شو هالمنكر اللي طالعات فيه بنات الجامعات؟ [الأرشيف]

خربوطه

17-08-2003, 01:18 AM

ألحين بنات الكليات و الجامعات طلعولنا بمنكر يديد

قبل منكرهم انهم ما يلبسن الشيلة و خاصة البانت اللّي قاصات شعورهن مثل البوي :marsa8:

لا و ألحين قامن شوي شوي يفصخن الحيا بالمرة و ما يلبسن العباية بعد :marsa105:

ما ادري وين يالسين نحن عشان يطلعلنا بهالنغمة اليديدة :marsa80:

كله و لا الفشلة بداية العام يوم المدرسين سووا اجتماع خاص لكل الطالبات عشان يناقشون مسالة المكياج اللي يحطونه البنات :marsa121:

اتي الوحدة من البنات الكلية ولا الجامعة و هيه مازرة ويهها بالمكياج اللي ما له داعي و 24 ساعة ييلسن يعدلن فيه بدال لا ينتبهن لشرح الاستاذ اللي أصلا ما بيعرف يشرح يوم بيشوف هالأشكال :marsa113:

صدق هالبنات فشلونا و حرقوا ويوهنا جدام المدرسين الأجانب اللي قالوا ان هالمكياج ما يحطونه الا بنات الشوارع في بلدانهم الأجنبية بس مثل ما يقول المثل "لا حياة لمن تنادي" :marsa39:

خربوطه :marsa117:

بنت_الطــــواش

17-08-2003, 02:14 AM

خربطيشن
بسم الله عليج حبيبتي هدي هدي لا ينط لج عرج:marsa54:
وتسلمين يالغالية ع طرح مثل هذا الموضوع
بالامارات ع الاقل جامعاتكم مب مكس..يعني بس للبنات..والبنت تخق ع بنات الجامعه بكشختها:marsa15:
نحن في البحرين جامعتنا مكس..والبنت يوم تشوفينها تقولي حشى هذي هب سايرة جامعه ولا ساايرة تتعلم هذي ساايرة حفلة ولا عرس:marsa48:
تحط لها فل ميك اب والشعر طاايح ع الجتووف..وتتميع بمشيتها يمين ويساار
صج منكر..
طبعا من الموضات اللي طلعت عندنا..ان البنت تلبس عبااية وتطيح الشيلة ع جتفها..او بس تلبس عباايه مسكره وتكون مخصره
وهل الاياام ..يلبسن عبايات مفتوحة وشفاافة والشعر من جدام طاالع نصه وفل ميكب
انا ما اقول البنت لا تتعدل وتسير الجامعه بدون شي..كفاية تحط لها فاونديشن او كريم ضد الشمس ورووج..بس ما تمزر ويهها ميك اب
طبعا البنات يوم يدخلن الحمام ما يطلعن إلا بعد سااعه ..وفي المحاضرة المنظره ما تفاارج ريلها ..الدكتور بلاعيمه تطيح وهي تتعدل بالمنظره..وتعلج لباان
هههههه والله سوالف
ومنااكر...عشنااا...وياما حنشووف:marsa21:

طواشووة

سلوم

17-08-2003, 02:31 AM

:marsa114:بلاج معصبه خربطيشن...

:marsa100:لازم يتكشخن...و لا بتستوي فيهم عقده نفسيه..:marsa46:

انزين انا عندي سؤال...:marsa14:هاذيلا من الساعه كم ينشن عسب يحطن هذا كله..

الحزينه

17-08-2003, 03:41 AM

هههههه سلوم حليلك يعني عادي اذا دوامها الساعه 8 تنش الساعه 4 عشان ااصبغ

كرررررررررر

شفنا الكثر من هالبنات اللي يسمونعم فري وطبعا تجاوزا كل الحدود و لكن بعد ما زال فيه فئه ترفع الراس من بنات بلادنا

و بعدين البنت الاجنيه حياتها شرات الريال ما في فرق بينها و بينه تشتغل و تعيش عمرها و بعدين ما اظن انهن ما يتصبغن و اذا ما تصبغن تراهن يتفصخن شو ما لقوا شيء في بناتنا الا المكياج و طاحوا فينا

بنت_الطــــواش

17-08-2003, 02:31 PM

سلووم
قالوا منكر البنااات هب الشبااب
ليش رااز الفيس
تعال بقص عليك قصه
ekeke
عندنا في الجامعه بناات فري..وعادي يلبسن قصير
يعني تنوره قصيرة..ولا بنطلون قصير وطبعا فووق البدي..
وجااان الشبااب بالجامعه يحتجون
يقولون إشمعنه البنات يلبسن قصير ونحن مانعينا من لبس الشورت في هذا الحر
خيبة وين يبوون ساايرن يتعلمون ولا ع Beach

طواشووة

رتوش

17-08-2003, 05:33 PM

البنات الي في الجامعات و الكليات كل يوم يطلعون

منكر على قولتكم، اونهم يماشون الموضة :marsa31:

والله اذا اهلهم خالينهم على كيفهم يسوووين جي و اكثر

وما تنفع و ياهم القوانين شو ما حطو

بس بعد في بنات ما في احسن عنهم والله ساتر عليهم

:marsa119:

the_pirate

17-08-2003, 09:03 PM

ترا يسمونها الموضه لااه

وبعدين احسن عشان المدرس تنفتح شهيته للشرح

الشرجاوية

17-08-2003, 09:38 PM

:marsa3: عجيب هالموضوع

متفيجات الصراحة الوحدة تنش من الساعة 5 الفير عسب تلحق تصبغ ويهها :marsa3:

واحلى مافي السالفة طواشوو اونه الشباب يحتجون خخخخخخخ :marsa3:

™سكـ الليل ـون™

17-08-2003, 11:30 PM

الســـلام عليـــكم...

اي وحده تبااتشوف اخر صيحااات لاموضه.... تدخل الجامعه و قت البرييييييييييييك...!!! بتشوووف العجب..!
الحمد الله منا انا نقدر انقوم الصبح.. نلبس و نلحق على محاضراتنا..
صح انه المفروض الواحد يراعي شكله... ويكون مرتب... وكاشخ... بس بحدوود...

والله العجب في الجامعات... فل ميك اب... وحاله..!! والله ماشي شغله.. اني ايلس اتعدل للدكاتره... :marsa22:
بس اللي يضحك في الموضوع... لو وحده منهم.. في يوم ماحطت ميك اب... الكل يسألها.. يقووولها فلااااانه شو فيج اليوووم.. شكلج مريييض... :marsa36: مسكينه تتوهق... مب قادره اتقولهم انها اليوم مب حاطه ميك اب.. :marsa118:

الله يهديييهم..!

خربوطه

18-08-2003, 02:51 AM

بنت الطواش:
يا ريت البنات يسمعون لج.. تراهم ما يفهمن عشان يعرفن ان الصبغ اللي يحطونه ما يفيدهم في شي :marsa39: لكن سالفة الشورتات أوّل مرة اسمع عنها :marsa97:

سلوم:
قلنا يتكشّخن مب يوصلون للحد اللّي يشبهونهم فيه الاساتذة ببنات الشوارع :marsa80:

الحزينة:
صدقج و الله.. اذا قلنالهم شي عن المكياج بيقبضن الثياب و الحال نفسه اذا عكسنا :marsa22:

رتوش:
الحمدلله ان في بنات بعدهن متمسكات بدينهم و تقاليدهم.. و المنكر عمره ما يكون موضة محترمة :marsa59:

مايد:
لو المدرس تنفتح شهيته للتدريس ما كان في مشكلة في الكليات و الجامعات :marsa64:

الشرجاوية:
مشكورة على مرورج و أحيدهم ينشون الساعة اربع الفجر مب خمس :marsa83:

سكون الليل:
الله يهدي الجميع ان شاء الله.. صدقج و الله، البريك هو احسن وقت للي يبى يطمّش على بنات الجامعات و الكليات :marsa119:

خربوطه :marsa117:

أسيرة الطبيعة

18-08-2003, 04:04 AM

سكون الليل
ههههههههههههه صدقج الوحدة اللي ما اتحط ماكياج يقولون لها يحليلج شو مريضة اليوم ..ههههههههههه.. يعني لازم الوحده اتحط مهرجان على ويهها عشان يقولون انها صاحية. :marsa40:

سلوم

18-08-2003, 09:39 PM

حزينه...:marsa140:تنش الساعه اربع.. انا الساعه اربع توي افمر ارقد:marsa22:الحمدلله والشكر...

:marsa161:طواشووه... شو شورتات وين يبون هاذيلا,,,البارحه واحد يقول لي البس بنطلون وقميص للجامعه بدل الدشداشه...:marsa22:وين يبي هذا...:marsa147:شخبارك ميود...

خرابيطو...:marsa72:عسب تظهر حلوه لاه وبسرعه تعرس...:marsa65:ما ادري هم روحهم جيه يقولون....
:marsa147:

روح العين

19-08-2003, 02:49 AM

خربوووووطه

يقولووون عيش كتيييييير تشوووووف كتيييييير

في الجامعه هب الا منكر تشوفيين مناااكر والعياااذ بالله
ما نقوول غير الله يهدييييهن
ذكرتووني بوحده كنت رايحه اسجل قبل لا يكوون التسجييل بالنت
فيالسه ارمس ويااها وانا مندمجه في الكلام واقوووولها هذيلا اللي يتصبغن وخصه دواامنهن من ثماان متىى ينشن ولا يتعدلن في السياره او الباص
ويالسه اتمصخر واتظنز واقوولها لا يووم تحط الاي لاينر وعند مطبه شو يستوي فييها

الا عقب انتبهت انه اللي ارمسها من اللي يحطن ميك اب
والله اتفشلت

خههههههههههههههههه

الحزينه

19-08-2003, 03:34 AM

روح العين منو اللي فيكم قفط

هههههه

اكيد انتي و هي ويها لوح

كررررر

روح العين

19-08-2003, 03:45 AM

حزووووون
هيه انا اللي تفشلت

خربوطه

20-08-2003, 02:40 AM

أسيرة الطبيعة:
ثانكس على مرورج :marsa70:

سلوم:
انزين بلاك ترمس و انته مستحي.. و هو اللي يقولون ولا انته اللي تف\قول أن البنت لازم تطلع حلوة :marsa47:

روح العين:
ضحكت من خاطري عليج يوم قريت اللي كتبتيه :marsa56:

الحزينة:
شرفتينا و آنستينا :marsa63:

خربوطه :marsa53:

نهر الوفا

20-08-2003, 10:03 AM

انا ما بقول غير الله يهدي هاييلا البنات

والحين عاد بتبدا الجامعة وأول اسبوع بنشوف العجب العجاب :marsa49: :marsa49: :marsa49:

خربوطه

21-08-2003, 11:21 PM

نهر الوفا:
مب اوّل اسبوع بس.. الا بنات سنة اولى بنشوف شو صرعتهم هالعام :marsa56:

خربوطه :marsa70:

الظبياني

22-08-2003, 02:12 AM

اعتقد..هناك شئ يجب ان لا ننساه جميعا ....هو ان الله جميل يحب الجمال ..وان البنت في بلادنا ..تميزت بشئ ..انها في ارض راعت وتراعي حرمة الله ..فليس هناك اختلاط والحمد لله ...
وهنا يجب علي البنت ان تلبس وانت تهتم بلبسها ومظهرها ...ولكن يجب الحذر كل الحذر مما يلي :
اذا كان هناك وجود للدكاتره في الجامعه فيجب ان نراعي شئ مهم وهو وجود الله سبحانه وتعالي وان تتحلي كل اخت بامور الدين في لبسها ومشيها وغير ذلك ...
فعلمي اختي الجامعيه ...
ان الايام ما تلبث ان تقضي وما تلبث ان ترحل ..وانتي اليوم سعيده بشابك الذي لن ولن يتعدي 25 سنه علي اكثر تقدير عمري ..فان عصيتي الله ..فيوم لقياه يوم لا غبار عليه ..فباي وجه ستقابلين الله وماذا سيكون ردك ؟؟
اعلمي ان الله قدر لنا في هذه الحياه كل شئ وعبثا نحاول ..ان نجد غير ما سخر لنا ..فما الهدف وماذا تردين عندما تتحدين وتقعين في امور حذرتي منها في دينك ؟؟
لا شئ ماهو الا الدمار والخراب ..والبعد عن الله هذا ما يريده الشيطان ..ان يزيد جهنم عددا وعددا من ابناء وبنات ادم ..
فابعدي اختي وانصحي اختك عن طريق ليس من ورائها الا الضياع ..دنيا واخره ..
والسموحه .

**][Hero][**

22-08-2003, 05:35 AM

الله يعينج اختي خربوطه ويصبرج على شوفة هالمناظر
:marsa34:
:marsa167:
بكره بتشوفون الي ماشفتوه امس
:marsa40:
والله الحافظ يحفظ عباده
والجامعه صرح تعليمي للي يبغي يتعلم مب عرس
وعلى البنت انها تحترم ان الي جدامها رجل يشرح لا هو بابوها ولا باخوها
يعني تتقي الله فيهم
و من المعروف حب المراه للتجمل وانها تكون اجمل الموجودات ولكن
رب العالمين ليثبت عباده الصالحين الي ينتهون عما نهى
قال تعالى (ومن نهى النفس عن الهوى فأن الجنة هي المأوى)
وكفى بالجنه جزاءً
و تحياتي للجميع :marsa63:
ونسأل الله السلامه والعافيه :marsa129:

لامع البرق

22-08-2003, 10:37 PM

ما ريتي شي بعدج يا خربوطه بتشوفين العجب العجاب :marsa42: انا الا اتفيج الصبح و اسير اوصل الرضيعه الكليه بس اوقف عند الباب و اشوف المناظر و اقول عافانا الله :marsa36:

العويا عويا و لي حاطه الشيله على الجتف و المطّوره كثير بتطوي الشيله و تحطها ف شنطة اللاب توب, و غيييييير بعد يوم بتسمعين بسوالفهن لي عندها موبايل بالدس و اهلها ما يدرون و ترمس ف الكلاسات,و لي تسوي عمرها بوي و تتمشى ويا بنيه تسوي عمرها رقيييييقه " شذوذ" وانتوا بكرامه...و سوالف جثييييييره.. انتي بس داومي و بتشوفين اشيا تشيّب شعر الراس :marsa103:

و بتشوفين لي يلبسن تنانير قصيره و ساتره ريلها بالبوت, و لي تتمشى ف وقت البريك فاجه العباه و تتمشى ب قميص يظهّر البطن و لا و اطورن بعد و قامن يثقبن سرهن :marsa36:

يالله بالستر و الستير, قولوا عافانا الله

خربوطه

23-08-2003, 12:41 PM

الظبياني:
ان شاء الله بس حد يسمعك و يتعض لأنه هالأيام محّد يسمع حد :marsa178:

Hero:
شكلك انته اللي بعدك ما سمعت شي.. ما سمعت عن سالفة البنية اللي بغت تسأل استاذ في الكلية و حاطة ايدها على صدره جدام البنات كلهم و هي ترمسه و كأنه ريلها ولا حبيبها.. الاستاذ انحرج و استحى و هي ما استحت على عمرها :marsa105:

لامع البرق:
الحمدلله أني مب في الجامعة الأمريكية :marsa164: نحن عندنا خبال بس على أخف و فيه من هالمناظر اللي تقول عنها و في أشكال ثانية بعد :marsa44:

خربوطه :marsa119:

**][Hero][**

24-08-2003, 02:43 AM

استغفر الله العضيم الى هذي الدرجه :marsa138:
يالله لا تبيلينا يارب
يالله يحفظ عباده
:marsa138:
الحمد لله بعدني ماشفت شي
غض البصر زين
لامع البرق
ليش تشوف :marsa138: :marsa45:

خربوطه

24-08-2003, 04:18 PM

Hero:
لا تفج عيونك كلها من الصدمة لأنك بعدك ما شفت الأفضع عن جذيه :marsa22:

خربوطه :marsa94:

عجيد الريم

05-09-2003, 12:04 PM

السلام عليكم

عزيزتي خربوطه..
في البدايه مشكوره على موضوعج الحلو وماتقصرين... واسمحيلي لاني تاخرت في الرد على موضوعج

عزيزتي..
لو لاحظتي ان اغلب الي يكونون حاطين الميكاب هن بنات السنه الاولى..لانهن يظنن انهن داخلات لحياه يديده بعيد عن السيطره والتحكم..لكن بسرعه بيملون وبيمسحونه...
وعن اللبس الضيج مانقول الا كل وحده حسب ماهي متعوده في بيتها وعلى حسب اهلها اذا راضين ولا لأ,,,

وبصراحه الي نشوفه في الكليه مصخ زياده عن اللزوم :marsa116:

الحب وفا

07-09-2003, 03:34 PM

اقولج خربوطة...ترى هذا استوى شي عادي...المفروض تعودتي..هذيلا الجامعيات والا بلاش:marsa143::marsa150:

ترى القيامة قربت...وهاي نهاية الدنيا يوم تزيد المناكر فيها...الله يحفظنا ويستر علينا ويهدي هالبنات:)

سلوووووم....هذيلا ما ينشون من وقت منو قالك...هذيلا من زود ما يحطون تعودوا خلاص...5 دقايق والويه ((......... )) عزكم الله:marsa110:

riam96

07-09-2003, 09:09 PM

:marsa3: الله يعينج بعدج ماشفتي شي من بنات الجامعات

ماقول غير بعدج بتشوفين و بتشوفين :marsa3: :marsa3:

شو وراهن قاصات على اعمارهن :marsa3:

أم غيث

15-01-2006, 10:13 AM

السلام عليكم و رحمة الله و بركاته
..-------------------------------------------..

رغم قدم تاريخ الموضوع الا انه جديد في محتواه .. يتحدث عن ما نراه حاليا .. في كل مكان ...

جميل ان تهتم الفتاه بأناقتها و جمالها .. و لكن بحدود المعقول و المكان المتجهه اليه ..

لباس الاسواق و الجامعات و الدوامات الرسميه يختلف كل الاختلاف عن ملابس السهرات و الزيارات ... لا يجب ان تخلط بين هذي الامور .. و الا لاصبح الامر عاديا في كل مكان و في اي مناسبه .. و لأصبحت الفتاه كالدمية المتنقله بلا روح

اما ما تحدثتي به اختي خربوطه من شذوذ ظاهر للعيان و خاصة في الجامعات و الكليات ...

رأينا هذه الامور بأم اعيننا ... و ضقنا ذرعا بها ... و أحسسنا ببالغ الاسى على بنات اليوم أمهات المستقبل ...

للتربيه دور ... و للهرمونات دور ... و لأسلوب الحياة دور ... و للرقابة الذاتيه دور أكبر ...

أعاننا الله و اياكم على هذا البلاء

تسلمين على طرح موضوع حساس مميز ...

عذراء القلب

15-01-2006, 04:53 PM

مرحبا

هذيلا البنات مو شكلهم رايحين مكان تعليم

اتقولون رايحين عرس

و احنة في البحرين لا شيلات ولا عبايات و شعر اخر موظة و حاطين لهم طن مكياج و كيلو بودر

حتى معالم وجهم ما اتبين

لكن شتقولين في ذلين الي يعرضون نفسهم

و مثل ما قلتي ( لا حياة لمن تنادي)

الأنامل الفضية

17-01-2006, 01:52 PM

الســـــــــــــلام عليكم ورحمه الله وبركاته ..

احيد جايفه الموضوع بالمحمل ..
بس تفاديته لاني ما عندي اي فكره عن الجامعات بعدني من قوم المدارس.. :marsa164:

وهم شي بنات في المدرسه فل ميك اب ..

وعالفتره الاخيره قامو يحطون قلولاز ويتحججون بانه فازلين<< فازلين ملون نوع يديد:marsa56:

وما اقول غير الله يهدي الجميع ..
وتسلمين خربوطه عالموضوع ونتريا طلتج :)

ماروكو الصغيره

17-01-2006, 04:07 PM

ترا هاذييل مفلع الزمن خبااال عااد يليتن يزيدن عمارهن جماال يالله يخرعن

انا نصهن اززيغ منهن

مشكووره اختي على طرح الموظووع

سود_الهدب

20-01-2006, 12:06 AM

في يوم من الايام كان في كليه التقنيه للبنات open day ودتنا كليه شباب كليه البنات وهناك شفنا العجايب من البنات كانهم في سهرة مش دراسه وبعد البنات كانو وايد جريأت . وبعدين احنا الشباب جالسين نطالع البنات الى بايعات عمرهن برخص التراب يحسبن انا معجبين فيهن الحنا والله مستغربين وفي بنات وقحات يرقمونا والله حرام بنات اشحلاتهم بس خربانات.
تسلمين على الموضوع

.
.
.
.
.
.
.

دمع السحاب

27-01-2006, 01:05 AM

عش رجبا... ترى عجبا

تحاياي العطرة

الصواوه

28-01-2006, 05:12 AM

يسلمواا على الموضوع الحلو الواقعي

الصراحه ما ادري ليش البنات جي ايسون بعمارهم
الراحه فظيع وااايد
كنت بالكليه ولازم اذا بركب باص السكن امر على السواقين والسواقين يالسين يتريون الباص ينترس
وبعدين يتحرك فيشوفون الساير والياي
ومنو ايمر جدامهم البنات الله يستر علينا
العبايه مفتوحه وتعرفون موضة البنطلون والبدي لازم السر طالع >> ما ادري ليش...!
والميك آب طن على الويه >> والله متفيجين زين مني انش وحط الجحال بعيوني وسير اداوم
واللي استغرب منه ليش الصدر يطلع...!

عاالم غريب وللأسف كل يوم ايزيد

لدرجه انهم ايسيرون ببجامه وتشيرت للدوام بالكليه >> طبعا لابسين العبايه بس شو الفايده
والدكاتره ايشوفون وفي منهم يتغزون
وشتكوا الدكاتره على هذا التصرف ووصلت السالفه السكن ووقعونها باللبس المحتشم .. تتخيلون كيف وصلنا لاي درجه انحطاط .. الله يهديهم
ما لوم الدكتور اذا اتحرش بوحده من البنات لانه بسببهم اتجرأ وصد صوبها
والعطر لاعب دور ايفوح من الخاطر .. أنا وربعي نتخبل ما بالكم الدكتور والسواق والعامل
والعطر أكثر شي يجذب الريال

ربي اكرمنا بالستر والحشمه ليش تطلعين عن طاعة ربج .. ليش اتخلين عمرج زانية...!
الصراحه انا احترم البنات اللي عبيهم فوق راسهم محتشمات من فوق لين تحت >> خاطري اكون مثلهم بس للأسف .. محد يدري كل شي جايز...!

السموحه على بعض الالفاظ

بس وينها خربوطه
؟؟؟