الزايده
خليفه انزين ..
وراح خليفه يتغسل ...وشاف تلفونه الا في 40 مست كول من بيبي
خليفه نحاسه مب راد ...

وخذا شاور ع السريع .. ونزل صادف سلطان قاعد يتريق

سلطان ....(يبا ينغز)شحاااال ربيعك ؟
خليفه..هااااااااا انت بعدك متذكر ....
سلطان ..شوف نحن ريايل نفهمها ع الطاير ..وبعدين انا اخوك لو ماقلتلي ...بتقول حق منو ؟...وبعدين ع فكره دواااااااامات دبي الزايده وغيباتك كل ويك اند وما نعرف شي عنك ...مب لله .. تعال ليكون معرس
خليفه بستغرااااااااااااااااااااااااااااااااااااااااااب شووووووووووووووووو لا لا لا لا شو انت خبله
سلطان هههههههههههههههههههههههههههههههههههههههههههههههههه ههههههه ع فكره انت شي تحت راسك ..وانا لازم اظوي اخبارك وبتشوف ..
خليفه عن اذنك بسير حق ابوي يترياني
سلطان رووووووووح يالولد المطيع


ظهر خليفه ... وشاف ابوه متسمت في سيت الرنج .. ومرتبش يغني ويا عريب ...لي خل لا ينشد ولا يسال
ركب خليفه وقاله :هالشيخ اشوفك مرتيش
بوسلطان ...ااااااااااااااااااااااااااااااااااااااااااااااا اااااااااااااه هذي العوق انت ما تدري بشي
خليفه هااااااااااا الشيبه ناوي .
بوسلطان لو ترخصني المعزبه جان نحن بخير
ويــــــــــــــــــــــــــــــــــظحــــــــــــ ــــــكون
وهم في الطريج ..وصل مسج ع تلفون خليفه من بيبي ..(حط اف ام)
وكانت اغنيه طلال سلامه
آٌهٌ يُاًقَـوِ قْلٌبٌـكُ تُجٍـِرِحٌنَي مَـًنُ قٌلًـَبِ ٌوتُـرًوٍحًِ .. آُهُ قُـًوَلْيٍ وٌرُبُـكٌ مُـنِ عِلٍمٌـٍكً دُرًسَ اًلٌجُـْرٍوٍحٌ
ويسمع خليفه الغنيه ويتنهد ..
بو سلطان حس ان ولده في شي بس ماحب يعلق
=======================

في مدرسه عاشه ...
نوره في حصه الكيمياء تكتب ع طرف الكتاب حق موزو ملـــــــــــــــــــــــــــــــيـــت
موزو تكتبلها شو اسويلج يعني ؟؟
نوره اشحال حبيبج
موزه ههههههههههههههههههههههههه يسرج حاله انا محد قاهرني غير سعود اتمنى الحب يهتم فيه شرا سعود .. اناماطيقه وكسري تلفوني ..والحب لاعلبال ولا ع الخاطر
نوره (بكل برود تقول) ودري الحب
موزه شوووووووووووووووووووووووووووووووووووووووووو ينيتي انتي هذا الهوى لي اتنفسه ..هذا عمري وحياتي وقلبي وعيوني وكل شي في دنيتي ..هذا لو يقولي ودري الدراسه بقعد ف البيت
نوره بــــــــــــــــــــــــــل وتقول في خاطرها (اااااااااااااااااااااااااااااااااااه يا سيف كيف انا مب قادره اوصلك ولا قدره احس بلي يصير لموزه والحب .. وياك)
وع غفله المس .نورا قومي اقري الفقره خلينا نخطط ع المهم ..
نوره شوووووووو وين ..؟؟ جان تنقذ الموقف موزه وتلف ورا تشوف هم وين واصلين ..وتأشر حق نوره . وقرت نوره
موزه :انقذت الموقف كومبليت ...هههههههههههههههههههههههههههههههههههه

=================================
في البيت ع الساعه 6 المغرب .. كانت ام سلطان عازمه ام سيف ..عشان بنتها خوله عندهم
وعائله بوسيف تتكون من بوسيف ..رجل اعمال كبير
ام سيف ..نفس حال ام سلطان
وسيف الولد الوحيد ..جميل ماشالله عليه .. وهو لي خاطب نوره
خوله اكبر بنات بو سيف وهي من سنين مريم اتزوجت ريال من غياثي وهذا السبب لي ما يخليها تكون دايمن متواجده ببيت ابوها ..
عنودعمرها 21 ف جامعه زايد مخطوبه حق واحد من اهل امها
روضه وعمرها 12 سنه ودلوعه البيت .,.,
............ مريم تدخن البيت .. وتشرف ع الاكل .. وجهزت كل شي وقامت تلبست
يو الحريم وقعدوا .. يسولفوووووووون وينفاولون ..
عنود ..مرايم وين ريموو
مريم في غرفتها تسوي البروجكت مالها
عنود انا بسير اشوفها
وتمو ا الحريم يتكلمون عن تجهيزات الزاوج لي ماتخلص ..

عنود عند ريم .. ريم ما حشمت وجود عنود وما شلت يدها عنالتلفون 24 تتكلم ف التلفون
عنود وين البروجكت
عنود انااقول ريم ..ويه بروجكاتات عن شو بروجكتج
ريم هاا اشدراني اناويا قروب بنات ..ونفس ماتدرين اسمي زياده عدد
عنود ..هههههههههههههههههههه شو جهزتي حق عرس اخوج
ريم هيه خلاص ..,وقعدت ريم تخبر عنود مغامرتها العاطفيه لي مرت هالسبوع

========================
في غرفه نوره لي كانت ميته من الدراسه ,,,
وصلها مسج من مريم ,,انزلي تحت
نوره قامت وتلبست ونزلت .. وسمعت صوت حريم ..في خاطرها تقول ااااااوووووووووووه منوعندنا ..ابا ادرس
ونزلت ع الدري ..تشوفها ام سيف .مرحبا مرحبا الساع بمرت الغالي
استحت نوره ونزلت راسها
ام سيف تقول حق رويض قومي مناك خلي مرت ولدي تقعد عدالي ولهانه عليها من متى مب شايفتنها
نوره تحبها ع راسها وتقعد عدالها
ام سيف ها نوير متى بتخلصين ترى ولديه مستعيل.يبا يملج وبيسافر
نوره(يفز قلبها يوم سمعت طاري السفر ويتكدر مزاجها )وهذا كان واضح ع ملامحها ..بحيث ان مريم فهمت
ام سيف هي تطلع النتايج مني ,,بالباجر بنملج
ام سلطان لا لالا عشوا مستعيلين بعدهم صغار ..وبعدين نوره الا بنتكم وما بتكونالا حقكم
ام سيف لا لا نبا نظمن احنا..
ام سلطان عيل وين ولدج المستعيل ما يبا يسلم على عمته
(فز قلب نوره)
ام سيف ويييييييييييييين سيف مب حولج ما ينشاف 24 ساعه مجابل هالكتب لي يقول بيب 99.9

حست نوره بخيبت امل ..قالت عن اذنكم بسير اكمل مذاكره
وركبت فوق حق تذاكر ..وتبا ترجع حق مود الدراسه وومش قادره خلاص مزاجها اتعكر ..
وكل مابطلت كتاب تشوف ويه سيف اللي لين اليوم ماتعرف ملامحه عدل ...فرت نوره الكتاب بطول يدها
وقالت اوووووووووووه هذا كله مب محسوووووووووووب..
قامت قعدت على اللبتوب .. ولين مايشتغل تذكرت كلام موزو عن الحب واللحظات الحلوه لي تجمعهم
ويفتح المسنجر ترااااااااااااااااا
شافت (انـــــــــــا نـــــــــــــــــــــــــــاطر حبيبي)بس مرقوع بلوك
نوره تحط يدها ع الماوس متردده تشل البلوك ولا لا ..ويدور في بالها اغنيه بو نوره يوم يقول(بتنتهي الدنيا قبل لاتجرا ولاضاعت الفرصه ترى الموت حسرات ...

--------------

تتوقعون نوره بتشل البلوك وبتسولف مع .....؟؟ ومنو هذا ...؟؟
خليفه بيراضي بيبي ولا لا
وهل ممكن ريم تنكشف ؟.

[بنت البلاد]

اممممممممم

سمحولي طولت عليكم...

الجزء الثالث

ونوره ..وهي قاعده بعدها متردده تشل البلوك ولا لا ..

إلا يرن تلفونها ((يامن اذا بين الملا حل طاريج تستبشر بقلبي جميع الشراين لو تزعلي حرات قلبي تناديج تكفين لا تقسين تكفين تكفين))
وتشوف التلفون نوره الا وعديل الروح يتصل بك ..

نوره هلا الحب
عديل الروح هلا والله شكله المزاج رايق اليوم
نوره إلا فووووووووووووول اليوم المزاج
عديل الروح اها اكيد عشان خلصتي واجباتج ..وحفظتي كل شي ..وحظرتي صح حبيبتي لان انتي ما يعدل مزاجج الا الدراسه
نوره هههههههههه خطأ
عديل الروح قولي عيل ليش
نوره اووووووه الحين انتي ليش داقه ؟شو تبين
عديل الروح في مسألتين في تقويم الفيزيا ماعرفت احلهم ..لخبط بين القوانين ..وانتي تدرين ان نحن مب ملحقين ويا مس وفاء ممكن تساعديني
نوره شووووووو باجر عندنا فيزيا .. حلفي ما فتحته ..
وتقوم نوره عن اللابتوب وتسير عند الكتب تدور اكتاب الفيزيا ..
عديل الروح هههه فرصه بنحل ويا بعض شو رايج ؟؟
نوره صفحه 65 انا حاطه ستكر ..
عديل الروح هي سؤال 5 7 8 وظعي دائره ..1 2 3 4
نوره يالله خلناا نبدا ..
وحلو البنات الواجب ويا بعض ...

وسكرت موزو عن نوره وردت نوره تشوف اللابتوب فتحت المسنجر وما حصلت (انـــــا ناطــر حبيبي )اون لاين
(لا ضـــــــــــاعت الفرصه ترى الموت حسرات )

تغصصت نوروووه وما عرفت شو تسوي وقالت في خاطرها مالنا ف الطيب نصيب
وقامت صلت العشا وحطت راسه بترقد لانها بتقوم الفجر تكمل دراسه

==================================

سلطان في ميلس ربيعه سالم
سلطان الله حييييييييييييه شباب ...
الشباب الله يحيك ويبقيك يابو فلان ..هههههههه
سلطان ع طاري الابوه ...اليوم المشؤووم هالخميس
سالم مبروووووك مبروووووووووووك ...خونت فينا وبتعرس مش متفقين محد من هالشله التعبان يدش القفص الاسود ههههه
سلطان الود ودي ما اعرس ..بس شو تباني اسوي بالعيوز لي تحن صبح وليل
ناصر بالبركه بالبركه ...منو مناسب عاد
سلطان بنت خميس الفلاحي
ناصر احلف والله انهم ناس والنعم فيهم ينحطون ع الجرح يبرى انا مخاوي واحد من اهلهم يوم السفر
سلطان ايواااااو بعدين ادري ..
الشباب ..عرس يارياااااااااااااااال وقولنا شو العرس جانه زين بنسوي عرس جماعي حق الحزب ههههههههه

يا راجو ..وهو البشكار مال الميلس
راجو ..بابا سلتان شو يريد يشرب
سلطان ابا راس شيشه ينقع مزاجي
ناصر راجو قول حق سلطان مبروك هو في شادي باجر
راجو مبروووووك بابا مبرووووك
سلطان الله لا يبارك فيك يارب .. اذلف هات الشيشه
الشباب ميتين من الضحك .
خالد ..خلاص عيل باجر بنقعها الخايسه ف الفلا لي ف دبي ...(وداعيه ياخر الليله تجمعنا وداعيه)
سلطان تـــــــــــــــــــــــــــــــــــــــم الساع ابا جو ماصار ولا استوى
الشباب حاظر ياريــــــــــــــــس

=============================================

خليفه وبو سلطان خلصوا اجتماع فدبي .. وساروا صوب المرسى يشربون كوفي
بوسلطان ...المكان غاوي والله
خليفه شعبالك ..تباني اوديك مكان مب غاوي ..لا تخاف (اظبطك انا )
بوسلطان فديتك
وهو في ويسولفون .. ويتلفتون يشوفون الياهال لي يلعبون ف النافووووووره رن تلفون خليفه ..وفـــــــــــــــــز قلبه يوم شاف (بـــيـــبـــي )يتصل بك
قام وارتبش .. وقال لابوه .. ابويه انا بروح الحمام
بو سلطان بنغزه سيريابويه عن لا تسويها علي ..خخخخخ
وراح خليفه قريب الحمام
ورد ع بيبي
خليفه تولهت عليج
....... انا اكثر ؟؟؟ وينك اسمع عندك صخه لا يكون مواعد
خليفه ماقدر اشوف غيرج ..ماخذه قلبي وعقلي وتفكيري
......احبك
خليفه اموووووت بثرج بالتراب
.....حبيبي انا بطلع
خليفه ع ويـــــــــــــــــــــن ماسمعت
.....بسير (الاختيار الاول) بفصل عبي
خليفه .لي ف المارينا طبعا
.......امممممم هيه
خليفه تعرفين لو تطلعين بحش ريلج حــش
.....اووووه يعني مالبس عبي اتم مفصخه
خليفه والعبي حلاوه كل شهر ..زاصلن انتي منويشوفج حق تكشخين كل يوم عباه
.......ان ف الجامعه ولازم اكشخ ولا انت ناسي ان حبيبتك كشيخه
خليفه انا ما با حد يشوفج كاشخه بياخذونج عني
......ماشي بياخذني عنك الا الموت .. انزين اسير
خليفه لا باجر الصبح بمر عليج وبوديييج
........لا ابا احيييييييييين
خليفه انا قايل مافي ظهره روحي وشوفي منو يرد عليج
.......بنشوف
خليفه تتحدين
....هييييييييه
خليفه برايج ..


وسكر خليفه وراح عند ابوه وويه منعفس
بو سلطان كل هذا الحمام ...بل شوف ويهك كيف مجلوب
خليفه ابوي فيني اسهال
بو سلطان شكله اسهال مزمن .. ههاي
...شكلها الحرمه هازبتنك انته
خليفه محد يحس فيني غيرك ..يالله الشيبه ورانا طريج
بو سلطان تراني طفعت الفاتوره
خليفه ماعليك زوووووووووود
وقام بوسلطان وخليفه صوب السياره وحركوا وطبعا خليفه محكوك عليه يسمع عريب 24 ساعه طول ماهو ويا ابوه .. ((ليش ماتنشد عن احوالي دامني انشد عن احوالك ... ))
والابو مرتبش ..

================================
وصلوا البيت ..ع الساعه 11 فليل ..
وكانت ام سيف وبناتها توهم ظاهر ين من بيت بو سلطان تشاوفوا عند الباب وقعد بو سلطان يتحفى مرت اخوه ويسلم ع بنات اخوه... ويسأل عنهم وعن حالهم ..
وطاحت عين عنود ع خليفه ..الولد الوسيم ..الحلو الاسمراني .. طويل ... عريض من فوق .. لحيه كامله ..رزين ..العقال ما يفج من راسه .. وانه دايمن ويا ابوه .. تخبلت عنود ع خليفه اللي ماكان منتبهلهم .. تخلت عنود عليه
ام سلطان عساك ع القوه يالغالي
بو سلطان فديتج .. الله يقويج اسمي ولدج خليفه يدل مكان ف دبي ترتوب ع قولته .. ع البحر والنوافير والناس والغراشيب يتمشن
ام سلطان ودوني فياكو
بو سلطان وين اوديج ينيتي انتي هناك مافي امهات براقع هناك ماشي كل وحده احلى عن الثانيه
ام سلطان يييييييييييييييي فديتني يوم اني كنت صغيره كنت مزيونه وبتموت عليه الا احييين صرت بعينك شينه
بوسلطان الزين زين فديتج ... وانتي لازم تعرفين انج لو مب مزيونه ما خذتج ..وهو يضحك
ام سلطان فديييت رمستك انا
بو سلطان انا بقوم اتسبح جهزي ثيابي
ام سلطان من عيوني وتقوم تزهب الثياب
يو سلطان عيونج سالمه

============================
الساعه 1 ونص ف الليل
ريم تكلم ندوي (مصدر الحب )
ريم الووو
مصدر الحب مرحبا
ريم هلا وغلا فديييت هالصوت
مصدر الحب اشحالج؟
ريم دامني اسمع حسج بخير متى بشوفج تراني ولهانه علييج موووووووت
مصدر الحب شسوي تعرفين اني ف الجامعه وهذي سنه التخرج عاد
ريم يعني ... مابشوفج
مصدر الحب انا ف بوظبي هالويك اند
ريم وييييييييين بتكونين
مصدر الحب عند سلوووووم
ريم صخت وكنه حد جاب عليها ماي ثلج
مصدر الحب حوووو وينج
ريم لا لا ماشي بس ظروري اتين بوظبي
مصدر الحب الله ماعرفتلج توج متوله علي واحين ما اي ..وبعدين ظروري اي .. انتي ناسيه ان سلامي نسيبتيه
ريم هااااااااااااا
مصدر الحب ترى اخوها ماخذ اختيه
ريم عدل ...عدل هذا لي كان ناقص
مصدر شو بلاج ... مب انتي واثقه من نفسج ليش خايفه ...شكلج مسوده ويهج .

ريم انااااااااا حشااااااااا ما سوده ويهي ابيض امبونه فديتج
مصدر الحب بنشوف غنايه
ريم ياويلي محلات الكلام انا
مصدر الحب حبيبي ريماني ثواني عندي خط برجع ادقلج
ريم اوكي حبي
مصدر الحب مب احصل خط
ريم لا لا لا اترياج


سكرت ريم وهي منصدمه شوهذااااااااااااااا .. نهايتي ع يت سلوووووووم انااااا مستحييييييييييل ماحصلت عمرها الا وهي تدق حق عنود

يرن تلفون عنوود وهي مرتبشه ف الغرفه قاعده ع المنتدى وشاعطه ع (وعيت بادوره وعيت باناديه وعيت بادوره ياراحت فوادي بروح ف السيدرك صوب المحابيبي)

وتنتبه لتلفونها الا الريم يتصل بك .. تقول ف خاطرها شو تبا هذي احييين
الريم هبلووووووو
عنود اشعندج
الريم انكشفت
عنودهههه من منو خليفه ولا سلطان
ريم يالهبله من ندوي وسلوم نهايتي قربت انا زايغه
عنود كيف كيف فهميني
ريم طلعوا ف الحلقه الاخيره نسايب وبتي ندوي حق سلوم بتقعد عندها ف بوظبي
عنود هذا هو من يلعب على الحبلين
ريم اووووه مب متفيجه احيين انقذيني
عنودوانتي شو ما حسيتي انهم يعرفون بعض عنز ..
ريم اووووووووووهووووووووووو اشم ع ايدي انا وحده ف العين ف جامعه الامارات والثانيه وياي ف الجامعه
عنود تبين شوري ..
ريم قولي
عنود غلقي مبايلج ..لا تنسين باجر عرس اخوج .. وبتتوترين
ريم لا ماروم وندوووي
عنود قلعيها وبعدييين قوليلها تلفوني انصرق ف الصالون وضهرت بدل فاقد اي شي ..
ريم ظنج
عنود احسن
ريم خلاص انا بشوف شو يصير معاي وبخبرج
عنود اترياج
سكرت ريم عن عنود وبالها متشوش ماتعرق شو تسوي .. محتاره بين ندوي اللي تحبيها وسلوم لي تغظي وقتها معاها

======================================
في غرفه خليفه ... طرش مسج حق بيبي .. (لو كان بيني وبينج شي انسيه)
بيبي من شافت المسج بلقت ... شو هذا تخبل تقول ف خاطرها وع طول دقت ارسال
....... حبيبي
خليفه ساكت
..... حبيبي
خليفه سويتي لي براسج
..........ها لا انا ما سرت
خليفه صدقتج فديتج
........والله فديتك اني ماسرت
خليفه ايوااااا وليش ما دقيتي
.......ياقلبي انت امايه يوها ناس وحولت اساعدها
خليفه ليش ياينكم هناس
........نعم .. شو ما سمعت ..بعد ليش الناس ايون يسلمون ويسولفون ويروحون
خليفه اكيييييييييييييييييييييييييييد "؟ مب عشان شي ثاني
....فديييييييت لي يباي حقه بروحه
خليفه لا تظيعين السالفه احيييين رحتي ولا لا .. ماله داعي اسأل باجر من وراج
..... والله ما ظهرت من البيت .. احين بو حميد يقولي لا تظهرين واظهر .. انت ما تعرف يا حبيبي ان الحرمه لي تظهر مندون شور ريلها تلعنها الملائكه لين ما ترد
خليفه اااااااااااااااااااااااااااااااااااااااااااااااااا اااااااااااااااااه ريحتي قلبي ...باجر بمر عليج ع 10 عشان اوديج
.....عندي كلاس من 9لين 11
خليفه حبيبي ماروم العصر تدرين عرس الريايل بيكون
.............طرش كندورتك باجر اوكي
خليفه ليش ...
..........اباها ...
خليفه يصير خير .. انا بنام يالله اسكتي
..........بيبي ههههههههه اوكي تصبح ع خير ..

ورقد خليفه ع الخط وهي قاعده تسمع نصخه وتموووووووووووووووووووووت.. من الحسره ..

================
صباح يوم الاربعاء ..

في حصه الصباحيه ..رياضيات .. نوره حظرت بس الشيخه موزه بعدها ما حظرت..
وعندهم مس رياضيات فناااااااااااااااااااااااااااااااااااااااااااااااا اااااااااااانه كانت تدرس ف بدع زايد ..واونها عاد مصريه وغصب تتكلم مواطن لا وبدوي بعد ..هههههههههههه يعني نفس ابله عطيات
المس السلام عليكو يا بنيات
البنات وعليكم السلام ورحمه الله وبركاته
المس ايوا يا حبيباتي عاملين ايييه
البنات اوكي يا مس
المس تلاحظ الحنا لي في ايد نوره
المس شويا بنات في حد خطب عندكو ولا ايه
البنات فهموا انها تقصد نورو
نورهههههههههههههههههههههههه يالييييييييييييييييت يامس .. لا لا فهمتي غلط
المس لا ياحبيبتي فاهمه صح ..
نوره لا مس ترى باجر عندنا عرس اخوي
المس ايوا ايوا .. وتذكرت ان نورو يابتلها كرت دعوه .. (هذي المس تدرس نوره وموزه ف البيت ف عادي الميانه طايحه)
المس ..طب نورو وين موزو
نوره ماعرف ..
الا ع دخلت موزو
موزه سوري مس ع التأخير
المس ايوااا ياحبيبتي عاشو عاشو هالبدع زايد متأخرين
موزه هههههههههههههههههههههههههههههههههههههههههههههههههه .. ودشت قعدت
نوره ها مفرقه الجماعات هادمه الذات
موزه ههههههههههههه ليش
نوره جب ..خليني اقردن المس
نوره ... مـــــــــــــــــــس
المس ..ايوا ياحبيبتي
نوره مس بندرس
المس امال انتي جايه المدرسه تعملي ايه ؟؟ ترقصي مثلا .. انا اقوووول تخليني طقتك لبكره هههه
نوره لا يامس خلينا نحن التقويم وياج
المس لا انتوا حلوا دلوأتي ع دفاتركو .. وانا بشوفهم
نوره اوكي شكرا مس
المس نورو تعالي عيزاكي
نوره تقعد ع الارض ايوا مس
المس ايوا بكره الفرح استنيني
نوره اوكي ..مس نترياج ..
وكملوا الحصه ضحك وسوالف ويا المس
==================
في شركه بو سلطان ..
خليفه طق طق طق
بوسلطان ادخل ..دش خليفه .
بو سلطان حياك الله ولديه تعال بعد امت تدق الباب ..
خليفه سمحلي قالولي مشغول بس انا كنت ابااشاورك بخصوص المعدات ناخذهم
بوسلطان بكم هن ..
خليفه وحده بمليون ونص ووحده اب تسعميه الف ..
بو سلطان انت تحسهم مناسبات .. انت تدري ان المشروع يستاهل . وانشالله بنيب سعرهم
خليفه عيل توكل ع الله ..
وشوي ويسمعون ...طق طق طق
بو سلطان تعال
سلطان .. السلام عليكم
بوسلطان فز قلبه يوم ساف ولده داش الشركه .. هلالالالالالالالالالالالالالالالالالالالا هلالالالالالالالالالالا والله حياك الله تو ما نورت الشركه ياولديه
سلطان منوره بووجدك ويحب ابوه ع راسه ..
بو سلطان اشعنه يا ولديه ماتهد شغلك واتي تشتغل عندنا
سلطان هههههههههه ودرته الشغل
خليفه وبو سلطان والله ..
سلطان هي خذت اجازه ..تعرفون معرس وزقرتي ابااسير الصالون
خليفه وبو سلطان ههههههههههههههههههههههههههههههههههههههههههه يحليلك
خلييفه توك مغصوب
سلطان يعني تباني معرس مجحف ..
يالله ابويه بستأذت بنسير انكمل التجهيزات
بو سلطان الله وياكم
ويوم ظهروا الاخوان رفع راسه بوسلطان وشافهم وهم ضاهرين رباعه وقال الله يخليكم لبعض ولا يفرق بينكم وكـــــمل شغله ..

========================
في مكتب خليفه ..
سلطان عندنا سهره اليوم بتخاوينا
خليفه خاف ربك اليوم عرسك وبتسهر
سلطان هههههههه شويعني بدش عليها انا اليوم .. ياريال خلني استانس ..
خليفه شو كلمت سعيد وحمد رتبت وياهم حق اليوم تدري بيون الكباريه قوم ال حامد وكبار الشخصيات ف الدوله .. نبا عرس عدل ..
سلطان انا بسير الصالون رتبلي انت ... دخيلك
خليفه عيل توكل على الله واان بجهزلك كل شي
توه سلطان بيقوم .. وقال تعاااااااااال اشحال الحب ..
خليفه هههههههههههه بخير تسلم عليك
سلطان يعني اعترفت ان في شي
خليفه هي في شي .. واشياءبعد
سلطان هههههههههههههههههههههههههه عدل عدل عدل هذي الهقوه فيك
خليفه والله شو سويت انا كفرت .. احب وحده وبتزوجها
سلطان ليش قلن بنات الناس
خليفه اقولك هذي بنت ناااااااااااااس ولو ما خذتها ما باخذ غيرها فاهم
سلطان تعيش وتنسى ... باجر تكبر وتحب غيرها
خليفه خير انشالله . ..سير كمل مشوارك ....
دق خليفه حق سعيد الكتبي
مرحباااااااااا القبيسي
خليفه الله يحيك يابو عسكور ..اشحالك ..؟؟
بخير وعافيه
خليفه هااااااااااا شو ع الوعد انشالله اليوم
هي انشالله الساعه 6 نحن ف ارض المعارض
خليفه ع خير .. هي تعال بتخبرك.. كلمت الخاصوني والفلاسي .. تعرف ابااسوي ميدان ثاني هههههههههههههههههههه
ههههههههههههههههههههههههههههههههههههههههه
سعيد .. لا افا عليك لسويلك شي ماصار ولا استوى.. شوصار ف موضوع حمد بيكم
خليفه بكلمه احيين وبنشوف
سعيد خبرني فديت خشمك ابا ارتب اغاني وياه
خليفه خلاص عيل ترتبيشن ..نتشاوف عيل
سكر خليفه عن سعيد ورتب التجهيزات
=====================
سلطان ف الصالون ما خلا خدمه ما سواها .. عنده ..جنه عروووووووووووس ..حمام مغربي .. منكير بدكير .. تنظيف بشره .. وتحلق وكل شي ..وراح ياب الكنادير من دراي كلين .. وعطاهم اخته حق تدخنهم وتعطرهم ..
مريم دخنت كنادير خليفه انشالله .. امايه انا مب مصدقه ان سلطان استوى معرس
ام سلطااان ... تصييييييييييييييييح من الفرحه ,, الله يخليكم لي ياربي ..
مريم .. فدييييييييييتج يمايه .. وتحبها ع راسها.. انا بقوم اكلم العروس ..
............
دقت مريم حق ساره
ترن ترن .. الوووو
مريم حيالله العروس الحلوه
ههههههههههههه فديتج الله يحيج فديتج اشحالج
مريم بخيرانتي اشحالج
ساره معتفسه مع مالت الحنا من ساعه ادللها بيتنا وما وصلت هههههههه
مريم ع خير انشالله .. عيل فديتج ما بطول علييج .. اشووووووووفج باجر ياحلى عروس ف العالم
ساره ماتقصرين ومشكوره ع الاتصال.. سلمي ..

سكرت مريم عن ساره .. وهي مستانسه .. وسرحت شوي قعدت تذكر فرحتها يوم كانت عروس .. وفجأه يرن تلفون البيت .. وتنتبه مريم

الووووو
خليفه هلا الغاليه
مريم دخنت ثيابك انت معرسك
خليفه هههههههههههههه ناس عيونهم سود بيدخنونهم فديتج ..
مريم هههه
خليفه فديتج دشي غرفتيه وظهريلي كندوره بيج وغتره حمرا ووزار وفانيله ..
مريم شو بتتسبح بيت الناس
خليفه هههههه ما يخصج يالله عطيني 10 دقايق وانا برع ..
مريم .. قامت تجهز اغراض اخوها وهي مستانسه

====================
خليفه دق حق بيبي ....
....... هاغنايه
خليفه فدييييييييييييييت صوتج ..
........ وينك
خليفه ربع ساعه وانا عندج ..
.......... صدق ..
خليفه هي بخطف عليج وعطيج الاغراض ..
.........اوكي انزلك
خليفه لا انا بظلع لين الطابق .. وبسوي جرس بشوفج وبرووووووح
...... اوكي احسن ..
خليفه عيل برايج انا جدام البيت
......اوكي باباتي ...

================================
خليفه كان مسوي مفاجأه حق كل وحده من خواته .. خذلها ساعه شوبارد كل وحده شكل ,,, حق يكشخن فيها ف العرس .. وطلب وحده حق (بيبي) طبعا ساعت بيبي غير ... طلبلها الساعه لي ف ستايل غاليري ..لي داخل مكتوب اسمها .. فاطمه خظراء لان يذكر انها فصلت حق عرس سلطان اخظر ...

مر المحل وشل السوع .. وراح البيت...
طيييييييييييييييييييييييييييييييييييط طييييييييييييييييييييييييييييييييييييييييييييييييط

مريم .... اففففففففففف من حشرتك يا خلووووووووووف
وتظهر خليفه حق اخوها .. وسلمت عليه
خليفه مريم خذي هذا الكيس ,, وسامحوني كان ودي باكثر .. كل وحده بتلاقون اسمها ع البكس ... والعقد العود حق امايه ..
مريم فديييييييييييييييييييييييييييييتك ما نبا عليك شي ليش متعب عمرك ابوي تدري انه ما قصر وسلطان عطى كل وحده 10000 حق تجهز فستان وحاله ليش معبل ع عمرك ..
خليفه انا ما عندي حد اغلى عنكم .... واباكم ترتزون انتوابنات حميد القبيسي ...
مريم ماتقصر وتحب راس اخوها .. ايوااا تعال شو يبت حق الناس لي عيونهم سود
خليفه براويج .. وخبريني بيعيبها
ويفتح الصندووووووق ...
مريم ينت .. تمت تطالع الساعه وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااو تخبل
خليفه والله بيعيبها ..
مريم اكيييييييييييييد شو الساعه تجنن
خليفه زين عيل باي بروح اوديلها ..
مريم تحبها ..
خليفه اااااااااااااااااااااااااااااااااااااااااااااااااا ه .. برايج وريوس مسرع وضرب بريييك بسرعه مريم
مريم عوووووووووونك
خليفه باجر الحب يايه العرس ترى ..
مريم بنشوفها
=================================
وسار خليفه عن مريم .. وسار صوب وابيلا ... وين ساكنه بيبي
ويركبلها بدون ما يدقلها ..
دق الجرس . وراح بعيد ...
يت فاطمه وفتحت الباب وهي لابسه عربيه تـــــــــلـــــــــي زرقا
وقرب شافها ..(نــــــــــــــــــبـــــــــــــــض شــــــــــــــريـــــــــــــان قـــــــــــلــــــــــبي رحــــــــــب بملتقاك) تخبل قالها اااااااااااااااااااااااااه متى بظويج بيتي
بيبي .. ظحكت ... بيبي شكلك وايد تعبان...
خليفه بعدين بنتفاهم .. خذي هاا هذا لي تبينه .. وكا (خاااااااااااش الهديه اخر الكيس)
بيبي تعال الساعه 5 اوكي ..
خليفه امج وين ..؟
بيبي ف دبي
خليفه انتي روحج هنيه
بيبي اتريا خوالي ترجع من المدرسه
خليفه خليني اريح عندج
بيبي لا لا لا ماروم يالله روح ارقد
ورااااااااااااح خليفه .. وهو بقكر ف بيبي ..
===============
دق خليفه حق اخوه سلطان وحصله راقد توه راد من الصالون تعبااااااااااااان
... دش خليفه وخذا دوووش وريح شوي ...
================
بيبي تشل كنادير خلوف وتتفداه ...خلص الكيس وتشوف كلبه مجلده بجلاد ستايل غاليري ..
استغربت.. فتحتها .. وشافت الساعه .........تخبلت عليها وقعدت تتفداه
وقامت تدخن اغراضه ...

===========================
ف بين بو سلطان الساعه 4 البيت منجلب فوق تحت ..

قامت مريم ووزعت ع خواتها وامها ..عنزلت خليفه
ويسمع امه تقول عطيتنا من خيرك يابو حميييد
ويوم نزل خليفه سلمن عليه خواته وشكرو عالسوع الغاويه ..
وهو كان منحرج منهم ..
خليفه امايه بعد شوي .. زقرتي الشيبه خليه يظرب بالبشت ...
ا م سلطان لا تخاف بو سلطان ما يخرب الساع ..
وظهر خليفه بصوبه لبيبي بياخذ لبسه ..

=======================
في غرقه سلطان يرن تلفونه .. ناصر
الووووووووووووووووووووووووووووووو
سلطان بصوت تعبانه اشعندك
هههههههه خوش معرس والله راقد قم
سلطان يريال ورانا سهره خلني اريح
قم قم يالله تسبح تجهز .. الربع كلهم ياين

وقاااااااااام سلطان وصلى العصر وتسبح وتزقرت .. ونزل حق ابوه ...
بو سلطان ف الصاله الله حيبه المعرس
سلطان ابوي استحي
يالله بنروح بالبنتلي انا وانت ..
بوسلطان اول توديني لفه ع الكاسر وعقل بنسير العرس
سلطان هههههههههههههههههههههههههههههههههههههههههههههههههه ه يالله شو ورانا

===================
خليفه .. بيبي نزلي لاغراض
بيبي حبيبي انا ما عرف شو اقولك بس الكندوره انحرقت
خليفه شووووووووووووووووووووووووووووووووووووووووووووووووو ووو
بيبي ساكته تبا تظحك
خليفه ما تسوى رمسج الا كندوره هذي احين بيب غيرها
بيبي لالا لالا تعال اكي تعال اتلبس ..
خليفه اوكي باي
===============

[بنت البلاد]

استغرب خليفه انها مايابت طاري الساعه وتلوم فيها واااايد ان يمكن ما عجبتها ..

شوي ولاايه مسج ...
من بيبي ((باباتي انا ما با منك شي صدقني ان وجودك ف حياتي هذي احلى هديه عطاني ياها ربي انامب طماعه وما شي غيرك ..الساعه تجنن .. وااايد حلو .. واحـــبك يابوحميد))
من قرى المسج فز قلبه ورد طرشلها (حبيبي والله لو اقدر جان يبت اكثرعن جي هذا مب قدرج يام الغالي)

=====================
رد ركبلها خليفه ..
دق جرس ....
ويوم فتحت فطيم
قالها احبج ...
قالتلها يالله ما بتتلبس ..
ودش وتلبس خليفه وهو قاعد ع الشبريه وهي تسوي عقم الكندوره واتيب الدهن عود وتحطله وراي اذنه وعند خشمه وتمسح بيده.. وخليفه يطالعها وهو منصدم .. ويقول ف خاطره متى تكونين حلالي ..
تنبه خليفه ان فطيم خلصت..
خليفه بيبي باجر انا بوديج العرس انتي فاهمه...
بيبي لالالالالالالالالا حبيبي بيكون في استقبال بيشوفون سيارتك ما با
خليفه مب كيفج ..
بيبي فليل بنتفاهم يالله سير اتأخرت ..
=================
وظهر عنها خليفه صوبه للقاعه ..
ويدش ويشوف ان كل شي جاهز والابو مرتز بالبشت يرحب بالمعازيم والتصوير شغال ماشي مع كل من يسلم ع المعرس ..
ويا خليفه ورتز صوب ابوه ..وشوي الا اي بو سيف وسيف ويوقفون عند الاستقبال ...وخوان العروس واقفين وياهم ..
وصل الشيخ محمد بن بطي .. وفزعله بو سلطان ..
مرحبا مرحبا الساع ..وكان سلطان وخليفه وياه
والكيمرات ماشي شغاله ..
ورحبوبه وماقصر والله معاهم .. وقف وجنه ولده ..
ويو المعازيم ...
وقام سعيد الكتبي ..يرحب بالمعازيم ويهني المعرس ..وبدى ع طول ..
بغنيه ..قلبي خذاه لي ساكن دبي .. لان كانت احدث اغانيهم ..
وماشي اشتغلوا الشباب باليوله.. وقام سيف شله الهوى .. وقام ييووول معاهم والكل استغرب من يواله سيف ما تخيلوه لهدرجه يويل .. وكان هو والخاصوني والفلاسي ويا بعض واتفقوا يسون نفس الحركات
وشوي الا بو الكباريه وانترست القاعه..وظهر حمد العامري يرحب بالمعازيم بارك للموجودبن
وقالهم اغنيه خاصه ..(ياوصفه الحب يادكتوري وطبي ياراحه النفس في دنياي بكملها ) من سمعها سيف فززززززززززززز قلبه وذكر قلبه نورو وقام ييوووووووووووووووووووووووووووووول ونزل عند عمه بو سلطان ويأشرله يوم يقول ياكبر حظي ان حقق مطلبي ربي ..
تخبل سوااااااااااااااااف ع الغنيه ..وحركات .. وهو والخاصوني ...
وشوي .. الا يا راشد ولد يارانهم ..برغم من ان راشد اكبر عن سلطان الا انه كاااااان وايد معاه وسلطان ايام الطفوله ماكان يستنجد الا براشد ..
السلالالالالالالالالالالالالالالالالالالالالالام عليكم ..
بو سلطان وعليكم السلام هلا هلا بولديه العود
راشد مبروك مبروك كيف جي تخطب حق اخويه قبلي
بو سلطان انت مأخر ولا نحن الود ودنا نسويلكم عرس واحد
راشد يقول ف خاطره جان زين العروس الا من عندكم ...
وقام راشد وسلم ع خليفه وسلطان ووقف وياهم ف الاستقبال والشهاده لله ان ما قصر وياهم وكان يشل ويحط جنه عرس اخوه ..
والمعازيم يسولفون والشباب ملتهين باليوله ..
ينتبه سلطان ان ربعه وصلوا
\سالم احسن الله عزاك
سلطان هههههههههههههههههههههههههههههههه
سالم او سلطون غربلاتك ما عرفتك ش الكشخه شو الرزه
سلطان عيل تبا ربيعك مجحف
فيصل وهو مجبور وكله ما يبا يعرس لو يبا يعرس ما نعرف شو بيسوي ويضحكوم
سلطان اقربوا اقربوا ,,وسلموا ع الموجودين وهم بعد ما قصروا ف العرس ...
......
اذن العشا وقاموا يصلون .. وبعدهم ردوا للعشا .. وما قصروا .. كل شي لي تشتهي النفس ولي ما تشتهي موجود .

ويوم خلصوا العشا ردو لصاله الاستقبال ..
قام سعيد ورحب فيهم مره ثانيه وقالهم ياشباب اليوله ترى خليفه خو المعرس حط 10000 درهم الشاره وخلونا نشوف يوالتكم ..
ويا راشد وزادهم بعد 10000 درهم ..

يالله بنبدى .. وغنى العامري العيون السود والرمش الريشا ارسلك ربي الخفاق علام ...
ووووووووووووو شو سوو الشباب خلو الساحه لسيف والخاصوني والفلاسي ... وكل واحد يتحدى الثاني .. وفي كم واحد من الصغاريه ..
وقام راشد سحب خلوف لي في خاطره يرزف بالعصى .. وخذوا لفه يرزفون .. وشلو بو سلطان وسلطان .. وربعه سوو سايدين وتمو يرزفووووووووووووووووووووووووووووووووووووووووووون وما شي الوناسه فووووووووووووووووووووووووووووووووووووووووووووووووو وووووووووووووووووووووووووول .. ويوم قربت الكيمرا عليهم .. خليفه يالله عاشوووووووووووووووووووو تحت تحت .. ويقعدون ييبسون لين تحت .. وستوا الرزيف لي ماله والي ..كا العرس صدق ربشه..
ويوم حان وقت اعلان النتايج .. سعيد وحمد احتاروا منو يعطون فقالوا بنسأل خليفه ..

خليفه ما عرف شو يسوي يزيدهم بعد 10000 حق الثالث .. سألو راشد .. قال شوفوا الاول عطوه 10000 والثاني والثالث 5000 شو رايكم ..
خليفه ظنك جي
سعيد بس منو الاول
راشد مادريبكم كلهم يوالتهم زينه
حمد لاتنسون ان الخاصوني بطل فزاع لليوله .. يعني يوالته ماعليها كلام
راشد انا اشوف ان يوالت سواف حلوه
خليفه ايكم راي .. قولولهم انتوا لي فزتوا وخلاص .. ما نعرف ..
وقام سلطان بيعطي الفايزين الجوائز ..
ونادوا بالخاصوني بالمركز الاول وعطوه 10000 درهم
وعقب سيف والفلاسي كل واحد 5000
قام سيف وقال مشكورين ع كل شي بس انا شارتيه بعطيها الصغاريه لي كانوا ييولون وعطى كل واحد فيهم 1000 استانسوا الياهال .ز

ودروا ييولون.وتموا الناس تخف كل ما ياها ..
ربع سلطان .. المعرس نحن بنتسبق دبي ..الحقنا
سلطان اوكي انا احين بظهر بسير ببدل ف البيت وبيكم
ربع سلطان الله الله ف الطريج ..
سلطان يو تو
سلطان ما قصرتوا والله ومشكورين ع الييه
الشباب عيب هالكلام ما بينا انت اخو وعزيز وغالي
سلطان عقبالكم ..

وراحوا الشباب قبظوا خط دبي ..

راح سلطان حق ابوه .. ها ابويه الساعه 12نتوكل ...
بو سلطان يالله ..
ويهم راشد كان عند خليفه عند سعيد الكتبي
راشد سلطان مال الفرقه بيروحون
سلطان برايهم خلاص
راشد يأشر حق خليفه انه خلاص ..خله يوقفون ..
راشد بالله عيل فديتك سلطان منك المال ومنها .... ههههه
سلطان فديتك عقبالك ياربي ومشكور وما قصرت بيضت الويه صراحه
وقام راشد سلم عليهم وركب سيارته ..
وقاموا خليفهة وسلطان وابو سلطان ردوا البيت ..
الا يشوفون كل البنات قاعدت ف الصاله متحرقصات يبون يعرفون شو صاير
ام سلطان من شافت حبيب قلبها بالبشت قعدت تصيح
سلطان فديتج يامايه هذو لي تبينه ترى صار وانا معرس الحين
ام سلطان من فرحتيه عقبال خليفه ..يارب
الجميع انشالله ,,
وقام خليفه وسلطان سارو فوق ع اساس بيرقدون .. كل واحد دش غرفته وخذا دووش .. وبوم يو يظهرون التقوا ع الدري .

خليفه بصوت واطي المعرس ..
سلطان يرد ورا .. ها الحبيب
خليفه معزم ع دبي
سلطان هي انشالله .. انت وين ابها
خليفه بعد ..ع كلن تحمل ع الطريج انت وطمني عليك
سلطان ما يهمك ..
ظهر سلطان وركب سيارته وع طول بونوره يبا يظبط المزاج وقبظ الطريج ..

اما مغرم صبابه .. سار صوب الكاسر يرمس فطيمي
خليفه ..الو
بيبي هلا حبيبي
خليفه يادبه تولهت عليج
بيبي انا اكثر ..ها خبرني شو عرسكم
خليفه فله فله ما يباله
بيبي شفت صورت فديتك تجنن .. اااااااااااااااااااااه
خليفه بيبي امج يت
بيبي هي طبعا
خليفه اهاااا .. شو عن باجر .
بيبي ماشي حجزت ميك اب وشعر باريس غاليري ...ووانت تعرف شو بلبس تحييد لي سويته ف دبي الفستان الاخظر
خليفه بيبي امر عليج اوديج العرس
بيبي لا حياتي ..
خليفه هو بشورج لانه ..

وقعدوا يسولفون ويا بعض لين 5 الفجر هو واقف ع البجر بالسياره وهي ف بيتهم ..
اما راشد لي ماياه رقاد هذيج الليله وهو يذكر مريم .. واخوانها .. وانه يعرف سلطان بس الايام والربع لي خربوا امبينهم ..

اما سلطان لي كان عند غنتوت.. وهو شاعط على ايوووووووووووووووووووووووووووه قلبي عليك التعااااااااااااااااااال
ويدق حق ناصر مايرد
يدق حق سالم مايرد
بدق حق خالد مايرد
يدق حق راجو مغلق
يدق حق فيصل ابد ن
ولا واحد منهم يرد

ويوصل مسج حق سلطان ,,,,,,,,,,,,,,

===========ا

اتمنى الجزء يعجبكم ..
شو توققعاتكم ..
ربع سلطان ليش مايردون..

وشو هالمسج لي واصل حق سلطان هالوقت ...

تتوقعون ريم بتنكشف ,,؟؟

وشوبتكون نهايه ريم مع سلامه .. بتم وياها ولا ويا ناديه ..

تتوقعون بيبي ترضى تشوف خليفه بالكشخه ..

كيف ممكن سلطان يعامل حرمته ..

[بنت البلاد]

السموحه ..

الجزءالرابع ..

يوصل مسج حق سلطان وهو ف الطريج ..من رقم غريب

(الـــــف مــــبـــروك)

استغرب سلطان الرقم .. بس ماكان هامنه وااايد لانه كان منشغل ويا ربعه ليش مايردون عليه ..
كمل طريجه سلطان وقعد يفكر برقم .منو هذا ؟؟

وليش يطرش احين ..

طرش مسج .. منو ؟
ثواني الا مسج واصل حق سلطان ..

(انا ساره) ..سلطان سوى طاف حق السالفه وقام غلق موبايله ..

وصل سلطان الفيلا .. وقعد يصيح هرن ..

الا وراجو ياي يركض يفتح الباب ..
سلطان راجو ليش تلفون مالك مبند ؟

راجو بابا مافي ارسال داكل انا شو يسوي ..
سلطان بابا فيصل وسالم وخالد كله موجود
راجو ايواا في واجد نفرات داخل روح روح
سلطان اطمن شوي ع ربعه انهم بخير ..

ودش الفيلا لي كانت الاغاني مشعوووووووووووووط عليها تنسمع من على الشارع ..

دش وسلم ع الشباب ..

وبدت السهر اغاني وضحك وسوالف .. وغيره .. وغيره
كان الجو فضيييييييييييييع ف السهره وكانوا يتمنون ان الساعه توقف وما تخلص السهره

ع الساعه 5 الفجر قام عنهم سلطان بيرقد .. والربع قاعديين ..
===============
صباح يوم الخميس الساعه 2 الظهر ..

مريم قايمه توعي خواتها ..

راحت صوب غرفه ريم
طق طق طق
ريم منووووووووووووووووو (وهي معصبه )
مريم انا يالله نشي ورانا صالون
ريم تو الناس شو بلاج انتي
مريم بتقومين ولا نروح عنج انتي ناسيه موعدنا عند الحرمه الساعه 3
ريم اوووه انزين انزين
وطلعت مريم وسارت صوب نوره .. لي حصلتها توها ظاهره من الحمام متسبحه
مريم نعيما
نوره ينعم عليج
مريم الحمدلله انج واعيه
نوره هه لاتخافين اهم شي وعيتي الريم
مريم هي توني
نوره اقولج نحن بنرد البيت بعد الصالون
مريم ليش
نوره عشان اعرف اشل الذهب ولا لا
مريم مب انتوا حاجزين تصوير عند سولو الساعه 7
نوره هي
مريم خلاص عيل مافي وقت اكييد لازم نشل الاغراض بنتلبس ف الصالون وبنسير مره وحده صوب ارض المعارض
نوره اوكي ..
مريم يالله انا بحول اترياكم تحت بخبر امي عن هذا المخطط
=============
نزلت مريم صوب امها
مريم اماااااااايه
ام سلطان هلا فديتج
مريم ها اشحالها ام المعرس
ام سلطان محتاسه بعد اشحالها
مريم اوووب ليش
ام سلطان ماعرف البس الثوب الحمر ولا الخظر
مريم اكييد الخطر .. حق تلبيسين وياه عقد خليفه
ام سلطان يالله شورج وهدايت الله
مريم امايه ترانا بنظهر ظهره وحده بنسير الصالون وعقب من هناك بنيج القاعه
ام سلطان لا تتأخرين اتم وقافه بروحي ف الاستقبال وقفوا رحبوا معايه
مريم اكييد ع 8 نحن عندج انشالله
ام سلطان انشالله

ونشن البنات وسارن صوب دولا مالت الصالون وهناك لقوا بنات عمهم ..

==================
الساعه 5 العصر ..
خليفه يدق حق سلطان ومحد يرد عليه
دق حول الخمس مرات ومحد يرد ..
زاغ خليفه ..وتمت الافكار تودي واتييب ..ياترى ليش مايرد ؟؟؟ اخاف صار عليهم شي
وماعرف شو يسوي قام ودق حق بيبي
خليفه بيبي ماسرتي الصالون
......موعدي ع 8
خليفه تصدقين ماعرف وين سلطان
......شووو ؟ وينه
خليفه ف دبي
...... متى بيرد
خليفه بيبي هو مايرد علي وماعرف شو اسوي
.......دق حق حد من ربعه
خليفه لحظه تمي ع الخط
وقام دق حق راشد ..
خليفه حيبه بو سنيده
راشد هلا والله
خليفه اسمحلي ازعجتك بس بغيت اتخبرك تعرفررقم حد من ربع سلطان هالشله التعبانه
راشد عندي رقم فيصل
خليفه عطني اياه فديتك
وخذا رقمه وقام دقله
خليفه الو
فيصل هلا
خليفه فيصل انا خليفه اخو سلطان
فيصل هلا هلا اسمحلي ماعرفتك
خليفه مسموح فديتك
فيصل امـــر
خليفه مايأمر عليك عدو بس اباعرف سلطان وين وليش مايرد علي
فيصل وين اخوك دش ينام ع 5 الفجر اكييد راقد انا طلعت عنهم ع الساعه 4 سايرصوب العين
خليفه ما بامر عليك بس ممكن تخلي حد من اللي هناك يوعيه ويرمسني
فيصل حاظر
وسكر خليفه عن فيصل وهو يتريا اتصال سلطان ..
يرن تلفون خليفه
سلطان الووووو بصوت تعبان
خليفه وينك
سلطان ف دبي
خليفه احلف ادري انك ف دبي قم الله تعال عرسك اليوم
سلطان اوووووو انزين بطلع 8 وبوصل
خليفه قلتلك احييين تظهر شوانت ماتحاسب امايه تتخبر عنك وابويه مثل
سلطان زين زين يالله فكني بتسبح وباي
خليفه اوكي نترياك
سلطان الله يخليك خل مريوم ترتب قسمي
خليفه ليش
سلطان يعني وين اودي الحرمه
خليفه بتظويها البيت
سلطان ها وين القمر ؟
خليفه احجز ف فندق بات هناك
سلطان انا حاجز بعد يومين بنسير باريس ...ليش هالمخاسير انشالله ؟
خليفه ولو سير احجز ف فندق هاليومين مب حلوه تضويها البيت
سلطان الحرمه مالها الا بيت ريلها وين تبا تظوي انشالله ...
خليفه عنبوك البجر وجي بتسوي فرح امايه ع الاقل
انزين احجزلي ف قصر الامارات ..حق 4 ايام ..
خليفه انشالله
سلطان اقولك تحيد يوم اتين مريوم ف عرسها الصبح يوم تكون لابسه العقد وقالت هذي الصباحه مادري مصبحيه
خليفه ههه صباحيه هي شو فيها
سلطان ابا اسوي جي
خليفه وليش ماقلت حق مريم انا شعرفني
سلطان اوووووو دبرني الله يخليك ..
خليفه بدبر ..
سلطان انزين هذي شو تكون
خليفه جنه فلوس او عقد
سلطان ابا الثنين ابا عقد من داماس يطر العين
خليفه اوووووووب اوووووووووووب وتوك ماتبا تعرس وحاله
سلطان يالله عاد كل هذا وجه اجتماعيه اسمع خله يحطون داخل العقد 20 الف اوكي
خليفه مافيك حيله .جي اباك ياخويه فكر كيف تحافظ ع حرمتك ترى الحرمه غير عن الربيعه وهم ناس خيرين ؟؟وانت لازم تغير نضرك عن الزواج
سلطان اوكي اوكي يالله بظهر انا
خليفه برايك
سلطان طمني علييييك وخبرني كل شي اول باول
خليفه اوكي
سلطان ..قعد يفكر بكلام اخوه شوي .. وسار خذا دوووش
===============
دق خليفه حق بيبي
.....الو
خليفه فديت صوتك
......فديت عمرك وينك لقيت اخوك
خليفه هيه حصلته ..حبيبي
......لبيه
خليفه انا رايج المول ..بسير داماس باخذ صباحيه اخويه
.....انصدمت ..اهااوكي روح ..شو المطلوب مني
خليفه ابا رايج انا اشعرفني
.....اوكي
وسكر خليفه وكمل طريجه للمول ..

اما بيبي ..حز ف خاطرها وايد ان خليفه ياخذ صباحيه اخوه ..ودارت ف خاطرها وايد اسأله
ليش ما فاتحني بالزاوج؟؟؟
ليش شو ينقصني انا؟؟
عشان كلمته ؟؟
بس مب انا لي عقيت عمري عليه هو من ايام الثانويه يلاحقني ويباني .. حتى ماكان عندي تلفون ..كان يدق ع تلفون البيت ؟هو علمني على كل شي ..انا مالي ذنب ف كل شي ,,
وهي تفكر بهذا كله نزلت من عينها دمعه
تنبهت الا (باباتي)يتصل بك
مسحت دموعها وردت عليه
الو بصوت في بحه
خليفه ها بيبي انا وصلت
.....اوكي
خليفه يالله بصورلج وبرد عليج
...اوكي
خليفه حس ان بيبي فيها شي بس ماحب يتكلم لان المحل كله حريم
اما بيبي حز ف خاطرها ازياده ان حتى ماعبر ولا حس من صوتها انها مظايجه قبل حتى لو امبوزه يعرف واحين ملتهي بصباحيه مرت اخوه
وقامت ورددت اغراضها لي جهزتها حق العرس
وحلفت ما تسيرالعرس
ويوم شافت تلفونها حصلت 3 مكالمات لم يرد عليها و6 مسجات
وقامت ودقت حق خليفه
الوووو
خليفه هلا وينج انتي مارديتي علي
بيبي اسمحلي ماشفته
خليفه ردي علي اي طقم اختار
بيبي اوكي اصبر بشوفهم
وتمت تفتح المسجات وتشوف العقود وكل واحد احلى عن الثاني
بيبي خليفه انااقول العقد 4 حلو وفخم
خليفه نعم شو ماسمعت
.....شواقولك العقد 4 حلو
خليفه لا قبل اانا شو اسمي
.....خليفه ولا غيرت اسمك وانا مادري
خليفه لا ما غيرته وشله تناديني بسمي ليش ماتقولين حبيبي
......ليش اقول حبيبي (حبي ومستقبل غيري)
خليفه فعينج مافي وحده عقبج اظويها البيت ..يانتي ولا والله وغلات من عندي غالي اني ماعرس من عقبج
.....كلام ...باجر تنسى
خليفه اوكي بتين العرس وبراويج شو بسوي
....انا مب رايحه العرس
خليفه نعم نعم شو ع كيفج
.....انا حلفت مااسير
خليفه هي شورج ف راسج انتي
....عاد انا حلفت ...انت شو انسان ماتحس ماتغار .. ماتفكر اني انسانه عندي مشاعر ...احبك اغار عليك اباك حقي روحي ..وانت ساير تاخذ صباحيه اخوك شوانت كنت حاط عينك عليها .. ولا شوالسالفه وبعدين يوم ان اخوك مب مهتم ومسوي سالفه انت اشحقه مهتم جي ؟؟

وهي تقول هالكلام ...جان تصيح من القـــــــــــــــــــــهـــــــــــــــــر
خليفه ياحياتي ياعمري يا قلبي يالبيبي مالي انتي
تدرين ان سلطان كيف .. وانااسوي كل هذا عشا يكون اكثر جديه بزواج ..وبعدين انتي تدرين شو بالنسبه لي .. اوكي انا بظهر من المحل وما باخذ شي اوكي حبيبي هذا الشي بيرضيج
.....سكتت
خليفه وهو معصب بيبي ردي اوكي اقولج بظهر بيرضيج
......لا
خليفه ها شو عيل ليش زعلانه
.......انا منقهره بس لانك ماتحبني وماتهتم فيه شرات قبل
خليفه انتي النصخ لي اتنفسه كيف مااحبج
بيبي تلومت ف خليفه وايد ولو حط شي ف باله بيسويه
......باباتي
خليفه ساكت
.....حياتي
خليفه ساكت
....حبيبي يعني مايصير اغار ع بو حميد
خليفه مسوي طاف وقاعد يكلم الريال لي يشتغل ف داماس وقاعد خليفه يشرحله ان يبا بكس ينحط داخله الفلوس والعقد وحاولينه ورد وعطى رقم الحجز عشان باجر الصبح يوديه
الريال اي اي اي فهمت عليك
خليفه توصى فيه الله يخليك
الريال ولا يهمك
ودفع خليفه وظهر من المحل
خليفه انزين برايج بكلم اخوي
....باباتي
خليفه نعم

.....احبك
خليفه من يسمع هذي الكلمه جنه حد راش عليه ماي بارد ماريوم يمشي تم ساكت
خليفه تبيني ارضى
....هي
خليفه اليوم الساعه 10 انتي ف قصر الامارات
.....مارووووووم
خليفه انا قلت لو تبيني ارضى تعاي ماتبين كيفج
.....ماروم شو ماتفهم
خليفه عيل برايج
....ليش
خليفه بس تكونين صاحبه قرار كلميني

=============
سكر خليفه ودق حق سلطان حق يوافيه باخر الاخبار
خليفه الو
سلطان هلا
خليفه وين
سلطان شاطي الراحه
خليفه بالسلامه
سلطان ها خبرني شو سويت
خليفه ماشي رتبت كل شي وبطرشلك مسج رقم الحجز مالك
سلطان مشكور والله تعبتك وياي والله ماعرف شو اقول
خليفه عنبو مابينا انت اخوي ولو متعب عشانك بتعب عشان منو
سلطان عساك سالم ياربي
خليفه ع خير انشالله

==============
الساعه 8 في قاعه ارض المعارض
الصاله كانت بروحها اسطوره كانت شي من الخيال كان العرس من الف ليله وليله ... كانت من تصميم شيما الشريف الكوشه الحلو الفخمه الغريبه وديزاين الطولات الغريب بالنسبه لناس ..
ويت المطربه وحطت معداتها
ام العروس ام عامر وتتكون من .. ام عامر .. وبو عامر متوفي .. عامر وعمره 30 سنه ماهذ بنت خالته شما وعنده بنتين (اليازي وروضه)اما علي عمره 27 وماخذ بنت عمته (عليا)ويايب منها ولد اسمه ذياب
وعبدالله اللي كان بعده ف التقنيه يدرس .. اما البنات ف كان عندها شيخه وعفرا ماخذين اخوان من دبي .. اما ساره ف بتاخذ سلطان
ام سلطان صدفت ام عامر عند الباب وسلم ع بعض وقعدن عند الاستقبال الا شوييدشن البنات خوات سلطان

مريم كانت لابسه فستان بني .. وكله تقطيع من تحت .. وقطع جلد علييه وكل شغله الستراس (الفصوص السوارفسكي ) كان شكل الفستان غريب والميك اب البرونزاجي وكانت رافعه قصتها ومسويه شعرها فير خفيف .. كانت تجنن محد كان يعطيها عمرها ..

اما الريم شيخه الحريم .. ع بياضها لابسه فستان احمر كله استراس فظي كان شكلها عروسه صغيره ورافعه قصتها وحاطه نفس الشريطه ع يمب .. كانت تجنن

اما نوره كانت لابسه فستان اخظر الغامج فظييييييييييييييييع حرير وكله ستراس وميك اب برونزي ورافعه شعرها مسويه مديل سعاد حسني ..طبعا كانت حاطه وصله لي ورا من شعرها عشان يبين نافش شوي وكانت رافعه قصتها عن ويها .. كانت تمشي بكل ثقه لان كان جمالها مب طبيعي .. جمال شيوخي

ووصلوا بنات عمهم .. لي كانوا كل وحده منهم كاشخه اكثر عن الثانيه ...

ووصلوا بعد خوات العروس وحريم اخوانها .. وماشالله عليهم حلوااات ... وبسرعه تداخلوا مع اهل سلطان .. وكانهم يعرفون بعض من زمان

وقفوا عند الاستقبال .. ورحبوا وهلوا بالناس ..

لين ما نترست القاعه ..
قامت ام سلطان وام عامر بيسيرن عند المعازيم ..

الا تغني ياوصفه الحب .. نوره تموووت ع هذي الغنيه .. وقامت ترقص عليها..
نوره من الطبع الرزين .. ف مشيتها .. ف اللي يشوفها يتحسبها شيخه .. ماشالله عليها

وهي ع الستيج .. وتتمايل يمين ويسار .. برقصها الخفيف ..

طاوله من الطاولات ..

ام محمد بتخبرج منو هذي لي ترقص
ام عادل انا اشدراني اكيد بنتهم
ام محمد سإلي ام سيف
ويشوفون ام سيف خاطفه يسإلونها عن لي ترقص
ام سيف ويايه بالستر هذي نوره مرت ولديه سيف
ام محمد هييه ماشالله والله انها حلوه
ام سيف طبعا وانا باخذ اي وحده ..
وقعدت ام محمد تتخبر عن البنيات وام سيف تجاوب ..
خلصت نوره رقص ونزلت الا تشوف مستها مالت الرياضيات ظايعه برع .. وتسير اتيبها

المس عاشو عاشو القبيسيه ترقص
نوره هههه تفضلي مس
المس اي الجمال ده امال موزو فين
نوره تعالي بوديج عندها
قامت نوره وودت المس عند موزو لي كانت كاشخه فستان ازرق وقعدت وياها

تعشوا الناس .. ففي زحمه الناس .. ظهرت مريم تبا الحمام هي وعنود بنت عمها
ساروا الحمام تعدلوا وهم ظاهرين يشوفون ولد ويا امه ..
سارت صوبهم مريم والعنود .. مرحبا خالتيه
ام راشد هلا هلا بنتيه وينو عرسكم انا ظعت ورديت لين البيت وخليت راشد ايبني
وعنود تسلم ع الحرمه ترفع عينها مريم وتشوف راشد وهو بيمووووووت ع الكشخه والعدله ,,,وهي كانت متغشيه بشله شيفون ف كل شي واضح .. تمت تطالعه لانه هو تم يطالعها .. جان تدق العنود مريوم وتنتبه مريوم يالله خالتيه بندش داخل ..
ام راشد ياولديه لاتسير خلك اهني
راشد انا مب متحرك من هني اتريااج فدييت ويهج
ظحكت مريم .. ودشوا هي وام راشد وعنود داخل ..
وقعدوا ام راشد عند ام سلطان
عنود مريوم مريووم ..
مريم هااا اشعندج
عنود منو ها الولد يجنن
مريم راشد ولد جيرانا
عنود ليش جي يطالعج
مريوم اشدراني انا ..
عنود علينا اعترفي
مريم ههههههههههههههه شو اقول يالله امشي

========
اما راشد لي ماقدرت يتحرك من مكانه وهو يشوف مريم ماسكه امه وسايره داخل ..
راشد ... اففففففففف شـــــــــــــــل قلـــــــــــبي عــــــــــنـــــــــــده وراحــــــــــــي

=============
ع الساعه 11 بتدخل العروس .. الليتات شوي شوي تتبند .. وفتحوا الشموع لي ف القاعه ..

والكميرات كلها عند الباب .. والناس عيونهم كلها تبا تشوف العروس لي يابت راس سلطان ..
وشوي تلف الكميرات صوب الكوشه لانها بتدخل من النص .. وينفتح الباب ف طرف الكوشه وتبدا الزفه اغنيه راشد واحلام (مرحبا ياجمل عروس فالوجود مرحبا بالزين كله والجمال .. مرحبابك يا وفا القلب الودود ياسنين المجد يامجد الرجال) .. وهي تمت واقفه حول سبع دقايق تستوعب عيون الناس لي كانت تطالعها .. وقلبها وده يظهر من مكانه ..
وهي كانت كلمه جميله شوي عليها فستان ابيض نافش ..وكله تور الوان ..فاتحه والتوب كورسيه الوان مع استراس ... والطرحه الطويله لي مشتبكه بالتاج .. والمسكه بس ماكان فيها ورد ..كانت مسكتها غريبه كلها الوان وحركات كانت ملكه في جاملها .. هيبه ف مشيتها .. وكانت ما تسمع الا والناس تشهد عليها .. ومشت ع الستيج يمكن ثلاث او اربع مرات .. وراحت صوب الكوشه حق تقعد .. وخذت بعض الصور منطلعت كل حركه لها صوره وهي كانت تدلع وايد ف الصور ف مشيتها ف ابتسامتها مع الناس وصديقاتها ..
ويت ام سلطان وام عامر فوق ع الكوشه سلموا عليها .. ويو البنيات وربيعاتها .. وسلموا واتصوروا ..

ورقصوا شوي .تمت قاعده بروحها ع الستيج ساعه ونص صور وضحك والناس لي تسلم عليها .. وشوي الا بيدخل المعرس وهي كانت حاسبه حساب هالحظه ان اكييد اهله بيدشون .. ف خلت المصمم يسويلها نفس المظله لي كله شيفونات الوان نفس فستانها عشان تلطع ف الصور مرتبه ..

وش المعرس .. وع يمينه ابوه .. وع يساره عامر وورى عبدالله وخليفه وسيف وعلي
وكانوا داشين ع اغنيه ..
اهلا عدد من هلي من مزون الغمام
شرت الهوى المطلي بالريج سوى كتام
الجيل لي عانلي موزون وله نظام
دكتور انا شاكلي وانا له بالتزام
لي من غظي معتلي
معذور ماينلام
فرقا المحب تخلي لي فالعظام احطام
الحال لك منحلي وتعاني من الاسقام
وعيد الوصل لي خلي ف بعض من الايام
شوف الحبيب يسلي يشفي جروح اقداام
خل الهموم اتولي
قو الصبر بعزااام
خلك حسين الدلي
لي له خدود انعام ..

ودشوا اتصوروا .. وياهم .. وع نفس الغنيه سحب خليفه سيف واقاموا يرزفون .. وسيف لي يدور نوره بعيونه .. يت نوره عند العنود ووقفت عدالها .. انتبهلها سيف ..وسار صوب اخته اونه يوم كان مقطع شوف الحبيب ايسلي يشفي جروح اقدام ..
وهو ماشل عينه من عند نوره وهو يرزف ..

وظهروا الشباب خاري ..
وقعد شوي سلطان ويا ساره .. وقام شل الطرحه عنها وتم واقف شوي يطالعها .. ويسمي ف داخله وساره منزله عيونها .. ماتقدر ترفعهم من المستحى .. وحبها ع راسها وقالها مبروك ..
سلطان طول الوقت من بهر من جمال ساره ..
ومر الوقت وخواته يرقصن .. ويصورن . حس بملل سلطان من كثر المجاملات ومن مالت التصوير لي سو جي وسو جي ..

=============
زفوا المعاريس ع اغنيه خذها امانه ..
وركبها البنتلي ,.... وساروا صوب القصر .. وراهم مال التصوير ..
ف السياره .. سلطان ظروري نتصور
ساره ساكته
سلطان جاوبي
ساره ماعرف ع راحتك
سلطان تبين اظيعها
ساره هههههههههه
سلطان فديت ظحكتج ..
وقام سلطان ومسك يد ساره ..
ساره بغى يغمي عليها .. ماتعرف شو تسوي .. تحس ان مالكت الدنيا بين يدها
ووصلوا القصر ..
سلطان لاتحولين لين ماقولج
ساره انشالله
وخلص سلطان اجرأت الدخول وماعرف شو ووصلو الغرفه ..

وبدت مالت المصوره تصوير

========
اما خليفه من خلص من العرس يدق حق بيبي وما ترد .. عصب وسار صوب بيتهم يبا يشوفها ماحصل حد ابدن ..
وقاام لف ع الفندق .. شاف سياره اخوه البنتلي موقفه عند باب قصر الامارات
دش غرفته وخذا شور ع السريع ..
ويسمع تلفونه يرن .. فززززز قلبه يتحسبه بيبي
الا يطلع بو سنيده
خليفه حيبه بو سنيده
راشد الله يحيك ويبجييك اشحالك
خليفه بخير يعلك بخير
راشد ها اشحال المعرس
خليفه لا تتخبر .. وين الظحك والدنيا ويا الحرمه واحيين هم حاجزين في قصر الامارات ويومين وهم في الشانزليزيه
راشد اوووووووب اوب مافي حيله والله توه مايبا يعرس ومظايج وحاله
خليفه طلع ربيعك الا خرطي هههههههههههه يالله عقبالك
راشد ويييييييييييييييين ؟؟ مطولين عقبالك انت
خليفه انشالله خير
راشد وين انت مريت صوب بيتكم ماشفت الرنج
خليفه وين انا مب حولك احسن عني سلطان قمت وحجزتلي سويت
راشد ههههههههههههههههههههههههههههههههههههههههههههه
خليفه شو اسوي مليييت بدلع عمري شوي وباجر حاجزلي سبا وحاله
راشد زين عيل انا كنت ظايج وقلت بمرك
خليفه رب ماشر
راشد ماشي ملان
خليفه ههههههه .. وفجأه يرن جرس الغرفه
راشد خلووووووووف منومضوي الساعه 2
خليفه ماعرف والله منو مب مواعد انا
راشد علينا
خليفه والله اني ماعرف منو خلني بسير اشوف
راشد برايك ولا تنسى تقولي منو عند الباب
خليفه انشالله انت خلني اشوف اول منو وبعدين
وسكر خليفه عن راشد وهو مستغرب منو هذا اللي ياي ..

===============
في سويت سلطان ..
وهو خلاص طفر من المصوره
وساره كانت راضيه بكل الحركات لي كانت تسويهم المصوره اما سلطان فكان يتأفف ويتذكر لين مالاعت جبدها
سلطان اووووووووووووو ساره تراني مليت
ساره وهي منزله راسه شو اسوي يعني
سلطان بس خلاص انا بتصرف
سلطان لو سمحتي اختي يالله شلي كيمراتج وخلاص انا ريال تعبان وابا انام
المصوره شو بك انت هييك لاحق ع النوم استنى شوي ماخلصوا الحركات لسه في كثير
سلطان مب مشكلتي انا خلصينا
وظهرت المصوره من الغرفه وهي مبرطبه ع سلطان وقامت ساره توصلها عند الباب
واول ماردت ماحصلت سلطان ف الغرفه .. وسمعت باب الحمام يشتغل عرفت انه داخل ..

دش وتغسل وبدل ثياب وقعد .. ولا جنه ساره موجوده .. (سلطان من الناس صعبه المزاج)

وشغل التلفزيون وقعد يطالع باندمااج والحياه حلوه والامور طيبه ...عنده وجنه العيد
الا يرن تلفون سلطان ويستغرب الرقم . وقعد مبهت وهو يشوف الرقم ...

وظهر برع الغرفه وسكر الباب وراه حق يرد ع الاتصال
وساره قاعده لي قاعد يصير لها ف ليله الدخله وهي مستغربه ...

شو تتوقعون بيصير ..

منو اللي كان ياي حق خليفه اذا بيبي ماكانت ترد عليه
مريم ممكن تفكر براشد
سلطان منو اللي داقله ..هالموقت

ساره هل بطوف اللي قاعد يصير ولا بتوسع قلبها من اول يوم ..؟؟

[بنت البلاد]

دام هذا اولك ينعاف تاليك ...

ساره قاعده تطالع وهي منصدمه من تصرفات سلطان اللي متناقضه..
مره متخبل عليها وع جمالها ومره كاره حياته يوم انها عنده ويرجع يحبها ويكرها في نفس اللحظه

ساره دخلت الحمام وقعدت تصيح من القهر اللي تحسبه وتقول في خاطرها يالله ياهليله كم حلمت فيها ..انا وسلطان ويا بعض . الريال اللي الكل يتمناه استوى حقي انا بروحي جي يسويبي ..هذا ماعتقد بشر ..مايحس مايقول حرمتيه قاعده ولا بحشم انها اول ليله يعني .يعني اللي داق اهم عني .. ليش يلبسني عشانه ...

اما سلطان اول ماظهر

سلطان الووو ..
يسمع طووووط ...طوووووط

رد قال الوو
وشوي الا يسمع

فيصل اووووووووووووووه المعرس
سلطان امحق شتبا
خالد افا والله يالمعرس .. هاشو الليله
سالم ويييييييي سلطان معرس ماصدق كلولوووووووووووووووش
الشباب هههههههههههههههههههههههههههههههههههه
سلطان بتخبركم انتو ما تخيلون . ماتحشمون ريال ليله الدخله داقين تغثونه
خالد بدينا
فيصل هي شكله الا بيجلب علينا
سالم شكله بيصيرفي جلباب زوجته
سلطان انا حشى والله ما كان
فيصل ها شو شعورك والحرمه عند ك
سلطان فكني الله يخليك من الصبح اشوف تلفزيون جنه العيد
الشباب ههههههههههههههههههههههههههه
سلطان منو رقمه هذا اللي شابكين منه
خالد رقمي حق نص الليل
سلطان فهمت فهمت
سالم ها بتينا
فيصل داه كان زماااااااااااااااان يا بابا انسو سلطان شهر يباله
سلطان لا والله تعقب وحده تحطني تحت شورها
خالد كلاااااااااااااااااااااااااااااااااااااااااااااااا اااااام
سلطان انزين فكوني بسير ارقد
سالم اووووووو الحبيب مستعيل ع شو
سلطان لا حووووووول بنام تعبان الله يخسكم بندوا
خالد ايووااا نام نام بابا باجر صلاه
سلطان جلبوا ويوهكم
وسكر عنهم سلطان .. وقعد يتذكر ايام الطلعات والروحات والسهرات .. مع ربعه والسفرات .. ايام يدش ويظهر وهو مب ملتزم بحد . واحين حطله وحده والله يعين
ويسير يدش الغرفه ..ما حصل ساره ... تنبه ان الليت الحمام شغال ..
حط ف باله انها ف الحمام ..وقام انسدح ع الشبريه وشوي الا هو ف سابع نومه .. من التعب ماكان يحس بلي حواليه

....
وشوي تظهر ساره من الحمام وهي كاشخه بقميص النوم الابيض اللي فوقه دانتيل طويل .. كان اللبس وايد حلو ع ليها .. وقعدت شوي تبا تعتدل على التسريحه وتنتبه ان في حد راقد وراها عالشبريه تقول ف خاطرها شوه الناس لي ماتحشم معقول ؟؟في ناس جي ....كيف يرقد قبلي ...؟ انا لابسه ومتعدله عشان شو ؟
وكانت منقهره واااااااااايد من الحركه

استحت ساره تنسدح عدال سلطان .بحكم انها اول ليله
قامت وبندت ليتات الغرفه والحمام وفتحت باب الغرفه شوي شوي تبا تظهر صوب الصاله ....وقعدت تشوف تلفزيون لي كان منحط ع ام بي سي 2 ..وقعدت تفكر بلي صار لها بينها وبين سلطان ع الكوشه ..ع السياره ... مع راعيه التصوير مع الاتصال اللي ياه ... وما تحس بعمرها الا وهي راقده .. لكن كيف راقده كانت قاعده وحاطه يدها فوق تكيه الكرسي .. وحطت راسها فوق يدها ورقدت .. يعني رقده متعبه فعلا .

اما في غرفه خليفه لي كان قايم يفتح الباب ...
فتح الباب الا يشوف .. حرمه ..
قالها مرحبا
الحرمه مرحبتين
خليفه خير
الحرمه اخ خليفه
خليفه ايوا
الحرمه سوري ازعجتك بس بدي اسألك كل شي اوكي
خليفه اي الحمدلله
الحرمه مابدك شي تاني
خليفه شكرا ..
الحرمه كنت حاجز للسبا لشخصين صح
خليفه خلاص كنسلي لو سمحتي
الحرمه ولايهمك ..يالله تصبح ع خير
خليفه وانتي من اهلا ..
ودش خليفه الغرفه وهو محبط ,... كله كان ع باله انها بيبي ...
ودش يرقد ..

================
صباح يوم الجمعه الساعه 8 الصبح
سلطان تنبه لنور من طرف الستاره ..وشاف ساعه تلفونه الا الساعه 8 ...
اعتدل شوي قعدته ..وبشوف الغرفه ويدور ع الكرسي عداله محد ساره .. يقول ف خاطره وينها ..؟؟ ليكون شردت ..
وقام سار يشوفها ف الصاله .الا يشوف التلفزيوم شغال والليتات مفتوحه ويشوفها راقده بهالوظعيه الغلط
ابتسم وهو يشوفها راقده ويتأمل ملامحها الحلوه ..

قام وطفى اليتات وسكر التلفزيون والستاير .. ودش وقام يابلها اللحاف ولحف ريولها .. عشان يستحي يحط اللحاف عدل عليها ..
ودش صوب الغرفه اول ماسكر باب الغرفه تنبه ساره ان في حد كان هني قامت وقعدت تتلفت حواليها وتشوف كل شي مسكر واللحاف اللي كان عليها ..ابتسمت وعرفت ان محد مسوي كل هذا الا سلطان ..
ونشت بتسير تتغسل ..
اما سلطان دش يتسبح ..
ساره .. تسبحت ولبست مغربي ابيض كله شغل .. وحطت ميك اب حلو .. وبطلت شعرها اللي ماكان وايد طويل ..
وظهرت صوب الصاله تبا ترتب وعطرت الكراسي وقامت دشت الغرفه وما حصلت سلطان ورتبت السرير ..وظهرت عشان ياخذ راحته سلطان ..

واتصلت ع الرسبشن وطلبت 2 كروسون جبن و2 كابتشينو
الا يظهر سلطان من الغرفه وهو كاشخ بغتره وعقال .. والعطر والدهن عوود لي ينشم من بعد ميل ..وظهر قعد ف الصاله ويشوف كل شي مرتب ف الغرفه والصاله .. وماحصل ساره..
الا تطلع ساره من الحمام وهي بالمغربيه البيظا وقف سلطان بس يشوف جمالها ويتأملها .. وقالها صباح الخير
وسلطان بعده يطالعها وساره منزله راسها صباح النور ...وقامت وقعدت ع الكرسي اللي مجابلتنه
سلطان ليش قاعده بعيد ؟
تعالي عدالي
ساره انشالله يوم يت تقوم الا حد يدق الجرس ..قامت ساره صوب الباب
سلطان ساره ..ساره وين انشالله؟
ساره بفتح الباب
سلطان ردي قعدي يالله ماعندنا حريم يفتحن الباب
وقام سلطان صوب الباب الا يحصل ريال ماسك ترولي بيده الفطور يايبين الريوق وشكله وايد مرتب وحاطين ورد وحاله
سلطان يطالع ساره ويبتسم انتي طالبه ..؟
ساره منزله راسها
وقام وحط الاكل عدال ساره
ساره سلطان كم شكر تبا حق الكبتشينو
سلطان لازم.. شوفج تخلي الكوفي حلو
ساره يالله عااد
سلطان 2
وقامت ساره وحطتله .اما سلطان (فكان سرحان ويفكر لساره استاهلها ,,مااستاهلها ماعرف)
ساره تفظل
سلطان انشالله ...ساره فديتج لي كان عندج ذهب او شي حطي ف مكان عدل لان الغدى اليوم ف البيت عند امايه اليوم
ساره انشالله .. تريقوا وخلصوا وقامت ساره داخل الغرفه بتعدل الميك اب مالها ...

الاحد يدق الجرس . ويفتح الباب سلطان
الا يشوف ريال سوري
مرحبا
سلطان مرحبتين
اخ سلطان
اتفضل
انا بتاع داماس وجايب الهديه
سلطان هي هي تعال حطها داخل
ويدش الريال ويحط الهديه ع الطاوله
سلطان تسلم اخوي ويعطيه 100 ع التوصيل
..
سلطان ساره ساره
ساره لبيه

سلطان لبيتي ف منى تعالي
ساره هلا امر
وتشوف سارهالهديه اللي كانت عباره عن سله وكله ورد وفي النص العقد وع طرف الفلوس ملفوفه بورق .. كان شكل الهديه وايد حلو ..
سلطان سمحيلي فديتج ماشي من قدرج
ساره بس ..هذا وايد تعبت عمرك ..وهي ماشي بتمووت من الفرحه
سلطان عيبج العقد
ساره تتقرب للعقد تبا تشوفه .وتقول هي ماشالله وايد حلو
سلطان انزين البسي وراويه امايه خليها تعرف انا كيف
ساره انشالله
سلطان شاف ساره مستانسه ع الهديه فهذا الشي ريحه ..ان امه بتستانس ان ولدها تغير
ساره سلطان
سلطان هاا
ساره ..باستغراب ممكن تاسعدني البس لعقد
سلطان اوكي
ساره ترفع عن شعرها حق سلطان يلسها العقد حولين رقبتها ..اول ما يت يد سلطان ع رقبت ساره حس بشي غريب ..اما ساره لي يتها قشعريره ..ولبسها العقد
ساره ها شو رايك
سلطان هو مب حلو ..بس انتي محلتنه
ساره مستحيه
سلطان يالله سيري لبسي عباتج بنسير
ساره اوكي ودش الغرفه حق تلبس العبايه
سلطان يالله اترياج
وساره لبست عباتها وظهرت ..اللي كانت عباتها كامله شغل بحكم انها عروس يعني وفيها الواان
سلطان شو هالعباه
ساره شو حلوه
سلطان لا . رايحين عرس احنا ؟
ساره بس انا عروس يديده تباني اكون مب متكشخه
سلطان ايوواا سمعي مره ثانيه ما تلبسين جي عبي .. ابا اسود فسود فاهمه
ساره انشالله
سلطان يالله امشي
وظهروا سايرين صوب البيت ..

==============
في بيت ام سلطان ..

مريم ..امايه شو كل شي جاهز
ام سلطان شو كل شي بعد ؟
مريم امايه المعاريس ياين ع الغدى ولازم كل شي يكون جاهز..دخنتوا رتبتوا ؟
ام سلطان امره كل شي جاهز ..خلي يودون دخون يجهزون القسم مالهم ..
مريم شالت الدخون بتسير ادخن قسمهم .. الا تسمع ريم تزاعج وهي ترمس وتقول (سمعي انا ريم ومافي وحده بتغلبني انا لو ودرتج مابمووت باجر بحصل 1000 وحده تباني انتي فاهمه .. يعني وجودج مب ظروري وايد ف حياتي)
قامت مريم وودت الدخون القسم وردت حق ريم
طق طق طق
ريم لحظه شوي ....حد يدق الباب
ريم منووووووووووووووووووو وهي معصبه
مريم انا ممكن ادش
ريم لا مش ممكن
مريم ..تظايجت من كلام ريم ..وبررت اللي صار بانها اكييد كانت متظاربه ويا ربيعتها وان مريم يتها في وقت مب ماسب
مريم تقول في خاطرها الله يهديج يالريم

وتقوم تسيرحق نوره ..
مريم نورو عادي دش
نوره اكييد حبيبتي
مريم اشحالج اليوم
نوره الحمدلله
مريم ها نوره العرس وخلص واحين ممكن تتفرغين حق دراستج بدون اي ازعاجات..ولا تلتهين بتلفونج ..وحطي في بالج ان كل شي يبعوض ..
نوره انشالله انا قايله عقب المغرب برتب كل شي ...كتبي وبسوي جدول ..
مريم يالله مرحله وبتعدي ..بتنظغطيييين شهرين وعقب بترتاحيين ..
نوره انشالله خير
مريم اشحال مواااز امس لمحتى بس ماقدرت اسلم عليها
نوره ماعرف ..بدق اسلم عليها يوم العرس ماقعدت وياها ..
مريم يالله عيل بخلييج ..بسيراشوف خليفه ..لا تنسين تحولين ترى العروس فالطريج

نوره قامت بدق حق موزو
الووووو
موزه هلااااااااااا..مبروكين مبروكيين
نوره الله يباركلج ...عقبالج يارب انتي والحب
موزه اسمع هذي ..حبيبتي الحب متغير وما اكلمه شرات قبل كل كلمه قالي مشغول..ادق له ف اليوم 100 مره يكلمني 3 دقايق ويسكر لا وبعد مره وحده.. خلاص حبيبتي ما تم غير سعووووووووود
نوره دوااااااااج حق تعرفين منو يباج
موزو بس عاد فكيني ..تعرفين ان سعود بس سبير حق ايام اللعب
نوره جربي تودرين الحب ..وسعود بعد لانج بتنشغلين بدراستج
موزه شوووووووووو سعود عادي بس الحب لا هذا لو ما يكلمني اتخبل
نوره حالتج صعبه تراها
موزه تعااااااااااالي شو هالسيف هذا الطر
نوره كيف عرفتيه ..
موزه امبييين ما يبالها يعني مندش القاعه وهو يدورج بعيونه دواره
نوره شو رايج حلو
موزو يا بختج صراحه ..ابدن لا تفكرين تخونين
نوره خلي عنج هالخرابيط ولازم ندرس تعرفين كم التاريخ باجر 20-4 يعني ما بقى وقت والعد التنازلي بدى لازم نشد حيلنا ..وتعرفين اقل عن 95 ما نبا
موزه اكييد انشالله
نوره غلقي تلفونج هالفتره ولو نبا بعض نتكلم ع تلفون البيت او تعرفين نحط حق بعض وقت نتكلم فيه
موزه لا لا احسن نغلقه
نوره اوكي بدقلج عقب المغرب بعطييج الجدول
موزه اتريااج
نوره يالله عيل بسير اكشخ بتينا العروس
مزوه اوكي برايج
وسكرت نوره وقعدت تتلبس وقعدت تتلبس


انامريم راحت صوب غرفه خليفه تدق الباب ..ومحد يرد ..ردت دقت محد بطل ولا تكلم .. واللي خوفها ازياده ان ما نزل اليوم حتى الصلاه ما راحها ..
وفتحت باب الغرفه وما حصلته ..السرير نفس ماهو وكل شي مكانه ومرتب ..
زاغت ...عرفت ان اخوها مب راقد ف البيت ..دقت ع تلفونه اول مره ..مايرد ..ردت دقت ..
خليفه الووو بصوت تعبان
مريم وينك ؟ انت امس مب بايت فالبيت
خليفه لا لا ..انا ف الفندق
مريم ليش ماعندك بيت
خليفه عندي بس ملييت
مريم يالله قوووم الحق ع الصلاه
خليفه اوكي اوكي ..الساعه كم احيين
مريم الساعه 11 قووم
خليفه يالله بتسبح وبلحق ع الصلاه
مريم لا تتأخر
خليفه اوكي برايج
....
ويقوم خليفه بيتسبح ... واستغرب ان بيبي ما دقتله لين احيين ..؟؟ خلاص خليفه بيناحس وما بيدق .. لين ما هي تدق ..يكفي ان العرس ما يته.. ولا فكرت اتيني الفندق معني قايللها اذا تبيني ارضى تعالي ..اوكي يفطيييم انا مااهمج احيين .. وقام بيتسبح وبيسوي جيك اوت للفندق ..
وسار صوب ابوه ف المسيد ..

============
ف بيت ام سلطان داشه ساره ؟؟
وتشوفها ام سلطان مرحبا مرحبا الساع بمرت الغالي
ساره وهي تمشي تقرب ع عمتها ...المرحب لاهان ..وتحبها ع راسها
ام سلطان هافديتج وينو سلطان عنج ؟
ساره نزلني وسار المسيد
ام سلطان اشحالج لاخليت منج اقربي اقربي هني ...(ام سلطان من الفرحه انها شافت مرت ولدها ما تعرف شو تقول)
ساره بخير ربي يعافيج
ام سلطان حياالله مرت الغالي
وقعدت ف الصاله ..ام سلطان غناتي جان بتصليين هذو الحمام وبيبلج سياده .. ولا اقولج شله ما تسيرين قسمج
ساره ع هواج عمتيه ..
ام سلطان تعالي خليني اراويج قسمج
وركبوا الدري وام سلطان بعدها تتحفى مرت ولدها
اما مريم فكانت تسلم بتخلص صلاه وتسمع حشرت امها لي ع الدري مع ساره
ام سلطان فديتج هذا قسمج ..امره خذي راحتج
ساره مشكوره عمتيه
ام سلطان بحول عنج بصلي .. لا تبطين عااد
ساره انشالله
دشت ساره القسم واللي كان عباره .. عن صاله .. وغرفتنين ومطبخ تحظيري صغير ..بس كان قسم متعووب عليه كله جبس ورخام واثاث من الغالي واكسورارات فخمه والوان متناسقه كان شي مرتب قسمها ..
دشت صوب الماستر رووم عقت عباتها بدش تتوضى ...
خلصت وضو وصلت وقعدت شوي ف الفسم استحت تنزل بروحها
الا تسمع طق طق طق اقدر ادخل
ساره اكيييييد
مريم تو مانور القسم والله
ساره ههه حبيبتي منو باهله ..وسلموا ع بعض
مريم شو هالكشخه ساروو اسمي اخوي عرف يختار
ساره هو مختار ؟؟؟ههههههه
مريم يالله عاد انتي مرت الغالي وامايه ما بتاخذ اي حد .. وتنتبه حق العقد
صراحه عقدج ماعليه كلام شو ها مال الزهاب
ساره لا فديته هذي هديه سلطان مالت الصباحيه
مريم اووووووووووب سا سلطان مافيك حيله ..مب هين ..تستاهلين يا حبيبتي كل خير الف مبرووك
ساره يبارك ف حياتج
مريم صليتي
ساره الحمدلله
مريم قومي بنحول عيل
ساره البس عباتي
مريم لا لا لا ماله داعي مااعتقد الريايل بيتغدون معانا
ساره يالله ..
نزلت ساره ومريم للصاله وحصلوا نوره قاعده ف الصاله تترياهم ..
قامت نوره تسلم ع ساره ..وقعدوا يسولفون وكانوا وايد مرتاحييين حق ساره لانه بنت طيبه وحبوبه ..
ساره جنه الا في عندكم اخت بعد
مريم قصدج الريم بتنزل احيين
نوره انا بقوم ازقرها
وتظهر نوره منالصاله .... وكانوا الريايل توهم ياين الميلس والا سيف بيدخل البيت عندهم ..
نوره قعدت تمشي شوي شوي قاصده ..تبا تشوف سيف ..
سيف ع طول تقرب منها ..
سيف السلام عليكم
نوره وعليكم السلام
سيف شحالج نوير
نوره بخير انت اشحالك
انا شفتج بخير
نوره ساكته
سيف ام مبارك
نوره ساكته
نوره منووووو ؟
سيف انتي بعد منو
نوره مستغربه
سيف شبلاج مب انتي حرمتيه
نوره ماعرف
سيف شو ماتعرفين
نوره امر تبغي شي
سيف ما تبين تسولفيين معاي .. عنبو يانوير ..شوفج بالحسره علي .. ولا اكلمج لا ع التلفون ولا على المسنجر ماعطتني بلووك انتي شو تتحسبين انا مادري نفس الوقتت كلمين عنود وانا يعطيني انج اوف لاين شو يعني ..احبج يا بنت الناس يعني ذنبي هذا ..؟
نوره منصدمه سيف انت شو قاعد تقول
سيف شو صدق اللي اقوله
نوره انا بسير تبا شي
سيف نوره انا احبج حسي في شوي .. انا كل شي ضدي .. انتي والدنيا واهلي شو تبين اسوي .. انا ما احس حد بيقف معاي غيرج ليش انتي جي حطي في بالج بعد الامتحانات بنملج
نوره هااااااااااااا لا لا لا مابا وتركض وتسير فوق
وسيف منصدم من ردت فعل نوره .. يقول ف خاطره شو هذي ماتباني .. ليكون تحب واحد غيري .. ومنو هذا اللي مفضلتنه عليه .. انا ريال وعن سبعين ريااال ...
وتقطع حبل افكاره ام سلطان .. سيغ سيف ولديه
يتنبه سيف هلا هلا خالتيه ..ويحبها فوق راسها
سيف خالو خلي يودون جيك ماي الميلس
ام سلطان تعال شله انت
سيف لا لا مب راد انا ..برووح البيت مع السلامه
ام سلطان سلم على امك عااد ..
وتامر ام سلطان يودووون الماي للميلس ..
ونوره وصلت غرفه ريم ..
طق طق طق
..ادش
ريم تعالي تعالي
نوره بارتباك شو تسوين
ريم اتمكيج بعد شو
نوره وين بتسيرين ؟
ريم بنزل تحت ولاتبيني اجابل العروس وانا مجحفه
نورههي بسرعه
ريم شبلاج انتي جنج شايفه جني
نوره ها ماشي ماشي
ريم طااع ويهج يبين كل شي قولي قولي
نوره ,,,ماعرف شو اقووول .. بس خبرتها اللي صار بينها وبين سيف
ريم اووووووووووووووو طبي طبي ..انتي لازم تنقين انج له ..بس لا تظايجين ولا شي .. وهو بعد قايم يستهبل ..
نوره يالله بننزل تحت
ريم يالله ..
نزلت ريم ونوره تحت وقعدوا ويا ساره لي كانت جنها تعرفهم من زمان ظحك وسوالف وتطنيييز وغشمره ..تخالطوا ويا بعض بزياده ..
تغدوا الجماعه وعينوا من الله خير ..
في الميلس
سلطان.. قم يابويه بندش داخل ابا اسلم علي امايه
بو سلطان ..اونه عاااد ع امك
خليفه لا يابويه ع الحرمه انت ما تدري .. شكله اشتحن فيها الريال
سلطان يطالع خليفه بنظره ..
بو سلطان دش دش فديتك ...نحن ورانا درب ..
خليفه شووووووووووو وين ؟
بوسلطان شبلاك بنسير ليوا ..نشوف المزارع اللي للبيع
خليفه انشالله انت تامر امر
سلطان خلاص عيل انا بدش عنكم داخل ..خليفه تعال اباك
وظهروا برع خليفه وسلطان
سلطان ..خليفه مشكور وايد ع الهديه ..تراها وااايد عجبت العروس واحيين بتمدحني جدام امايه .ووهذا الشي عندي بالدنيا
خليفه لا شكرعلى واجب
..طمني عنك شو تحس الحرمه
سلطان ماعرف ..هي والله ما عليها كلام ..ومب مقصره .. بس انا مب متعود ع جي ..ساعات احبها ..وسعات مب طايجنها .. والله ما عرف ...احس اني بلشت عمري ..العرسه مسؤليه ..والتزامات ..وانا بعدني
خليفه ياريال انت قدها وقدووود ..وانت مب صغير باجي كم سنه وبتصك الثلاثين .... خلاص ما شبعت
سلطان ماعرف احس خبرت ع عمري .,.
خليفه لا خربت ولا شي.. انتوا ف اول الطريج .. والحرمه تفس ماتقول مب مقصره في شي .. لا تخلي ربعك وروحاتك وسهراتك تخسرك حرمتك .. والله ترى هذا كله ما يسوى ..هذيل ربعك باجر لي عرسوا ,, شوف كيف بيعاملون حريمهم .. وانت خلي يقصون عليك ويخربون حياتك ..
سلطان خير خير انشالله ,. هيه تعال ابا رقم حبك
خليفه نعم ماسمعت .. ليش؟
سلطان اباها ف سالفه
خليفه شوووووووو
سلطان بل بل بل انااخوك ما بخونك وياها . بس ابا اشكرها ع الذوق الحلو
خليفه خلاص انا بقولها .. يالله مع السلامه
سلطان هههههههههههه مشكله اللي يغارون

قام خليفه وركب سيارته ... وصيح هرن حق ابوه ..
ويا ابوسلطان ومسكوا خط ليوا ...

[بنت البلاد]

================

اما سلطان .. دش داخل

السلالالالالالالالالالالالالالام عليكم
ام سلطان هلا هلا هلا هلا فديييت ويهك انا تعال يعني ماخلى منك
وقام حب راس امه .. وقامن الخوات سلموا عليه
وقعد سلطان بعيد عن ساره ..مريم ما ستغربت حركته لانه تعرف كيف سلطان
ام سلطان ها فديتك عساك مرتاح
سطان لا باس يامايه
ام سلطان متى بتضوون البيت ؟
سلطان الود ودي اليوم امرررررررره
ام سلطان فديتك ظوو شحقه تامين هناك ..ترى البيت من دونك غلقه
ساره منزله راسها وهي ميته قهر من كلام سلطان
مريم تحاول تنقظ السالفه .. لالالالالالالالالالالالالالالالالالايامايه هذيل معاريس خليهم شوي يستانسوووون لاحقين ع الحكره
ام سلطان شوبعد هالرمسه الخايسه
مريم سلطان ما بتسافر
سلطان حاجز حق باريس
مريم شعلييج يا ساروو بتسيرين باريس
ساره تطالع مريم وتبتسم
مريم تبا تغير السالفه لان حست الوضع تكهرب شوي
امايه شفتي صباحيه ساره
ام سلطان ماشالله ماشالله و الذوق الغاوي اسمييك ما تخرب الساع فديتك
سلطان يضحك ويقول ف خاطره الله يخلي خلوووف ..امايه تراني اسوي كل هذا عشان اشوفج راضيه ومستانسه عليه ولا تراه مب عشان شي ..
قصده افهمي ياساره انا ماسوي كل هذا حبا فيج ...
سلطاني يالله بسير اطييح شوي انا ..
ام سلطان يالله كلنا بنقووم بنقيل .. واايه بستر ياسلطان شل حرمتك وياك
سلطان ليش ؟؟ خليها عندكم شو تسوياتي معاي يومني برقد
ام سلطان يمكن تحتاج شي
سلطان لا لا امرررره مب محتاي شي
ويظهر سلطان عنهم والسماعه ف فاذنه والتلفون بيده رايح صوب الغرفه
ام سلطان ساره فديتج ترى البيت بيتج ... امررره لا تستحين
ساره ما تفصرين عمتيه
نوره .يالله عيل انا بسير اسوي جدول امتحانات وبراويكم اياه ينفع ولا لا
ساره روحي فديتج الله يوفقج
ريم حتى انا بسير ادش المسن
وفضت الصاله بين مريم وساره ..
ساره عن اذنج مريم بكلم امايه من قمت ما رمستها
مريم بل نشيكلميهم
ساره تدق حق امها
الوووو
ام عامر فدييت صوتج اناا
ساره فدييت عمرج يامايه
ام عامر تصييح من سمعت صوتها ..وينج يا بنتي لا حس و لا خبر
امايه شو اسوي انشغلت شوي
ام عامر ها بنتي اشحال ريلج وياج زين ولا
ساره الحمدلله امايه مرتاحه
ام عامر ساره البيت من دونج ما يسوى شي امررره
ساره فديت روحج انتي الخيروالبرركه
ام عامر يالله فديتج بكلمج خلاف انا بحط راسي
ساره انشالله
سكرت ساره ورجعت سوالف ويا مريم
مريم ها ساره كيف كانت ليلج
ساره اوكي
مريم كيف يعني اوكي .ارمسي لا تخافين
ساره لا لا مب قصدي انا جي
مريم شو يعني كيف عاملج اوكي مب اوكي
ساره لا كان زين
مريم شبلااااااااااج اسحب منج الرمسه سحاب
ساره لا مب جي
مريم ..شوفي ساره ..كلنا حريم ونفهم بعض ..وانا اعرف طبع اخويكيف دفش وما عنده اسلوووب ف الكلام ..حتى نحن جي يعاملنا ..ودايمن اللي ف باله بيسويه وما يهمه حد لا امي ولا ابويه
وادري بعد انه ثجيل دم بس حاولي تغيرينه ..ولا تنسين ان الريال نفس الياهل كلمه توديه وكلمه اتيبه ..استحمليه انتي وكبري عقلج اذا كنتي تبين تستمرين معاه
ساره انشالله بس لين احيين ما صارشي بي لي حسيته منه انه متناقظ شوي ف مشاعره بس هذي مب مشكله
مريم انتي امرره لا تقصرين معاه خلي اذا صار شي ى سمح الله خليه يلوووم نفسه ع اللي صار
ساره لو انا ابا مشاكل جان حاسبته من اول يوم بس والله اني اطوف اشياء الا عشان ما يستوي شي ..ونحن عرسان يدااد وطبعي غير طبعه .بس انشالله ف السفر نفهم بعض
مريم انشالله بس لا تسكتبن عن حقج واايد شوفي شو صارفيه انا
ساره حبيبتي مريماللي صار وياج هذا نصيب ..واكووه انتي قاعده ومرتاحه بيت اهلج شو تبين اكثر عن جي
مريم خلي اللي ف القلب ف القلب
ساره الساعه كم ؟؟
مريم خذتنا السوالف الساعه 6 الا ربع
ساره ظنج اوعي سلطان
مريم هي بس مب رقااد
ساره سورري بس
مريم فديتج ارمسي لا تستحيين
ساره ماعرف شو سلطان يحب ياكل لان بيقوم واكيد يبا يا كل شي
مريم هههههه تحسبت عندج سالفه .. هو بالعادهيشرف كوفي ..ف المطبخ مالكم شاريه انا مقات يدااد
ساره اوكي مشكووره
وركبت ساره فوق عن مريم
اما مريم قعدت تفكر ف ساره وتقووول والله ان سلطان ما يستاهلج لو ماخذه خليفه ابرك ..بسشو نسوي هذا النصيب
اول ما وصلت القسم ساره .. سارت صوب الغرفه .. وشافته منسد وتقعد عداله ..وتقعد تتأمل ملامحه وهو راقد .. وبصوت خفيف تقوله سلطان سلطان ..
يفتح طرف عين ويشوفها ويقوم يغطي ويه بالمسنده ...سلطان فديتك نش استوى المغرب
سطان اووووووووووووووهوووووووووووووو شتبين انتي قلتلج وعيني اناا
ساره لا بس عشان ترقد فليل
سلطان مب راقد زين
ساره اوكي ع راحتك
ساره تظايجت من حركه سلطان ...وانه يعاملها جي من بدايتها
وراحت صوب الصاله .....
الا تلفونها يرن ..
مرحبا العروس
هلا هلا حبيباي اشحالج
بخير انتي اشحالج
انااا زينه الحمدلله ..
شو ليكون صار شي من اولها
لا لا لا لا حرااام هو وايد طيب معاي
الحمدلله انا كنت بدقلج بس خفت يكونعندج فظييحه
لا فديته هو كان راقد وتوني موعتنه
وتسمع ساره حد يصك الباب ..وحست ان سلطان قام
شويخ حبيبي سلطان قام برد اكلمج
اوكي اوكي اتريااج
وسكرت ساره عن اختها
وقامت سوت الكوفي وقطعت فروووت حقه ..وخلته ف الصاله ....وردت عدلت مكياجها ونزلت تحت
اما سلطان اللي قام وتسبح وكشخ ..وطلع صوب الصاله ..
ويشوف مق الكوفي والفروووت ...طبعا عرف انها من ساره
حز ف خاطره ..ويقول انا ليش اسوي جي ليس اعاملها جي انا شو شابف عليها ما فيها شي يعيبها اخااف اتم جي تروح تشتكي لمايه ..وتحتشر عااد ام سلطان كل شي ولا امايه جاني متزوج ابا رضاها وشوي اووووووووو طز تقول اللي تقوله مايهم اصلن لو عاملتها زين جدام هليه ما بيصدقوون

وشوي الا يرن تلفونه
فيصل الله حيبه
سلطان يحيييك وويبجييك
فيصل وين الحرمه
سلطان نعم اشعندك
فيصل قووم تعالنا ..الميلس من دونك مب شي
سلطان يارياللو ظهرت امايه بتسويلي سالفه ..تونا معاريس يداااد
فيصل اوووووووهووووو صدق بلشت عمرك
سلطان عن هالرمسه بس هالشهر وعقب بلبسهم
فيصل تعال عااد
سلطان بحاول وبخبرك

حول سلطان صوب امه ؟؟ لي كانت مسوبه الفاله من بلاليط ولقيمات وعصيد وخبيص ومحلا زايد امرره ما خلت شي .. وسله الفواكه لي كانت متروسه من كل نوع لون
سلطان بل يامايه اشو هذا ..؟؟ لو ادري ان العرس جي جان من زماان عرست ويطالع ساره
ساره تبا تكسر عين سلطان وقامت وحططتله من كل شي شوي ؟... وردت قصصت افواله من اول ويديد .. وشلته وحطته جداام سلطان
ام سلطان مستغربه من التصرف .. ..فديتج ياساره عرووس يديده وتخدميين ريلج نحن اللي لازم نخدمكم ..
ساره عنبو ياعمو انا لو ما عابلت سلطان بعابل منو ؟ى وتطالعه من طرف عين
وسلطان اللي قاعد مستغرب من اللي قاعد يصير وياكل ويقول ف خاطرهياهل انسانه كيف مستحمله
تفالوا ويا بعض ..
سلطان هاا يالله اكرمهوا الله
ام سلطا وين ؟
سلطان بسير عند الشباب ف الميلس
مريم نعم . اي انت معرس
سلطان اوكي ما ختلفنا
ام سلطان شاور حرمتك انزيين
سلطان الحريم مالهم شور .انا مب رايح اغلط الا رايح الميلس
ام سلطان مالها ويه تجابل ساره .. وقامت عن الصاله
اما ساره لي كانت واايد مستغربه الموقف بس بررته انه هو انسان دفش ومافي اسلوووب
ساره ومريم ركبن فوووق يرتبن ازهاب ساره يحطنه ف الكباته

================
اما نوره اللي كانت تسوي الجدول وتمسح ماده وترد تحط ماده .. الا يرن تلفزنهاا موزوو
نوره هلاااااااااااا
موزه سويني الجدول ؟
هي قاعده اسوي ..بقولج شي
قولي
وتخبرها شو صار ويا سبف
اتخبلتي انتي .. ..احين شو بيفهم اكييييييد بيقول تحب واحد وماتباني ..خسج الله نحن تلقطهم وانتي تطفشين
اوهووووو شو اسوي انا ماعرفت شو اقول من القفطه
دقي اعتذري حق الريال
كيف ماعرف رقمه
عندج ايميله
نوره هيييه
انثبري ع المسن لين ما يدش ..
اوكي اوكي
انا باجر يايتنج ..ما بنداوم اوكي
اكييد اكييد اترياج حبيبتي
باي
باي ..
قعدت نوره ع المسن تتريا سبف يدش

================
اما خليفه وابووه لي كانوا يجولوووون في ربوووع ليوا ..
وشاعطييين ع (اااااااااااااااه يامن ون والجسم محرووووم))
بو سلطان وينها الحرمه عنك
خليفه اي حرمه
بوسلطان اللي تتهزبك
خليفه ماعرف
بوسلطان ليش
ماعرف ..يالله ابويه انزل انت هني ببركن السياره وبيك ..
نزل بو سلطان عن خليفه .

خليفه حب يشوف تلفونه لي كان من فر ف السده .. وحصل
70مست كول ..
3 سيف .. 2 راشد ... 65 بيبي ..
وحصل 8 مسجات كلهم من بيبي قعد يقراهم ..
(باباتي وين)
(حبيبي رد علي اباك ظروري)
(حبيبي والله في سالفه مستويه ابا اقولك اياها)
(خليفه اتكلم جد والله مااقص علييك رد)
(حبيبي لو سمحت رد )
(وووووووووووووووووينك والله مستويه مشكله)
(حبيبي ... باباتي .. عيوني ..قلبي ... بو حمييد رد والله صايره سالفه)
(باباتي انا بعرس)
خليفه من وصل لهالمسج ين .. استخف جن حد عق ف صدره ناااااااااااااااااااااااااااااااااااااااااااار تفووووووووووووووووووووووووووور..
يكلم عمره .. كييييييييييف تعرس وانااااااااااااااااااااااااااااا شو تستهبل هذي ...لا لا اكيد استخفت واناااا كيف اعيش من دونها .. كيف تحبيني وهي بتاخذ غيري ,,,, لا لا لا لا اكييد جذب

مستحييييييييييييييييييييييييييل ..بثور ف راسه هذا اللي يباها بذبحهم ف ثنيه ..ياخذ عني فطيييم .. ما بتاخذ غيري وبتشوف
خليفه خلاص ين .. وقعد يصيح حق ابوه هرانه بييييييييييييييييييييييييييييييييييييييييييييييييي يييييييييييييييييييييييييييييييييييييييييب بييييييييييييييييييييييييييييييييييييييييييييييييي ييييييييييب
بوسلطان دق حق خليفه شعندك تصيح هرانه
خليفه ابويه فديتك اظهر لازم ارد بوظبي احيين
بوسلطان خير عسى ماشر
خليفه بخبرك بس اظهر
وظهر بوسلطان وقبظوا الخط .. خليفه كان يسوق 290 كان طاير .. ويجاوز الشاحنات .. كان اي دق ممكن يموووت ..
خليفه ابويه لو طلبت منك طلب تواقف عليه
بوسلطان لو تبا عيوني ياخلوووف انت تامر
خليفه ابويه كون قد هالرمسه .
بوسلطان خبرني انزين شو صاير ..عشان فلووووووووووس بنيب غيرهم
خليفه لا لا مب عشان فلوووس سالفه اكبر عن جي
بوسلطان اطلب واختار .. انت ...فديت خشمك لا تخف من السرعه شوي ..
خليفه لازم يابويه ارد بوظبي ..
ف خلال ساعه هو موصل ابوووه البيت .. وراح صوب فطيييم والشر بين عيونه..بيمووووت لان يدري انها ما بتمزح فهالمواضيع ..وكان مستعد يدش البيت عليهم لو شو ما صار لو ريل امها عندهم بيدش ما كان هامنه حد
اما سلطان اللي بسط عن ربعه وغير جو ..تعشى وعين من الله خير
يالله شباب بترخص
سالم بدينا
سطان شوووووو
فيصل تو الناس اقعد
سالم لا خايف من الحرمه تهزبه رووح روح يابويه
سلطان يالله عااد انا باجر ساير باتريس تبون شيكلموني
يالله مع السلامه .. يظهر عنهم سلطان...ويسير صوب بحر المحاربه ويوقف السياره ..
سلطان عنده تلفونين .. تلفون نظييف حق ربعه والاهل ..يعني ولا بنت تعرفه .. وتلفون لام فيه كل البنات الزين والشين ..فتح تلفونه الثاني بيدق ...حق وحده كانت صديقته كاانوا وايد ويا بعض بس ماكان فيه حب امبينهم كانوا شرات اخواان
دق لها سلطان
الوو
حيالله القاطع
اشحالج
بخير
انت اشحالك
انا بخير شوريلج عندج
لا لا لا ريلي محد لو ريلي هني بغلقه التلفون
ها شو اخر اخبارج
ماشي انا حامل
والله مبروووووووووووووك سمي عليه عااد وبتيج السميه
شو بتيبلي عاااد ..انت شو اخر اخبارك ..
انا معرس واليوم اول يوم
نعم وين حرمتك
ف البيت
عنبوك ياسلطان من اول يوم جي
شسوي تحيدني ماحب التزم بحد ..
منو خذت ..
خذت ساره الفلاحي
اللي كانت ف جامعه زايد
هي ليش؟
الله يغربلك هذي الناس يصيحون من جمالها واخلاقها ..وانت جي .صدق الله يدي الحلق للي ملوش وداانهههههههههههههه
هي من جه حلو هي طر وكسرتيم ..بس ماعرف اسلوبي خايس وياها معنها مب مقصره وياي ف شي ..
لا تبدى حياتك بمشاكل ياسلطان...شوف اما جدامك تحيييييييييد كيف انا كنت .. سفر وسافرت وروحات وردات وسهرااات مره ماخليت شي ف خاطريه بس يوم ياني الريال اللي مايستاهل اسويبه جي واعيشه دور المغفله تغيرت .. مب عشان شي بس لو تفكر فيها لين متى ؟ بتسهر ؟ لين متى ربعك عندك اليوم وياك باجر بيجلبوون عليك؟ خلاص اللي شراتنا يا سلطان جرب كل شي ف الدنيا .. يعني واحيين يا الوقت لي تعيشه مرتاحه بدوون مشاكل وبدون حشره عيش حق اهلك . فكر بعد فتره بتستوي ابو ... وترى الحرمه ماتستاهل ومب حلوه تسمع عنك شي ... انت تعرف البنات كيف يغارون من بعض ومب بعيده وحده تاخذ الرقم وتقولها ماضييك الاسود .. ف ليش تخسر حياتك .. فكر عدل يا سلطان.. مابقى من العمر كثر اللي راااااح .. وبنت الناس مالها ذنب ... عاملها زيييين ....اعرف ماتقدر لانك الوحييد اللي تكره البنت حياته س حاول
صح كلامج بس ... انا ماعرف التزم وانا سويت كل هذا عشا امايه ولاانا ما بوافق
انت ماسويت شي غلط انت كملت نص دينك .. صدقني ساره تنحب .. وحاول عط نفسك فرصه..اذا انتوا احين في شهر العسل حاول تتقرب منها ..خلها تكون صديقتك قبل حرمتك ..لا تهدم حياتك بيدك يا سلطان
والله يا عويش ماعرف شو اقولج .. انا بسير البيت احييين وانشالله بكلمج ..
اوكي ..فكر بكلامي عدل لوم مب عادتنك شرات اخويه ما بقوله هالرمسه
ما تقصرين فديتج
باي
باي

==================
رد سلطان البيت .... وسار صوب قسمه ..
ويشوف ساره لابسه تنوره وقميص احمر ...فخمييين والاكسسرين مالهم .. كانت ماشالله عليها قطعه من القمر .. من حلاتها ..
سلطان مرحبا
ساره هلا
سلطان شو هالحلاه
ساره منزله راسها مستحيه
سلطان قومي بنطلع
ساره وين
سلطان ما تبين تطلعين معاي كيفج
ساره لا مب جي قصدي بس
سلطان لا بس ولا شياته قومي يالله
وظهر سلطان وياساره ...

=================
اما خليفه اللي تم ساعه واقف تحت عمارت فاطمه ما يعرف شو يسوي يركبلها فوق ولا يدقلها
خلاص قرر خليفه .................................................. ............

================================================== ==

شوتوقعاتكم ؟؟؟
خليفه شو قرر ؟

وهل صدق موضوع زواج فاطمه...؟؟؟


سلطان بيتعدل ويا ساره ..؟؟ وهل تتوقعون اقنعته عاشه ...


نوره بتقدر تراضي سيف ولا لا ..؟؟

[بنت البلاد]

بحظر زفافك يا حياتي بحظر زفاف اللي هويته وبرزف عشانك لا تحاتي وبهديك كل اللي بغيته ....

=========

خليفه واقت تحت عماره فاطمه وما يعرف شويسوي ...يركبلها فوق ..بخاف يشوف ريل امها .. ويخاف يتم .. وما عرف شو يسوي ..
قرر يدق لها ..بيبي انصدمت يوم شافت (باباتي)يتصل بك ..وخصوصا انها قاعده ويا امها وريلها واخوانها ..
بيبي ...الوو
خليفه ..مرحبا ..(خليفه يحاول يظهر نفسه هادي)
بيبي ..هلا والله خوالي
خليفه حد عندج
بيبي ..اممم هيه والله قاعدين وياامايه وريلها
خليفه ..ايواااا ..نزلي تحت
بيبي ..ماقدر احيين
خليفه لو ما تنزلين انا بركبلج
بيبي .. لا لالا خلاص بحاول باي ...
وسكرت بيبي وهي مرتبكه..
ام فاطمه ..منوداقلج احيين
بيبي بارتباك هااااا ..امايه هذي خوالي تسألني
ام فاطمه عن شو ؟؟
بيبي امايه سوالف بنات بعد ..
ام فاطمه ايواااا .. (ام فاطمه تعرف ان بنتها عندها سر ومب طايعه تقوله ... وهي شاكه واايد بس ما حصلت دليل)
بيبي امايه انا بنزل ابيلا
ام فاطمه ..ليش
بيبي امايه مشتهيه حلاوه وابااها
ام فاطمه عطي اخوج اسمها وبيبلج ..قعدي انا ما خلصت كلامي
بيبي اماااااااااايه دخيلج ما بتأخر
ام فاطمه افهم من كلامج انج موافقه
بيبي ع شو ... ؟؟
ام فاطمه ع المعرس اللي ياينج ؟
بيبي اووووووووه امايه لا مابا ..وهي مستعيله تلبس عباتها ..
ام فاطمه مب كيفج .. انتي اصلن مالج راي .. ماعرف انا ليش اشاورج ؟
ونزلت .. فاطمه وتشوف الزنج مالت خليفه امررره واقفه عند مدخل العماره
وقامت بتركب وياه ...........


اما سلطان وساره .. ركبوا السياره واستوالهم اكثر من ساعه يتمشون حول المارينا والكاسر .. مايعرفون وين يسيروون .. وقاام سلطان ووقف صوب الراس الاخظر ..
ويلف ع ساره ..
سلطان شو رايج نروح دبي بدال مانحن نحووط الا جي
ساره كيفك ..
سلطان يا هيه يا لا ..يالله
م
سلطان ماعرف بس شو بنسوي ف بوظبي ..وبعدين باجر طيارتنا ف دبي
ساره اوكي بس انا ما سلمت على هليه
سلطان لا حول ولا قوه الا بالله ..خلاص يابويه هونا ... ما بنسافر ..قعدي سلمي على هلج ..
ساره سلطان .. انا مب جي قصدي ....لي اقصده خلها باجر..الصبح بنسلم على هليه واهلك ..وبنسير دبي
سلطان رايج جي ...
ساره هيه
سلطان ساره
ساره لــــبــــيـــه
سلطان ليش وافقتي علي ..؟؟
ساره ..نصيب
سلطان..كيف يعني انتي مجبوره عليه ؟؟
ساره نحن ما عندنا حد ينجبر على حد ..انا اخترتك بارادتي
سلطان تحبيني ....؟؟؟؟؟
ساره ضحكت ....
سلطان يعني هيه ..
ساره لا ...
سلطان لا والله ..اوكي خلاص شكرا ..حتى انا ما احبج
ساره ادري
سلطان زين يوم تدرين
ساره .سلطان سوري ماكان قصدي اقول جي
سلطان شو تقولين
ساره جي ..
سلطان شو جي ارمسي
ساره انت تعرف
سلطان انا ماعرف قوليها ليش ماتقولينها
ساره تستحي
سلطان اللي يستحي مايعيش ..يعني يرضييج اسمعها من وحده فالشارع ..ترى كلمه احبك هاليومين مستويه جنها اشحالك
ساره لا والله عشان اذبحك
سلطان شو تغارين
ساره لا
سلطان لو اكلم غيرج عادي
ساره لا مب عادي
سلطان انزين قوليلي ليش انتي تسوين كل هذا ..
ساره بس ..عشان ..
سلطان عشان شو
ساره تقربت من سلطان وهمست ف اذنه .......(((احــــــبـــــــك)))
فهالحظه سلطان قلبه وقف ..وحس الدم يمشي بعروقه من سمع هالكلمه ..
سلطان يتنحنح .. انسير الفندق ..؟؟
ساره لا ليش
سلطان يالله عااد هذو الفندق الا ورانا

((يــــــــــــا حــــــــب تــــــالـــي الـــعـمـــر اهـــــلا نـــطــرتــــه ســــنـــيــــن لـــي جـــاني))

=====================
بيبي ركبت السياره وسلمت ..وخليفه ولا رد عليها وكان يشوف جدام ولا صد صوبها يشوفها
خليفه ممكن تلفونج
بيبي ليش ؟
خليفه بدون ليش هاتي التلفون (وكان يصارخ)
بيبي بخوووف هاا امسك
شل خليفه تلفون وغلقه وبالمثل قام وغلق تلفونه وحطهن ف السده ..
بيبي ليش انزين ؟
خليفه مايخصج
فاطمه خليفه رمسني عدل
خليفه ممكن ما تتكلمين وتخليني اسوق
كانت سواقت خليفه ابد مب سواقت عقال .. جنه توه ماخذ الليسن من هل ياهال الطايشين اللي يتجاوزوون ودايمن فل لييت حق لي جدامهم ..جن الشارع شارع ابوهم
تمت فاطمه ساكته وطالع سواقت خليفه .لين ما وصلوا صوب شاطي الراحه وبركن خليفه ..قام فتح الباب لانه حس بظييج ..
خليفه فاطمه
بيبي ياعيونها
خليفه تحبيني ...؟؟,,,
بيبي انت الهوى لي انا اتنفسه كيف مااحبك ...
خليفه عيل شو هالمسج لي مطرشتنه .. ليش تبين تعرسين .. ؟؟ مافكرتي فيه ...؟؟؟ ولا في حبنا ..؟؟ولا في شي ....؟؟ســــكت خليفه شوي
بيبي تطالع خليفه بستغراب
خليفه ...تعرفين يمكن اتي تقصين عليه .. وتبيني ارد عليج عشان جي طرشتيلي مسج عشان تدرين ان هالشي نقطه ظعفي ف الحياه .. صـــــــــــــــــــــــح قولي عـــادي ..قولي انج جذبتي عليه والله ما بزعل
قولي ..
فاطمه تمت ساكته .. وزايغه ع خليفه كيف يقول هالكلام لي ماله خص ف بعض
خليفه فطييييييييييييييييييييييييييييييييييم ردي علي حرااام عليييج قلبي ينفطر من قريت المسج .. احس سجاجين تقطعني تذبح يوفي .. حسي شوي .. انا راد من ليوا امشي 290 يعني لو استوالي حادث كنت اكييد بمووووووووووووووووووت كل هذا عشان شو ممكن اعرف ...؟؟ دخيلج بس حسي شوي
فاطمه ... قلبه يتقطع ع كلام خليفه ..

((انــــــــــــــا مـــــــا احــــبـــــك انــــــــــــا اتــــنـــــفــــس هـــواك))

================

اما سلطان وساره .. وصلوا الفندق ... ودش سلطان الحمام بيتسبح ..اما ساره شلت بعمرها وسارت الحمام الثاني بتسبح وبتبدل ثيابها زلبست قميص نوم بطيخي فااتح ..ولمت شعرها وتعطرت وطلعا حق سلطان لي خلص سبوح وقعد ف الصاله يشوف تلفزيون ..
سلطان هلا هلا هلا بهشوفه
قامت ساره وقعدت ع الكرسي لي عدالها
سلطان افاااا والله من شو يشتكي كرسيه ...؟؟انا مب مرييض ما بعاديج ..
ساره تطالع سلطان وتبتسم
سلطان انزين تعالي صوبي امره ما باكلج
ساره قامت وقعدت عداله
وهم قاعدييين يشوفووون الفلم ..الا يرن تلفون سلطان وتفز ساره .. لانها تدري لو سلطان رد ع التلفون بينجلب عليها ...
اما سلطان قام وشاف الرقم ..وغلق الموبايل ..ويا صوب ساره وقعد على ركبه مجابلنها ..وقالها زيـــن جي ؟ ..ساره تبتسم
وقام سلطان ورد قعد ع الكرسي وكملوا الفلم ... وشوي شوي يحرك سلطان يده صوب يد ساره لي كانت ماسكه بها الرموووت ... اول ما يت يد سلطان ع يد ساره ....حست بقشعريره ..وطالعته وبتسمت ..سلطان ...شووووو حرمتيه مايصير امسك يدها ...
ساره تبتسم وتنزل راسها
سلطان حبيبي .....
ساره مستغربه من الكلمه ..وخافت تصد صوبه وتطلع تتوهم ..
سلطان حبيبي ساروو
ساره استوعبت ان الكلام حقها
ساره لـــبـــيـــه
سلطان بترقدين اليوم فالصاله نفس امس ... ويضحك ..
ساره هههههههه
وقام سلطان ..ومد يده حق ساره لي مسكت يده وساروا صوب الغرفه

================
فاطمه .... خليفه انا مانكر اني احبك ..انا امووت عليك وما بكون حق ريال غيرك بس ...
خليفه شو بس .. كلامج مب مقنع ..
فاطمه شو اسوي يعني ..
خليفه منو هذا اللي مظوتنه ؟؟؟؟
فاطمه مب انااا اللي مظوتنه بروحه ياي ..
خليفه من وين ...؟؟ وكيف يعرفج ؟؟ وين شافج ؟؟
فاطمه امايه ..تباني اعرس .. تقول اني كبرت لو ماعرست احيين ماحد بياخذني
خليفه .... وانــــــــــــــــــــــــــا ؟؟
فاطمه انت .. اااااااااااااااااااااااااااااااااااه ..
خليفه والله اني اباج .. وما بظوي حد غيرج بيتنا .. سمعي لو انا ما خذتج والله اني ماعرس .. ولازم تعرفين يا بيبي انج لو عرستي بموووت..عادي انا اموووت ..؟ ترضين يعني جي يستويبي
عشان ريال ... يعني هو شو عنده بتوافقين عليه .. هواحسن عني ف شي ,,,,؟؟ قــــوليلي ...
فاطمه باباتي مب عشان جي .. هو ماعنده شي ..وانا ماباه ابااك انته .. وبعدين لا تقعد تقول بتمووت ..يعل يومي قبل يومك .. حبيبي
خليفه منو هذا ؟
فاطمه منو ريلي ..؟؟؟
خليفه اتخسين ريلج ...محد ريلج الا انا .. وهو يصارخ ..
فاطمه باباتي .. هو ماصار شي لين احيين
خليفه بس بيصير صح ..وعقب قوليلي انجبرت وماعرف اشوو ..
فاطمه .....
خليفه وبعدين هذي امج شحقه مستعيله .. شو تبا الفكه منج ...يعني جنها ما تعرف اني اباااج تستهبل هذي
فاطمه خليفه هذي امايه
خليفه وانا ما قلت شي بس شوفي تصرفاتها كيف
فاطمه حبيبي هذي سنه الحياه كل واحد بيشوف نصيبه ..
خليفه ..يعني افهم من هالرمسه انج تبين تعرسين
فاطمه انا هيه ابا عرس
ويتحرك خليفه بيعدل قعدته وياي يشغل السياره
فاطمه وين ..وين ؟؟
خليفه سمعي يابنت الناس انا بنزلج بيتكم ولكن لاعااد اشوف رقمج ع تلفوني انتي فاهمه ..
فاطمه انزين ليش ؟؟
خليفه تبين تعرسين وتبيني ..؟؟
فاطمه صح انا ابا اعرس بس مابا غيرك
خليفه هي صح ..
تتقرب فاطمه من خليفه ..باباتي انا اباك .. وانا ما باخذ حد غيرك انت فاهم احبك ..احبك ياخي افهم شوي
خليفه بيبي والريال اللي ياينج...؟؟؟؟
فاطمه انا بحاول ويا امايه
خليفه بيبي ... انزين خلينا نتزوج ..
فاطمه هو بيدي ....
خليفه انزين قولي حق امج تصبر يومين بس وانا بايج
فاطمه حبيبي اذا جي لازم اقول حق امايه كل شي ...
خليفه قوليلها واللي فيها فيها ..
فاطمه اوكي انا بقول وامري لله ..
خليفه ..بيبي ..
فاطمه ها باباتي
خليفه انا متوله ع حد
فاطمه منووو ؟ هالحد
خليفه يتقرب ع بيبي ويقولها وحده مينتني ومخلتني خبله
فاطمه حبيبي منو هذي لي ماتستحي ؟
خليفه يبطل المنظره لي جدام بيبي ..هااا شو فيها هذي هيه ...
بيبي ..يا حياتي انا بعد تولهت علييك
خليفه ليش ما يتيني هذاك اليوم
بيبي والله اني كنت جاهزه ويايه اطلع ..بس امايه كلمتني ف السالفه
وقعدوا يسولفون شوي لين مادش الصبح عليهم ... مروا صوب كوفي شوب وخذولهم اكل ..وساروا صوب بيت بيبي بينزلها
اول ما نزلت .... وسكرت الباب ..يفتح خليفه الدريشه ويقولها بيبي ...
لفت بيبي ... خليفه احـــــــــــــــــبـــــــــــــــــــج
بيبي انت مينوووووووووون
وسارت صوب شقتهم .. وكانت زايغه تشوفها امها ..فتحت باب الشقه شوي شوي ..ودشت غرفتها ..سكرت بابه بقوه ...وكانت توها طالعه ام فاطمه من غرفتها ..دقت ع فاطمه الباب ..فاطمه زاغت ...وقامت عفست الشبريه شوي .. عشان تعرف امها انها راقده
فتحت الباب ....صباح الخير امايه
ام فاطمه انتي بعدج واعيه
فاطمه هااا لا لا شو يوعيني لين احيين
ام فاطمه مادري اسمع تقرقيع بيبان قلت يمكن بعد
فاطمه لا لا لا كنت بسير الحمام وهذا الاصوات لي سمعتيها هذا باب الحمام وغرفتيه ..
ام فاطمه انزين نشي يالله بنتكلم ف السالفه
فاطمه اوووكي شوي بطلعلج .....سكرت الباب وراحت بسابع نومه..

=====================
الساعه 9 الصبح .. في بيت ام سلطان ..
بو سلطان محتشر على خليفه اللي كان نايم لين احيين (بعد خليفه ماينلام سهران لين الصبح )
بوسلطان ..يام سلطان ا....ام سلطااااااااان
ام سلطان يالله صباح خير اشعندك تزاعج من صباحت الله خير
بوسلطان وينوو ولدج ..؟؟ سيارته خاري وتلفونه مبند ..احيين منو يوديني اجابل حلالي ..
ام سلطان وين تبا تروح انت .. غير الشركه ...اكوووووو الدريول وقم سير فيااه
بوسلطان شو هالعيال رغيييييد طول الليل ورقااد الصبح .. امس رادني من ليوا يمشي 1000 جاان نفدنا احيين ...ويطلع من البيت وهو يتحرطم علييه ..((وخليفه يحليله ما يدري بلي يصير))


ونزلت ريم من الصاله لي كانت كاشخه وفل ميك اب ...والعطر اللي ماشي ينشم بعد كم ...
مرحبا امايه
مرحبتين هلا ببنتيه
امايه هني الدريول
لا لا لالا توه ظاهر وياه ابوج لحقيه يمكن برع بعدهم
لا لا وين الحقه تبيني اركب ويا ابويه بهالشكل حق ياكلني بكشوري ..وبعدين ليش هو يظهر احيين انتوا ما تدرون ورايه جامعه
لا والله جامعج الساعه 11 شويوديج من الحينه ..
عندي امتحان وابااذاكر ويا ربيعتيه
هي الله يوفقج يا بنتي .. تعالي بنتريق
يالله ..
ام سلطان تطالع ريم وهم قاعدين يتريقون كيف مصبغه ويها ...شحقه مصبغه ويهج هالكثر
ريم امايه هذي موضه
ام سلطان بسم الله شالجحال الابيض لي داخل عيونج جنك ميته .. مسكي كنينكس مسحي يالله
ريم هههههههههههههههههه امايه كل البنات يحطون جي
ام سلطان انا ماعليه من البنات انا عليه منج انتي .... شوفي اختج مريم الله يحفظها ..عمرها ما حطت هالخربطان ع ويها
ريم والله يامايه انا بنت .. وهي اللي مخليه عمرها عيوووز ولا وحده بسنها تسوي هالسوايا .. لا تدعل ولا شي دايمن مجحفه ..
ام سلطان بعصبيه بس جب قطعيها هالرمسه ..والله ياريموو لو اسمعج تقولين هالرمسه مره ثانيه لقطع لسانج ..انتي لبعدج ما طلعتي من بيظت الدنيا ولسانج هالطووول الله يعنا لا تزوجتي

لسوء الحظ ان مريم كانت توها نازله من ع الدري وسمعت كل الكلام اللي صار
مريم نزلت وسلمت ع امها .. وريم وكان يبين ان ويه مريم في شي .. وماكانت مريم لي تظحك وتسولف وياامها من الصبح كانت ساكته .. وبس ما يدور ف بالها الا كلام ريم
ام سلطان امي مريم شبلاج .. ؟ اشوفج مويمه عسى ما شر ...
مريم ما ترووم ترمس لان بتصييح وفظلت السكوووت
ريم حوووووووووووووو امايه تناديج ما تسمعين ...
هني مريم ما قدرت تسيطر على عمرها وتسمع ايهانات ريم وتسكت
مريم .... سمعي انا مب حوووو .... وحترمي نفسج اخت ريم ..وبعدين تعالي يوم تقولين اني حرمه انا اعرف هذا على الاقل احسن عنج ولا تبيني اتم نفسج من بنت لين بنت ولا اعرف نهايه هالطريج ..سمعي حبيبتي مب ذنبي اني تطلقت ولا تبين اتم تحت رحمت ريال يظربني ويهيني عشان خاطر اختي لي تبا تحافظ ع واجهتها الاجتماعيه جدام ربعها اللي ماعرف من اي جنس .. شوتبين اسوي يوم ان النصيب مايا على هوايه .... انا من زمااان اسمع تنغيزاتج و اطوف بمزاجي ..لكن انتي مب ويووه حشمه تعرفين .. واللي يغطي ع سواد ويهج ...غلطان .... لو ما تحترمين نفسج وتلمين لسانج والله ثم الله لبتصال واحد حق
سلطان وبقوله ماضييج الاسود ..وانتي ورى الشمس ... اما بصبر علييج ...عنبوج خيلي اختج لي اصغر عنج تحشم وتحترم وانتي اللي ما بيني وبينج واايد جي .. عافاني يالله على منو انتي طالعه .. وسمعي جان لي تسهرين و ياهن لين الصبح مقويات راسج .. ترى والله لينشل التلفون عنج واتميين ف البيت......

ام سلطان .امايه مريم لاتزعليين هذي الا ياهل ما علييج من كلامها ...ريموووو والعثره انفدي فووووق
امايه لين متى بتقولون انها ياهل ...؟؟ امايه ريم تحتاج من يحاسبها ... وبعدين هي شو حارنها اذا انا تطلقت ولا لا ...؟؟؟ هي خايفه ع نصيبها .... لاتخاف اللي الله كاتبنه لها بيصير ... اذا ابويه اللي هو ابويه ما زعل على موضوووع الطلاقه هي تزعل ليش؟ ..انا غير ابويه محد يهمني ..امايه انتوا كنتوا تبوني اعيش مع واحد شراته ..اميه هذا يشرب ..كان يظربني ..كان حقير كان كل شي ..صح زعلتوا عليه ولكن انا بلي سويته شريت رضى نفسي ..

ريم مريووم محد كان يباج تعيشين هالعيشه ..بس بعد الواحد ينسى ...وانا ما قلت هالرمسه الامن خوفي عليج ..دايمن شاله هم البيت ع راسج ..عايشه حياتج لغيرج ليش ..؟؟ عيشيها لنفسج
مريم انا عشتها حق نفسي شو حصلت ريل ما يستاهل ولا شي خليني اعيش حق هليه
ريم اووووووووووووه لا تزعلين لان الموضوع مايستاهل هالفلم الهندي كامل ..وتظهر ريم سايره صوب الجامعه ..وتقوم مريم وتركب فوق صوب غرفتها وهي تصيييح ..
ام سلطان .. ماتعرف شو تسوي ..قامت سارت حق مريم ودق عليها الباب ولا حد يبطل

==============

اما نوره لي كان هذا اول يوم دراسه لها ... كانت واعيه الساعه 6 الصبح تدرس كيمياء..يوم يت الساعه 10 قامت ودقت حق موزو
الووو
موزوهلاا
اختصري خلصتي العضويه
موزو هي الحمدلله
يالله عيل بندرس عقب النوويه
موزو اوكي حبيبي
اتريا اتصالج يوم بتخلصين
وكملوا البنات دراسه ...
دشت ام سلطان حق نوره لي شافتها تدرس
وتنش نوره تحب راس امها
ها بنتي تبين شي ؟
لا لا امايه فديتج ما با شي بس دعواتج
الله يوفقج يا بنتي
وكملت نوره دراستها
==============

[بنت البلاد]

في الفندق .. قامت ساره قبل سلطان.. تسبحت وبدلت لبسها ..ولبست فستان ازرق حرير .. كان فستان خفيف ماعليه شغل بس فيه شويه ستراس .. وسوت ميك اب خفيف ازرق ..
وطلبت الريوق .. وراحت صوب سلطان ف الغرفه ...تبا توعيه ..يت عداله ..
سلطان .. سطان ..بصوت خفيف فتح سلطان عينه وشافها ..
حبيبي سلطان يالله نش ..يبتسم سلطان ..ويعدل سدحته شوي ويتم يطالع ساره .. فدييت هالويه...
لفت ساره ويها ... سلطان ..ليش عاده ... اااااااااه يامايه اسميني احبج عرفتي منو تختارين ..
ساره تظحك ع كلام سلطان ..وتنش تزهب له ثياب حق السبوح
سلطان منو قالج بتسبح ؟؟
ساره اكييد يعني ...
سلطان ..انزين تعالي صوبي شوي .. بقولج شي ..
ساره الطالعه ..انزين شي ظروري ..
سلطان ما تبين انتي الخسرانه ..
وسارتله ساره .. قالها غمظي عيونج شوي ..
ساره لا لا اخاف تختفي ههههههه
سلطان .. امواااااااااااااااااااااااااااااااح ..يحبها ع خدها ..
ويه ساره استوى الواااااااااااااااااااااااااااااااااااااااااااااان ..
سلطان يظحك ع شكلها .. وينش يتسبح
ساره مب مستوعبه ..ان هذا سلطان ....وكملت تجهيزات لبسه وعدلت الشبريه .. وعطرت ثيابه .. وطلعت ع الصاله لان حد كان يدق الباب ..فتحتله .. وكان السيرفس يايب الاكل ..
وحطته ع الطاوله ..
الا ع ظهر سلطان من الغرفه وهو كاشخ صباح الخير ...
ساره هلا صباح النور ...تعال تريق ..
سلطان انشالله .. ساره فديتج احيين بنسير بيت هلج .. بنسلم عليهم بخليج شوي عندهم وراي شغله بخلصها وبرجعلج بنسلم ع اهليه ونحن طالعين .. دبي اوكي
ساره انشالله
سلطان يالله انزين نشي خلينا نلحق ..
ونزلوا صوب السياره رايحين حق ام عامر ..
اول ما دش سلطان بسيارته ..
تظهرله ام عامر مرحبا مرحبا مرحبا السااااااااااااااااع والله
ينزل سلطان ويحبها ع راسها المرحب باجي ياعمتيه
وتسلم ساره ع امها ..وتقعد تصيييح من الفرحه
ام عامر اقربوااا اقربوا فديتكم ..
سلطان قريب قريب عمو ...انا بخلي الحرمه عندكم وبسير شوي عندي شغيلات وبرد ع الظهر انشالله احصل العيال
ام عامر عيل غدااك عندنا اليوم
سلطان لا لا ياعمتيه ورانا بيتنا بعد .. وين ما فينا حيل
ام عامر ..ويايه بستر نسيبي يايني ولا اذبحله .. لا والله للغدى اليوم عندي ..
سلطان شورج وهداييت الله .. ..وقام سلطان بيظهر
الا ساره .. سلطاان
سلطان يلف هلا
ساره اتحما ع عمرك
سلطان انشالله

ودشت ساره صوب امها ..ويو حريم اخوانها وقعدوا وياها ..

==================
اما في بيت فاطمه .. يت الساعه 12 وفاطمه ما نشت ..
ام فاطمه ..طق طق طق فطيييييييييييييم
فاطمه ..شو امايه تعبانه
ام فاطمه قلتلج نشي ..
تفتح فاطمه الباب .ها امايه شو تبين ..
ام فاطمه عنبووج راقده امس من متى ... وبعدج تبين ترقدين
فاطمه امايه تعبانه
ام فاطمه يالله نشي اقولج ...
وقامت فاطمه بتقعد ويا امها ..
فاطمه امايه
ام فاطمه هاا فطوووم
فاطمه امايه بقولج شي بس لا تسويلي سالفه
ام فاطمه تفظلي اسمعج ..
فاطمه صراحه امايه مابا اعرس .. وانتي لا تغصبيني لاني بسوي شي بعمري
ام فاطمه نعم نعم ما سمعت .
فاطمه ..هي امايه اللي سمعتيه انا ما با هذا ولد اخت ريلج صراحه يعني
ام فاطمه ليش انزين شوفي واحكمي ترى هو دارس ف بريطانيا ويشتغل شغله زينه
فاطمه مب عشان الفلوس بس انا ما با
ام فاطمه ليش انزين ..سمعي انا ما بصرف نظر عن الموضوع الا يوم تعطيني عذر مقنع
فاطمه امايه صراحه .....وتمت ساكته
ام فاطمه صراحه شو ارمسي
فاطمه امايه انا احب واحد وما با غيره
ام فاطمه تسكت شوي منصدمه من كلام بنتها
فاطمه امايه اعرف ان هالشي غلط بس والله يامايه اني احبه من زماان وهو يحبني وهو يعرف كل شي عني انا شرحتله كل شي
ام فاطمه فطيييم من متى انتي تعرفينه
فاطمه من زماان من ايام الثانويه
ام فاطمه بــــــــــــــــــــــااااااااااااااااااااااااااا ااااااااااااااااااااااااااااااااااااااااااااااال وانا ما عندي خبر
فاطمه امايه بعد شو تبين اقولج
ام فاطمه قوليلي كل شي بالتفصيل وبدوون جذب
فاطمه .. امايه انا هالولد كان يلاحقني من زمااان وانا ماكنت اعطييه ويه .. وعقب فتره قام يتصل على البيت يوم انتي كنتي محد يوم اول ما تاخذين ابو الاولاد ..هو كان يوقف تحت العماره يترياكم تطلعون ويتصل .. اول شي ما كنت اعطييه ويه وعقب حبيته .ز وهو اللي قالي كل شي .. عرف عن ابويه ان ابويه مسجوون ويعرف بعد شو القضيه ... ..ويعرف كل شي يعني
ام فاطمه منو هذا ...؟؟؟ شو اسمه ..؟؟
فاطمه امممم اسمه خليفه حميد القبيسي ..
ام فاطمه ولد حمييد ما غيره ..
فاطمه اي حميد
ام فاطمه هذا اللي ابوهم عنده شركات ودنيا وحاله ..اللي بيتهم ف المشرف العووود اللي ع الشارع جي .
فاطمه هي ..
ام فاطمه ..يالله يادنيا كيف صغيره
فاطمه ليش ؟
ام فاطمه .. ترى ابووج كان مخاوي حمييد ..وكانوا ربع ما يفترقون ..الا من قام ابوج يشرب هالغبره ويتبع الخياس ودره حميد ..وانا كنت اشتكيله واقوله عنه بس شو مابيده حيله مسكين ..
فاطمه يعني اذا ياني بتوافقين عليه ؟
ام فاطمه والله متفائله انتي ... حبيبتي هذيل ما ايوون
فاطمه لا امايه هو قالي انه يومين وبيي
ام فاطمه صدقيني يابنتي ما بيج ..هذيل ناس يطالعون فوووووووووووووووق ...اقل شي بيقوله ابوه ...عن ابوج وبيقعد يقوله اشحقه توهق نفسك مع جي ناس .. وهذيل ناس مفككين.. وبيقوله اني ماخذه واحد اصغر عني ..
فاطمه صدقيني امايه هو وعدني .. وقال بيني وبعديين انتي ما تعرفين خليفه .. هو وايد طيب وما يفكر بهالاشياء.. خليفه يباني كيف ماكون
ام فاطمه سمعي يافطييم اخاااف يستويبج شرات ما صار فيه وف ابوج ..انا كنت ما خذه واحد عن حب ..يابنتي شو استفدت وين الحب .. وهو من دش السجن طلقني
فاطمه امايه لو ابوي يبا يعذبج جان خلاج ع ذمته لكن ابويه يباج تعيشين حياتج ..
ام فاطمه ااااااااه يا فطيم تقولين جي بس لي فالقلب فالقلب ...لا تتحسبين يوم خذت صالح انا احبه ولا اباه .. لا انا دورت ريال زين بيوقف معاي ف الشدايد .. واللي بيني وبينه كل احتراام يمكن بدينا نحب بعض لان العشره تجبر الواحد ..ولكن هذا الشي ما يعني اني نسيت ابوج ... يوم يبتج ويبت خواله كنتوا عندي بالدنيا وكنت اتمنى ابوج يكون وياكم يوم انتوا كبرتوا .. وستويتو عرايس لكن يالله
فاطمه امايه انااعرف ان عمي صالح هو اللي ربانا يوم كنا صغار .. يعني يوم تاخذين عمي كان عمري 10 يعني كنت افهم ولكن هذا الشي ما كان يعوضني ابويه لي ما تذكر شي من شكله غير طيبته وحنيته معايه ..الا خوله اللي ما حصلت شي والحمدلله احسن لها جي ..وهي حصلت لي ما بتحصله عند عمي صالح
ام فاطمه امايه فطييم ...انا مابقول حق الناس انج رافضه .. بقولهم عطوها مهله تفكر ..وبنشوف بي هالخليفه ولا لا ..
وتقوم فاطمه وتلوى على امها وتحبها ع راسها .. امايه تصدقين خفتج اتعصبين يوم اقولج
ام فاطمه شوفي يا حبيبتي مافي ام ما تبا تشوف بنتها عروس او تبالها الستر .. انا همي ف الدنيا اشوفج مستانسه ..مع منو ما يهم ..وانا مريت فلي مريتي انتي فيه مع ابوج .. ولا تنسين اني خريجه جامعه ..ما تحيدين يوم عمرج 5 سنين كنت اكمل دراستي .. يعني انا مب كبيره وااايد عليج ..ماخذه ابوج عمري 16 ..حتى ما عرف شي ...بس هو اللي علمني ع الدنيا .. بس هو وين احيين ؟؟
فاطمه الله يعوضج خير يامايه ..
ام فاطمه .. ترى هذا الريال ولد اخت عمج صالح وهم ناس والنعم فيهم .. وانتي تعرفين كيف الموضوع حساس بالنسبه لي ..
فاطمه امايه فديييتج حاولي ..
ام فاطمه انزيين بسج هذره زايده قومي ساعديني
فاطمه من عيوني ياحلى ام ف الدنيا
فاطمه طرشت مسج حق خليفه ((حبيبي امايه وافقت وهي تترياكم))

=========================
الساعه 1:30
خليفه يقوم من ع الشبريه ....يفتح تلفونه .. يشوف مسج بيبي .. ويبتسم ..
ويدش الحمام يتسبح

اما ابو سلطان لي رد البيت .. يام سلطان .. ام سلطااان ....
ام سلطان هااا هاا اشعندك .. تزاعج ..
بو سلطان وين الغدى اسميني يوعان طالع ع لحم بطني
ام سلطان بروحك متواكل من صباحت الله خير وين تباهم يحطونه
بوسلطان خلي ايبونه الخيمه وخلي مريم اتيني
ام سلطان انشالله ..
ام سلطان ركبت فوق حق مريم ...طق طق طق امايه فتحي الباب ابوج يباج ..
مريم انشالله ..قامت وغسلت ويها ونزلت حق ابوها .لي كان قاعد ف الخيمه ..
بوسلطان هلا هلا هلا بشيخه البنات
مريم هلا فديتك وتحب راس ابوها ..
بوسلطان مريم فديتج شبلاج جي عيونج
مريم هاا ما شي ابويه بس راقده ع عيوني
بوسلطان اكييد يامريم ما فيج شي ..
مريم هيه فديتك .. مافيه شي
بوسلطان فديتج ها مسكي هذي 5000 حقج
مريم ابويه انا ما با شي ولو محتاجه بقولك
بوسلطان ماعليه يالله خذيهم انتي ما تشتغلين ولا شي ...وانتي ما بترمسين لو تبين الشي
مريم ما تقصر فديتك ... ابويه
بوسلطان ها فديتج امري
مريم انا بكمل دراسه ..
بوسلطان وين ؟؟؟
مريم بدش معهد وبكمل
بوسلطان اوكي فديتج .. درسي غظي وقتج
مريم ..ها فديتك ما بتتغدى
بوسلطان يالله ..
الا يمر راشد ..صوب بيت بوسلطان ويحصله ف الخيمه وقرر انه ينزل .. يسلم عليه
راشد يقرب صوب الخيمه .. بو سلطان مب منتبه ..يدش راشد السلالالالالالالالالالالالالالالالام عليكم .. مريم شافت راشد وانصدمت ..بوسلطان هوعليييك السلام والرحمه اقرب اقرب
راشد اسمحلي ياعمي ..
وتظهر مريم من الخيمه ..
بوسلطان مسموح فديتك .. حياك
راشد انا خاطف صوب البيت وشفتك وقلت بنزل اسلم ..
بوسلطان حياك الله فديتك ترى البيت الا بيتك
راشد ما تقصر
بوسلطان اقرب الغدى ..
راشد قريب الا وينهم الريايل لا المعرس امبين ولا اخوه ..
بوسلطاان ويييييييييين المعرس خلاص خذته الحرمه عنا ..
راشد هههههههه الله يوفقه يارب ..
بوسلطان انت اشعنه ما تعررس .. كم صار عمرك احييين ؟ غديت شيبه عقب محد يباك
راشدحرااام عليك يا عمي عمري 28 مب عووود
بوسلطان ويييييييييين مب عوود بعد سنتين بتشتكي من ركبك ...
راشد هههههههه لا لا انشالله خير
بوسلطان طب واختار امره لي تباها ..
راشد انشالله خير
الا ع دخلت خليفه .. السلالالالالالالالالالالالالالالالالالالالالالام عليكم
بوسلطان سود الله ويهك يالمهروووووووووووووووووووم