][رحلة شباب المرسى للمقناص][^_^][

[عويد الموز]

سلاااامي عليهم

شحااالهم عربان زايد ..؟!


.


+


.








موضوعنا اليوم عن القنص ..


سلمكم الله الاسبوع لي طاف اتفقوا شواب قصدي شباب المرسى

انهم يسيرون القنص ..

طبعا انا سرت .. عشان اكتب تقرير عن الرحله :marsa107:

المهم يوم الاربعا اتيمعوا الشباب عقب صلاة الفير

وساروا المقناص الساعه 7

+

والاعضاء لي ساروا الرحله هم:-

شيخ الجن

ولد النوخذه

سلوم

بوفيصل

مايد

حكومة بوظبي

هــزاع

عويد الموز و حفادها ( بنت البلاد و بنت الطواش)


والسموحه من الباجين ..ودي اشلكم كلكم بس راعي الحلال الربان

سمح لهالاعضاء ولا ماشي سيره :marsa178:

ان شاءالله فالجزء الثاني بنطلعكم :marsa107:



*ملاحظه: لي بيزعل وبيحط فخاطره يخبرنيه وانا بمسح اسمه من اللسته

.




البدايه:-





القنص احدى اهم النشاطات او الرياضات التراثية المحببه والمفضلة عند اغلبية سكان دول الامارات ويكفينا شرف وقدوة عشق صاحب السمو الشيخ زايد بن سلطان ال نهياان رحمة الله للطيور والقنص وامر سموة رحمة الله بالاعتناء بهذي الرياضة والمحافظة عليها ونحن عاقدين العزم انا نتبع ثراه في كل الامور..







http://www.reemdubai.com/lore/album/uploader/uploads/62ab5d8604.jpg


رحمة الله عليك يالشيخ زااايد









ماشاءالله عليهم امتيمين الجماعه وانا حضرتيه متحيّره عليهم و اوني هازبتنهم عن لا يتحيرون خخخخ تدروبهن عاد العيايز الين مايتزهبن ويشلن اقشارهن و اوصيهم على حلاليه وهوشيه وهاي طويش محيرتنا بعد ماطييع تركب الموتر جان امطها من يدايلها ويالله وصلنا عالساعه 8 ونص وجان اشوفهم جذا متيمعين وصورتهم








http://www.reemdubai.com/lore/album/uploader/uploads/c09539c734.jpg



وهنه البقعه لي بنخيم فيها ... ماشاءالله عليهم الشباب شادين الهمه
ينصبون لخيااام ويظهروون السامان من المواتر طبعا باشراف (بوفيصل)
والبنيات سارن يورن الضو وزهبنا القهوه والجامي والكرك وريقناهم







http://www.reemdubai.com/lore/album/uploader/uploads/2efca574d7.jpg



يحاااافظ عليهم زقرت ...
بو الغترا الحمرا ولد النوخذه ولي حذاه سلوم و حكومة بوظبي وشيخ الين هذا لي ضارب الفلاش فعيووونه خخخخ حليله ينوود سهران طول الليل مارقد وجاااان يضرب الفلاش فعيونه عصب علينا الريال :marsa173: يتحراه الرادااار





http://www.reemdubai.com/lore/album/uploader/uploads/919cd8d52b.jpg



اسميني امفضحتنهم حالفين عليه ماحط هالصوره
والله عاد كيفهم انا يايه وياهم عشان اصور :marsa107:

وعقب ما تغدوا كلن ركب موتره ونهي صوب بقعه يقنص

وعاده انا يسلت وشغلت الرادو ولايحطون ميحد ... هيييه حي هالصووت والله
اسميه تقند الراااس ... ولا اشوف طويش وبنوووته شالات الحصير وبيتزحلقن من فوق العرقوووب :marsa62:
ويلست اباغم عليهن الين ما نزلن و واجعتهن

وعقب ردوا الشباب يعرضون القنص جدامي ... طبعا لي ايمع اكثر بنعطيه الناموس





http://jrnas.com/image/mgnaa9/Image220.jpg



سلمكم الله هذا ولد النوخذه شال طيره وحليله ماقنص غير هالحمامه لي شالنها حكومة بوظبي
ولي واقف وياهم بوفيصل وحليلهم متروعين مني

بوفيصل: ياخي مادي اييش فيه ذا الطير مو راضي يقنص اليوم ..

ولدالنوخذه: والله مادري ياخوي ... حالف يفضحنا جدامها ..





http://www.reemdubai.com/lore/album/uploader/uploads/9bbd3452ef.jpg



اوووه اوه يحااافظ عليه ههههه خاف ربك لابسلك كندوره سوده ..عن اتغيب فالبر :marsa46:

هزاع: هاااه شرايج فالقنص

عويد: لالاماشاءالله بياااض ويه وانا اشهد






http://www.reemdubai.com/lore/album/uploader/uploads/ead14a656f.jpg


وهذا خوينا سلوووم وصيده ... خخخخ ماشاءالله شو يالس اتصلي عليهن

سلوم : لا لا رتبتهن عشان تظهر الصوره ترتووب

عويد:هيه هيه ماشاءالله عليك ..امبوونك ترتوووب




http://jrnas.com/image/mgnaa9/Image223.jpg


مايحتاااي اقولكم امنو هذا شوفوا الموتر وبتعرفونه خخخخ ...

يحاافظ عليك يا شيخ الين مرتبنهن .. ومصففهن ... شو للبيع

شيخ الين:لا رتبتهن عشان ماتغلطين فالعد ..شو رايج

عويد: زين زين ... بياض ويه



http://jrnas.com/image/mgnaa9/Image150.jpg

وهاي كمية الصيد اليوووم .. ماشاءالله عليهم الله يعطيهم العافيه

[عويد الموز]

http://jrnas.com/image/mgnaa9/Image137.jpg


وهنه يمعهم مايد عشان يعطيهم دروووس خصووصيه من عنده .. عن القنص :marsa70:
وانا لفت انتباهي شيخ الين لي متسدح مادري على اشو يضحك :marsa83:


+



http://jrnas.com/image/mgnaa9/Image181.jpg

هاااه شو مستوي اهنه ... شبلاكم تتضاربون عالجدور :marsa178:

بس انتو شوفوا المثقف حكومة بوظبي مندس عنا ويقرا الجريده

ربعك يعابلون وانته خايف تفوتك اخبار البورصه

ماعليه هالصوره بنراويها الربان :marsa145:

+


http://jrnas.com/image/mgnaa9/Image215.jpg

اندووووووكم ههههه

طبعا عاشق النيسان خوينا شيخ الين :marsa129:

شيخ الين : عويد عويييد خذيليه صوره بليز ولاتنسين الموتر

عويد: امررره ... فالك طيب


+




http://jrnas.com/image/mgnaa9/Image216.jpg

يحااافظ يحااافظ .. طبعا شيخ الين و هزاع متعاقدين مع شركة نيسان
يسولهم دعايه :marsa179:












http://jrnas.com/image/mgnaa9/Image145.jpg

يالله يا جماعه سرينا :marsa70:

خلال ساعتين ان ماردينا المرسى

بيبندونه عنا

وبيخصمون من معاشنا





وداع الله ياللي راحلين .. رحلتو في امان وهنايه



النهايه :marsa63:

[الصواوه]

كششششششششششششخه

عفانا الله ليش ما خبرتوني

اناااا اباااا اسير الرحله ما يخصني

اتودوني وياااكم

كل واحد ساير ومودين الاكل والجدور

وكل وااحد كاااشخ بسيارته

بس حلوه اشكالكم

خخخخخخخخخخخ

طلعتوا شواااب

يسلموااا اختي على التصوير الرائع

بشركج بجوائز التصوير العالمي

http://smileys.smileycentral.com/cat/36/36_1_55.gif (http://www.smileycentral.com/?partner=ZSzeb001_ZNxmk660YYAE)







http://www.smileycentral.com/sig.jsp?pc=ZSzeb064&pp=ZNxmk660YYAE (http://www.smileycentral.com/?partner=ZSzeb064_ZNxmk660YYAE)

[الحبوب]

وعليكم السلام والرحمة ..

ههههه اشعليكم رحتوا البر هاه ماعليه ماتاخذوني وياكم ..

والله انكم شياب ههههههههه ...<< ( صارقها من الصواوه )

مشكورة اختي عالصور الي رفعت عندي الضغط لأني مارحت معاكم ..

وبنشوف شو بيصير فالجزء الثاني ^^ ..

[عويد الموز]

مرحبا الساع

.
+
.

.+: الصواوه :+.

ثاني مره ان شاءالله بوديج ويانا

لي يبا يسير رحله ثانيه يسجل الحينه :marsa178:

و تسلمين عالرد الشيخه


.
+
.


.+: الحبوب :+.

هههه لايرتفع ضغطك اخويه

اذا خلانا الربان نطلع مره ثانيه بنوديكم :marsa90:

وحياك الله اخويه

[هـــزاع]

المره اليايه بلبس فسفوريه وما بتحجب شراتهم . شو الراي ؟ :marsa79:

تسلمين عيوزنا على هالموضوع

والله يطول بعمرج

[ابوفيصل]

عيوزنا التراثيه ....

تسلم ايدج ....

فيه صور وايد صورتيها واحنا ما ندري ....

والصوره اللي قلنالك لا تعرضينها .... ليش عرضتيها ...

شرايك فيني .... اعرف اقود المجموعه ... هههههههههههههههه

تسلم ايدك

مشكوره ...

:)

[شـامسيــة وبــس]

يا سلام رحله حلوه

تسلمين يا عويد الموز

[عجيد الريم]

السلام عليكم والرحمه ..

موضوووع راااااااااااااائع اختي اغاليه وفعلاً يستاهل التقييم ..

تسلمين الغلا على هالمجهود الحلو وماتقصرين ...


اختج::عجيد الريم...

[عويد الموز]

يالله حيّهم

.
.

تسلموووون شيوخيه عالخطفه

وربي يطول بعماااركم

عاد ان شاءالله استفدتوا من هاي الرحله


بوفيصل شي وايد صور بس دسيتهن عنكم :marsa98:

[بنت_الطــــواش]

احب البر والمزيون..
واحب البدو والاوطان
واحبك قبل لا يدرووون
هلي واهلك ولا الجيــــران

يدوووه
ليش تمطيني من يدايلي وما تخلينييه اكمل لعب على العرقووب
ظلم والله
واخااف احتج..وتهزبينيه وتضربينيه بالعصا على ظهريييه :marsa180: :marsa180:

بس حلوه طلعه البر >> اتحلم لان ما عندنا بر وعراقيب :marsa64:

تسلمين على المجهوود البناء >> متأثره :marsa117:
وفعلا مشاركه مميزه :marsa196:
ونتريااا يديدج

طواشوة

[~ القلب ~]

يا حيهم شبابنا..

تسلمين الغلا على هالتقرير المميز..
تنفعين تشتغلين مراسله في التلفزيون..:marsa139:

و التعليقات اللي ع الصور ..رووووووووعه

بانتظار التقارير اليايه..:marsa112:

[الأنامل الفضية]

اهئ اهئ الصور ما ظهرو .. &_&

[روح الإمارات]

السلاااام عليكم والرحمه


موضوع فـــــنّ..ماشالله عليج :marsa114:

بس شقايل تسيرين عنا جان فريتونا في العزبه وبرايهم الشبيبه يقنصون ..

:marsa173: ما لي خص المرة اليايه انا اول وحده تركب في الموتر..ومب اي موتر كروزر العزبه :marsa173:

تستاهلين التقييم الغاليه على الموضوع الكشخه..

ونرقب السيره اليايه :marsa5:

السموحه

[اطياف الذكريات]

السلام عليكم و رحمة الله و بركاته ..

ماشاء الله علييييكم .. ترووحووون رحلة و لا تقوولوون لنا ..
جاان خطفتوون على البحرين .. وااايد جريبة ..
إلا فرة حصى .. ههههههههه .. :marsa58:

مشكوووووورة عويد على التصووير و على هالمجهووود الرائع ..
يعطييج ألف ألف عافية .. و تسلم يمناج الغالية .. :marsa57:

بس حبيت أقوول لج ان الصوور ما ظهرن عندي ..
بس صوورة وحدة ظهرت و الباجي لا ..

و الله خاطري اشووفهن و اطمش على الشوااب ..
أأأأقصد الشباااااب الله يحفظهم .. هههههه .. :marsa164:

سوري تنقيعات يعني .. :marsa117:

و تسلمييين و عساج على القوة دوووم ..

.. تحياتي القلبية ..
:: اطياف الذكريات ::
:marsa197:

[دلوعة الإمارات]

للأسف ... الصور ما ظهرت
بس الموضوع رائع جدا... شكلها كانت رحلة متكته...

يسلموا

[سلوم]

الســـــــــــــــــــــــلام عليكم ورحمة الله وبركاته
أنا احتج :marsa51:




ولا صورة ظاهره .....:marsa22:
بس الموضوع وايد حلو و الطرح و الفكره ...
ترتوب صراحه :marsa165:
ربي يعطيج العافيه اختي عويد الموز :marsa94:

[شجون الليل]

فدييييييييييييتني:marsa62: شفت كل الصور ماعدى صوره ماظهرت لي:marsa124: .. الظاهر احترقت من الخوف يوم عرفت عويد بتعرضها :marsa36:
اوي:marsa131: عويد انا كنت معاكم كنت منخشه في مخبى سلوم ماحس فييه
"السيده :marsa167:ملعقه:marsa167: تراني"
:marsa167:

:marsa118: بعدين كيف حصلتي ع الصوره ها؟ ناسيه انا عاطنج.:marsa107: التقطت الصور بملعقتي:marsa176:
فدييييتني:marsa104: يوم اصغر

[الأنامل الفضية]

هي هي جفت نص الصور ..

بس سلوم اللي احيده اختصاص قطاوه :marsa49:

تسلمين عويد عالموضوع الترتوب ..

ومب هينه العيوز .. :marsa3:

[AsWa El-MalaYen]

=) =) =) =) =)

[الزنبقة السوداء]

ههههههههههههههههههههههههههههههههههه
ليش ماعزمتوني يالخونه
وله انا مالي راس:marsa87:
خخخخخخخخخخخخخخخخخخخخخخخخخخ
يااااااااااااااااااااااااي وناسه
شكلكم استانستو
مابينت كل الصور
>>>>>>>>>>>>>لازم توج شايفه الموضوع:marsa110:
شاسوي
مره الجايه ان رحتو بدوني مب احسن كم
>>>>>>>>>>>>متسببه:marsa158:
بفشفش توايركم
خخخخخخخخخخخخخ
تسلمين عويد على الموضوع الرهيب والفكره الحلوه