دقيقة مب أكثر ..

[اطياف الذكريات]

.. الـــســـلام عـــلـــيـــكـــم ..

هذي القصيدة ثاني انتاجاتي الشعرية .. أتمنى إنها تعجبكم .. رغم اني احسها شوي
كلامها مب مضبووط و مب منظم .. فقلت بنزلها و أشوف رايكم .. حياااكم إخواني و خواتي ..

.. = -= -= -= = -= -= -= - = -= -= -= -= -= -= -= -= -= -= -= ..


..÷.. دقـــيـــقـــة مـــب أكـــثـــر ..÷..


اتريا حبيبي .. اتريا يا بعد عمري ..
اتريا قبل لا ترحل .. اتريا بقوول لك كلمة ..
اتريا قبل لا تندم العمر كله ..

عطني من وقتك ثواني أنا مب طالب أكثر ..

تراني تعبت من مناجاتك ..
تعبت من هموومك ..
تعبت من أوهامك ..
منت حب ٍ لي .. أنا طريجي ثاني ..


طريجي طريجٍ ثاني .. مليان حبٍ مع إنسانٍ يهواني ..
ماخذنه عن قناعة مب ملقطنه من مكانٍ ثاني ..

سلَم عمره لعمري ليعيش معي أيامه ..
يعيش معي ساعاته .. يعيش معاي العمر بأفراحه و أحزانه
نعيش بعضنا على بعض ما يفرقنا إنسان قاسيٍ ثاني ..


يا القاسي .. يا جمر الصخر القاسي
إبعد .. إبعد .. إبعد ..
إي نعم إبعد أكثر .. الدنيا ما لها نهاية ..
لف و دور فرقها و مغاربها .. بس خليني مع حبيبي ..
إلي ما لي بعده حبيبٍ ثاني ..

لا تطلع روحي ما أقدر أتريا ..

صبرت عليك أيامن جفا و ليالي ..

ما ذقت للراحة طعم بقلبي ..
يا جاااافي .. ابعد ..
إبعد عن إحساسي ..
لك حبيبٍ تحبه .. لا ترجع لي طيف ثاني ..

ارتجيك .. و رفجة غاليك و مغليك ..
إنساني ..
افنيني من قلبك ..
تراني أعيش في قلبٍ ثاني ..

يحبني و يعزني و يغليني ..
يتركني بوسط قلبه يجري علي دفا دمه ..
يعيشني في عالمٍ ثاني ..
سكنت في شغاف قلبه .. سكنت في مقل عينه ..
لا .. لا ما يتركني أعاني .. ما يتركني أبعد ثواني ..


تصور في ليلة من الليالي .. كنا نتمشى و نتسامر في حبنا الغالي ..
دعم فينا غدر الدهر و شال روحي من قلبه ..
شالني للسما ..
شالني لعالمٍ ثاني ..
شالني لمكانٍ ما يناظرني فيه غدر الدنيا ..


تصور .. ما نقدر نتفارق .. شفته لحقني بعد دقايق ..
لا مب دقايق .. بعد ثواني ..
ما صبر عليّ حبيبي الغالي ..

سحبته و ضميته و تأملته .. تأكدت إنه معايا ..
تأكدت إنك و أمثالك مب ورانا ..
إنت بعيد .. بعيد .. بعيد ..
ما ترووم تتداركنا .. رحنا لعالمٍ ثاني ..

لعالمٍ ثاني .. إنشوف فيه أرواح شراتنا ..
نسقي وردٍ أحمرٍ خلابي .. و نجني منه آمالنا ..

رووووح لا .. اقول انت بتبطي .. أنا ما بتريا ..
ما بتريا منك كلمة .. ما بتريا منك رمسة ..

الكرامة من أصولي .. و هي تاجٍ عالي ..
كثير عالي .. على شرايف راسي ..

لا تقووول اتريا .. لا تكسرني ..
انت ما تقدر على عالي مقامي ..
مقام عربٍ شيمٍ احشامي ..
مب من طبعهم المذلة و الكرامة تاج على روسهم ..
من طبعهم الحشيمة .. لا ماهم بمثلك ..
هم مسيرة حبٍ و صدقٍ و أحلامي ..
ما ترووم تواكبها .. يا القاسي ..


أنا ريال ما أرجع عن الرمسة ..
شو فيك أنت ما تفهم الرمسة ؟؟
لا حبيبي لا تقول تريا ..
منت لي هدف بعد حبيبي االغالي ..

نش من عالم أوهامك .. نش من عالم أحلامك ..
لا تصدق قلبك الخاين ..

أنا أكلمك من خيالك .. بسرعة .. ما أقدر اتريا ..
كلمة و قلتها لك .. اسكت أنا ما بتريا ..
ما أنتظر منك أنا كلمة ..

اعرف .. أنا عارف انك بتقول وين أنت ؟؟
أنا رحت فوووق رحت فوووق ..
رحت عند ربي العالي ..


رحلت اليوم قبل بكرة ..
مشان معاي حبيبٍ ثاني ..
ما اجتمعنا على الغدر و الخيانة ..
اجتمعنا على حب جوهرٍ غالي ..
في عالم أرواح ..
عالم بس أنا فيه و حدٍ غالي ..


مـــــع الـــــســـــلامـــــة ..

مـــــع الـــــسلامـــــة ..

مـــــع الـــــســـــلامـــــة ..


مع السلامة .. الله الغني عنك .. يالجااااااااااااسي ..

.. = -= -= -= -= -= -= -= -= -= -= -= -= -= -= -= -= -= -= -= -= -= ..

إنشاء الله تعجبكم :marsa139: .. رغم انها نوعاً ما مب عاجبتني ..
بس رايكم يهمني .. و إنشاءالله تكوون موضع إعجابكم ..

تقبلوا فائق تحياتي و إحترامي ..
أطياف الذكريات ..
.. :marsa112: ..

[وحيده بدنيتي]

يسلمووووووووو ((أطياف الذكريات )) ع القصيده ..

رووووعه .. و حلووووووووه ..

أفا .. ليش مب عايبتنج .. ؟؟..؟؟

بالعكس .. وااايد حلوه ..

لا تحرمينا من يديدج ..

[اطياف الذكريات]

أشكرج من كل قلبي اختي وحيدة بدنيتي .. تسلمين تسملين على مروورج .. و مشكووورة على ابداء رااايج .. إنشاء الله كل مرة بتشووفين شي يديد لي .. تسلم يمناج على المروور و التعقيب .. حياج بأي وقت و كل يوم تعالي .. عساااج على القوة ..

تحياتي القلبية ..
أطياف الذكريات ..
:marsa197:

[ريماني]

السلام عليكم

الصراحه انا زعلانه منج اطياف عندج كل هالموهبه وتقولين مب عايبج
تصدقين يبيلج كف علشان تقدرين الي تكتبينه << مصدقه روحها الاخت
اوكي حبيبتي انا حبيت اشكرج على الكلمات الاروع << اكيد روعه اشفيج غبيه
الكلمات اكيد روعه لانه صاحبتهم اروع

وشكرا ورجاء مني انج ماتحرمينا من هالكتابات الحلوه

تحيات ريم البحرين و ريماني

[اطياف الذكريات]

أووه .. أوووه ..
مرحبا مرحبا الساع او عيوون سوود اوساع ..
اوووه ريماني في موووضووعي .. لا لا عطيني كف علشان اصدق ..
اوه بس صدقت صدقت لا تعطيني كف صدق الحين .. :marsa139: هههههه ..

مشكوووووورة وااايد على المروور و التعقيب .. تسلم يمنااج وااايد واايد .. وسلمي على ريم البحرين .. و قولي لها اشتقت لها وااايد .. واشتقت لطلتها في المنتدى ..
اهم شي انها عجبتج .. بس نشرتها في المنتدى مال ديرتنا قالوا لي مب حلوة ..
و زعلت مت خاطر :marsa64: .. و قلت احسن شي اشووف رايكم ..
لان رااايكم يهمني اكثر ..
اشكرج من كل قلبي ريماني .. و عساااج على القوة دوووم ..

.. تحيااتي القلبية ..
.. أطياف الذكريات ..
.. :marsa112: ..