وجع الحب

[قموره]

السلام عليكم بصراحه أناحيبت أكتب لكم هالقصة اللى نقلتها من منتدى ثاني لأنها مرررررررررررررة عجبتني وعااااااااد أبغى أشوف ردودكم تكفون ترى هاي أول مره أشارك في هالمحمل



وهذا الجزء الاول..

العنود : ريم ريم بسج رقاد عفنتي تراج ... من البارحه و انتي راقده ...
الريم : .....
العنود : أووووف منج ... "العنود وهي تهز الريم بقو " :قم بابا قم ...
الريم : اصبحنا وأصبح الملك لله ... حزززززززززن هب صوت عليج ...
العنود : هب هباج الله بتحسدين صوتي الرقيق ...
الريم : ترى ما عندي شغله غيرج ...
العنود : يالله يالله بسج رقاد قوم عمي سالم بيون اليوم عندنا من بعد غياب وأمايه تبنا انساعدها ونزهب الفواله ...
الريم : ازين الحين بتغسل وبنزل عشان أفازعكم ...
العنود : بسرعه وعن الملاقه ...
الريم : قالولج العنود ...

"... نزلت العنود تفازع امها والريم تغسلت ونزلت لهم ..."

الريم "وهي تحب راس امها" :صباح الخير يا اطيب قلب بالعالم ...
الا :الله يصبحج بالخير ...
الريم : الا اقول شكل الساعه قربت ...
العنود : فال الله و لا فالج ...
الريم : هئهئهئهئهئ... شو بلاج زغتي ...
الام : ليش تقولين جي ..؟
الريم : لا بس غريبه شو سالفة قوم عمي سالم توهم تنبظوا وذكرو انه عندهم اهل في الشارجه من وفات الوالد وهم لا حس و لا خبر ... شو السالفه ...؟
الام : يا بنيتي نحن ما ندل شو في قلوب الناس يمكن الاشغال لهتهم و نحن ما نقدر انلومهم بشي .. ترانا نحن بعد مقصرين في حقهم ...
الريم ازين يالمحامي يكيكي ... شو هالضروف اللي تشغلهم هالكثر ...الحين ظروف 4 سنين ...؟
العنود : ههههههههه فديتها قلبها طيب ...
الام :قلت لج ما نعلم ...
الريم : صدقوني ان السالفه فيها ان واخواتها و كان وكأن ...!
الام : يالله يالله قومن صلن و بسكن من الرمسه اللي ما منها فايده العرب الحين بيون ...

"... وقامت الام ووراها البنات عشان الصلاه ..."

............... في حجرة البنات ...........

العنود : أقول يالريم فرحانه لانه قوم عمي سالم بيون عندنا اليوم ...
الريم : لا عادي ...
العنود : ظنج ......... "وسكتت العنود ووخت"
الريم : قصدج جانه سعيد يذكرج ولا نساج ...
العنود " وهي موخيه" : هيه ...
الريم : والله انه الله بالنج بالحب يا وخيتي " وهي تربع ريولها " مفرخ هالزمان ابد مالهم امان اليوم يحبون وان ما لقوها اترابع عيونهم صوب ثانيه ...
العنود "اونها معصبه " : اولا سعووووودي هب فرخ سعيد رجال و لا كل الرجاله... وثانيا : مب كل الريايل واحد ...
الريم : اسكتي اسكتي ازين يا جوليت زمان روميوا في الدرب وبنعرف كل شي منه لو ما طلعه بالطيب بيطلعه بالعين الحمراء ... خلج منه الحين تعالي خبريني عن بنات عمي شوفيني حافظه ترتيبهن و لا لاء العوده مها و عقبها عزه و اخر العنقود سلامه صح ...؟
العنود : ماوحالج نستيهن الا هن اربع سنين هب اربع قرون بعد هذيل اهل وهو في حد ينسى اهله ...؟
الريم : هيه انا ... تعرفيني ما هتم ...
العنود : هي والله انتي همج الاول و الاخير النت و المنتدى مادري شو عندج فيه مخلنج ميته عليه هالكثر ما شالله عليج عالمدار الساعه الا بسالج انتي ما تملينه ...؟ ما تعافينها ...؟
الريم " مع ابتسامه " : ربج بعد ...
العنود : هااااااااااااااااااااااه اخاف الا شي من ورايه ...؟
الريم : مثل ...
العنود : صدقات خارج النطاق...
الريم : هئهئهئهئهئ ... مالقيتي غيري انا ...؟ انا اللهم اللي عندي عالمسن رمستي لهم بس عن اخر البرامج واربعهم بس عسب يطرشون لي صور شل سياير تعرفيني اموت في هالسالف ... وثانيا النص على باله اني واحد من الربع يعني ولد لانه اسمي عالمين و المنتدى يوحي بهذا الشي وانا ما تعبل اخبرهن اني ولد الحال جي عايبني عن يتمون يتميلقون في الرمسه الا اللي يقول يبا يشوفني فيس تو فيس اخبره ...
العنود : لا انا من هالجهه مطمنه عليج لاني اعرفج عدل ابد مالج خص في هالسوالف وبعد اصلا هم ما بعطونج فيس لانه 70% ولد و 30% بنت ... هاهاهاهاها ....
الريم : جب ازين ... شو اسوي يوم انه ربي خلقني جي ما حب ملاقة البنات و بزاهن
العنود : الله خالقنج جي و لاا انتي مخليه عمرج جي ....
الريم : اسكتي اسكتي الصلاه اول عن هالرمسه قومي صلي

"... وصلن البنات و هن نازلات سمعن صوت خالتهن ام سعيد ..."

فاطمه : اشحالج يا عايشه ...؟ وشحال عبدالله والبنات ...؟
عايشه : بخير وسهاله يالغالي ... والله اني ولهت عليكم ... وينكم من زمان ...؟
فاطمه " والدمعه في عينها" : والله نحن اكثر بس يابوج ما لقى حد اليبني عندكم سعيد مسافر عشان الدراسه و رد من كم يوم وعلوه مافيه خير كله برع عند ربعه ما نشوفه غير الفليل ويوم اقوله يقول باجر و خالد ما عنده ليسن اخافني اخليه يضرب هالخط و خلاف تمسكه الشرطه ... لكن البارحه ياني سعيد و تم يلومني ليش ما زوركم وعزر عليه الا نيكم اليوم وربي الشاهد على كلامي انا فرحت صدق و سيده اول ما قلي مسكت التلفون اخبرج ...
عايشه : ان شالله عاده يدوم هالوصال ... اقربي ... اقربي ...السموحه منج خليتج موقفه ...
فاطمه : جريب يالغويلي ... عيل وين البنات والله اني ولهت عليهن ...
الريم : احم احم ما رومنا نقطع المناحه ...
الام :أي مناحه ..؟
الريم : انتي وخالتي فاطمه ... والله يستوي مشهد سينمائي ... هههههههه...
العنود : هههههههههههه الله يقطع بليسج اقطعي...
الام : استحي على ويهج ...
فاطمه : فديتج خليها والله ان رمستها ترد الروح ... يالله فديتكن كيف كبرتن...
العنود " وهي تسلم على خالتها " : اشحالج خالتي ... عساج الا بخير ...؟
فاطمه : بخير ونعمه فديتج انتي شحالج ...؟
العنود : ما نشكي باس يا خالتي...
فاطمه : وانتي يالريم اشحالج ...
الريم : بخير ونعمه خالتي ... انتي شحالج وشحال اهل دبي ...؟
فاطمه : بخير وسهاله ...
الريم : ان شالله دووووووووووم ...
العنود : اشحالج يا مها ... عساج الا بخير وعافيه...
مها : بخير وعافيه ... ربي يعافيج...
الريم : وانتي عزه شحالج وشخبارج يالله كيف كبرتي غديتي طولي .... فديتج والله...
سلامه : احم احم انا اسمي سلامه هب عزه ...

"... الريم في خاطرها : شو هذي البلشه حراااااااام عليج يالعنود ليش ما تخبريني..."

مها : هههههههههه ما وحالج تنسينا ...
الريم : هي هي اعرف لكني كنت حاطه في بالي اسم عزه اوني بسال عليها و لخبط قلت سلامه بدال عزه من كثر ما هي في بالي ولا انا اعرفها سلامه هذي ...
سلامه : الحمدلله قلت خلاص نسيتينا...
الريم : افا عليج انتي بس حد ينسى اهله...
على قولة بو خليفه فديته " اللي ماله ماضي ماله حاظر "...
سلامه : وهذي شو يخصها اللحين....؟
الريم "قافطه " : سويلها انتي طاف بس .... يت في بالي وقلتها ...
العنود : الا اقول خالتي عيل وين عزه ابد مالها شوف
الريم : هي والله ... حزززز ن انتي دومج تسبقيني في الاسئله ...
العنود : مجيك اقرى افكارج

".... يضحكن عليهن البنات ... على فكره اصلا الريم ما كان على بالها تسال بس جي دومها ..."

فاطمه : سلمج الله عزه سارت ويا اخوها السوق شوي بتشتري غرض ضروري على قولتها والحينه بيون

"... ويفز قلب العنود يوم طرت خالتها اسم سعيد اللي من صغرها وهي تعشقه تعشق حروف اسمه وصورته اللي ما فرقتها ولا يوم ... كانت في كل صلاه وكل ركعه تدعي له من الخاطر ... ما غاب اسمه عن لسانها و لا يوم ... كانوا هم الاثنين يحبون بعض من يوم هم يهال ... لكن الزمن له وقفه مع المحبين .. لكن هي ابد ما نسته وكل يوم حبها له يزيد و يكبر ... "

العنود : هيه ... بس استغربت انها ما يت ....

" ... وفي هاللحظه ادش عزه و اسلم على خالتها و تقول لها انه سعيد يى يدخل عسب يسلم عليها ..."

عايشه : يالله فديته جي موقفتنه برع خليه يقرب ...هذا بيته ...
سعيد "وهو موخي " : السلام عليكم ...
الكل : وعليكم السلام و الرحمه
عايشه : اقرب ... اقرب يالغالي ...
سعيد : جريب ...
سعيد " يحب خالته على راسها " : اشحالج خالتي عساج بخير ...؟
عايشه : بخير يالغالي ... اشحالك انته ...؟
سعيد " وهو يطالع العنود " : بخير ونعمه يالغاليه .. والله اني ولهت عليكم...

"... في هاللحظه العنود استحت ووخت لانها عرفت ان هالكلام موجه لها ..."

الريم : احم احم ... ونحن مالنا رب ...
سعيد " وهو يلتفت صوب الريم" : هلا والله بالريم شيخة الحريم ... اشحالج واخبار الجامعه معاج...
الام : والله انج ما تستحين ...
سعيد : خليها يا خالتي هي شرات اختي الصغيره ...
الريم : سمعتي خليني عادي ... الا سعود هذا محد غريب ...
الام : هيه والله انج ما تستحين ... شو عليج لو غديتي شرات اختج رزين و عاقل ...
سعيد " وهو يطالع العنود " : يا خالتي خليها اصلا يا حلاة اليمعه يوم انه فيها الريم الخرشه ههههههههه...
الريم : الحين انا خرشه لو مب حشمة اليلوس جان كان لي كلام ثاني هياك ...
العنود : قطعي ...
الام : شو تحرين عمرج ياهل كبرتي .. كبري عاد...
العنود : يا حسافه كبرت شكلا اما عقلا بعده ماتغير...
الريم : ازين منو قال اني كبرت بعدني ثالث ثنوي هب جامعه مثل ما يقولون بعض ناس ههههههه ...
سعيد " وهو قافط " : والله على بالي جامعه .... شكلج يوحي بهذا الشي
الريم : قفطططططه قفطوووووووه

"... كانت الريم يوم هي صغيره وايد مع سعيد اكثر واحد اتسولف وياه ... ومتعوده عليه ولين الحين ما غيرت اسلوبها معاه اشوفه ياهل مثل اول لكن سعيد الحين عمره 25 سنه اكبر عن العنود بسنه وهو اليوم معزر على امه هذا كله من شوقه للعنود اللي ما خذه قلبه و عقله ... "

سعيد : ويا راسج جب ... ازين اشحالج يالعنود ...؟
العنود : الحمدلله ما نشكي باس ... وانت شحالك ...؟
سعيد "وهو يبتسم " : بخير ونعمه يالغاليه ...
الريم "وهي اطالع سعيد وتضحك " : احم احم ..
سعيد : دومج مخربه المحظر

"...العنود قافطه من حركه الريم ...لكن الريم و لا عليها من شي... بس الحمدللله محد لاحظ لانه الكل لاهي بسوالف ..."

عايشه : الا اقول يا وليدي ما شوف لا خالد و لا علي ... شو هم ما يو ...؟
سعيد : لا خالتي يو لكنهم لقفوا عبدالله ومعاه حمد برع و نزلوا يسلمون عليهم...
عايشه : هيه الا استبطيتهم قلت يمكن ما يو...
فاطمه : فديتك يا سعيد سر ازقرهم خلهم ايون يسلمون على خالتهم ...

"... سار سعيد يزغر اخوانه و سارت العنود غصب فوق مع البنات ... الا الريم يلست ويالحريم ضاربنها فضول تبى اشوف كيف غدوا عيال عمها ..."

.............. في حجرة البنات...........

العنود : وينكم من زمان مره ما تتصلن ... الله يسامحج يا عزه ..مره ما تسلين عن اربيعج الجديمه...
عزه : سامحيني ياوخيتي والله اني مقصره في حقج واااااايد...
العنود : والله لتصلج بروحي غير اني ما عرف رقمج ولا البيت اخاف حد من خوانج يرد عليه و الله استحي...
عزه : لا والله محد يرد سعود دومه عالنت او برع البيت عند ربعه ... وماظني بعد تستحين من خالد وعلوه .. يهالوه...
العنود : سمحيلي عاد انا ما علم ...
عزه : مسموحه يا أختي ...
سلامه : ازين عيل وين الريم ليش ما يت معانا ...
مها : يمكن اسوي شي في المطبخ ...
العنود : هاهاهااها حليلكن ما تعرفنها ... والموت ماتدخل تعابل في المطبخ واصلا ما تعرف شو فيه غير مكان الثلاجه...

"... ويضحكن البنات ..."

مها : حليلها وايد مجتهده في دراستها ...
العنود : هاهااااااااي أي دراسه انتي بعد الله يهديج ... والله انها ما تدري وين تنفد كتبها لا وبعد ما تعرف شو فيهن...
عزه : هاهاها ... بس ما شالله عليها كيف تنجح وبالتفوق...؟
العنود : ردي ردي الشهاده على ويهج عن تحسدين خويتي حليلي مالي غيرها...
عزه : عفانا الله ... ازين قلت ما شالله ...
سلامه : نصيحه .. اليوم دخني الريم بالبان و قري عليها الفلق ترى عيون عزه حاره ... والنصيحه بجمل ...
عزه: الله يخسج الحين انا عيوني حااااره هييييييييين بتشوفين اللي......
سلامه " تقطع رمسة اختها" : خلاص خلاص فديت عنونج انا بارده...
العنود : هاههاها شكلج معيشتنها في رعب...
عزه : بنات هالزمان ماين الا بلعين الحمراء ...
مها : هاها مسكين حالج يا سلامي طحتي بين ايدين اختي الشريره...
عزه : نعم .. نعم ... ما سمعت عيدي...
العنود : لالا ترين الريم يا موتها عالضرابه ... ما تحب شي يفوتها ...

"...ويضحكن البنات ..."

........... في الميلس.......
"... يدش سعيد ووراه خالد و علي والريم فاجه عيونها بكبرهن عسب اشوفهم عدل..."
علي وخالد : السلام عليكم...
عايشه : وعليكم السلام و الرحمة الله وبركاته ... يا مرحبا الساع بعيالي...
علي : شحالج خالتي...؟
خالد : اشحالج خالتي ... عساج بخير ...؟
عايشه : فديتكم والله ... والله اني بخير ...يوم اني شفتنكم .. ربي يعافيكم ... الا انتوا اشحالكم ...؟
خالد و علي .. بخير ونعمه دام انج بخير ياخالتي ...

"... يوم شافتهم الريم قامت وعشان اتسير عند البنات ... ويلسوا الاولد عند خالتهم يسولفون هياها ... وخلاف روحوا برع عند عبدالله وحمد اللي كانوا يتريونهم برع عشان يسيرو ن السنتر ..."

"... عبدالله يكون اخو الريم اكبر عندها بـ3 سنين .. وحمد يكون ولد خالتها وعمره عشرين سنه ... اما علي قد حمد ... وخالد قد الريم ..."

............... في حجرة البنات........
سلامه : اففففف ملل ... وين روحت هالريم...؟
العنود : انتي ليش كله الريم و الريم هب ماليه عينج انا ...؟
سلامه : مالته ونص لكن الريم غير انتي واايد عوده الريم اللهم اكبر عني بـ3 سنين ...
العنود : تراج خليتيني عيووووووز...
الريم " وهي فاجه الباب بقو" : منو العيووووووز...
العنود : عوذبالله ...الناس شوي شوي تفتح البيبان .... صدق انه ماشي لا مذهب و لا ذوق...
الريم : اسكتي اسكتي ...
"... الريم دومها مع هالكلامه مع حركه بيدها وهي تقول اسكتي اسكتي..."
عزه : هاهاها طرينا القط يانا ينط...
مها : هاهاهاها فديت القطو انا ...
الريم : احم احم .. وجان استحي انا...
سلامه : اوه لا لا خطيره انتي تستحين ...؟
مها : اقول مليت من الحجره خلونا انسير نطلع برع ...
العنود : يالله خلونا نطلع ...

"... وقامن البنات عشان يطلعن خاري لكن عزه مسكت العنود و قالت للريم تاخذ البنات لانها تبى العنود بسالفه ..."

الريم : ليش هب العكس انا اتم و العنود تطلع .. ترى انا هب فتانه شراتها ...
العنود " وتعطي الريم ذيك النظره " : الريـــــــــــــم...
الريم : L اسفه ماماه ... بلوح نلعب بلع...

"... وينقعن البنات عالريم ...مسكين حالها الفضول جاتلنها ... وروحت مع البنات خاري..."

العنود : هلا حبيبتي امري تدللي ...
عزه : شوفي اختي ترى انا ما حب اللف و الدوران بدخل بالموضوع سيده ...
العنود : اوكي حتى انا ما حب اللف و الدوران قولي اللي عندج ... ولا تخلين شي في خاطرج ...
عزه :والله يالعنود ...
العنود : يالله قولي والله ياني الفضول...
عزه : ازين واحيلي شوي انتي بعد...
العنود : اوكي خلاص قولي اسمعج ..
عزه : والله قبل لا ندش عندكم خذني سعود عشان ناخذ لج هالهديه البسيطه منه لج .. وهو كان وده انه يعطيج اياها بنفسه ...

"... وتعطيها الهديه مع رساله ..."

"... في هالحظه العنود رايحه تحس انه قلبها يبقي يطلع من جسمها تاخذ الهديه و ايدها ترتجف ..."

"... العنود ما شالله عليها بنت حلوه و عاقل و رزين عكس الريم بــ 180 درجه ... بس الريم نكتت البيت ..."

عزه : تحبينه ...؟
العنود :......
عزه : اوكي انا مالي خص فيكم المهم اني وصلت الامانه وهو قالي ..." وصلي هالهديه للغاليه العنود ..."

"...في هاللحظه الريم ازاقر بطول حسها ..."

الريم : العنوووووووووووووود ... عزززززززه ...يالله غداء تعالواااااااا....

العنود " وهي ادس الهديه و الرساله في الكبت " : يالله يالله ياين....

الجزء الثاني ..

......في الميلس......
عايشه : الله يهديم الشباب ما يلسوا يتغدون ... عيل حق منوه هالعيوش مكوده "وايد" يوم انهم ما بيون ...
الريم : شو تبونهم خلوهم كلتوهم هذيلا عيال الهاديز ...
عايشه : العنود فديتج يا بنيتي نشي ودقي لعبدالله عشان ايون ويتغدون ...
العنود : ان شالله امايه "امي"...

"... نشت العنود ودقت لخواها ..."

العنود : مرحبا عبدالله...
عبدالله : مرحبتيين ...
العنود : عبدالله امايه اتقول لك تعال انت و اللي وياك عشان اتغدون في البيت ...
عبدالله : لالالالا اليوم انا عازمنهم عالغداء ...
العنود : ازين برايك عيل ... فمان الله ...
عبدالله : فمان الكريم ...

"... وسكر العنود عن اخواها و ترد للحريم ..."

العنود : امايه يقول عبود انه عازم ربعه عالغداء ...
عايشه : ازين يعزمهم في البيت ولا ما يوز الغداء اللي في هالمراكز ...
فاطمه : يا بوج عيال هالزمان ابد ما يبونه اكل البيت كله مال هالمطاعم مادل شو يحطون فيه ...
عايشه : هي والله ... ما بيتوبون عن المطاعم لين ما يصيبهم تسمم منه...
الريم : ازين برايهم هم ما بيتيمعون دوم جي ...
العنود : وانتي دومج المحامي عن عبود ...
الريم : فديت اخويه انا ...
مها : شبعت .... الحمدلله ...
عايشه : يالله مسرعج ... بعدج ما هبشتي شي .. والله ما تقومين لين ما تاكلين اللي جدامج كله ...
مها : لكن خالتي والله كلت شبعت ...
عايشه : هااااه ما سمعت يلسي يلسي...
الريم : الله يعينج على تجلى امايه عز الله انج ما بتقومين اليوم ...
عايشه : شو شوبلاها امج ... فديتج ما تشوفينها كيف يلد على عظم خليها تاكل...
مها : ههههههههه خلاص خالتي عشان خاطرج بس ...

........... في صحارى سنتر .........

خالد : الله يقطع سوالفك يا بوحميد ...
عبدالله : صبر صبر هذي والله لقنصها...
علي : يالله خلنا انشوف شطارة شباب الشارجه...
عبدالله : شو رايكم أنتراهن ...
حمد : اوكي على الغداء...؟
عبدالله : اوكي ... منو ويايه ...؟
حمد : انا ما اظن انك بتقدر ...
خالد وعلي : حتى نحن ...
عبدالله : اها... يعني الكل ضدي .. ههههههههه يالله دهزوا بيزاتكم ترى الغداء عليكم ...
حمد : يالله خلنا انشوف...
عبدالله : بو شهاب شو شكلي ... ترتيب ..؟
حمد : ترتيب يالله ...
خالد : تعال قبل لا تروح نحن بنختار ...
عبدالله : اوكي ..
علي : شو رايك بهذيج المتغشيه ام عود رويان ...
عبدالله : مطوعه هذي ... مابها ...
خالد : يالله جب ولا كلمه نحن اخترنا يعني خلاص انت مالك كلمه ... ولا ما تقدر ...؟
عبدالله " بثقه " : لا الله اقدر قدها وقدود ...بو حميد

"... وروح عبدالله وراها من محل لمحل وهي اصد صوبه وترد ..."

عبدالله "في خاطره ": شكلها راعية سوالف بس ليش متغشيه يمكن حد من اخوانها معاها خل اتاكد عن لا أبتلش بعدين ...

"... يلس عبدالله في ستار بكس لين ما تطلع من المحل الا شوي يشوف عبدالله ريال طول و عرض ياي صوبه ..."

عبدالله " في خاطره ": وهذا شو يايبه بعد ..
صالح : هلاااااااااااا بو حميد ...
عبدالله " وهم يتوايهون بالخشم " : يا مرحبااااااا بصالح ... اشحالك يا طيب ...؟
صالح : بخير ونعمه ... اشحالك انت عساك الا بخير ...؟
عبدالله : بخير وسهاله ...
صالح : يا ريال وينك ابد مالك شوفه الحين من ثلاث اسابيع محد شافك ... عسى ما شر ...؟
عبدالله : ما شالله عليك حاسب لي كم يوم ما شفتني فيه ... يا ويل حالي لهدرجه تحبني...
صالح : يا بوك هب انا اللي حاسب هذي فطيم ...
عبدالله : هييييه الفطمي ... لا والله بس هالفتره اشغاااااال عندي وايده...
صالح : توها دقت لي وقالت انك هنيه ...
عبدالله : وهي شو دراها ...؟
صالح : قالت انك تلاحقها من محل لمحل .... ولا كنت ناوي تغازل ... هاه اعترف مسكناك ...
عبدالله : هههههههههه الله يخليك ريال طول وعرض واغازل صدق انه ما عندي سالفه ... لا بس انا شفتها و عرفتها من عودها قلت خل الحقها بشوفها شو بسوي ...
عبدالله " في خاطره": شو هالوهقه ما عرفوا يتنقون غير خطيبتي ...الله يخسهم ...

"... عبدالله خاطب فاطمه و ملجتهم بتكون عقب 6 اسابيع ... وهم يستون لبعض عيال خاله ..."

عبدالله : تعال شورايك تي ويايه عند الربع ...
صالح : منو هم ..؟
عبدالله : حمد ين علي و علي و خالد عيال عمي سالم و فيصل ومنصور قالوا انهم الحين في الدرب ياين ...
صالح : لالا ما قدر الحين بسير اوصل الاهل البيت سلم عليهم عن تنسى ...
عبدالله : سلام يوصل..

"... رد عبدالله عند ربعه و هو قافط و معنفس ..."

خالد : ها يابو الشباب شو بلاك معنفس ...
عبدالله : وين تبون الغداء ...
الشباب : هههههههههههههههه...
علي : قدها و قدود هاااااااااااه هههههههههههههههه...
عبدالله : يالله قولوا وين تبون الغداء و لا ترى اكنسل والله ....
حمد : شو تكنسل كيفك هو ولا كيفك انت اللي بديت وقلت خل ارهن و نحن وفقنا ...
خالد : لالا كله و لا التكنسي ...
علي : طول عمرك همك الاول و لاخير بطنك يا بو جرشه ...
خالد : حرام عليك من وين لي جرشه ..." وهو يجدم بطنه"... هاااه شوف شوف ...

"... الكل يضحك على حركه خالد ..."
.......... في بيت بو عبدالله .........

"... كان الكل يسولف ... ما عدا العنود كانت بعالم ثاني سرحانه تفكر شو هي الهديه ... عزه لاحظت عالعنود سرحانها بس ما عرفت كيف تخليها تنتبه عشان محد يلاحظ عليها لكنها لانها يالسه بعيد عنها ما قدرت..."

الريم " وهي اطالع صوب العنود ": الا اقول في ناس ابينا يفكرون بما وراء الطبيعه الا وين سار الفكر...

"... العنود ما حست بالريم ..."

الريم : يا ويل حالي خلاص مع السلامه باي باي...
مها : وين باي باي...؟
الريم : خلاص بسير بنتحر .. هذا كله تفكير فيه لالالا ما قدر استحمل زياده ... استحي ...

"... البنات يضحكن عالريم ... وتوه تنبضت العنود..."

العنود : شو منه تستحين بعد...؟
الريم : من كثر ما تفكرين فيه ...
العنود : ترى ما عندي مونه " شغله" غيرج ...
الريم : احيد عاد...
العنود : لا عيوني اللي قالج هالمعلومه تراه غلطان صلحي معلوماتج ...
الريم : فديت خشم اختي العوده ...

"... وايي صوت فاطمه ام عزه عرض ..."

فاطمه : عزه بنتي سيري دقي تلفون لخوج عشان ايي ياخذنا ...
عايشه : وين بتروحون بعدكم ما تعشيتوا...
فاطمه : لا يا وخيتي سالم عقب شوي بيرد من الزام"الدوام" وبيلقى البيت خلى...
عايشه : هي عيل الله يحفظكم ... بس ما شبعنا من شوفتكم ...عيدوها هالزياره عاد...
فاطمه : ان شالله ... عزه قومي دقي لسعيد ...

"... قامت عزه و دقت لسعيد ..."

عزه : يقول انه برع الحين واقف يتريانا وبانه علي و خالد خلاف بيردهم عبدالله ...
فاطمه : ازين ...قمنا ...

"... يقومون كلهم و يوصلونهم لين الموتر و يتوايهون ويودعون بعض ... الريم و امها دشن داخل الا العنود تمت مسمره في مكانها ... وتيها الريم ..."

الريم " وهي تنغز اختها " : شو سوين ...؟
العنود " عوذ بالله بلاج زيغتيني ... ابد الادب ما يعرف دربج موووووول ...
الريم : شو نسوي ... بس تعال بتخبرج ..والله جتلني الفضول شو كانت تباج عزه ...؟

"... العنود بلا حاسيه ربعت بأسرع ما عندها ووراها الريم ما تعرف شو السالفه ..."

الريم : حووووووووووووه يالناقه ارمسج انا ....

"... العنود مطنشه الريم و توصل حجرتها وتفتح الكبت و اطلع الهديه و تفتحها كان داخل الهديه مصحف صغير ... استانست عليه العنود .."

الريم " وهي تمط الرساله " : شو داخلها لقراها قبلج ...
العنود " وهي تضارب الريم ": يالرزه هذي حقي ... و انتي وين رازه فيسج ... ترى رزة الفيس من طبايع التيس ... عطيني الورقه والله والله ما تقرينها قبلي ...
الريم : عفانا الله اندوج اندوج عن تاكليني ...
العنود "وهي تاخذ الرساله " : فديت سعيد ...
الريم " امبطله عيونها" : هذي الهديه من سعيد...؟
العنود : هيه...
الريم : صدق انه ما عنده لا ذوق و لا ادب و لا مذهب ... عيل ايب لج و انا لا
العنود : وانتي دومج رزه ...

"...العنود تفتح الورقه و يوم قرتها نزلت دمعه من عيونها وقالت : امين ..."

العنود: فديته...
الريم لا يا جليلة الحيا تفدينه وجدامي ... الا اقول شو مكتوب خليني اقرى ...

"... عطت العنود الريم و الورقه وكان مكتوب فيها .." حفظك الله ياحبي بآيات من اهل الكيد "..."

الريم : يا ويل انا عالحب ... آآآآآآآآآيه على دنيايه حليلي مالي نصيب ... اقول ندوج ورقتج النت يزقرني ...

"... سارت الريم صوب الكمبيوتر وفتحت المسنجر الا تشوف اضافه من واحد كان النك نيم ماله " بدوي أماراتي " وقبلته ..."

[بنت البلاد]

تسلمين الغاليه

وان شاء الله القراء والزوار راح يتابعون القصه

[قموره]

تسلمين حبيبتي والله اتمنى تعجب الجميع:marsa157:

[قموره]

الجزء الثالث...

"...يوم شاف بدوي الاضافه سيده دش عالريم ..."

بدوي إماراتي : هلااااااا وغلااااا بالغالي ... أشحالك ....؟
وليف الروح : يا مرحباااا...
وليف الروح : بخير ونعمه ... أشحالك أنت ...؟
بدوي إماراتي : بخير دام أنك بخير ...
وليف الروح : إن شالله دووم ... ما عرفنا الطيب ...؟
بدوي إماراتي : افاااا .. افاااا ... يا بو هزاع ما عرفتني ...؟

"... الريم تفكر منو هذا بدوي إماراتي ... ومن هذا بو هزاع بعد ... اتذكر جانها قالت لحد في يوم انه اسمها بوهزاع ... بس ما يا حد في بالها حد وردت عليه ..."

وليف الروح : السموحه منك يالغالي ...بس شكلك غلطان ...
بدوي إماراتي : كيف غلطان ...؟ ... والله نفس الحروف اللي عطيتني أياها حطيتها وما زدت حرف ولا نقصت ...
وليف الروح : اوكي ... يمكن أهو اللي غلط وعطاك حرف مكان حرف ... مثل حرف a
بدال حرف الـe ...
بدوي إماراتي : اممممممم ... والله مادري ..السموحه منك ياريال ...
وليف الروح : بالحل ...
بدوي إماراتي : اوكي ... ممكن نعرف من ...؟ ولا نجلب فيسنا ...
وليف الروح : ههههههههه...محشوووووم يالغالي ... بس انا اللي سألتك بالاول ...
بدوي إماراتي : وياك خليفه من العين ...
وليف الروح : يا مرحبا الساع باهل العين دار الزين ...
بدوي إماراتي : يا مرحب باجي ..
وليف الروح : وانا حميد من الشارجه ...
بدوي إماراتي : يامرحبابهم ...

"... تموا يسولفون قرب ساعتين لين مادشت عليها امها ..."

الام : لعنبوا دارج ... ما تجنعين من هالكمبوتر ...
الريم : طاااااخ طيخ طوووخ ... كمبوتر ... الشيمه تعيدينها مره ثانيه ... ترى حلوه من ثمج طالعه ... تقولينها شرات الامريكان ...
الام : صدق أنج ما تستحين على ويهج ... انا امج هب اربيعتج ... ابد ولا ذرة احترام ولا حشمه ...
الريم : اخ ويهي ... فديتج يالغويليه سامحيني والله كنت اتمصخر ... عيل بالله عليج حد يقول كمبوتر انتي سويتي شي يديد الا اقول متى بتنزلينه في السوق خخخخخخخخخ .... ترى انا بنتج وأولى عطيني اياه بالمجان يوم انجح في الثنويه ...
الام : أنا بس ابا اعرف شو سويت في حياتي من غلط عشان الله يعاقبني و يبليني فيج ...
العنود " وهي داشه الحجره " : بلوه و طحتي على جبدي ...
الريم : اصلالا كم من العايلات تتمنى انه تكون عندهم بنت شراتي ... بس يا خساره يصعب وجودي نادر ... اصلا انتو احمدوا ربكم على النعمه اللي يتكم ...
العنود : عشتواااااااااا ... واثقه ... من قال ...؟
الريم : الريم قالت ...
العنود : والنعم الساااااع ...
الريم : وسبعة انعام ...
الام وهي ناشه : عيل بنش بسير ارقد انتن بعد قومن عن السهر وانتي بسج من هذا ...
الريم : شسمه ...؟ ههههههههه...
العنود : جب ازين امايه هاي ...
الريم : اسكتي اسكتي ...
العنود : شو سوين ..؟
الريم : توه من قبل شوي من ساعتين أظني ...
العنود " وهي تقاطع الريم " : انتي بس احلفي ... الحين شو ياب قبل شوي لساعتين ... وين ركبت هذي ...؟
الريم : انتي سوي طاف لاي تنقيعه تراه الفليل ... والتنقيع ببلاش ... المهم ضافني واحد من العين اسمه خليفه ويلست اكلمه ... خرطت عليه قلت له اسمه حميد ...
العنود : امف امف .. شو تبيبه سوي له بلوك ودليت ...
الريم : حرااام ... استوى اربيعي والله انه ريال طيب ...
العنود : ازين ردي ردي عليه حرق كيبورته ..

"... الريم تفتح الطار عشان اترد عليه ..."

بدوي إماراتي : حووووووووووه وينك ...؟
بدوي إماراتي : رد عليه ...
وليف الروح : السموحه منك يالشيخ أربيعي كان برع و ظهرت له أعطيه اوراق ...
بدوي إماراتي : لا عادي ...
العنود : الجذب ببلاش ...
وليف الروح : أقول انا الحين بخليك ...
بدوي إماراتي : اوكي ... متى بلقاك مره ثانيه ...
وليف الروح : والله انا اكثر وقتي عالنت ...
بدوي إماراتي : اها ... يعني ماشي وقت...؟
وليف الروح : يالظهر ... او الفليل نفس اليوم ...
بدوي إماراتي : اوكي أشوفك على خير ...
وليف الروح : سي يو خلاف ...
بدوي إماراتي : فمان الله ...
وليف الروح : فداعت الله ...

"... وسكرت الريم الكمبيوتر وربعت صوب شبريتها وعقت عمرها ...؟

الريم : فديتج والله يالغاليه ... اشتقت ليكي واااااااايد وايـــــــــــد...
العنود"في خاطرها ": الحمدلله و الشكر على نعمه العقل ...
العنود : فديتج انا اللي أشتقتي لي لهدرجه ...؟
الريم : وااااااااااااااااااايه مالقيت مونه الا انتي ابد ما بشتاق لج موووليه ...
العنود : يالله يالدنيا ...
الريم : وانتي من اهله ... برقد انا ... وايد باغمت اليوم حجلي يعورني ...
العنود : ابونج انتي بغامه هب من تو ...
الريم : سكتي سكتي ...

"... رقدن البنات لين الساعه 5 الفير يتهن أمهن ..."

الام : يالله يالعنود ...الريم قومن الصلاه ...
العنود : ان شالله أمايه ...
الريم : ........
الام : هييييييييييه انتي ابونج ما تبينها الصلاه يالله لو قلت لج مسلسل في التلفزيون ولا ورانا سرحه والله لتقومين غزااااااال...
الريم "وهي تصلب عمرها ": وين بنسير ...؟
العنود : ههههههههههه ما سمعت غيرها ...
الام : قومي قومي ... صلي والله لو رديت ولقيتج راقده لجب عليج ماء بارد ...
الريم : قمت قمت ...

"... قامت الريم والعنود وصلن وقرن شويه قرآن ... والعنود ردت ورقدت اما الريم نشاط زايد عندها ظهرت برع ولقت أمها يالسه أساب في هذا البتاني وهو يرادها ..."

الام : يعلك الحووووووووم ... يالهرم أقولك تعال ... هيه محد عبدالله الحين عاد مستقوي عليه ...
البيدار : جب انتي اسكت انتي دوم قرقر حق انا ...انتي ماماه مافي زين ...

"... الريم ما تحملت انها اتشوف هالبشكار يرادد امها و ظهرت له ..."

الريم : لا يا مسود الويه ترد على أمايه يالهرررررررم يالخاايس ...
البيدار : انتي جب...
الريم " وهي امبطله عيونها بكبرهن": هيييييييييييه انا جب...انا جب...

"... وتمسك حصااااااااه كانت عدالها وتفلعه ... وتشرد داخل (الشرده) ... الحمدلله ما يته قو بس هو ظهر سيده من الباب بدون مايقول شي ... دشت الام داخل البيت..."

الام : الريم .... الريم و ضررررس ....
الريم "وهي توايج": روح...؟
الام :ههههههههه ظهر خلاص مادله وين نفد ...
الريم : خليه يلتجع ... يالله يارب تدعمه سياره ونفتك منه ...
الام: هيييييه ابونه ما بيج شي كله بيطيح في راس خالج ...
الريم : ازين انتي شو تبينه كنسلووووه...
الام : جي غناتي انتي بتشتغلين عنه ثرج ...
الريم : هب مخلف عليه الشغل...
الام : عيل البنيه محد يباها يوم ما تعرف شي ...
الريم : يالله كيف تبين الفكه مني ...
الام : افا عليج يابنيتي ... بعد البنت مال غير بيت ريلها اللي بيستر عليها ...

"... الريم كانت تكره مواضيع العرس ... تقدموا لها أثنينه يوم كانت صف ثاني ثنوي ... لكنها رفضتهم ...بحجة الدراسه ..."

"... وصلت الساعه 10 ... سارت الريم مع امها لبيت ام مصبح عشان يتريقون ..."

ام مصبح : يامرحبا ببنت علي زين زين يوم شفناج يابنيتي ...مول ما تين عندنا ...
الريم : بالمهلي ...اشحالج ...؟
ام مصبح وهي توايه الريم : بخير و يالغاليه ... شحالج يا بنيتي ...؟
الريم : بخير ونعمه دام انج بخير ... عيل وين رشودي ...؟
ام مصبح : هاكوه يالس يلعب سوني في اليوان ...
الريم : عيل بسير له ...
ام مصبح : زين صبري يلسي كلي شي ...
الريم : لا والله ماذوق الهابي...

"... يلسن الحريم يتقهوين وسارت الريم صوب اليوان ولقت راشد يلعب "راشد يكون ولد يران قوم الريم وهو عمره 6 سنوات والريم متخبله عليه كانت عيونه سود وواسعه ورموشه كثيفه و طوال وخدوده حمر وهو ابيض وشعره أسود و ناعم " سارت الريم و يلست حذاله وبدت تكلمه ..."

الريم : يالله فديتك ... اشحالك حبيبي ...؟
راشد : بخير ...اقول ريم ترومين اتقيمين لي هالمكان الله يغربله ما رمت له كله اموت اموت ...
الريم : عطني القير بجرب ... جاني ارومله ...

"... في نهاية الصاله كان هناك مصبح متصنم في مكانه من اول ما دشت الريم ... الريم ابد ما حست بوجوده لانه ابد ما سوى أي صوت يالس بهدوء وهو يشوفها يشوف حبه الاول والاخير ..."

مصبح " في خاطره": من متى ما شفتج يالغلا ...اخير شفتج بلا غشاه بدون حاجز يمنعني عن شوفه هالعيون يا ناعسة الطرف الكحيل ...والله اني اشتقت لهن حيل ... اوهو يا مصبح شو ياك و تصنمت سو شي ... اخ ليتني اقدر اتحرك احس انه جسمي بكبره مخدر ..."

"... تم مصبح يناضر الريم من بعيد وهي تلعب مع راشد ... كان راشد نسخه كربونيه من مصبح يوم هو ياهل بس مصبح شوي احلى منه و يوم كبر احلو اكثر ... وهو متخبل على الريم من يوم هم يهال ... اما الريم و لا على بالها ...."

الريم : عيل وين فطامي عنك ...؟ ما شوفها يالسه وياك ...؟
راشد : سارت البارحه بيت بويه مصبح ...
الريم : أقول اندوك القير والله دار راسي ما عرفتلها ...
راشد : انتي ما تعرفين ... مصبح تعااااااال فوزني في هالمكان ...

"... الريم خلاص ما تحس بشي غير بدقات قلبها من الزيغه ما رامت تتحرك لا يمين و لا يسار ..."

الريم " في خاطرها " : ياربي شو اسوي يا هذي حاله من وين يا هذا المصبح بعد...

"... الريم خلاص غدت مثل الطماطه من المستحى وتحس بخنقه تبى تصيح ... تحس بضيق تبى تطلع ... في هالساعه ويها كلها ماء مهما انه الجو بارد ... ومصبح من صوب : وهذا شو اللي خلاه يرمس بعد لو تم صاخ احسن... ولا لو روحت انا ابرك بس كل جسمي خاني ... وقالي تأمل بهذي الوحه لا هي بريشة رسام و لا صورة فنان ... هذا ملاك ما خلق شرواته لا في قديم و لا حاظر ..."

راشد : مصببببببببح ... تعال ولا ترى اخبر ماماه عليك ...

"... حس راشد برتباك الريم ... وما قدر يسوي شي غير انه يظهر برع ..."

مصبح : رشود ماماتك تزغرني بعدين بيك أزين حبيبي ...؟
راشد : ازين ... بس تعال بسرعه ...
مصبح : ازين .... وبصوت واطي : احلم...

"... ظهر مصبح خاري و ركب سيارته وشغلها وحط له شريط سعيد الدوبي ... اللي في مطلع غنيته يقول "... يابو عيون ضرب رشاش ... لينظرنه به صار مربوش ..."
وهو يفكر بعيونها اللي صابته بوسط الحشى ... هالعيون اللي لو شافه مطوع ودريس طب الكتب من غير تبيان " اخ يابورحيمه والله انك صدقت ... ودي اعرف شو يصيبني ... كيف هالعيون قدرت تسيطر عليه بكبري ...اخ يالريم والله اني ميتنا فيج .
هالعيون اللي كانت دوم سبب ضعفه جدام الريم ... كل ما شافهن يحس انه كله تحت امرها بس عليها تطلب وهو ينفذ..."
الجزء الرابع ..

"... غرق مصبح في أفكاره اللي ابد ما يملها ... لكن اليدوي قطع حبل أفكاره ..."

مصبح : يامرحبا الساع ...
عبدالله : يابو عيون سود ووساع ...
مصبح : أحم .. أحم ... استحي...
عبدالله : ولا طاحك ...
مصبح : نعم ...
عبدالله : شو الحين انا أيك و لا أنت تمر عليه...
مصبح : ليش ...؟ الحين الصلاه ...
عبدالله : بنسير بيت سيف تراه عازمنا عالغدى ولا نسيت ...؟
مصبح : اووووه ... ياريال نسيت ...
عبدالله : ازين ... شو الراي الحين ...؟
مصبح : شوف أنا بصلي وبمر عليك ... ازين...
عبدالله : ازين ... اشوفك عيل عقب الصلاه و لا تتحير عليه ...
مصبح : لالا ما بتحير ...
عبدالله : ازين يالمطوع .. صل بسرعه عن صلاة التراويح ...
مصبح : فديتني من مطوع غاوي...
عبدالله : مداااااااح نفسه...
مصبح "يقاطعه" : يباله بوسه ههههه ...
عبدالله : لاالله رفسه يباله ...
مصبح : اوكي...اوكي ... هبابي الحق عالصلاه قامها ...
عبدالله : مع السلامه ...

"... سار كل واحد منهم لصلاه وعقب مر مصبح على عبدالله عشان يسيرون العزيمه ..."

عبدالله : ما بغيت تي...
مصبح : شو أسوي المطوع مسكني ويلس يسب في اخويه سلوم لانه ما يحفظ زين ...
عبدالله : ازين ...ازين ... ما علينا يالله ركبنا ...
مصبح " وهو يركب السياره" : الا أقول يا أخو السمراء شحال حمد ما بيسير ويانا ...؟
عبدالله : اووووووه ... من متى محد قال لي يا اخو السمرا ... ذكرتني بأيام الطيش...
مصبح : اسكت ... اسكت ... اللي بيسمعك الحين بيقول ... يالله حليله اصطلب ...
عبدالله : ههههههههه يابوك والله أحاول اني ما طالع المزاين ... لكن عيوني اترابع صوبهن ... عالريحه ...ان شالله يوم بعرس بصطلب ...
مصبح : ههههههههه .... ما ظني ...
عبدالله : يالله ... يالله ... بنشوف ... يوم عندي القمر شو ابى بنجوم ...

"... يبتسم مصبح على كلام عبدالله ويكمل طريقه وهم ساكتين وعبدالله يعابل بالاشرطه يدور شي حلو ..."

عبدالله : الا اقول صبوح حط شي حلو جانه عندك ...
مصبح : فج السده و طلع اللي تباه والسي ديات في الكيس وراك ...

"... طلع عبدالله الاشرطه ودور فيهم واخير حصل له شريط بروغه وحطه ..."

مصبح : تعال من قبل شوي سألتك عن حمد وما جوبتني ... ما بيسير ويانا ...
عبدالله : لالا ... حمد اليوم سار ويا ابوه صوب العين ...
مصبح : ليش...؟
عبدالله : بيحملون جعدان عشان عرس مفتاح ...
مصبح : مشا الله ...ثره هو متى بيعرس هالاسبوع ولا اللي عقبه ...
عبدالله : هالخميس ... ان شالله ...
مصبح : الله يتمم على خير ... عيل ورانا نشه من الفير ...
عبدالله : انا شكلي بصلي الفير و بزر صوبهم ...
مصبح : زين عيل انا بعد وياك ..
عبدالله : وصلنا ... اقول ما شوف مواتر ..شو السالفه ...؟
مصبح : يا اخي دق لسيف وشوف شو السالفه ...

"... مسك عبدالله اليدوي و دق لسيف ..."

سيف : يامرحبا ببو حميد ...
عبدالله : يا مرحبابك ... اشحالك ..؟
سيف : بخير وسهاله .. اشحالك انت ...؟
عبدالله : بخير و سهاله ... الا اقول ما شوف مواتر ... البقعه خلى ...شو السالفه ...؟ اخاف الا هونتوا عن العزيمه ... انا تراني يواعان ... ما روم اصبر ... بطني يصاوي ...
سيف : هب هب ... شوي شوي خذلك نفس ... لالا محد هون الريايل كلهم في الميلس ... والسياير في الكراج ... لين الحين الا كم من ريال يا و الباقي ريايل الفريج ... اقربوا تعالو داخل...
عبدالله : هيه اشوى قلت حرام خليت صالونة اللحم لي لا شي
سيف : لالالا شي شي بس اقحم من الموتر وتعال داخل...
عبدالله : ازين انت وين الحين ...؟
سيف : عند الجبره ...
عبدالله : اها اوكي ... تعال حد اعرفه في الميلس...
سيف : هيه بتحصل سعود وسالم و عبود واحمد و حمد...
عبدالله : زين زين ...
سيف : الا انت منو وياك ...؟
عبدالله : محد غير مصبح ...
سيف : ازين انتو دخلوا وانا الحين ياينكم ...

"... دخل عبدالله مع مصبح ولقوا الربع وسلموا عليهم ويلسوا وياهم وعقب عشر دقايق دش عليهم سيف ويلس وياهم وتموا يسولفون ...."
.......... في بيت سالم " عم العنود والريم"........

عزه : شو بلاك ازاعج ... أمي محد سارت ويا علي السوق ...
سعيد : شو سوقه الحين ...؟ الحين حل غدى هب سوق ...
عزه : والله دق لها وقولها هالكلام ...
سعيد : لالا هب متفيج الحين .. شوفي انا الحين بسير بيلس عالنت و خلاف برقد اباج توعيني الساعه خمس و نص ازين ...
عزه : ان شالله ...بس ما تبا غدى ...؟
سعيد : لالا ما با هب يوعان ..
عزه : على راحتك ...

"... سارت عزه حجرتها و سعيد حجرته وفتح المسنجر الا وتطلع 5 رسائل بريد الكتروني جديده ... دش الهوتميل ومسح 4 رسايل كانن مال شركات اما الخامسه فكانت من واحد كان اسمه say cheese والعنوان مالها فاعل خير ... استغرب سعيد من هالرساله وفتحها ... وقراها بكل دقه وتأني .. وشوي يسكر سعيد الكمبيوتر بكبره من النقطه ...وشوي وبطيح الدمعه من عيونه ويعق بعمره على شبريته ... ويدس راسه في المخده ... الا دقايق وفكر سعيد قبل لا يصدق اللي مكتوب انه يطرش لهشخص ويسأله من يكون ... وشو يبى منه ... وشو المغزى من هذي الرساله ... طلع سعيد راسه من المخده ... الا ويشوف العالم بكبره اسود ما قدر انه يوقف على ريوله ... يفكر لو كان الكلام اللي مكتوب صحيح ... كيف قدرة تخونه عقب هذا كله ...؟..."

سعيد " في خاطره ": ياربي انا شو سويت من غلط عشان تعاقبني بهالعقاب ... يارب انه يطلع هالكلام كله غلط في غلط ... بس لو كان صحيح ... لالالا مستحيل العنود اسويها ... اصلا مستحيل انه تفكر اسوي هذا الشي ... انا حبها الاول ومستحيل تخوني بهذي البساطه ...

"...ما قدر سعيد ان يتحرك من مكانه ... ما قدر انه يشوف جدامه ... بسبب دموعه اللي عمته ... خلاص حس بضيج في صدره ... ما قدر انه يتنفس ... وفي النفس الوقت ... مو قادر يوقف عالريوله لياخذ البخاخ من الحمام ... حس انه خلاص نهايته قربت .. يتنفس بأعلى ما عنده ... يحاول انه يزقر حد لكن صوته ما يوصل لبرع الحجره .... في نفس الحظه خالد ياي صوب الحجره ... ولكن تناديه أمه ..."

الام : خالد يا وليدي تعال اباك تفازع اخوك وطلع الاغراض من السياره ...
خالد : ان شالله ...امي...
الام : الله يبارك فيك ...

"... سار خالد برع ليساعد اخوه و ينزل الاغراض من السياره ... اما سعيد فيحاول انه يمشي على ريوله .. ويخف على عمره ... ويمسح دموعه .. غير انه العبره خانقتنه كل ما مسح دمعه ... تزيد دموعه ... وبخطى ثقيله ... يمشي سعيد صوب الحمام لياخذ البخاخ ... لكن يوم وصل عند باب الحمام انهد حيله وطاح بكبره ... سمعت عزه وهي ماره صوت شي يطيح ... فحبت انها تشوف ... فتحت الباب شوي شوي ... اتخاف اتوعي اخوها من الرقاد ... لكن انصدمت يوم شافته مغمي عليه عند باب الحمام وربعت صوبه و هي اتصارخ ..."

عزه : سعيد ...سعيد ... ابويه فم ...
"... لكن سعيد ما يرد عليها ... ربعت عزه و زغرت خالد و علي ..."

عزه : خالد ... علي ... امي ... لحقوني ...سعيد ما عرف شو بلاه ...

"... الام اول ما سمعت اسم سعيد تمت تنتفض ولا تعرف شو السالفه .. وسار علي بسرعه صوب الحجره وحاول انه يقوم سعيد ... لكن بدون فايده ... علي شل سعيد مع خالد ... وودوه المستشفى ... وفي البيت كانت الحاله متكهربه ... الام خلاص شوي و بتروح فيها ... وأول ما سمع سالم الخبر سار يشوف ولده شو حاله ... كان خالد و علي واقفين عند الغرفة سعيد ... وخايفين عليه ..."

علي : خالد غد ريال لا تصيح ... ترى اخويه ما فيه غير ك خير ...
خالد : اخافه يموت وانا مالي حد غيره في هالدنيا ...
علي : افا عليك ... وانا وين سرت ؟؟؟ واخونا ما فيه شي...
خالد : انت ... انت ... في مره في حياتك قلت خالد او عزه ولا سلامه و مها او ختي امي و بويه ... شو يبون ولا ما يبون ... انت همك الاول ربعك و السفر ... مب جنه عندك اهل يحتاجون لك ...

"... اول مره يحس فيها علي انه عنده حد يحتاج له ... وحس كيف انه مقصر في حق اهله ... علي و هو يلوي على اخوه ..."

علي : والله اني ما كنت ادري اني مقصر في حقكم هالكثر سامحني يا اخويه ... وسعيد بخير والحين بيبشرنا الدختور ...

"... صخ خالد وما قال أي شي ... و شوي و أي ابوهم سالم عندهم ..."

الابو : هاه علي ...خالد ..اشروا شو حال اخوكم ...؟
علي : والله لين الحين الدختور عنده...
الابو: خالد شو بلاك اتصيح شرات اليهال ...الريال ما يصيح ... خلك قوي شوفني انا وخوك ... ما صحنا شرات اليهال .. يالله امسح دموعك ووقف رقفة ريال ...
خالد " وهو يمسح دموعه": ان شالله ابويه ...

"... في هاللحظه طلع الدكتور من عند سعيد و لحقاه سالم وولده علي ...اما خالد دخل يطمئن على اخوه و يطمن اهله ..."


.......... عند الدكتور ........

سالم : ابشر وقول لي شو حل بولدي...؟
الدكتور : ما شي والله الحمدلله مافيه الا كل خير ... الحمدلله جبتوه في الوقت المناسب ولا كان بيروح فيها ...
علي: ليش شو فيه ...؟
الدكتور : والله هو يعاني من ضيق في التنفس ...
علي : من زمان بس ولا مره صادف انه طاح قبل اليوم ...
الدكتور : والله هذا الشي محد اعلم في غير الله ثم هو ...
سالم : ازين الحين بيتم عندكم ولا ناخذه البيت ...؟
الدكتور : لا هو الحين بخير وعافيه ... تقدرون تاخذونه ...

...........عند سعيد.........

خالد : شو حل بك يا خويه ... خبرني...
سعيد : واانا اخوك قريت خبر خلاني اصيح مثل الياهل ...
خالد " وهو يقاطعه ": وشو هالخبر اللي خلاك في هذا الحال والله كنت بتروح فيها ...
سعيد : ليتني صدق اروح فيها لو كان صحيح هالخبر ... وفتك من هالحياه اللي مالها طعم دونه...
خالد " جنه فهم الموضوع": العنود...؟
سعيد : هيه ... بس لا تقول لحد من الاهل ...
خالد : ابشر وانا اخوك .. محد بيدري ... بس ما خبرتني شو سمعت يمكن اقدر اساعدك بشي ...
سعيد : لا يا خويه ما قدر اشركك بأحزاني واتعبك ويايه ..انت جابل كتبك ...
خالد : لو انا ماراح اشاركك منو بيشاركك غيري...
سعيد : محد عالم باللي بقلبي غير ربي وما بشاكي لغيره ...

"... ويدخل سالم وولده علي على سعيد وخالد ... وتحمدو له عالسلامه ..."

الابو : يالله قم قم ... جنه الا عيبتك الطيحه ... قم وما فيك غير العافيه والدختر امرخصنك...
سعيد " وهو يبتسم": ان شالله يا بويه ...
علي: عاد لا زيغنها مره ثانيه ... امي تمت بلا عقل .. اوه حليلها انشغلنا وياك و نسيت اطمنهم ... بدق انا لها الحين ...
خالد : لالا خلاص انا دقيت لهم و طمنتهم ...حليلها هي الثانيه شوي و بتروح فيها ...
الابو : هيه عاده البجر حبيب القلب ...
علي : ونحن دومنا مالنا نصيب من هالحب ...
سعيد : هههههههههه يالله يالله ... لا تحاول انا يحبوني اكثر منكم انتوا الاثنين ...

"... يضحك الابو عليهم وينشون كلهم ويردون البيت ... اول ما شفت الام سعيد ربعت صوبه ولوت عليه..."

الام: فديتك ياوليدي شو ياك ...؟ شو صابك ...؟ عساك الا بخير...؟
الابو : كاتي الصبي ... مافيه الا كل خير ... بس شوية بزى ...

"... عزه في حجرتها صاكه على عمرها الباب وصيح تخاف شي صاب اخوها ... ومحد خبرها انه بخير من الفرحه الكل نسى يقول لها... كانت اصيح بحراره ... تخاف انه اخوها مات وراح فيها ..."

سعيد : الا اقول ما وشف عزه ...؟
سلامه : عزه في حجرتها اصيح ومن الفرحه محد منا قل لها نسينا انخبرها ...
سعيد : ازين انا الحين بسير لها ...

"... سار سعيد صوب حجرة عزه و دق عليها ..."

عزه " وهي تفتح الباب و هي موخيه":هلا...
سعيد: شو بلاج...؟

"...رفعت عزه ويها ويكمل سعيد كلامه ..."

سعيد : والخيبه ليش عيونج حمر ..؟ ليش اصيحين...؟ ما ستوى شي ...

"... من الفرحة عزه لشوفة سعيد بخير ما عرفت شو تسوي غير انها تلوي عليه وتكمل صياحها لكن هالمره دموع الفرح...

[قموره]

الجزء الخامس ..

"... مر يومين على سعيد وهو يفكر في سالفة الرساله ... وفي خاطره يعرف صدق

انه العنود سوتها و خانته ...لكن هو يعرف أن هالشي من سابع المستحيلات ...وأن

العنود تحبه حب صافي ...ومستحيل أتخونه بهذي البساطه ... وانها هب من النوع

العوب ... ويفكر بهذا الشخص اللي ناوي يخرب أبينهم ... لكن هالشخص شو دراه

اني أحبها أو هي تحبني ... مايذكر انه طرى لحد عن العنود غير اخوه خالد ... وخلود

مستحيل انه يسوي جذي ...أصلا هو ماله خص في الكمبيوتر ..."


سعيد "في خاطره" : ياربي ساعدني منوه هذا اللي يبى يخرب ابينا ... منو

هالشخص اللي ناوي يدمر هالحب ... ولا شو يبى منا ... لايكون هذا الشخص اهو

الريم ... بس ليش تبى أدمر بيني و بين اختها ... تعال يا سعيد وين سار فكرك ...

الريم أنسانه طيوبه وعلى نياتها ... ومستحيل أسوي هالشي لانها تحب أختها وايد

ومستحيل تغدر فيها ... ياسعيد لازم أسوي شي ...



"... قام سعيد صوب الكمبيوتر و فتحه ..."



سعيد " في خاطره " : الحين لو ضفت هالشخص على ايميلي يمكن ما يقبلني

أحسن شي اني أسوي الحين ايميل يديد وضيفه عندي عشان اعرف شو يبى

مني...



"... فتح سعيد صفحة الهوتميل سوى له ايميل يديد ... وضاف هالشخص المجهول

عند عالمسنجر ... وبعد ساعه من الانتظار دش ..."



"... تم تسجيل خول " ريانة العود "...



"... أستغرب سعيد ... ممكن تكون هذي صدق الريم ... ولا وحده غيرها ... خل ادش

عليها و اشوف ..."



العليل : السلام عليكم ...

ريانة العود : وعليكم السلام و الرحمه ...

العليل : أشحالج يالغاليه ...؟

ريانة العود : الحمدلله ... أشحالك انت ...؟

العليل : بخير ونعمه ... دام انج بخير ...

ريانة العود : ممكن أعرف من ويايه ...؟

العليل : عبدالعزيز ..معاج ...

ريانة العود : أسمحلي اخوي ... بس أنا اعرفك ...تعرفني ...؟

العليل : لا ما تعرفيني و لا أعرفج ... لقيت ايميلج في الفورد ورد ... وضفتج ...

والسموحه منج ...

العليل : ولو كنتي ما تبيني عادي سوي لي بلوك ودليت ... وانا عذرنج ...

ريانة العود : لا عادي اخوي ... حصل خير ...

العليل : اممممممممم ... ممكن نعرف أسم الأخت ..؟

ريانة العود : السموحه منك اخوي ... اسفه ... ما أقدر أقول لك ... مااريد اقص عليك

وأعطيك أسم غير أسمي ...

العليل : بالحل ... J ...

ريانة العود : J

العليل : من وين الغاليه ...؟

ريانة العود : من عاصمة الثقافه ... وانت ...؟

العليل : يا مرحبا باهل الشارجه منورين ... أنا من العاصمه ...



"... تم سعيد يكلم ريانة العود على أمل انه يعرف من تكون ... وتمنى انها ما تكون

الريم ... او انه مش مقلب لانه حرق القلب ..."


........... في بيت بو حمد .......



"...اليوم الكل مرتبش ... عشان عرس مفتاح ... على بنت عمه عليا ..."


أم العنود : شو حيرهن بناتي لين الحينه ما ين ... عواش شفتيهن البنات ...؟

عواش : لا عمتي ما شفتهن ... بسير اطالعهن وين ...

أم العنود : لالا تعالي اندوج دقي على العنود ... وشوفيهن ...

عواش : ان شالله عمتي ...



"...تتصل عواش حق العنود ..."



العنود : مرحباااااااا ...

عواش : هلا عنود ... اقولج عمتي حاشره الدنيا ...وينكن ...؟

العنود : بعدنا ما طلعنا ... انا الحين بخلص ... والريم يالسه اترياني في الصاله ...

عواش : ازين تعالن بسرعه و عن ألغانه ...

العنود : يالله يالله ... باي باي ... الحين بني ...



"... سكرت عواش عن العنود وقالت لعمهتا ...؟



........... في بيت بو عبدالله ..........



الريم " اتزاقر العنود " : عنوووود ... يالله بسرعه ... شو هاي الملاغه هب وقتها ترى

.... علايه أترياني ...

العنود "وهي نازله": اللي بيسمع الحين ... بيقول ما بتعرس البنيه لين ما تين ...

الريم : يا غبيه بسير اتصور وياها ...

العنود : عز الله انهن احترقن هالساع ...

الريم : سكتي سكتي ...



"... الريم ظهرت قبل العنود ... ووصلت عند الدروازه وردت نكس عند العنود ..."


الريم : أقول غناتي ... الدنيا زحمه برع كيف بنطلع كله ريايل ... دقي دقي لعبدالله

عشان أيي ياخذنا ويودينا خيمة الحريم ...

العنود : وايد سياير ... يعني ما شي فرزه عشان أنتغشى ونمر ...

الريم : وين تمرين والله ماشي نفس ... زحمه زحمه ...

"... مسكت العنود اليدوي ودقت لعبدالله ..."

عبدالله : تعال تعال ... حطو الجدر مني ...

العنود : الووووه .... الوه عبدالله ...

عبدالله : هاه ... شوعندج ...؟

العنود : اقول زحمه برع ونحن نبى نطلع انسير صوب الخيمه ... تعال وخذنا بسيارتك

عبدالله : ما قدر ايكم وايد شغل عندي ...


"... حمد سمع عبدالله وقال له انه هو بيسير ..."


عبدالله : أقول عنود الحين حمد بيكن ... هو بيوديكن ...

العنود : والله انه فيه خير هب انت ...

عبدالله : يا اخي هاته هاته انا بسويه عنك ... خوز عني ...



"... العنود حرجت على عبدالله وسكرت على ويه ..."



العنود : والله انه ما يستحي على ويه هب هب جني اخته العوده ... مره ماشي

احترام ...

الريم : ازين شو الراي الحين ... منو بيي...؟

العنود : حمد ولد خالتي ...

الريم : يالله فديت اخويه ....

العنود : شو بعد فديته ... اومف عليج ... يالله ستر الله علينا ....

الريم : شو بلاج ...انا ما قلت حمد ... قلت اخويه عبوووود ...

العنود : والله انتي ما ينعرف لج ...

الريم : الا اقول سعيدان بي ولا لا ...؟

العنود : هااااه ...

الريم : شوي شوي عن يطيح لغبج "فم الناقه"...

العنود : يعلج ... مادري به جانه بيي ...

الريم : اقول تعالي اسمع هرن برع ... جنه حمد ...؟ ... أقول اتغشى ولا لا ...؟

العنود : شو هذا المستحى اللي نزل عليج مره وحده ...؟

الريم : لا والله صدق ارمسج ... لاني حاطه ميك آب ...

العنود : ياويلي انا ... كيفج انا هب متغشيه الا حمد ...

الريم : بسوي شراتج اختي العوده ...

العنود : يالله امبونج انتي تبينها من الله ...

الريم : هههههههههههه...



"... ظهرن البنات ولقن x5 وواحد يأشر لهن من داخل لكن ما شافنه ..."


الريم : حوووووه طالعي انتي ... منو هذا المزيون ...؟

العنود : عن أطالعين و تفضحينا ...

الريم : مالقيت مونه أطالعه شوفي سيارته والله انه ذويق ... آآآآآآيه عالدنيايه ... ابا

اركبها x5 ...لاوبعد سوداء ونمرة العين حمرا ... يا غمي عليها ...

العنود : أقول خلينا ندخل داخل بعده حمد ...

الريم : خلينا نركب وياه اون مغلطين ويوم اندش قولي ... اوه السموحه منك تحريتك

اخويه ... وعاد انا بقول ...

العنود "تقاطعها " : جب جب ... تعالي داخل ....

الريم : ياويل حالي خلاص ذبت ...

العنود : والله لخبر عليج عبدالله لو مادخلتي جدامي و الحين ...

الريم : عفانا الله ... ازين ..ازين ....

"... صدن البنات صوب الباب ودخلن في الحوي ... ويدق تلفون العنود ..."


العنود : هذا حمد متصل ...

الريم : ردي عليه طالعيه وين هو الحين تحير علينا .... اخترب مكياجي ...

العنود : ياويلي عليج انا ...

العنود : الوه ...

حمد : مرحبا ... وينكن طلعن ... حليلي من الصبح وانا آآشر صوبكن ... وانتن

عطياتني بولباس ...

العنود : ما شفنا سيارتك ...؟

حمد : لا سيارتي خذاها واحد من الربع وانا خذت سيارته ...

العنود : ازين ... أي سياره ...؟

حمد : الـ x5 السوداء ...

العنود : اوكي الحين بنطلع ...



"... وسكرت العنود عن حمد ..."



العنود " اتزاقر": الريم يالله حمد برع ....

الريم : عاد يوم وصلت من الصبح ما بغى ايي ... صبري بشرب ماء وبيي ...

العنود : بسرعه مستعيل الريال ...

الريم : اوكي هاه خلاص مابا ماء يت ...

"... ضهرت العنود ووراها الريم ... وركبت العنود الـx5 والريم أمبطله عيونها عالاخر ..."



الريم : حوووه ... وين سايره ...؟

العنود : تعالي اركبي ... هذا حمد ...

الريم : والله "وهي فرحانه " ...

"... حمد يهرن للريم ويقول لها يالله تعالي ... سارت الريم صوب السياره وركتب

وفجت غشاتها ..."



الريم " وهي اطالع السياره من الداخل": واخيرا تحقق دريمي...

حمد : شو دريمج بعد...؟

الريم : حلمي أقصد بان اركبها ... مشكور انك يبتها ...

حمد : العفو ... بس ما يقولون دريمي فضحتينا ...

العنود : عيل شو يقولون ...؟

حمد : تحقق دريم مال انا ...

العنود : هههههههههه ياي بيكحلها عماها ...

الريم : هههههههههههههه

حمد : احم ...احم ....

العنود : الا اقول شكلك تعبان ...الساعه كم واعي ...؟

حمد : يا بوج ما رقدت من البارحه ...

العنود : جي شو عندك ما رقدت ...؟

حمد : اخافني ارقد وخلاف ما اقدر انش ... تعرفيني نومي تجيل بشكل فضيع...

العنود : هههههه ... كل الشباب جي ... تعال حد يا من قوم عمي سالم ...؟

حمد : هي علي و خالد قبل شوي دقوا لي وقالوا انهم في الدرب ياين صوبنا ...

العنود : وسعيد ...

حمد : لا مايا يقولون انه من يومين طاح عليهم وودوه المستشفى ...

العنود "وهي امبطله عيونها ودقات قلبها تزيد": ليش شو ياه... شو صابه....؟
الريم : هااااااااااه .. ولد عمي شوفيه ...؟

حمد : مادري قالوا انه اغمى عليه ياه ضيق تنفس مادري مافهمت لهم ... كنت

يالس افازع ابويه وحشره ...



"... العنود خلاص ما قدرت انها تتكلم ... تحس بخنقه ... تبى اتصيح ... حمد الثاني

حس بشي ...شك بالعنود ... ابتسم و طالع في المنظره صوب الريم ... اللي هي

الثانيه كانت اطالع اختها بنظرات حزينه ..."



الريم : اقول حمد شو حاله الحين ...؟

حمد : لا بخير غزال ... لكنه ما قدر ايي اليوم لانه عنده كذا شغله ...

الريم : اشوى ...الحمدلله... الله يبشرك بالخير ...



"... العنود ارتاحت شوي يوم سمعت انه بخير وعافيه ... لكن ما بترتاح لين ما دق

لعزه وتطمن عليه ..."



"... وصل حمد البنات وقحم عند الخيمه ... ورد هو لعند الريايل ... وطول الدرب وهو

يفكر بالعنود ... وكيف كانت حالتها يوم سمعت الخبر... تمنى انه لو ما طرى السالفه

جدامهن..."



"...دخلن البنات داخل الخيمه و فجن عبيهن و وقيهن ... وحاطن لين مالقت العنود

اربيعتها ... اما الريم تتلفت يمين و يسار ادور ربعها بس مالقت و لا وحده ... سارت

تمشي بروحها بين الطاولات ادورهن ... فمسكتها حرمه وكلمت الريم و روحت

الريم عنها بسرعه ... واخير لقت البنات عند الكوشه يالسات يسولفن ..."



الريم : يا مرحبا الساع ببنات فريجي .... اشحالكن ...؟

خوله : يامرحبا بالعرووووس ... غايه غاويه اليوم ....

شمسه : عز الله انج انخطبتي الليله ...

الريم : اسكتن ...اسكتن ... فاتكن ...

البنات : هاه ... شو فاتنا ...؟

الريم : توه وانا داخلها ادوركن مسكتني عيوز ... وجان اتنشدني جاني مخطوبه ...

موزه : شو قلتي لها ...؟

الريم : قلت لها الحمدلله الحمدلله ... وخذتها طلوق ادوركن ...

البنات : ههههههههههه...

موزه : والله انج نكته ...

صبيحه : هههههه ...ومنو هذا تعيس الحظ ...؟

الريم : ههههه ...ريلج تعيس الحظ ... انا اصلا مليون واحد يتمناني

خوله :هاااااا ههههههه ...قصدج سالب مليون

الريم : جي غناتي وانا شو بلايه ... فديتني عمة الحسن ...

خوله : والله انج ....

الريم : والله انكن ما تخيلن على ويوهكن حرمة أخوانكن يلسني ... مخلياتني واقفه ...

روضه : حززززن ... اخوان بعد هب اخوج ... ما يسدها واحد ...

الريم : شو يسوابكن ..من الصبح ترمسن عن العرس ومخلياتني واقفه ...

خوله : فديت اخويه انا يباله وحده من مزاين العين ... هب انتي ...

الريم : انتي اسكتي حد ياب طاري اخوج ...؟ انتي ابوج حاط عينه عليه هب اخوج ...

يا بوج ... ترى ابوج عيفني حياتي كل يوم ورايه ورايه من دار لدار ...

خوله " وهي ميته من الضحك": قليلة أدب ...

البنات :هههههههههههههههههه...

وحده من البنات : خولوه فضحوه ابوج ...

خوله : هههههههه والله انج ما تستحين على ويهج ...

الريم : حووووه عن تزعلين تراني اتمصخر ...

خوله : لا عادي ادريبج ... مزوحيه لكن الخبر عند امايه ...

الريم : بصخين ولا ترى اقوله يطلق امج ...
خوله : والله تراني لفلعج بالفنيان ...

سلامه : ايه تعالي اذكرت شي ... ريم شو سالفج ويا البيدار اسيف يا عند ابويه

وحاشر الدنيا عليج ...

الريم : هههههههههه ... والله ... عيل الخايس يسب امايه ويقول لي جب ... جان

افلعه بالحصاه ...

روضه : اشكر فنج انا ...

سلامه : قال انه خلاص ما بيشتغل عندكم ...

الريم : هذيج الساعه المباركه ...

خوله : والله انج هب هينه ...

الريم : شو تحريني بسكت عنه ... عيل يسب امايه ...

خوله : انترتيكر ...

الريم : انتي اسكتي ...ولا ترى اخبر ابوج ...

خوله " وهي تضرب الريم" : تيسرين اونج ...

الريم " وهي تحط ايدها مكان الضربه" : عورتيني ... هب ايد عليج ...

خوله : يا ويلي عليج من حساسه ...

روضه : اقول ريم سلوم ... نبا انسير عند علايه ...

الريم : لالا مفتاح محد ...

روضه : ازين شو نبابه ...

الريم : عيل منو بيفتح الباب غيره هههههههههه ... سخيفه ...

سلامه : والله انج ...

الريم : يوم بتي بنشوفها وبنتصور بعد وياها عالكوشه ...

خوله : انا لا ما بصور استحي ...

الريم : جنه حد عزمج ...

خوله : والله انج حماره مادانيج ...

الريم : يالله فديت روحج ...

سلامه : اقول بنات هذيلك الحريم من الصبح وهن يطالعن صوبنا شو عندهن ...؟

الريم : يمكن يبن شي ...

سلامه : قومي شوفيهن ...

خوله : قردنيهن ....

الريم " وهي اسوي حرمه في يدها " : لالا بعدين يزعل ابوج ...

خوله : حماره كله ولا ابويه عاد ...



"... يضحكن البنات على خوله ..."



"... الريم تضحك و تسولف ولا همنها شي عكس اختها اللي خانقتنها العبره ولا

تضحك..."



صالحه : عنود شو بلاج والله اني خايفه عليج ... خبريني فضفضي اللي في خاطرج ...

العنود : صالحه ..... سعيد ..." و طاحت الدمعه على خدها "

صالحه "وهي فاجه عيونها" : شو بلاه سعيد ...؟

العنود : مادري بس حمد يقول انه اغمى عليه من يومين ...

صالحه : والله ... كيف ..؟ وليش...؟

العنود : مادري في خاطري ادق له واسال عن حاله ...

صالحه : لالا شو دقيله ... دقي لعزه ...

العنود : مادري ... واليوم ما يا ...والله اني خايفه عليه ...

صالحه : الحين شو حاله ... ما خبرج حمد ...؟

العنود : يقول انه بخير ...

صالحه : عيل ليش اصيحين فضحتينا ما بيعرفون العرب شو بلاج ... سكتي سكتي

خربتي مكياجج ...

العنود :........

صالحه : خلاص الريال ما فيه الا كل خير ... ويمكن شي لاهاه ومايا ...

صالحه " في خاطرها ": يالله شو صابه ... عساه الا بخير ولا فيه شي ... وهذي

وهذي العنود ليش اصيح ... ماتدري انه هو مش لها ولا هي له ... مسكينه ... لازم

انا اللي تصيح هب انتي يالـ ............ ..."

الجزء السادس..

العنود: اقول صلوحه خلينا نقوم ...

صالحه : وين ...؟

العنود : عند قوم اختي ... وين يالسات ...

صالحه : وهن وين يالسات ...؟

العنود : مادري ... بس أظني عند الكوشه ..

صالحه : يالله قمنا ... بنشوفهن ...


"... نشت صالحه ووراها العنود يدورن البنات لين ما لقنهن ..."


صالحه والعنود : السلام عليكم ...

البنات : وعليكم السلام و الرحمه ...

صالحه : هااااه ... شو سون ...؟

سلامه : واللم اشي غير مشاهد هالحريم ... ونتريا العروس

العنود : هيه عاد من قدج حرمت اخوج غدت ...

صالحه : أزين ... ليش ما سيرين عندها ...؟

سلامه : ماروم ... يلست البنات ابرك لي ...

صبيحه : ازين شحقه واقفات ... يلسن .. سحبن كراسي لكن كراسي ...

العنود : ازين ..." وهي تسحب الكرسي " ... عيل وين عواش ...

خوله : والله ما دري بها ... بتلقينها تحوط بين هالطاولات ابد ما تقر ...

صالحه : الله اكبر ...

صبيحه : شو عندج تكبرين ..

خوله : انتفاضة الاقصى يت هني ...

صالحه : لا ماشي ... ههههههه انتفاضه حلوه ... بس الريم صاخه غير العاده ...مادله وين سار الفكر ...
خوله : ما عليج منها توها مهزوووووبه ههههههه....

العنود : افا افا ... منو هازب اختي ...؟

خوله : بكل فخر واعتزاز ....انا ...

الريم : والطيطووووووو...

خوله : ترى اخبر ...

الريم : لا ارجوج ترى خلاف اقول عنج ...

خوله : عن شو عني ... ما حيدني مسويه شي ...

الريم : اوكي انتي خبري ... ويوم تردين البيت تحملي اللي بيج من عليوي...

خوله "وهي فاتحه عيونها": هيييه ... يالخايسه ما حيد بويه اسمه عليوي...

العنود: والله انج ما تستحين يالريم ... ابد ما تحشمين حد ...

الريم : اوهووووووووه ...اسفه ... هاذكي وين عواش يايه صوبنا ...

صالحه : شو عندها يايه بسرعه ...؟

سلامه : مادريبها ... يمكن شي مستوي ...

عواش : مرحبا صبايا ...

البنات : مرحبا ..

العنود : هلا و غلا ... توني كنت يالسه اسال عنج ...

عواش : سألت عنج العافيه يالغالي ...

الريم : ليش يايه بسرعه .. شكلج كان غلط ...

عواش : هاااه ... قولي والله ...

العنود : لالا تعرفين ريم دوم ازود ...

الريم : احم احم ...

عواش : هههههه ... اقول تعالن انسير صوب الشاشه العوده ...

سلامه : اشحقه ... شو السالفه ...؟

عواش : رزفه رزفه ...

الريم : والله ...في حد نعرفه ...؟

عواش : حمد و عبدالله ...

خوله : والمعرس ...؟

عواش : لالا هذاك مصنم ...

سلامه : وبعد منوه ...؟

عواش : عبدالله وحمد و مصبح و علي ...هذيل اللي اعرفهم ...

الريم : اوه خولوه أبوج ... يالله ياله بسرعه ...مابا شي يفوتني ...

خوله : خايسه ...

العنود : الله يعين الريال من لسان اختي ...

الريم : احم احم ... حد من عيال عمي سالم ...؟

عواش : لا ما عرفهم ... تعالوا انسير صوب الشاشه العوده ...

الريم : لا انا ابا اشوف طبيعي ...

العنود : احم احم ... اعذرونا هذي ابد ما تستحي ... شو طبيعي انتي بعد ...

الريم "قافطه " : اسولف ...


"... يضحكن البنات عالريم ... وعقب قامن صوب الشاشه العوده ..."


عواش : شوفن انا يايبتنكن مناك عشان اشوفن هالغاوي بس حميدي ...

سلامه : مالت عليه ... من وين يته الحلاه ...

عواش : لا حبيبتي هو الحلا كله ...

الريم " بصوت واطي": ازين صدقتي ... هو حليان بس هب حلو ...

عواش : جني سمعت كلمه غلط ...

الريم : هب اذن عليج ...

عواش : هب هباج الله عن تحسديني ... وهب من بعدج ما بينا غير شبر ...

العنود : شوفن هذا خالد ولد عمي سالم يرزف ...

سلامه : وينه ...؟

صبيحه : هو اللي متسفر بحمرا ...؟

العنود : هيه ...

الريم : هههههههههه ... اونه يرزف الا يحرك هالراس جنه سبرينق ...

العنود : هههههه ... ازين شو تبينه برايه ...

موزه : شوفن صبوح كيف ايول ... والله انه يولته احلى وحده عز الله انه اليوم

ربح التلفون...

الريم : هااااه ...

صالحه : هااااه ... شو ياج تبريدتي ...؟

الريم : لا والله عن تفهميني غلط ...انتي دومه فهمج خايس ...

العنود : اصدقج يا اوخيتي ...

الريم : شو تطنزين حظرج ...تين اصدقن صدقن ما تبن برايكن ... انا اللهم

اذكرت موقف وكنت بقوله الكن بس الحينه خلاص ... هب قايله ...

العنود : قولي ...

الريم : يمين و دين هب قايله ...

صبيحه : شوفن ...شوفن المعرس غادي شرات الطماطه ...

سلامه : فديت خويه انا ... اونه يستحي بعد ...

موزه : هههه ... حرام ليش اونه ...؟

سلامه : ما حيده يستحي ...

موزه : والله انه رزفت صبرح حلوه ... الا اقول ما شوف خويه وياهم ...؟

صبيحه : شو تبينه يفضحنا ولا يعرف شي ... خله هناك عند الجدور يغرف

العشى ابرك له ...

سلامه : هههههههههههه ... حليله ...

الريم : شوفوا ... شوفوا ... عبدالله و حمد و مصبح .. مع بعض ... طالعوا

رشودي فديت رويحته اونه يرزف ...

موزه : واااااااااايه فديته ... طالع على اخوه العود ...يا حلاته ...

سلامه : الا اقول انتي شو ياينج اليوم الا طايحه على صبوح ... شو السالفه

... اعجبتي ...؟

موزه : لالا بس جي ... بذمج هب حلو ...؟

الريم : طاحوووااا .... طاحوووااا ... والله انه ما عندكن سالفه وحده حميد و

الثانيه مصبح ... يالله تعينا بعونته ...

موزه : غيرااااانه ...

الريم : على شوه ...؟

موزه : صبوووووح ...

الريم : سكتي سكتي .. عندي واحد يسوى هالعام كله ...

العنود"امبطله عيونها":أمنووووووووه...؟

خوله : جني عرفته ...

الريم : منو اللي عرفتيه ...؟

خوله : انتي ادرى من في بالي ...

الريم : نعم نعم ...

العنود : ازين خبرني انا ما عرف ...

الريم : يسمونه عليوي ...

العنود : من هذا بعد ...؟

خوله : بويه ...

الريم : زين يوم عرفتيه ... فديتني والله ...

خوله : تفدج يدعه ان شالله ...

موزه : بنات تعالن يا بو العروس ...

الريم " وهي مندمجه مع اللي ايولون ": لا حقين عليها ... خلنا انطالع الريايل

ابرك ...

العنود : الله يغربل عدوج ... شو هالرمسه استحي على ويهج ...

الريم : رااااعيهن شو سويت ... والله من متى وانا في خاطري اشوف يوله ...

عواش : يالله يالله خل عنج ... خلنا انسير عند العروس ...


"... قامن البنات وسارن صوب الكوشه وهن يمشن ......... ..."


خوله : سلووووم حوووه ...سيري عند العروس يمكن تبى شي حليلها ما

عندها خوات ...

سلامه : والله هب مخلف عليه ...

الريم "وهي تمسك يد اختها و تيرها": عنود ...الحقي...

العنود: شو عندج ريموووه ... فضحتيني شو هالدفاشه ...

الريم : خل عنج الحين المهازب ... وشوفي على يمينج قوم امايه ...

العنود : شو بلاهن ...شفتهن ...

الريم : يالخديه .. شوفي عدل ...ما شوفين خالتي حرمت عمي سالم ...

العنود: هي هاذكي وين ... شوفيها ... تبينا انسير انسلم ...

صالحه : شو بلاكن وقفتن تعالن ...

الريم : روحوا انتوا ونحن بنلحقكن الحين ...

صالحه : ليش ...؟ شو عندكن ...

الريم : ما شي ابا اخبر اختي شي ...

صالحه : اها ..اوكي

العنود : هاه شو ...

الريم : يا عبقرية زمانج ... منو ياب خالتي مني غير سعيد لانه خالد وعلي

من زمان هني و خالتي الا توها يايه...

العنود : هيه صح ... ابا اشوفه جانه بخير ولا لا ...

الريم : عادي ...تقدرين ...

العنود "امبطله عيونها":كيف ...؟ ان شالله تبينا نطلع برع ... ستر الله علينا

...عيــ...

الريم "تقاطها": حززززن ... ميت حرف في ثانيه ... لالالالا شو برع قالولج

غبيه..

العنود : كل شي يطلع منج ...

الريم : بنسير عند الشاشه العوده يمكن يطلع ...

العنود : هيه والله ...يالله سرنا ...

الريم : ازين واحي ... خليني اعادلج ...فضحتينا لا تربعين ...

العنود : اسكتي اسكتي ...

الريم : جميع حقوق الطبع محفوظه وعن السرقه ...بليز يعني ...

العنود: تعالي دوريه ويايه ...

الريم : هو هذاك اللي يوايه المعرس ...؟

العنود : قولي والله ...

الريم : شو دراني فيه انتي ادرابه ...

العنود : يعله يفضبج هذا شيفه ...

الريم : هههههههههه ...

العنود : هاذكوو وين ...

الريم : وين ...؟

العنود : هذاك اللي وراء اللي يوايه المعرس الحين ...

الريم : هيه صح ...

العنود : يالله ...شوفي كيف شكله ضعيف تعبان ويهه ... الله يغربلك قرب

الصوره عليه ...

الريم : يالله جذبت عيونج انا من عرفته وهو عمود كهربه هب من تو ... عاد

الجذب ببلاش ...

العنود : والله شوفي كيف شكله ...

الريم : خلاص خلينا انروح ... خاز عن الكيمره ...

العنود : صبري يمكن أيول ...

الريم : البنات بيستبطنا ...

العنود : الشيمه بس دقيقه ...

الريم : اوكي ...اوكي ... بس بشرط ...

العنود : شو هو ...؟

الريم : انج ما تخبرين صلوحه ... مارتاح لها ابد ...

العنود : حرام حليلها طيبه ...

الريم : احس انها ام ويهين ...

العنود : لا تقولين جذي عنها حليها ...

الريم : مسكينه ... كلن يرى الناس بعين طبعه ...

العنود : ازين ..ازين .... خلاص ما بقول لها بس فكينا ...

الريم : امممممممممم .... ما شبعتي ... خلاص ما راح يرزف ... لا تريين شي

منه ...

العنود : بس دقيقه ... واللي يرحم والديج ...

الريم : دقيقه ...بحسب ...

الريم : ما بقى شي الحين بتخلص الدقيقه ....

العنود : خلاص خلينا انروح ...

الريم : واخيراااا ...

العنود : ترى اهون ...

الريم : لالا فديت روحج كملي دربج ...

العنود : ههههههههه مسكين حالج ...

صالحه : ما بغييتن تن شو عندكن ...

الريم : ماشي سرنا نمشي شوي اخت وختها ...

صالحه : اها...

الريم : والخيبببه ... روحن عني ما تريني انا بعد ابا اسير عند العروس ...عنود

صالحه قومن ويايه فديتكن ... الشيمه ...

صالحه : انا توني راده ما روم ...

الريم : عنوووووووودي ...

العنود : ما روم الحين عندها زحمة بنات ربعج ...سيري بروحج ...

الريم : تفو ولا وحده فيكن فيها خير عفانا الله ...


"... ركبت الريم عالكوشه وهي بكبرها تنتفض لان محد معاها ...اما العنود

فقربت الكرسيها من كرسي صالحه و بدت تخبرها السالفه ..."


الريم : يا مرحبا بالعروووس ...

عليا : هلا غناتي ... والله اني توني كنت يالسه اسال عنج ...

الريم : وانا اقول شو عندها اذني اتصاوي ...

عليا : هههه ويا راسج ...

سلامه : أأأأيه حرمت خويه هاي ...

خوله : وهاي حرمت ابويه ...

الريم : وحليلها رضت بالامر الواقع ...

البنات : هههههههههههههه ...

عليا : سلوم يوم أي اخوج رفجه ما تخليني بروحج ...

سلامه : اص اص ... هو حاف لي اني ما تقرب صوبج يوم ايي ...

عليا : هاااه ... يعني سواها ...

سلامه : ليش شو السالفه ...؟

خوله : اسرار زوجيه شو يخصج ...

سلامه : اسكتي اسكتي ...

الريم : ااااااااااايه عن السرقات الادبيه ....

سلامه : ما يسوى علينا ..ااااسفين ...

الريم : وانا قبلت اعتذارج ...


"... مر العرس على خير وكلن منهم راح بيته و مفتاح خذ حرمته وراحوا

الفندق ..."



............ في بيت بو عبدالله ........


الام : عبدالله بويه ...

عبدالله : عونج ...

الام : عانك ربك ... فديتك باجر بغيتك تودينا انا و البنات بيت عمك سالم ...

عبدالله : ليش ...؟

الام : فاطمه عازمتنا عالغداء ...

عبدالله : ما طلبتي يالغالي .. وفالج طيب .. ما تبين شي قبل لا أطلع ...؟

الام : وين بسير الحين نص الليل ...

عبدالله : بسير عند الربع ...

الام : حافظنك ربك ... بس لاطول فديتك .. وتقف عن السرعه الزايده ...

عيدالله : ان شالله امايه ... امانه لكون الساعه ثلاث الفير في البيت ...

الام : شو شو ... يالخايس شو سوي لين ثلاث ...

عبدالله : مع السلامه ...

الام : هالهرم .... مره ما تقر في البيت ...

العنود"وهي نازله من على الدري ":هاااه امي منو تكلمين ...؟

الام : هذا اخوج طول الوقت برع امره ما يلس في البيت ...

العنود : شباب شو عندهم من الشغله في البيت عالاقل يستانسون شوي

وقت الاجازه ... البارحه نازلين و باجر بيروحون...

الام : ازين نبى انشوفه نسولف وياه .... ازين عيل وين اختج ...؟

العنود : فوق عالكمبيوتر ...

الام : لا حول ولا قوة الا بالله ... والله ما بعرف شو بسوي لاولاج هذاك دوم

هايت وهاي دوم غابنه عند الكمبيوتر ...

العنود : يالله فديتج يا مايه الحين لسير وسحبها من شعرها ...



......... في الحجره .......


"... الريم كانت قاعده عالنت تكلم بدوي اماراتي ..."

بدوي اماراتي : انا ودي اقول لك شي من زمان ...بس ما عرف كيف ابدالك ...

وليف الروح : افا عليك ..أبداء من وين ما ترتاح .. ولحين صرنا ربع ... ليش

تستحي مني ...؟

بدوي اماراتي : اول شي بغيت رايك فيُه ...

وليف الروح : رايي ...الصراحه انك ريال والنعم فيك .. وينوثق فيك ... ونعم

الصاحب ... وطول معرفتي بك ما شفت منك الا كل خير ...

بدوي اماراتي : مشكور ..

وليف الروح : العفو ...بس شو السالفه ...؟

بدوي اماراتي : اوكي خلنا نفرض اني ياي بخطب اختك ... راح توافق ...؟

وليف الروح : شي اكيد من جهتي موافق ولنا الشرف انه انسبكم ... ما

عليكم قصور ... بس ما خبرتني ليش هذا كله ...؟

بدوي اماراتي : والله ودي من زمان اقولك شي ويوم عرفت رايك فيه الحين

انا ملزم على عمري اني أقولك ...

وليف الروح : هات ما عندك ... ولا تخلي شي في خاطرك ...


"... الريم الفضول ذابحنها ... تبى تعرف شو السالفه شو يبى منها خليفه

...شو يبى يقول لها ... وليش كل هالاسئله ...اسئله وايده ادور في راس

الريم و خليفه يكتب و يمسح ما يعرف كيف يفاتح صديقه بسالفه اللي وده

يقولها له من فتره ...."

[قموره]

الجزء السابع ...

بدوي إماراتي : بس قول تم قبل لا أقولك...


"... الريم من الفضول اللي فيها ما فكرت..."


وليف الروح : تم ... بس على شوه ...؟

بدوي إماراتي : انك ما تسكر .. ونبقى ربع مثل قبل واحسن ... شو قلت ...؟

وليف الروح : افا عليك ... انا هب من النوع اللي يخلي ربعه بهسوله ... بس خبرني شو عندك والله حيرتني


"... بدوي إماراتي .. متردد انه يكتب اللي في باله ... خايف من الرد اللي بيه ... لكن لين متى بيبقى على هالحال

الحيين اهو يعرف حميد من شهرين و ازيد ... وتعب من كثر ما يجذب عليه ... لاليله ليل .. ولا نهاره نهار ...من

كثر ما يفكر في السالفه ... لكن لازم يقول ويصير اللي يصير ...بس يريح ضميره ..."


بدوي إماراتي : بغيت اقولك اني عارف كل شي عنك ...اعرف انك وحده واسمج ريم ... انتي قلتي تم ..يعني لا سكرين على ويهي وخليني اخبرج السالفه...


"... الريم تقرى هالكلام وكانه جبل على صدرها .. بدت تحس بالحر .. ما قدرت تكتب له أي شي ... اكتفت بالقراءه ..."


بدوي إماراتي : شوفي ريم انا من البدايه عارف انج وحده انا ما خذ ايميلج من عند وحده على اساس اني بلعب

عليج ... لكن عقب ما كلمتج غيرت كل اللي في باللي و اللي سمعته عرفت انه جذب في جذب وعرفت انهم

كانوا يبون يشوهون سمعتج ... بس صدقيني عقب ما كلمتج من أول مره غيرت رايي فيج ... وكبرتي في عيني

.. ويوم وراء يوم احس اني تعلقت بج ازيد ... صرت ما اقدر استغني عنج ابد .. واليوم اللي ما كلمج فيه احس

بضيج ... والله العظيم

بدوي إماراتي : ارجووووج ... يالريم انج ما تسكتين و تتكلمين على الاقل ردي عليه بكلمه ... ما طلب ازيد ..


"... الريم هالساعه خلاص شوي و بصيح ما رامت انها تستحمل ... من هذي اللي تبي تشوه سمعتها جذي ... وليش ...؟ ..."


الريم : في خاطرها " : شو اللي خلاني اقبله و ياليتني سمعت كلام عنود يوم انها قالت لي سويله بلوك و دليت..."


"... ردت عليه الريم والدموع عالخدها ..."


وليف الروح : من هذي البنت ... اظني من حقي اعرفها ...

بدوي إماراتي : ما دري لو كنتي تعرفينها ... بس اظني اسمها صالحه ...


"... الريم تفكر من هذي صالحه ... ومن وين تعرفني ..."


وليف الروح : لكن انا ما عرف حد اسمها صالحه ...

بدوي إماراتي : لا تعرفينها هي هب اربيعتج هي اربيعت اختج العوده اظني


"... انصدمت الريم من هالكلام اللي تقراه .... صح اني اكره هالصالحه و وما احس بالامارن اتجاها .. لكن

لهدرجه ...انها تبى تخرب سمعتي ...بس ليش شو سويت لها ... وبدت تفكر الريم و تسال نفسها هالاسئله ..."


وليف الروح : ممكن أعرف انت من وين لك تعرفها ...؟

بدوي إماراتي : انا ما ريد اقص عليج .. انا اقرب لها لكن من بعيد ...

وليف الروح : اها...

بدوي إماراتي : ارجوووج يالريم انج ما سوين لي لا بلوك و لا دليت ... اترجاج ةالله اني احبج ... اعشقج ...

ارجوج لا تكونين سبه في عذابي .. ريم والله ان نيتي صافيه تجاهج ... والله ...

وليف الروح : باي


"... سكرت الريم المسنجر وسارت عند اختها في الصاله ..."


الريم : عنوووود ... عنووود

العنود : هااااه ... شو عندج ...؟

الريم : تعالي شوي الحجره ...اباج في شغله ...

العنود : تعالي انتي هني ...

الريم : عنود ... الشيمه تين بسرعه ... والله شي ضروري...

العنود : ازين دقيقه ...
الريم : بسبقج بس عن تتأخرين عليه ..

العنود : اوكي ...



"... روحت الريم الحجره ... وعقب دقيقتين دشت عليها العنود..."


العنود : هاااه شو عندج ...؟

الريم " وهي اصيح ": عنوووود ...شوفي هالخايسه اربيعتج شو سوت فيه ...

العنود"وهي امبطله عيونها": مني هي ...؟ وانتي شو بلاج اختي ..انا من زمان ما شفتج اصيححين ... شو فيج..

الريم : صالحه اربيعتج ... مطرشه عليه خليفه عسب يخرب سمعتي ...

العنود : صالحه و من هذا خليفه ...؟

الريم : راعي العين ...

العنود : هي شو بلاه ...؟


"... وخبرت الريم اختها السالفه من اولها لاخرها ..."


العنود : الحين لدق لها ... و انسير بيتهم و نغسل شراعها ... لكن انتي لا صيحين ... دموعج ما تهون عليه ...

الريم : يالله فديتج

العنود :"ماسكه التلفون " : الحين بدق لها...

الريم : لاتحسسينها بشي...

العنود : شو قالو لج ...؟

العنود : مرحباااااااااا...

صالحه : هلا و غلا و الله بالغاليه ...

العنود : اشحالج ....؟

صالحه : بخير و نعمه ...ربي يعافيج ...

العنود : اقول اليوم بتطلعين بقعه ...؟

صالحه : وين يا حسره ... من متى وانا اطلع ...

العنود : قلت يمكن بعد ...

صالحه : بس ليش هالسؤال الغريب ...؟

العنود : لا بس انا و الريم بني عندج ... شو قلتي .. نبي و لا لا...؟

صالحه : حياكن والله .... اترياكن و عن تبطن عليه ... يالله فديتكن والله ...

العنود : اوكي باي ...

صالحه : باي

العنود : قالت يالله فديتكن ...

الريم : تفدتها يدعه ... الحين بتفداء و خلاف بتلعن ...

العنود : بس ودي اعرف ليش جذي سوت ...

الريم : تراني قايله لج اني هالانسانه ابد ما رتاح لها ... احس انها نذله ابد ما تحب حد غير نفسها.. ولا تتمنى

الخير لحد ...

العنود : الله يعين ...اخاف بعد شي سوت لي ...

الريم : تيسر ..


"... سارن العنود و الريم لبيت صالحه ..."


الريم : اقول اشوف امها عند المطبخ انطنشها و لا انسير انسلم عليها ...

العنود : انسلم ...

الريم : ليش انا مستعيله ابا اشوف هذي الخايسه ..

العنود : صدق انه ما شي مذهب ...

الريم : اووووف بس لا تتمين ترمسين وايد ...

العنود : مرحبا خالتي ..

ام صالحه : مرحبتييم بناتي ...اشحالكن ...

الريم و العنود : بخير وسهاله...

الريم : اشحالج ...؟

العنود : اشحالج خالتي ...؟

ام صالحه : بخير وسهاله ... وين من زمان ماتن بيتنا ...
الريم : انا والله لاهتني هالدراسه ... ولا دوم بتلقوني عندكم ...

ام صالحه : يالله فديتج ... بالتوفيج

العنود : خالتي عيل وين صالحه ...؟

ام صالحه : في الحجره أظني تبيني اسير ازقرها الكن..

الريم : لالا نحن بنسير لها ... بنسوي لها سبرايس ...

ام صالحه : بسون لها و شو ...؟

الريم : سبرايس...

ام صالحه: وشو هذا بعد ..؟

الريم : مساج نوع يديد ...

ام صالحه : عيل انا بعد ابى منه هذا المزاج ...

العنود : هههههههههههه ... خالتي تخرط عليج الريم ...ٍبرايس بالانجليزي يعني مفاجئه...

ام صالحه : ههههههههه ... يالله فديتها كل يوم تخبص علينا و نحن نصدقها ...

العنود : تراه ما تعرف غيرها ...

الريم : اسكتي اسكتي ...

العنود : جب ازين ... يالله مع السلامه خالتي ...

ام صالحه : مع السلامه ...

"... سارن صوب حجرة صالحه ..."


الريم " وهي تفتح باب الحجره ": بووووووووووووووو....

احمد : والخيبه ..


"... ردت الريم مكانها وهي قافطه ..."


العنود: الله يغربل عدوج فضحتينا ...

الريم : بروح البيت...

العنود: لتمين ...

صالحه : يالله فديتج يالريم ... الا احمد هااااه تعالوا دخلوااا...

الريم : وااااايه تحريته محمد ...

أحمد : وليش شو بلاني انا ...

الريم : انت محد يستحي منك ..

احمد : ليش هب مالي عينج ...

الريم : يوم بتطلع الحيه و الشوارب بتملها ...

احمد : ويا راسج شوفي شوفي طالعه لي شعره وحده...

الريم : اللي بيسمع بيقول لحيه هب شعره فرحان بها هالكثر ...

أحمد : انا بروح ابرك عن لسان هالبنيه ...

الريم : الحمدلله ... فكه .. ههههههههه

احمد :مع السلامه ..

العنود : الله يغربل عدوج ابد ما تستحين منه حليله ... كلتيه ....

الريم : خليه و يولي ...

صالحه : اااايه اخويه ..

الريم : اللي بيسمع بيقول اخو اليزابيث...الله يرحمه

العنود: بعدها حيه ...

الريم : ازين طلب الرحمه هب الا للميت للحي بعد و لا محصوره عالميت ...

العنود : اسكتي اسكتي..

الريم : احم احم ..

صالحه : تعالن ... شو هالييه الغريبه ...؟

الريم : غريبه ..؟

صالحه : هيه غريبه ...

العنود: يا صالحه نحن يا ينج في سالفه بنقولها لج و من عقبها ما عرفج و لا تعرفيني ..

الريم : وانا بعد هب الا انتي ...

صالحه " مرتبكه": ليش شو سويت ...؟


الريم : تسالين ...؟ اسالي عمرج شو سويني ... ما ظني يحتاي تسألين عمرج بعد ... لانج تعرفين ..

صالحه : لا والله ما عرف ..

العنود: اسم الله هب لعبه في لسانج تحلفين وقت ما تبين خلاص انكشفتي.. والله ندمانه على ايام اول يوم كنت

وياج رباعه ولا مخاتنج اغلى ربيعه وياما وياما حذرتني الريم عنج و قالت لا تخلينها اربيعج الروح بالروح

...ليتني سمعت كلامها ...

الريم : منو هذا خليفه ...؟

صالحه : وانا شو دراني فيه بعد ... قالولج راعية ريايل ..؟

الريم :انتي ادرى بعمرج .. وتعالي هو خبرني كل شي واعرف انه يقرب لج من بعيد من العين بس عندي سؤال انا شو سويت فيج عشان اسويبي جذي ...؟

صالحه : ما شي ماشي ... انا اكرهكن ما حبكن مووووووول ... واتمنى لكن كل شر ... خلاص عرفتن يالله اظهرن برع و لا ابا اشوف رقعت ويوهكن ..

الريم : ازين نحن امبونا هب مقصرات من ربعج ...

العنود : اصلا نحن مالنا الشرف انه نرابع وحده شراتج ...

الريم : الله لا يسامحج لا دنيا و لا اخره ... ومب في امان الله ...


"... ظهرت الريم ووراها العنود وروحن البيت ..."


الريم : عنود شو اسوي الحينه ...بخليفه ...؟

العنود : هو شكله انه يحبج و شاريج ... ومستحيل انه يشوه صورتج ...

الريم : شو دراج يمكن يخرط عليه ...

العنود : ما ظن



.............. في بيت صالحه........


"...اول ما روحن البنات سارت صالحه لتلفون ودقت لخليفه ولد خالة امها ..."


صالحه: الووو...

خليفه : هاه ... شو عندج ...؟
صالحه : ليش خبرت ريم ...؟

خليفه : تسالين ليش .. انتي قصيتي عليه و قلتي ان هالبنت خايسه و انج تبين اتأدبينها و طلعتي انتي الخايسه ... وهي اشرف عنج ... يالوصخه على الاقل عرفوا اهلها يربونها هب انتي ...ما دلين وين تضوين وشوفي انا من هالساعه اقولج مسحي رقمي والله هب منج من ي انا اللي معتبرنج شرات اختي العوده و طلعتي وحده ما تسوى شي ...


"... قبل لا يكمل خليفه كلامه سكرت صالحه التلفون على ويه.... وشوي ياها مسج من عنده مكتوب فيه ..."

"... لا تتصلين ...لاني اعرف اللي من طينج ما يستحون على ويوهم ..."


"... صاحت صالحه بسبت الكلام اللي سمعته من خليفه ...لكن بو طبيع ما يوز عن طبعه ...سارت و فتحت النت .. وارسلت رساله لسعيد تقول فيها ..."

"... مرحبا سعيد ... بس بغيت اقولك ... لو كنت مش مصدق اللي قلته لك في الرساله القبليه ان العنود راعيت شباب... وانها تكلم اكثر من واحد ... ضيفني عندك عالمسن ... وانا راح ابرهن لك ..."


"... وشوي ورد عليها برساله تقول ..."

"... مرحبا انا العليل دشي عالمسنجر ..."


"... انصدمت صالحه لما قرت انه هو العليل وحمدت ربها انها ما قالت له عن اسمها ... ودشت المسنجر ..."

الجزء السابع ...


العليل : السلام ...

ريانة العود : وعليك السلام ...

العليل : قولي شعندج ...؟

ريانة العود : شو بلاك تكلمني بلا نفس ...

العليل : وانتي خليتي لحد نفس يتكلم ...

ريانة العود : اوكي ... كيفك لو كنت ما تبي تعرفي ...

العليل : شوفي ... انتي من وين تعرفينها ...؟

ريانة العود : بعد ربك ...

العليل : اها ...اوكي عيل سمعي ...

ريانة العود : نعم ...

العليل : انتي مهما اللي بتقولينه عن عنود ما راح أصدق ... لاني اعرفها عدل

العنود بنت و لا كل البنات والشرف منها و فيها ... ومستحيل انها تخون

بهالسهوله ... او تكون راعيت سوالف ...لانه كل واحد ينبان من شكله ... او

انها تحمل ذرة كره لغيرها مثل بعض الناس ...

ريانة العود : شو تقصد ببعض ناس ...؟

العليل : انتي ادرى ...

ريانة العود : شوف مادام انك مو مصدق امسك هذا ايميل عنود

-------@hotmail.com (-------@hotmail.com) وهذا الباسورد مالها 6606ans والله العظيم انه

مالها ...

العليل : ازين .. والمطلوب ...؟

ريانة العود : ماشي بس حبيت انك اتشوفه و تحكم ... من الصح ...

العليل : تعالي بتخبرج انا ... ليش انتي تكرهينا شو سوينا لج ليش ما تحبين

الخير للغير مثل ما تحبينه لنفسج ... ترى والله ما راح تربحين شي من هذا

كله .. عنود لي وانا لها ... وانتي من وين تعرفيني ... ؟ ومن وين لج ايميلي

...؟

ريانة العود"مستغصه": شوف انا ما اكرهكم ... والله وربي شاهد يا اخ سعيد

انا ما طلب وراء هذا كله شي بس بغيت أحذرك من انسانه لعوب وانت

شكلك ما تبى تصدق ... وانا من وين لي اعرفك ... مثل ما عرفت عنها هذا

كله ... عرفت انك تحبها بس انت منخدع على بالك هي تحبك بعد ...

ريانة العود : يا سعيد شوف جدامك عن لا تنغش فيها ... والله انها لعابه وعن

ايميلك اللي يسئل ما يتوهش على قولة اخوانا المصريين ...



"... حفظ سعيد ايميل و باسورد العنود لكن ما دشه وسكر عن ريانة العود من دون كلمة وداع وروح يرقد له شوي ..."



.............. في بيت بو عبدالله ............



الريم : اقول عنود تعالي ألحقي ...

العنود : شو بلاج ...؟

الريم : طالعي شو مطرش لي خليفه عالهوتمل ...

العنود : شو مطرش ...؟

الريم : تعالي وقري ...

العنود : ماروم ... اقري انتي ...

الريم اوكي ... سمعي


"... السلام عليكم ورحمة الله و بركاته ...

ريم .. حبي اشحالج ... وشخبارج ... عساج بخير ...؟

يالريم والله اشتقت لج حيل ... وينج من يومين لا حس و لا خبر ..

بس اخاف انج كفرتي و سويتي لي بلوك و دليت ...

يا ريم قلبي تعلق بج .. قمت طول الوقت افكر فيج ... ايلس ويا الاهل و الربع

جسد عندهم .. وقلب و فكر عندج ...

يا ريم والله اني احبج .. اعشقج .. اهواج ...

" أحبك يا نظر عيني غناتي ... واحب الارض اللي تمشي عليها ... واحبك

حتى اكثر من حياتي ... اسوم الروح لجلك و شتريها ..."

ريم بس اريد اعرف باقيه عالهعد ولا خلاص قولة تم مالها معنى عندج ...؟


مل من حل عايفا دنياه شرابه والقوت

اردح و اغني يا ناس وشل

شلات الهوى و العشق بصوت

فرق القمر فرق الظنى و الخل

خلى أفكاري كلها اشتوت

يا طيب يا نرجس يازهرة الفل

ارحم اسيرك قبل لا يموت

ليتني وين تسير ودور ادل

جان بشوفني هناك مثبوت

جاوبني حبيبي وخل الدلع اذا خل

وتكلم و كسر جدار السكوت



اتريا ردج ... وارجوا ما يكون الفراق لانه بفراقج بفارق الدنيا ...

صح انج بتضحكين و بتقولين شو يقول هالخبل .. بس والله انه هالكلام طالع

من قلبي وهب قصدي اني العب بج ولو مب مصدقه ... مستعد اخطبج والله

المهم ... اني ما بقي اضيعج من ايدي ...ولا افرط بج لانه نادر وجود وحده

شرى قلبج الطيب ...

فكري و جاوبيني ...

والسموحه منج ..."


العنود : يا ويلي انا عالحب ... حتى انتي قاموا يحبونج ...

الريم : خلاص عاد ... استحي انا ...

العنود : الله واكبر قامت تستحي البنت ...

الريم : ليش هب انسان انا و لا شو ...؟

العنود : لا فديتج بس ما حيدج ...

الريم : ازين شو رايج ارد عليه ...؟

العنود : انتي سويتي له بلوك و دليت ...؟

الريم : لا بس ما قمت ادش المسن ... اخاف ..

العنود : اها .. شكله يحبج صدق شوفي لو يباج و شارنج ... ايي عند اخويه

... عاد ما باج اترمسنه اخاف بعد يا خذ فكره ...

الريم : اصدقيين ...

العنود : شو ...؟

الريم " وهي اشوف صوب الباب": والله اني انا بعد تعلقت به و هاليومين

اللي مرن ... احس بضيج لاني ما كلمته ...

العنود : الله واكبر قامت تحب بعد ...

الريم : ليش انا هب انسان مثلكم احب و اكره ...؟ ليش تعاملوني على

اساس اني ما عرف شي بالحب ...؟

العنود : ازين ليش اصيحيين ...؟

الريم : احبه و الله ....

العنود : بس بعمرج لو دريت انج كلمتيه عالتلفون ...

الريم : انا بعد عالمسن ما برمسه ... لو يباني بيت اهلي يدله ...

العنود : هي جذي اباج .... صعبه ...

الريم : اوكي ظنج ارد عليه ...؟

العنود : ردي ...



.............. في الصاله ...........

الام : عنووووووووووود .... رررررررريم

عيدالله : شو بلاج امايه ازاقرين ...؟

الام : ماشي فديتك ... بس يالسه بروحي و هذيل الهنتيين منطبات في

الحجره مادل شو عندهن ...

عبدالله : فديتج والله ... الحين بسير و بزقرهن لج....

الام : طال الله بعرمك يالغالي ...


".... سار عبدالله حجرة البنات ...."


عبدالله : مرحباااا ...

العنود :يا مرحبا الساع ...

الريم : يا بو عيون سود و وضواج ...

عبدالله : احم احم ...قصدج عسليه ...

الريم : توه الحجره اسفرت وانورت ...

عبدالله : فديت اختي الصغيره انا ...

العنود : وانا ولا مالي رب ...؟

الريم : دومج رزه انا غير الناس عنده حتى اغلى عن فطيم ...

عبدالله : حدج عااااد ...

العنود : هاهاهاااااي ...

الريم : وظرس ...

عبدالله : عن تضاربن قومن و سيرين يلسن عند امايه صار لها ساعه و هي

ازاقركن ... وانتن عاطياتنا بو لاباس ...

العنود : والله ... ياله فديتها ...

الريم : من صوت الكنديشن ما نسمع ...

عبدالله : ازين ياله قومن ...

"... قامن البنات و سارن مع عبدالله الصاله ..."



العنود " تحب راس أمها ": ياله فديتج ... السموحه منج يالغاليه والله اني ما

سمعتج من حس الكنديشن ...

الريم : اونها ... اونها عاد تباج تتعاطفين معها وما تهزبينها ...

الام : ياله ما خلاني الرب من شوفج و شوفت عيالج ...

الريم : أهاء ... اونها عاد استحت ... وجان اصخ ...

العنود : جب ازين ...

عبدالله " وهو يصب القهوه ": ماماه تبين قهوه ...؟

الام : هي فديتك ...

عبدالله " وهو يناول امه فنيان القهوه ": تراني حجزت ألنا في فندق جبل

حفيت ...

الريم : هاااااه شوه قول احلف قصدي احلف .... تقص علينا صح ... عبووووود

عن الجذب ...

عبدالله : ما شالله 999 حرف في جزيئ من الثانيه

العنود : ههههههه .... لا صدق بنروح ...؟

عبدالله : هيه ...يوم الثلاثاء هذا ان شالله ...

الريم : شو الثلاثاء انا ورايه دوام ...

عبدالله : عادي غيبي ... الا يوم ما يظر ...

الريم : والامتحان ...

عبدالله "يدق ريم على جتفها ": ثنويه عامه هب محسووووب عاددي ...

الريم : هي صح ...

الام : وانا باله عليكم ميلسه هني شو اسوي مالي شور ... ولا واحد منكم

قالي شو رايج ...؟

عبدالله : انتي الكل بلكل و الشور شورج وهو اللي بيمشي ..

الام : ماشي سيره .... محد بيزر جانك بتسير بروحك الله يحفظك ...

العنود : ليش امي ...؟

عبدالله : افا ... وانا عاطي الريال كلمه ... بطلعيني هب عند كلمتي ...؟

الريم " ونظره حزينه": ما كسرت خاطرج ...؟

الام : سكتوا عني ... ولا واحد منكم يرمس قلت ماشي يعني ماشي ...

عبدالله : رااااعيهن ... ازين عطينا سبب ...

الام : امعزومه على عرس وحده مناك

الريم : وواااايه ياسمينه ... ما خليتي عرس انتي و ام هلال ما سرتن له ...

والله انه عافوكم العرب ابد ما تخلن عرس الا وزريتن له ان شاله باخر الدنيا

...خيلن على ويوهكن شوي ... والله انهم ما بياجلون العرس عشان

خواطركن و لا ما شافوكم ... اصلا ما دوربكم يتوا و لا ما يتوا ...

عبدالله : كفى ووفى الـfm ...

الريم : هب راده عليك حجلي عورني ...

العنود : صدقها ريموووه امي فديتج انج توافقين ...

الام : مالت على هالهوايا ... الحين اشوفوني مزهبه لعرس ...

الريم : ههههه هي صح هي وام هلال يزهبن قبل العرس باسبوع ...

العنود : عيل ليش خرطي علينا ...

عبدالله : اونه تبا تحرنا ...

الام : شو يسوابكم ترمسون و تخططون ولا جني حد ...

العنود : هذا كله بسبب ريموووه ...

عبدالله : هي والله كله تباه على كيفها ...

الريم : لالا مستحيل عبود ضدي ماماي جوفيهم كلهم عليه ...

الام : وش ماماي جلب جدامج ...؟

الريم: اكرم انج انتي جلب محشومه بنت صبوووح ...

العنود : ورمست العيوز ...

الريم : اني بنتك يابويه ... ليش انتي غيرانه ..ارمس شرات العيايز كيفي يا

اوختي ...

عبدالله : وننتقل من الجهال الى عيوزنا الغاليه ...

الام: هاااااه ... هاااه منو العيوز يا مسود الويه ... حشى عليه اني انا عيوز

العشرين بعدني ما عديتهن ...

عبدالله : اوه ..اوه السموحه منج يالغاليه ... فهمتينا غلط ...انا اقصد ريم

بالعيوز ... من قال عنج يالغاليه انتي ويهج منور ... هب شرى هالريم ويه

ذاوي ذبلان ...

الريم : الحين انا ويهي ذبلان ... شوف ويهك تقول ضفدع محنط ...

العنود : هههههه ... منو كان يقول نفطع اونه ضفدع ...؟

الام : هي ادرى بعمرها ....

الريم :عفانا الله ... شو بلاكم اطالعوني جذي ...

عبدالله : هههههههههه نفطع طاااااااااااااخ حلوه ...

الريم : وانت ما تذكر يوم كنت ياهل شو ماسك في يدك ما تروم عالفراقه ...

عبدالله : انا لا ماذكر ... ليش شي كان في يدي ... .ولا انتي اللي شاله لج

ضفدع راسه اكبر عن جسمه ... ما دري من وين شاحتنه ...

الريم : شاحتنه من عندك ...

العنود : هييييه احيده ضفدع عبووود وباء

الريم : هي وباء ...

عبدالله : حزززن تذكرون اسمه بعد ... وينه الحين ..

العنود : اكيد في البيت الجديم ...

الام: والله انه هاكو لين اليوم عندي ميود ويا اغراض عبدالله في المنز ماله

يوم هو صغير في الستور ...

العنود : هي عاده دلوع ماما لازم بتحفظ اغراضه ...

عبدالله : احم احم .... فديت ماماتي انا ...

الام : فديته والله انكن ما تسونه عندي ...

عبدالله " رافع الراس": ياله فديت دلوع ماماته ...

ويدلع : ماماااااااتي ...

الام: عووونك ...

العنود : شوفي الدلع ...

الريم " محتره": الدلع و لا الملاقه ... ياغمي على المحنيه"العصا"

العنود : ههههههه ... تغار

الريم : ياله ما لقيت مونه "شغله " اغار من هالوحره ...

عبدالله : ماما شوفي كيف ريم تغار مني انا... ليش انج انتي تحبيني انا

وماتحبين هي ...

الام : وااايه فديت هالحس و هالدلع .... خلها عنك غيوره هاي ... وقول لي

شو تبى ...

عبدالله : انا .... انا اريد بس سياره جديده ...

الام : فديته يوم يدلع ... ما طلبت يالغالي ...غالي و الطلب رخيص ... انجلع

عن ويهي عن لا اعطيك طراق ...

الريم : و الطيطووووووو...

العنود: واحليله قفطوووه...

الام: وانا اقول هالتليقينه"الملاقه" هب من الله...

عبدالله : هههههههههههااااااااي تونا حلوين مع بعض ...

الريم : ههههه ... انا خابزتنه و عاينتنه و هارستنه و خابصتنه وعارفتنه عدل

... ما يتليقن او يطلع الكلام المعسول و الا وراها طلبه ... اقول انا بسير

ارقد...

عبدالله : حززززن هب شكلج توج العصر واعيه ...

الريم : وانت شو عليك ..؟

العنود : ابد ما تشبع من الرقاد الله يعين من يبتلي بج ...

الام : هي و الله الله يعينه ... ربه ما يحبه ...

عبدالله : هاي لو يحطون النعاس اللي ضاربنها في قواطي و يوزعونه

عالدوله ليكفي و يزيد بعد ...

العنود : هي والله ... مركز ...

عبدالله : اصلي 100% عطيني شويه منه ...

الريم : لا انت ما تنلام ما ترقد الليل جانك ما سك هالتلفون من اول ما تضوي

لين صلاة الفير ... وتهذرب ويا فطيم ...

عبدالله "والبراءه": انا ياله متى ارمسها حليلي ...

الريم"وتغمز له": ياله ...عليه عاد ... دوم الساعه 3 او 4 الفير يوم انش اشرب

لي ماء اسمع حسك وانت ترمسها صوتك واصل برع الحجره ...

عبدالله : ازين انا الحين بروح ... وانتوا اجهزوا ترى يوم الثلاثا بنروح عقب

يومين ...

الام : منو بسير بعد ...

عبدالله : ويا قوم عمي سالم ... انا متفق ويا سعووود



".... ما قدرت العنود ادس ابتسامتها يوم ياب اخوها اسم سعود على لسانه

...شافها عبدالله وضحك لها و عطاها ظهره وروح ... وهي قفطت حست ان

اخوها يدري بشي ..."

الجزء التاسع..

.................. يوم الثلاثا ................


"... الكل طالع بيركب السياره ..."



العنود "تزقر الريم": ريم وينج ياله روحنا ...

الريم : بيب كيمرة الفيديو ... لحظه ...

عبدالله : ازقريها هالجبشه اول شي حاطتنه في السياره الكيمره ...

العنود : هههههههههههههه ... متنحه حليلها...

الام : اقحمي زقريها ...

العنود : هذي يايه ...

الريم : عنود .. عبود ... شفتوا وين الكيمره ...؟

عبدالله : تعالي ... تعالي ..

الام : في السياره الكيمره ...

الريم : ويه نسيت اني حطيته ... ازين ليش ما خبرتوني ...؟

عبدالله : أختج ما طاعت تباج تتنشطين ... اركبي ...

الريم : حرام والله ربعتوني ...

الام : ازين ما تعولين ... طاح نصج ...؟

العنود: عبدالله الحين نحن بنسير صوب قوم عمي و لا كيف ...؟

عبدالله : لا هناك بنتلاقى وياهم ...

العنود : ايوه ...

الريم " وهي اطالع العنود و تضحك ": لا حرام ليش ..؟

الام : ليش حرام ... شو في خاطرج ...

الريم : ماشي بس كان ودي اشوف بنات عمي ...



"... طول عبدالله على المسجل يعني اسكتوا ... فسكتوا ... اما اهو كمل طريقه والعنود متشوقه لشوفة سعيد اللي

صار لها فتره ما شافته .... كانت طايره من الفرحه يالسه عالباب وعيونها برع اتخيل ..... وعدالها الريم في

سبعين نومه ما همها لا حب و لا غيره ... والام تراقب الطريق تخاف تغفل عينها ويطيرهم عبدالله ...."



"... وصلوا نص الطريق ووقفهم الشرطي ..."



الشرطي : الليسن و الملكيه ...



"... عطى عبدالله الشرطي الليسن و الملكيه وهو ساكت لانه عارف السبب ..."



الام : وايه شله شو سوى وليدي ...؟

الشرطي : كان مسرع ...

الام: ياله وين مسرع انا حالفتله انه ما يزيد عن الـ180 ... ووليدي ما يحنث بي ...



"... ضحك الشرطي على ام عبدالله ... وعبدالله كان قافط وعطى الشرطي عبدالله المخالفه و روح ..."



"... ريم وعنود و عبدالله ... ناقعين من الضحك والام ما تعرف شو السالفه ...."



الام : شو بلاكم تضحكون ...؟

الريم : والله انج يا امايه نكته ...... انتي كيده ...

العنود : فديتج يا مايه ...

عبدالله : ماشي ... ماشي ... مادل شو عندهن هالنتين بسكن ضحك هب زين ...



"... عبدالله ما يبى امه تدري بشي ... لانه يخاف انها لو درت تحلف له انه ما يتعدى 80 هب 100 ..."



الام : ياله قولن شو عندكن تضحكن ...؟

العنود : ماشي بس انتي حالفه لعبدالله انه ما يتعدى كم ...؟

الام :الـ180...

الريم : هيييه ياله فديتج ...

عبدالله : شو عندكن اعتراض ...؟

الريم : لالا محد عنده اعتراض ابدا ...

العنود : هيه نعم انا عندي اعتراض ليش تخرطون على امايه ...؟



"... عبدالله عدل المنظره عشان يشوف العنود و يعطيها ذيك النظره لكن العنود طنش تعش تنتعش و لا عليها ..."



العنود: امايه ترى ماشي بين الـ180 و 200

الام : وااااااايه صدق ... وانا اقول ليش احس ان السياره شوي و بطير بنا ... والله هالوديه"هالمره" ماسوق غير 60...

عبدالله : امايه حرام عليج شو 60...

العنود : احمد ربك انها ما قالت 40 ...

عبدالله : انتي يالرويترز صخي خربتي كل شي ...

العنود : هههههههههههههه...

الريم : رويترز هاااه ...

عبدالله : الشيمه يا امايه على الاقل قولي 160-120...

الام : وايه ماشي ... ماشي ... ما شوف كثرهم اللي يموتون والسبه هالحوادث ...

عبدالله : ازين قولي 120 الشيمه ورفجة بو خليفه ...

الام : ورفجه ما زيد عن الـ120 ...

عبدالله : ان شالله امي من عيوني الثنتييين ...



"... كملوا سيرهن لين ما تلاقوا ... قحم عبدالله و سعيد من مواترهم يشوفون الحجز و الغرف وعقب زقروا

الباقين ... سعيد ما كان يقدر يشوف صوب العنود حتى ما سلم عليها .... سلم على ام عبدالله و الريم و العنود صد

عنها اونه ما شافها ... العنود حز في خاطرها وريم ما عرفت شو اسوي عشان اختها .... وسلموا على بعضهم

البعض ونزلوا شنطهم وراحوا الغرف يشوفونهم ... البنات خذو سويت اما العريم غرفه و عبدالله و سعيد غرفه

...وخلاف ظهرن البنات و سارن صوب الحريم عشان ينزلون و يتغدون وعقب الغدا اجتمعوا كلهم في حجرة

الحريم ..."



ام عبدالله: عيل ليش ما يو خالد و علي ...؟

ام سعيد : سارو يخيمون ويا ربعهم في دبا اظني ...

ام عبدالله : هيييه ... فديتهم الله يحفظهم ...

ام سعيد : انتو اول مره تون هنيه ...؟

ام عبدالله لا من قبل بعد ياين مره ...

الريم : بس هذاك اليوم ما كان حلو بروحنا محد ويانا ...

العنود : هيه ملل ...

ام عبدالله : واااايه وتحويطت عبدالله الكن ما سدتكن جانه ما خلى بقعه ما وداكن اياها بس عشان ما تحسن بالملل ...

الريم " اطالع العنود": هو حوطنا ...؟

العنود: هيه ...

الريم : والله ما ذكر ...

عزه : انتي شو متغديه امس ...؟

الريم : اظني صالونة لحك ناشف ...

العنود : الله اكبر اذكرت بس دياي هب لحم ...

الريم : احم احم ... كله في البطن ...



"... دغرو عبدالله و سعيد عليهم و تقهويوا ... وطول اليلسه وسعيد يحاول انه يجاهل وجود العنود ... حست

الريم بهذا ... والفضول ذابحنها ليش ..؟ شو السالفه ...؟ ... و العنود حست بهذا الشي بس اجاهلته يمكن ما يكون

قاصد ... لكن الريم النار في داخلها نار الفضول تبى تعرف شو السالفه ..."



سعيد : عيل انا بقوم ...

ام سعيد : وين ...؟

سعيد : بسير اطيح شوي احس بتعب وعقب ترانا بنوديكن نحوطكن ... عزه دقي لي العصر ...

عزه : ان شالله ...

عبدالله : صبر بتخليني عندهن ...؟

ام سعيد : ليش بويه شو بلانا ....؟

عبدالله : لا هب انتن هذيلا " ويأشر على خواته و بنات عمه "...

الريم : ليش شو بلانا ... احلى منك هالساع ...

عبدالله : هيييه ... مادام ان هني القوارض انا بروح وياك ...

سعيد : ههههههههههه ... شو بسوي ايلس انا برقد ما روم لصدعك ....

عبدالله : اخ ويهي ... اصلا انا ما بيلس وياك بلعب بلاي ستيشن ...

ام عبدالله : يبتها ..

الريم : يعينك ربك يا ولد عمي ...

سعيد : لالا ما عليكم لو سوى حشره بفلعه ...

عبدالله : ياله ياله خل عنك قم ...

ام سعيد و ام عبدالله : فمان الله ...

ام عبدالله : هب ناوي ولدج يعرس ...؟

ام سعيد : والله اني عيوت وانا اقوله ...قول خير خير ...

ام عبدالله : الله يهديه ...



"... العنود تفكر شو فيه سعيد عليها هب من العاده انه يوم يشوفها يطنشها ... بس عسى انه ما يكون ظهرني من

باله ...بس ليش عقب هالسنين ..."



عزه : اقول بنات قومن انسير انحوط في الفندق انشوفه ...

الريم و سلامه : ياله قمنا ...

العنود : انا ما روم تعبانه من عقب هالدرب ...

الريم: اسميج من عيازه خل عنج وقومي ويانا ...

العنوود : والله ما روم ...

عزه : على راحتج ...


"... سارن البنات عشان يتحوحن تحت و العنود ويا امها و ام سعيد يسولفون ..."



الريم : لو يت العنود ...

مها : هي والله ...

عزه : على الاقل شويه بتستانس ...

سلامه : اقول عزوه وين حجرة سعود و عبدالله ....؟

عزه : امممممممم ... والله ما دري ...

مها : اظني هاذي ...

الريم : لالا هذي ...

سلامه : لا هذي و لا هذيك ... هذيج وين ...؟

عزه : وين ...؟

مها : شو دراج ...؟

سلامه : اشوف عبدالله يالس يرمس تلفون عندها ...

عزه : هيه صح ...

الريم : مايروم يصبر ...

عزه : كيف ...؟

الريم : هاااه : تراه يالس يرمس فطيم ...

سلامه : مني هاي ...؟

عزه : حرمته ...

الريم : خطيبته ... بعده ما ملج .. بتون الملجه ...؟؟

مها : متى ...؟

الريم : عقب 3 اسابيع يوم الخميس بتكون ...

سلامه :انا بيي واباج تعرفيني على سلامه بنت خالتج ...

الريم : ولا يهمج يا بنت عمي ...

عزه : انا بشوف ...

مها : ريم عبدالله يأشر لج ...

الريم : شو عنده ...؟

مها : مادري به ...

عزه : سيري طالعيه ..

الريم : لحظه ...


"... سارت الريم عند عبدالله ..."



عبدالله : وين سايرات ...؟

الريم : نحوط تحت ...

عبدالله : بيي وياكن ...

الريم : البنات يستحن منك ...

عبدالله : ماشي سيرع رواحكن ...

الريم : اهوووه علينا ... عزه عوده ...

عبدالله : ماشي ...

الريم : تعال ...



"... ردت الريم عند البنات مع اخوها ..."



الريم : محد يروم يتهنا بسيره ...



"... عبدالله يقلد الريم من وراها وهي ترمس ..."



البنات : ههههههههههههه ...

الريم : والله الاخوان بلاء ....

البنات : ههههههههههههههههههه ...

الريم : شو عندكن الا تضحكن ...؟ "... وصد بسرعه صوب عبدالله وشافته ..."

الريم : يالخايس واحد حمار ...

عبدالله : ههههههههههاااااااااي .... شوي شوي عن تفضحينا .. ويا هالعيون ...

الريم : اعرف ان عيوني حلوت ... تراك وايد تغار ...

عبدالله : ماشي غيرهن ترى ...



"... يكملون سيرهم و عقب ما خلصوا حواطه ردوا و سار عبدالله غرفته و البنات ردن عند الحريم ..."

[قموره]

................ غرفة عبدالله و سعيد ..............



"... سعيد راقد وعبدالله ملاااان عالاخر ... طايح على شبريته " سريره" ويفكر شو يسوي عشان يوعي سعيد ...

حاول عبدالله كذا طريقه عشان يوعي سعيد لكن مافي فايده في هالحظه لو تحط عدال سعيد قنبله ما راح يقوم من

زود التعب اللي فيه ..."



"... خطرت في بال عبدالله فكره ... قام عبدالله ومسك ايد سعيد و غير الساعه و غير ساعة التلفون ..."



عبدالله " وهو يهز سعيد بأقوى ما عنده ": سعيد سعيد قوم شو هذا الرقاد ...

سعيد : شو عندك ... خلني شوي ...

عبدالله " يلس فوق سعيد ": شو اخليك ابد ما تشبع بسك بسك ...

سعيد : يغربلك خوز عني ... بطلع غدايه من حلجي ...

عبدالله : ههههههههههههه ازين قوم ...شو الساعه كم استوت وانت بعدك راقد ...

سعيد : كيف و انت يالدب فوقي خوز عني بتجتلني ...

عبدالله : هاه خزت عنك ... قم عاد ...

سعيد : كم هي الساعه الحين ...؟

عبدالله : قم وطالعها بروحك ...



"... نش سعيد و شاف الساعه 7 ..."



سعيد : كيف جي الساعه 7 و الدنيا منوره برع ...؟

عبدالله : هااااه ... يا غبي اليوم الاربعاء ...

سعيد : والله ...

عبدالله : والله شو بلاك ...

سعيد : ليش ما وعيتوني ...؟

عبدالله : عيزنا كثر ما نوعيك ... بس انت ما تقوم ...

سعيد : مادري والله يمكن من التعب خذتها رقده يمكن ...

عبدالله : شو رقدته قصدك سوبات ...

سعيد : ههههه...

عبدالله : قم قم ... أمك تحلف انه شي بلاك .. من البارحه ما شافتك ...

سعيد : ازين الحين بيكم ...

عبدالله : ياله بسرعه انترياك عن اتحير نبا نطلع ...



"... ظهر عبدالله وسار عند الحريم و سعيد نش و سبح وصلى الصبح و تكشخ على اساس انه بيطلع الحريم ..."



سعيد " وهو يفتح الباب ": السلام عليكم ...

الكل : وعليكم السلام والرحمه ...

سعيد : بعدكن ما زهبتن ... قومن بسير انحوط ...

عبدالله : بسير ايب الكاب مالي من الحجره ...

ام سعيد : وين فديتك بعده اذان العصر ... لخلنا اشوي نستريح ...

سعيد" مصنم يفكر كيف اذان العصر و الساعه 7 "

سعيد :شو اليوم ...؟

ام سعيد : شو بلاك اليوم الثلاثاء ...

سعيد : هب الاربعاء...؟

ام عبدالله : بسم الله عليك شو بلاك ...؟

عزه : لا الثلاثا ء اليوم ...

الريم : جنه عبدالله مخبل به ...

سعيد : هالخايس الجلب عبوووود خله ايي براويه ... اونه ساير ايب الكاب شارد ...

سلامه : ليش شو السالفه ...؟

سعيد : الحمار مغير ساعة ايدي و التلفون ووعاني اونه قوم من البارحه وانت راقد والحين الساعه 7 الفير ...

الريم : ازين باله عليك منو بيسرح الساعه 7 الفير ...؟

سعيد : وانا شودراني متنح ...



"... الكل يضحك على سعيد ..."


عبدالله "وهو يفتح الباب": صااادوووووووووووووووه...



"... سعيد اول ما قال عبدالله صادور فره بكوب بلاستيك من الضيجه اللي فيه ..."



سعيد : والله لو عندي شي ثاني اقوى لفره علة ويهك يالخايس ...

عبدالله : والله ملان قلت خل اضحك عليه شوي ...

سعيد : عاد في النوم يالخايس والله انك ما تستحي على ويهك ...

عبدالله : يا ويل حالي ما يتحمل سوالف...

ام سعيد : سعيد سولفوا وياه في أي شي لكن النوم لا ...

عبدالله : عيل خلاص بنيوزه ريموووه ...

سعيد " وهو يصد صوب الريم ": هب بايع عمري ...

الريم : اصلا انا ما باك ولا انت تتمنى ...
سعيد : مالقيت شغله اخذ وحده شراتج لسانها اطول عنها ...

الريم : يوم انته ما تباني مهما اني اعرف انك جذاب في مليون واحد غيرك يباني ...

سعيد : اشوف بيتكم كل يوم حد داقنه ومحتاره من تختارين ...

الريم : اسكت اسكت ...

سعيد : هههههههههههههه ... سكتوها ...

عزه : خلونا انروح نحوط ...

سعيد : ياله قومن ابلسن عبيكن ..

عبدالله : بنترايكن تحت نحن ...



"... سارن البنات والحريم وتلبسن عبيهن ونزلو كلهم تحت ..."



عزه: نحن البنات بنركب مع سعيد ...

الريم : اوكي ..

العنود : انا بسير ويا عيود ...



"... ما تقدر تستحمل تطنيش سعيد لها فقررت انها اتروح ويا اخوها ..."



عبدالله : شو سعود خذت البنات و خليت العيايز عندي ...

سعيد : هههههههه تستاهل ...



"... ركبن البنات عند سعيد ما عدا العنود ركبت عند الحريم مع عبدالله ... سعيد يفكر ليش العنود ما يت ويانا

اكيد خلاص شكلها عندها غيري ... وما سأل نفسه يمكن هو يكون السبب ..."



سعيد " في خاطره": لازم أسالها ...



"... ردوا الفندق فسار الكل غرفته ورقدوا من التعب اللي فيهم الا عين باتت سهرانه تفكر باليوم كانت العنود

وايد حاطه في خاطره وتبى تقول لحد لكن الكل راقد و الريم حاسه بختها بس ما بغت اتقول لها شي ..."



..................... اليوم الثاني ....................



"... نشوا كلهم وحاطوا في العين وساروا العين مول و خذن البنات اغراض و ملابس خمن السوق خم ابد ولا

وحده منهن خلت شي في خاطرها ... وعالعشا ردوا الفندق ونزلوا اغراضهم ...كان عبدالله ما خذ اغراض الريم

شالنهن عنها ...."



الريم : بسير ادور اغراضي ...

عزه : دوريهم باجر ما بيضيعن ...

الريم : لالالا لازم اشوفهن ...

العنود : دومج جي ...



"... سارت الريم ودورت اغراضها في غرفة الحريم لكن ما لقتهن ...."



عبدالله : اغراضج في غرفتنا نسيتهن ...

الريم : اوكي ... سر هاتهم لي ...

عبدالله : باجر ...

الريم : الحين فديتك ...

عبدالله : اندوج المفتاح محد في الحجره ... سعيد سار ايب عشاء ...

الريم : اها ... اوكي ...



"... سارت الريم غرفة عبدالله و سعيد عشان تاخذ الاغراض وهي داشه لقت

سعيد داخل ..."



الريم : اوه اسفه تحريتك محد عبدالله قال انك سرت تيب عشاء ...

سعيد : هههههههههههههههه ... شو بلاج ازين شوي شوي ... مشكله يوم

تستحين ...

الريم : اوكي انا يايه اخذ اغراضي بس انت شو اسوي ...؟

سعيد : حجرتنا ..

الريم :اخ ويهي ...

سعيد : ههههههههههه ... ياي عشان اخذ افلا مستأجرنهن البارحه و اليوم بردهن ...

الريم : اها ...



"... سار سعيد لكنه شوي و رد ..."



سعيد : ريم ...

الريم : هاه ...

سعيد : عند لج سؤال ...

الريم : اسأل ...

سعيد : استحي اسالج اياه لكن شو اسوي مالي حد غيرج يفسر لي ...

الريم : اوكي هات اللي عندك ...

سعيد : شو ايميل العنود ...؟

الريم : ليش ...؟

سعيد : انتي جاوبيني و خلاف بخبرج ليش ...

الريم : _______@hotmail.com (_______@hotmail.com) لكن ما دشه ولا تعرف شي عنه ...

سعيد : ليش ما دشه ...؟

الريم : هي من النوع اللي ما يحب الكمبيوتر ... بس ما خبرتني ليش ...؟



"... خبر سعيد الريم كامله ..."



الريم : وانا اقول ليش ما تعطي عنود سالفه وهي ما رضت اليوم و امس

تركب معانا في سيارتك لا نها ما تقدر

تستحمل تطنيشك لها ... لانها هي صدق تحبك و مستحيل تخونك ... ولا مره

سمعتها في حياتي تطري اسم غير

اسمك ... ولا مره بعد في حياتي شفتها مضايجه و حزينه شرات هاليومين

والله كسرت خاطري ... اصلا انت

تدري ان في اثنين تقدموا لها لكن رفضتهم لانها تترياك انت تتقدم لها ...

سعيد : والله ... ياله فديتها ...

الريم : ايه ...ايه ... استحي اسمع هالرمسه ...

سعيد : جب جب ... الله يريحج مثل ما ريحتيني ...
الجزء العاشر ..

الريم : حلوه هاي جب جب ... الله يريحج مثل ما ريحتيني ..هههههههههههههه ...
سعيد : سمحيلي والله مادري كيف طلعت ...
الريم : مالومك ... بس يب العشى بسرعه تراني يوعانه ... اوكي ...
سعيد : هااه ... الحين ...
الريم : اوكيك .. سي يو خلاف ..
سعيد : مي تو ...

"... ظهرت الريم من الحجره مستانسه .. واخير عرفت ليش سعيد متغير ... وسعيد فر عمره على الشبريه و غمض عيونه ويلس يفكر .. كان طاير من الفرحه ... :: هو ما كان مصدق بالاساس بس ما يعرف شلي ياه يوم شاف العنود .. ليش ما قدر يشوف في ويها .. الله يعلم .. ..."

"... كانت الريم تمشي في الممر بدوبها ... تفكر ..."

الريم " في خاطرها ": أسميني ابقره ليش ما ساله شو إيميل هالبنت ... أرد وأتنشده ...

"... صدت الريم عشان أترد وتنشد سعيد ... وهي صاده شافت شباب وراها فردت وكملت دربها بس بخطوات سريعه وكان قلبها يدق بسرعه :: الريم من النوع اللي يخاف لو شافت شاب وهي بروحها غير اخوها واللي يقربون لها :: ..."

"... قطع افكار سعيد التلفون ..."

سعيد : نعم ... مرحبا ...
عبدالله : مرحبتيين .. هاه يا بو عسكور وينك يا ريال ما صار عشاء ...
سعيد : اصبروا شوي زحمه عندهم ...
عبدالله " مستغرب": عيل ما سمع حس حد ...؟
سعيد : هاه .. انا في السياره ...
عبدالله : ازين باي ... لا تبطي ...
سعيد : اوكي ... باي ...

"... نش سعيد من على شبريته و لبس القحفيه وظهر من الحجره ...لكن الصدق انه عبدالله كان يكلمه وهو مروح الغرفه فشاف سعيد ..."

عبدالله : يا اخي شو هالزحمه اللي عندهم ... اوووووووف ...
سعيد : ههههههههههه ... الله يغربلك ..
عبدالله : ليش ما سرت ... ونحن يالسين بيوعنا انترياك يالجلب ...
سعيد : انا جلب ...؟
عبدالله : على الااقل الجلب وفي ...
سعيد : والله انك خايس ... ماسرت لاني رقدت شوي غصبا عني ... تعال بسير ويايه ...؟
عبدالله : ياله سرنا ...

"... سار عبدالله مع سعيد عشان يشترون العشاء ..."


................ في حجرة الحريم ...............


أم سعيد : شو أخره وليدي أخاف الا شي صابه ...
أم عبدالله : ما عليه شر جادنه ما لقى مطعم زين ...
أم سعيد : أقول عايشه ناوليني التلفون بدق له ... بشوفه وين ...
أم عبدالله : اندوج ..

"... أم سعيد تضرب الرقم ..."

أم سعيد : هاه وين وين ...؟
سعيد : الحينه هاه بني في الدرب ...
أم سعيد : ليش منو وياك ...؟
سعيد : أنأ و عبدالله ...
ام سعيد : توه عبدالله عندنا .. شو وداه عندك ... الا صايبنك شي
سعيد : فال الله ولا فالج ... ما صابني شي انا يوم طلعت زقرني عبدالله وسرنا ويا بعض ...
أم سعيد : توه عبدالله ظاهر من عندنا ... وانته من متى مروح عنا ...
سعيد : ههههههههههه ... سرت ورقدت في الحجره نسيت العشى ...
أم سعيد : رقدت ..؟ عيل صدق شي بلاك ... شي يعةرك ... جان خليت عبدالله بروحه يسير ..
سعيد : والله والله والله ما بلايه شي ... أقول الغناه وصلت المطعم بسكر عنج ...
أم سعيد : ازين حافظنك ربك ... وتقف عن السرعه ... فمان الرحمن ...
سعيد : الحمدلله
عبدالله : هههههههههه ... تحقيق ...
سعيد : هب الا ...
عبدالله : هههههههههههه ...


................ في حجرة البنات .............


مها : يوعانه ... ابا أكل شي ...
العنود : شوفي جان شي في الثلاجه ولا تريي لين ما أيي اخوج ...

"... الريم اطالع اختها وهي مبتسمه ..."

العنود : شعندج اطالعيني جذي ...؟
الريم : احبج انا ...
العنود : علني ماحلمج..
عزه : هههههههههههههه ...
الريم : الله يسمحك يا ميرفت كيده تخلي اللي يسوى و اللي ما يسواش يضحك عليه ... هيـــــــن لوريكي ... انتي طلاء طلاء طلاء "طلاق" ...
العنود : لاء لاء لاء مستحيل ... يامدحت بعد هالعشره اطلائني وبسهوله دي ... هانت عليك العشره ...؟
الريم : ابعدوا عني المقز ده ... الله يقرفك ... آآآآآي
البنات : هههههههههههههه ... حلوه ...
عزه : غيرة الموجه ...
العنود : هههههههههههه ...
الريم : اتذكرين هذاك مال السفاره السوداني ...؟
العنود : هيييييييه ... مال ألمانيا ...
الريم : هيه ... احيد دوم انا وياه ضرابه ...
العنود : حليله يسولف وياج ..
الريم : ادريبه ..
العنود : تعالن بخبركن سالفة ريم العيله شو سوت يوم كنا في السفر ...
مها : خبرينا ...
سلامه : كلنا آذان صاغيه ...
الريم : شو سويت ...؟
عزه : من كثر اللي اسوينه شكلج ما تذكرين ..
الريم : والله صدق ما ذكر ..
العنود : ازين اللي بتقول هب انتي .. اوكي ...؟
الريم : اوكي بس ذكريني ...
العنود : المطعم ... الريال ... باربرا ...
الريم : هيييييييه .. الله يسقمهم ... مادري شو كان عايبني فيها ...
العنود : سمعن ... مره من المراريت كنا يالسين انتريق انا وريم في المطعم مال الفندق ... وكانت الست ريم معجبه بوحده من اللي يشتغلن ...
الريم : والله لو اشوفن وحده تواعدت ويا واحد متين خسف ... شكله عنده ماليه راعية مصالح اسميها ...
عزه : ازين جب خلي عنود اتكمل ...
سلامه : وانتي دوم رادارج مفتوح ...
مها : هههههههههه ... على مدار الساعه ...
العنود : ازين صخن .. بكمل ..
الريم : سكتوهن ... اويييييييييه ...
العنود : انتي طبي حلجج ...
مها : اوووووووووويه ..
العنود :الحين تبني اكمل و لالا ...؟
مها : اسفه ... كملي
عزه : كملي ما عليج منهن انا و سلوم نسمع ...
سلامه : ياله ...
العنود : ازين ريم جان اتقول للحرمه ابا اصورج .. ترى اسم الحرمه باربرا ... عاد ما صدقت باربرا ... سارت وزقرت اربيعها عشان يصور وياها وريم تكره هالريال بشكل فضيييييع ...
الريم : احسبه وصخ ...
العنود : ازين ... وجان ايي هذا الوصخ ويلوي على باربرا عشان يصور وياها ... شافته الريم و قالت له بكل هدوء ... انته شودور ... حليله ما فهم ريم مكلمه ...بس هالمره علت صوتها ...والله العظيم لو على موتي الا انته هب مصورتنك ...اخاف على كيمرتي ...فقدت هالويه ... وريم تعطيه من هالسب وحليله هب فاهم شي ويتحرانا ما نعرف انجليزي وانا اقولها الله يغربلج يلسي فضحتينا بين الاجانب ليتها بعد ترمس بدوبها ... اصارخ وهي ترمس ...سألني الريال لو كنا نتكلم انجليزي و لالا ... اسميني طنشته و شربت العصير ...
الريم : ياله علني ما حلمه هذاك الخايس ... بس اصدقين مرات افكر فيه اقول حرام اللي سويته فيه كسر خاطري ...
عزه : ههههههههههههههههههههههههههه ... حليله ...
سلامه : حله حلول لاالله يستاهل ما ياه جانه كافر ...
الريم : هههههههههه ... كنت بكمل بس يانا مال السفاره وقال لنا ياله بنسير انتحوط ...
مها : خرب عليج ...
العنود : والله اني حمدت ربي يوم يا ولا بسوي لنا فضيحه هاي ...
سلامه : والله انج سوالف يا ريم ..
الريم : اعجبكن ...
العنود : اقول حد يدق الباب ولا انا يتراوالي ...؟
عزه : امبلى حد ...
سلامه : ياويلي انا على اللي يدق شوي شوي عن لا يتكسر الباب ...
الريم : لاغانة عبدالله هذي ...

"... قامت العنود عشان تفتح الباب .. على بالها اخوها يوم قالت الريم لاغانة عبدالله ... بس الحظ طلع لها سعيد..."

سعيد"مبتسم":اشحالج..؟
العنود"وهي توخي":الحمدلله بخير ... اشحالك انته..؟
سعيد: بخير دان ان الغلا بخير و سلامه...
سلامه: زقرتني ...؟
سعيد:هههههههههه هيه يايب العشا بنتعشا كلنا هني ... درب درب..

"... خازت العنود و سارت في الصاله وسعيد بثرها وشوي و يا عبدالله..."

عبدالله: الله يغربلكن ... توني داش حجره على بالي حجرتكن ... اشوف يهال واقف افكر هذيلا هب عيالنا اصلا نحن ما عندنا ... شوي واشوفلكم وحده طالعه من الحجره ... أووووووووف يا حلاة شعرها اسود و طويل هب شرات شعوركن تقول ياعده ... لا و الخشم سلة سيف ... و العيون اخ منهن الوحده عهالكبر ... ذبت انا
الريم : بدى بدى بدى الخرطي ...
سعيد: والله صدق ...؟
عبدالله : امممممم ... من جهة الشعر هيه ... لكن العيون مخبقه و الخشم مفقود ... الله يغربلها طلعت لي الفلبينيه ...
الكل : ههههههههههههههه ...
سعيد" وهو يطالع صوب العنود و يضحك ": وانا على بالي صدق بسير اوني مغلط انا الثاني ابا اشوفها ...
العنود"لا إرادي و بصوت عالي ": ازين الدرب...
"...الكل يطالع العنود مستغرب ... شو ياها و سعيد يطالعها و يبتسم..."

سعيد"في خاطره": هييه من قدك يا بو عسكور يغارون عليك طلعوا ... اخ قلبي فديت اللي يغارون...
العنود: شو عندكم اطالعوني...

"... ذيك الساعه الريم يتها ضحكه هستيريا ..."

عبدالله: الحمدلله و الشكر ... شو ياها ...؟
العنود: وانا شو دراني فيها هذي بعد...
عبدالله: يوم اقولكم ان يني لابسنها محد صدقني ...
العنود: هههههه ... فديتها ...

"... الريم من كثر ما تضحك عيونها ادمع ... والعنود تدري انها تضحك عليها ..."

أم سعيد: شو بلاكم اتضاحكون حسوسكم صكت جميرا ...
أم عبدالله : ريم شعندج افتضحتي ...
الريم : لا امي اضحك على عبدالله دخل على ناس وهم يتعشون على باله نحن زين ما يلس عندهم...
أم سعيد: صدق...؟
عبدالله"يشوف الريم": الجذب بلاش ..

"... الريم ما كانت تبى تقول ليش تضحك ... فزادة على موقف عبدالله حبتيين عشان يكون سبب مقنع ولو شوي لضحكتها ..."

"... الكل وقف مع الريم الا عبدالله..."

أم عبدالله : الحينه من منكم اصدق ... اثنينتكم خراطين... ؟
سعيد: خالتي انا اخبرج ... الريم صادقه...
عبدالله : شو السالفه الكل ضدي ...؟
أم عبدالله : ادريبك تجذب عليه ...
أم سعيد : يالفضيحه ...
عبدالله : يخرطون عليكم والله ...
العنود : عن الجذب عبوووود ...
الريم : عزه منو الصادق ...؟

"... اكتفت عزه بالابتسامه لريم ..."

"... تعشوا و يلسوا ويا بعض لين الساعه 2 وعقب روحن الحريم الغرفه عشان يرقدن ويلسوا الشباب ويا البنات وخلاف روحوا يرقدون مرن اليومين بسرعه وردوا قوم سعيد دبي و قوم عبدالله الشارجه ... وتفقت ريم ويا بنات عمها انهن اين يوم و يباتن ..."

"... اول ما وصلوا البيت ... الريم سيده صوب حبيب القلب الكمبيوتر ... سارت اجيك عالايميلا