خيانة الذكرى ....... من جديد ..

[عجيد الريم]

السلام عليكم والرحمه ..

بما أن القصه انحذفت للمره الثانيه :marsa51:

فاليوم ان شالله بحط جزئين وبحط جزء يديد كل ثلاثا ان شالله ...

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!

الجزء الأول ...

http://www.marsauae.com/upload/uploading/5yanah12.jpg

بدى هاليوم عادي مثل كل يوم...يرن منبه مريم وهي تدور اي شي عسب تفر الساعه وتكمل رقادها..بس تذكرت عقب ان اليوم بالذات بيكلفها المدير وبيعطيها شغل زياده...
نشت مريم وهي لايعه جبدها وفي خاطرها تدعي على المدير انه يمرض اليوم بس عسب مايكلفها بشغله يديده...
وكالعاده طلعت من غرفتها مستعيله وطارت على حجرة اخوها سالم... ودقت الباب الين ماتعبت شوي جان تسمع سالم اخوها يزقرها من الطابق التحتي...
سالم..::: مريوووووووووووووووووووووم كسرتي الباب انكسر راسج...انا تحت انزلي ورايه دوام متى تبيني اوصلج؟؟
ماردت عليه مريم سارت حجرتها ولبست شيلتها وعباتها وشلت ملفات المرضى وركضت عسب تلحق على الدوام...
يوم وصلت تحت سلمت على امها وابوها...
مريم::صباح الخير على الكل ...سلوم فديت اخويه ياربي يالله وصلني..
سالم::الحينه اوصلج ..غياض انا تعبان اليوم سيري بتكسي..شو دريول اشتغل عندج كل يوم تتأخرين وانا الي يخصمون عليه..
مريم ::سلوووووووووم شو اسوي كنت راقده يالله الله يخليك والله بيهزبني المدير تأخرت على الدوام
سالم::يااااااااااالله خاطري يهزبج عاد اليوم انا تعبان مابظهر ولا بوصل حد...
مريم شوي وبتصيح:: اميي ابوييه قولوله شو هالحاله كله مذله يوم ماتبوني قولوا بس لايذلني ولدكم..
ابو سالم((وهو يضحك)):: سلوم الله يخليك وصلها ادريبها بتبنجح الحين...
سالم ::ان شالله يابوسالم عشانك بس كم بوسالم عندنا الا واحد ويشوف مريم ويقوللها يالله شلي قشج واسبقيني السياره...
طارت مريم من الفرحه ركضت بتسبقه السياره ...
ركبت مريم السياره وطول الوقت وهي ترمس وترمس وترمس مب طايعه تسكت...سالم وقف السياره في نص الطريج وقالها...::مريوم انزلي من السياره...
سكتت مريم .
سالم::: توه حل عليج الصمخ ..؟؟اقولج انزلي...
مريم باستعباط::جيييييييي؟؟
سالم::شو جيه عنبوه مب طايعه تسكرين حلجج وخيبه تخيبج هذا وانتي مب متريقه لو متريقه بترمسين سنه جنج...
مريم :::اعووووووووووووووووووووووذ بالله قول ماشالله..
سالم وهو يضحك:: ماشالله ...الله لا يبليني بحرمه مثلج..
مريم::بنشوفك منو بتاخذ عنتر زمانك ..يالله وصلني المستشفى بسرعه
وصلت مريم المستشفى ...شافت راجوه الي يشتغل وزقرته..
مريم::راجووووووووووه تعال تعال
سار راجو عندها
راجوه:سنو هادا كلوا انتي سوي قرقرقرقر سنو انا مافي يسمع انا يجي الحين انته سنو يريد؟؟
سالم::وين تبييييييييييين يوم ان راجوه يهزبج..
مريم: احم انطب انته ...اسفين عمي راجوه بس ممكن تتكرم وتشل الملفات انا مااروم..
راجوه:جين دكتور مريم
شل راجوه الملفات ووصل لغرفة مريم المخصصه لعلاج المرضى.. وحط الملفات على الطاوله..
راجوه:: انته يريد سي تاني.؟؟
مريم:لا عمي مشكور ربي يخليك ذخر للمستشفى ..
راجوه::انا مافي معلوم انتي سنو يقول انا روح مطبخ زين..
مريم ::انزين عمي سكر الباب وراك...
يلست مريم على الكرسي وتمت تفرز ملفات المرضى...وهي تقرى الملفات رن تيلفونها ...ردت على التيلفون طلع الي على الخط الثاني مدير المستشفى...
المدير::دكتوره مريم..
مريم:نعم حضرة المدير امر....
المدير...::ممكن ازورج في مكتبج لدقايق ابغي اكلمج في موضوع
مريم:حياك الله حضرة المدير
المدير:5 دقايق وانا عندج
تمت مريم تحاتي... ياترى شو الي يباه اليوم المدير؟؟ وليش اليوم بالذات هو بيي المكتب؟؟ دومه هو الي يزقرني مكتبه ويهزبني ولا يتشرط حضرته شمعنى اليوم ؟؟؟
تمت مريم في حيرتها فتره وقطع تفكيرها صوت الباب...
مريم:تفضل...
المدير.::: السلام عليكم
مريم وقفت تستقبله::عليكم السلام هلا حضرة المدير ...تفضل...
دخل المدير وجلس على الكرسي المقابل لمكتب مريم
المدير::دكتوره مريم ...اممممممممممم ادريبج مستغربه من اني انا ييتج مكتبج صح..
مريم وهي مرتبكه:بصراحه دكتور مستغربه شوي..بس خير ان شالله في شي انا غلطت فيه او في حد اشتكى علي...
المدير::لالالاتخافين...دكتوره مريم ..طبعاً انتي تعرفين ان في بعض الاحيان يعجز المدرس من انه يحل مسأله ويغلبه الطالب في هالشي صح..
مريم::عفواً دكتور مافهمت عليك ..ممكن توضح زياده؟؟
المدير::دكتوره مريم.... انتي من احسن الدكاتره الموجودين عندنا في المستشفى... وكل مريض نفسي مايوثق الا فيج... وانا بصراحه مع اني دكتور نفسي من فتره كبيره ...لكني وقفت اليوم عاجز من اني احل هالمشكله ...فاتمنى انج تمسكين ملف هالمريضه ..هي مريضه يديده عندنا في المستشفى..ولكن انا ماقدرت احل مشكلتها فأتمنى انج انتي تساعدينها...
مريم:: دكتور مشكور على ثقتك فيني ..بس انا يديده في هالمستشفى ومااعتقد اني اقدر امسك هالمسؤوليه مادام انك انته ماقدرت تسوي لهالمريضه شي...
المدير:::قلتلج من البدايه يمكن الطالب يقدر يتغلب على استاذه... باجر ابغيج تزورين هالمريضه لانها الحين مب موجوده في المستشفى... بس ابغيج تقرين ملفها عدل ...
مريم::ان شالله دكتور بحاول كثر مااقدر اني امسك هالحاله وعالجها..
المدير وهو يداري دموعه::دكتوره مريم...اتمنى انج تعاملينها مثل اختج هي محتاجه اخت...
استغربت مريم وتمت مبهته في المدير ولكنها تداركت الوضع وقالت ::ان شالله دكتور...
المدير:: يالله اتركج عشان تقرين الملف وتاخذين عنه فكره ..
طلع المدير..ولكنه ترك مريم في حيرتها... تمت تسولف ويا عمرها...مب معقوله ...هذا هو مدير المستشفى الي عمري ماشفته منكسر الا اليوم؟؟ شو سبب هالدموع؟؟؟ وليش هالحاله بالذات الي يبغيني اهتم فيها..
وهي تكلم نفسها دخل راجوه الغرفه وهي ماتدري..
راجو::دكتور مريم...انا في قول من زمان انته لازم يصير مجنون ..دكتور مريم..
مريم::.................................
راجو:: دكتور مريم سنو انتي نوم..
مريم انتبهت عليه ::راجو حسيبك الله ماتخلون الواحد يفكر ؟؟ شو تبى؟؟
راجو::دكتور اليوم انته مايريد شاي؟؟
مريم:امبلى راجو هاتلي جاي راسي بينفجر...
طلع راجوه... وراح ييبلها جاي ..
فتحت مريم ملف المريضه الي كلفها بها المدير...
وتمت تقرى فيه ..لأول مره تحس مريم انها مب فاهمه شي... سكرت الملف وقررت انها تقراه في البيت...
الساعه 2 ونص خلص دوامها... شلت الملف معاها وطلعت ...ركبت السياره وتمت سرحانه في هالبنت...
سالم::: ماشالله شو هالهدوء الي حل عليج.. شو عقب مافتن عليج راجوه مااشوفج رمستي..
مريم:.......................................
سالم:: حوووووووووووووه نحن هنا وينج...
مريم::انا هنه ... سلووم تعرف اليوم ياني المدير واول مره اشوفه شوي وبيصيح..
سالم::جي بلاه؟؟
مريم::مادري حاولت اعرف لكني ماقدرت...
سالم:....................................
مريم:,................................
الكل تم ساكت الين ماوصلوا البيت...
في البيت دخلت مريم وسلمت على امها وابوها..وعلى طول سارت حجرتها..الكل لاحظ ان مريم اليوم مب على طبيعتها...
ابو سالم::سلوم بلاها اختك::
سالم::والله ماادري من يبتها وهي على هالحال..
ام سالم :عن يكون حد قايللها شي في الشغل..
سالم::مادريبها امي سيروا شوفوها...
سارت الام عند مريم ودقت عليها الباب..
مريم::نعم؟؟
دخلت ام سالم الغرفه..
ام سالم::مريوم امي بلاج من ييتي ماسمعنا حسج؟؟
مريم:ماشي امايا بس شوي تعبانه ...من الشغل..
ام سالم::فديتج يامي انزين مابتنزلين تتغدين..؟؟
مريم::لا امي ابرقد يوم بنش ان شالله باكل خلولي انتوا شويه..
ام سالم::ان شالله امي
طلعت ام سالم من الغرفه...
وحاولت مريم انها تنام لكنها ماقدرت تمت تفكر في الي صار اليوم ...حاولت تنام وحاولت تقرى الملف مره ثانيه لكنها بعد مافهمت شي ...كل الي شافته..تقرير طبي..قرت التقرير..شافت مذكور فيه ضرب وكدمات ...خافت مريم وسكرت الملف وانتظرت اليوم الثاني بفارغ الصبر...
اصبح الصبح..ولاول مره مريم تنش من نومها من وقت...
بدلت ثيابها بسرعه ولبست عباتها والشيله وشلت الملف ونزلت...سلمت عليهم ..وبعدها ماتكلمت.. كلت ريوقها وطلبت من سالم انه يوصلها الشغل لانها مستعيله اليوم..
في السياره تمت مريم سرحانه...
سالم:: مريوم شبلاج اليوم فيج شي انتي؟؟
مريم وهي سرحانه::ياترى كيف بشوفها...
سالم::منو هذي؟؟
مريم:: يوم برد بخبرك بس وصلني بسرعه
لاول مره سالم مايرد على اخته وصلها وهو ساكت...
دخلت مريم مكتبها ..واول شي سوته اتصلت بالمدير وطلبت انه تشوف هالحاله ...
المدير::مشكوره يادكتوره مريم.. تقدرين تروحيلها الحين هي في غرفه رقم 17...
تشكرته مريم وعلى طوول شلت الملف وراحت بسرعه للغرفه...
واخيراً وصلت مريم للغرفه... في بالها الف فكره وفكره... توقعت ان الي بتشوفها كبيره في السن وتخوف.. ولكنها كسرت كل شكوكها ودقت الباب...ياها صوت بنت من الداخل مبحوح ::تفضل
دخلت مريم وهي ماسكه عمرها ومتوقعه المفاجأت واول مادخلت فعلاً انصدمت...
شافت بنت في منتهى الجمال شكلها انها مايتعدى العشرين سنه... والي زادها جمال ابتسامتها الحلوه...ولكن كان هناك آثار لكدمات على ويهها ....ياترى شو الموضوع...
حاولت مريم انه تكون عاديه...
مريم::السلام عليكم..ماشالله شو هالحلوين الي نشوفهم الصبح
البنت::عليج السلام..عيونج الحلوه دكتوره..شحالج ؟؟
مريم::بخير ربي يعافيج..ممكن اتكلم شوي وياج...
البنت حياج الله تفضلي..
مريم::اول شي انا بكون الدكتوره النفسيه الي اشرف على حالتج..بس لاتعتبريني دكتوره اعتبريني اختج::وانا اسمي مريم
البنت:حياج الله دكتوره مريم
مريم::ممكن اول شي اعرف شو اسمج
البنت::انا اسمي روضه..وعمري 20 سنه
مريم وهي مستغربه::20؟؟؟
روضه::ادريبج مستغربه من عمري ومستغربه كيف انا هنه وكيف هالكدمات الي على ويهي صح؟؟
مريم:: اذا مافيها احراج بس انج تقوليلي قصتج
روضه::اكيد دكتوره مافيها احراج لان سالفتي صارت على كل لسان وفي كل بيت ولكن ياما زادوا فيها...
مريم:: ممكن تقوليلي السالفه..شو سبب هالكدمات وشو سالفة التقرير الطبي وليش انتي هنه؟؟؟
ابتسمت روضه وقالت...::ان شالله دكتوره بخبرج الموضوع كله مع اني ادري ان محد بيقدر يحل مشكلتي الا المحكمه
مريم::شو دخل المحكمه في الموضوع..
روضه ::بقولج السالفه من البدايه ...وبتعرفين شو يدخل المحكمه في الموضوع...
يلست مريم على الكرسي المقابل لسرير روضه ...وقالت قولي القصه الحين..
عدلت روضه من يلستها واستعدت انها تقول القصه
روضه::قصتي بدت من حوالي ال 5 سنين كنت في ذاك الوقت عمري15 سنه وكنت وقتها في الصف الثالث اعدادي... كنت وااايد احب خوالي ومتعلقه فيهم ...كنت احب دايماً ازور اهلي..وكنت وايد احب بنات خوالي وهم كانوا بعد يحبوني يعني كنت محبوبه من الكل بس كان خالي جاسم يحبني اكثر من اي حد ثاني ..كان يشتريلي كل الي كنت احبه وهو كان ييبني من المدرسه وكنت اغلب الوقت انا يالسه عندهم في البيت ...
ولكن طلع لخالي شغل في جامعه برع البلاد لانه كان دكتور جامعي... بعد ماسافر صرت وايد ازور خوالي الثانيين وصرت اربع وعشرين ساعه عندهم وصرت دوم اظهر ويا بناتهم ...الين يا هذاك اليوم كانوا خوالي يالسين عندنا في البيت وانا كنت احل الواجب وخوالي كانوا يكلمون امي...شوي ودخل اخويه العود سبف..
سيف::السلام عليكم
الكل::عليكم السلام والرحمه..
سيف::شحالك خالي احمد عساك بخير؟؟
احمد::بخير الحمدالله شحالك شو وينك ماتنشاف.. لو مب رواض جان ماعرفت شي عنكم
سيف::شو اسوي ياخالي والله مشاغل..وانته خالي خالد عساك بخير؟؟
خالد::الحمدالله على كل حال يابويي وانته شحال شغلك ؟؟
سيف :::والخيبه ماقلت شحالك؟؟على طول نقزت شحال شغلك؟؟
خالد::حالك واعرفه بس الشغل ماله حال واحد.
سيف::صدقت والله ياخالي... على العموم انا ياينكم وابطلب منكم طلب...
ام سيف::: خير حبيبي امر...
سيف::اممممممممممممم.. امي اباج تسيرين تخطبيلي...
ام سيف::اخطبلك...واي فديت ولدي كبر ويبى يعرس...
خالد::ومني هالبنت؟؟نعرفها؟؟
سيف::لا خالي ماتعرفونها ...هذي وحده ويايه في الدوام...
ام سيف::انزين بنت منو شو اسمها...
سيف::مادريبها بنت منو بس الي اعرفه ان اسمها خوله...
احمد::شقايل بعد بتخطب بنت وماتعرف هي بنت منو جي السالفه هي بس تعال وعرس ...لالا ابوي لازم تعرف بنت منو هي ...
سيف::خالي احمد الله يخليك انا ابى البنت ولو تكون بنت منو بعد اباها ..
ام سيف::يابوي نحنا ماقلنا لأ نحنا بس نشدناك شو اسم اهلها..شو نسير نخطب البنت ونحنا مانعرف منو اهلها؟؟
سيف::انزين امي ان شالله بييبلكم اسم ابوها..بس حتى لو ماعيبتكم تراني اباخذها...
ام سيف::يوم انك تبى تاخذها بدون شور خلاص ابوي جي ياي تقولي بعد هكم خوالك يسمعونك..خذهم وخذ ابوك وياهم وسر اخطبها انا شو خانتي بعد؟؟؟
سيف::امي ..انتي الخير والبركه..بس فديتج وافقي تسيرين تشوقين البنت والله امي قلبي تعلق بها فدييييتج...
ام سيف::بعد شو بقول..مادام انك تباها بعد شو بقول بكلم ابوك ويصير خير عقب...
سيف::امي فديتج اقنعيه
ام سبف::ان شالله خير
حب سيف راس امه وخواله وسار حجرته...
بعد ماطلع...
خالد::اختي بصراحه ولدج لازم تكلمينه انا ماقدرت اقوله شي اخاف مايقبل مني الرمسه شقايل بعد بيخطب وحده ونحنا مب عارفين عنها شي الا اسمها؟؟
ام سيف::شو اقدر اقوله ياخالد؟انته خبرني ؟؟سيف من هو ياهل وهو معاند الدنيا كلها...لازم يمشي الي في راسه حتى لو كان الشي الي يباه غلط..انا شو اسوي تعبت وانا ارمس
احمد::شو بعد شو تقدرين تقوليله؟؟انتي مب امه؟؟؟مب لازم تفهمينه شو هو الصح من الغلط؟؟
ام سيف::انا مايخصني هو كيفه ...عن بعد باجر اييني ويقولي انتي الي ماخليتيني اخذ الي اباها ...خلوه براحته..انا الي عليه..بكلم ابوه وهو كيفه يتصرف وياه...
خالد::بتخبرين ابوووووه؟؟ يعني ماتعرفين ابوه شو بيقول...؟؟ابوه مابيرفض ..اصلاً ريلج عمره ماقال لأ لعيالج
ام سيف ::والله كيفه هو وابوه ينيازون..انا مااااايخصني فيهم..الي يبا يعرس يعرس والي يبى اييلس كيفه..
احمد::انتي مايخصج وابوه مايخصه ؟؟شو انتوا يايبين عيالكم ومايخصكم فيهم...؟؟؟والله مب حاله هذي..
ام سيف::وانا شلي فيهم..الولد من هو صغير وابوه مدلعنه وكل ماقول شي يقولي مايخصج ولدي ريال ويفتهم خلاص خلوه على راحته...
خالد::والله كيفج ولدج وانتي حره فيه..
روضه هدت كتبها وسارت يلست عدال امها.::ماما انتي زعلانه لان اخويه سيف بيعرس؟؟
ام سيف::لا حبيبتي انا زعلانه لان اخوج بيعرس وانا ماشفت حرمته...
روضه وبكل برائه ::انا مابتزوج الا اذا انتي وخالي جاسم شفتوه...
احمد::جي امي ونحنا مب خوالج؟؟
خالد::خلها هذي حبيبة قلب خالها جاسم..
روضه::وانا بعد احبكم..خلاص انا مابتزوج االا اذ شفتوا ريلي...
ام سيف::فديت بنتي دومج تحبين اهلج وتدورين رضاهم ..طالعه على امج
خالد:: ماسمعت حبيبتي على منو طالعه؟؟
احمد وهو يضحك::على امها..وحليلها امها مول ماكان ينسمع حسها في الفريج يوم صغيره ماخليتي حد من اهلج ماضاربتيه حتى القطاوه مضاربتنهم
ام سيف:: وحليلكم مول ماكنتوا تسوون شي بس انا الي كنت اتضارب وانتوا مول ماكنتوا تسوون شي؟؟
يدخل ابو سيف ويقطع كلامهم....:السلام عليكم.
الكل:عليكم السلام هلا بو سيف .
ابو سيف::ماشالله الربع متيمعين.
خالد::شو نسوي قلنا ني نزوركم روضوه تمت تحن الين مايينا وياها
بو سيف::فديتها بنتي دومها تعرف الاصول ...
ام سيف:: بو سيف ...بغيناك في سالفه
بو سيف::خير ان شالله شو مستوي؟؟
ام سيف:: ولدك يبى يعرس...
بو سيف::الحمدالله يوم نطق ومنو ان شالله ناوي ياخذ؟؟
خالد::يقول وحده وياه في الدوام..مايعرف الا اسمها..
بو سيف::شقايل بعد مايعرف الا اسمها؟؟؟
ام سيف:: والله عاد انا رمست وهو ملزم الا يباها.
بو سيف::والله كيفه مادام هو يباها خلاص ياخذها وهو يتحمل عقب العرس انا الي عليه بخطبها له وهو ريال ويعرف مصلحة نفسه....المهم نشي حطيلنا الغدا تراني يوعان.
....
وبعدها بأسبوع راحت ام سيف علشان تشوف البنت..ووياها حريم اخوانها خالد واحمد..وروضه عشان يشوفونها
دخلت وسلمت على امها وخواتها وبعدها بربع ساعه دخلت خطيبة ولدها..كانت حليوه بيضا وشعرها بني فاتح يلست عدال ام سيف...
ام سيف::ماشالله عليج يامي قمر ..
خوله:مشكوره خالتي ماتقصرين عيونج الحلوه ...والتفتت لروضه ..
خوله:منو هالحلوه؟؟؟
روضه:: انا روضه اخت سيف الصغيره ..
خوله:: اي صف سايره انتي؟؟
روضه::بسير ان شالله اول ثانوي..
خوله::الله يوفقج حبيبتي...
ام سيف توجه كلامها لام خوله:: ام خوله عاد نحنا اليوم ييناكم ونبى نطلب منج طلب..
ام خوله ::امري الغاليه خير؟؟
ام سيف:: فديتج بغيت اخطب خوله لولدي سيف...
ام خوله::والله فديتج الشور شور البنت انا مااروم اغصبها على شي وان شالله عقب اسبوع بنرد عليكم خبر...
اليازيه وعليا حريم خوال روضه ماحبوا خوله حسوها خبيثه ومتكبره بس سكتوا علشان خاطر سيف ..
وحتى خوله ماحبتهم بس كانت مجبوره تجامل لانها توها بتنخطب وماتباهم ياخذون فكره عنها...
بعد مايلست ام سيف وسولفت ويا الحريم ..استأذنت وطلعت من البيت ..
اول ماطلعوا من البيت على طول سارت خوله حجرتها واتصلت في سيف...
خوله:الو هلا سيف ..شحالك ؟؟
سيف:: هلا حبيبتي ..بشري شو استوى وافقتي ؟؟ انزين متى الملجه..
خوله: اي ملجه؟؟ من الحين؟؟........ اصبر الين ماارد عليهم خبر اني وافقت...
سيف:: شوووووووو جي بعدج انتي ماقلتيلهم موافقه؟؟
خوله:: سيف... تخيل اول مايقولولي بنخطبج اقولهم وافقت جي منه والدرب السالفه؟؟؟ شو بيقولون عني ... والله هذي ماشافت خير؟؟
سيف:: ومتى ناويين تردون خبر؟؟
خوله::ان شالله عقب اسبوع..
سيف:: نعم؟؟نعم؟؟؟ ماسمعت متى حبيبتي؟؟
خوله ::شو متى حبيبتي ؟؟ اقولك عقب اسبوع
سيف:: عقب اسبووع؟؟ جي ان شالله بتطلعون شجرة العائله؟؟؟
خوله::هههههههه وياراسك لالا بس شكليات .. بس تبى الصدق.. انا ماحبيت حريم خوالك يلوعن الجبد كل وحده تشوفني بطرف عينها جني انا الي بخطبك مب انته..
سيف:: مايخصج فيهن هذيل دومهن جذه ..يولن عنج.
خوله:: اقول سواف..بسألك ؟؟
سيف:: امري عيون سواف..
خوله::ان شالله يوم بنتزوج وين بنسكن؟؟
سيف:: بسوي ملحق برع وبنسكن فيه .. فيه 3 غرف وصاله
خوله::نعم نعم منو قالك اني ابسكن في ملحق؟؟؟
سيف:: وين تبين تسكنين عيل؟؟
خوله::انا مابقبل الا ببيت روحي.. واظن ان نحنا اتفقنا على هالشي قبل..
سيف:: انزين من وين اييبلج الفلوس؟؟ انتي تعرفين اني على قد حالي صح؟؟
خوله::كيفك سيف.. انته وعدتني ولازم تكون عند وعدك..والا اسمحلي مابوافق..
سيف::............................................. ................
ياترى بيوافق سيف ...هو مب بس يحب خوله ولكنه يموت عليها ...ومايبغى اي شي يفرقه عنها... فشو الي راح يسويه في هالحاله؟؟؟ وهو فقير على قد حاله

[عجيد الريم]

وهذا هو الجزء الثاني ...:marsa196:


وان شالله الجزء الثالث يوم الثلاثا الياي ...

@@@@@@@@@@@@@@@@@@@@@@@@@@@@@@

أول شي أشكر بنت خالتي الغاليه لأنها هي اللي سوتلي هالتصميم :)

http://www.w6w.net/upload/01-09-2005/w6w_20050901031243aea25021.jpg


سكت سيف ...فكر انه يترك خوله..لانها تطلب فوق طاقته...ولكنه ماقدر كيف بيترك الي حبها وبجنون ؟؟كيف بيترك قلبه ؟؟؟
خوله..::سيف وينك؟؟
سيف::............................................
خوله::سييييييييف..؟؟شو اكلم عمري انا؟؟ ويييييينك؟؟
سيف:: موجود ياخوله بس كنت افكر شوي..
خوله::في شو كنت تفكر؟؟
سيف::افكر شو بسوي عسب ابنيلج البيت..
خوله::لاتخاف علشان خاطرك بيلس في الملحق الين ماتدبر الفلوس عسب نبني البيت..
فرح سيف وقال في خاطره اخيراً وافقت...
خوله:: سيف حبيبي الوالده تزقرني بسير الحين ..تامر بشي؟؟
سيف::سلامتج الغاليه بس ردي اتصلي يوم بتفظين..
خوله::اوووووووكيك يالله فمان الله..
سكرت خوله عن سيف... طبعاً هي ماوافقت على انها تسكن في الملحق الا لغرض في نفسها... لان خوله معروف عنها انها ماتتنازل عن الي تباه لو يموت الي جدامها....فشو الي كان في بالها ياترى؟؟

------------------------------------------------------------------------------------------
------------------------------------------------------------------------------------------
في سيارة ام سيف...
روضه::امي بصراحه خوله حلوه وماعليها كلام ووايد طيبه.
ام سيف تكلم حريم اخوانها..::ماقلتولي شو رايكم؟؟
اليازيه..::بصراحه ياام سيف انا ماحبيتها احس انها قويه و.......
عليا تقطع كلام اليازيه::يزوي اسكتي لا تقولين جذه..
ام سيف::تبون الصدق حسيت بهالشي.. من نظراتها حسيت انها قويه بس شو اسوي؟؟
روضه:: بالعكس امي شكلها طيبه وبصراحه انا حبيتها وايد..
ام سيف:: انتي تحبين كل حد حبيبتي دومج جذه..
روضه ماكانت تحب خوله لكنها قالت هالكلام بس علشان تهدي بال امها.. لانها كانت تعرف كيف ان سيف يموت على خوله وكيف يحبها.. وماحبت انها تلعب براس امها..
-------------------------------------------------------------------------------
------------------------------------------------------------------------------
في غرفة سيف...
كان سيف يفكر...معقوله خوله لهالدرجه ماتقدر اني في بداية حياتي...
كيف بقدر اتصرف الحين؟؟؟شو اسوي عسب اييبلها البيت الي هي تباه...
تم يفكر ويفكر الين مااهتدى لحل يناسبه...
فكر سيف انه يدخل في البورصه ويشتري ويبيع بالاسهم..هو خبير بهالشي لانه تعلمه من ابوه وقرر انه بيدخل مع ابوه البورصه في اقرب فرصه وبجذه مابيكمل السنه الا وهو باني البيت
-------------------------------------------------------------------------
----------------------------------------------------------------------
في بيت خوله...
خوله كانت يالسه مع اختها الصغيره عهود
عهود::خولوه ؟؟جي قلتي حق ام سيف انه عقب اسبوع بتردين الخبر؟؟
خوله..::شو تبيني اقول والله موافقه جي منه والدرب السالفه بطيح من عينهم وبيقولون هذي مطيره
عهود:: انزين والحين ماقلتيلي شو ناويه تسوين؟؟
خوله::ماشي الحين لازم اخطط عسب اسوي عرسي في اكبر فندق..
عهود::شو اكبر فندق من وين بييب؟؟
خوله::حبيبتي انا بشترط ان مهري يكون 150 الف ..
عهود وهي منصدمه/::كم حبيبتي؟؟ 150؟؟ شو بياخذ سياره..
خوله وهي تشوف اظافرها:/: لا وانتي الصادقه بياخذ خووووووووووله
عهود::انزين بس هو الحين لازم يبني بيتج من وين بييب هذا كله؟؟
خوله::والله عاد كيفه يتصرف ..هذيل من الفلوس الي عندهم مب عارفين وين يصرفونها وهو الولد الوحيد غصب عنه وعن امه وعن ابوه بيسوي الي اباه ...
سكتت عهود وكل الي قالته ::الله يوفقج

عهود كانت تابعه لاختها خوله مع انها متعارضه مع اغلب افكارها.. بس لان خوله من كثر ماهي لعينه مسكت على اختها ممسك انها اذا ماسوت ونفذت الي هي تباه بتخبر امها انها كانت ترمس واحد .. في هالحاله بتكون عهود مجبوره تمشي وراها
في بيت خوله....
ام خوله تزقر بنتها::خولووه خولووه تعالي شوي اباج في سالفه..
خوله::نعم امي امري..
ام خوله:: خولوه طبعاً انتي سمعتي كل الرمسه الي استوت اليوم في الميلس... واباج تفكرين عدل وتردين عليه خبر اذا انتي موافقه ولا لأ؟؟
خوله وهي تمثل انها مستحيه..:: امممممم ان شالله امي برد عليج خبر ورى باجر بس خليني افكر عدل..
ام خوله::يامي هذي بتكون حياتج انتي... والريال شارنج.. وانا الي اشوفه ان امه واخته وحريم خواله كلهم ناس طيبين ...وابوج قالي ان ابوه ريال والنعم فيه ..وماشالله عندهم خير وايد ..بيقدر يعيشج...
خوله::ان شالله امي بشوف
سارت خوله حجرتها... واول مادخلت الحجره على طول اتصلت في طرفه...
طرفه هذي كانت تحب سيف..وتحدتها خوله انها هي الي بتاخذ سيف..لكن طرفه كان حبها في قلبها ماحبت تبوح فيه الا للي كانت صديقتها المخلصه خوله..
وخوله بلعانتها قالت انها بتاخذ سيف لها روحها ..ويوم اكتشفت طرفه قطعت علاقتها بخوله ولكن خوله حبت تنتقم تمت على رايها...
خوله::الو السلام عليكم
طرفه::عليكم السلام منو ويايه؟؟
خوله::مسرعج مانسيتي الي كانت ربيعتج الروح بالروح؟؟
سكتت طرفه..
خوله::انتي ايه وينج؟؟
طرفه::شو تبين متصله عقب هالمده؟؟
خوله::متصله اتشمت فيج ياحلوه..
طرفه::تتشمتين في شو يامسودة الويه انا ماقلتلج هالرقم ابغيج تنسينه؟؟
خوله::يالحلوه انا باخذ محطم قلوب العذارى الي كنتي تحبينه في يوم من الايام.. سييييييف
طرفه وهي منصدمه:: انتي شو تقوليين ؟؟
خوله::الي سمعتيه ...ياطرفووه انا باخذ سيف.. والاسبوع الي بيي ملجتي..
طرفه وهي تصيح:: يالنذله يالحقيره ..حرام عليج ..تعرفين اني احبه ليش تاخذينه وانتي ماتحبينه خولوه الله يخليج هديه مستعده اعطيج الي تبينه...
خوله::مسرعج مانذليتي ياطرفووه...كان خاطري اسمعج تترجيني من زمان ماذليتج...باخذه ياطرفه باخذه وبتشوفين...
طرفه::: انا شو سويتبج انا في شو ضريتج؟؟؟ عمري ماغلطت في حقج ولا عمري بغيتلج الشر.. فديتج هديه الله يخليج..
ضحكت خوله ضحكة الاستهزاء..وسكرت التيلفون في ويه طرفه...
يلست طرفه تصييييح وتفكر هي عمرها ماضرت خوله ولا عمرها قالتلها كلمه ضايقتها ليش تسويبها جذه؟؟؟
وفي الطرف الثاني كانت خوله في قمة سعادتها... اخيراً بتكسر راس طرفووه اللعينه...
عهود اخت خوله كانت تسمع كل الي استوى لانها كانت يالسه وياخوله في الحجره..
عهود::حرام عليج يا خولوه شو سوتبج البنت؟؟؟
خوله::انطبي انتي الثانيه خليني اليوم اسعد يوم في حياتي... اخيراً كسرت خشمها هالمتكبره... من انا صغيره وانا ابكسر راسها.. وكنت ادور هالفرصه... من صغيره وطرفوه احسن عني بكل شي غنيه وكل حد يحبها.. ومستانسه بشوية الجمال الي عندها.. انا الحين براويه منو هي خووووله وبراويها شو بتسوي..
عهود::الله يعينج على عمرج ياخوله والله يعين شو بتسوين باجر بيت ريلج...
خوله::اصلاً ريلي من الحينه مثل الخاتم في ايدي اومابيقدر يسوي شي
عهود وهي مستغربه ::حرام عليج ياخوله.. شو من القلب عليج ؟؟؟
خوله::عهودووووه وسم قومي اظهري برع مالي بارض اشوف ويهج الزفت انفدي...
عهود::الله بيراويج على افعالج بالناس وبتشوفين وطلعت وسكرت الباب بالقو وراها
--------------------------------------------------------------------------------------------

في بيت سيف بعد اسبوع...
سيف::امي يالله عاااد اتصليبهم شو هاا مب طايعين يردون مب عرس هاا
ام سيف:: انزيييييييييين بلاك تحن من اسبوع اتريا شو بيستوي عليك..
روضه:: امي اتصل انا اكلم خوله؟؟
سيف:: فديت اختي انا الي تحب اخوها اتصلي حياتي اتصلي واساليها..
ام سيف:: اصبر اصبر استهدى بالله انته واختك انا بتصل الحينه اتريوا...
سيف وروضه تيمعوا جدام امهم وهي تتصل بيت خوله...
عهود:: الو..
ام سيف:: الو السلام عليكم
عهود::عليج السلام والرحمه هلا
ام سيف:: منو انتي خوله؟؟
عهود::لا خالتي انا عهود منو ويايه؟؟
ام سيف:: انا ام سيف فديتج عهود شحالج الغاليه؟؟
عهود::هلا خالتي انا بخير وسهاله انتي شحالج؟؟
ام سيف:: انا بخير ربي يسلمج فديتج وين امج ؟؟
عهود::امي هكي عدالي لحظه بعطيج اياها..
ام خوله:: السلام عليكم هلا والله بالغاليه ام الغالي..
ام سيف:: يعني افهم انج موافقه؟؟
ام خوله:: اكييييييييد وانا عندي اغلى من سيف ومن امه ومن بنتهم الحلوه؟؟
ام سيف :: اسمحيلي ام خوله بقولج شي..
ام خوله:: امري الغاليه ..
ام سيف ::مايامر عليج عدو بس كلللللللللللللولولولولولولولولولولولولوولولولولولو لولولولوش...
سيف وروضه تموا يركضون من الوناسه في البيت ...
سيف ركب سيارة البيت الي يقضون فيها اشغال البيت ويحملون فيها السمج والخضره سيارة البيكب.. سار الدبه .. وروضه دخلت ويلست مكان الدريول وشغلت المسجل وطولت عليه على الاخر.. وسيف يرزف وخاطره يكسر السياره ويسوقها ويدعم بيتهم من الوناسه .. وروضه مستانسه لوناسة اخوها .. تموا يرزفون والبشاكير يشوفونهم ويضحكون ..

طلعت ام سيف وهي تزاعج:: سيفوووووووووووووووووووه .. روضووووووووووووووووووه.. فشلتونا شو بيقولون عنا الييران .... شو يهال انتوا.. حتى البشاكير يضحكون عليكم يالله ادخلوا...
روضه :: ماما متى بيملجوون ؟؟
ام سيف:: الاسبوع الياي..بس ادخلوا بتفاهم وياكم..
سيف نزل من الدبه وتم يركض ويخمس من الوناسه...
دخل البيت وتم يدووور على عمره .. وروضه تغنييي..
ام سيف تضحك.. انطبوا وايلسوا ..سيفووه الحينه بقولهم انا مب موافقه بتيلس ولا اتصلبهم؟؟
ركض سيف عند امه ويلس ..وربع ايده.. خلاص مابرمس بس قولي..
ضحكت ام سيف اول مره تشوف ولدها جذه ...
ام سيف:: اسمع..:: امها طلبت عليه مهر غالي .. وانا وافقت لانك ماشالله بتموت على البنت عسب جذه اقولك انته اسحب من البنك 50 الف وابوك 50 وانا بعطيكم 50 من عندي..
سيف:: جي طالبين 150 ؟؟
ام سيف:: طلبوا بس حتى لو ماقالوا نحنا لازم نعطيهم اكثر عن جذه هذا عرس ولدي الوحيد ولازم استانس فيه..
روضه::انزين ماما وانا مايستوي ادفع؟؟
ضحكوا سيف وام سيف على كلام روضه..
سيف:: روضوه انتي يوم بتعرسين انتي ادفعي المهر انزين لاتنسين ..
استحت روضه ودخلت حجرتها..

وقرروا الحريم ان الملجه عقب اسبوع ... ..

واكيد بتصير تطورات في الملجه..

ياترى شو هي التطورات اللي بتصير في الملجه ؟؟؟http://www.sadauae.com/vb/images/smilies/icon1366.gif

وشو هي الصدمه اللي بتستوي لخوله ؟؟؟http://www.sadauae.com/vb/images/smilies/boxing.gif

وشو هي أول صاعقه ممكن انها توصل روضه http://www.sadauae.com/vb/images/smilies/evil_2.gif

انتظروني بأذنه تعالى يوم الثلاثا الياي http://www.sadauae.com/vb/images/smilies/smile.gif


والسموحه http://www.sadauae.com/vb/images/smilies/smile.gif

اختكم ::عجيد الريم ...

[الدنيا]

بيخلصون الاربع شهور اللي قلنا عنهم قبل :marsa191:

[ابوفيصل]

الله رجعت القصه مره ثانيه

اختي .......

بليييييز .... لا تخلينا ننتظر مثل اول ....

الف شكر لك ...

الله يعطيك العافيه ويقويك ,,,,

[عجيد الريم]

بيخلصون الاربع شهور اللي قلنا عنهم قبل :marsa191:


شو أسوي يوم المنتدى هكروا عليه وانحذفت القصه :marsa103:

[عجيد الريم]

الله رجعت القصه مره ثانيه

اختي .......

بليييييز .... لا تخلينا ننتظر مثل اول ....

الف شكر لك ...

الله يعطيك العافيه ويقويك ,,,,


السلام عليكم ورحمة الله ...

ان شالله أخويه هالمره ان شالله ان شالله كل ثلاثا بنزل جزء يديد أكييييييييييد...

ومابخليكم تتريون مثل قبل :)

والسموووووووحه

اختك::عجيد الريم ...

[عجيد الريم]

السلام عليكم ...

أول شي أحب أشكر اختي الغاليه بنت البلاد على هالبوستر الحلو وماقصرت :)


http://www.w6w.net/users/13-09-2005/w6w_20050913135308246016b1d7ead.jpg

وهذا هو الجزء الثالث وأتمنى يعجبكم ...

################################################

في بيت خوله يوم الملجه...الصبح...

ام خوله:: خوله ...خوله نشي استوت الساعه 11 نشي ..

خوله ::شووووووووووووووو امي تعبانه حرام عليج شو تبين ابى ارقد مالي بارض انش..

ام خوله:: لا غناتي لازم تنشين منو بيسير اييب فستانج من الخياط؟؟ بعدين لازم تسيرين الصالون الساعه 3 فديتج .. وبعدين سيف مطرش الرياييل الي يشتغلون في المطعم يايبين بوفيه نشي اشرفي عليهم انا مااروم اسوي كل شي بروحي...

خوله::انزين طرشي الدريول اييب الفستان وانا بسير الخيمه وبشرف على الطاولات ..

ام خوله: انزين انتي نشي قبل عقب بطرش الدريول.. ...

خوله::انزييييييييين الحين ناشه ...

نشت خوله ولبست شيلة البيت وظهرت من حجرتها وسارت برع في الخيمه تشوف شو الترتيبات... تمت واقفه ترتب وتشرف عليهم حوالي ساعتين ونص دخلت البيت بعدها وهي منهد حيلها...اول مادخلت الحجره انصدمت

شافت باقة ورد عوووووووووووووووووووده ووسطها صندوق صغير.. تقربت من الباقه عشان تشوف البطاقه لكنها مالقتها.. فتحت الصندوق ولقت طقم الماس يجنن.. تخبلت خوله ولقت بطاقه صغيره.. فتحتها خوله وقرت مكتوب فيها..((مع اطيب التمنيات لك بالتوفيق والحياه السعيده)) المحب المخلص:: حمد..

انصدمت خوله ... رجعت تأكدت من الاسم ...حمد...

رجعت تذكرت حمد... الانسان الي حبها من كل قلبه... ولكنها ذلته... لانه ماكان عنده شي..كان فقير على قد حاله.. وهي كانت احلامها كبيره... واشترطت انه يكون غني علشان تاخذه..وعدها انه يسافر وييب الها الي تباه ... بس على انها تترياه ثلاث سنين ووافقت...ماكملت سنه الا وهي بتاخذ واحد غيره...هاللحظه بس حست انها غبيه...حمد كان يموت عليها..ولكنها كابرت على نفسها وخذت الشخص الي كانت تتحدى طرفه فيه... ماحست الا بالدموع على خدها... ولكنها كابرت على نفسها وقالت ...حمد كان فقير وبيتم فقير في نظري.. وسيف يقدر يعيشني احسن عيشه .. وبتم انا الامره الناهيه في البيت ....

قطع تفكيرها صوت الباب...

خوله::منووووو؟؟

عهود::انا عهود شو تسوين؟؟

خوله ::شو تبين ؟؟

خوله::يبت الفستان بطلي الباب مب رايمه اشله...

ركضت خوله عند الباب ونست البطاقه على الطاوله...::فتحت الباب..

شافت فستانها الوردي كان وايد حلو ..

خوله::الله واايد مسونه روعه ..اول مره يسوي شي عدل بضمير...

عهود::الله يغربلج يالسه تتأملين في الفستان وانا ايديه بتطيح فارجي عن ويهي بحط الفستان...

دخلت عهود::وعلقت الفستان ...

يلست خوله تتأمل في الفستان..شلته وسارت عسب تقايسه...

يوم دخلت خوله تقايس الفستان انتبهت عهود على الباقه... يلست تتأمل فيها وانتبهت ان البطاقه موجوده ...ومكتوب عليها حمد..ماعطت البطاقه اهميه هي كانت تعرف حمد ردتها مكانها وقالت في خاطرها ..وحليلك ياحمد انغشيت ...

طلعت من الحجره وخلت اختها داخل مستانسه بالفستان روحها ...




في بيت سيف::

روضه كانت تكلم ربيعتها في التيلفون...

وقطع عليهم سيف كلامهم...

روضوووووه..سكري التيلفون برمسج...

روضه::سلامه عقب شوي بكلمج الحين اخويه يباني..مع السلامه...

سكرت روضه التيلفون ..وصدت على سيف::هلا سيف امر

سيف::تعالي الحجره براويج شي

ركضت روضه وسبقته الحجره

يوم وصلت ..دخلت الحجره ودخل وراها سيف...

سيف::عنبوه انتي ماتصدقين محد يقولج شي

روضه::يالله يالله قووول والله بتخبل شبلاك؟؟

سيف::روضوه ..اليوم انا مسوي مفاجأه حق خوله..

روضه ::شو هي؟؟

سيف:: شوفي اليوم انا بدال ماييبلها طقم يايبلها اثنين ..واحد بلبسها اياه والثاني انا مغلفنه ..وابغيج اليوم يوم بنسير تودينه لها اوكي

روضه::ان شاااااااااااااااالله عمي سيف تامر...




في بيت خوله فليل...

وصلت روضه بيت خوله وفي ايدها الطقم...

وصلت عند باب حجرة خوله ودقت الباب..

خوله::منو؟؟

روضه ::انا روضه اخت سيف...

خوله::افففففففففف شو يابها الحين هذي؟؟

خوله::لحظه رواضي الحينه يايه

فتحت خوله الباب وهي متملله بس مجبوره انها تتحمل روضه..::هلا رواضي شحالج..

روضه::تمام ..خوله هذي هديه من اخويه ..هو يابلج هالهديه البسيطه ويسلم عليج..

خوله ::مشكوره حبيبتي..شو رايج فيني حلوه؟؟

روضه::الا قمر تخبلين ..اخويه عرف منو يختار...يالله الحينه انا بسير عسب امي ماتحشر البقعه تدورني...

خوله::اوكي حبيبتي يالله باي اشوفج عقب..

سكرت خوله الباب وهي منقهره خاطرها تصفع روضه لأنها ماتدانيها ..من كثر ماسيف يتمدحها وتشوف الكل يحبها وماتعرف على شو؟؟

فتحت خوله هديتها وشافت طقم الماس حلو ...تخبلت وقالت في خاطرها..

هالطقم الي ينلبس مب طقم هالمعفن حمد...

-------------------------------------------------------------------------------------------------------

الساعه 11 ونص...

كانت زفة العروس...

دخلت خوله وكانت في منتهى الجمال... انزفت على اغنية راشد الماجد...

وتمت يالسه تبتسم للحضور...

ماانتبهت منو موجود بس كانت فرحانه وايد لانها اخيراً حققت حلمها وتزوجت مليونير...

يلست خوله على الكوشه ... وتمت تشوف منو الي ياي.. وبين الحضور انتبهت على وحده ماتوقعت انها بتتواجد..وانصدمت من الي شافته..

شافت روضه واقفه عدال طرفه وتكلمها..

انصعقت خوله ..شو الي خلى روضه تتكلم ويا طرفه وشعرفهم ببعض تمت تحاتي..لايكون اكتشفت انها هي ماخذه سيف تحدي بينها وبين طرفه وانها ماخذتنه بس عسب فلوسه مب حباً فيه...

تمت مبهته في روضه وطرفه...

يوم التفتت روضه على خوله ..خوله اشرتلها انها تي عندها..

استأذنت روضه من طرفه وسارت عند خوله ويوم وصلت..

خوله::رواض حبيبتي متى بيي اخوج.؟؟

روضه::مادريبه هو قال 12 ونص

خوله::اهااااا.. تعالي صح ويا منو انتي واقفه؟؟

روضه::هذي ربيعة بنت خالتي تعرفت عليها من فتره ..

خوله::اهاااااااا ..منو عازمنها ؟؟

روضه::امي عزمتها ترى هي وايد ويايه..

هوله::انزين حبيبتي ..قبل مايدخل اخوج عطيني خبر انزين..

روضه::ان شالله حبيبتي

انقهرت خوله من روضه اكثر من قبل..هي روحها ماتدانيها وبعد كرهتها زياده يوم عرفت انها تعرف طرفه....






الساعه 12 ونص



دخل المعرس ولبسها الطقم ..... وتموا البنات يرقصون ويغنون الين ماستوت الساعه 2 ونص...

فليل في التيلفون



سيف::فديتج ياخوله واخيراً انا وانتي تزوجنا..

خوله::عساني افداك ياسيف...
سيف::................................
خوله::سواف حبيبي بغيت اقولك..

سيف::امري عيون سيف...

خوله::تسلملي عيونك... سيف ..انا وايد احب رواض اختك وماارضى ان حد يقول عنها شي ومن مصلحتي اني اقولك عن شي بس لا تتحسب اني ابغي اخرب بينكم...

سيف::لالا اكيد بس خبريني شو مسويه روضه ؟؟

روضه::لالا فديتها مب مسويه شي ..بس سيف خل اختك تبتعد عن طرفه...

سيف ::لـــــــــــــــــيــــــــــــــــــــــش؟؟
خوله::بقولك بس بدون ماتعصب اوكي...ترى اختك ماتدري بسالفتها وانا مابغيها تعرف بس انته ابعدها عنها ...حرام نفضح البنت..

سيف::انزين انتي خبريني شو مستوي؟؟

خوله::شوف سيف....طرفوه قبل كانت ربيعتي الروح بالروح وانا اعرف كل سوالفها... هي بنت مب زينه واخاف اختك تمشي وراها ..انته بس ابعدها عنها مثل ماانا ابتعدت عنها..

سيف::انزين شبلاها البنت؟؟

خوله:: هي كانت تكلم ولد خالتي ... وانا مااكنت اعرف عقب يوم دريت بالصدفه ابتعدت عنها انا ماابغي اختك تستوي مثلها...

سيف وهو محرج:: خلاص خوله انا بسير الحين بكلمها ..

خوله::سيف اصبر مب الحين كل شي بالتفاهم يمشي..

سيف::اوكي خلاص بكلمها باجر..

خوله::اوعدني انك بتتفاهم وياها بدون عصبيه...

سيف::ان شالله

خوله::اوكي حبيبي انا الحينه بسكر عنك بسير ارقد تعبانه شوي.. بواعيك الصبح حق الدوام اوكي...تصبح على خييير

سيف::وانتي من اهله...

تم سيف يفكر طول الليل..شو يسوي عسب يبعد اخته عن طرفه خصوصاً يوم عرف ان طرفه مب زينه الين ماهتدى لفكره يمكن تنفع....رقد سيف وقرر ان الصبح يكلم اخته...



الصبح بيت سيف....



ينش سيف من الصبح ويواعي روضه...

رواض ..يالله نشي ...

روضه::شو سواااااااف خلني راقده....

سيف::نشي انا بوصلج المدرسه اليوم...

روضه:::شو نازل عليك الوحي اليوم تبى توصلني؟؟

سيف::كيييييفييييي...اختي وانا حر نشي يالله ابسولف وياج..

روضه:: انزين ....

سيف:: انزين بس لاتلبسين ثياب المدرسه ..

روضه::جييي؟

سيف::بس اليوم ابرمسج في سالفه وابغي اظهر وياج...

روضه::انزين كلم امي ....اخافها ماتطيع...

سيف:: لالا ماعليج امي بتوافق اذا قلتلها اني انا بظهر وياج ...

روضه::انزين انا بسير اتلبس وانته سير قول حق امي....

سار سيف عند امه واقنعها انه يظهر اليوم ويا روضه وماتسير المدرسه لانه يباها في سالفه...

وافقت ام سيف انه يظهر ويااخته...

طلعت روضه من البيت ويااخوها ...

مر وخذلها عصير ...

وطول الوقت وهو ساكت مب عارف كيف يبدا وياخته الموضوع...

روضه::سيييييف,,, صدقني طفرت من نص ساعه ونحنا طالعين ومب طايع تقولي بلاك ؟؟ شبلاك مويم ؟؟

سيف::.....................

روضه::سوااااااااف ارمس

سيف::هاااه..هلا شو

روضه::ماشي بس انا من سنة يدي ارمس وياعمري بلاك ساكت ارمس ليش خليتني اغيب عن المدرسه اليوم ؟؟

سيف::ماشي كنت اباج في سالفه ..

روضه::انزين اتكلم تراني وياك واسمع اتكلم بلاك؟؟

سيف:: رواض من متى انتي تعرفين طرفه؟

روضه::اعرفها عن طريق شجون بنت خالتي ليش؟؟

سيف::انزين انا بقولج شي بس اوعديني ان هالشي ماتزعلين منه؟؟

روضه::سواف حبيبي انا عمري مازعلت منك عسب ازعل منك الحين ...

سيف::رواض انا سمعت ان هالبنت مب زينه ...

روضه بعصبيه::منو قالك؟؟خوله صح؟؟

سيف وهو مستغرب::وانتي ليش متأكده ان خوله هي الي قالتلي...

سكتت روضه وتمالكت اعصابها..مابغت تقول انها تعرف كل شي عن خوله ..لانها تعرف شكثر اخوها يحب خوله وهي تعرف سالفتها من البدايه للنهايه ومابغت سيف ينصدم فيها...

سيف::خبريني شدراج ان خوله هي الي قالتلي؟؟وشو الي خلاج متأكده؟؟

روضه::لا ماشي بس سألت..

سيف::رواض حبيبتي لو خوله ماقالت كنت بسمع من حد ثاني

روضه وهي تساير سيف وفي قلبها مليون غصه.::صدقك سيف لو خوله مب الي قايلتلك جان سمعت من حد ثاني..

سيف::شوفي روضه انا كل الي اطلبه منج ولو كان لي خاطر عندج انج تهدين طرفه..ابتعدي عنها او حاولي ان مكالماتج تكون بسيطه اللهم سلام بينج وبينها لا تحاولين انج تدخلينها في حياتج والله مابتحصلين منها الا المصايب ..

روضه::سواف انته اخويه ولازم اسمع كلامك لاني احبك ومابا اخسرك عسب هالرمسه ..فالك طيب ولا يهمك تامر سيف...

استانس سيف ان اخته سمعت كلامه ……

ولكن روضه تمت مغتبنه كيف ان خوله تبغي تفرق بينها وبين طرفووه….

سكتوا طول الطريج …سيف مااستغرب من هالوضع لان روضووه متعوده انها تسكت….

الساعه 2 الظهر ردوا سيف وروضه من الطلعه دخلوا الصاله وشافوا امهم يالسه ..

وانتظروني ان شالله في الجزء الرابع الأسبوع الياي ان شااااااااالله

[ابوفيصل]

الف شكر لك

في انتظار الجزء الجديد

الله يعطيك العافيه ,,,,,

[ابوفيصل]

عجيد المره هذي غير مسموح التأخير ...

الحين 11 يوم ؟؟؟؟

يعني تأخير .... 4 ايام ....

عطينا جزء الله يعافيك ؟؟؟؟ <<< ادمنت القصه :)

[عجيد الريم]

أبوفيصل ..مشكوووووووور على مرورك والسموحه للتأخير بس صارتلي ظروف الأسبوع اللي طاف ...





وهذا هو الجزء الرابع والسموووووحه على التأخير ....
%%%%%%%%%%%%%%%%%%%%%%%%%%%%%%%

دخلوا سيف وروضه وحصلوا امهم يالسه في الصاله

روضه وسيف::السلام عليكم

ام سيف ::عليكم السلام الرحمه..جي تأخرتوا..

سيف:شو نسوي خذتنا السوالف

روضه تمت ساكته شوي جان تقول ::امي انا بسير حجرتي لاتزقروني على الغدا بسير اذاكر

ام سيف::شوتذاكرين انتي ماسرتي المدرسه اليوم؟؟

روضه::باجر انا اصلاً ورايه امتحان بسير افتح الكتاب شوي

ام سيف::انزين والغدا؟؟

روضه::لاتسوون حسابي اليوم شبعانه ..وابتسمت ابتسامتها الهاديه..وقالت ::تامرون بشي قبل مااسير؟؟

ام سيف وسيف::سلامتج

سارت روضه الحجره وحس سيف انه زعل روضه لانها اول مره ماتناقشه بشي هو متعود عليها تناقش لكن هالمره مارمست...



في حجرة روضه::

دخلت روضه حجرتها وطاحت على الشبريه ويلست تصيييح منقهره من خوله ... هي تعرف عن خوله وطرفه وليش هم متضاربين ..هي تعرف ان طرفه كانت تحب اخوها بس خوله خانتها وخذت سيف عن طرفه... وكانت تعرف ان طرفه كتمت حبها عن سيف... بس اكتشفت هالشي متأخر...

لكنها ماكانت تعرف انها كانت ماخذه سيف تحدي لان طرفه فهمتها ان خوله كانت تحب سيف وافترقوا هم الهنتين بس عسب حب سيف...

دورت اي شي عسب بس تعبر عن مشاعرها.. اي شي يخليها تظهر هالغيض الي فيها..وتذكرت ان دفتر مذكراتها هي فارتنه تحت الشبريه...

نزلت تحت الشبريه وطلعت دفتر مذكراتها...

وكتبت

(( عندما يظلم الانسان ولا يجد من يشتكي له حاله لايستطيع سوى الكتابه...

طرفه كانت الضحيه وخوله الجانيه وسيف مصدر الحكم..والذي حكم على انسانه بريئه بالاعدام وحكم على الروضه بالذبول...)))

ماقدرت تكمل وردت الدفتر مكانه ....

وتمت تفكر شو الي تقدر تسويه ...

في هذي اللحظه وصل مسج لروضه

""روضه انا عرفت باللي صار وانا عاذرتنج على الي بتسوينه الي صار مب بايدي او بايدج متى ماحصلتي فرصه كلميني عسب ننهي كل شي""

المرسل:: طيبة الدنيا::

هذا اسم طرفه.. تمت روضه تصييييح اول ماقرت المسج ...

تمت على هالحاله يمكن نص ساعه واخيراً قررت انها ماتهد طرفه وتكون ربيعتها ولكن بدون مايعرف سيف وخوله وقررت انها تكلم طرفه وتتفق وياها على خطه عشان تكلم طرفه بدون ماتدخل خوله في حياتهم




الساعه 12 فليل....

اتصلت روضه في طرفه..

طرفه::الو

روضه ::السلام عليكم...

طرفه::عليكم السلام هلا رواضي

روضه::شحالج طروفه...

طرفه::تمام غناتي وانتي شحالج؟؟

روضه::والله تعبانه ياطرفه من خولووه...

طرفه::بلاها قالتلج شي؟؟

روضه::تخيلي سارت وقالت حق اخويه ولعبت في راسه وتباني اهدج

طرفه::ادري بهالشي

روضه::وانتي شدراج؟؟

طرفه::...............

روضه وهي تصيح::انتوا بلاكم عليه الكل يدري بكل شي ومخليني انا مثل الغبيه من بينكم محد طايع يخبرني شو الي يستوي؟؟

طرفه::روضوووووه عشاني لاتصيحين

روضه::ماترد عليها ميته من الصياح

طرفه::رواض فديتج بخبرج السالفه بس لاتصيحين

روضه:: وهي تحاول انها تهدي عمرها وتسكت.. قولي..

طرفه ::اول اهدي وبخبرج ..

روضه::قولي الله يخليج لااتعبين قلبي والله مااتحمل

طرفه::رواض انا عرفت بالسالفه لان خولوه اتصلت وخبرتني ..

روضه وهي محرجه::شو هذي كل شي بتمشيه على كيفها من الحين هذا وهي مادخلت بيتنا وجذه تسوي باجر يوم بتدخل شو بتسوي؟؟

طرفه::رواضي عشاني اهدي..

روضه::انا بسكت بس لان اخويه يحبها ومايقدر يستغنى عنها مب عشانها هي..طروف اسمعيني انا مب مستعده اهدج شوفي شو اباج تسوين..

طرفه::عيوني لج الغاليه امري

روضه::طروف بيعي هالرقم وظهري رقم يديد ولاتعطينه حق حد الا انا ..او خليه هالرقم عندج والرقم الثاني انا بكلمج منه طروف مابقدر اهدج بليز قدري هالشي..

طرفه::ومنو يقولج اني ماسويت هالشي..

روضه::شو قصدج؟؟

طرفه::انا امس ظهرت رقم يديد وماعطيته حد بس بعطيج اياه علشان هالبقره خولوه ماتدري .. وهالرقم احذفيه يوم تبيني اتصليبي على هذاك الرقم

روضه::اوكي

وخذت روضه رقم طرفه اليديد بس عسب تفتك من حشرة مرت اخوها ....
وفي حجرة سيف ...
في حجرة سيف::

سيف كان يكلم خوله في التيلفون..

خوله::ها سيف بشر شو استوى؟؟

سيف::ماشي فديتج كلمت طرووف..والحمدالله تقبلت الموضوع وبتهدها..

خوله وهي متغصصه من روضوه ..كانت تبى تسوي اي شي بس عسب ان اخوها يشوط على روضوه ويضربها.::الحمدالله انها وافقت ..

وتموا سيف وخوله يرمسون ويابعض الين الصبح..



تموا روضه وطرفه يتكلمون مع بعض بدون ماتعرف خوله ولا سيف.... وتمت خوله تخطط وتدبر كيف تقدر تخلي سيف خاتم... وكيف تطفش روضه من البيت وتظرها...



تموا على هالحال لمدة سنه ونص ...

وصلت روضه الصف الثاني ثانوي وفي اجازة نص السنه تزوجوا سيف وخوله ...

وساروا شهر العسل ...مصر...



داروا كل مكان في مصر واستانسوا لمدة شهر..ولزمت خوله انها تيلس 15 يوم زياده.. طبعاً وافق سيف على انها تيلس زياده...



في بيت ابو سيف..

روضه كانت تشرف هي وامها على الملحق .. كان ملحق كبير وايد وروضه اثثته على ذوقها لانها كانت معروفه بذوقها الحلو.. وبعد لان خوله طلبت منها انها تأثث الملحق على كيفها لانها تحب هالشي الوحيد فيها ((الذوق))



كانت روضه واقفه وياامها برع ..

روضه دخلت داخل الملحق ترتب وامها واقفه برع تشو الهنود كيف يصبغون ..

تمت روضه داخل الملحق حوالي ساعه..

وهي في غرفة النوم ..تركب الستاير ويالبشكاره ...

عقب ماخلصت من تركيب الستاير زقرت امها انها تي تشوف الستاير ...

روضه::امييييييييي ..امييييييييييييييييي... ياربييييييييي جي ماتسمع وين سارت؟؟........ امييييييييييييييي

ومحد يرد عليها..

روضه تقول في خاطرها::اكيد دخلت البيت ..

ظهرت روضه تزقر امها من داخل البيت يوم ظهرت شافت الهنود متيمعين مكان واحد..

روضه::شو السالفه؟؟

والهنود مبهتين يشوفون روضه..

روضه:: خوزوا شوي بلاكم متيمعين هنه؟؟

وانصدمت روضه ياللي شافته ..

شافت امها طايحه في وسط الحوي.. ولا تتحرك..

صرخت روضه:: امييييي ..اميييييي نشي..

وصرخت على البشكاره:: ميريييي ميري هاتي تيلفوني بسرعه ...

ارتبكت روضه وماعرفت شو تسوي محد عندها هالوقت ومب عارفه كيف تتصرف..

تمت تهز امها بس عسب انها تنش وماشي فايده.. وهي تصرخ وتصيح ومب عارفه كيف تتصرف..اسودت الدنيا في عينها...

يت الشكاره وهي تركض وعطتها التيلفون .. وعلى طول وبدون ماتحس اتصلت في طرفه..

طرفه::هلا والله برواااااضتي الحلوه..

روضه::طروف الله يخليج تعالي ..امي بتموت فديتج تعالي لاتخليني مااعرف شو اسوي..

انتفظت طرفه ونشت من مكانها وماقالت كلمه لروضه سكرت التيلفون في ويهها وشلت مفتاح سيارتها وعلى طووول ركضت وطلعت من البيت ..وهي في الطريج اتصلت في الاسعاف.. ودلتهم بيت روضه.. وتمت طول الطريج وهي تصيح لانها وايد تحب ام روضه..

كانت بتدعم 3 مرات لانها مب شايفه السيايير ومن غير انها كانت مسرعه ..ويوم وصلت بيت روضه ركضت داخل البيت وهي تصرخ رووضه .. وينج

وسارت صوب الملحق ..شافت ام روضه طايحه على ريل روضه وروضه تحاول تواعيها وتصيح ... والسسترات يحاولون يواعونها ومب قادرين..

اول ماروضه شافت طرفه ركضت عندها ولوت عليها وتموا يصيحوووووووون..

ويوم يأسوا من انهم يواعون ام روضه قالوا لازم نوديها المستشفى الحين..

روضه ماعرفت شو تقول..

ولكن طرفه كانت اشجع منها وقالت ودوها مب مشكله..

دخلوها سيارة الاسعاف.. وطرفه خلت البشكاره تيبها الشيله والعباه لها ولطرفه لان طرفه من كثر ماكانت متلخبطه طلعت بشيلة البيت...

ركبوا كلهم سيارة الاسعاف..

وروضه مبهته في امها وماسكه ايدها وتصييح وطرفه ماسكه روضه وتقولها اسكتي حبيبتي امج مافيها شي.. وهي بروحها تصييح..



ياترى شو الي فيها ام روضه وليش طاحت عليهم

ان شالله بتعرفون في الجزء الخامس :marsa30:

[ابوفيصل]

تسلم ايدك حوريه

الجزء العاشر عااااد ؟؟؟

شو هالنقله القويه .....

تونا في الرابع ....

الف شكر لك ..

والله يسمح امورك ,,,,

[عجيد الريم]

http://www.w6w.net/upload2/08-11-2005/w6w_200511081333215d977a1a.jpg

وهذا هو الجزء الرابع والسموحه على التأخير ..

لأني مول مافظيت في رمضان :)

وكل عام وانتوا بخير ...

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$

وصلوا روضه وطرفه المستشفى في سيارة الاسعاف..
روضه وطرفه نزلوا من سيارة الاسعاف وتموا يمشون ورى السسترات ... دخلوا امها غرفة الانعاش... كل هذا وروضه مب عارفه وين مودين امها... حاولت روضه تدخل ورى امها وماخلوها..
روضه وهي تصيح ::الله يخليكم بدخل وياامي طرفوه قوليلهم بدخل وياامي فديتكم
طرفه وهي تصيح وماسكه روضه ولاويه عليها:: رواض حياتي امج بتظهر بس اتريي خليهم يسوون شغلهم اصبري رواااض

روضه :: مابا ابا امي فديتكم اباها...
سكروا غرفة الانعاش وطرفه سحبت روضه ويلسوا كلهم في غرفة الانتظار...
اتريوا حوالي نص ساعه عقبها شافوا ابو روضه داخل مسرع اول ماشاف روضه لوى عليها وحاول يهديها وروضه مب رايمه تستوعب الي صار بس تصييح ...

شوي طلع الدكتور
ابو سيف::ها دكتور بشر بلاها الحرمه؟؟

الدكتور:: بصراحه مابخفي عنكم الي صار بس يتها جلطه ...
روضه :: لا دكتور قول كلام غير هالكلام بلاها امي هي مافيها شي كانت تسولف ويانا وتضحك عادي مب معقوله امي تيها الجلطه..

الدكتور:: قولي الحمدالله انتي مؤمنه بقضاء الله وقدره ..على العموم هي بتم عندنا 4 ايام تحت الملاحظه وان شالله ربكم يطمنكم عليها..

ابو سيف::الحمدالله على كل حال ...لوى على روضه وتم يهديها ويقرى عليها بس عسب ماتم زايغه ...وتم وياروضه شوي التفت على طرفه وقال لها هلا امي ..

طرفه:: هلا عمي ..تستاهل سلامة خالووه..
ابو سيف::الله يسلمج بنتي.. انتي ربيعة روضه..
طرفه::هي عمي ربيعتها..
ابو سيف::ربي يخليكم لبعض والله انج وفيه ...اسمحيلنا امي تعبناج ويانا..
طرفه::افا عليك عمي رواض اختي مب بس ربيعتي..

وتموا روضه وطرفه وابو سيف الين المغرب.. عقبها قال لطرفه انها تاخذ روضه بيتهم وتخليها راقده عندهم لان محد في بيته وهو زايغ عليها اتم روحها..
وافقت طرفه وخذت روضه وساروا بيت طرفه
--------------------------------------------------------------------------------------------

بعد ماساروا طرفه وروضه ..

اتصل ابو سيف في سيف...
سيف::الو
ابو سيف بنبرة حزن::السلام عليكم
سيف::هلا ابويه عليك السلام والرحمه..
ابو سيف::شحالك ابويه وشحال حرمتك عساكم بخير؟؟

سيف::الحمدالله نحنا بخير يالغالي.. شحالك انته ورواض وامي عساكم بخير؟؟
ابو سيف:: رواض بخير بس.................
سيف وهو زايغ::بس شو ابويه حد منكم فيه شي طمني..
ابو سيف::امك ..ومارام يكمل صاح
سيف بتوتر::ابويه بلاها امي خبرني ..صار لها شي؟؟
ابو سيف::امك في العنايه..
سيف::جي بلاها؟؟
ابو سيف::يتها جلطه..
انصدم سيف وتم يصيح::امي يتها الجلطه ليش ومن شو؟؟
ابو سيف::هي تعبت عمرها وايد ويتها جلطه..
سيف::انزين انا بحجز على اول طياره وياينكم يالله فمان الله
ابو سيف::ربي حافظنك يابوي..
------------------------------------------------------------------------------------
كان هذاك الوقت سيف في اللوبي ..
سار فوق ودق باب السويت ..
فتحت حرمته الباب وقالتله يالله سيف انا جاهزه ..
سيف::جي وين سايره؟؟
خوله::جي نحنا مب متفقين نسير السوق؟؟
سيف::لالا مب الحينه انا بسير احجز
خوله::شوووووووووووو تحجز جي؟؟
سيف:: امي مريضه وبنرد..
خوله ::انزين نحنا يايين شهر عسل ومااعتقد انك من المفروض الحين تحجز..امك ماشي بيستويبها اهلك عندها ومابيهدونها..
سيف::خوله نحنا كملنا شهر العسل وزدنا عليهم على مااعتقد السنه اليايه بردج هنه
خوله::اوكي حبيبي خلاص..
سيف::جذه اباج ..سار سيف وخذله فلوس للحجز وظهر..
خوله وهي محرجه اول ماظهر ريلها ::درب يسد ومايردك يالخايس.. هالعيوز بعد ماعرفت متى تمرض الا الحين عساها الموت ان شالله ...
--------------------------------------------------------------------------------------------------
الصبح بيت طرفه ..
نشت روضه من وقت وواعت طرفه وياها عسب تسير عند امها...
زارت امها وتموا الين عقب الغدا ...ومارامت اتم زياده...لانها كانت واااايد تعبانه..
سارت روضه بيت طرفه وعقب سارت تكمل التشطيبات الاخيره على الملحق لان اخوها بيرد في اي وقت ومعاه حرمته ...
--------------------------------------------------------------------------------------------------
الساعه 7 المغرب ردت روضه وسارت المستشفى وياطرفه ..
واول مادخلت غرفة الانتظار صارت المفاجأه الكبيره...
انصعقت ان اخوها رد وحرمته معاه وانتبهوا لوجود خوله..وابوهم كان موجود بعد..
خوله نست عمرها ..وسارت ومسكت طرفه من عباتها وعطتها طراق قوي ...
خوله ::يالجلبه ماقلتلج ابتعدي عن اخت ريلي مانبا انتي جي جذه لزقه؟؟
وروضه واقفه منصدمه مب عارفه شو تسوي ؟؟
شوي جان يوقف الابو ويصرخ صرخه على خوله ::خولووووووووووووه انتي جي تظربين البنت بأي حق..
خوله::انته ماتعرف هذي السوسه انها بتخرب روضه ومخلنها وياها ..
نش ابو روضه وعطا خوله كف من قهره لانها اهانت البنت وقالها ::هذي الي مب عايبتنج هي الي ساعدت روضه ويابت امها المستشفى...

خوله صدت على طرفه وسحبتها على طرف وقالت ::شفتي هالطراق الي ياني كله بيرد فيهم وفيج انتي بعد

ماعرفت طرفه شو تقول تمت مبهته ودموعها على خدها ماتوقف وروضه تطالع طرفه وخايفه من ردة فعلها ..
حست طرفه انها تبى تظرب خوله لكن نظرات روضه هي الي كانت تمنعها .. كل الي سوته انها توجهت للطاوله وخذت مفاتيح السياره وطلعت من غرفة الانتضار ...
هذاك الوقت محد تكلم ابو روضه طلع ورى طرفه وماتم في الغرفه الا روضه وخوله وريلها...
خوله شافت روضه كانت بتهجم عليها لكنها تحملت لانها بتنتقم بس بطريقتها ..
سارت ويلست على الكراسي ووخت راسها وحاطه ايدها على راسها وتمسح شعرها من كثر ماكانت متنرفزه .. وروضه تشوف خوله واخوها ..
روضه حاولت انها تتقرب من اخوها وتلوي عليه وتصيييح ..
ركضت صوب اخوها وحظنته لكنه هو ماكان واعي بالدنيا ماشاف جدامه هالوقت الا حرمته ..
دز روضه عنه وسار صوب حرمته ويلس عدالها وحاول يهديها ...
انصدمت روضه :: تمت واقفه في مكانها وتشوف سيف وخوله ...
تمت تقول في داخلها ..::معقوله انته سيف؟؟ معقوله هذا اخويه الي كان يوقف ويايه في كل شي وماكان يهون عليه يشوفني اصيح ..
تمت روضه واقفه وهي تحس ان قلبها يتقطع قطعه قطعه ..
مرت اخوها ضربت ربيعتها .. واخوها مااهتم فيها وسار عند مرته .. وامها طايحه داخل ماتعرف اذا هي بتظهر ولا لأ.. ويمكن عقب هالدقيفه تخسر طرفه لانها اكيد مابترضى على كرامتها .. وابوها ماتدري وين سار .. دارت الدنيا فيها واسودت جدام عينها .. شو الي ممكن تسويه ..
ماتمت في الغرفه طلعت من الحجره وسارت الحمام ..غسلت ويهها وتمت تصيييح بصوت عالي هناك ..
طلعت روضه وردت دخلت غرفة الانتظار مره ثانيه بس هالمره يلست بعييد عن سيف وحرمته ...
وتمت منزله راسها عسب محد يشوف دموعها
ومرت اخوها تشوفها وترد تنزل راسها وفي خاطرها ميته من الضحك على حالها وقالت ::هذي البدايه بس ياروضوه
----------------------------------------------------------------------------------------------------
في مكان ثاني كانت طرفه
طرفه كانت في سيارتها .. من صدمتها ماعرفت كيف تتصرف...
اول مره تحس انها مصدومه سرحانه في لاشي .. مب عافه حتى تصيح من الصدمه ..كأن تعبيرات الكون كلها مب قادره تسعفها في هاللحظه...
معقوله يوصل حقد خوله لها الدرجه...؟؟
البدايه سرقت حب سيف من قلبها... وبعدها سرقت صداقة روضه ..والحينه ضيعت كرامتها في دقيقه؟؟
ليش هذا كله ؟؟ هي عمرها ماضرت خوله في شي بالعكس..
كانت اختها وربيعتها وتأمنها على كل شي.. معقوله خوله نست هذا كله في دقيقه ؟؟
وحتى لو نست .. معقوله عطت عمرها الجرأه انها تضرب طرفه ؟؟
وهي سرحانه في هالشي حست بدمعه ساخنه تنزل على خدها ...
وهاللحظه بالذات .........قررت انها تتحدى خوله مثل ماخوله طلبت .. ولكنها مابتهجم الا يوم خوله هي الي بتبدا وهذا كله علشان روضه
--------------------------------------------------------------------------------------
في المستشفى كانت روضه بعدها في غرفة الانتظار ويامرت اخوها واخوها..
وتموا ساكتين ولا حد فيهم تكلم
وماقطع سكوتهم الا صوت الدكتور ..
لو سمحتوا منو منكم من اهل المريضه ؟؟
روضه وبسرعه::انا بنتها دكتور خير؟؟
الدكتور::انا بغيت بنتها روضه وولدها سيف..
روضه::انا روضه وهذا هو سيف ولدها..
التفت سيف على روضه منصدم اول مره روضه تقول سيف ولدها ليش ماقالت اخويه سيف؟؟ شو الي صار..
وروضه من الصوب الثاني كانت تتقطع من الغيظ .. ليش سيف يصد عنها هذا كله علشان حرمته ؟؟ هي مالها حق بعد ؟؟
الدكتور::امكم تبا تشوفكم من نشت وهي تهاذي باساميكم..
سيف بفرحه::امي نشت ؟؟
الدكتور ::نشت وتبا تشوفكم بس بشرط.. بدون ازعاج ولا تحاولون انكم ترفعون ضغطها لان هالشي بيأثر على قلبها لانها توها ناشه من غيبوبة جلطه..
روضه:ان شالله دكتور
وطلعوا اثنيناتهم من غرفة الانتظار وتوجهوا لغرفة امهم..
-----------------------------------------------------------------------------------------------
دخلوا اثنيناتهم غرفة امهم
تموا واقفين مكانهم اول ماشافوا امهم..
روضه مب مصدقه ان الي تشوفها جدامها الحينه طايحه هي نفسها الي كانت تسولف وياهم من ايام ..
تمت تشوف الوايرات الي ممتده لها .. وتقول في خاطرها ::ياريتني يالغاليه لو كنت انا بدالج

وسيف واقف يشوف روضه ويشوف امه وماسك دموعه من هالي يشوفه
كل شي صار مره وحده ..
صدت ام سيف عليهم واشرتلهم يتقربون منها لانها ماكانت تقدر تتكلم بصوت عالي
تقربوا اثنيناتهم عليها ..
روضه وهي تصيح::ماما الحمدالله على السلامه ماتشوفين شر يالغاليه
سيف::ماتشوفين شر امي
ام سيف وبصوتها التعبان ::الشر ماييكم ..........
وتموا ساكتين حوال خمس دقايق بس كلهم كانوا يشوفون بعض..
قطع هالسكوت صوت الام::سيف..
سيف::امري يالغاليه ...
ام سيف:: بقولك شي بس مااباك تقاطعني فيه ..
سيف:: تامرين عيوني لج
ام سيف:: شفت هذي الس واقفه عدالي ..تراها اختك .. من لحمك ودمك مااوصيك عليها ..
روضه::امي انتي بتظهرين وانتي الي بتربيني مب حد ثاني غيرج
ام سيف:: روضه انا مب ضامنه عمري اتم حيه ولا لأ انا مابغي اقسى عليج بس هالواقع بيينا رضينا او رفضناه..وصدت على سيف مره ثانيه ..سيف اذا صارلي اي شي ترى هذي اختك الصغيره مااوصيك عليها تراها امانه عندك انته وعند حرمتك وعند خوالها مااوصيكم عليها
سيف وهو يداري دموعه :ان شالله امي ..ان شالله
دخل الدكتور على طول::لو سمحتوا خلص وقت الزياره خلوا المريضه ترتاح شوي هي محتاجه للراحه ولو سمحتوا ابى اشوفكم دقيقه في مكتبي
--------------------------------------------------------------------------------------------------
ياترى شو يبابهم الدكتور اكيد في شي

وان شالله بتعرفون في الجزء اليديد :)


اختكم::عجيد الريم ....

[عجيد الريم]

http://www.w6w.net/upload2/15-11-2005/w6w_20051115123714c2bc8f62.jpg

وهذا هو الجزء الخامس والسموحه :)

%%%


راحوا سيف وروضه عند الدكتور وهم في الطريج في بالهم الف فكره وفكره ..


طول الطريق وروضه تفكر وسيف يشوفها ويرد ينزل راسه ..

يوم وصلوا يلست روضه على الكرسي وسيف مجابلنها...

روضه وهي متلهفه ::ها دكتور بلاها امي؟؟

الدكتور::لاتخافين ياروضه امج بخير مافيها الا العافيه وهي تجاوزت مرحلة الخطر الحمدالله

سيف::عيل ليش زقرتنا مكتبك دكتور؟؟

الدكتور::انا مابخش عنكم شي بس انا راسلت دكتور في المانيا وسألته عن امكانية معالجة امك من الجلطه في الخارج ..واكتشفت ان في الخارج علاجهم اسرع واضمن خصوصاً.................

سيف::خصوصاً شو يادكتور..

الدكتور::شوفوا ونحنا نسوي لامك فحوصات عامه اكتشفنا بوجود ورم حميد في بطنها ..وهالورم اذا نحنا هديناه نخاف انه يكبر وينفجر

روضه::قصدك سرطان ؟؟
الدكتور::مانقدر نسميه سرطان الحينه ولكن اذا انترك اكثر بنسميه سرطان
سيف::وشو الحل دكتور؟؟
الدكتور::نحنا حجزنالها موعد بعد اسبوعين علشان تسوي عمليه وتشل هالورم بس هالعمليه تحتاج على الاقل سنه للعلاج ...
روضه::اوكي دكتور موافقين
سيف::لازم ابويه يوافق قبل
روضه::بابا مابيرفض اذا درى ان هالعلاج بينفع ماما
\الدكتور::انتوا شاوروه ونشوف ان شالله كل شي يتم بسهوله
روضه وسيف::ان شالله
سيف::يالله دكتور عن اذنك نحن سايرين نقول للوالد ونعطيه خبر ..
%%%%%%%%%%%%
طلعوا سيف وروضه من غرفة الدكتور...
واتصل سيف على طول بأبوه ..
سيف:: الو ابويه ..انته وين ؟؟
ابو سيف:: انا برع ادور بالسياره.. خير؟
سيف:: لا ماشي سلامة راسك بس شوي اباك تي المستشفى نباك في سالفه..
ابو سيف:: خير ان شالله ؟؟
سيف::لا خير بس نباك تي شوي
ابو سيف:: عشر دقايق وانا عندكم..
سيف:: اوكي نترياك.

سكر سيف عن ابوه .. ويوم صد يكلم روضه ماحصلها ...
تخبل سيف تم يدورها ويدورها في المستشفى... واخيراً حصلها عند باب حجرة امها تقرب منها سيف .. وشافها وهي حاطه راسها على الباب وسرحانه ..
مابغى يكلمها لانها طبيعي متضايقه من الي صار ..
سار عنها ودخل غرفة الانتظار..يتريا ابوه ..
%%%%%%%%%%%%%%%%





في غرفة الانتظار ...
اول مادخل سيف شاف حرمته وهي بعدها نفس يلستها






يلس عدالها سيف وقاللها.. ::بعدج متضايقه من الي استوى؟؟

هزت خوله راسها وقالت لا ..

هذيج اللحظه دخل الابو غرفة الانتظار..

الابو::سيفووه بلاها امك؟؟

اول ماحاول سيف انه يكلم ابوه دخلت روضه بسرعه وهي تصيح وقالتله ..

بابا ماما فيها سرطااااان

ماحست روضه بعمرها واغمى عليها هذيج اللحظه من كثر الصياح

تموا حوالي ساعه وهم يحاولون يواعون روضه بس ماقدروا ..


روضه تنش تشوف الي حواليها وتتذكر امها وترد مره ثانيه تطيح عليهم...

تم اخوها سيف وايد زايغ عليها بس مايقدر يسوي شي لها ... اول مره يحس انه بعيد عنها ومايقدر يسوي شي...









%%%%%%%%%%%%%%%%%%%





بعد اسبوع... وبالتحديد يوم السفر.

====================

تمت روضه واقفه عند حجرة امها وياها خوالها كلهم ومرت اخوها واخوها وابوها..

تم ابوها يكلم خوال روضه وقالهم ::مااوصيكم على رواض هالله هالله فيها ..

انا باخذ ولدي ويايه وروضوه بتم امانه عندكم انتوا وعند خوله ..

مااوصيكم


خالها احمد::لاتوصي حريص هذي بنتنا ياخوي انته سير وانته متطمن..

ابو سيف لف ويهه صوب روضه :: رواض...

روضه ::ها بابا..
ابو سيف::انا يمكن اتم وياامج سنه او اكثر حسب حالتها .. اول ماتخصلين دراسه على طول تيينا اوكي..وانا بتصل وبعطيج رقمي من هناك جان بغيتي اي شي انزين..
روضه::ان شالله بابا .. تسيرون وتردون بالسلامه...
كمل ابو سيف اجراءات سفره هو وولده وحرمته وساروا المطار ...











%%%%%%%%%%%%%%%%


في المطار::

=========

روضه سلمت على ابوها وتمت لاويه عليه بالقو وتصيح ..

وابوها يهديها ويقولها ان شالله بيردون وياامهم..

وسيف تم يسولف وياحرمته ويوم سلم عليها سار صوب روضه يبا يسلم عليها ..

مدت ايدها روضه وتمت تشوفه وهي متغصصه منه على حركاته السخيفه بس انجبرت تسلم هو في الاخير اخوها ...

وساروا كلهم..


ومن هاليوم قررت خوله انها تبدا لعبتها صح ....









اول ماردوا البيت



دخلت خوله وياروضه الصاله ... واول مادخلوا يلست روضه على اقرب كرسي وتمت سرحاااااااانه

كيف هالبيت بيستوي بدون امها .. وبدون اخوها وابوها ...

تذكرت ايام اول يوم امها تواعيها من الرقاد وماتطيع تنش يدخل سيف الحجره عليها ويناقز على الشبريه مثل اليهال ويسكر المكيف ويرها من شعرها ...

وتذكرت يوم يتيمعون على الريوق ... كيف يتناقرون سيف وروضه ويحطلها سيف ملح في الجاي وهي ماتدري...

تذكرت اشيا وايده وماحست بعمرها الا ودمعه حااااره على خدها ..ويوم انتبهت شافت خوله واقفه جدامها ...

مسحت دموعها على طول وشلت عباتها ويوم يت تدخل الحجره وقفتها خوله


خوله:روضه..

التفتت عليها روضه وقالت ::نعم؟؟

خوله::حبيبتي لاتخافين اكيد امج بتكون بخير وبتوصل بالسلامه اعتبريني اختج العوده او امج لا تتحسبيني مااحبج والله اني احبج ... انا ادريبج ضايجه مني بس من خوفي عليج والله
اول ماسمعت روضه هالكلام ركضت عند مرت اخوها ولوت عليها وتمت تصييييح
تمت خوله لاويه عليها ومن هناك ودها تصفعها بس مجبوره علشان تكتمل الخطه ...

بعد ماصاحت روضه مسكتها خوله وودتها الحجره ..
طاحت روضه على شبريتها وقالتلها خوله انها ترقد وترتاح ويوم بيأذن الظهر بواعيج بس ارتاحي اوكي ...
حبتها على راسها وطلعت من الحجره ...
واول ماظهرت قالت ::عساج ماتنشين من رقادج :marsa113:














%%%%%%%%%%%%%%%%%%%%%%%%%%%%





اول ماظهرت خوله من حجرة روضه على طول سارت عند التيلفون واتصلت في عهود اختها..








ام خوله::الو

خوله::السلام عليج امايا..

ام خوله ::عليج السلام هلا امي شحالج ؟؟عساج مرتاحه ..وشحال روضه الحين عساها بخير؟؟

خوله::الحمدالله بخير ...امي وين عهود؟؟

ام خوله ::في الحجره اتريي بزقرلج اياها..

خوله::بسرعه امي اباها...

..

تمت خوله تترياها خمس دقايق..

عهود::شوو
خوله::وسم شو شو متصله اطلب بيت شعبي ممكن ولا اتريا؟؟
عهود::البيت الي يطيح على راسج يامسودة الويه..
خوله::بلاج محرجه ايه ؟؟
عهود::بلاني محرجه الحين بتعرفين بلاني..اتريي..
وشغلت عهود شريط كان موجود عندها ..
تمت خوله تسمع الشريط وهي مصدووومه ..
خوله ::عهوووود..
عهود::الحين عرفتي جي انا محرجه يامسودة الويه ....
خوله::الحين بطرشلج الدريول وهاتي الاشرطه وياج ابا اسمعهم ..
عهود::انزين ..باي
سكرت خوله عن عهود وركضت برع وطرشت الدريول يسير اييب اختها من بيت امها..
وتمت خوله تحاتي..
مب معقوله كيف سجل صوتها .. ومتى وليش ..
افكار وايده كانت متضاربه في راسها.. ماعرفت كيف تتصرف...
تمت زااايغه ان هالاشرطه اتطيح في ايد ريلها ..شو بيسويبها....بيطلقها وبيضربها وبيفضحها بين الناس...
%%%%%%%%%%%%%%%%%%%








تمت خوله نص ساعه وهي تحاتي ..وتفكر متى وكيف وليش؟؟؟

[عجيد الريم]

فجأه سمعت حد يفتح الباب بكل قوته ...


حست خوله ان قلبها طاح في ريولها ...

يوم صدت شافت عهود ..


عهود وهي تفر الكيس في ويهها تفظلي عمتي خوله ...هذا سواد ويهج ...

خوله وهي مصدومه تشوف الكيس والاشيا المنتطره منه ..

شافت اشرطه واوراق ورسايل وبطاقات ...وورود...

خوله ... من وين ياج هالكيس؟

عهود وهي شوي وبتضربها :: من وين ياني ؟؟ الحينه تسألني وانتي حضرتج مسويه الشي وتتحسبين انج مابتنكشفين ...يامدام هذا الكيس يابلي اياه حمد ... حمد حب الطفوله الي حشرتيني فيه والي وعدتيه انج مابتاخذين غيره ...

خوله والدموع في عينها::وليش ياب هالشي؟؟

عهود::يبا ينساج الريال شو بيسوي في الاوراق والاشرطه ..؟؟ يبروزهن ولا يوزعهن على التسجيلات؟؟؟
خوله::ومتى سجل المكالمات كلها؟؟
عهود:: سجل هالمكالمات سلمج الله يوم كنتي حضرتج تكلمينه وزين منه الريال مافظحج زين منه فقير يابلي انا هالاشرطه ...
خوله ::تعالي الحجره بسرعه ابا اسمع هالاشرطه..
عهود::تفضلي جدامي...
دخلوا عهود وخوله الحجره .وسكروا على عمارهم الباب ..ويابت خوله المسجل وشغلت الشريط...
تموا يسمعون خوله وعهود الاشرطه ...
ولكن من ورى الباب..كانت روضه تسمع كل شي وماسكه عمرها تبا تدخل وتضرب خوله ..ولكنها ماتقدر تحاسبها على ماضي وانتهى.... ولا تبغي تقول حق اخوها لانها تعرف شكثر اخوها يحب خوله ....
%%%%%%%%%%%%%%%%%%%%%%%%%
يوم سمعوا كل الاشرطه..
على طول نشت عهود وقال::انا برد البيت واسمعي الاشرطه واقري الاوراق روحج لاعت جبدي من مشاكلج...
صخت عنها خوله وتمت تظهر الاوراق وتقراهن .. مانتبهت انها ظهرت...
اول مافتحت عهود الباب..
شافت الشي الي ماتوقعته ..
روضه كانت واقفه والدموع في عينها .. وتشوف عهود وهي محتررررقه ...
عهود على طول سكرت الباب علشان ماتشوفها خوله وتسويلها مشاكل...
عهود::روضه .....
روضه بصوت واطي::لاتيبين اسمي على لسانج ..انا شو ضريتكم فيه واخويه في شو ضركم عسب تسوون هذا كله؟؟
عهود خذت روضه ودخلتها حجرتها على طول
عهود:روضه الله يخليج لاتيبين هالطاري جدام حد ولا اختي مااعرف شو الي بتسويه هذيج الحزه فيني وفيج..روضوه انا مايخصني لاتحاسبوني على شي اختي سوته صدقيني مالي ذنب...
روضه بدت تهدى::اوعدج اني مابدخلج انتي ولا بفتح هالموضوع جدام حد لاني ادري شكثر اخويه يحب اختج...
نشت عهود وحبت روضه على راسها وظهرت من الحجره ...

ياترى شو الي بيصير الحينه وكيف بتتصرف خوله ؟؟؟














تابعوني ان شالله الأسبوع الياي يوم الثلاثا :)

[عيناويه وافتخر]

الف شكر لج اختي عالقصه


واتمنى انج تكملينها ولاتتاخرين علينا

[عجيد الريم]

الف شكر لج اختي عالقصه


واتمنى انج تكملينها ولاتتاخرين علينا


العفو أختي وان شالله هالمره أكيد مول مابتأخر :)

[عجيد الريم]

http://www.w6w.net/upload2/22-11-2005/w6w_2005112210415574e7b1ce.jpg

^^^^^^^^^^^^^^^^^^^^^^^^^^^^^^^^^^^^^^^^

طلعت عهود من حجرة روضه.....

اول ماسكرت الباب وراها تمت روضه مبهته في الباب وتتذكر كيف كان اخوها يموت على خوله..كيف سواها في عيونهم ملكة جمال... وملاك يمشي على الارض...وسواها هي الوحيده لي ماتغلط ...

كيف الحينه غلطت هالغلطه.... وكيف سجل هالولد صوتها؟؟ شو بيقول سيف يوم بيعرف عن هالسالفه؟؟؟

ماعرفت كيف تفكر وشو تسوي ...تقول لسيف؟؟؟ بس اذا قالتله اكيد بيتخبل هو يموت على خوله ..كيف بتتحمل انها تشوف اخوها في هالوضع؟؟؟ كيف بترضى انها تشوف اخوها تهتز صورة حبيبة قلبه والحب الوحيد في حياته ...كيف بترضى انها تشوف اغلى انسان تعتبره في حياتها ينكسر قلبه وهي واقفه ماتقدر تسوي شي؟؟؟

كيف تقدر تشوفه وهو يطيح في حفره عوووووووووده وماتقدر تساعده؟؟ هذيج اللحظه مابغت روضه تحط أي احتمال... ركضت الحمام وغسلت ويهها وتمت تغسل ويهها بعصبيه وتمسح شعرها حست ان الدنيا تدور هذيج اللحظه ... تمت حاطه راسها تحت الماي.. حاولت تنسى ...حاولت تهدى ...ماقدرت ....واخيراً قررت السكوت...

قررت تسكت وتنسى.. هذا ماضي شو فايدته الحين..

حاولت تبرر لخوله لكنها ماقدرت .... بغت تسوي أي شي يخفف هالحمل الثقيل عنها ... وفي الاخير قررت انه تخف من هالحمل الثقيل الي على راسها....





في جهة ثانيه من البيت وبالتحديد في غرفة سيف الاوليه



كانت خوله بعدها تشوف الاوراق وتقرا الرسايل الي كانت تكتبهم...

كيف فكرت في يوم انها تحب... غبيه طول عمرج ياخوله غبيه ..انتي الي عمرج ماحبيتي كنتي تحبين واحد غبي اسمه حمد... تمت تفكر..

كيف اتخلص من هالماضي الاسود؟؟ كيف اخلي حمد يتندم على انه فكر في يوم يضرني... ماشي الا احرقهم... لالا اذا حرقتهم بينتهي كل شي ومابنتقم منه ...

يتني الفكره ... عرفت كيف اضرب عصفورين بحجر... نشت خوله ويمعت كل الاوراق والاشرطه... وخشتهم في الكبت ... تحت الثياب... ويابت كم ظرف ويلست تدور عناوين ممكن انها تحتاجها للأنتقام ... تذكرت ان سيف كان دومه يحتفظ بالعناوين عسب وقت الحاجه ...

تمت تدور وحصلت العناوين ..ياترى الحين شو الي يدور في بالج ياخوله من مصايب؟؟؟؟




في حجرة روضه...



تمت روضه تدور موبايلها... تذكر انها حطته في السده الي عدال شبريتها .... يلست تدوره وتدوره واخر شي حصلته تحت موسدتها...اول ماشلت موبايلها فكرت على طول انه تتصل على تيلفون سيف عسب انها تقوله السالفه وعلى طول وبدون تفكير اتصلتبه بس سكرته على طول ....ماتبغي تدمر حب خوله في قلب سيف... فرت التيلفون على الشبريه ...وحطت راسها على الموسده ...وسكرت عيونها بس عسب تطرد فكرة انها تقول لسيف عن الي مسوتنه خوله ... على طوول تذكرت وحده ممكن انها تشل هالحمل وتساعدها في حل مشكلتها....على طول اتصلت في طرفه ....ربيعتها الي وقفت وياها في كل شي..

طرفه ::الو..

روضه::طروف الحقيني؟؟

طرفه وهي زايغه:::رواض بلاج؟؟؟؟

روضه::طرفه اكتشفت شي بس مااعرف شو اسوي؟؟

طرفه::شو مستوي رواض؟؟؟

روضه وبصوت واطي عسب ماتسمعها خوله :::طرفه خوله قبل ماتاخذ اخويه كانت تعرف واحد صح ..

خوله::انزين ..كملي..

روضه::هذا الي كان يكلمها يابلها اشرطه وهي تكلمه...وانا سمعت هالاشرطه بدون ماتدري خوله ...

طرفه::انا اعرف هالولد ...

روضه وبدون تفكير::عطيني رقمه...

طرفه::رواض لاتفقدين اعصابج....

روضه::خبريني شو اسوي؟؟؟ اشوف اخويه ينخدع وينقص عليه واسكت؟؟؟

طرفه ::شوفي رواض حمد ويايه في الدوام وانا اعرف رقمه ...بتصلبه وبتنشده وبرد عليج خبر...

روضه:: اوكي...

سكرت روضه عن طرفه ... وتمت تفكر شو الي بيقوللها حمد....

تمت روضه تدور في الغرفه وهي ماتعرف شو تسوي خاطرها هالدقيقه تسير حجرتها وتمسك خوله من كشتها وتذبحها... بس مع هذا لازم تسكت ...عشان ماينصدم حمد ...

تمت روضه تدور في الحجره وميوده التيلفون في ايدها... وفجأه انفتح الباب ...بسرعه خشت روضه التيلفون في مخباها|....

خوله::رواض حبيبتي متى نشيتي؟؟

روضه وهي متوتره::ها..ام هي..توه ..قصدي من ربع ساعه..

خوله::وجي ماظهرتي يوم انه من ربع ساعه؟؟

روضه::ااااااا لا الين ماتغسلت ورديت طحت على الفراش مره ثانيه ..عسب..عسب ان راسي يدور...

خوله وهي تشوفها بنظرة شك::اهاا اوكي ..خلاص حبيبتي اول ماتحسين عمرج بخير ..بتشوفين اكلج على الطاوله اوكي...

روضه::اوكي..

طلعت خوله وتمت واقفه عند الباب وشاكه فيها وتفكر ..:: معقوله روضه درت بالي استوى؟؟ ليش كانت مرتبكه اول مادخلت عليها؟؟ شو سالفتها؟؟ اول مره تكون بهالارتباك ..وشكلها مارقدت اكيد تجذب عليه...

تمت خوله حاطه اذنها عند باب الحجره حست ان روضه عندها شي...

بس روضه طلعت اذكى منها...

شافت من تحت الباب وشافت ان مرت اخوها بعدها موجوده...

قفلت الباب .. وفتحت كمبيوترها وحطت اغنيه وطولت عليها على اخر شي بس عسب يوم ان طرفه تتصل ماتسمع خوله الرمسه ...

تمت خوله واقفه مب طايعه تتحرك تحاول انها تلقط حركه من الي تستوي داخل بس ماقدرت ..صوت الاغنيه كان وايد عالي...

تمت خوله تقول في خاطرها... ::الله ياخذج ياروضوه طلعتي مب هينه وخبيثه بس بتشوفين عدل شو الي بيستوي بس اتريي عليه...

سارت خوله الصاله وشغلت التلفزيون ويلست تجلب القنوات ومن هناك .. هي مب مركزه على شي معين ... بس تفكر شو الي بتسويه الحينه وكيف تخطط لهذا كله ؟؟




من جهه ثانيه في البيت وتحديداً حجرة روضه


تمت روضه مطوله على الاغاني وهي من هناك مصدعه بس عسب ان مرت اخوها ماتسمع صوتها...

وتمت ماسكه التيلفون تتريا طرفه ...

فجأه رن التيلفون وشافت ان طرفه هي الي على الخط ...

بسرعه شلت التيلفون ...

روضه::الوو

طرفه وهي منصدمه:: وين انتي في عرس ...؟؟

روضه وهي تضحك::لا ترى هالعله واقفه عند الباب تتصوخ

طرفه::اهاااااااااااااااااا دومها.. المهم حبيبي اسمعي.. كلمت حمد

روضه::وشو قال؟؟

طرفه ::يوم كلمته قال ان هالاوراق والاشرطه هو عطاهم لعهود ..لانهن اذا تمن زياده عنده يمكن يتصرف فيهن تصرف ويندم عليه عقب.. وقالي اقولج .. لا تخافين هو مستحيل يفضح مرت اخوج ... هو مب النوع الطايش.. وجان بغيتي أي شي اعتبريه اخوج الثاني ...

روضه ::انا ماابغي شي منه بس قوليله ..اذا كان يعتبرني اخته صدق لا يقول لاي حد عن مرت اخويه ...

طرفه::رواضي ماعليج انا متاكده من حمد ...ريال بكل معنى الكلمه ... وهو مابيرد في رمسته ..بس كل الي ابغيه منج الحينه ... هو انج تستهدين بالله وتنسين الماضي... والحينه هي مرت اخوج ومستحيل تسوي شي غلط مره ثانيه ...

روضه :: اوكي مشكوره طرووفه دومي اتعبج بمصايبي...

طرفه ::افا عليج حبيبتي ولا يهمج ... نحنا خوات ...

[عجيد الريم]

سكرت طرفه عن روضه ...

ارتاحت روضه اخيراً من هالهم الي هي فيه ...وقررت انها تفتح صفحه يديده ويا خوله ...

سارت بدلت ثيابها وطلعت عسب ماتشك انها في الحجره وتخش شي عنها...

اول ماظهرت شافتها في الصاله مع انها تتوقع انه كانت عند الباب..

شافتها سرحاااااااااانه في عالم ثاني..

حتى انه دخلت ويلست وخوله مب حاسه فيها..

روضه:: ميري ...ميري...

دخلت ميري... ::yes rawdah??

روضه ::I am hungry please bring the lunch???

ميري:: ok

يوم انتبهت خوله ان روضه تكلم ميري.. صدت عليها ...

وقالتها:: ها اختي ظهرتي من الحجره ..ماشالله عليج ربي يحفظج ... عرس منو اليوم ؟؟؟

روضه وهي تضحك::شو اسوي ياختي كنت ابى اصحصح من هالرقاد المزمن ..وماشي زيغني كثر صوت الموسيقى..فاحترمت عمري وظهرت...

خوله كان ودها انها تنش وتضربها ضرب بس سكتت عنها لان كل شي بيي في الطريج وجاهز...

ومن باجر بتشوف شو بيستويبها روضه...

دخلت فجأه ميري ويلست تحط الغدا وكانت باااااااااااااااااارده سنه الين ماتحط صحن واحد...

نشت روضه وقالت::عمتي ميري ..نشي حبيبتي سيري المطبخ رقدتينا بيأذن العشا وانتي بعدج ماحطيتي صحن قومي انا بحط الغدا...

تمت خوله تشوفها وتضحك ...

حطت روضه الغدا ...

ونشت خوله تتغدى وياروضه ..تموا ياكلون ويوم خلصوا تمت روضه في الصاله ودخلت خوله حجرة سيف الاوليه وفتحت الكبت...

طلعت كل الرسايل ...

ووزعتهن على ظروف ...

وطلعت الاشرطه وحطتم كلهم في بوكس واحد

وكتبت العناويين على الظروف والبوكس وكتبت على كل ضرف "فاعل خير" وقررت انها تطرشهن فليل.....

في الصاله





كانت روضه يالسه في الصاله وتجلب القنوات ...

حاولت انها تريح نفسها من هالافكار الي تييها ...

لكنها ماقدرت يوم افتكت من سالفة خوله وحمد يتها سالفة امها ...

فعلاً حست انها مفتقده حد وانها محتاجه انها تكلم حد... حست انها خايفه وميته من الخوف...

كيف بيكون مصيرها اذا امها ماتت؟؟

كيف بتقدر تكمل حياتها من غير امها؟؟؟ هذيج اللحظه بالذات حست كأن حد صب عليها ماي حاااااااااااااااااااااااااااار...

نشت على طول من مكانها وتمت تدور في الصاله...تعوذت من ابليس وسارت حجرتها توضت وصلت ودعت من خااااااااااااطرها ان امها مايستويبها شي ..

وعقب ماصلت حست براحه عجيبه ...

ونفسيتها استوت احسن عن قبل...

سارت الصاله وكملت تجليب القنوات ..وطردت عن بالها هالافكار...





ياترى شو بيكون مصير ام روضه؟؟؟

وشو ناويه عليه خوله من مصايب؟؟

وشو الي يخبيه المستقبل من صدمات لروضه ؟؟؟

[عيناويه وافتخر]

مشكووووووووووووووووووووووره الشيخه عالبارت ونتريا البقيه

[ابوفيصل]

مشكوره اختي

في انتظار الجزء الجديد ...

[عجيد الريم]

عيناويه وافتخر ...

العفو فديتج وماتقصرين وان شالله عقب شوي بحط الجزء اليديد ...


ابوفيصل ...

العفو اخويه وان شالله بحط الجزء اليديد عقب شوي...

[عجيد الريم]

وهذا هو الجزء السابع والسموحه على القصور ...


تمت روضه في الصاله تجلب القنوات ...

وحطت على أي فلم ويلست تتابعه وتسلي وقتها فيه...



تمت روضه حوالي 3 ساعات وهي تشوف التلفزيون...

سارت تصلي العصر عقبها...

وعقب الصلاه ....سارت روضه عند التيلفون بغت تتصل في بيت خالها... تشوف شو اخبارهم ..

بس يوم اتصلت حصلته مشغول..

تمت روضه متملله وماتعرف شو تسوي ....

دخلت حجرتها وبطلت النت وتمت يالسه عليه وتشارك في المنتديات ...بس عسب تقضي على هالملل الي هي فيه...

تمت يالسه على النت الين الساعه 2 فليل....

بس تنش عن النت يوم بتسير تصلي وترجع...

ومن هذاك اليوم صارت روضه مدمنه على النت وعلى المنتديات...



تمت روضه حوالي اسبوع على هالحال...

على النت 24 ساعه...

وخوله تخطط شو الي ناويه تسويه عسب روضه....

من هذاك اليوم روضه اتصلت في ابوها مره وحده بس تتطمن على امها...

هي ماتعرف رقمهم هناك ...

بس خوله تعرف الرقم ...خوله تعمدت انها ماتعطيها الرقم عسب يستوي الي في بالها ....




بعد اسبوع


تحديداً يوم السبت ....

نشت خوله من الصبح...الساعه 6 الصبح

هاليوم بالذات بيبدا انتقامها الصح ....

نشت وشلت بوكس الرسايل والاشرطه...

وبدون ماحد يدري نشت وحطت البوكس في السياره ...

وسارت الين بيت خال روضه .... ويوم تأكدت ان محد جدام باب البيت.... نزلت من السياره وحطت البوكس جدام باب بيتهم ....

ووقفت بعيييييييييييييد ...اتريت حوالي ربع ساعه على اعصااااااابها... تبغي تعرف منو بياخذ البوكس...

عقب ربع ساعه بالضبط ظهرت بشكارتهم ويوم شافت البوكس خذته ودخلت داخل....

اخيراً ارتاحت خوله .... ان البوكس الحينه داخل عند اهل البيت....

شغلت مره ثانيه السياره وردت بيتهم ...


في بيت روضه


هذاك الوقت كانت روضه بعدها راقده ماكان لها قابليه انها تسير المدرسه فغابت ...

وكانت مثبته المنبه على الساعه 8 عسب تنش تساعد مرت اخوها في شغل البيت....

روضه كانت من امس فليل تحاول انها ترقد بس رقادها كان واااااايد مقطع يعني ترقد ساعه وبعدها تقفز من نومها ...

يوم غفلت روضه شوي حلمت انها طايحه في حفره عوووووووووووده والثعابين حواليها وهي تحاول انها تظهر من هالحفره بس مب قادره... ومب قادره تشوف شي من كثر الظلام ...بس تشوف الثعابين ...وهي تصررررررررخ في الحلم ...

شوي وردت قفزت من نومها ... من كثر ماكانت خايفه من هالكوابيس كانت ترقد والليت مبطل....

يوم نشت من رقادها ماقدرت تكمل ... سارت وتغسلت ... وردت طاحت على الفراش... وحاولت تغفل ...

من كثر ماكانت روضه تعبانه من هالاحلام ... تحت عيونها مسود ..ووايد ضعفت في هالاسبوع... وتعبت نفسيتها صدق صدق من الخااااااااااااااااطر....

يوم حاولت روضه انها تغفل شوي .. سمعت صوت مرت اخوها تزااااااااااااااعج ... ماعرفت شو الموضوع بس كل الي قدرت تسويه انها تنش من مكانها بسرعه وتطلع من الحجره ...

يوم ظهرت من الحجره سارت الصاله وشافت خوله ميوده البشكاره وتضربها ضرب...

ركضت روضه عند خوله وحاولت انها تخوز البشكاره عن خوله .... بس ماقدرت لان خوله كانت اقوى منها...

يلست روضه على الكرسي ...لانها واااااااااايد تعبت ..بس يوم شافت البشكاره تصصيييح غمضتها ... ردت ركضت ودزت البشكاره باقوى ماعندها لانها كانت بتموت في ايد خوله ... ومسكت خوله وحاولت تهديها ... بس ماقدرت خوله كانت محرجه واااااااااااااايد وتبغي تحط حرتها في أي حد جدامها....سحبتها روضه ويلستها على الكرسي.... .

يلست خوله على الكرسي وروضه عدالها...

حاولت روضه تهدي خوله ...

خوله مسكت روضه من ايدها باقوى ماعندها ...

خوله::اسمعيني روضوه من باجر مااشوفها اباها تنفد بلادها تفهمين ماابا احصلها في البيت باااااااجر

روضه::انزين ليش بلاج على الحرمه؟؟

خوله::شو بلاني تتخيلين ادخل الحجره واشوفها مبطله الكبت وماخذه ساعتي الي يايبلي اياها اخوج على الملجه.. شو تتحسب اذا ظهروا قوم امج من البيت بتروم تسرق؟؟؟

روضه:::ان شالله خلاص هدي انتي وباجر يصير خير...

خوله::انا اعرف الحينه شو اسوي...

نشت خوله من على الكرسي... وسارت صوب حجرة البشكاره ...

دزت الباب بكل قوتها ودخلت الحجره ..

سارت على طول صوب الكبت ... ويلست تظهر الثياب بكل عصبيه وتفرهم على الارض...وتفتش وهي معصبه وماتعرف شو تشوف بالضبط ولا تركز على شي لأن راسها كان يدور هذاك الوقت...

شوي ودخلت وراها روضه وهي زايغه على مرت اخوها وعلى البشكاره ...دخلت روضه ومسكت البشكاره وطلعتها من الحجره عشان ماتتولاها خوله وتجتلها...

خوله يتها مثل الحاله الهستيريه بس تمسك الثياب وتفرهن برع .. وتفتش وتبطل السدات ماخلت شي ماظهرته اخر شي ظهرت شنطة البشكاره من فوق الكبت وكانت شنطه عوده فتحتها ويلست تفر الثياب داخل الشنطه..

هذا كله وروضه واقفه مب عارفه شو تسوي بس كل الي قادره عليه انها توقف وتشوف خوله ...

بعد ماحطت خوله الاغراض في شنطة البشكاره مسكتها وفرتها برع وقالت للبشكاره اظهري من البيت سيري وين ماتبين مااباج عندي...

روضه مسكت خوله وحاولت انها تدخلها داخل البيت ..بس مارامت ..لان خوله كانت أقوى منها .. تمت خولوه تزاعج ..((اقولج ياروضوه تظهر من البيت الحينه ولا انا بظهر تفهميين ..ماابا أشوف ويهها في هالبيت بكبره ))

كل الي قدرت تقوله روضه هذاك الوقت... ((ان شالله خوله تامرين بس هدي وانا بتصرف...

دخلت خوله البيت ..وهي بعدها محرجه وتمت روضه واقفه برع ماتعرف كيف تتصرف ..تشوف البشكاره وغامضتنها ...تمت تشوف البشكاره وهي تصيح ومب قادره تسوي شي تخاف اذا خلتها مرت اخوها تظهر من البيت وتخاف تروغها وتقطع رزقها ...لكن ماكان باليد حيله غير انها تروغها في النهايه هذيج مرت اخوها ولو كان قرارها قاسي شوي ....

سارت روضه عند البشكاره ويوم وصلت عندها شافتها تصيح وتتنافض... غمضتها بس كان غصب عنها كل الي تسويه ...

قالتلها ميري ... لازم تسيرين تشوفيلج شغل ثاني انا مابقدر اخليج في البيت ... سيري المكتب الحينه وخليهم يدورولج شغل مكان ثاني بس اتريي شوي ...

دخلت روضه البيت وسارت صوب مكتب ابوها وبطلت التجوري محد كان عنده المفتاح الا روضه واخوها ... وطلعت منه معاش البشكاره وزياده يمكن تحتاج شي .. وبالصدفه طاح ظرف من التجوري على الارض...

وكان مكتوب على الظرف ... الى غاليتي روضه ... حاولت انها تفتح الظرف بس ماقدرت خافت ان السوسه مرت اخوها تدخل المكتب أي وقت فقالت بتسير تعطي البشكاره البيزات وبترد تاخذ الظرف وتسير تشوف شو فيه في الحجره ...

سكرت روضه التجوري بالمفتاح مره ثانيه وركضت برع عند البشكاره عطتها البيزات وجوازها وقالت حق الدريول يوديها المكتب ويقول انهم مايبونها وخليهم يدورولها شغل مكان ثاني ...

ردت روضه البيت مره ثانيه وسارت اول شي صوب حجرة مرت اخوها وحطت اذنها عند باب الحجره ويوم تاكدت ان مرت اخوها راقده ومالها أي صوت سارت صوب المكتب شوي شوي عشان ماتحس فيها خوله .. دخلت المكتب وفتحت التجوري وشلت الظرف وعلى طوووووول طلعت تركض الحجره ...

اول ماوصلت الممر الي يوديها الحجره تمت تمشي شوي شوي عشان ماتسمعها مرت اخوها لانها عادي اذا شافتها تسالها عن الظرف وتقراه وياها ...

دخلت روضه الحجره وسكرت الباب وراها وتأكدت انها قافلتنه عدل وسارت ويلست على شبريتها وبطلت الظرف

حصلت في هالظرف ..رساله وكم صوره ... اول شي شافت الصور ... اول صوره كانت صورتها يوم هي ياهل وابوها شالنها ومخيسه عمرها حلاوه ... شافت هالصوره وارتسمت ابتسامه على ويهها ودموعها في عينها ومب عارفه هاى الصور متى تصوروها ...وصوره لها هي واخوها يوم كانوا يهال ...

تمت تشوف الصور وسرحانه وفجأه تذكرت الاوراق ... حطت الصور على صوب وخذت الاوراق ..كانوا كذا ورقه ودفتر شيكات صغير ... تمت روضه تجلب الدفتر ومب عارفه ليش هالدفتر موجود ويالاوراق ولها هي بالذات ...

فتحت اول ورقه وكان مكتوب فيها هالرمسه من ابوها ...

((بسم الله الرحمن الرحيم ...

ابنتي الغاليه والحبيبه روضه ...

انتي اكيد مستغربه من هالظرف ومن هالصور والاوراق الي واصلتنج ... ومستغربه اكثر من الدفتر ..بس بغيت اقولج شي بسيط علشان اسافر وانا متطمن عليج ...

روضه حبيبتي ابغيج تقرين كل كلمه وتستوعبين عدل شو الي بقولج اياه ....

الاوراق الي موجوده ويا هالرساله هي اوراق التوكيل ... تقدرين تتصرفين في اشيا مثل البيع والشرا ولكن باشراف المحامي خصوصاً انج ماكملتي السن القانوني ومابيتم أي شي الا بموافقته وموافقة المحكمه ..وتقدرين انج تاخذين الفلوس الي تحتاجينها من البنك ... ومتى مابغيتي ...وهالشي كله لسبب وابغيج تستوعبينه عدل ...روضه ماابغيج تاخذين كل كلمه اقولها في هالرساله بحساسيه ... روضه حبيبتي تعرفين ان الدنيا حياه وممات ..وانا مااضمن عمري اذا ارد من السفر او لأ ... علشان جذه ابغيج تديرين بالج على عمرج وخصوصاً من اقرب الناس لج ..لانهم بس يحبون شي واحد وبيتمون يحبونه اكثر من عمارهم ..مابحاول اني اهز صورتهم في عينج ... ولا بحاول اني اشوه هذيج الصوره الي كنتي ماخذتنها عنهم من طفولتج ..ولكن ابغيج تاخذين حذرج ..واذا صار أي شي اتصلي على رقم المحامي الي موجود في البطاقه ...

هو يعرف انج بنتي ويعرف كل شي هو المحامي الي اتعامل وياه دوم .. اباج تتصليبه في اقرب وقت وتعطينه دفتر الشيكات عشان ماتطيح في ايد اقر ب ناسج وانتي تتوهقين ...
لاتنسين وصيتي لج

ابوج ...))



روضه ماصدقت عيونها تمت مثبته عيونها على الورقه حاولت تستوعب الموضوع لكنها ماقدرت ... ردت قرت الورقه مره ومرتين وثلاث ..تبا تعرف منو هذيل اقرب الناس الي ممكن انهم يغدرون فيها ؟؟؟ حاولت انها تفكر لكنها ماقدرت ...

شوي وحست انها ياها رقاد من كثر التعب مرت عليها اليوم مواقف خلتها صدق ميته من التعب ...

بس تذكرت انها لازم تتصل في المحامي علشنا ياخذ الدفتر وتفك عمرها من هالسالفه ...شلت موبايلها واتصلت على الرقم الموجود في الكرت ...

رن التيلفون وتمت يمكن دقيقتين وهي حاطتنه على اذنها ومستحيه واااااااايد مب عارفه شو تقول او شو تسوي تحس بعمرها كأنه حد صاب عليها ماي بااااااااااااااااارد ....



يوم يت بتسكر جان يرد عليها المحامي ...

[عجيد الريم]

المحامي::الو ...

روضه بارتباك ...:: الو السلام عليكم ..

المحامي :: عليكم السلام والرحمه ..نعم؟؟

روضه :: ممكن اكلم المحامي .. احمد ...

المحامي :: معاج المحامي احمد ..امري اختي ...

روضه :: انا روضه بنت عبدالرحمن.....

المحامي :: هلا اختي اسمحيلي الحينه عرفتج ...

روضه ::مسموح اخويه ... بس بغيت اطلب منك طلب..

المحامي ::امري اختي ...

روضه :: مايامر عليك عدو .....بس ابويه قبل مايسافر ودرلي ظرف ....وهالظرف فيه دفتر شيكات ... وكتبلي رساله اني لازم اسلملك الدفتر عشان مايطيح في ايد أي حد غريب ... فلو سمحت ابغي اعطيك اياه بسرعه لانه اذا طاح في ايد اهلي وخصوصاً.................................

المحامي:: خصوصاً منو ؟؟؟

روضه ::لا محد انسى المهم متى اقدر اسلملك اياه ؟؟

المحامي :: تبيني اييج البيت اشله ؟؟؟

روضه ::لالا الله يخليك .. مافيني حرمة اخويه تسويلي مشاكل ..انا بييك المكتب الحينه ان شالله شورايك ؟؟

المحامي ::خلاص تمام تعاليلي المكتب انا الحينه موجود ... حياج الله أي وقت ...

روضه ::الله يحييك ..مشكور

المحامي ::العفو اختي ...تامرين بشي ثاني بعد ؟؟

روضه ::مايامر عليك عدو ..

المحامي ::ولا عليج بس لو سمحتي اذا يبتي الدفتر هاتي الرساله ...الي كتبها ابوج ممكن ؟؟؟

روضه وهي متعجبه ::ليش ؟؟

المحامي ::ولا شي بس عسب اقولج شو الي لازم تسوينه ؟؟

روضه ::ان شالله تامر ....الحينه بييبلك الظرف بكبره ...مع السلامه ...

المحامي :: مع السلامه ...

اول ماسكرت روضه عن المحامي اتصلت في الدريول ..وقالتله عن المحامي اذا يعرفه ولا لأ ؟؟

الدريول كان يندل المكتب لانه كم مره سايرله ...

على طول نشت ولبست ثيابها وسارت على طول عند المحامي ...



ياترى شو الي بيصير الحينه ؟؟؟

وشو مصير روضه ؟؟؟

وشو الي بيسوونه اهلها ؟؟

ولوين بتوصل قصتها ؟؟



ان شالله الجزء اليديد بيعرفنا على اشياء جديده...

[ابوفيصل]

مشكوره اختي

في انتظار الجزء الجديد ...

[عيناويه وافتخر]

تسلمين الغاليه ومااااااتقصري
وننتظر الجزء اليديد

[عجيد الريم]

مشكوره اختي

في انتظار الجزء الجديد ...

العفو اخويه وان شالله يوم الثلاثا الجزء اليديد بيكون جاهز ....:)

[عجيد الريم]

http://www.w6w.net/upload2/07-12-2005/w6w_200512071347113ce154e9.jpg


والسموحه على التأخير ..
00000000000000000000000000000000000000000000000000

في السياره .. كانت روضه تفكر طوووووول الدرب ... كيف بتقابل المحامي وشو بتقوله بالضبط ؟؟ وليش يبغي يقرا الرساله ..اكيد السالفه فيها شي ..

تمت روضه تفكر وكانت افكارها مشتته بين امها المريضه الي ماتعرف هل هي بترجع البلاد ولا لأ ... او اخوها الي تغير عليها فجأه .. او خالها جاسم الي من سافر يدرس وهي ماتدري عنه متى بيرد ويفكها منهم .. او بأبوها الي ماتعرف رقمه برع البلاد ... تمت ملخبطه واااااااااااااايد وفكرها كان مشتت ...من كثر التفكير حست ان راسها بينفجر ....

ماقطع تفكيرها الا صوت الدريول وهو يكلمها .... ماما روضه وصل مكتب يالله .. صدت روضه صوب العماره الموجوده وشافت لوحه عووده مكتوب عليها اسم المحامي (( المحامي .. خليفه راشد..)) ..صدت مره ثانيه على الدريول وقالتله .. شوف محيي الدين اذا ماما خوله سوت تيلفون قوللها ان انا داخل جمعيه انزين لا تقوللها انا عند محامي ...

محي الدين :: جين ماما ...

فتحت روضه باب السياره وهي زاايغه..تمت يالسه ومب قادره انها تنزل ريلها من السياره .. تمت متردده تخاف تنزل وفي نفس الوقت ماعندها الا هالخيار .. ...قررت انها تنزل وفعلاً نزلت وعلى طول سارت صوب العماره ... شافت اللوحه المحطوطه عند المدخل وعرفت انه في الطابق الثالث ...توجهت صوب اللفت وهي خااااايفه .. واو ماتبطل اللفت دخلته وسارت الطابق الثالث على طول ...ويوم وصلت شافت المكتب جدام اللفت على طوووول .. فتحت الباب ودخلت المكتب تتلفت يمين ويسار تشوف المكتب ... انتبهت على صوت وحده تكلمها يوم التفتت شافت ان الي تكلمها هي السكرتيره.. ..

السكرتيره ::نعم اختي اساعدج في شي ؟؟؟

روضه بأرتباك:: امممممممممممممم.. السلام عليكم

السكرتيره بابتسامه : عليكم السلام ...

روضه وهي تبتسم بس بخوف ::ممكن اشوف المحامي خليفه لو سمحتي ؟؟

السكرتيره ::ممكن اعرف منو حضرتج ؟

روضه ::انا روضه عبد الرحمن ..

السكرتيره :: تفضلي استريحي الين مااقوله ...

روضه :: ان شالله بس لو سمحتي ابا اشوفه بسرعه لان محد يدري اني موجوده هنه ...

صدت السكرتيره على روضه وهي تشوفها وتطمنها :: لا تخافين آنسه روضه الحينه ان شالله بتدخلين مكتبه بسرعه بس استريحي وان شالله خير ...

ابتسمتلها روضه و سارت ويلست على الكرسي الموجود في مكتب السكرتيره الين مايأذنولها انها تدخل مكتب المدير .. يلست روضه بخوف ... تمت مرتبكه وماسكه شنطتها بأقوى ماعندها كأن حد بياخذ الشنطه عنها تمت تتلفت في المكتب وتشوف كل شي من كثر ماهي خايفه ..كانت تخاف ان مرت اخوها تعرف ان هي هنه ... وخافت ان أي شي يصير ويخليها تتندم على انها هي يت عند المحامي ..

تمت روضه تشوف يمين ويسار وتهز ريلها من كثر ماكانت خايفه .. وكل شوي تشوف الباب تخاف ان حد من اهلها يدخل ويشوفها انها هنه وتصيرلها سالفه ويسوولها سين وجيم .. وهي مب قد هذا كله ... ومب قادره انها تتحمل صدمه يديده ..

ماقطع خوفها الا صوت السكرتيره :: آنسه روضه تفضلي ادخلي عند المحامي ...

انتبهت روضه على الصوت وحاولت توقف لكنها ماكانت رايمه بسبب خوفها ..تمت تقرى على عمرها وتشجع نفسها وفي الاخير وقفت روضه وهي تتنافض زايغه وااايد وتمت تمشي بخطوات بطيئه الين ماوصلت مكتب المحامي .. دقت عليه الباب ..ورد عليها صوت المحامي من داخل ..

المحامي::تفضل..

فتحت روضه الباب شوي شوي ودشت المكتب ... شافت المحامي يمكن كبر ابوها ... وكان يشبهه وااايد كانت بتصيح بس مسكت عمرها ... نزلت راسها .. وسلمت عليه

روضه وهي مستحيه ::السلام عليكم والرحمه ...

وقف المحامي يوم شاف روضه ورد السلام وهو مستغرب ::عليكم السلام ورحمة الله ...تفضلي ..

يلست روضه جدام المكتب وتمت منزله راسها مب عارفه شو تقول ... كانت مرتبكه وااايد

كان المحامي مستغرب توقع ان روضه كبيره في السن وايد لكن كان شكلها صغير وملامحها صغيره وطفوليه تم يشوفها وهو مب حاس بعمره .. كان يشوف البراءه الي فيها ..كان يحس انها وحده من بناته .. خاف عليها مثل ابوها واكثر ... ..

الصوب الثاني...

روضه كانت مرتبكه ماتعرف كيف تبدأ بالسالفه ولكن المحامي اختصر عليها الموضوع وبدأ هو بالكلام ...

المحامي:: آنسه روضه شحالج ؟؟

روضه ::الحمدالله بخير ...

المحامي::تحبين تشربين شي ؟؟

روضه ::لا مشكوور ماتقصر ....

المحامي ::العفو ... طيب انسه روضه ممكن اشوف دفتر الشيكات ويالورقه الي كتبها لج الوالد قبل مايسافر؟؟؟

روضه بارتباك ::هاا ..هي الورقه .. ان شالله ..

طلعت روضه من شنطتها الظرف ..وعطته المحامي ..

المحامي خذ الظرف من ايد روضه وفتحه .. شاف في الظرف رساله ودفتر الشيكات ....

فتح الرساله وقراها ... ارتسمت ابتسامه على ويهه .. لكنها ابتسامه حزينه ..شاف شكثر ابو روضه يحبها ...

عقب ماانتهى من قراية الرسايل ...على طول زقر سكرتيرته ..

اول ماوصلت طلب منها انها تصور الرساله وتحط الرساله الاصليه في الملف .. والصوره يحطها في ملف ابوها ..

روضه تمت مستغربه وتشوف هذا كله يصير جدامها ومب فاهمه شي ..ليش صور الرساله وليش خذاها عنده ؟؟؟ ليش ماعطاها على الاقل نسخه من الرساله ؟؟؟ترددت بأنها تسأله .. ...لكنها بالأخير تجرأت وسألت المحامي ...

روضه ::عفواً بس ليش تصور الرساله وتحتفظ فيها ليش ماتكون عندي نسخه منها ؟؟

المحامي وهو يبتسم ..::شوفي ياروضه في اشياء وااااااااايده انتي ماتعرفينها وابوج وصاني الف مره اني مااخبرج عنها بس مثل ماتقولين هالشي احتياط وخذي هالنصيحه من واحد كبر ابوج ...لا تأمنين في حد خصوصاً الي انتي معتبرتنهم قراب منج ...وعن الرساله ....يمكن نحتاج هالرساله في يوم. وتخلينا نستدل على اشيا وايد ...

روضه وهي شوي وبتصيح وتشوف المحامي بنظره كلها اسئله :