قصتي أريد الحل

[فطامي]

--------------------------------------------------------------------------------



--------------------------------------------------------------------------------

قصتي و مأساتي

أنا فتاه (طالبه), انفصلت أمي عن أبي وأنا في بطنها عشت في بيت أهلها الذين لا يرحمون. ربيت في بيت يدي بس للأسف ما كانوا يعاملوني اوكي وكانوا على أي شي يطردوني انا وامي لا وبعد كنت انضرب على شي وعلى ماشي مع اني كنت لازم احصل العطف والحنان منهم خاصه اني محرومه من احلى كلمه في هذي الدنيا كلمه ابويه المهم اني كبرت على هذي الطريقه المهم من ناحية الماده الحمد لله مستوره بس للأسف امي تتحسب الدنيا بالفلوس تتحسب انها مهما صرفت عليه وانفقت انا بكون اوكي وما بضايج لا والف لا انا محتاجه من يكلمني يفهمني المهم وصلت لسن الاعداديه ومثل ما تعرفون هذا اصعب سن اللي هوه سن المراهقه بس والله العظيم اني ما اذكر سمعت من امي كلمه وحده عن هذا الموضوع او انها نصحتني كيف اعيش في هذا السن من اول سنه في المراهقه كلمت اول ولد وعقبه الثاني والثالث و..... و........ و .....يمكن اوصلون 100 الحين المهم وكلهم كانوا اكبر مني بوايد كنت ادور واحد يعوضني عن حنان الابوه والاغلبيه ظهرت اوياهم المهم لين الحين وانا عايشه على هذي الطريقه وامي للأسف على ما هي عليه اما اويا عيال الناس تنصحهم وترمسهم ويشتكولها اما انا مجرد بنت تنفقع عليها والله احيانا افكر اني اشرد من البيت بس والله لو مب الخوف من الله وحتى اني وايد حاولت الانتحار ابليييييييييييييز انا ما كتبت قصتي الا اني ابغي المساعده منكم ابليز ساعدوني.

محرومه من كل شي

[زهرةالإيمان]

[b]استهدي بالله عزيزتي والله إن حرمك حنان الأم وعطف الأب فلن ينساك وهناك كثير من الأيتام يتربون وينشأون على حال أفضل من لو كان والدهم حياً فأنت بنعمة كبيرة وخاصة أن الله أعطاك العقل وهاأنت تعترفين بأن خروجك مع الشباب غلطة وأتمنى أن تتوبي الآن فهذه معصية كبيرة فهم أغراب عنك ولايجوز التعامل معهم إلا في حدود الضرورة القصوى لاأن نخرج ونتمادى في العلاقة معهم والجئي لربك وحاولي الالتزام مع صديقة تنصحك وتخفف عنك بدلاً منهم والصديقات ماشاء الله كثيرات وخاصة في هذا المنتدى وضعي في بالك أنه مابعد الصبر إلا الفرج قال تعالى إنما يوفى الصابرون أجرهم بغير حساب}

[فطامي]

مشكوره اختي الغاليه على ردج ونصيحتج

[بقايا قلب]

الله يعينج الغالية

[شجون الليل]

اختي الغاليه

ليس كل انسان سعيد او لقيا الحنان من الطرفين.. مشكلتك تهون اذا نظرنا من منظور فتاه عاشت مع ابويها ضمن اسره مترابطه تفقد حنان امها.. او تجد امها تفضل عليها جميع أخواتها.. فقد حنان الام رغم وجود الوالدين.. تشعر بضياع الحنان رغم وجدها معهم تحت سقف واحد..



اختي الحبيبه ليس الخطأ بان نخطئ لكن الخطاء هو عندما نستمر في الخطاء رغم معرفتنا بانه خطاء.. ولن نتوب عنه بل سنقدم على أشياء افجع من ذلك..

اختي العزيزه استهدي بالله واتقي الله في ما تفعلين بنفسك.. انتي في ريعان الشباب وفي عمر الزهور امامك الحياه بأسرها كي تستمتعي بحريتك وتستغفري عن ذنوبك و كان الله غفور عما سلف.. اصبري على الشدائد.. تقربي من ربك.. قوي وازعك الديني بدل ان تكسبي الدنيا وتخسري أخرتك...

توقفي عن التكفير بالانتحار فاخرتك ستكون النار وباس المصير

ويكفي علاقات مع الشباب فانا اخاف ان تذهبي ضحيت الذئاب البشريه وترتكبي إحدى الكبائر على غفله..



نصيحتي والحل هو توكلك على الله وتقربك منه.. أقرئ القران وصلي عندما تشعرين بالرغبة في الانتحار..

تحدثي مع أصدقائك عن مشاكلك كي تخففي عن الكرب الذي يقبع في صدرك.. اذا لا يوجد لديك صديقات

تستطيعي انت تحصلي على الصحبه الصالحه في المرسى وانا اول من يعرض عليك صداقته :marsa94:

[همسة غلا]

http://www.al-hdhd.net/up/files/bint%20alghali-1069559953.jpg


السلام عليكم ورحمة الله وبركاته ....

والله موضوع أثر فيني وايد .......

ببدأ وياج ماعرف كيف أبدى المهم ببدأ

شوفي الغاليه أنا أدري إن الأم والأبو أهم شي فهدنيا .....

بس صدقيني يالغاليه ومب كل أم وأبو يعني بصراحه الحينه أكثريت الأم والأباء

اللي كانوا فجيلنا مب الجيل اليديد أقصد اللي قبل قبله أنزين مب متعلمين يعني والله

شو أقولج هممممم نحن الحينه فسن المراهقه وأهم سن بس صدقيني البنت شو بتستفيد

من واحد ترمسه والله العظيم أن أكثريتهم جذابين اللي يحب بصدق صدقيني عمره والله

ما بقولج أنا بظهر معاج أو أي شي وإنتي تعرفين هالشي ...

وصدقيني التلفزيوناااااااااااااااات هالزمن وااااااايد تعلم وتعلم ....... والله ويماااا

أهل نصحوا بناتهم وماشي فايده أنا أدري إن هالشي وايد قوي عليج ...

بس أستحملي يمكن يوم تكبرين حد أي يخطبج ولا عقبها تشتغلين وعندج أربيعاتج ع الأقل

تقدرين أترمسينهم صدقيني أستحملي ع الأقل لين ما تنفرج عليج ...

وصدقيني يالغاليه ربج فيوم الساعه بيسألج تخلي والله وياي وأنا دوم أسو جي

تخيلي يوم ربج يطالعج يقول ليش سويتي جي ... شو بتردين عليه بتقولين أمي بتقولين أبوي ربج

بحاسبهم بس صدقيني هذيج الساااااااعه محد يعرف حد لا صديق ولا عدو كل واحد هذيج

الساعه يدور أهله وصدقيني في ناس مرو بظروف أخس عنج بوااااااااااايد ...

بس إلااااااااا الشباب والله ... تطلعين وبعدين ....... كلمه وحده بس قوليله تعال خذني ..

تحصلين لا يعرفج ولاشي ... ولا بيلس يقص عليج ...

أنا ما أقولج إن كل الشباب جذه بس الريال والولد المحترم بخاف عليج حتى من الطلعه

وصدقيني محد بينفعج أهتمي فدراستج لين ما تكبرين يمكن عقب الله يفرجها عليج

وما في أحسن من الله صدقيني يالغاليه .........

وهممممم إذا حبيتي تكوني إربيعتي أنا حاضره ...

أختج :

http://www.al-hdhd.net/up/files/bint%20alghali-1069560235.jpg

[فطامي]

مشكور اسير الحب على ردك اخويه اما عنج اختي شجون تسلمين على المشاركه والله بكون فخوره بصحبج الغاليه

فوفو

[فطامي]

تسلمين الغاليه بنت االغلا على هذا الرد والله اتمنى انه تكون لي صديقه شرات i hope so المهم مشكووووووووووووره وداعة الله

فطووووووم ام العلوم

[دلوعة المرسى]

صح ان وجود لاهل حولينا نوع من السعاده
بس مب كل شي..

السعاده موجوده في القلب و الانسان هو الي
يبنيها في دنيتا..

وثم ما قالوا الاخوات قبلي.. كلا ولا الشباب.. حرام اتدمرين
حياتج بيديينج :):)

[بنــ ابوي ــت]

اختي فطووم
والله قصتج تكسر الخاطر
بس بقولج شي واحد
واقبلي هالنصيحه من وحده تعزج وتخاف عليج
انا اختج وابا مصلحتج
انا ادري انج فاقده حنان
بس لا تدورين على حد ثاني يعوض لج بهالحنان
الا القرآن
اختي انتي ما لج غير اعمالج ودينج
حتى لو كلهم مقصرين فحقج ربج ما بينساج
هو الوحيد اللي ممكن يساعدج
اتقربي من ربج
صليله وادعي الله يطلعج من المصيبه اللي انتي تعيشينها
شي ثاني
يمكن البنات لي تمشين معاهن ماثرات عليج بعد
الصحبه وايد لها تاثير
حاولي تتعرفين على بنات غيرهن
صدقيني بتلقين التغيير
وكلمي امج
ما بتخسرين شي
قوليلها انه انتي تحتاجينها
قوليلها انه انتي تحسين هي ما تسأل عنج ولا تداريج
حتى لو ما اتغيرت
انتي ما بتكونين خسرانه شي
لا تسوين لي تسوينه بعمرج
حرام يا الغاليه والله حرام
اتريي الانسان لي ممكن يسعدج ولا تضيعين جمالج وشبابج على ناس ما يستاهلون
وصدقيني انهم ما يستاهلون
حاولي كل شي بس برد بقولج
القرآن
القرآن
القرآن
الا بذكر الله تطمئن القلوب؟؟
دينج
ربج
اعمالج
اختي لو بغيتي اي شي انا حاضره
اختج...
بنــ ابوي ــت

[الأنامل الفضية]

اختي الغالية والله الشباب مابينفعونج ...وفكري بمستقبلج ...
وما اقدر اقول اكثر من هل الكلام
لأن ( بنــ ابوي ــت، دلوعة المرسى ، شجون الليل ،زهرة الايمان ،bint alghali)
الصراحة ما قصرو




واسمحيلي اختي إذا .....
اختج
الانامل الفضية

[فطامي]

تسلمين اختي الغاليه على مشاركتج وردج عليه

فطووووووووووووووووومه

[بنت المرسى]

اختي الغاليه فطامي

ما اقدر اقولج غير
(الله يصبرج ) و ماجوره خير ان شاء الله




و

[بوأحمد]

وانا لن ازيد على كلمات المصطفى عليه الصلاة والسلام

من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب

[رصاصة]

الله يعينك...........