من هي جنون [الأرشيف] - منتديات مرسى الإمارات

جنون

06-09-2005, 02:26 AM

شاركت قبل بنفس القصيده ولكن للأسف راحت مع اللي راح .. المهم حبيت أشارك فيها مره ثانيه .. فاعذروني

جنــــــــــــــــــــــــــــــــــــــــــون

أعترف قبل ما اتقولوا مجنونه .. عن شخص وإنســــان تجهلــــونه
مـو بالاســم تقـدروا تقيســـونه .. ولا باللـقب يمـكن تحسبـــــــــــونه
ولا بالجمــــــال اللي تشوفونه .. ولا بالمــــــــــــال تقدورا توزنونه
صبروا عليه إي مزيـــــــونـه .. وزينتي هي عقلي وفنــــــــــــونه
أنا الخيــال اللي انتوا تعرفونه .. أنا الحب والعشق لا تنســــــــــونه
أنا الصـدق ينبان في عيـــــونه .. وإلا الكـذب ما طيق وش تبونــــه
أنا الغريبه من صغري مديونه .. أدين للعــــالم بشي تتجاهلونـــــــه
ما هو بلغز انتـــوا بعد تدينونه .. ما ودي أضيــــــعكم لا تخبـــــونه
في قلوبنا هــــم وانتوا تناسونه .. وفي عيوننا دمــــــع ما تذرفونــــه
في وسطنا حب ضاع دلــــونه .. وفي خاطري شي مدري مضمونه
أدري الظلم ما تقدروا تمحونـه .. والحــــق بيظهر بس نطرونــــــه
حبوا الشعر قبل ما تنظمونــــه .. وقولــــوا الصـدق بالخير تحبونـه
أدري الخبال هذا اللي تشوفونه .. بــس أقول لكم قبل ما تقولونـــــه
إي والله مجنونــــه ومجنونــــه .. مو بس كذا أنا الجنـــــون بعيونه

مع تحياتي جنون

almorbaty

06-09-2005, 06:39 AM

#

اللي راح ..راح ياجنوووووووووووووون ..:marsa182:
وربك رايح يعدلها .. الحمد لله ماخسرنا شئ .. مادام حنا موجودين ..

والمرسى رايح يبقى شامخ :marsa99: بجهود اللي يحبونه والمخلصين والاوفياء اللي فيه
من اداره ومشرفين واعضاء ..
وقرًاء ..

وحسبنا الله ونعم الوكيل ..

وقال تعالى :

(( ولاتحسبن الله غافلا عما يفعل الظالمون ..
انما يؤخرهم ليوم تشخص فيه الابصار ..
مهطعين مقنعي رؤوسهم لايرتدًُ اليهم طرفهم وأفئدتهم هواء .. ))

ويقول تعالى

(( وسيعلم الذين ظلموا اي منقلب ينقلبون )) ..

ويقول تعالى

(( فذرهم في خوضهم يلعبون )) ..

لن نتوقف ولن نيأس وستدور العجلة والترس والسير الى ماشاء الله بعون الله ..

:marsa145:

لاياجنون .. قلبك حنون
قلبك عسل وهم يفهمون

لاوربي لا وربي
ترى ذولي كلهم حاسدون

يحسدون العبد في نعمه
وربي وراهم لو يمكرون

مهما اعتدوا .. مهما بغوا
حنا بنبقى صامدون

وهم بيبقون كارهين
وحنا دوم المنتصرون

لا ياجنون .. لاياجنون
انت شاعره بالمشاعر

وهم خليهم يحقدون
وحنا بنبقى .. مميزون ..

شكرا ياجنون على اعادتك لقصيدتك الجميلة الراااااااااائعه
ونتمنى لك الاستمرار .. كما نتمنى لانفسنا المتابعة الشيقه ..

سلمت يمناك
ولك ِ مليون تحيه من القلب ..

:marsa70:

#

فراشة النور

06-09-2005, 09:10 AM

جنون
اعجبني قلمك وكلماتك الي استعملتها
اعجبتني جملك واعجبتني قصيدتك
فقدت كلماتي التي كنت سأقولها عند ردي
لكن الشكر لك على هذا المجهود الرائع

همس العيون

06-09-2005, 02:32 PM

هلا جنون ...
شحــــــــــــــــــــــــــــــالج..
...
الصراحة قصيدج ,,وااااااااااااااااااااااااايد حلوة...
وزين انج تعترفيلهم بالحقيقة...خخخخخ
بس بعد حلوة..

وتسلمين...

جنون

06-09-2005, 02:36 PM

السلام عليكم
اشحالكم ..
المرباطي لوسفير هموس ::مشكورين على الرد مره ثانيه على القصيده .. بس وين النقد .. ؟؟؟؟

غلا العين

10-09-2005, 02:30 PM

صح لسان جنون ثرج خطيره وانا مادري يله ابا قصيده لي هالمره ما يخصني ..

جنون

13-09-2005, 02:51 AM

غلويه .. تسلمين ولا إيهمج من عيوني .. بس إنتي ما يبالج أي قصيده.

اطياف الذكريات

13-09-2005, 07:53 PM

مشكووووورة جنونووو الغالية على القصيدة .. تدرين شي يالسبالة .. كتاباتج احسن مني .. بس تدرييين ما احسدج لأني اعتزلت الساحة الفني الشعرية ههه .. عساج على القوة جنون كلماااتج ذهبية .. تحياتي

Msha3r

14-09-2005, 03:36 AM

http://www.3e6r.net/data/media/15/26_2.jpg

غاليتي...

ج
ن
و
ن

أحيانا يكون الفرح هو حزنا بذاته..
وأحيانا تكون الحياه هي الموت..
وأحيانا تكون الراحه هي التعب بمعانيه..

وأحيانا يكون الجنون هو العقل بذاته...

كلماتك لامست مشاااعري وقلبي ..
أحسست بأنها تعبر عني..
وشعرت بأنك أنا... وأنني أنتي...

فيا من كانت عاقلة بجنونها...
هنيــــــــــــــــــــئا لك ولنا بهذا الجنون...

دامت لكي السعاااده..

جنون

14-09-2005, 10:11 AM

مشكووووورة جنونووو الغالية على القصيدة .. تدرين شي يالسبالة .. كتاباتج احسن مني .. بس تدرييين ما احسدج لأني اعتزلت الساحة الفني الشعرية ههه .. عساج على القوة جنون كلماااتج ذهبية .. تحياتي

أطيافووووووووه:: عيوني .. مشكوره يا الغاليه .. بس عاد بعدين بخق .. :marsa16:
وحتى أنا ما أحسد عمري .. :marsa3: ..

جنون

14-09-2005, 10:15 AM

أختي مشاعر..
بارك الله فيك .. وجزاك الله ألف خير.. أسعدتني كلماتك .. بل والله إني أفخر بها ..

*بنت البوادي*

15-09-2005, 08:42 PM

سلامي عليج و على هالقصيد الحلو و الغاوي:marsa194:
و ربي يعطيج الصحه و العافيه و يسمح لج دروبج ..
و يحفظج و يخليج لهلج .. و حبيت اقولج ان الي فات مات ..
و ما تنتهي او تتوقف الحياه عنده .. نصيحه مجرب ..
ولا ؟؟ .. .. المهم تسلمين :marsa191:

سلامي عليج ،،
بنت البوادي.. ;)

جنون

17-09-2005, 01:34 AM

سلامي عليج و على هالقصيد الحلو و الغاوي:marsa194:
و ربي يعطيج الصحه و العافيه و يسمح لج دروبج ..
و يحفظج و يخليج لهلج .. و حبيت اقولج ان الي فات مات ..
و ما تنتهي او تتوقف الحياه عنده .. نصيحه مجرب ..
ولا ؟؟ .. .. المهم تسلمين :marsa191:

سلامي عليج ،،
بنت البوادي.. ;)

ربي يسلمج يا بنت البوادي .. أسعدتي أسعدك الله دنيا وآخر ..
مشكوره على التعليق .. :marsa3:

جلنار

06-02-2006, 08:58 AM

هذي جنون صح بس وينها الحين ؟؟؟؟؟؟؟؟؟؟؟؟؟؟؟؟؟؟؟؟؟؟؟:marsa55:
كلماتج رهيبة أصلا أنتي كلج فن
ما عليج كلام
يحفظج الله يالغالية

ريم الدمـــاني

06-02-2006, 06:01 PM

مرحبا اختي
][ جنون ][
روعة روعة ..
اسمحيلي بس انا ما عندي اي انتقاد للقصيدة
عجيبة الصراحة
تووب ودومها قصايدج توووب .. ماشالله عليج
السموحة عالرد المتأخر حبوبة
:)

شـامسيــة وبــس

07-02-2006, 01:00 PM

..:..هيه والله وانا اشهد على خبالج ... ومجنونه من يوم يومج .. ..:..
][ جنونتي ][
إي والله مجنونــــه ومجنونــــه .. ..مو بس كذا أنا الجنـــــون بعيونه

.:.
تصوير حلو .. وكلمات رائعه

تسلم يمناج ..على طرحج الجنوني .. بارك الله فيج

لك مني كل الود

اختج