لـــــ الشبــــاب المـــــواطنيــــــن فقط ............

[المـ AnGel ـلاك]

السلام عليكم ورحمه الله وبركاته

شوف من الحين أقولك لو إنت هب مواطن أطلع من الموضوع مايحتاي تعرف عن شو

نتكلم بسرعه أطلع من الموضوع أنا أنتظرك تطلع ..........

لين الحين ما طلعت من الموضوع؟؟

تدري ليش لأنك ولد البلاد وخايف على الدوله...

أول شي بنسأل واللي يعرف الجواب يرفع يده أوكي أنا قلت بنسأل أول

بعدين إرفع إيدك ماقلت إرفع إيدك من الحين



س1- شو السبب اللي يخليكم تتمشون في المراكز ونتوا ماتريدون تشترون؟

لتقول أنك ملان لأنك لو كنت ملان ماكنت بتتمشى هالكثر حتى لو كنت تلعب

رياضه بس والله المشي في المراكز هب رياضه, كلنا نعرف إنت شو إدور في

المركز إنتوا إدور زباله تنظفها صح ولا أنا غلطان, لتخاف الدوله

ماقصرت خلت بلادنا أنظف منك ومن شكلك ومن قلبك الأسود ومن ثيابك هدوني

عليه لحد يمسكني أقولكم هدوني



شوفوا صارحوني إنتوا شو تسون في المراكز هالكثر؟

إنت اللي رفعت إيدك جاوب.

الطالب الأول:أنا أروح المركز لأني وحيد ومحد عندي يونسني.



المدرس:إنزين أنا مافهمت إجابتك قصدك أن المركز يونسك تكفى حك ظهري

بموت من الضحك هههههههههه تصدق عاد إنت ظهرت أغبى عن


الصعيديين.



الطالب الثاني:أنا بقولك الصراحه أنا يوم أروح المركز أسير أتشرا وبس.



المدرس: ياحسره شو تشتري إنت تطلع من المركز وهب شايل أكياس, أقولك

الصراحه لو إنت وأمثالك اللي ماعندهم شغله في المراكز يشترون على

الأقل شي واحد بس, إقتصاد الدوله بيرتفع خلنا نحسبها إنت وأمثالك 500

تدلخون المركز في اليوم الواحد كل واحد يشتريله بارد (عصير)بدرهم شوف

كم بتربح الشركة هذا في المركز الواحد بس لو جمعنا مراكز الدوله كلهن

كم بيطلع.




الطالب الثالث: شوف أنا بقولك الصراحه ومابطولها وهي قصيره إحنا نسير

المركز إندور بنات.



المدرس: سبحان الله إدورون بنات بيض الله ويهك بس أنا لين الحين

ماسمعت عن محل يبيع بنات ليش متى تم إفتتاح المحل؟ والله أنكم فاضين

شو إنتوا ماعنكم أخوات ماعندكم أهل تغارون عليهم؟



أكمل المدرس كلامه:شوفوا ياصايعين ياظايعين أنا بسألكم سآل وجاوبوني

عليه.لو شفت طباخ جيرانكم يغازل خدامتكم شو بتسوي؟



الطالب الأول شكله بدوي


والله لجتله ونا ولد أبويه يغازل خدامتنا.



الطالب الثاني شكله من عيال البحر

أفاااااا ليش ليش يا إستاذ ليش

هالغلط شو قصدك خدامتنا صايعه ؟







الطالب الثالث من جيل البوكيمون لو شفت الخدامه وطباخ الجيران معاها

بقولها دخلي داخل البيت ولو طلعتي بخبر ماماه.



المدرس:شفتوا عاد إذا خدامه ماتعرف أصلها بتغار عليها شو إذا إختك؟

تخيل واحد غازل إختك وهي في السوق شو بتسوي؟إعذرني بس كما تدين تودان.



الطالب الأول:ونا راعيها بجتله من الظرب وبسحبه بالنيسان في البر لين


مايموت.



الطالب الثاني:والله لوديه البحر وغرقه هناك وبعدين بقطعه وبفره

للهوامير.




شوفوا عاد جيل البوكيمون شو بيقول

الطالب الثالث:والله بخبر عليه أخوي الكبير بخليه يظربه ويكسر راسه


بعدين بستخدم بيكاتشو وبكهربه.



المدرس:الحين توني عرفت أنكم هب عيال هالبلد عيل اول شي قلتوا أنكم

تروحون المركز إدورون بنات والحين ماترضون على إخواتكم ليش البنات

اللي في المركز هب إخواتكم, من دوله وحده ويمكن من قبيله وحده, لاكن

للأسف غيرتكم خاصه على أهلكم ليش ماتكون عامه على بنات الدوله كلهن؟

تابع المدرس كلامه قائلا:شوفوا أنا بسألكم آخر سآل وأريد جاوبكم.

لو دولتنا لاسمح الله صار فيها حرب بتغارون على دولتكم؟

للأسف إنتوا ماغرتوا على بنات الدوله كيف بتغارون على دوله كامله؟




الطالب الأول

الطالب الثاني





الطالب الثالث: والله أطلعلهم إسكوير



المدرس إنت اللي من جيل البوكيمون خلك في بيتكم ولاتنسى تاخذ الحليب

ونتوا بعد يا الأول والثاني إنتحروا وفكونا ولتخافون الدوله بين أيادي

الشباب الواعين هب إنتوا, في شباب لو سمعوا كلمه تنقال غلط مابيسمحون

أنها تنقال مره ثانيه, يغار على دولته ويحميها من غدَار وحسود والله

يحفظلنا بوخليفه والشيوخ أعظاء المجلس الأعلى حكام الإمارات.

اختكم :marsa164:

**.. المـ AnGel ــلاك ..**

[المرعب]

يعني هم الشباب بس اللي يدشون المراكز ويطلعون فاضين ؟؟؟؟؟؟؟:marsa150:


اقل بعض الشباب من اللي يطلعون فاضين ايلسون في الكوفي ويشربون عصير ولا كابتشينو مب بس يدشون ويخلون العالم تلاحقهم واخر شي يطلعون.........لا لهم ولا عليهم :marsa105:


وبعدين الشباب يتحرشون في البنات اللي يلبسا نص عباه والجذله برع والمكياج حدث ولا حرج ..يعني باختصار اصلا هي يايه المركز عسب يغازلونها واذا ما تبى تاخذ الارقام اقل شي تسير عند ربيعاتها وتقولهم والله اليوم لحقوني 40 واحد :marsa31:



يعني هالسالفه موضوعها كبير والمشكله تكون في الطرفين الشباب والبنات :marsa68:


نحن نقول الله يهديهم ويصلح بالهم :marsa25:









المرعب والاجر على الله :marsa7:

[المـ AnGel ـلاك]

معاك حق الغلط من الطرفين ^^

على العموم

مشكوور على الرد اخوي المرعب

[الوتر الحزين]

وانا بعد اقول الغلط من الطرفين

[the_pirate]

أذا ما كنت غلطان المراكز سوها حق الناس ..>> وجميع الفئات

مب مخصصه حق ناس وناس..:marsa103:

وأللي يمشي أربع ساعات هذا الشي راجع لنفسه أذا هو فايج وما عنده شغله يسويها
يتشمى ... شو فيها هو مب يالس على قلب حد ..

وبعدين اغلب الشباب أللي يتشمون ومايشترون شي صح يمكن ياي يغازل >>
بس اذا هو تافه بيكون أللي بيغازلها وحده تافهه شراته ..

وبعدين الواحد ما بيتحرش في وحده غصبا عنها.. انزين..
ما شفت في حياتي كلها واحد ساير يتحرش في وحده غصب.. يعني لو وحده محتشمه محد أي صوبها حتى لو يوواا.. وتحشروا منها تحصلها صادتنهم انزين واهني بيقفط..

وبعدين تعاي أنا أللي بسألج..

شحقه مسوين الشيله عشان يلبسونها فوق الراس والا عشان يحطونها زينه على الجتف
والشعر برع والضحكه واصله ألين الصوب الثاني .. كل هذا ما تبين الشباب يتمشون مب لساعه.. لساعات دام شي شرات هايل واحد في المراكز ..:marsa110:

والله الشباب ما ينلامون:marsa17:

[هدوء الليل]

بسم الله الرحمن الرحيم...


وعليكم السلام ورحمة الله وبركاته..

ضحكوني جيل البوكيمون.. :marsa56:

طريقة الطرح جميلة جدًا.. تسلمين أختي الكريمة على ما خطته إيدج..

ونرجع الحين للموضوع..

الموضوع تناول قضية الشباب هب البنات.. صحيح أن البنات من أحد الأسباب.. ولكن خلنتاول القضية من الجانب اللي انطرح فيه.. وهذا طبعًا هب معناه إزالة أصابع الإتهام عن فتاة التفسخ والتشخلع ..

صحيح هناك حيات ولكن هناك بعد ذئاب..
ولكن هل نبرر وجود الذئاب بوجود الحيات...؟؟

الإجابة طبعًا لا.. ليش..
لأنه لا تزر وازرة وزر أخرى..
كل واحد منّا محاسب على عمله لوحده بس.. البعض يقول والله البنات والبنات وهم وهم.. انزين انت اشعليك من البنات وصياعتهم..
وهل هذا مبرر زيادة أعداد الشباب في المراكز..؟
المفروض أنه هالمكان فتنة.. والواجب تجنب الفتنة.. يعني بعض الفئات من الشباب الله يهديهم إن شاء الله..
رايح المركز لا شغلة ولا مشغلة مجرد بس حواطة وتغيير جو.. في شو عاد التغيير في المشي في المركز وإطلاق النظر في خلق الله وبالأخص في الجنس الناعم..
وبعدها اشوية اشوية تطورت العزبة.. بعد ما الشاب مل من النظر قال ياللا أنا وحظي.. وعاد أبدأ الشغل والأوراق المرقمة تطير.. وغمزات وهمسات وضحكات وآخر شي أثام تجرجر أثام..

والله إنه في بعض الشباب حتى المتسترات يلاحقونهن.. والبعض توصل الوقاحة فيه لأبعد درجة.. يتجاوز حد النظر وإطلاق العنان لسهام إبليس إلى تجاوزات لو صارت في أخته لسوى في اللي معاكسنها مثل الطلاب اللي من أهل البر والبحر..

ومثل ما بعض الشباب يقولون ترى المركز للجميع والبنت تشجعنا على المعاكس.. أيضًا بعض البنات لولا وجود الشباب ما تواجدت في المركز وما تكشخت وتشخلعت.. نسأل الله الهداية للجميع..

والغلط من الطرفين.. ولكن مثل ما قلنا الواجب تجنب هالفتن.. هب الجلوس فيها وإلقاء اللوم على الطرف الآخر.. ولا تنسون النظرة الأولى لك والثانية عليك.. ومحد يشل معاصي غيره..

===

أكتفي بهالقدر الحين.. والبنات دورهم ياي بعدين.. :marsa153:

[الفارس المخضرم]

اختي ما يصير للوافدين

[شجون الليل]

:marsa29: انزين جي امعصبين


:marsa48: بعدين الشوبنج او المشي في السناتر والمولات للبنات حلال :marsa48:

كيفنا مواطنات :marsa48: نسوي رياضه

[راجو المزيون]

عادي يغير جو
ورياضة في نفس الوقت اربع ساعات مشي
وسلامتكم

[راجو المزيون]

اووووه شجون ليش تقلديني

[راجو المزيون]

انا بس قاهرني شي واحد في المراكز
البتان شو يسون في المراكز ؟؟ ميلسين ومسوين زحمة بتقولون لي حرام مالهم رب هم اصلا 10 دراهم في جيبهم ما عندهم بس ميلسين يطالعون الي ساير والي راد وتكيف ببلاش خخخخخخ

بس انا ما بنسا الي طاحت في ميقا مول هههههههه

شكلي طلعت من الموضوع

المهم ما علينا:marsa156: